Post: #1 Title: .. تسـابيح القمر .. Author: ماجدة عوض خوجلى Date: 02-10-2009, 00:10 AM Parent: #0
Post: #2 Title: Re: .. تسـابيح القمر .. Author: ماجدة عوض خوجلى Date: 02-10-2009, 00:31 AM Parent: #1
بــوح العبيـر
وردتان و قبلة الوردة الاولى تزود من قنديل الشفق مـن زخـات الفجـر
Post: #3 Title: Re: .. تسـابيح القمر .. Author: ماجدة عوض خوجلى Date: 02-10-2009, 01:04 AM Parent: #2
من بوح الألق من تسابيح القمر وتمائم العشق أتيتك عنادل ضوء أتوزع في الغسق إشراقا.... حبلى بحدائق الورد أتسلل ظلال نخل أقتفي ظلّك لأحط على كفك يمامة.... ها أنا أحمل فوق أهدابي أيقونة بوصلة بحار..... أمتطي الغيوم غيمة ...غيمة وأوقظ الأصداف من غفوتها
هى مجموعة خواطر متناثرة .. تتحكم فيها حالة القلب والذى يعيش فى دقاته .. ومن انساب فيه وفى عينيه عنوانى .. هو كلى وانا كله ..بعضها منه والبعض له ...
Post: #4 Title: Re: .. تسـابيح القمر .. Author: ماجدة عوض خوجلى Date: 02-10-2009, 01:14 AM Parent: #3
من تسابيح القمر كانت حروفه في البدء كانت أنثى ثم تقمصتني حبيبة تميتني وتحيني أقبل جبينها جبين القمر يا زهرة الترحال والإياب من السفر
حبيبتي.. أيا امرأة تتقمصني ضاق جسدي بك، قصي حبل المشيمة بمقص الذهب وضعي الحجر الأساس لحياة تشرد أرعن. تيهي في براري القصيدة وانبجسي فكرة شاردة أغنية غجرية واصنعي الإيقاع من صدى هذا الفراغ. حلقي في سماوات المجاز بجناحين من خيال وإن شح ضوؤهما اغمسيهما في بحيرة الشمس وأضيئي مجهولا متواريا خلف غيوم الصمت. تدثري بالتيه
Post: #5 Title: Re: .. تسـابيح القمر .. Author: ماجدة عوض خوجلى Date: 02-10-2009, 01:46 AM Parent: #4
ياحبيبا يشتهيك عمرى مثلك تشردت فى التاملات فى محاوله للاصغاء جيدا لمعزوفات اللقاء الاول بيننا عندها قلت له الـــتامـــلات فى حبــــك هدايــة وخـــرائط واضحــة !! ياحبيبــا تمـلا دنـياى وعمرى وقلــبى يامن زينت بعينيك اعيـــاد عمــرى وشجــرة سنينى ،
Post: #6 Title: Re: .. تسـابيح القمر .. Author: Baha Elhadi Date: 02-10-2009, 02:04 AM Parent: #5
في البدء كانت أنثى ثم تقمصتني حبيبة تميتني وتحيني أقبل جبينها جبين القمر
هي هي حبيبة الروح وصديقة العمر
هي هي يا ماجدة آسرة البوح غامضة النفح والقرنفل يعبق من بين أناملها همسا حنونا وضوء قمر في ليل صيفي
هي هي أواه من هذا البوح ماأجمله ما أحيلاه إذا صادف من يستحقه
ماجدة الروح والسمت لك مساء يخضله بوح العشق الندي وتظلله غيمات حنونات لك ودي بهاء/طوكيو
Post: #8 Title: Re: .. تسـابيح القمر .. Author: ماجدة عوض خوجلى Date: 02-10-2009, 02:19 AM Parent: #6
Quote: ماجدة الروح والسمت لك مساء يخضله بوح العشق الندي وتظلله غيمات حنونات لك ودي بهاء/طوكيو
بهاء ربنا يديك الفى مرادك وتظللك غيمـات هيفـاء مكان تقبل اسمع كلامـى بس وقـول امين .. اخبارك كيف كلو ماشى ذى ماانت عايز انشالله .. من قلت مساء معناها انو انتو يومك يادوب بدا واحنايومنا قرب ينتهى .. تسلم يارب من كل شر ...
Post: #7 Title: Re: .. تسـابيح القمر .. Author: ماجدة عوض خوجلى Date: 02-10-2009, 02:07 AM Parent: #5
يامن زرعت الامال والاحــلام فى غابـات عينى ســـوف لن أوقد شموعي واحرق بخوري واشعــــل شمـوعى بانتظارك يا من لا يحلـو العيد بدونــك ولن أودع عامى هذا لأنك جئتني فيه ولن اودع شهرى هذا لانك كنت معى فيه
Post: #9 Title: Re: .. تسـابيح القمر .. Author: Baha Elhadi Date: 02-10-2009, 02:27 AM Parent: #7
ماجدة : يا نقية الروح ماء سلسبيل
هي ورد الصبح وترانيم المساء هي (مسبحة) الروح هي سراج وهاج في دياجير ظلمات النفس الأمارة تارات
هي تغلغل وإنسراب ذرات الماء في عروق شجيرة الروح
تنسرب إليك يا ماجدة بهدوء النسمة وتلقائية الطفولة البريئة
هي حياة الحياة وروح الروح
ماجدة: أتنفسها وأهجس بعشق الحياة خلالها الليل ... القمر وإنعكاساته النسمة الرقيقة ... أصوات غناء نائية أصوات أطفال تتناغم تمايل شجيرات وإهتزازها هي ... هي حين تعرج الروح في مسارب ضيها وتنسكب حشاشات عشق ندية ساعتئذ تهطالها يطل على الروح ويغمرها تفتح عينيك وتبسط يديك وتجد خيط واهي من طيفها رحل ليبدأ ليلك الحزين دونها حتام الرجوع لحديقة الروح الزاهية ؟ حتام ... حتام؟ مللت غربة الروح عنها بهاء /طوكيو ماجدة: فلنسمها تداعيات ما بعد العشق مكسب؟
Post: #10 Title: Re: .. تسـابيح القمر .. Author: منصوري Date: 02-10-2009, 06:14 AM Parent: #9
كلام في الأدب والفن والذوق والعشق رفيع يا ماجدة..يحتاج لشفافية عالية..وحس زول ذواق..
Quote: كلام في الأدب والفن والذوق والعشق رفيع يا ماجدة..يحتاج لشفافية عالية..وحس زول ذواق..
فى بداية بوستى كتبت ان كل شئ لايدوم الا الهوى هبة السماء ونعمة الرب العظيم والنفس مابتكتسب شفافيتها الا فى حالة انو الله سبحانه وتعالى جعل لها من الاسباب مايجعل كل هذا ممكن .. اعطانى القدر ماجعل النفس تمتلئ بالحب والروح تكتسى بكل ماهومفرح وسخر لى من الاسباب مايجعلنى ارى ببصيرة القلب والاحساس .. انت ايضا تمتلك حسا رفيع وفن فى مد الاخريين فى كلمات بها من الدفعات المعنوية مايعين على الاستمرار شكرا لك منصورى على كلماتك التى جعلتنى احسن اننى قد اديت شكر يومى لمن اعطانى .. تسلم يارب من كل شر ...
Quote: هي ورد الصبح وترانيم المساء هي (مسبحة) الروح هي سراج وهاج في دياجير ظلمات النفس الأمارة تارات
هي تغلغل وإنسراب ذرات الماء في عروق شجيرة الروح
تنسرب إليك يا ماجدة بهدوء النسمة وتلقائية الطفولة البريئة
هي حياة الحياة وروح الروح
ماجدة: أتنفسها وأهجس بعشق الحياة خلالها الليل ... القمر وإنعكاساته النسمة الرقيقة ... أصوات غناء نائية أصوات أطفال تتناغم تمايل شجيرات وإهتزازها هي ... هي حين تعرج الروح في مسارب ضيها وتنسكب حشاشات عشق ندية ساعتئذ تهطالها يطل على الروح ويغمرها تفتح عينيك وتبسط يديك وتجد خيط واهي من طيفها رحل ليبدأ ليلك الحزين دونها حتام الرجوع لحديقة الروح الزاهية ؟ حتام ... حتام؟ مللت غربة الروح عنها بهاء /طوكيو ماجدة: فلنسمها تداعيات ما بعد العشق مكسب؟
بهاء المطر لايهطل الابعد تجمع الغيم وحتى الغيم عندو اسباب لايكون الغيم غيم الا بعد اكتمال اسبابه التامة بدون نقصان المطر الانا بتكلم عليه وانت بتقصدو هو مطر اخر لمن يهطل يخص القلب خيرو والقلب هو الحياة وبتلقى انو على غير العادة المعروفه فى المطر العام البيخص الجميع الادوار مابتتبادل يظل المطر هو المطر والغيم هو الغيم ولكن المطر الخاص بتتبادل الغيمة والمطرة الادوار فيه فانا احيانا اكون غيمته البتساعدو على الهطول وكما هو الان غيمتى التى تضلننى وتبعد عنى جفاف الروح فتزداد مقدرتى على الهطول .. لااحد يستطيع العيش بدون روح وعارفه انا مدى ارتباطك بتوائم روحك .. عنى روحى لاتفارقنى هى معى دائما وابدا تتخلل مسامتى وتسكن انفاسى .. داعوتى لك بمواسم امطار لاتكف ولاينضب معينها ...فى انتظارك بهاء وتداعيات مابعد العشق ... تسلم يارب من كل شر ...
Post: #87 Title: Re: .. تسـابيح القمر .. Author: عوض حمزة Date: 03-02-2009, 00:12 AM Parent: #3
لك المجد يا ماجدة
امتطتى صهوة تلك الغيوم وهرولى بين الحناية ..
---
هنا انتظر لانهل حصتى من نبعكم الصافى
ابداع حقيقى يا ماجدة...
واصلى
Post: #100 Title: Re: .. تسـابيح القمر .. Author: ماجدة عوض خوجلى Date: 03-05-2009, 02:23 AM Parent: #87
Quote: لك المجد يا ماجدة
امتطتى صهوة تلك الغيوم وهرولى بين الحناية ..
---
هنا انتظر لانهل حصتى من نبعكم الصافى
ابداع حقيقى يا ماجدة...
واصلى
لولاكم ماكانت تكون لى قدرة على الهروله ولا صفى نبعى ..المبدعون الحقيقون هم انتم اختيار مفرداتكم التى تزينون لى بها بوستى هذا هى صاحبه لها الفضل الكبير فى تحفيزى اتمنى ان امتطتى الغيم عيمة غيمة حتى يتاح لى ان اصل الى الحنايا تسلم عوض حمزة من كل شر يارب ..
Post: #11 Title: Re: .. تسـابيح القمر .. Author: mutasim Hameed Date: 02-10-2009, 06:28 AM Parent: #1
ماجده أختي .. وأخت أختي منى .. ما قالوا : أخو أخوك أخوك .. كلمتك يوم الولد عمل حادث تتذكري ؟؟ ما يشوف شر وما تشوفي شر .. وإنشاء الله دايماً شركم مقسم فوق الدقشم .. أهه كدي الأنعدل واتفرج في موضوعك السمح ده .. بالجد لوحة كل أركانها تكمل كل أركانها .. بس قولي ليا .. البت دي الجابها في الحته دي شنو ؟؟ والله أكان ما جات كان اللوحة باظت .. ظلال .. ظلال .. ظلال .. غاية في الروعة .. يا ماجده ..
Quote: ماجده أختي .. وأخت أختي منى .. ما قالوا : أخو أخوك أخوك .. كلمتك يوم الولد عمل حادث تتذكري ؟؟ ما يشوف شر وما تشوفي شر .. وإنشاء الله دايماً شركم مقسم فوق الدقشم .. أهه كدي الأنعدل واتفرج في موضوعك السمح ده .. بالجد لوحة كل أركانها تكمل كل أركانها .. بس قولي ليا .. البت دي الجابها في الحته دي شنو ؟؟ والله أكان ما جات كان اللوحة باظت ..
اهلا بيك كتير بالتاكيد اخوى وسعيدة والله بخوتك بتذكرك طبعا كويس وشكرا على دعواتك الطيبة، وانت انشالله بخير وامورك كلها تمام اها بعد النجيك لحكاية اللوحة فى الحقيقة البت قاعدة فى محلها لكن القمر هو الجاها وكلامك صحيح ميه المية لو البنت اللوحة مابتكتمل ولو ماالقمر كانت بتكون ناقصة كتير يعنى الاتنين مكملين لبعض ..سعيدة بمدخلتك تســـلم يارب ..
Post: #12 Title: Re: .. تسـابيح القمر .. Author: أبوذر بابكر Date: 02-10-2009, 06:43 AM Parent: #1
قد زارنا القمر صباحا
أصر على انتظار مقدم الشمس ليحكى لنا عما غزلته نجمات المساء من أغنيات على أطراف مناديل العشاق
عن الذين قضوا ليلهم قياما، يتلون تراتيل الوجد
ويسبحون بوجه الحبيب
شكرا يا ايتها الماجدة
شكرا على دعوة القمر
ونشوتنا
Post: #13 Title: Re: .. تسـابيح القمر .. Author: سمية الحسن طلحة Date: 02-10-2009, 07:18 AM Parent: #12
الماجدة ماجدة مرحى بك ياعزيزتي وعودة تأملاتك الوضيئة البهية كوجه القمر سابحًا في تسابيحه
لك محبتي المقيمة ...
Post: #14 Title: Re: .. تسـابيح القمر .. Author: ابو جهينة Date: 02-10-2009, 07:20 AM Parent: #13
حلقي في سماوات المجاز بجناحين من خيال وإن شح ضوؤهما اغمسيهما في بحيرة الشمس وأضيئي مجهولا متواريا خلف غيوم الصمت. تدثري بالتيه
سلام ماجدة
Post: #15 Title: Re: .. تسـابيح القمر .. Author: اميمة مصطفى سند Date: 02-10-2009, 08:52 AM Parent: #14
Post: #16 Title: Re: .. تسـابيح القمر .. Author: ismeil abbas Date: 02-10-2009, 09:33 AM Parent: #15
أختنا ماجدة
لك السلام والتحية
ياله من ضياء جميل..وشعاع خافض عم المكان....أقترح عليك أن تكتبى مع تسابيح القمر لاتفتح هذا البوست نهارآ..لتكتمل بهجة البوست بروعة الزمان..
لك خالص ودى ولمن تعزى...ووين اختنا منى قاطعة الطلة.....مودتى..إسماعيل محمد احمد عباس...
ياله من ضياء جميل..وشعاع خافض عم المكان....أقترح عليك أن تكتبى مع تسابيح القمر لاتفتح هذا البوست نهارآ..لتكتمل بهجة البوست بروعة الزمان..
لك خالص ودى ولمن تعزى...ووين اختنا منى قاطعة الطلة.....مودتى..إسماعيل محمد احمد عباس...
لا يكتمل اى ضياء الا اذا اكتملت مقومات هذا الضياء التى بدونها يكون باهت الضوء خالى من الحياة بل يكون جمادا يدخل الحزن الى القلب .. كلماتك وكلمات كل من زين لى تسابيح القمر بحرف او بقراته هى عندى مقومات هذا الضياء بدونك .. وبدون ماتمدوننى به من دفعات معنوية تعنيننى وتكون حافز لى ارى نفسى كمن يزرع فى ارض جدباء لا رجاء فيها .. ولك منى كل التقدير والود .. تسلمى اخى اسماعيل من كل شر يارب ..
Post: #43 Title: Re: .. تسـابيح القمر .. Author: ماجدة عوض خوجلى Date: 02-15-2009, 00:15 AM Parent: #14
Quote: حلقي في سماوات المجاز بجناحين من خيال وإن شح ضوؤهما اغمسيهما في بحيرة الشمس وأضيئي مجهولا متواريا خلف غيوم الصمت. تدثري بالتيه
سلام ماجدة
ولك وعليك السلام ابوجهينة دائما وابدا هو معى .. نحلق معا فوق الغيوم .. نجوب السمــاء .. قد رسـم فى قوس قزح .. فلا يغيب أبدا من سمائي .. فجعل القمر مكتملا .. وموكب الأنجم النيرات يزن مسائي .. اتانى بعنادل ضوء .. جعلنى اتوزع فى الغسق .. اشراقا ..
أصر على انتظار مقدم الشمس ليحكى لنا عما غزلته نجمات المساء من أغنيات على أطراف مناديل العشاق
عن الذين قضوا ليلهم قياما، يتلون تراتيل الوجد
ويسبحون بوجه الحبيب
شكرا يا ايتها الماجدة
شكرا على دعوة القمر
ونشوتنا
ومااجمل زيارتك ياصاحب كل البشارات البهية والاشارت السنية .. مااسعدنى والقمر بك يامن طوعت حرفك حتى سبحت به الحدائق وصلت له الحقول هل باحت لك النجمات بسر الوجود ؟ اما زال الماء يكتب لك على وجهك ويعيطك سـر الخلود ؟ هل مازلت تحلم بزواج بين حلم الريح ونوم الارض بين روح السماء وحسد الارض بين دم المساء وشوق النبض .. هل حدثتك نجماتك انى قد طلبت منهما ان ترصد لى دربى مدخل الى السماء ؟ لا اتعلم منك كيف يكون التدثر مثلك .. من وهج البريق وروح الندى وكل قوافل الاشواق .. تسلم من كل شر ياصاحب رفعت الارض النون
Post: #18 Title: Re: .. تسـابيح القمر .. Author: ابوعسل السيد احمد Date: 02-10-2009, 01:51 PM Parent: #1
يا ماجدة..
هذه كتابة باذخة جدا.. هنيئا لمن سكن القلب بها و قد سافر في الوجدان هكذا...
هذه كتابة باذخة جدا.. هنيئا لمن سكن القلب بها و قد سافر في الوجدان هكذا...
محبتي
وهنيئا لى به .. وهنيئا لى بحروفك التى اكن لها الكثير من الاعجاب .. احب كتاباتك وكثيرا مااعانتنى على بعض تقلبات الاحوال وساعدتنى على رؤيه كثير من المدن لندن ليس من ضمنها .. ولك محبتى واحترامى .. تسلم يارب ...
Post: #19 Title: Re: .. تسـابيح القمر .. Author: هاشم أحمد خلف الله Date: 02-10-2009, 01:56 PM Parent: #1
انتي القمر عالية في سماك والنجوم نورا خافت في ضياك والغمام يهواك يهطل في مداك والطيور تغريدا من فرحة لقاك والشمس غابت خجل نامت هناك والكل يطالع طلتك يسهر معاك
ماجدة الماجدة انتي الحب والجمال أسال المولى عز وجل أن ينعم عليك بالصحة والعافية وطول العمر .
Quote: انتي القمر عالية في سماك والنجوم نورا خافت في ضياك والغمام يهواك يهطل في مداك والطيور تغريدا من فرحة لقاك والشمس غابت خجل نامت هناك والكل يطالع طلتك يسهر معاك
ماجدة الماجدة انتي الحب والجمال أسال المولى عز وجل أن ينعم عليك بالصحة والعافية وطول العمر .
هذه الأبيات خرجت دون إذن ودون سؤال
هاشم معروف انو الكلام البياخدو ليهو اذن وسؤال مابيكون صافى خاصه اذا كان كلام طالع للقربيبن من نفسنا .. تعرف معزتى ومعزته ومانكنه لك من ود..لا تحتاج اذن كما لااحتاج انا ايضا اذن للتعبر عما فى نفسى تجاهك من مؤدة تسعك وتسع معك كل من تحب ربنا يديك العافية هاشم وتسلم يارب ...
ســـر الـــروح حبيبتى حولك تطوف النجوم وحرائق المسافة.... إليكَ يأتي طفل الروح المحلّى في هذا الصباح بالرحيق ؛ لك العطر والورد والنشيد حدائق الشعر والنثر الومضة / الهذوة المرتجاة ارتعاش النبض في الوريد... وعتاب بلبل الفجر بحنينٍ شفّهُ الوجد الرهيف
Post: #28 Title: Re: .. تسـابيح القمر .. Author: rosemen osman Date: 02-12-2009, 05:53 PM Parent: #26
تسبحين ويبتسم القمر وتتلاعب أضواءه المتراقصة هنا وهناك راسمة القبول والبركات وتهويمات صوفية
خباتك فى بين المسام والنبض دعيني أرى برقـك..، و رعدك أسموا بطيفك عاليا... و أوقعيني...؟؟ كي أحسك و لــو بالألــم و أمنعيني...؟؟ دعيــني أعــبر حــبك.. أغوص عمقك.... و ودعــيني... دعــيني أتـــنفس طــيبتك قـسوتك..أنزلـيني داخـلك.. ثمّ ارفعــيني..؟؟ دعــيني أحـــبك... أتـربع على عــرشك... إن شئت بــعدها.. فودعيني...؟؟ دعــيني ألامس عــمقك... أتــجرع حـبك أتــذوقك... و امنعيني...؟؟ دعــيني أرى وفـاءك... أمنك..ثم إن شئت أخدعيني...!! دعيني أجدك... تجـدينني..
Post: #34 Title: Re: .. تسـابيح القمر .. Author: سلمى الشيخ سلامة Date: 02-13-2009, 02:57 AM Parent: #31
قمر اربعتاشر كان ( فاكهتنا ) ووسيطنا في اللعب والترفيه ، ففى تلك الايام لم يكن التلفزيون قد دخل الينا بعد ، ولم يتعارض مع الحبوبات اللاتى غذيننا بالاحاجى وميزننا بذاكرة ملؤها الخيال الذي ازعم انه فتح امامنا مغاليق ماكان لها ان تفتح لولا وجودهن في حياتنا 0 اما القمر فله وجه آخر في حياتنا ،فهو يمثل موقعا خاصا لدى الشعراء سواء كلاسيكيين او حديثين ، ياخذ ملامح الحبيبة التى لا يدانى جمالها سوى القمر
وجه القمر سافر يضوى شعاعو نور زاخر يا بدر ساءلك جاوب ليش اخوك نافر ؟
ورغم ان المعنية هي الحبيبة، لكن الكلمات تصاغ فى قالب ذكورى ، لذلك نزعم ان الاسماء تجئ من فضاء التذكير هذا ( قمر الدين ، قمر الدولة ، قمر الانبياء ) الخ لكنه لحظة ارتباطه بالاناث فهو ( قمر ) لذلك يجئ على النحو التالى :
ياالقمرة يا القمرة امرقى السنسنة الحمرا شوفى حبيبي وين ما جا ؟
او تجده حليفا للحبيب معية آخرين :
ما بنسي ليلة كنا تايهين في سمر انا وانت والنيل والقمر
وتجده مذكرا له قامة شامخة لا تطال ، بعيدة
يا قمر انا ما بطولك ادينى من نورك وميض عشان انور وابقى طولك يا قمر
والقمر احد رموز الجمال المطلق
يا قمر دورين انا شفتك وين ؟
وهو 0 غرة ورمزا للنصاعة في الراي
يا قمر دورين يا ضي المشارق غرة دار ابوك
هو دائما مذكر ، قليلا ما تجده مؤنثا
ورغم اثبات العلماء لوجود وجه آخر للقمر، وجه ملئ بالصخور وتنعدم فيه الحياة ، حتي الان على الاقل ، لكن ذلك لم يخلخل ما جبلنا عليه من حب للقمر ، لم تتغير النظرة الى القمر ، بل امعنت في مخاطبته علي نحو من الحب اللعميق
الصغيرونة قشيشة الاراك يا قمر عشرة الفي سماك شاغلة روحى وقلبى المعاك وين لقيتك لامن اباك ؟ القمر بوبا عليك تقيل
والقمر بوبا الوارد في النص هو تسمية لصندل ( شبشب ) سادت موضته كما حدثتنى امى 0 المفارقة هنا ان الحبيب يرى ان ذلك الصندل ثقيلا علي محبوبته لرقتها !!! لكنها هي القمرة ، وقشيشة الاراك ويشكل القمر وجودا فى حياتنا ، خاصة افراحنا ، فهو يشبه العريس ، والعروس معا فالعريس هو:
قمر السبوع الداير الليلة عب وساير
Post: #35 Title: Re: .. تسـابيح القمر .. Author: تبارك شيخ الدين جبريل Date: 02-13-2009, 03:08 AM Parent: #34
يا سلمى ...
القمر الملعون الهبشتى بيهو ماجدة دا ... موديل سنة كم؟
القمر الملعون الهبشتى بيهو ماجدة دا ... موديل سنة كم؟
(أيامكن فلنتاين يا بنات امى!)
ياتبارك القمر ده لاعندو موديل ولا حتى فى شبهو انت بتكون بالتاكيد سمعت اغنية قمريين دنياى اهو ده واحد منهم .. وياريت كل اللعنه تكون زيو تسلم تبارك يارب ...
Post: #36 Title: Re: .. تسـابيح القمر .. Author: Baha Elhadi Date: 02-13-2009, 03:28 AM Parent: #34
الأخوات الرائعات : ماجدة +سلمى: دوما أجد نكهة خاصة لما أفرأ لكن بورك في حرفكن الندي
بعد استشارة ذوي الحس العالي وقدامي العشاق اتضح يا أختي سلمى : أن القمر بوبا ثوب وليس صندل والمعنى أقرب من حيث الثقل أن يقال أن الثوب ثقيل عليها لرقتها وصغر سنها وهذا أجدر في المعنى من الصندل بدلالة قشيشة الأراك ‘ذن هي رقيقة كما القشة: لليونتها ورقتها وليس القشة أم روح لكما فائق مودتي بهاء
Post: #37 Title: Re: .. تسـابيح القمر .. Author: تبارك شيخ الدين جبريل Date: 02-13-2009, 03:34 AM Parent: #36
تصحيح:
أيامكن فلنتائن .....
.. المهم ....
Post: #38 Title: Re: .. تسـابيح القمر .. Author: مدثر محمد ادم Date: 02-13-2009, 12:39 PM Parent: #37
الرائعة بت خوجلي اهلا بالدهشة الاولي
Quote: في البدء كانت أنثى ثم تقمصتني حبيبة تميتني وتحيني أقبل جبينها جبين القمر يا زهرة الترحال والإياب من السفر
حبيبتي.. أيا امرأة تتقمصني ضاق جسدي بك، قصي حبل المشيمة بمقص الذهب وضعي الحجر الأساس لحياة تشرد أرعن. تيهي في براري القصيدة وانبجسي فكرة شاردة أغنية غجرية واصنعي الإيقاع من صدى هذا الفراغ. حلقي في سماوات المجاز بجناحين من خيال وإن شح ضوؤهما اغمسيهما في بحيرة الشمس وأضيئي مجهولا متواريا خلف غيوم الصمت. تدثري بالتيه
مدثر مافى اروع من حروفك اردبيها عليك تايه في الحنين غربه ولاجئ عن وطن في عيون حبيبة ومعزب بنزوح الروح للحقيقة وبادي يومي بالهم الم وشمسو طالعة علي مغبشة بالسحاب عليها الغبار طرحة مكدحة ظن وصباحو مكندك بالدم ومجروح خاطرو شبق حتى الشجر فيهو حارن يوشوش للعصافير الصوتا سكت من الغنى واحترت اندهاش ساعة غلبني الرسم لملمت حروفي وشلت قلمي ومشيت علي المساء لقيت قمرو غارق شراب في كاسات الاسى حيران حزن وبين النجوم مترنح جرح ومنتشئ من الالم ويتلادح مع السماء ويتف في الارض كل الشربو من الاسى واشوف فيهو ضؤ امل طشاش ويجيني من جواي صوت الزات طنطنة واسمع من الغيب سؤال بهمهمة صيح باكر يمكن يكون اجمل ؟ جد شى جميل ويدخل القلب بدون تعب يسلم قلمك مدثر وتسلم من كل شر يارب ...
Post: #39 Title: Re: .. تسـابيح القمر .. Author: تبارك شيخ الدين جبريل Date: 02-13-2009, 02:48 PM Parent: #36
Post: #44 Title: Re: .. تسـابيح القمر .. Author: ماجدة عوض خوجلى Date: 02-15-2009, 00:46 AM Parent: #42
نبض القلب حين انت ايها .. الكائن فى القلب والمكنون .. ايها ساكن في الحس .. وكائن في الغيب .. يامن هو فى القلب .. يا صانع المطر .. يا عاشق الرياح...والأخطار .. هاانا قد خبأتَ في عينيك .. إبتسامة النهار ..
Post: #45 Title: Re: .. تسـابيح القمر .. Author: ابراهيم على ابراهيم المحامى Date: 02-15-2009, 08:37 AM Parent: #44
وكان لنا موعدا في المساء جميل كقامتهافي الضباب رقيق كماء ومن شغفي باللقاء رأيت الدقيقة عاما ورحت اشيخ جسمي غمام شتاء وعصاتي عكاز ريح وجاءت وما عرفتني استراحت قليلا ثم راحت
Quote: وكان لنا موعدا في المساء جميل كقامتهافي الضباب رقيق كماء ومن شغفي باللقاء رأيت الدقيقة عاما ورحت اشيخ جسمي غمام شتاء وعصاتي عكاز ريح وجاءت وما عرفتني استراحت قليلا ثم راحت
ابراهيم الم يدعوك الغمام الى الصبر وحذرك من ان تضيق وتضجر الم يقل لك ان العشق هو الحياة وانك ان مت فيه فانت حيا وان حييت بدونه فانت ميت فحقك انت ان تحب وتموت حبا وسوف تعذرا اخبارك كيف انشالله بخير تسلم يارب من كل شر انت ..
حروف عفيفه كحروف اسمه عفيف وكلها له .. يــابحر عشقــى مَن الأكثر اشتياقا للآخر أيّتها الآخر يا بحر سوى الأصفر والأخضر الذي في بحر صمت يأخذه الزّائرون مع أنفسهم أنّى مضى البحر بين طيّاته الذكريات والقول العشق والسفينة الراسية بدل النّورس من هو المشتاق من بيننا مَن الأكثر اشتياقا للآخر أيّها الآخر يا بحر عشقي .
حبيبتي.. أيا امرأة تتقمصني ضاق جسدي بك، قصي حبل المشيمة بمقص الذهب وضعي الحجر الأساس لحياة تشرد أرعن. تيهي في براري القصيدة وانبجسي فكرة شاردة أغنية غجرية واصنعي الإيقاع من صدى هذا الفراغ. حلقي في سماوات المجاز بجناحين من خيال وإن شح ضوؤهما اغمسيهما في بحيرة الشمس وأضيئي مجهولا متواريا خلف غيوم الصمت. تدثري بالتيه
_________________________
اغنية غجرية تصنع صدع فراغاتها فى برارى ايامنا المهترئة الغياب
ناهد حين ارى حرف لك واراك احس بك ترتفعين إلى سماء الديار ونرتفع معكى نحن ارى حرفك مرتع بالايماء والجهر حينا فيستيقظ الكل مصيخا السمع كيفك حبيبه انتى تسلمى يارب من كل شـر ...
قمرين دنيانا واحد فى سماكم والتانى معاى اى ده هو حبيبى هو هو حبيبى فى الليل فى الشاطئ محل نجوانا والنيل وامواجو بقت عارفانه نعوم حبيبى مشتاااقين انتى وين تسلمى يارب من كل شر ...
Post: #80 Title: Re: .. تسـابيح القمر .. Author: ماجدة عوض خوجلى Date: 03-01-2009, 00:09 AM Parent: #47
Quote: بنت عمي الحبيبه ماجده الماجده
" مَن الأكثر اشتياقا للآخر أيّتها الآخر يا بحر سوى الأصفر والأخضر "
* يا داووووووووووووووود !
و أيه الخلاني أحبك يا جميل ؟
و انتظر الاصفر الاخضر في المســاءْ هيأ له أعراس الوجود وكنت انا والاخر ياااا ايها الاخر كل منا اكثر شوقـا للاخر للبحر للغيم للسماء فكسوت برد الليل
لفحاً من وهيج الشوق
وأشعلت الغناءْ عجز البحر عن السؤال فقد امتلئ الاصفر بالاخضر شوقا حتى فاض حسن الله يديك العافية طمنا عليك تسلم انت من كل شر ..
كما تعيش انت فى الوجدان استلقيت على عشب الطمأنينة وغفــوت في حضن الحروف لأنـــك أنتِ معـانيــها استيقظ كل مطلـع شعــــر على صبـــاح حبــي لك وكأنه موسيقـا البـلابـــل وجمال الليالك .. أعيش حبك في وجداني..
Post: #57 Title: Re: .. تسـابيح القمر .. Author: ماجدة عوض خوجلى Date: 02-20-2009, 11:26 AM Parent: #54
الاعزاء محمد حسن الطيب .. روز .. مجدى الشيخ .. سلوم .. تبارك شيخ الدين ..مدثر محمد ادم .. بهاء الهادى .. ابراهيم على ابراهيم .. نعومى .. حسن .. مجدى الوردة دى للتعبير عن احساسى تجاه الحروف الزينتو لى بيها بوستى واعتذار عن تاخير الرد الغير مقصود حال القلب والنفس فى الايام الفاتت كان مليان حزن لاننا بقينا ناقصين .. احساسنا ببعض فى الغربه وتواجدنا فى مكان واحد كان بيخفف علينا فقدنا واحساسنا بالغربه عن بلدنا بقينا بيت كبير تسكنو اسرة واحدة سودانية نفس السودان بصورة مصغرة نحتمى ببعضنا البعض عند الاحساس بالغربه نخفف عن بعضنا مايصيبنا الدهر به من كربه المعروفه عندما يزداد الصقيع حولنا نزداد التصاقا ببعضنا لنستمد الدفء من هذا الالتصاق معا فى كل كبيرة وصغيرة ابنائنا هم ابناء الجميع افراحنا هى افراح الجميع احزاننا هى احزان الجميع .. كنا عندما نقوم بتوديع احد افراد اسرتنا الكبيرة ممن قررو الرجوع الى السودان او الى اى من بلاد الله الاخرى الواسعه كان الاحساس بوجع هذا الفراق يلازمنا ولا يخف الا برجوعة الينا فى اجازة او بالاتصال المتواصل به لكن يظل الفراق هو الموجع .. اخاف ان اكتب عن الموت لاخوفا منه فهو سبيل الاولين والاخرين وكلنا اليه ولااعتراض على ارداة الله سبحانه وتعالى .. ولكن الاحساس بالموت فيما يعنينا نحن الذين لم نمت فمن مات فهو بين يدى عفوكريم رحيم بعباده .. لكننا نحن الذين تتمكلنا الحسرة وتمتلئ قلوبنا بها ويسكننا الحزن على من فقدناهم على من كانو يزينون لنا ايامنا ويجعلون من وجودنا فى مكان كل مافيه يختلف عن كل ماكنا فيه وتعودنا عليه .. حضرنا الى لندن وحياتنا مليانه اسى وحزن كبير كاسى ايامنا واحساسا بالقهر واللوعه هو الكان مسيطر على احولنا احساسنا بالظلم والغبن على فقدنا لمن رحل مغدورا مظلوم وبدون وداع .. مليانين قهر من جبروت من حرمنا حتى معرفه مكان دفن حبايبنا فلم نقل لهم وداعا عند مغادرتنا فلم يكن فى مقدارنا تحمل ظلم ان نكون فى مكان واحد ولانعرف اين دفن احبائناأه مش انا قلت انا بخاف انى اتكلم عن الموت .. وجود الكثيرين ممن سبقونا الى هنا هو من خفف علينا كل ماذكرت جعلونا نستعيد الاحساس بالحياة وتمسكا بها .. اكتست ايام لندن بالحزن الكبير الذى دخل كل قلوبنا وبيوتنا بدات لندن عندنا تفقد بريق الحياة فيها وبدا الاسى العميق يكون طابع ايامها فنحن بدانا نفقد اسباب الفرح فلقد نقص عدد افراد اسرتنا الكبيرة فكيف يكون الفرح بدونهم ..اصبح بيتنا الكبير كل يوم يودع احد افراده واصبحت الحسرة على من مضى منا وسبقنا تجعل تجعل حزننا عليهم ومن سبقوهم دائما وابدا مقيما فينا وتجعل لندن مدينه للحزن ويسكنها الحزانى .. معليش اعذورنى الكلام مرتب طالع هو ذى ماطلع وبدون ترتيب ..برجع ليكم واحد واحد باذن الله للرد عليكم تسلمو يارب ..
كخيوط الفجـر عني تنبـثق أستطيـب المـاء مـا مـر به ويطيب العـشب والشوك يطيب وإذا حـلَّ مكانـــاً خـافـيـاً دلَّني الشـوق وقادتني الدروب بحتُ بالأسرار ولم أكـتم ولـم أقوَ أن يحصرها الكون الرحيـب يستطيب الماء من همس هوانا ويطيب العشب والشوك يطيب لم نكتم هوانا افصحت الاشواق عنه وكتب فى ضوء القمر واعلنه النجم البعيد
Post: #67 Title: Re: .. تسـابيح القمر .. Author: ماجدة عوض خوجلى Date: 02-24-2009, 00:56 AM Parent: #62
تراودينى فى يقظة الاحلام خوفي عليكِ من اشتعال اللفظ فيك و توهج الحرف . خوفي عليكِ من حرقتها الكلمات و شوقها الفواصل المسافرة في دمي أخافُ من موج الحكايا
بعض من حروف ابتـــهالاتــ القمر يا تقي الصّبر يا صابر التّقوى ...يا هذا الغريب صبرنا...ما عاد يشبه صبرك، صبرنا نومٌ من المساء...إلى السماء من السماء إلى المساء، من المغيب إلى المغيب وصبرك يا سيدي مجاهدة ويقظة. يا تقي الصبر يا صابر التقوى يا هذا الغريب ان كنت تبحث عن سؤال أو جواب نحن الإجابة... سيدي نحن السؤال...!
Post: #72 Title: Re: .. تسـابيح القمر .. Author: ماجدة عوض خوجلى Date: 02-26-2009, 00:15 AM Parent: #36
Quote: الأخوات الرائعات : ماجدة +سلمى: دوما أجد نكهة خاصة لما أفرأ لكن بورك في حرفكن الندي
بعد استشارة ذوي الحس العالي وقدامي العشاق اتضح يا أختي سلمى : أن القمر بوبا ثوب وليس صندل والمعنى أقرب من حيث الثقل أن يقال أن الثوب ثقيل عليها لرقتها وصغر سنها وهذا أجدر في المعنى من الصندل بدلالة قشيشة الأراك ‘ذن هي رقيقة كما القشة: لليونتها ورقتها وليس القشة أم روح لكما فائق مودتي بهاء
يابهاء ماظنيت انو فى انسان ممكن مايكون بينو وبين القمر وداد او على اضعف الايمان معجب بيهو خاصة لمن تكون السما صافيه ومافيها غيرو والنجوم طبعا برضو النجوم ممكن يكون عندها البيكنو لها الوداد ومعجبين بيها عن نفسى انا عندى نجمة صحبتى شديد تصدق يابهاء شفت انت النجوم فى السما بتكون قدر شنو لكن انا كنت بعرف نجمتى من بين كل النجوم عموما ده موضوع تانى نرجع للقمرنا زى ماقلت لمن السما تكون صافيه القمر بيدينا كل الاسباب البتحلينا نشوف جمالو ونحن مستسلمين ليهو تمام ومسلمين امرنا واحساسناوقول واحد فينا يشوف فيهو اعايز يشوفو وشاعرنا الراحل اسماعيل حسن الف رحمه عليه لمن كتب القمر بوبا الصغيرة شجيرة الأراك ياقمر عشرة الفي سماك شاغلة روحي وقلبي المعاك وين لقيتك لامن آباك القمر بوبا عليك تقيل
العيون الما بدمعن نامن أو صاحيات يبرقن لا بصيدن لا بعشقن سرهن في الجوف يحرقن كشفن رموشن أو غمضن كلو موت ماتقول برحمن القمر بوبا عليك تقيل
الصغيرون الما كبير الرقيبة قزازة عصير السنون براقن يشيل العيون متل الفناجيل مابتحش قش التناقير مابتشيل جردل على البير الزراق فوقا تقول حرير شتتي الشبال يام ضمير خلي قلوب الصبيان تطير انتي ريحتك دمور فرير ولا بت السودان اصيل القمر بوبا عليك تقيل
الجزيرى ام بحرا حما فيك روحي وحبي النما مابسيبا ان بقا في السما ما بخلي الناس تظلما روحي في دربك سايما يا غرق يا جيت حازما القمر بوبا عليك تقيل
القديما قديم الحمام الوزيزين في موجو عام ياما رايقة قليلة الكلام وا حلاتا تقول السلام القمر بوبا عليك تقيل
الغزال الفوق في السلم المحبة تزيد الألم كل يوم اصبح لي في هم سيسبان عودك منظم شمعدان نفسك يام ختم البرتكان نهدك مدردم القمر بوبا عليك تقيل
الصغيرونة ام الجنا ياكريم ربي تسلما تبعد الشر من حلتا جنة للأم الولدتا الفي جبل عرفات وضعتا تسلم البطن الجابتا دي ترباية حبوبتا التميرة الفي سبيطتا الصفار صابغ خضرتا ومعذورة امها كان دستا وا هلاكي الناس شافتا معذباني ... ود حلتا القمر بوبا عليك تقيل
الدفيفيق الدابو ني البسيمتو بتكويني كي اهلو ضنو عليها وعلي حبها النساني والدي ما بخليك ان بقيت حي يا قصيبة السكر الني نهدك الما رضع جني ووب على امك ووبين علي القمر بوبا عليك تقيل
الديوان الديمة مقشوش بالزهور والورد معروش بالحرير الأصلي مفروش ريحتو مايقوما بلا رتوش كان دا وصفو ماهو مغشوش قدروا الساكنينو في الحوش القمر بوبا عليك تقيل
بحر الدميرى العبّا ونزل مرة يسقي الفل والنخل فيهو عام وزينا وقدل ياحنينة البيك عقلي انشغل بعت روحي عشان ليك اصل وانت ابعد لي من زحل يا قمر بوبا عليك تقيل
المبارك شيخ الظهر العليك ساسقت وفتر قلي جنيت ولا دستر واي أنا المرضان مكنتر جابو لي حكيم خير وشر قالي يا زول مرضك كتر سببك ام شلاخا خضر القمر بوبا عليك تقيل لمن يكون السما صافى صدقنى بتلقى الاوصاف دى كلها موجوده فى القمر بس حته الريحة دى المابنقدر نغتى فيها وبرضو السبب اننا مابنقدر نطولو علشان نشوف قصة الريحة مش برضو اتقالت كلامات فى الحته كان للقمر الخاص ولا لقمرالله الواحد ده يا قمر انا ما بطولك ادينى من نورك وميض عشان انور وابقى طولك يا قمر فى كل الحالات انا عن نفس شيفاها بتمشى مع الانتين الخاص .. وحق الله حقنا كلنا عندى سؤال ليك يا بهاء تفتكر الشاعر لمن كتب الكلمات دى بيكون شاف القمر فى الاول وبدين قابل البشبه الصفات ولا بيكون قابل ست الوصف فى الاول ولقاها بتشبه القمر ؟ تسلم يابهاء من كل شر يارب
Post: #66 Title: Re: .. تسـابيح القمر .. Author: ماجدة عوض خوجلى Date: 02-24-2009, 00:48 AM Parent: #34
سلوم حبيبة ..فى الشمالية وتحديدا فى منطقتنا الزومة ايام حصاد التمر كنت بمشى مع حبوبتى وجدى بحكم انهم هم الربونى وكنت عايشة معاهم .. فى كل سنه كانو بيمشو يحضرو الحصاد وده كان موسم لكل شى بدا من الحصاد ..انتهاء بالزواج فكل واحد عندو نيه الزواج كان الوقت المناسب هو موسم حصاد التمر ..وده كان سبب لحضور اهلنا المشتيتين وين وين انهم يتواجدو فى الزومة طبعا الموسم ماكان للزومة بسه كان لكل الشماليه بدا لكن بالنسبة لى انا كانت الزومة هى محل اقامتى .. حقيقة كان موسم كبير للفرح اها بعد الناس يرجعو من تحت (تحت بيقولوها للجناين كانو بيقولو مدلين تحت ) كان بيدا يومنا احنا والكان غالبا بيكون بعد صلاة العشا وهنابدات العلاقة مع القمر كنا بنقعد فى حلقة كبيرة اهم مافيها سماحه النفس ونقاء جميل الى حد خرافى.. بساطنا رملة بيضه زى نية اهلى الحنان ونورناكان ضى القمر عارفه ياسلمى .. من شدة استمتاعى بالحولى وبالونسة الدايرة كنت بكون حريصه انى اسمع اكتر شديد وكانت حكاوى وشعر وطبعا اغلب الشعركان للقمر فيهو نصيب الاسد .. وبحكم معرفتنا للمقصودة بالقمر منو كنت دايما بحاول اعمل مقارنه بين القمر الحقيقى الفوق والقمر القاعد معانا فى رملتنا دى .. بدات الحكايه معاى كده لكن شوية شوية بقت للقمر الفوق بس وبدايت احفظ الاشكال البتظهر فيهو وكنت بزعل لمن مايكون واضح شديد وبحس انو فى حاجه زعلتو علشان ..كده صغير من الحزن ولمن يكون كبير وواضح بحس بانو سعيدومن شدة سعادتو ملى لينا الدنيا نور والله ياسلوم الليله رجعتينى لزمن جميل خلاص .. وفعلا وحقيقة ده اجمل وصف ليهو .. يا قمر انا ما بطولك ادينى من نورك وميض عشان انور وابقى طولك يا قمر وشوفى الناس تتشال وتتخت وقايمة وقاعدة فيهو ولسه برضو مافى زيو ولافى زول بيطولو .. عن نفسى بيكفينى منو الاحساس البيدينى ليهو على الاطلاق ماغير راى اى من كلامات ناس الفضاء وناس منو ومنو القمر عندى هو هو .. تسلمى حبيبة من كل شر يارب ..
Quote: تسبحين ويبتسم القمر وتتلاعب أضواءه المتراقصة هنا وهناك راسمة القبول والبركات وتهويمات صوفية
شكرا يا عزيزتى ماجدة وكلنا نصلى معك
وكيف ال حال العيون التى تتلوك بخشوع الاتقياء ..امازلت فينوس هى من تمنح عينية الحياة ؟ للقمر قصتان قصه علنيه واخرى مخفية ياروز واحدة فيهم يحق لنا ان نحكيها بالجهر واخرى لايحق حتى فيهاالخفوت فلاتحكى الا بالصمت والذى هو ابلغ من الكلام فى قصة القمر النى لاتحكى بالجهر دعى صلاتك تكون جهرا جينا وبالصمت حينا اخر .. تسلمى حبيبة كتير يارب ..
محمدالطيب حسن .. الله يديك الفى مرادك كلو ويسعدك يارب زى مافرحتنى بنزار قبانى عارف يامحمد ماقابلنى انسان مابيحب يقرا لنزار او يستمع ليهو عندو طريقة القاء ممتعة شديد وفى رايى مابينافسو فيها الا الدكتور غازى القصيبى .. وانت ماقصرت القصيدة الجبتها والخلفية الموسيقية جد بيكونو فرحو كتير واسعدو كل من مر بالبوست الله يفرحك ويسعدك زى مااسعدتنا تسلم يار ب من كل شر ...
هندوية .. الاجمل من كلو شى هو انتى هند حبيبه انت ومعاكى ناس وناسات حلوين كتيرين فى المنبر ده هم البيدونا دفعات من الجمال تساعدنا فى الكتابه .. تسلمى حبيبه كتير ويسلم حرفك الجميل ...
Post: #56 Title: Re: .. تسـابيح القمر .. Author: مجدي عبدالرحيم فضل Date: 02-17-2009, 08:06 AM Parent: #55
انعتاقُ الكائنِ
ببا طِنِ الأرضِ
دوى الفورانُ ..
راحتْ تباريحُ الحكايا ،
بمسامِ الرٌّوحِ ،
تُكفكفُ الجِراحْ ..
2/
هكذا..
يتفجرُ العشقُ ،
يلّتمُ البُركانُ ..
يتمادى الندى ،
في الإفصاحْ ..
3/
وفيما الكلماتُ ،
تحترقُ بالإيضاحِ ..
تقطفينَ بعينيكِ :
رحيقَ الأفراحِ .
تخلبينَ لُبَّ الهوى .
تنسجينَ النجمَ والبراحْ ..
4/
ها روحي ..
تصعدُ بنحو الانعتاقِ ،
ترتوي من صباحٍ ،
مُباحْ ..
عُدل لأضافة النص مودتي ماجدة
Post: #58 Title: Re: .. تسـابيح القمر .. Author: saif massad ali Date: 02-20-2009, 11:34 AM Parent: #56
ماجدة سلامات النضال نسيتو بقيتو ناس تسابيح ساكت
سيدي اخد الفيها النصيب وفكاكم عكس الهواء
Post: #63 Title: Re: .. تسـابيح القمر .. Author: محمد الجيلى Date: 02-22-2009, 07:41 PM Parent: #58
خضوعى لديكم فى الهوى ياتقى الصبر ياصابر التقوى ايها الغريب من قال نحن السؤال قد صدق من قال نحن الاجابه قد صدق انا الغريب ياصابر التقوى يلذ لقلبى خضوعى لديكم فى الهوى وزاد اشتياقى للنور الذى تجلى ياتقى الصبر ياصابر التقوى لمن تكن انت الغريب بل نحن الغرباء فانت الاجابه وانت السؤال فاصبر ياصابر التقوى واحفظ سر الغريب بين الورى ...
يكون القمر اجمل لو تطلعتى اليه وانتى فى الشماليه حيث السكون الليلى وفقط صوت بابور المويه فى اعلى مكان بالمنزل ونظره الى القمر بشرط عدم اصطحاب اى من ادوات التكنلوجيا المزعجه ناقل الاخبار الرادى او باحث الشبكه الموبايل اوضوء بطاريه الحجار والاتكاءه على رملا او رملاء يبرق در منها ويبهر زر على قول شاعرنا التجانى يوسف بشير مع تكسر الشمس .... تكسرت شمس دنيا القلب وانطفأت فى عالم الروح فى نفسى المصابيح يقال عنى مجنون فى بعض الاحيان او كلها اجمل مااحمله من افكار قديمه مع نظارتى القديمه حبى للقمر بشروطى هدوء وحده احترامى واقف منتشيا لما انت عليه وانا اصحو لمايقارب الثانيه صياحا كونى كذلك او دعكى من حديثى ولننتظر
Post: #94 Title: Re: .. تسـابيح القمر .. Author: ماجدة عوض خوجلى Date: 03-05-2009, 00:42 AM Parent: #77
Quote: ماجده
يكون القمر اجمل لو تطلعتى اليه وانتى فى الشماليه حيث السكون الليلى وفقط صوت بابور المويه فى اعلى مكان بالمنزل ونظره الى القمر بشرط عدم اصطحاب اى من ادوات التكنلوجيا المزعجه ناقل الاخبار الرادى او باحث الشبكه الموبايل اوضوء بطاريه الحجار والاتكاءه على رملا او رملاء يبرق در منها ويبهر زر على قول شاعرنا التجانى يوسف بشير مع تكسر الشمس .... تكسرت شمس دنيا القلب وانطفأت فى عالم الروح فى نفسى المصابيح يقال عنى مجنون فى بعض الاحيان او كلها اجمل مااحمله من افكار قديمه مع نظارتى القديمه حبى للقمر بشروطى هدوء وحده احترامى واقف منتشيا لما انت عليه وانا اصحو لمايقارب الثانيه صياحا كونى كذلك او دعكى من حديثى ولننتظر
يامعتز ازيك عارف اساسا ان سبب شبكتى مع القمر السبب فيها ياها الشماليه دى زاته وتحديدا الزومه منطقتنا وزى ماقلت الرمله وكيف لونه بيبرق لمن يغطيها ضى القمر ياسلام والله الواحد يتمنى لو كان فى امكانو ان يعيش عمرو كلو هناك .. اكاد اجزم انو ناس الشماليه ديل اكتر ارتباط يالقمر ..طبعا ده مابيعنى انو مافى جهه عندها علاقه بالقمر اوبتحبو غير ناس الشماليه ابدا الحاجه المتاكده منها تمام.. انو الجميع من خلق الله عندهم علاقة مباشرة اوغير مباشرة مع قمر الله الواحد ده لكن بتختلف العلاقه وحجمها ودرجه تعلق كل عن الاخر .. ولكن الجميع اتفق بطريقه او اخرى انهم يشبهو بيهو الحاجات السمحه وبرضو السماحة دى تقديرا بيختلف من واحد لااخر .. زمان لمن كنت اعرف اننا ماشين الشماليه او نازلين البلد ..زى مابتقول امى الكبيرة الهى ام امى والربتنى كنت بفرح فرح شديد لتلاته حاجات الهى انى هااركب القطر .. وحتى حبى للقطر كان مربوط بانى هااكل فيهو قراصه التمر والحاجه التالته الفرجخه فى كوم الرملة والونسه الى قريب صلاة الصبح والاعتماد كل الاعتماد فى الاضاءه كان على القمر كنت بستمتع بشكل غير عادى بالحكاوى الكانت بتتحكى عن بنات القناطير.. ومابكل ولا بمل من سماع حكايه فاطنه السمحة .. واكتر من كده كنت بحب الطريقة المحببه القريبة من القلب الكانو بتكلمو بيها كسرة جميله شديدة فى اخر الخروف ..الله عليها ايام شكلت احساسى بالناس وخلتنى دايماوابدا اربط بين صفاء القمر وصفاء نفوس اهلى الحنان ناس الشماليه .. والله يامعتز انا امس رديت عليك ورديت على كم مداخله هنا لكن المنبر ده اخد ليهو خفسة صغيرونه لمن رجع بعدها مالقيت كل الكتبتو امس علشان كده لو كنت قريت ردى ليك وجيت هسه لقيتو مختلف بس ده السبب ولانى برد بدون مااخضر كلامى بالتاكيد ده بيكون مختلف من الفات تسلم يارب من كل شر ...
Quote: كلمات رائعة.. وحب صادق .. وعشق صوفي .. وروح يسكنها الجمال .. حفظك الله وأياه .
والله انتو الحلوين علشان كده بتشوفو الحولكم جميل مااسعدنا بيكم وبوجودنا معاكم فى حوش واحد ربنا يخليك محمدعلى طة الملك ويخليى ليك كل البتحبهم وتسلم من كل شر يارب ..
هل كان فى الامكان ان يكون اخذت الغيمة تروى للناس الحكايه تحكى عن سيرة المطر الولوف وكيف حمل الاخر قلبه ووضعه بين يدي القمر عندها اعاد المطر النبض لمدن الوحشة فغسل عن وجه القمر رائحه
الحزن المقيم ..
Post: #86 Title: Re: .. تسـابيح القمر .. Author: ماجدة عوض خوجلى Date: 03-02-2009, 00:01 AM Parent: #84
دائما انت معى هذي معازفك الجميلة أمطرتني قولاً جميلاً ريش الهديل غدا أنغاما والنوح عند البوح غدا هديلا لو خُيّر القلب الشقي لاختارك العمر البريء، إختارك الزمن الوضيء إختارك اليوم البهي إختارك الصوت النبي شكل قلبكِ خرافيّ وحبّكِ يشبه الخرافه ...
Post: #88 Title: Re: .. تسـابيح القمر .. Author: عمر الفاروق عبد الله الشيخ Date: 03-02-2009, 06:54 AM Parent: #86
الاخت ماجدة تحياتي
ما احمل شهقة القلم وهي تحكي الدهشة .. من هذه الدهشة يتكيء القمر ويتوسد حضن السماء مبهوراً بجماله وجلاله تحيط به الأنجم كوصيفات في خدمة حضرته البهية
يعود القلم ويغتسل بمداد الألق .. يتباهي بأنه كتب للقمر .. في زمن تواري الكلمة الأنثي ..
وعندما ينضب ماء الأبداع نتيمم بمثل هذه القوافي حيث يقبل كل حرف حرفا وتضم كل فاصلة فاصلة يتراقصون بموسيقي الليل ويسكنون بيت القصيدة القمر
هسه الناس الرديت عليهم امس والكتبتو امس كلو مشى وين ...
Post: #95 Title: Re: .. تسـابيح القمر .. Author: ماجدة عوض خوجلى Date: 03-05-2009, 01:18 AM Parent: #88
Quote: الاخت ماجدة تحياتي
ما احمل شهقة القلم وهي تحكي الدهشة .. من هذه الدهشة يتكيء القمر ويتوسد حضن السماء مبهوراً بجماله وجلاله تحيط به الأنجم كوصيفات في خدمة حضرته البهية
يعود القلم ويغتسل بمداد الألق .. يتباهي بأنه كتب للقمر .. في زمن تواري الكلمة الأنثي ..
وعندما ينضب ماء الأبداع نتيمم بمثل هذه القوافي حيث يقبل كل حرف حرفا وتضم كل فاصلة فاصلة يتراقصون بموسيقي الليل ويسكنون بيت القصيدة القمر
اكرر اعتزازي
عمر الفاروق عضو جديد
الاخ الكريم عمرالفاروق اولا اهلا بيك حبابك معانا فى حوشنا الكبير واهلاوسهلا وسعيدة بمداخلتك الكتابه عن القمر مابنتهى وكل ماتكتب عنو بتلقى نفسك مقصر فيهو خاصه عن جمالو المافى شى كتبو علماء الفضاء او اى صورة اتعرضت لينا عنو انها تغير نظرتنا ليهو ظل هو مقياسنا للجمال والغريبه انو اختلاف مقايس الناس فى الجمال فلكل نظرة عن الجمال بتختلف فى ناس ناس بتكون جميله جدا لكن فى نظر اخرين بيكونو شايفنهم اكتر من عاديين وفى ناس ممكن تكون مافيها اى مسحه مجرد مسحه من الجمال عند ناس بيكون بلغو اقصى درجات الكمال الجمالى .. لكن كل منهم بيشبه العندو بالقمر .. مرات كتيرة بحس انو القمر والاحساس البيغمر بيهو الناس هى البتخلى كل انسان ينظر بعيون واحساس القمر.. وتاثير القمر علينا فى حياتنا مااظن فى انسان بيقدر يقول مافى .. ويخيل حتى احنا بنكون برضو عندنا تاثير عليهو .. مرات لمن احسن بانى سعيدة وفرحانه بحس بيهو فرحان وفرحو ده بيعلن عنو فى شكل صفاء ووضوح بيخليك تقدر تشوف فيهو كل البتحبهم واظن هنا التشبيه بيجى .. ولمن تكون زعلان عاين ليهو بيختفى مابتقدر حتى تشوفو بيغيب عديل مابتلقاهو .. والقمر لمن يكون مافى الحاجات كلها مابتكون فى حتى الشمس راقبه هتلاقها تانى يوم من غياب القمر مافى .. فى غياب القمر تفسد شمس الحقول تنام شمس الغابات تختفي السماء الحيّة ويُثقل المساء على كل الانحاء. اخى العزيز عمر القاروق تسلم يارب من كل شر
Post: #96 Title: Re: .. تسـابيح القمر .. Author: ماجدة عوض خوجلى Date: 03-05-2009, 01:35 AM Parent: #86
معك وبك أعيش وقد ألقيت القناع وألغيت كل مراسم الحزن لأني أعيش واسم الافراح يا من رسمت فيّ قوس قزح فلا يغيب أبدا من سمائي وجعلت القمر مكتملا وموكب الأنجم النيرات يزن مسائي
Post: #98 Title: Re: .. تسـابيح القمر .. Author: محمد المختار الزيادى Date: 03-05-2009, 02:01 AM Parent: #96
salam Magda
Post: #101 Title: Re: .. تسـابيح القمر .. Author: ماجدة عوض خوجلى Date: 03-05-2009, 02:30 AM Parent: #98
salam Magda وعليكم السلام ويارب انت بخير انا لى مدة ماشفتك فى المنبر .. ياخى صورتك دى جميلة و معبره بشكل خرافى .. قمر وهمس الحمائم اجمل من كده مافى .. تسلم يارب كتير ..
Post: #97 Title: Re: .. تسـابيح القمر .. Author: ماجدة عوض خوجلى Date: 03-05-2009, 01:59 AM Parent: #86
نبــض النبــض يانبض القلب حين .. يرهقــه الحنين .. يا أنجم الاحلام ونبض .. العطاء إعطِ الحياة للوريد مسارات ..
يا ... كل المسافات يابحر اعلن الاشواق .. عبرات .. وزفرات شهيق وزفير آهات .. وعبرات ..
ماكان لتكون للقمر افادات لولاكم وقراتكم وييين مشتاااقين عارفه زعلانه شديد كتبت كم مداخله رديت بيها وختيت برضو بعض الافادات من القمر ومدخلات من بعض المتداخلين كلها اتلحست مشت وين ماعارفه مش حاجه غريبه عليك الله تسلمى حبيبة كتير يارب ...
Post: #93 Title: Re: .. تسـابيح القمر .. Author: مجدي عبدالرحيم فضل Date: 03-05-2009, 00:08 AM Parent: #92
بدأ هلالا وأكتمل بدرا
وخلف الأحلام ينام نجما
مودتي ماجدة
،،،،أبوقصي،،،،
Post: #99 Title: Re: .. تسـابيح القمر .. Author: ماجدة عوض خوجلى Date: 03-05-2009, 02:12 AM Parent: #93
Quote: بدأ هلالا وأكتمل بدرا
وخلف الأحلام ينام نجما
مودتي ماجدة
،،،،أبوقصي،،،،
ما اجمل بد تكوين القمر هلالا ثم يكتمل بدرا كما قلت عندها فقط يكون هو القمر الذى لاتطيب لنا الحياة بدونه مجدى مشتاقين احنا والله كيفك انت وكيف كل الحبايب المعاك يارب بخير تسلم انت يارب ..
Post: #102 Title: Re: .. تسـابيح القمر .. Author: Baha Elhadi Date: 03-05-2009, 02:37 AM Parent: #99
ماجدة صديقتي وشقيقتي :
يا ليل ، الصب متى غده *** أقيام الساعة موعده؟ رقد السمار فأرقه *** أسف للبين يردده
ما اجمل قمرنا الحقيقي أو المجازي حين نسهر وصوت غناء بعيد يأتي من أقاصي لهاة فنان أنكه الشجى وأمضه العشق مفتون هو بمحبوته و0بالقمرة)
الليل .... القمر ... الغربة الشجن الدفين ... أمنيات في الخاطر للقاء من نحب ونتدله في عشقه
ماجدة : أنت تفتقين جراحات ما اندملت يوما وهي فاغرة الجرح النازف نهيم بالقمر وبضوئه ونرى المحبوبة فيه ونراه في المحبوبة كلاهما يتماهى في الآخر أه من قمر لا يغيب دوما يصوب شعاعه تلقاء القلب كوني بعافية القلب الندي المخضل وكوني بعافية الروح السامقة المشرئبة نحو التسامى بهاء اتصلت كثيرا فقط تلك المدحة الندية ولكم تطلربني
Post: #104 Title: Re: .. تسـابيح القمر .. Author: ماجدة عوض خوجلى Date: 03-05-2009, 03:25 AM Parent: #102
Quote: ماجدة صديقتي وشقيقتي :
يا ليل ، الصب متى غده *** أقيام الساعة موعده؟ رقد السمار فأرقه *** أسف للبين يردده
ما اجمل قمرنا الحقيقي أو المجازي حين نسهر وصوت غناء بعيد يأتي من أقاصي لهاة فنان أنكه الشجى وأمضه العشق مفتون هو بمحبوته و0بالقمرة)
الليل .... القمر ... الغربة الشجن الدفين ... أمنيات في الخاطر للقاء من نحب ونتدله في عشقه
ماجدة : أنت تفتقين جراحات ما اندملت يوما وهي فاغرة الجرح النازف نهيم بالقمر وبضوئه ونرى المحبوبة فيه ونراه في المحبوبة كلاهما يتماهى في الآخر أه من قمر لا يغيب دوما يصوب شعاعه تلقاء القلب كوني بعافية القلب الندي المخضل وكوني بعافية الروح السامقة المشرئبة نحو التسامى بهاء اتصلت كثيرا فقط تلك المدحة الندية ولكم تطلربني
بهاء الغربه وجراحتنا ماظنيت انها بتكون اندملت اساسا علشان تفتق بتصدق كلنا بندارى جراحنا وبنداويها بالقمر الحاجة الوحيدة الهى هى الفى غربتا ذى الفى بلدنا هى القمر ياهو لابيتغير بطول الزمن لا تغير المناخ بياثر فيهو الحاجه الوحيدة بس انو ظهور اقل هنا لكن لمن يظهر بيعوضنا كل الفاتنه وبيدينا القدرة اننا نتملى منو ونخزن لفترات الغياب .. اتخيل يابهاء من شدة الغربه ماجرحها بقى فينا عامل عمايلو فقدت قدرتى على الرجوع بتصدق 16 سنه مانسيت فيها السودان ولا لحظه كل شى عندى مربوط بيهو اصحابى وعلاقاتى الاجتماعية مربوطة بيه مافى اى سبب يمنعنى انى امشى ليهو زيارة لكنى فقدت قدرتى على تحمل حتى الفكرة .. عليك الله يابهاء بيحصل فى اى حالة غير حالة القمر ممكن تتحمل انك تتكلم عنها بصيغة المؤنث والمذكر فى نفس الوقت ده فى حد زاتو مش تفرد لمن تلقى انو فى مقدورك و ليك مطلق الحريه انك تختار صيغة تخاطبك بالصيغة البتريحك انت وباالبيمس احساسك .. يعنى الحاله الوحيدة الاتساوى فيها بنو البشر بقصد طبعا السيدات هسه انتو الجمع بتاع السيد يكون شنو ساده مش بقول انو ساوى بينا فى المخاطبه واننا نشوف فيه العايزينو وبدون مابفقد معناهو .. انت اخبارك كيف وبرضو مختفى لسه الحاله مابقت احسن ؟؟ وكيف اخبار قمر دنياك اظن ماكان فى الايام الفاتت بسبب الغيوم التى تحجب الرؤية .. عندنا شويه شمس بدات تجينا غيرت من شكل الحياة عندنا وغيرت لينا من نفسيتنا كتير اتصل فى التانى .. وكيف اخبار القراية وسخف الجو حقها .. بهاء عليك الله حسن اخبارو شنو كويس طمنا عليهو تسلم يابهاء من كل شر انت ربنا يخلي ليك كل البتحبهم ويديك الفى مرادك ..
Post: #103 Title: Re: .. تسـابيح القمر .. Author: ماجدة عوض خوجلى Date: 03-05-2009, 02:37 AM Parent: #99
قــالت الاخر ايها الاخر انثرني عبيرا .. انثرني .. كالنور يسطع .. فى وجه .. القمر .. .....
وعن ميلاد القمر والعشق .. قل :- عشقناك يا هذا كالفجر .. الجميل .. انتظارا.. ووقارا ..
يا أيها الاخر ياايتها الاخر
دعو الحب يسرى يستشري فى الشراين
Post: #105 Title: Re: .. تسـابيح القمر .. Author: محمد المرتضى حامد Date: 03-06-2009, 10:46 AM Parent: #103
Quote: دعو الحب يسرى يستشري فى الشراين
تثنية في الزمن الأعرج.
Post: #106 Title: Re: .. تسـابيح القمر .. Author: ماجدة عوض خوجلى Date: 03-12-2009, 00:09 AM Parent: #105
Quote: تثنية في الزمن الأعرج.
ونثنى تثنيتك وبرضو فى الزمن الاعرج علشان بكره يكون اجمل والدنيا تحلى زى مابتقول الاغنية تسلم محمد المرتضى يارب ..
Post: #107 Title: Re: .. تسـابيح القمر .. Author: ماجدة عوض خوجلى Date: 03-12-2009, 00:27 AM Parent: #106
من تسابيح القمر روحي تحبكِ كيف لا تتفهمين ؟؟ ويسارُ صدريَ منذُ عشقِك ِ صار في أقصي اليمين لا وقت عندي للتمهُّلِ كم يشاغبني الحنين ..
Post: #108 Title: Re: .. تسـابيح القمر .. Author: ماجدة عوض خوجلى Date: 03-12-2009, 00:32 AM Parent: #107
من حروف وعد القمر مطرُ التعلِّقِ هاطلٌ يمتدُ من رأسِ السماء حينٌ من الحب انقضي ويليه ليلٌ
من أرق ويليهما عمرٌ طويلٌ من تباريحِ القلق من قال إن الحبَّ موتٌ لا محالةَ قد صدقْ ..
Post: #109 Title: Re: .. تسـابيح القمر .. Author: د.محمد حسن Date: 03-12-2009, 00:47 AM Parent: #108
بسم الله كان البدء
حرف
وليل
وقمر
وانثنى فؤاد العاشق
فكان الهوى خمر القداح
وتبينا ارتعاشات الانامل
في وضح البحر
جئنا
قلب وعاشقة
وارتشفنا كأسا
وبيننا حمامتين
وغمامة ندية
وادرك شهريار الهوى
Post: #112 Title: Re: .. تسـابيح القمر .. Author: ماجدة عوض خوجلى Date: 03-12-2009, 01:28 AM Parent: #109
الاخ الكريم محمد حسن شكرا ليك على مرورك وكلماتك اتمنى ان يكون كل شئ بخير معاك تحياتى لاسرتك كلها وربنا يحفظم ليك من كل شر .. تحياتى ..
Post: #110 Title: Re: .. تسـابيح القمر .. Author: ماجدة عوض خوجلى Date: 03-12-2009, 00:49 AM Parent: #108
انى احبك قلتها بين انتهاء حديثنا ولقائنا زمنٌ طويل حتى ولو كانت ساعات وتمضي فابتعادكِ عنى مستحيل بعضُ اشتياقِك ِ كل اشتياقى بعض انتظارك كل انتظارى َبعض ايامى كل ايامك
Post: #111 Title: Re: .. تسـابيح القمر .. Author: ماجدة عوض خوجلى Date: 03-12-2009, 00:54 AM Parent: #110
من تباشير القمر قلبٌ يحبكِ جاءَ يسألُكِ السكن قد كان فيما كان يملك ضيعةً ومدينةً وشعاعَ شمسٍ يحتضنْ ترك الديارَ والانحسارَ والانهيارَ والاحتضارَ واختارَ نبضَكِ كي يكونَ لهُ وطنْ.
Post: #113 Title: Re: .. تسـابيح القمر .. Author: ماجدة عوض خوجلى Date: 03-12-2009, 01:44 AM Parent: #111
صليت بمحراب السكينة الف عام وقطعت ملايين المسافات كطائر مهاجر من مواطن البرد والصقيع الى مرافيء الدفء والربيع. ابحث عن طوفان احمر افق اخضر وقلب انضج وحلم اكبر ..
من ابتهـــالات القمر ناديت على كل حروف فى العشق فلبى النداء فى لحظته حرفان بعدها تجمهر ت حولى كل الحروف صاح الحرف الاول اين انت يااخضر القلب هل تجيب النداء ... عندها سمعت صوتا يقول هل هو انا من تقصد فرد الحرف التانى نعم انت من قصدك لم الخوف ...يا اجاب الصوت متسائلا لم تكن انت صاحب النداء اجابه الحرف الاول بل هو صاحب النداء فبدونه لن يكون ابدا هناك نداء اكمــله ويكملنى ولا يكون لنا عن بعضنااستغاء ..
وكان الدعاء وكانت الاستجابه عندها تجمهرنا انا والحروف حول العائدة. صاح احدهم: اين انت يا عصفورة نادرة؟ تشجعت فقلت: هل انا هو امن اذا حكيت لك جراحنا وابثثتك تطلعاتنا؟. قالت: ولما الخوف يا .. قلت: هل انا لناأن نسأل اسراب العشق هل بلغن تطلعاتنا .. وأن اجنحتهن لم تبتر في منتصف الطريق وقبيل بداية التحليق. ردت كل الحروف فى صوت واحد واضح النبرات : لكم ما تريدون...لكم ماتتمنون ...
تهجـــد ونـــداء التفت اخضرالقلب الى كل العشاق فى حارة العشق وصاح فيهم وفيكم ابشرو وتاصلوا فيها خضراء القلب ولنقرر من الان انه لازمن للحلم ولا وقت للاسفار وليكن حبنا بداية انفجارات الينابيع الجديدة وانطلاق مواسم العشاق الاتية
Post: #117 Title: Re: .. تسـابيح القمر .. Author: انعام عبد الحفيظ Date: 03-13-2009, 00:01 AM Parent: #116
Quote: ولنقرر من الان انه لازمن للحلم ولا وقت للاسفار وليكن حبنا بداية انفجارات الينابيع الجديدة وانطلاق مواسم العشاق الاتية
سموتي بنا في عوالم جميلة يا ماجدة
لكِ كل الأمنيات الحلوة
Post: #120 Title: Re: .. تسـابيح القمر .. Author: ماجدة عوض خوجلى Date: 03-13-2009, 00:59 AM Parent: #117
Quote: سموتي بنا في عوالم جميلة يا ماجدة
لكِ كل الأمنيات الحلوة
والله انتى الجميله حبيبه نعوم كيفك حبيبه واخبارك وكل الحاجات معاكى ماشيه كيف واخبار فرقة حسب الله الاسم داك اتغير خوفونى منو وهددونى تانى مااقولو تانى علشان كده ماقدرت اجى السودان لانى كنت خايفه مشتااقين انتى بتغيبى تمشى وين تسلمى حبيبه كتير يارب ..
Post: #118 Title: Re: .. تسـابيح القمر .. Author: ماجدة عوض خوجلى Date: 03-13-2009, 00:22 AM Parent: #116
تفاصيل الهواجس والحكايه سمعت صوتا ينادينى يهمس لى هل تذكرين لون البحيرات دمع الحدود حزن المسافات وبعد المنافى وشوق القطارات سالت هاتفى اتعرف انت الحكاية كل الحكايه فقال لى نعم اعرف كل الحكاية وبدا يسرد تفاصيل الحكايه منذ مزقت الخفافيش جلدنا وطالت قطط الليل سورنا واحتشدت ساحتنا بلصوص الاسئله ومروجى الدعايه وكم قالو وقالو من حكايه وسكت ثم قال هل هذا يكفى ام اتريدين منى ان احكى المزيد والمزيد ..
Post: #119 Title: Re: .. تسـابيح القمر .. Author: حبيب نورة Date: 03-13-2009, 00:31 AM Parent: #93
مني بت خوجلي
ملهمة جداً هذه الكلمات
تثائبت الشمس في هذا اليوم كـسلي, علي غير العـادة , تطـرد عنها طيوف النعـــاس , وتمسح النوم عن أجفـانها , ورغم ذلك لم ألمح في
هذا الصبـاح العصـافير وهي تؤكد اكتمال ميكانيـكية الـشروق , وحتي
هذا الشعاع القادم منها , مالي أراه بلون الضـباب ؟ تري من الـذي
أقتلع من هذه الشمـــس المسكينة لون البريق ؟ أحـس ان هذه القمرية
التي كانت تغنيني كل يوم لـحن هذا الصبــاح انها اليوم تبكــيني و
تعـزيني في فقدي الكبـير , أحــسّ أنها تعـلن للنــاس جميـعا , ان
بعـد ان كانت غافـلة عنه لسـويـعات , ويحك يا طــائري !!! لمــاذا
تـلـملم عني بـاقي أملي , وتنـصـب ســرادق العــزاء
مني مررت من هنا ولم أجدك تركت الحزن ليوقع بدلاً عني
حبيب نورة .. تسلم انت من الحزن .. ويارب ماتكون كلماتى هى مصدرها لان مافيها كان من الماضى البعيد همس به صاحب النداء وبالرغم من الحزن الذى يسكن حروفة الا ان الفرح كان منتهاه ومهرجات العشق هى مثواه وان كانت حالة الحزن خاصه لك ان تتاكد ان الحزن هو الخاسر الاكبر وان الفرح لابد ات ات ..هى خواطر حبيب نورة بعضها كان الذى قبل وقبلها كان الذى بعد لاترتيب فيها هى كخفقات القلب .. لاتستقر على حال ابدا تعلو وتنخفض ولكنها لاتتوقف ابدا عن الخفقان .. ايكون القلب حيا بدون خفقات وهذة من احوال القلب اليوم اتمنى ان تمسح مابك من حزن وهى من حروف القمر من ضوء القمر حبيبتي التي تغتسل بالضوء وتمشط شعرها بالريح تضع عبق القرنفل و صمت الليل على ثنايا مدائنها تنتعل نجمين و تضع وشاح النور تمشي على غيمة إلى موعدها تصمت... تشرد... وتكون هناك دوماً لتقابلني في قصيدة .. تسلم حبيب نورة يارب ..
Post: #125 Title: Re: .. تسـابيح القمر .. Author: ماجدة عوض خوجلى Date: 03-16-2009, 00:58 AM Parent: #123
Quote: اول حاجة نأسف للغلط الذي حدث في الأسم
Quote: مني بت خوجلي
وتاني حاجة
فوووووووق!
مافى ما يستحق منك الاسف الحـاله واحــدة الاهم من الاسم هو انو البوست تكون لقيت فيهو شى لقى عنــدك استحسان او قبول .. وشكرا ليــك على المــرور وعلى تانى حاجة فوووووووق تســلم يـارب ..
Post: #124 Title: Re: .. تسـابيح القمر .. Author: ماجدة عوض خوجلى Date: 03-15-2009, 00:39 AM Parent: #122
الليل قد خارت قواه همسات وحروف القمر العين تسهر والظنون ، عبثاً تحاول أن تكون ، نجمين في ليل الجفون فبها ضجيجٌ لم يزل يغــزو السكـــون وبها شعاعٌ قد وهنْ وبها حريقٌ قد سكنْ وبها جنــــون عبثاً تحاول أن تكون!!
Post: #126 Title: Re: .. تسـابيح القمر .. Author: ماجدة عوض خوجلى Date: 03-16-2009, 01:20 AM Parent: #124
من تــراتيل القمــر وحــروفه من غيرك يمسحُ عن وجهي أدرانَ المُدن ِالشوهاءْ يزبل عنى بكاء محترقا بالصمتِ في وحشةِ هذا الليلْ ، من غيرك اساله أن يأخذَ عنـّي أحزانَ القلبِ المصلوبِ وشرودَ الغابةِ في زهـو ِالأغصـانْ .!!
Post: #127 Title: Re: .. تسـابيح القمر .. Author: ماجدة عوض خوجلى Date: 03-16-2009, 01:49 AM Parent: #126
Post: #128 Title: Re: .. تسـابيح القمر .. Author: ماجدة عوض خوجلى Date: 03-19-2009, 00:50 AM Parent: #127
يا تقي الصّبر يا صابر التّقوى يا هذا الغريب صبرناما عاد يشبه صبرك، صبرنا نومٌ من المساءإلى السماء من السماء إلى المساء، ان كنت تبحث عن سؤال أو جواب نحن الإجابة سيدي نحن السؤال! نسالك بااسمـك الاعظـم المكتـوب من نور وجهـك الاعلى المـؤبد يامن يجعل القلب بين صعـود وهبوط بين فرحٍ وحزن و بين أملٍ وهم هو حيــاة الــوجــود والسبب الاعظم لكل موجود منك الجواب ياسيدى ومنا السؤال .. من كان يبحث عن جواب فهو الجواب ومن كان يبحث عن سؤال نحـن الســؤال نحن السؤال !
Post: #129 Title: Re: .. تسـابيح القمر .. Author: Baha Elhadi Date: 03-19-2009, 05:25 AM Parent: #128
ماجدة : يا تقي الصّبر يا صابر التّقوى يا هذا الغريب صبرناما عاد يشبه صبرك،
السؤال الملح دوما يطرق خواطرنا حينما يسطع القمر الناعس في ليلة صيفية دافئة نتسآل عن مالآت أشواقنا وأفراحنا أحزاننا ناهيك عن مصائرنا التي لا ندرك كنهها القمر يسأل ويجيب ويتركك في حيرتك لاتقرأ القمر بعقل علي أن أقرأه بقلبي أتشربه أتوغل فيه انسرب لعمقه تجذبني انعكاساته في صفحة القلب الوضيء مع القمر ننسى الأسئلة ونصمت امعانا في تماهٍ أكبر لك مودتي وإشعاعات قمر وضيء يغمرك بفيضه
المصروف المن تالاك وصلت (من رسائل ست الدار ) وشكرا نبيلا وصلت بسلام بهاء
Post: #130 Title: Re: .. تسـابيح القمر .. Author: ماجدة عوض خوجلى Date: 03-20-2009, 03:03 AM Parent: #129
Quote: ماجدة : يا تقي الصّبر يا صابر التّقوى يا هذا الغريب صبرناما عاد يشبه صبرك،
السؤال الملح دوما يطرق خواطرنا حينما يسطع القمر الناعس في ليلة صيفية دافئة نتسآل عن مالآت أشواقنا وأفراحنا أحزاننا ناهيك عن مصائرنا التي لا ندرك كنهها القمر يسأل ويجيب ويتركك في حيرتك لاتقرأ القمر بعقل علي أن أقرأه بقلبي أتشربه أتوغل فيه انسرب لعمقه تجذبني انعكاساته في صفحة القلب الوضيء مع القمر ننسى الأسئلة ونصمت امعانا في تماهٍ أكبر لك مودتي وإشعاعات قمر وضيء يغمرك بفيضه
المصروف المن تالاك وصلت (من رسائل ست الدار ) وشكرا نبيلا وصلت بسلام بهاء
يابهاء وهيفاء كيفكم وانشالله كلو كويس معاكم وطبعا بشاير الصيف بدت والايام بقت اجمل واحلى عارف يابهاء مرات كتيرة جدا بتلقى نفسك مليان بكتابات ناس حلوين شديد ومابتقدر تتخطاها منهم عبدالرحمن عفيفى صاحب الاكثر اشتياقا للاخر والارجنتينى فرانسسيكو لويس من كتب حلوة كالساقية الاول اعرفه والاخر قرات له قريبا ..عبرالرحمن عفيفى يمتاز بكتابه سهله وعميقة تدخل الى الوجدان لسهوله المفردات فى قراتها وعمق معناها ونجاحه فى شرح ووصف الاكثر اشتياقا والاخرولفظ ايتها الاخر ..الا الاخضر والاصفر عليك شوف المعنى ده عميق كيف .. وعليك الله يابهاء زور عبدالرحمن عفيف فى دروب واقرى ليهو كويس وكتير.. اما فرانسسيكو اقرى تانى حلوة كاالساقية وكل ماتقراها هتلقى فيها وصف جديد ومعنى جديد وكل ماتلقى ... بتلقى معانى مختلفه .. قبل كده قلت ليك يابهاء انو اى زول فى الدنيا دى عندو قمريين واحد حقو براهو كده وده بالمناسبه ممكن يكون اى شى معنى انو ماكل الناس القمر حقهم البراهم بالضرورة يكون زول او زوله ابدا القمر الخاص حاله مفتوحه ومقفوله فى نفس الوقت بمعنى مفتوحه انو الخيارات مامحدده ومقفوله بمعنى انها بتخص صاحب الخيار بس ومااى انسان غيرة اما القمر التانى حق الله الهو حقنا كلنا فده وضعو غير وامرو عجب .. اتخيل انو بالرغم من البلايين البتتشارك فى القمر ده وبالرغم من صغر حجمه الاحنا شايفنو بيه وكبر حجم الارض الاحنا فيها .. الا انو فى نفس الوقت بيلهم كل انسان بطريقة بتختلف عن التانى وجرب كده انت ويكون معاك عدد من الناس وكلكم وفى لحظه واحده ومكان واحد عاينو ليهو شوفو البيحصل شتو هتلقى كل واحد فيهم شاف فيه حاجه مختلفه من التانى والحته دى تحديدا حيرتنى شديدوهى انو هل لمن احنا بنعاين للقمر تفتكر كل انسان عيونو بتشوف المرسوم جواها ولا القمر بيعكس لكل واحد المرسوم فى عيونو .. الانسان يابهاء لو قعد تابع الاحزان بتبقى مشكلة كبيرة شديد لانو الحزن لمن يتمكن من انسان بتبقى فى صعوبة شديد اننا نتخلص منو ولمن يجيك الفرح بيقى ناقص والسعادة بتكون باهته .. وبالمناسبه لو تابعت قلبك مابتخسر كل الدلائل بتشير الى ان الاحساس بتاع القلب بالاشياء هى الاصدق وهو المقياس الحقيقى الا القراه دى تحديدا لازم تكون مشتركة بين تلاته الهم العين فى الاول والعقل ثانيا والقلب تالتا .. وكل واحد من التلاته مكمل للاخر ولكل وظيفة مرتبطة بالاخر .. ياخى القرود حقنيك ماشالله عليهم ربنا يخليهم ليك وتسلم من كل شر يارب ...
Post: #131 Title: Re: .. تسـابيح القمر .. Author: ماجدة عوض خوجلى Date: 03-20-2009, 03:47 AM Parent: #1
كل شئ لا يدوم الا الهوى هبة السماء ونعمة الرب العظيم .. كثيرون احبو القمر وكتبو له وعنه ..و تسابيح القمر معنى بهم وعنهم وعنه .. حروفه لبعض من احبوه واحبهم وليس كل ماهنا منه او له ولكن كل من سبح بحرف هنا فهى له وايضامنه .. وهى تسابيح من هنا وهناك وكلها له وعنه معذرة تم نقل هذا الكلام فى مداخله منفصلهبعد قمت بتغير الصورة لكبر حجمها الى اخرى اصعر حجما فااختلت المداخله..
