موضوع للنقاش .... يا جماعة الخير ..

عمر البشير وما أدراك ماعمر البشير ..
بصرف النظر عن مواقفنا واتجاهاتنا منه وفينا المكجنو عديل ..
وفينا البين بين ..
وفينا .. وفينا ..
بس يا جماعة السوا والداير يسوي أوكامبو فيه بيرضيكم ..
ولو من منطلق أنه سوداني .. وأهل الحاره ديل أهلي ..
بتقولولو إتفضل سوقوا ؟؟ ..

اخ معتصم سلام

Quote: بس يا جماعة السوا والداير يسوي أوكامبو فيه بيرضيكم .. ولو من منطلق أنه سوداني .. وأهل الحاره ديل أهلي .. بتقولولو إتفضل سوقوا ؟؟

اذ بالعاطفه لا ,,, واذا بالعقل والمنطق نقول انه اذا ثبت ان البشير فعلا مجرم حرب فلا امانع وهذا ما لم يثبت ,,,

اما ما يحدث الان فلا يعدو كونه ضغطا سياسيا تريد امريكا عبر الامم المتحده تمرير اجنده ما للحكومه السودانيه ,,,

ومن هذا المنطق شخصيا غير مرحب ابدا بتسليم الريئس الي اي مكان في العالم ,,,, لا لاوكامبو ولا كي مون ,,,

ولكنك اخي قل لنا انت ما هو رائك ؟؟؟؟

المسلمي .. أخوي ..
أنا رأيي ده خليهو في الآخر ..
ما أنا طرحت الموضوع ..
النشوف كل الآراء بتقول شنو ..
وأنا معاك .. الشايل قربه مخرومة بتخر على دماغه ..
بس في اعتبارات طرح النقاش للرأي والرأي الآخر ..
ومهما جاء من إختلافات ما أظن يفسد (للوعي) قضية ..
الله يديك العافية كمان وكمان ..
وأشكرك على التناول الحر ..