Post: #1
Title: الهلال فى قطر .... فضيحة و الله
Author: انور التكينة
Date: 02-08-2009, 08:18 AM
كتب اسماعيل حسن فى عموده بصحيفة الصدى اليوم :
* المهم أن الهلال (حسب المعلومات الخاصة التي تلقيناها من هناك) كان مهزوماً في مباراة أمس من منتخب القوات الخاصة بثلاثة أهداف نظيفة، إلا أن حارس الهلال المعز بعد الهدف الثالث احتج على قرارات الحكم وطلب هو ومدربه الديبة من اللاعبين الخروج من الملعب فخرجوا بالفعل..
* وأمهلهم الحكم الفترة القانونية ولم يعودوا، فاضطر إلى إعلان نهاية المباراة بهزيمة الهلال، وغادر الفريقان الملعب..
* وهنا تدخلت الأجاويد وعاد الهلال لمواصلة المباراة وعاد منتخب القوات الخاصة، ولكن الحكم رفض أن يعود فأمسك لاعبنا السابق عماد خوجلي بالصافرة وأدار المباراة بمعاونة مدرب حراس القوات من على الخط!!
* والغريب أن لاعب الهلال منير أم بدة المطرود بسبب ضربة الجزاء التي ارتكبها وأسفر عنها الهدف الثالث للقوات الخاصة، عاد وواصل اللعب مع الهلال أمام أعين الحكم الفزعة عماد خوجلي..
* والأغرب أن مدرب القوات الخاصة السوداني المعروف حمدان حمد سحب نجومه الأساسيين ولعب بقية المباراة بالإحتياطي، مما ولّد الظن في نفوس كل الحاضرين بأنه يريد أن يتيح الفرصة للهلال ليحقق الفوز، ففاز بالفعل.
* والسؤال.. من المسئول عن هذه المهزلة؟!
* وهل أفضل للهلال أن يخسر المباراة بثلاثة أو حتى خمسة، أو يكسب بهذه الطريقة بسداسية مطبوخة؟!!
* السودانيون هناك استاءوا من هذا (الفيلم الهندي) وتخوفوا من ألا يجد الهلال بعد هذه المهزلة فريقاً في قطر يلعب معه مباراة ودية ثالثة.
|
Post: #2
Title: Re: الهلال فى قطر .... فضيحة و الله
Author: محمد سنى دفع الله
Date: 02-08-2009, 09:13 AM
Parent: #1
اسف جدا ان يكون هذا مدخلي
لك اخي العزيز انور التكينة
اسمح لي ان اقول لك ولأمثال
الصحفي الهمام / اسماعيل حسن
كــــــذبت يا شاطر
هناك كثير من الكباتن الأماجد
يخدمون الرياضة بعيونهم ومالهم ودنهم
وحمدان حمد واحد من اولائك الأماجد
تعرف ان الدوري القطري شغال هذه الايام
ومن البديهي ان كل الفرق تعتذر عن ملاقاة الهلال
نسبة للخوف من الاصابات والهزيمة واثرها النفسي
والخ وحتى الفرق الرديفة في مباريات تنافسية
لهذا كان تمرين الصباح التقسيمة بتاعتو
بين الهلال وفريق اللخوية الذي يدربوا الكابتن الخلوق
حمدان حمد ليضع التمرين في روح عالية
وثانيا للأستفادة من وضع كل اللعيبة في جاهزية كاملة
قكانت المباراة التمرين والذي حدث فيها كان مجرد نقاش وليس مشاجرة ولا هوشة
كما يقول القطريون
ثانيا المباراة لافيها حكام قانونيين ولا مباراة ودية ختى بدليل كل اللعيبة تم تغييرهم بما فيهم المطرود
همسة
الهلال عسكر قبل كده في الدوحة ولعب مباراة واحدة ومشى جنن الناس في راسهم
المرة دي الهلال معسكر في الدوحة ومعسكروا فيهو ظبط وربط ومنتظم
واللعيبة على قدر المسؤلية وعندهم رغبة في تقديم موسم ممتاز
ثانيا وضح ان هناك تنافس في الخانات وسترى معظم اللعيبة جاهزين
والبرامج الترفيهية والمحاضرات الداعمة والندوات العلمية الرياضية شغالة ولأول مرة اشوف محاضرات تجهز للطب النفسي
انا بعتقد ان هذا المعسكر من انجح المعسكرات وسوف تظهر نتائجه في الموسم
|
Post: #3
Title: Re: الهلال فى قطر .... فضيحة و الله
Author: انور التكينة
Date: 02-08-2009, 01:59 PM
Parent: #2
محمد السنى كيفك يا فنان يا مبدع
يا أخوى قصة انو ده تمرين ما مباراة و الله اول مرة اسمع بيها
يا أخى شوف جرايد الليلة رياضية و سياسية
كلها اشادت بالهلال و بالمباراة و ليس التمرين
و بعدين الامن الداخلى ده فريق مؤسسة زى الاشغال العسكرية و لا المهمات ... الخ
طبعا ما داير ارجع لى تعادل الشمال متدنى الترتيب فى الدرجة التانية
بس واجهوا الواقع و اعترفوا انها فضيحة
|
Post: #4
Title: Re: الهلال فى قطر .... فضيحة و الله
Author: محمد سنى دفع الله
Date: 02-08-2009, 05:39 PM
Parent: #3
اخوي انور
من عمرك لعبت الكورة
وشفتها في مباراة
مبرمجة الساعة 9 صباحا
وفي مباراة بطردو فيها لاعب
الشوط الاول في التاني بتلقاهو جاري يفرفر
بعدين فريق بتاع الشرطة لعيبتو جايين من اندية السلة
كلهم لاعبين كورة اصليين
زي فرقنا لمن تلعب في فرق المصالح
بتجيب اللعيبة من وين ؟؟
المهم بذكرك الهلال جه زاتو الموسم قبل الفات
جا الدوحة وعمل معسكر ولعب ميياراة واحدة مع الشمال
ونجح
المرة دي معسكر منضبط
ووبتمرن بصورة جادة
لك مودتي
|
Post: #5
Title: Re: الهلال فى قطر .... فضيحة و الله
Author: 7abib_alkul
Date: 02-08-2009, 05:57 PM
Parent: #4
اخونا انور
اولا كان الاجدى بالصدى ان تكتب عن تعادل المريخ امام فريق مجهول تماما فى كينيا ولم يسمع به احد فى السودان وكما يقول المثل(جحا اولى بلحم ثوره)
خلى ابوالهل فى حاله وخلوكم فى التاكسى الرواندى
|
Post: #6
Title: Re: الهلال فى قطر .... فضيحة و الله
Author: انور التكينة
Date: 02-08-2009, 10:32 PM
Parent: #5
حبيبنا حبيب الكل
يا أخى و الله انا مريخابى نعم لكن غير متعصب ، و احب الخير و التقدم للهلال لانو فى تقدمه رفعة لمستوى الكرة السودانية و المريخ بالطبع ، لكن ما يحزننى ان يدق صحفيو القبيلة الزرقاء الطبول و يحرقوا البخور و يطلعوا بالمانشيتات الكبيرة عن انتصار الهلال الذى يقول عنه محمد السنى انو تمرين .... طيب نفرض تمرين .... العناوين الكبيرة المهللة للانتصار لزومها شنو ؟؟؟؟
|
Post: #7
Title: Re: الهلال فى قطر .... فضيحة و الله
Author: يحيي مصطفي
Date: 02-09-2009, 06:07 AM
Parent: #6
الأخ أنور التكينة
كيفك يا شقيق
مشتاقون لكم ولذلك الزمن الجميل
اتمني أن تكون والأسرة بخير وعافية
والتحايا موصولة للأخ أسامة (أبو شنب)
قلت أحسن تكتب في الرياضة عالم جبانة(وش....)
اخوك يحيي
|
Post: #8
Title: Re: الهلال فى قطر .... فضيحة و الله
Author: Omar Bob
Date: 02-09-2009, 06:32 AM
Parent: #7
Quote: اسف جدا ان يكون هذا مدخلي
لك اخي العزيز انور التكينة
اسمح لي ان اقول لك ولأمثال
الصحفي الهمام / اسماعيل حسن
كــــــذبت يا شاطر
هناك كثير من الكباتن الأماجد
يخدمون الرياضة بعيونهم ومالهم ودنهم
وحمدان حمد واحد من اولائك الأماجد
تعرف ان الدوري القطري شغال هذه الايام
ومن البديهي ان كل الفرق تعتذر عن ملاقاة الهلال
نسبة للخوف من الاصابات والهزيمة واثرها النفسي
والخ وحتى الفرق الرديفة في مباريات تنافسية
لهذا كان تمرين الصباح التقسيمة بتاعتو
بين الهلال وفريق اللخوية الذي يدربوا الكابتن الخلوق
حمدان حمد ليضع التمرين في روح عالية
وثانيا للأستفادة من وضع كل اللعيبة في جاهزية كاملة
قكانت المباراة التمرين والذي حدث فيها كان مجرد نقاش وليس مشاجرة ولا هوشة
كما يقول القطريون
ثانيا المباراة لافيها حكام قانونيين ولا مباراة ودية ختى بدليل كل اللعيبة تم تغييرهم بما فيهم المطرود
همسة
الهلال عسكر قبل كده في الدوحة ولعب مباراة واحدة ومشى جنن الناس في راسهم
المرة دي الهلال معسكر في الدوحة ومعسكروا فيهو ظبط وربط ومنتظم
واللعيبة على قدر المسؤلية وعندهم رغبة في تقديم موسم ممتاز
ثانيا وضح ان هناك تنافس في الخانات وسترى معظم اللعيبة جاهزين
والبرامج الترفيهية والمحاضرات الداعمة والندوات العلمية الرياضية شغالة ولأول مرة اشوف محاضرات تجهز للطب النفسي
انا بعتقد ان هذا المعسكر من انجح المعسكرات وسوف تظهر نتائجه في الموسم |
شكرا محمدالسني فقد كفيت ووفيت
وللمعلوميه حتي المباره الوحيده التي لعبها الهلال في معسكره السابق بالدوحه امام الشمال لم تكن مباره بالمعني الحرفي للمباره ولكنها كانت اقرب للتقسيمه التي جرت مع فريق القوات الخاصه يوم السبت وكان نتيجه المعسكر كما ذكرت وصول الهلال للمربع الذهبي لكاس ابطال افريقيا
افه الرياضه في بلدي هم الصحفيين المتعصصبين الذين يكتبو بعقليه المشجع, انا متاكد تماما ان اسماعيل حسن هذا يعرف طبيعه تلك المباره وان مدرب الهلال لم يكن حاضرا فيها وانها جرت في ظرف 36 ساعه من المباره الاولي وانها صممت خصيصا كتقسيمه لاشراك اللاعبين الذين لم يلعبو المباره الاولي وان حكم المباره ليس حكما معينا من قبل اتحاد الكره ومع ذلك كتب ما كتب لا ليعكس الحقيقه ولكن ليغيظ الهلالاب كاي مشجع في اي زقاق من ازقه الخرطوم او اي من مدن السودان
|
Post: #9
Title: Re: الهلال فى قطر .... فضيحة و الله
Author: haroon diyab
Date: 02-09-2009, 09:43 AM
Parent: #8
???????????????????????????
|
Post: #10
Title: Re: الهلال فى قطر .... فضيحة و الله
Author: صلاح أبودية
Date: 02-09-2009, 10:32 AM
Parent: #9
أنور أخوى !!
تتعب ساكت ...
والله ديل راسم ناشفة نشاف !!
|
Post: #11
Title: Re: الهلال فى قطر .... فضيحة و الله
Author: محمد الطيب حسن
Date: 02-09-2009, 11:20 AM
Parent: #9
عزيزي
| Quote: الهلال فى قطر .... فضيحة و الله |
اكيد قصدك في خطر مش قطر
|
Post: #12
Title: Re: الهلال فى قطر .... فضيحة و الله
Author: انور التكينة
Date: 02-09-2009, 01:10 PM
Parent: #11
محمد الطيب
سلامات بالغت و الله
فعلا فى خطر
مادام ده البحصل فى قطر
مريخنا الاسد النتر
ولا كيف ؟
|
Post: #13
Title: Re: الهلال فى قطر .... فضيحة و الله
Author: انور التكينة
Date: 02-09-2009, 06:33 PM
Parent: #12
يحى مصطفى
كيف حالك و ازيك
يا أخى مشتاقين
يعنى ضارب الصين و مرطب
جماعتك هنا ملوا البلد شنق شانق شى
و حاجات تانية حاميانى
اسامة اب شنب يبلغك تحياته
......
قلت لى الكتابة فى الكورة جبانات
ابوك يا أحمد
بتعرف جبنى لما الرأى الاخر وحدها فى الساحة
الحرف الحر ليهو تمن
و الكلمة العديل منتهى الرجالة
و دفعنا الثمن كما تعرف
عشان القوها ناس قريعتى راحت باردة
الليلة تكتب و لا اثر لما تكتب حتى لو مر من الرقابة القبلية
عشان كده اخير نكتب فى الكورة و الفن و الختان الفرعونى
لكن مرات الضرس بتاور
و الهم بغلب
و يجتاز القلم كل حواجز الانتكالات
يا حليلك
و حليل ايام كنا و كانت سونا
و الجرى ليكم لى اخر الاخبار
عولمة يا صاحبى
ضغطة ماوس و اخبار الاخرين و الاولين بين يديك
لك شوقى
و كثير مودتى
|
Post: #14
Title: Re: الهلال فى قطر .... فضيحة و الله
Author: haroon diyab
Date: 02-09-2009, 06:43 PM
Parent: #13
???????????????????????
|
Post: #15
Title: Re: الهلال فى قطر .... فضيحة و الله
Author: انور التكينة
Date: 02-09-2009, 07:15 PM
Parent: #14
هارون دياب
مساك الله بالخير
يا أخوى ده شنو ؟؟
شابكنى الصباح علامات استفهام
و كمان بالليل برضو ؟؟؟
انت هلالابى مقر بالفضيحة ؟
و لا مريخابى تضامنك سكوتى ؟
افصح يا هذا و لك الامان
|
Post: #16
Title: Re: الهلال فى قطر .... فضيحة و الله
Author: keiga2000
Date: 02-09-2009, 07:27 PM
Parent: #15
| Quote: اكيد قصدك في خطر مش قطر |
تمام يافندم
وعشان كدا الأرباب بدأ يكوس في المشاكل من هسع
عشان بعدين يجي وكالعاده يقول المريخ شال الكاس من المكاتب
ورينا جديدك يا أرباب تشطب احسن لاعبي الدفاع وتخلي اسوء لاعب
بالأمس كان معي احمد عادل وخليفة ومنير امبده وحسيت من كلامهم متضايقين من تصرفات رئيسهم الهوجاء
والدوري بالهلال الشفنا دا عيييييييييييك المريخ من الدوره الاولى بحسم الكاس
السنه الجايه تعالوا لينا بدري بدري
ابومصطفى
|
Post: #17
Title: Re: الهلال فى قطر .... فضيحة و الله
Author: انور التكينة
Date: 02-09-2009, 07:39 PM
Parent: #16
ابو مصطفى ازيك
يا أخوى الدورى المرة دى مسيخ
مسيخ لانعدام التكافؤ
الناس البلاعبو فى فرق المصالح ديل ماشين وين ؟؟؟
و كمان قال ليك المعز و الديبة احتجو و سحبوا الفريق بعد اخدو التلاتة
جابو ليهم الاحتياطى لعب معاهم و كمان لعبو اللاعب المطرود
جنس عجائب !!!!!
قالو الحكم عماد خوجلى ...
ده كلو هين ..
المصيبة فى عناوين الصحف الزرقاء التى هللت للانتصار
اخر زمن
و لسع نشوف افلام
بس روق المنقة
|
Post: #18
Title: Re: الهلال فى قطر .... فضيحة و الله
Author: انور التكينة
Date: 02-10-2009, 08:02 AM
Parent: #17
...
..
.
up
|
Post: #25
Title: Re: الهلال فى قطر .... فضيحة و الله
Author: haroon diyab
Date: 02-10-2009, 03:00 PM
Parent: #15
انور ياحبيب
سلامات
Quote: هارون دياب
مساك الله بالخير
يا أخوى ده شنو ؟؟
شابكنى الصباح علامات استفهام
و كمان بالليل برضو ؟؟؟
انت هلالابى مقر بالفضيحة ؟
و لا مريخابى تضامنك سكوتى ؟
افصح يا هذا و لك الامان |
وحاتك كتبتها اكتر من مرة وجيت مسحتها
لانوا من اجل عين تكرم الف عين....!!!
وعشان خاطرك هاك المعسكر ده.....
يااخونا اخير تفضوا...... معسكركم ده ...وتتوالي الفضائح.....!!!
كل الود
|
Post: #24
Title: Re: الهلال فى قطر .... فضيحة و الله
Author: Magdi Ahmed Elsheikh
Date: 02-10-2009, 11:33 AM
Parent: #14
| Quote: ??????????????????????? |
سلامات ياابودياب
ومشتاقين ياخ
|
Post: #29
Title: Re: الهلال فى قطر .... فضيحة و الله
Author: haroon diyab
Date: 02-10-2009, 03:31 PM
Parent: #24
الغالي / مجدي
والله ليك وحشة
دعواتك معانا انوا اولادنا ينستروا
يوم 15 ويعيدوا الامور لنصابها
وبعد داك لكل حدث حديث
علامات الاستفهام دي حارقاني شدييييييييييد
|
Post: #19
Title: Re: الهلال فى قطر .... فضيحة و الله
Author: mutasim Hameed
Date: 02-10-2009, 08:08 AM
Parent: #1
أنا صحي كنت هلالابي زمااااااااانك ..
زمن ناس صديق والسد العالي ..
زمن ناس علي قاقارين والدحيش ..
وسمير ماشي ..
تمسكني حمى أم برد إن ماجد جاب قون في الهلال ..
قام نزل الحمى مني سمير ومشيتو ..
بعد ده كلو ..
أنا في الدوحة من سنة حفروا البحر ..
هن ناس الهلال في الدوحة ؟؟..
يطرشني ما سمعت ..
وبي كلامك ده أخير طرشي ..
|
Post: #20
Title: Re: الهلال فى قطر .... فضيحة و الله
Author: يحيي مصطفي
Date: 02-10-2009, 09:02 AM
Parent: #19
Quote: قلت لى الكتابة فى الكورة جبانات
ابوك يا أحمد
بتعرف جبنى لما الرأى الاخر وحدها فى الساحة
الحرف الحر ليهو تمن
و الكلمة العديل منتهى الرجالة
و دفعنا الثمن كما تعرف
عشان القوها ناس قريعتى راحت باردة
الليلة تكتب و لا اثر لما تكتب حتى لو مر من الرقابة القبلية
عشان كده اخير نكتب فى الكورة و الفن و الختان الفرعونى
لكن مرات الضرس بتاور
و الهم بغلب
و يجتاز القلم كل حواجز الانتكالات |
الأخ ابو أحمد
شخصكم ومواقفكم وقلمكم مشهود لها بالجرأة والاقدام
وحاشاك الجبن طبعاً لم يفت عليك انني أمزح
انت مريخابي شامت أم هلالابي غاضب؟
يحيي
|
Post: #21
Title: Re: الهلال فى قطر .... فضيحة و الله
Author: Elsheikh Mohd Aboidris
Date: 02-10-2009, 10:42 AM
Parent: #20
والله التكاسة اليومين ديل ما عندهم غير الهلال الهلال ودا دليل على رعب كامن بدواخلهم من القادم
والخوف ايضاً من الرجوع كما رجعوا من الاردن
|
Post: #22
Title: Re: الهلال فى قطر .... فضيحة و الله
Author: ebrahim_ali
Date: 02-10-2009, 11:12 AM
Parent: #21
مسلسل ابو الهل مع الانسحاب ليس بجديد وفضائحه تلاحقه داخلياً وخارجياً وفضائح الدوحة متلتة من ين ولي وين هارون دياب ما تكتب وتريحنا ولا عشان ...
قلت لي حفلة فرفور كانت كيف ؟؟
وفي الإعادة الإفادة
مقتطفات من عمود كبد الحقيقة لمزمل:
*معسكر قطر لم يحقق نجاحاً يذكر بسبب ضعف التنظيم الإداري والهرجلة التي صاحبته.. بدليل عدم خوض أي تجربة يعتد بها حتى اللحظة.. ورفض مدرب الهلال للعب أمام فريق الجيش.. بعد مهزلة لخويا الاستبدالية!
*المصيبة أن شباك الهلال اهتزت أربع مرات في المباراتين الموصوفتين بالضعف
*يقال إن الحكم الرابع في موقعة لخويا الاستبدالية رفع لوحة التبديل بدون رقم.. فجاءه الحكم وقال له: إنت غلطان.. ليه ما رفعت رقم اللاعب؟ رد عليه: ما غلطان.. إنت عندك رقم عشان أرفعو؟ أبقى لابرة
|
Post: #23
Title: Re: الهلال فى قطر .... فضيحة و الله
Author: انور التكينة
Date: 02-10-2009, 11:27 AM
Parent: #22
الاخ متصم حميد
خليك من اهل الفترة
احسن ليك من المرض و الحساب<
/>< =redfont face="Simplified Arabic" size="4" color
الاخ يحى مصطفى
انا و الحمد لله مريخابى فوق عزى
>الاخ الشيخ
الايام بيننا يا بطل
من الان بدت حمى الانسحابات
<
/font>االاخ ابراهيم
ديل فضائحهم اصبحت تلاحق بعضها
و كمان معاها طولة لسان
|
Post: #26
Title: Re: الهلال فى قطر .... فضيحة و الله
Author: Elsheikh Mohd Aboidris
Date: 02-10-2009, 03:24 PM
Parent: #23
يا سبحان الله الناس لمن تنقل الخبر يفترض ان تنقلة بحرفية وصدق وامانة
معسكر الهلال بالدوحة مع قلة المباريات الاعدادية كان معسكر ناجح بكل المقاييس للذين
يفهمون كرة مش للهوجاء والفضفاضين للذن يعرفون شنو يعنى اعداد فريق لمواسم قادمة
للذين يفهمون تكتيك الرياضة وكسب اللياقة والتجانس
لكن وعلى حسب علمى الناس لانو دا سيد البلد عايزين فقط يقللوا من شان المعسكر
وبالمناسبة لقد اختتم اليوم الهلال معسكرة بالدوحة بمران اخير بملعب النادى العربي
وعلى الرغم من سخونة الطقس كان هناك جمع غفير من الجماهير لمشاهدة التمرين
وربنا يوفقهم فى مشوارهم الفنى بالمناسبة لقد ارسلنا معهم سفن اب للسودان
|
Post: #27
Title: Re: الهلال فى قطر .... فضيحة و الله
Author: ناهد بشير الطيب
Date: 02-10-2009, 03:26 PM
Parent: #26
انور التكينة
سلام ...
|
Post: #28
Title: Re: الهلال فى قطر .... فضيحة و الله
Author: جمال السنوسي
Date: 02-10-2009, 03:30 PM
Parent: #23
هووووووي يا تكاسة
مالكم ومال معسكرنا
انشاء لله نلعب كمبلت ظاااتو
انتو خليكم في التمهيدي ده
وشغلوا تكاسيكم دي طرحة
كيجالي الخرطوم وبالعكس
ولا اقول ليكم خلوهو
تاكسي تعاوني
حمولة 7 راكب
تسلل :
هارون أب سبعة
ممكن طلب
عايز اعرف الجذر التربيعي للعدد 49 كم
|
Post: #30
Title: Re: الهلال فى قطر .... فضيحة و الله
Author: keiga2000
Date: 02-10-2009, 06:52 PM
Parent: #28
عاجل: المريخ يكتسح قورماهيا الكيني بخماسية نظيفة
كسب المريخ تجربته الاعدادية الثانية أمام قورماهيا بخماسية نظيفة عصر اليوم بملعب نيايو بالعاصمة الكينية نيروبي، بكر فيصل العجب قائد الفرقة الحمراء بإحراز الهدف الأول في الدقيقة الخامسة وأردفه النيجيري وارغو بالهدف الثاني بعد دقائق قليلة، وفي الجزء الأخير من الحصة الأولى أضاف الثنائي سعيد السعودي ولاسانا فاني الهدفين الثالث والرابع، وكان الألماني كروجر قد دفع بتشكيلة مكونة من أكرم في حراسة المرمى، سفاري وديالو متسطي دفاع، الزومة وبلة على الأطراف، سعيد، لاسانا، الباشا والعجب في خط الوسط ووراغو وكليتشي في المقدمة الهجومية، ومع بداية الشوط الثاني أجرى المريخ عدة تبديلات قضت بخروج كل من ديالو، العجب، الزومة، الباشا، ودخول كل من دامر، ايداهو، مصعب، الشغيل، وأختتم النيجيري إيداهو بإحراز الهدف الخامس في بداية الشوط الثاني، الجدير بالذكر أن تجربة اليوم هي الأخيرة للمريخ قبل المغادرة الى العاصمة الرواندية كيجالي إستعداداً لمباراة الاياب أمام أتراكو الرواندي في تمهيدي مسابقة دور الأبطال.
معسكر لمعسكر يفرق والحكم واحد وقورماهيا فريق معروف ومغمور
ياللخــــــــــــــــــو
مع تحياتي
ابومصطفى
|
Post: #31
Title: Re: الهلال فى قطر .... فضيحة و الله
Author: انور التكينة
Date: 02-10-2009, 07:29 PM
Parent: #30
هارون دياب
يا زول يا ملك
ايدك معانا نسكت الخشامة
طولة لسان و قلة احسان
شفت الشغل الصاح مع قورماهيا
نعنش يا حبيب
الشيخ ازيك
خليكم غاشين نفسكم كده
يا أخى نحن و الله حالكم ما عاجبنا
عشان تكون فى منافسة صلحوا فريقكم
و خلو الكجار و دفن الرؤوس فى الرمال
قال جماهير قال ...
ان شاء موافقين على الانسحاب احتجاجا على التجنيس ؟
ناهد بشير
صديقتى المبدعة
اشتاق وجهك الوضئ و حرفك المبدع
شكرا على المرور
جمال السنوسى
مساء الخير
لسه راكب رأسك ؟؟
يا بنى اركب معنا
عشان نديك حصة و ننزلك
امكن رأسك يجى
كيقا ابو مصطفى
الله يديك العافية
و يبشرك الله بالخير
و ياهو ده الراجنو فى المريخ
خماسية فى قورماهيا ؟؟؟
يا للعجب و ياللعجب
|
Post: #32
Title: Re: الهلال فى قطر .... فضيحة و الله
Author: ombadda
Date: 02-10-2009, 07:37 PM
Parent: #31
الناس ديل جادين ... أم أن هناك تورية
مفاوضات الدوحةبين حكومة السودان وحركة العدل والمساواة....
سباق الحمير لسة مدور...
لك الله يا وطن
|
Post: #33
Title: Re: الهلال فى قطر .... فضيحة و الله
Author: انور التكينة
Date: 02-10-2009, 08:02 PM
Parent: #32
أم بدة
حبابك
بى كرور يا أخوى و لا شنو ؟؟؟
التورية وجه الشبه بين هزيمتين
كدى اعرفم براك
|
Post: #34
Title: Re: الهلال فى قطر .... فضيحة و الله
Author: انور التكينة
Date: 02-11-2009, 08:55 AM
Parent: #33
استقبال الهلال فى المطار كيف ؟؟؟؟
مفروض يكون تاريخى
|
Post: #35
Title: Re: الهلال فى قطر .... فضيحة و الله
Author: ombadda
Date: 02-11-2009, 03:27 PM
Parent: #33
| Quote: بى كرور يا أخوى و لا شنو ؟؟؟ |
خليك فى سباق الحمير أحسن....
|
Post: #36
Title: Re: الهلال فى قطر .... فضيحة و الله
Author: انور التكينة
Date: 02-11-2009, 06:49 PM
Parent: #35
| Quote: خليك فى سباق الحمير أحسن.... |
من الدوحة و لا ام بدة ؟؟؟؟
|
|