شوفوا شـداد جاب ليكم شنو!! مدرب بنما والهند ونيبال.. وملاوي ... مدربا للمنتخب الوطني!!

ابو الرخص


نقلا عن السوداني

استيفن الانجليزي مدربا لصقور الجديان

استضاف برنامج عالم الرياضة وزير الثقافة والشباب والرياضة محمد يوسف عبدالله بخصوص المدرب الاجنبي واكد الوزير التزام وزارته بمبلغ ثلاثة عشر الف دولار شهريا وانه سيدخل في تفاوض مع المدرب الاجنبي مؤكدا ان اختيار المدرب شأن فني يخص الاتحاد. على ذات الصعيد اماط مساعد سكرتير اتحاد كرة القدم السوداني الذي تحدث لبرنامج عالم الرياضة التلفزيوني اللثام عن اسم المدرب الاجنبي الذي سيشرف على تدريب صقور الجديان وهو الخبير الانجليزي والمحاضر في الاتحاد الدولي الفيفا والذي اجرى كورساً بالسودان في عام 2004 والذي سبق له تدريب عدد من المنتخبات من ضمنها بنما، الهند، نيبال وآخرها منتخب ملاوي الذي صرع منتخب الفراعنة في بطولة افريقيا للمحليين، مؤكدا ان المدرب في طريقه من موطنه عبر قبرص للخرطوم والتي من المتوقع ان يصلها فجر غد الاحد بغرض التفاوض مضيفا ان المدرب طلب 200 الف يورو كمرتب سنوي الى جانب المخصصات الاخرى من سكن وشقة وعربة كما شكر مساعد السكرتير المدير الفني السابق للمنتخب محمد عبدالله مازدا، واضاف ان اتحاده درس عددا من السير الذاتية لعدد من المدربين مؤكدا مساهمة اتحاده في مخصصات المدرب الى جانب توفير التزامات طاقمه المعاون، مشيدا بخطوة اتحاده بتكليف مازدا مشرفا فنيا واداريا لكلية المنتخب الوطني.

مد قروشك على قدر جزلانك
السيد الوزير قال نحنا – أى في الوزارة – إستطعنا توفير مبلغ 13500 دولار أمريكي مساهمة ودعم في راتب المدرب وسكرتير الإتحاد قال نحن حا نكمل الباقي يعني الناقصه بنتمها نحن ودافع بضراوة عن مقدرات وإمكانيات المدرب وأنه محاضر من قبل الفيفا وأنه عمل وفعل إلى آخره ، والسيد الوزير برضو قال نحن وبرضك في الوزارة إستعرضنا السي فيز الخاصة بالمدربين وإعترضنا على بعضهم ووقع الإختيار على الراجل ده ، وللعلم فإن المدرب طالب مائتي ألف يورو ونحنا ما حا نديهو المبلغ ده لأنه دا إلتزام وإلتزاماتنا لازم تكون على قدر إمكانياتنا ، المهم السيد الوزير ما قصر تب
ولمن الناس مرضانه بالكوره كده لازم يكون في دعم يعني المدرب ده يقوموا يخصصوا قصاده دخل نص يوم من دخل البترول ، ولو ما دايرين يمرقوا قروش البترول الأبت تظهر في البلد لغاية الآن – الناس كحيانه ومغبشه ومكنكشه ومدروشه – أها يقوموا يفرضوا ضريبة تضربهم في الركب - على المغتربين طبعاً -زي بتاعت كنانه والرهد والدندر والجريح والغريق والشهيد والتلفزيون القومي وهلم .. وأهو كله دعم وكلو بحقه. وتكون الضريبه شقاقة العناقريبا (على وزن يضربك الضريب شقاق العناقريب) وأحسب أنه سلاح أمضي من القنابل العنقودية عطفاً على العنقريب وكراب العنقريب.
بس يا جماعه ناسنا ديل باين ليكم لو جبنا ليهم أوليفر توست بقدر يعمل ليهم حاجه مش السد العالي لمن جابوهو عشان يدرب أحد الفرق بالعاصمة في أول تمرين شاف الناس كده ما عجبوهو قال لمدير الكرة ولا رئيس النادي "أنا يا ... مدرب مش ساحر"
====
يا أبوحميد يمكن تصدق الحكاية مع الراجل وتلفق معاهو ويصبح مشهور ويدرب فريق ليفربول - مش الفرنسي برونو ميتسو درب السنغال والإمارات والآن يدرب منتخب قطر وكل تلك المنتخبات لم تكسب عافيه بعد تدريبه لها ويقول ليك المدرب الفرنسي صبور ولا يتعجل النتائج ، وطيب نقول على الجمهوري السوداني شنو يا عم صبور يا أبن صابر عيل صبري.
وأبشر ناس الحكومة أن المدرب الفرنسي عمر فيليب تروسيه ممكن يدرب السودان لو زادوا القروش شويه