Post: #1
Title: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 04:56 AM
السلام عليكم:
خطرت ببالي فكرت هذا البوست..
لمشاركتكم هول ما ألاقي من أصناف الطعام هنا..
أصحاب القلوب الضعيفه يمتنعون..
ملحوظه:
كل الصور ملتقطه بالكاميرا خاصتي..
|
Post: #2
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 04:58 AM
Parent: #1
صينية ضفادع من اللي يحبها قلبك...
|
Post: #3
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 05:07 AM
Parent: #2
أمعاء خنزير
|
Post: #5
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 05:11 AM
Parent: #3
رجلين حاجه غايتو ما عارفاها شنو..
|
Post: #6
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 05:17 AM
Parent: #5
Sea food
|
Post: #4
Title: Re: Chinese food ... لو ما فاطر .. ماتخاطر..
Author: osman righeem
Date: 02-07-2009, 05:10 AM
Parent: #2
مولانا اماني
نهارك سعيد
الضفادع دي ياها القعونج
اها لمن طبختيها كانت مقطعه جاهزة
من السوبرماركت
وللا قطعتيها انت؟
بعدين من ناحية الحلال و الحرام
الضفادع دي من فصيلة السمك وللا الضب
لانها بتعيش معاهم الاتنين
مافي داعي للوصفه والمقادير
|
Post: #7
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 05:24 AM
Parent: #4
أهلااااااا السيد المدير:
الضفادع دي صورتها بس وحياتك..
لا قطعتها ولا قربت منها..
التصوير ذاته من بعييييييييد..
عارف الضفادع دي تشريحها ساكت في سنة البرليم كان حيوديني في داهيه..
سعيده بطلتك..
|
Post: #8
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 05:28 AM
Parent: #7
نوع من أنواع ال Crab
|
Post: #9
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 05:33 AM
Parent: #8
تاني Sea food
كل أشكال الديدان
بكبوها كلها مع بعض في الصحن الفي النص الكبير ده..
زي فكرة العصيده والملاح..
|
Post: #10
Title: Re: Chinese food ... لو ما فاطر .. ماتخاطر..
Author: Abureesh
Date: 02-07-2009, 05:36 AM
Parent: #8
انتى فى الصين واللا فى الســودان؟
ما جابو ليكم طبق...........
النزول تحت لقراءة نوع الطبق على مســؤوليتك!
طبق دود
(أى والله)
|
Post: #11
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 05:52 AM
Parent: #10
الأخ Abureesh:
عادي .. عادي..
حتي في السوبر ماركت بتباع حي..
يعني بكون بتحرك.. وكده..
أها هم بشتروه كده وبيمشوا طواااالي يظبطوه..
يعني هم بياكلوا السلاحف بقت علي الدود الصغير ده..
-----
في الصين ...
|
Post: #12
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 05:54 AM
Parent: #11
سمك نئ...
|
Post: #13
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 05:57 AM
Parent: #12
أقول؟.. وللا ما في داعي؟؟؟
|
Post: #14
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 06:00 AM
Parent: #13
حركه علي شكل باربكيو...
|
Post: #25
Title: Re: Chinese food ... لو ما فاطر .. ماتخاطر..
Author: ALZOLZATOO
Date: 02-07-2009, 09:04 AM
Parent: #14
العزيزة ا ماني ،،
يادوب كده فتحتي نفسنا للغداء لووول يكه
عارفه الصينين ديل عندهم حاجات عجيبة جدا
الصينين الذين بنوا قاعة الصداقة كانوا ساكنين في المقرن كلية التربية جامعة السودان حاليا
اها وحاتك مرة قالوا للمترجم بتاعهم عايزين حاجة يضبحوها اها صاحبنا وداهم محل الخرفان عشان يعزلوا واحد ! عارفه الجماعة عزلوا شنو
ديل ماعجبهم الا الحمار بتاع سيد الخرفان زاتووو قالوا فيهو بروتين كتير
اها بتاع الخرفان طوالي ترجل من حمارو وباعو للجماعة قام صاحبنا نصحهم بان يضبحوه باكرا عشان الناس ماتشوفهم .
بعدين اذكر كانوا عندهم كم خنزير كده مربنوا والزمن داك كنا حايمين بالنبلة ومابتعجبنا الا صرخة الخنزير بعد ماياخد ليهو حجر بالنبلة .
لكن الغربة اسع كتلت قلبنا وعادي بنشرب شوربة ابو جلامبو وتشيلي وتزحي في الكرعين المشربكة وتدخلي الملعقة وتشربي ساااكت
بعدين الروبيان العامل زي الحشرات ده اها ده يوم الخميس مابتلاقيهو في السوق لووول يكه الكيلو بتاعو غالي في فترات الشتاء
تحياتي
زاتوووو
|
Post: #29
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 11:55 AM
Parent: #25
ياهلا بالزول ذاتوو:
وعادي بنشرب شوربة ابو جلامبو وتشيلي وتزحي في الكرعين المشربكة وتدخلي الملعقة وتشربي ساااكت
اااااااااااااااااااااااااااااااا
حرام عليك..
البتاع ده أنا ما بقدر أعاين ليه ..
ياخ ده عنده عيون بتخوف .. وبعدين عنده كترت رجلين..
وشكله كده بلاستيك.. بلاستيك..
قلت لي نفسك اتفتحت .. ما شاء الله..
|
Post: #15
Title: عووووووووع
Author: Ameer Elfatih
Date: 02-07-2009, 06:09 AM
Parent: #1
الحمد لله على نعمة الاسلام
|
Post: #16
Title: Re: عووووووووع
Author: عبدالله كع
Date: 02-07-2009, 06:38 AM
Parent: #15
اماني حبابك يا اخيه
ده حقنا البنعرفو !!
.......................
صدقني بالجدجد لوعزمتني اي وجبه في اي حته .. ما بجيك نهائي ولابعتزر بي عدم الجيه كمان !!
|
Post: #17
Title: Re: عووووووووع
Author: osman righeem
Date: 02-07-2009, 06:46 AM
Parent: #16
ده فيه تلاته مشاكل
1- كل العاملين بالمطعم بيأكدو ليك انه ني
2- غالي الثمن
3- فيه نوع بيكون بيمشي في الطبق و يديك احساس انك كديسه
|
Post: #19
Title: Re: عووووووووع
Author: Emad Abdulla
Date: 02-07-2009, 07:17 AM
Parent: #17
إنا لله ..
سد النفس من صباحات ربنا ده ليه يا أماني ياخ ؟
ناقصين نحنا ؟
|
Post: #22
Title: Re: عووووووووع
Author: Amany Elamin
Date: 02-07-2009, 07:36 AM
Parent: #19
ياهلا عماد عبدالله:
سد النفس من صباحات ربنا ده ليه يا أماني ياخ ؟
ناقصين نحنا ؟
متأسفين جنابك..
بس قلنا نرفه عليكم شويه... (وش أخضر)
|
Post: #21
Title: Re: عووووووووع
Author: Amany Elamin
Date: 02-07-2009, 07:32 AM
Parent: #17
يامدير:
فيه نوع بيكون بيمشي في الطبق و يديك احساس انك كديسه
LooooooooooooooooooooooooL
|
Post: #20
Title: Re: عووووووووع
Author: Amany Elamin
Date: 02-07-2009, 07:27 AM
Parent: #16
عبدالله كع:
صدقيني بالجدجد لوعزمتيني اي وجبه في اي حته .. ما بجيك نهائي ولابعتزر بي عدم الجيه كمان !!
انت بس أعمل زيي:
الSupervisor بتاعي قال:
أماني أول حاجه تعاين للصحن كوييييييس..
بعدين تسأل : What is this؟
بعدين تقعد تفكر..
في النهايه تقول NO NO NO NO...
|
Post: #18
Title: Re: عووووووووع
Author: Amany Elamin
Date: 02-07-2009, 07:13 AM
Parent: #15
أمير الفاتح:
الحمد لله على نعمة الاسلام
الغريبه هم شايفننا محرومين كيف !!!
يعني من غير الضفادع والحاجات الغريبه دي..
نص عمرنا ضايع..
|
Post: #23
Title: Re: عووووووووع
Author: smart_ana2001
Date: 02-07-2009, 08:00 AM
Parent: #18
سلامات Amany Elamin
بوستك لذيذ....
يا زوله جربى اى حاجه (بس ما الخنزير)...و اكيد ح تلقى حاجه تعجبك ..
_________________________________________________________________________
السمك النى ده بالمناسبة جميل جدا جدا
|
Post: #31
Title: Re: عووووووووع
Author: Amany Elamin
Date: 02-07-2009, 12:06 PM
Parent: #23
أهلا Smart-ana:
يا زوله جربى اى حاجه (بس ما الخنزير)...و اكيد ح تلقى حاجه تعجبك ..
وحياتك جنس أسئله.. نكيييير..
ده شنو ؟,, وبعملوه كيف؟..ولييه؟
الغريبه بقولوا الأفارقه هم اللي بياكلوا أي حاجه..
لكن طلعنا اشاعه ساي..
----------
جاياكم في بوست (فيصل نوبي معليش) ممكن؟
|
Post: #24
Title: ءؤر
Author: Teeta
Date: 02-07-2009, 08:21 AM
Parent: #1
امانى صباح الخير
تصدقى الجماعه ديل لما جوا السودان كملوا الكلاب والحمير على ناس الجيلى
لانهم شغالين فى المصفاة . يعنى ما عندهم قشه مره تب . صدقى انا فى هولندا الطمه الدخلتنى ما مرقت لى اسع من انواع اكلهم رغم انه كانوا بيقدموا لينا لحوم ويقولوا حلال لانهم عرفوا اننا مابناكل اى شى
فعلا الحمد لله على نعمة الاسلام
ام الاء
|
Post: #26
Title: Re: ءؤر
Author: tmbis
Date: 02-07-2009, 10:16 AM
Parent: #24
| Quote: يعني هم بياكلوا السلاحف بقت علي الدود الصغير ده.. |
يا اماني .. كدا دا ممكن نقول ليك حمد الله على السلامة .. ومرحب بيك في المنبر العام لسودانيزاونلاين طالما بقيتي تجيبي وجبات دسمة بالطريقة دي 
طبعا أخوك كان ( جلابي وتاجر برمائيات ) .. ونشاطي كان مغطي المنطقة الواقعة تحت مسجد النيلين .. والخور الصغير الفاصل ما بين مسجد النيلين والجمعية التاسيسية سابقاً ..
كنت أكبر مورد لي ( ابو القدح ) لي بعض الخبراء في المستشفى الصيني كنت لما اجيب ليهم أبو القدح .. بيدفعوا لي دم قلبمم ، طبعا مرات مرات .. مع الكاش حقي .. بتجيني ساندوتشات كدا ( طاعمـة ) جدا .. وكنت بدوسه زي الما حصلت حاجة .. بعد فترة اكتشفت انها عبارة عن ( استيك بتاع سلاحف ) بي صلصة مخ الضفادع .. لكن حاجة ما تخلص ..
اثرت شجوننا يا أماني
بالنسبة لي الرجلين اعــلاه:
دي رجلين (جداد) مسلوقة .. نص عمرك ضايع لو ما ضقتيها .. فيها شوربة مبالغة.. بالذات لو بقت الجدادة ( رخــص ) .. بالمناسبة في سوق في الثورات أمدرمان بتتباع فوقو الوجبة دي بيسموها ( ليلار .. Leylar ) لكن السوق دا زاتو علشان تدخل ليهو إلا قلبك يكون محدثك ..
الكوريين زمان في قصر الشباب كانو بيعملوا شوربة من ( قرون البقر ) بيمشو يجيبوها من السلخانة .. حاولت مرة أجرب أعمله في البيت من قرون (الماعــز) المسالة ما ظبطت جربتها في الكلب حقي .. بعد نص ساعة ندمني على الوجبــة الدسمة دي .. تخيلي أنا من دون ناس البيت ساكيني الحلة كلها ويهوهو .. ما عارف كان قصدو شنـو بالضبط
بالمناسبة .. أوعه تقولي لي ما جربتي الاخطبوط .. ياخ في يدينو الطوال ديل في حلقات كدا عامله زي (الجلبة ) بتاعت الجلد بتاعت الحنفية الزمان ديك .. عارفه كان قمتي سلقتيها مع ( الرز وعملتي ليها شوية من زيت الصويا .. وشوية خضار سوتية ) ( فلفليه وجزر وزهرة قرنبيط وشوية بصل ) .. صدقيني ما ح تخليها تاني ..
|
Post: #27
Title: Re: Chinese food ... لو ما فاطر .. ماتخاطر..
Author: ALZOLZATOO
Date: 02-07-2009, 10:36 AM
Parent: #26
ياتامبا
انت كنت في المظلات ولا شنو لووول يكه
عندنا قريبنا كان في المظلات اها قلت ليهو بتاكلو قعنجات ( ضفادع) قال لي القعونجات دي يوم نلاقيها
ده بيكون عيد الشكر بس هناك بيجيبو ديك رومي ونحن بنستمتع بالضفادع قال لي ماسمعت بالحلة بصلة
الضفادع كرعين لوووووووووووووول يكه
تحياتي
زاتووووو
|
Post: #28
Title: Re: Chinese food ... لو ما فاطر .. ماتخاطر..
Author: GamarBoBa
Date: 02-07-2009, 11:24 AM
Parent: #27
سلام اماني وزوراها الكرام...
اول مرة امش الصين كنت مفتكر نفسي حقدر اتعامل مع المسألة بتاعة الاكل اعتمادا علي تجربة المطعم الصيني في السعودية
غايتو خشيت مطلعم كدة عجيب في قوانزو...مسكت نخرتي واخدت الصور دي واتخارجت لانو انت بتختار المسألة حية من العرض بعد داك بجهزوها ليك
من اليوم ديك بس مع ابواليمن والاكل العربي ده وفول العلب...
ده المطعم كدة
دي حاجات بتتحرك كدة ومشكلة كدة
حاجات وحاجات
ما بعرفها شنو
كذلك في الزمالك
عمنا التمساح البغنوا ليه تمساح العشاري وله شنو داك لقيته مكرفس في شفوت قالوا دايرنه هو ذاتو
لكن للامانة كدة قربت اقالده وابكي لانو الوحيد العرفته هنا هو ..وفي موقف بايخ..عامل لينا فيها راجل ساي في النيل ده
تحياتي
|
Post: #34
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 01:03 PM
Parent: #28
وعليكم السلام GamarBoBa:
لانو انت بتختار المسألة حية من العرض بعد داك بجهزوها ليك
في المطعم وفي السوبر ماركت
في كترت حاجات حيه.. بتعوم.. وبتمشي.. وكله..
عشان كده في الجزء بتاع اللحوم ده في السوبر ماركت,,
أول حاجه تمشي في النص.. يعني لازم تبعد من الرفوف بتاعت العرض خوفا علي سلامتك..
خصوصا أنه الحاجات دي بتعضي وبتتشربك عادي..
والأفضل انك تغمض عيونك وتمشي بسرعه..
أنا مره في الباص واقف جنبي لزم واحد..
وكل شويه يطلع ليه علبه متوسطة الحجم كده من جيب الجاكت يعاين ليها..
ويدخلها تاني..
وشكله مستانس يا قول الخليجيين..
واقف جنبي زي نص ساعه كده..
بس قبل ما ينزل لمحت ليك العلبه فيها شنو..
أكبر وأغرب حشره أشوفها في حياتي..
ولو شفته بعاين ليها باعجاب كيف.. (شكلو ده العشاء)..
غايتو أنا بعد مانزل حيلي برد..
ومن يومها تاني مافي زول شافني راكبه باص..
من اليوم ديك بس مع ابواليمن والاكل العربي ده وفول العلب...
في داعي تذكرني الموضوع ده..؟؟ وش أحمر بطلع نار..
عمنا التمساح البغنوا ليه تمساح العشاري وله شنو داك لقيته مكرفس في شفوت قالوا دايرنه هو ذاتو
لكن للامانة كدة قربت اقالده وابكي لانو الوحيد العرفته هنا هو ..وفي موقف بايخ..عامل لينا فيها راجل ساي في النيل ده
LOOOOOOOOOOOOOOOOOOOOOOOOOOOOOOOOOOOOOOOL
تحياتي
|
Post: #33
Title: Re: ءؤر
Author: Amany Elamin
Date: 02-07-2009, 12:44 PM
Parent: #26
أهلاااا يا تمبس:
الحمد لله الضفادع والسلاحف جابتك لينا..
ياخ ضحكتني شديد, لما اتحرجت من الناس المعاي..
تاجر برمائيات ونشاطي كان مغطي المنطقة الواقعة تحت مسجد النيلين .. والخور الصغير الفاصل ما بين مسجد النيلين والجمعية التاسيسية سابقاً
لا لا لا.. أول مره أسمع بالمهنه الخطيره دي, طيب الحاجات دي هنا بيربوها.. انتوا بتقبضوها وللا بتعملوا شنو؟؟؟
وكنت بدوسه زي الما حصلت حاجة .. بعد فترة اكتشفت انها عبارة عن ( استيك بتاع سلاحف ) بي صلصة مخ الضفادع .. لكن حاجة ما تخلص ..
يعني أنت أول حاجه أكلت, حتي بعد مساااافه عرفت الأكلته ده شنو..
ماشاء الله...
بعدين يا تمبس ياخ..
السلاحف دي خلقت ربنا استيك..
يعني يعملوها استيك تاني كيف!!!
السلاحف.. أنا شايفاهم ببيعوها في السوبر ماركت..
وكل مره أشوف لي واحده شايله ليها سلحفاء في قفص..
أقول سبحان الله كمان بيربوا السلاحف في البيت.. وهم كيف!!..
بس قام طلع ده العشاء وكده.. هييييييييييييه..
دي رجلين (جداد) مسلوقة .. نص عمرك ضايع لو ما ضقتيها .. فيها شوربة مبالغة.. بالذات لو بقت الجدادة ( رخــص ) ..
أصلو ده جداد الوادي.. ياخ دي رجلين كبيره شديد..
يعني النعامه ما أظن رجلينها كبيره كده..
أوعه تقولي لي ما جربتي الاخطبوط .. ياخ في يدينو الطوال ديل في حلقات
ااااااااااااااااااااااااااااااااا
غمضت عيوني وماقدرته أقرأ باقي الكلام..
الدنيا ليل يا تمبس ياخ..
|
Post: #32
Title: Re: ءؤر
Author: Amany Elamin
Date: 02-07-2009, 12:17 PM
Parent: #24
هلا يا تيتا:
تصدقى الجماعه ديل لما جوا السودان كملوا الكلاب والحمير على ناس الجيلى
طبعا أنا قايله الكلام ده اشاعات..
بقيت كل مره أسألهم من حاجه..
مره قلت لهم طبعا انتوا الناس مطلعين عليكم اشاعه قالو بتاكلوا الضفادع وكده..؟
قالوا لي لا لا ياخ ما اشاعه الضفادع دي ألذ حاجه..
طيب الكلاب كيف؟ تخيلوا قالوا بتاكلوا الكلاب.. غايتو ناس السودان ديل كذابين كذب..؟
لا لا لا والله في الجنوب الكلاب دي أجمل أكله.. يا سلااااام..
طيب الحشرات؟؟؟ (وش أحمر مطلع نار)
عااااااادي
أها شفتي بقيت موضوع الأكل ما بتناقش معاهم فيه أبدا..
تحياتي,,
|
Post: #30
Title: Re: Chinese food ... لو ما فاطر .. ماتخاطر..
Author: الملك
Date: 02-07-2009, 11:59 AM
Parent: #1
,,,
,,,
| Quote: كل الصور ملتقطه بالكاميرا خاصتي.. |
غايتو
دى نوعية
خاصتنا نحنا :)
,,,
,,,
|
Post: #35
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-07-2009, 01:11 PM
Parent: #30
أهلا الملك:
المكاواه سلوك غير حضاري.. واحتمال تدخل النار
بسبب الصوره الفوق دي..
مش قالوا ليك: ليس منا من شنو كده وجاره شنو كده وهو يعلم؟؟؟؟؟!!!!!!!!!!
(مع الاعتذار للحديث الشريف كده حتدخلني النار معاك)
|
Post: #36
Title: Re: Chinese food ... لو ما فاطر .. ماتخاطر..
Author: smart_ana2001
Date: 02-07-2009, 01:11 PM
Parent: #30
| Quote: جاياكم في بوست (فيصل نوبي معليش) ممكن؟ |
معقوله بس؟؟؟؟ انت ح تشرفينى......و ح تشرفى فيصل نوبى
|
Post: #37
Title: Re: Chinese food ... لو ما فاطر .. ماتخاطر..
Author: سناء عبد السيد
Date: 02-07-2009, 06:10 PM
Parent: #36
Quote: عمنا التمساح البغنوا ليه تمساح العشاري وله شنو داك لقيته مكرفس في شفوت
لكن للامانة كدة قربت اقالده وابكي لانو الوحيد العرفته هنا هو ..وفي موقف بايخ..عامل لينا فيها راجل ساي في النيل ده |
هههههههه مبالغة
قلتي لي التمساح عامل لينا فيها راجل في السودان وهنا قاعد زيو و زي الضب, مسكين انا زاتي حنني لمن دموعي نزلو
شخصيا بحب الاكل الصيني شديد لكن ناس السي فوود و الكعونجات و الزواحف ما معانا
مشينا انا و صاحباتي مرة , واحدة فيهم جابت ليها شي مفروض انه جكن قالت لي الشي ده لحمة كلاب
قلت ليها عرفتي كيف معناتك متعودة خلاص اطفحي و ما تقريفينا
|
Post: #43
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-08-2009, 04:18 AM
Parent: #37
أهلا يا سناء:
الاقتباس عن التمساح للأخ GamarBoBa
بس لأني موضوع الاقتباس ده ماظابط معاي
بقوم بعمل copy & paste للمداخله
المهم..
قلت لي:
مشينا انا و صاحباتي مرة , واحدة فيهم جابت ليها شي مفروض انه جكن قالت لي الشي ده لحمة كلاب
طبعا نفس الشي عندي, كل ماأسألهم من حاجه يقولوا لي Chiken, وتكون لا بتشبه الChiken ولا حاجه..
عشان كده بقيت الا أشتري من محل اللحوم الاسلاميه وأطبخ.. لأنه دي الطريقه المضمونه الوحيده..
ده طبعا لو في وقت مع زحمة الشغل..
نورتينا,,,
|
Post: #38
Title: Re: Chinese food ... لو ما فاطر .. ماتخاطر..
Author: علاء الدين محمد بابكر
Date: 02-07-2009, 06:10 PM
Parent: #36
طبعا يا اماني..انا الحاجة دي اول مرة اشوفها في الطيارة الأماراتية..مسمنها اسم جميل
(فواكه بحر) هي ومعاها جماعة اصحابها برضو ما عرفتهم..
قلت يا زول نحنا الحد بيننا وبينهم الحرام..وطعام البحر كله حلال..
قمت دخلت جوة الصحن واخدت لي غطسة وطلعت امصمص في شنباتي..ومن ديك وما خليتا..
المرة التانية لاقتني في (الحج) مع جماعة حاجين الحج الفاخر..اكتر حاجة زهجتني فيها
القشر المتغطية بيهو دة زايدن الشنبات..قدر ما تزحزحة تتشربك فيك...
انا جادي والله..هل هي الجنبري..والفرق بينو وبين البروبيان شنو؟ لانو البروبيان دة حاجة
ما تخلص...
مرة سالت مهندس صيني عن حقيقة اكلهم للكلاب..رد علي رد افرب من السؤال..
قال انو هو وجبة غير متوفرة بالساهل للعامة وهو جربو مرة واحدة بس وكان محظوظ...
تخريمة:
علاقة الإسلام شنو بالأكل دة؟؟
الحرام في الأكل:
حرمت عليكم الميتة والدم ولحم الخنزبر............
والما حرام..الأصغر منك دوسو...
طبعا انا خلاص بطني طمت..........
|
Post: #39
Title: Re: Chinese food ... لو ما فاطر .. ماتخاطر..
Author: معتز تروتسكى
Date: 02-07-2009, 06:31 PM
Parent: #38
خالص التحايا
العزيزة
Amany Elamin
خن خاوشر..
ياسيتى يجازي محنك الواحد لمن بقى يمطق..الواحد ماعارف يختار شنو من شنو
يااااااااااااااه..
طبعا الطبق ده مبالغة..
ودي حاجات القزقزة بتكون اكتر شى في المناطق الشعبية، بكون معاهم اذرع اخطبوط معلق في العيدان دي ياخ مبالغة المبالغة..
* بالمناسبة اقول ليك معلومة الاكل الصيني قد يبدو مقزز لكنو صحي جدا جدا ، انا ماعانيت بقدر مابعاني من الاكل السوداني...
حتى الاكل ده انا ماخد منو نظرية تصريف القروش..
الشباب السناير والبرالمة المعانا كانو بمسكوني قروشهم نظام انا مابصرف كتير مش بخيل يعني لكن اتعلمت نظرية من الاكل الصيني ، فبقول ليهم في الاكل الصيني الشى الداير نار بدوهو نار والداير سكر بدوهو سكر والمادير زيت مابدهو وهكذا ، يبقى الشي الداير صرف اصرف فيهو ومابدور صرف لو الحكاية بقت اخر الشهر وماوصلت الماصريف فجلي الفكرة واتخذ نظرية المصاريف من طريقة الطهو الصيني. .
شفتى الطبيخ الصيني فيهو فؤائد كيف ، خلاف صحتو وانو شهي...
ياخ يالهنا والشفا وبالجد جربي (Crab) مش حتأدري تبطلي اكلو..
التحايا النواضر...
|
Post: #40
Title: Re: Chinese food ... لو ما فاطر .. ماتخاطر..
Author: Ishraga Mustafa
Date: 02-07-2009, 06:46 PM
Parent: #39
مرحب بيك يا امانى وانشاء الله يطيب ليك المقام
مالو الاكل الصينى؟ عيبو لىّ؟
مبهر ولذيذ يا امانى
غايتو لمن كنت حامل بولدى واصل بكون دخلت اى مطعم صينى فى فيينا
امن ولدى طلع بيشبهم {ههههة}
ونص ماهيتى ماشة لبكين..
وجبات بالخضار والفراخ والرز ماتخلص
والعجب الشطة بتاعتهم
انا بطلبها طلب كنت ايامها
الاسبوع الفات اتغديت مع زميلاتى فى مطعم يابانى
بالله وقعن فى السمك نى لمن قربت اقوم امشى المطعم بتاع الايرانين
يعنى المستغرب من اكل اللحم النىء نخليهو يقلب دفتر تظامنا الغذائى
ام فتفت وضلافين والباسم وحاجات بيكون الصينين ذاتهم مستغربين فيها{ مافى وش منطط عبونو}
تحياتى يا امانى..
|
Post: #41
Title: Re: Chinese food ... لو ما فاطر .. ماتخاطر..
Author: ibrahim kojan
Date: 02-07-2009, 10:09 PM
Parent: #40
ازيك يا اماني ..
طبعا انا اي حاجه طلعوها من البحر بتفرفر ولا ميته اكلتها في بلد السجم الانا عايش فيها
لكن بصراحه امعاء الخنزير ما جربتها(يمكن لانو حيوان ما بحري ) وش ضاحك.............. رغم انو قالو ما بطاله....
مره حكيت لصحبي عماد عبدالله العمايل البعملا وكنت.... في بيتم وعازمني عشاء والله حرد الاكل
وقال منعول ابو البياكل معاك تاني....
اما في البرلم كنت الوحيد اليبشرح الضفدعه زي الماحصل شئ وطوالي علي الغدا!!! ولا قرف ولا يحزنون!!!!
اها رايك شنو؟؟؟؟
|
Post: #42
Title: Re: Chinese food ... لو ما فاطر .. ماتخاطر..
Author: ابراهيم محمد موسي
Date: 02-07-2009, 10:38 PM
Parent: #41
اسع عليك اللة في احلي و اطعم من
أم تكشو
ملاح الانقارا
ملاح الكمبو
سناكيلو
ملاح مطيعينة
أم دفان
ضوّاك
أنتقق
ولدول
الكراد
ويرتق
أم حليبين
سد الحنك
سمرونا
بجبجي
أم جقوقة
|
Post: #49
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-08-2009, 05:35 AM
Parent: #42
الأخ ابراهيم محمد موسي:
ديل منو؟
الترجمه أسفل الشاشه لو سمحت..
علي فكره في قروب في الفيس بوك لذيذ اسمه:
ملاح أم رقيقة وجيل فيفتي سنت وعلاقته بحبوبة (وتس أب مان؟).
أنا شايفه انك تنضم ليهم..
شكلهم حيستفيدوا من مواهبك شديد..
كسره:
هسي لو قالوا ليك بيعملوهم كيف؟ تطلع ما عارف..
|
Post: #47
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-08-2009, 05:16 AM
Parent: #41
أهلا يادكتور ابراهيم كوجان:
مره حكيت لصحبي عماد عبدالله العمايل البعملا وكنت.... في بيتم وعازمني عشاء والله حرد الاكل
وقال منعول ابو البياكل معاك تاني....
هسي شايفاه متضايق في البوست ده شديد LOOOOOOOOOOOOOL
لكن في بيته ويحرد ليك العشاء.. ماتخليه..
هسي عشان كلامك ده حأمشي أجيب لي كم صوره تانيه وأجيه..LOOOOOOL
اما في البرلم كنت الوحيد اليبشرح الضفدعه زي الماحصل شئ وطوالي علي الغدا!!! ولا قرف ولا يحزنون!!!!
اها رايك شنو؟؟؟؟
والله يا دكتور انتو طالما شرحتوا البني ادمين وماقرفتوا.. الضفادع أكيد مابتغلبكم..
أيام كنت بدخل الTheater اخد عينات للبحث بتاعي..
غايتو الجراحين ديل حيروني..
الهظار والونسه والضحك, وأعصابهم Relax كيف..
ويكونوا فاتحين ليهم بطن زول..
Unbelievable
ربنا يعينكم,,
شكرا علي المرور..
|
Post: #46
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-08-2009, 05:02 AM
Parent: #40
أهلا بدكتوره اشراقه ست الستات:
مالو الاكل الصينى؟ عيبو لىّ؟
مبهر ولذيذ يا امانى
والله يادكتوره المطاعم الاسلاميه البتعمل حاجات معقوله دي
قاعد يكون فيها فعلا Tasty..
غايتو لمن كنت حامل بولدى واصل بكون دخلت اى مطعم صينى فى فيينا
امن ولدى طلع بيشبهم {ههههة}
شفتي غلطتي في حق الولد كيف.. LOOOOOOOOL
يعنى المستغرب من اكل اللحم النىء نخليهو يقلب دفتر تظامنا الغذائى
ام فتفت وضلافين والباسم وحاجات بيكون الصينين ذاتهم مستغربين فيها{ مافى وش منطط عبونو}
طبعا كلامك مظبوط.. لأنه السودانيين الخروف ده ما بيخلوا فيه أي حاجه..
بس الصينين مزودنها شويه..
يعني أي حاجه بتمشي وللا بتعوم وللا بتطير مستعدين ياكلوها..
وزولتك غير الشيه في الخروف مابتاكل حاجه..
شفتي الصدمه..
أتشرفت بمرورك..
|
Post: #45
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-08-2009, 04:52 AM
Parent: #39
أهلا يا معتز:
طبعا الطبق ده مبالغة..
حسبي الله.. البتاع ده(Crab) لمن ياكلوه أنا القعده بتغلبني..
بتسمع صوت بتاع قرمشه. وحاجات بتتكسر.. لمن جسمك يكش..
بعدين حأحكي ليك قصه عشان تاني ما تاكله..
مره بالصدفه لقيت لي برنامج طبخ في التلفزيون..
وعشان حظي الأسود قالو عايزين يطبخوا الCrab ده..
بس جابوا الطوه وكبوا فيها شوية زيت.. وجابوا Crab كبير كده ختوهوا فيها..
بعد شويه الزيت سخن.. قام الCrab مشي في الطوه برجلينه..
الظاهر كان ما ميت وحسه بحرارة الطوه..
والله أنا بكيت وصرخته كيف..
بس تاني لما تجي تاكله اتخيله قام فجأه مشي ليك.. كويس (وجه أخضر)
تحياتي,,,
|
Post: #44
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-08-2009, 04:41 AM
Parent: #38
أهلا أهلا
يامرحب بالأخ علاء:
القشر المتغطية بيهو دة زايدن الشنبات..قدر ما تزحزحة تتشربك فيك...
ااااااااااااااااااااااااااااا
يعني أنا قلت أعذب الناس دي معاي ذي ما عيني طالعه,,
قاموا عملوا لي رعب زياده..
وصاف والله وصاف ..
حسبي الله..
انا جادي والله..هل هي الجنبري..والفرق بينو وبين البروبيان شنو؟
نفس الشئ.. الروبيان والجمبري واحد..
ياهم العندهم مليون رجل بتشربكوا ديل..
علاقة الإسلام شنو بالأكل دة؟؟
والله يامولانا قالوا الايه:
(أحل لكم صيد البحر وطعامه..)
معناتها كله تمام.. والله أعلم..
لكن الضفادع ما معانا, لأنها برمائيه..
طيب التمساح قياسا علي كده برضو ما معانا صاح؟؟
|
Post: #48
Title: Re: Chinese food ... لو ما فاطر .. ماتخاطر..
Author: قيقراوي
Date: 02-08-2009, 05:17 AM
Parent: #44
طيب و كت انت
الرسول الكريم قال " اطلبوا العلم و لو في الصين "
ياخ انا من زمان في سؤال حاقص لي و عاوز زول يجاوبو لي :
الـ Chinese food اسمو برضو Chinese food و لا food ساكت ؟
مرحب بيك ياخ
مش انتي الزولة الكانت بتتحوقل على باب المنبر قبل كم يوم ؟
|
Post: #50
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-08-2009, 05:41 AM
Parent: #48
أهلا أهلا..
مرحب بيك يا أخ قيقراوي..
قلت لي:
في الصين ... الـ Chinese food اسمو برضو Chinese food و لا food ساكت ؟
بالنسبه لمنو؟ للChinese ,وللا للما Chinese؟؟ (وجه مادي لسانه)..
شكرا علي الترحيب..
|
Post: #51
Title: Re: Chinese food ... لو ما فاطر .. ماتخاطر..
Author: قيقراوي
Date: 02-08-2009, 06:14 AM
Parent: #50
لا ما تاكلينا حنك
ما دام في الصين نحنا موصيين نطلب العلم :
طيب كل الـ food في الصين من النوع البياكل الـ food بتاع الـ SUDANESE من عينة السلطة و الدكوة و الجرجير و الموز ؟
لما كنا طلبة مرة واحد جا متأخر أكلنا و خلينا ليهو حقو . . . لما جا سأل قلنا ليهو الاكل جوة
يمش و يجي يسأل : وين ؟
فكرنا تكون جات غنماية اكلتو . . . لما مشينا شفناه لقينا الدكوة في محلها. . . لما قلنا ليهو دا شنو ؟
قال دا الاكل ؟ مفروض الاكل ياكل دا عشان نقدر نسميهو اكل !
شكرن ليك اديتيني سبب جديد لأن اكون نباتي دكوي ساي
|
Post: #53
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-08-2009, 06:44 AM
Parent: #51
الأخ قيقراوي:
معليش يادوب فهمتك..
ياسيدي زي ما شايف الناس ديل أكلهم مختلف تماااااااما عننا..
يعني العيش مابياكلوهو, وجبنه وفول وسلطه وما عارفه شنو ما سمعو بيها ذاتو..
وناس مكرونه والحاجات دي.. ولا بيجوا بجنبها..
أي أكل سوداني يخطر ببالك مابعرفوهو عديل
هم لغاية وقت قريب كانوا معزولين عن العالم..
عشان كده أكل العالم ده كلو ما سمعو بيه..
ماعدا الرز طبعا..
طريقة الطبخ بتاعتهم ذاتها مختلفه عننا..
أغلب الطبخات بتحتوي علي كميه كبيره من السوائل والزيوت..
عندهم أنواع خضار مدهشه, وكمان بحبو ال Mushroom خالص..
الغريبه بقولو أكلهم صحي..
مع انه مدهن للغايه وSpicy..
صدقني الاختلاف في الطعام وعاداته كبييير خالص عننا..
مشكور..
|
Post: #54
Title: Re: Chinese food ... لو ما فاطر .. ماتخاطر..
Author: Yassir Tayfour
Date: 02-08-2009, 06:51 AM
Parent: #51
Quote: عمنا التمساح البغنوا ليه تمساح العشاري وله شنو داك لقيته مكرفس في شفوت قالوا دايرنه هو ذاتو
لكن للامانة كدة قربت اقالده وابكي لانو الوحيد العرفته هنا هو ..وفي موقف بايخ..عامل لينا فيها راجل ساي في النيل ده |
__
أكرموا عزيز قومٍ ذُلّ..
|
Post: #52
Title: Re: Chinese food ... لو ما فاطر .. ماتخاطر..
Author: نصرالدين عمر الجعلي
Date: 02-08-2009, 06:33 AM
Parent: #1
الاخت الفاضلة اماني
في كل دول الخليج see food طعام الملوك ووجهاء القوم وما عزمك عليهو يكون قصر معاكي شديد وحتى الشوام لما يكون في سي فوود اخر انبساطة الا نحن السودانيين الواحد يبيت القوا ووماياكلوا اي شئ معاه في المعطم( شوفتو ساكت تخلي الجسم يكش ) ( وجه كاشي)
الحاجة الغريبة ان سلطة الروبيان ممكن تكون في الصفرة واكلها بلذة لكن اعرف انها سلطة روبيان
اكان عايزوني يدوني طلقة في راسي ما بدخل فيها ايدي (وجه مستغرب)
|
Post: #55
Title: Re: Chinese food ... لو ما فاطر .. ماتخاطر..
Author: Hala Hassan
Date: 02-08-2009, 08:53 AM
Parent: #52
أمانى،
تصدقى كان لازم أكون أكثر حرصا و أطبق النصيحة الفوق دى بحذافيرها،
حسه، أنا جعانة و ما عارفة اكل كيف؟؟
وجعتى لينا أمعائنا الدقيقة ذاااتو،،،،
تعرفى أنا من طبعى ما بلخبط الاكل على بعض (اكلنا العادى دة)،،
و عندى مشكلة مع السويت ساور تيست،،
يعنى الاكل الصينى (العادى) دة ما تبعى شديييد،
كان أضطريت إضطرارا كدة،
يادوب النودلز و الميت بولز (Meat Balls ) برة الصين)،،،
تجبى تجيبى لينا الصور (المتطرفة) دى!!!
تصدقى خلافا للجماعة،
أضمن شئ فى الوجبات دى، هى تشكيلة الروبيان ،
و يا ريت لو تكون مشوية،،
أما خلاف ذلك،
أخير منها الواحد ينوم جعان!!!!!!!!!!
|
Post: #56
Title: Re: Chinese food ... لو ما فاطر .. ماتخاطر..
Author: ابراهيم محمد موسي
Date: 02-08-2009, 11:58 PM
Parent: #55
كتبت اماني الامين
Quote: الأخ ابراهيم محمد موسي:
ديل منو؟
الترجمه أسفل الشاشه لو سمحت..
علي فكره في قروب في الفيس بوك لذيذ اسمه:
ملاح أم رقيقة وجيل فيفتي سنت وعلاقته بحبوبة (وتس أب مان؟).
أنا شايفه انك تنضم ليهم..
شكلهم حيستفيدوا من مواهبك شديد..
كسره:
هسي لو قالوا ليك بيعملوهم كيف؟ تطلع ما عارف.. |
اماني سلامات وطيب اللة اوقاتك بكل خير
الحقيقة يبدو انك فهمتيني غلط بمداخلتي اعلاة والقصد من كلامي انو انا متواجد
بامريكا و لي 13 سنة ماندر الاقي فيها الاكلات السودانية وذهجت من الاكل السريع و الصيني بصفة خاصة وفعلا ذي ما قلت كتير من الاكلات دي ما بعرفها لكن مشتهيها كتير
وعموما المعذرة ليك وما القصد التقليل من الاكل الصيني
وفتك بعافية
ابوخليل
|
Post: #57
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-09-2009, 04:08 AM
Parent: #56
صباح الخير:
اسمحوا لي أن أبدأ بالرد علي الأخ ابراهيم محمد موسي:
أعتذر بشده ان قمت بفهم ردي علي أنه تهكم, أو شئ من هذا القبيل..
أرجو انك تكون قد اطلعت علي القروب في الفيس بوك لتفهم مقصدي..
لانه قروب مهتم بشرح الوجبات السودانيه الصعبه جدا خصوصا علي الجيل الحالي.
ولو فهمت سبب هذا البوست فهو ببساطه لأنه الحال من بعضه..
أي أني قد سئمت من الوجبات الغريبه التي يقوم باعدادها الصينيون..
وأحن الي طعامنا التقليدي بشده.. وأعاني من صعوبة الحصول عليه..
والبوست أولا وأخيرا ترفيهي وليس لمدح الطعام الصيني وانما علي العكس تماما..
ولذلك كان الرد علي أغلب المتداخلين بفكاهه, وليس بجديه لو لاحظت..
وأغلب المتداخلين لا معرفه شخصيه لي بهم..
أعتذر مره أخري عن اي ضيق سببه لك ردي السابق..
وأرجو تقبل اعتذاري..
|
Post: #59
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-09-2009, 04:33 AM
Parent: #55
هاله حبيبتي:
نورتينا..
تصدقى خلافا للجماعة،
أضمن شئ فى الوجبات دى، هى تشكيلة الروبيان ،
فعلا أي زول جرب الروبيان بيقول انه لذيذ جدا..
أنا بس الظاهر عندي حاجز نفسي من شكله..
أما خلاف ذلك،
أخير منها الواحد ينوم جعان!!!!!!!!!!
انت حتقوليلي..
شكرا حبيبه علي المرور..
|
Post: #58
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-09-2009, 04:19 AM
Parent: #52
الأخ نصر الدين:
فعلا نحن السودانين ثقافة الSea food دي نادره جدا عندنا..
مع انه عندنا البحر الأحمر لكن ما قادرين نستسيغ طعام البحر لغاية الان..
شكرا علي المرور,,
|
Post: #60
Title: Re: Chinese food ... لو ما فاطر .. ماتخاطر..
Author: osman righeem
Date: 02-09-2009, 05:53 AM
Parent: #58
اختنا اماني
تحياتي
كدي بالمره شوفي لينا المشروبات
عصاير و خلافه
لانه مره شفت قزازة مشروب فيها ثعبان
دخلت ايديني في جيبوبي و مشيت عادي
زي الود متعود
|
Post: #61
Title: Re: Chinese food ... لو ما فاطر .. ماتخاطر..
Author: Amany Elamin
Date: 02-10-2009, 04:49 AM
Parent: #60
الأخ العزيز عثمان رغيم:
متأسفه علي التأخر في الاجابه..
لي يومين بعيده قليلا عن البورد..
يا سيدي نحن في بلاد الشاي..
وللشاي هنا ألف صنف ونوع..
وكلما كان Fresh
بمعني أنك تضع الزهره في الكوب وهي ما زالت نضره..;كان ذلك أفضل وأجود..
وعلي فكره الشاي الأسود اللي نحن مدمنين عليه في السودان..
غير رائج هنا اطلاقا.. ويتعجبون من تعودنا عليه..
بصراحه هم في الحته دي بالذات سلوكهم صحي خالص..
الشاي الدافئ (باختلاف النبات المستخلص منه)
هو ما يتم تقديمه في المائده.. وهو جميل جدا علي فكره..
ويقومون بتناوله أيضا طيلة اليوم..
يقولون انه يخلص الجسم من السموم وجيد للمعده والهضم..
ونادرا ما يستسيغ أهل هذه البلاد المشروبات الغازيه..
بل علي العكس يقومون بنصح الأجانب بتجنبها لأنها ضاره..
أما المشروبات الكحوليه باختلاف أنواعها فهي وسيلتهم للاحتفال,,
وتمني الامنيات السعيده ليعضهم البعض..
"طبعا طوالي بسألوني انتو المسلمين لما ما بتشربوا خمر بتحتفلوا كيف؟"
وهي سلوك طبيعي علي أي حال في نظرهم..
وكلما ارتفع سعرها كلما كانت هديه قيمه لشخص عزيز..
ولكن لأنهم شعب عمل فيندر أن تصادف شخص طيلة أيام الاسبوع يتناول الكحول..
يعني غالبا في الWeekend
نهارك سعيد يامدير..
|
Post: #62
Title: Re: Chinese food ... لو ما فاطر .. ماتخاطر..
Author: mutasim Hameed
Date: 02-10-2009, 05:00 AM
Parent: #1
أماني .. يا ختي ..
الفاطر يعلم الما فاطر ..
فطوركم شنو ؟؟ أوعى يكون (فول) الصين العظيم ..
أكلتي الفول ؟ قولي أكلتو ..
وقشروا ؟؟ !!
|
|