الحكومة تعتقل جوازسفر مولانا ابو هاشم وتمنعه من السفر!

مصادرنا بالداخل تفيدان السيد محمد عثمان الميرغني رئيس التجمع الوطنى (السجمان) ورئيس الحزب الاتحادي الديموقراطي (الخربان) كان من المفترض بعد اداء مراسم عزاء اخيه الراحل احمد الميرغني ان يرجع الى الخارج لترتيب بعض اموره الخاصة به والخاصة بالتجمع الوطني ومن ثم يحدد موعد رجوعه الرسمي كقائد للمعارضة السودانية.. وتقول مصادرنا انه قبل اسبوعين سلم ادارة المراسم الحكومية جواز سفره لاكمال اجراءات الخروج ولكنه فوجيء بانهم لم يستجيبوا لطلبه بل الانكى لم يرجعوا اليه جواز سفره وقد قام مولانا بتوسيط السيد النائب الاول سلفاكير والثاني على عصمان وايضا السفير المصري والسعودي بالخرطوم للتدخل بينه وبين الحكومةلاتمام اجراءات سفره بل اتصل مباشرة بمصر والسعودية ولكنها كلها جهود باءت بالفشل ولم يفلح مولانا في عتق رقبة جوازه الذي صار في معية جواز التكاسي المسكين هشام هباني!
(الجاتك في جوازك سامحتك يا مولانا وانت الزيك يا شريف محتاج لجواز سفر ات زول قريب الحبيب المصطفي (ص) أكان زولا صالح وفالح الجد بالجد اهو ده وقت الكرامات على الحرام كان فرررررررررررررررر تطير لمصر والسعودية من غير جواز ولا طيارة شان اهلنا الختمية المساكين ساكت اشوفوا ليك كرامة ولو واحدة بعدما غتست حجر التمر والمنجة والبصل والاراضي وكمان التجمع ولا قدرت كمان تقلع زول من الجزور ولا فحل عجور ولا قدرت تقلع جوازك من العسكرى الطرطور!)

اخونا هباني

تحياتي

افيدك بـن مصادرك هذه المره غير دقيقة
ولا صحة لهذا الموضوع

و مولانا جوازه في جيبه
وهذه معلومة قبل خمس دقائق

ولكن مستجدات كثيره علي الساحه الوطنيه
تتطلب بقاءه بالسودان لحين المؤتمر التداولي
الاستثنائي للحزب الاتحادي الديمقراطي
اواخر مارس القادم

ولك شكري علي الاهتمام

عثمان

سلامات

كدى خلينا من السياسة انت الصالحين ديل كلهم عندهم كرامات
الشي ابو هاشم كزول صالح وجدو النبي ولا كرامة واحدة ساكت تحلل الشغلانية
ما اقدر احل حتى جوازو!؟

Quote: أكان زولا صالح وفالح الجد بالجد اهو ده وقت الكرامات على الحرام كان فرررررررررررررررر تطير لمصر والسعودية من غير جواز ولا طيارة

هبانى

كتلتنى من الضحك الله يلعن شياطينك

آآآآآآآآآآآآخ يا بطنى....

Quote: الحكومة تعتقل جوازسفر مولانا ابو هاشم وتمنعه من السفر!

هشام هباني
بتاع التاية الصومالية
رجعت تاني لضلالك القديم وبقيت تكضب
وشايفك مرشح نفسك لراسة جمهورية السودان..وقايل شهرة سودانيز اون لااين الزائفة دي بتخدمك
فعلا تستحق ان تكون رئيس جمهورية...لانك كذاب محترف
وتاني وما تتطاول على الاتحاديين والحزب الاتحادي والسيد محمد عثمان الميرغني
لانهم فى التجمع وحلفاء الحركة الشعبية الاستراتيجيين
امشي شوف الرواكيب التي تنتمي اليها ديك ورينا قعد تسوى في شنو

طبعا حتمارس عجرفتك المعهودة وتعمل فيها ما شايف المداخلة
عايزنك تركز لينا على الكيزان بس وتسيب الاتحاديين..حتى لا تصاب بالحول السياسي
ومافي نظارات ليه

Quote: افيدك بـن مصادرك هذه المره غير دقيقة

يا رغيم المرة دي بس!
ود هباني ده بكضب أكتر من ما يتنفس!
___
لجان شعبيّة وياااااااااي

(الجاتك في جوازك سامحتك يا مولانا وانت الزيك يا شريف محتاج لجواز سفر ات زول قريب الحبيب المصطفي (ص) أكان زولا صالح وفالح الجد بالجد اهو ده وقت الكرامات على الحرام كان فرررررررررررررررر تطير لمصر والسعودية من غير جواز ولا طيارة شان اهلنا الختمية المساكين ساكت اشوفوا ليك كرامة ولو واحدة بعدما غتست حجر التمر والمنجة والبصل والاراضي وكمان التجمع ولا قدرت كمان تقلع زول من الجزور ولا فحل عجور ولا قدرت تقلع جوازك من العسكرى الطرطور!)

والله لـــو ناس الانقاذ ديل مســكو جوازو يكونو جنـــو عديل كــدى ...

يا حبائب / قشايــة ما تعتــر ليــه

كان قــعد بيـتـو واهلو

وكان فات الباب يفــوت جمل




ترمة :

كلامـــى دى ما عنــدو علاقة بالطريقة الختمية والســادة المراغنـــة

Quote: ولا قدرت تقلع جوازك من العسكرى الطرطور

هشام يا فردة
فرّز يا ديجانقو
بما اننى عسكرى سابق وكده .

تحياتى يا حبيب

الاخ المحترم هشام

ذكرتنى بالفكى ابو طيارة
كل ما يجى وفت صلاة يجوة الحوار يقولوا لية
ياشيخنا احنا راجنك بالصلاة يرد عليهم يفول لبهم
نان انا برجاكم انا
صليت قبيل فى الحرم و جيت

العزيز ود هباني


يا خي مالك علينا داير تزلزل عقيدتنا في شيخنا انت وخالد كودي؟ ياخي الكيزان والوهابية قربوا يكفرونا ما فضل لينا غير بقية الصالحين ديل لو عقيدتنا فيهم راحت يا للهول! عشان كده خليك خفيف عليهم شوية!

بخصوص مسألة النسب النبوي هذه فكما قال سيدي محي الدين بن عربي الانتساب إلى البيت الأعلى أي الانتساب الروحي الذي هو الاتباع والانتفاع هو أرفع من الانتساب الطيني الذي هو الجسدي فمن تولاه الله فهو قد أصبح من أهل البيت الأعلى فسيدنا سلمان الفارسي رضي الله عنه من أهل البيت بهذه الصفة ومن كان له النسب الطيني وفسدت أعماله فكما قالوا من قعد به عمله لم يسرع به نسبه. وسادتنا أهل البيت الأعلى درتهم سيدنا الحسين عليه السلام الذي لم يهادن ولم يغير مواقفه ولم يخضع لطاغية حتى استشهد رضي الله عنه وأصبح حجة على كل من يدعي المبدئية أو ينتسب إليه رضي لله عنه.

من ناحية أخرى أخي هباني فأنت إذا نظرت إلى نسب العائلتين الكريمتين في السودان المهدية والميرغنية تجد أن في سلسلة نسبهما سيدنا الحسن العسكري عليه السلام ولو بحثت قليلا في الانترنت لوجدت أن سيدنا الحسن العسكري تفيد روايات بأن أخاه شهد أمام القاضي أنه كان عقيما فيما تفيد روايات الشيعة الإثنا عشرية بأن له ابن واحد هو سيدنا محمد المهدي الإمام الثاني عشر عند الشيعة الذي هو الإمام الغائب والذي يعتقد الملايين أنه على قيد الحياة إلى يومنا هذا. ولكن حيث أن أهل البيت تعرضوا لاضطهاد شديد وكان الإمامان الأخيران لأهل البيت قيد الإقامة الجبرية داخل معسكر جيش العباسيين الذي أصبح مدينة سامراء ومن هنا أتى لقب العسكري فلا يستبعد اختفاء بعض ذريتهم عن الأنظار حفاظا على حياتهم لكن الاعتقاد بذلك يبقى مسألة عقيدة دينية أكثر من كونه أمرا تثبته كتب التاريخ والله أعلم.

وفي كل الأحوال فالتركيز على مسألة النسب هذه ليست من أصول الطريق الصوفي الذي ترتكز عليه الطائفتين الكبيرتين في السودان لذلك آمل أن تعود الأمور للتركيز على المبادئ والتربية والتهذيب والارتقاء بالنفوس وليس التفاخر بالأنساب وعندها ستظهر الكرامات.

وأكبر كرامات السيد محمد عثمان هو ثباته على المواقف طيلة الفترة التي ظل فيها خارج السودان ونأمل أن يستمر في طريق أهل البيت فلا يهادن الظالمين الذين تلوثت أيديهم بدماء أهل السودان والذين أسلموا من يشهد بلا إله إلا الله مثل كارلوس لأعداءه وحين انتقم الله منهم ووضعهم في نفس الموقف إذا بهم يرتجون؟

Quote: المحترم هشام ذكرتنى بالفكى ابو طيارة كل ما يجى وفت صلاة يجوة الحوار يقولوا لية ياشيخنا احنا راجنك بالصلاة يرد عليهم يفول لبهم نان انا برجاكم انا صليت قبيل فى الحرم و جيت

والله كتلتونا عديل من الضحك
ياجماعة الخير!

إزيك يا هشام...

وانا زاتي جدي قبل كدة طار
من كرمة لي كريمة لي كرمة.
عادي الطيران يا هباني، بس
المشتهي اليطير يطير!