Post: #1
Title: اوكامبو... والمامبو السودانى... استعدادا للفرح القادم
Author: Mannan
Date: 02-01-2009, 08:21 PM
تستعد قوى الهامش والمسحوقين من ابناء الشعب السودانى لصدور قرار الإدانة الدولية لعمر البشير كمجرم حرب دولى ... الكل يتطلع للقرار.. الغالبية المسحوقة تتلهف لصدور قرار الإدانة فلكل طاغية نهاية ... وقلة قلة منتفعة او خائفة تنتظر فى وجل وخوف ... وعقلاء كثيرون يرون ان عمر البشير ليس هو السودان.. يدهب ولا يدهب السودان... كما قال ابوبكر الصديق: من كان يعبد محمدا فإن محمدا قد مات ومن كان يعبد الله فإن الله حيى لا يموت.. وعمر البشير ليس محمدا وبزواله لن يزول السودان... طاغية أتى ودهب.. ويبقى السودان واتفاقية السلام الشامل والتى سيحميها قوى السودان الجديد وقوى الهامش التى تشكل غالبية أهل السودان... وكما قال القائد المناضل باقان اموم فان اتفاقية السلام الشامل ستبقى حتى ولو دهب البشير... لنستعد جميعا للإحتفال بزوال نظام البشير... وكل اول ليهو آخر.. ولكن اجمل الختام هو ان يرقص الشعب السودانى رقصة المامبو السودانى على اوتار اوكامبو..
|
Post: #2
Title: Re: اوكامبو... والمامبو السودانى... استعدادا للفرح القادم
Author: الصادق ضرار
Date: 02-01-2009, 10:58 PM
Parent: #1
مستعدون للفرح القادم 100%
|
Post: #3
Title: Re: اوكامبو... والمامبو السودانى... استعدادا للفرح القادم
Author: Mannan
Date: 02-04-2009, 05:08 AM
Parent: #2
شكرا صديق ضرار على المرور السريع..
كيف سيستقبل السودانيون الخبر؟
بالفرح؟
بالخوف؟
باللامبالاة؟
ببرود؟
...
انا سأحتفل بطريقتى بسقوط طاغية واتوقع ان يجتاز الشعب السودانى بعبقريته مرحلة زوال نظام الجبهة العضوض فالسودان ملئ بالقادة وليس البشير بأعلمنا واقدرنا على قيادة سفينة السودان فقد فشل عشرين عاما بالتمام والكمال فى إدارة شؤون السودان لأنه جاء عن طريق القوة المسلحة وليس عن طريق العقل... ليرحل كما رحل غيره من الطغاة فهو ليس افضل منهم... ان التلويج بانفراط عقد الأمن عند صدور قرار إيقاف البشير مجرد وهم يروج له "الكيزان" لزراعة الخوف من المجهول فى نفوس العامة... لا خوف على اتفاقية السلام لو رحل البشير فهو لن يجعل اتفاق السلام جادبا بل على العكس خلق منها اتفاقا يفضى الى ارغام الجنوب على الإنفصال وتفتيت بقية اطراف السودان الى دويلات ..
لنستعد للإحتفال الكبير... ولنعقد الإجتماعات للتنسيق للإحتفال المرتقب...
هيا يا أهل الهامش وقوى السودان الجديد...
منان
|
Post: #4
Title: Re: اوكامبو... والمامبو السودانى... استعدادا للفرح القادم
Author: عبدالكريم الامين احمد
Date: 02-04-2009, 05:12 AM
Parent: #3
خروفي مربوط ليهو شهر يا منان
وكمل كل العلف في انتظار هذا القرار الذي هو مفرح بالتاكيد
|
Post: #5
Title: لنفرح سويا يا كرم
Author: Mannan
Date: 02-04-2009, 03:56 PM
Parent: #1
أخى الكريم.. شكرا على مقاسمة الفرح... لنحتفل ولو بشق تمرة... مع شهداء السودان وضحايا الإبادة الهمجية... لنجعل زوال الظلم مناسبة لإسعاد الضحايا والنازحين واللاجئين.. لنبعث بحق الخروف وحق التمرة الى ضحايا البشير تعبيرا عن الفرح الكبير...
نورالدين منان
|
Post: #6
Title: Re: لنفرح سويا يا كرم
Author: احمد سردوب
Date: 02-04-2009, 07:37 PM
Parent: #5
منان يا غالي سلامات
القرار سيصدر اجلا ام عاجلا
وان لم تصدر المحكمة قرار التوقيف حسب طلب المدعي العام ولا اظنه سيحدث ان ترفض المجكمة الطلب فالشعب ولو بعد حين سيرفع دعوة ضد القتلة واولهم البشير
اتوقع ان نفرح سويا قريبا جدا
|
Post: #7
Title: Re: لنفرح سويا يا كرم
Author: Sabri Elshareef
Date: 02-05-2009, 02:00 AM
Parent: #6
الاخ نور الدين
تحياتي
نستعد بسن اقلامنا لكي نعمل علي ابراز الخبر وتنظيم الجماهير
يجب محاكمة القتله المجرمين البشير وعصابته
|
Post: #8
Title: سنحتفل ..... حتى مطلع الفجـــــــــــــر
Author: Mannan
Date: 02-05-2009, 03:49 AM
Parent: #1
الحبيب صبرى
سلام
إدا كان رب البيت "للسجن" داهبا * فشيمة اهل البيت كلهم السجن
يعنى عمر يروح... كلهم يروحو معاه... جوا سوا ويروحو سوا
وإن شاء الله الروحة الأخيرة
سنحتفل
....
حتى
مطلع
الفجر
منان
|
Post: #9
Title: قتل الملايين
Author: Elbagir Osman
Date: 02-05-2009, 04:33 AM
Parent: #1
2000000 مليوني روح سودانية أزهقها نظام البشير في الجنوب
نصف مليون في دارفور
العشرات في بورتسودان
في كجبار
في بيوت الأشباح
سجن الآلاف بدون وجه حق
شرد ارباب وربات الآف الأسر
شرد أربعة ملايين من الجنوب
وثلاثة ملايين من دارفور
والآن ينقل آلة الإبادة إلى كردفان
و..
أبدا من هنت يا سوداننا يوما علينا
الباقر موسى
|
Post: #11
Title: Re: قتل الملايين
Author: احمد سردوب
Date: 02-05-2009, 01:13 PM
Parent: #10
.
|
Post: #12
Title: المدرسة فاتحة على الشارع والشارع فاتح فى قلبى
Author: Mannan
Date: 02-05-2009, 05:44 PM
Parent: #1
أخى احمد سردوب
مالك واقف براك فى الخلا ؟ ما لاقى عنوان الحفلةوللا شنو؟
قلنا الإحتفال يكون فى الشوارع
مع الشعب وشاعر الشعب محجوب شريف وهو يقول:
المدرسة فاتحة على الشارع
والشارع فاتح فى قلبى
وانا قلبى مساكن شعبية
نورالدين منان
|
Post: #13
Title: Re: المدرسة فاتحة على الشارع والشارع فاتح فى قلبى
Author: Ibrahim Idris
Date: 02-05-2009, 09:50 PM
Parent: #12
العزيز أستاذ نور الدين
لك الوِد والشوق مـدد يانوارة الفريق. لكم هى غالية "الغربة جو الدار" على حسب قول : ود الأمين
كيف الحال ... شفنا " البنية" وهي سامقة ونائرة مع فرع الحركة مع الإعزاء !
لهم ولك التحايا من أرض " الروكي" في كلورادو
إبراهيم
|
Post: #14
Title: Re: المدرسة فاتحة على الشارع والشارع فاتح فى قلبى
Author: احمد سردوب
Date: 02-05-2009, 10:58 PM
Parent: #12
Quote: أخى احمد سردوب
مالك واقف براك فى الخلا ؟ ما لاقى عنوان الحفلةوللا شنو؟
قلنا الإحتفال يكون فى الشوارع
مع الشعب وشاعر الشعب محجوب شريف وهو يقول:
المدرسة فاتحة على الشارع
والشارع فاتح فى قلبى
وانا قلبى مساكن شعبية
نورالدين منان |
الغالي منان
واقف براي والهم عصف
ليلا رحل فارق سماي
مطر الحزن عاود هطل جدد عذاب الارصفة
كما غني مصطفانا
واقف في الخلا منتظر الخبر المفرح لاحمله للقرية وارياف السودان
|
Post: #15
Title: Re: المدرسة فاتحة على الشارع والشارع فاتح فى قلبى
Author: عبدالعزيز الفاضلابى
Date: 02-05-2009, 11:47 PM
Parent: #14
ممكن واحد يتكرم ويورينا الية تنفيذ القرار حال صدوره ,, والمدة التى يحتاجها ليتم تنفيذه?
انا اول مرة اشوف زول مسحوق اكلاته المفضلة Sea Food
|
Post: #16
Title: Re: المدرسة فاتحة على الشارع والشارع فاتح فى قلبى
Author: Sabri Elshareef
Date: 02-06-2009, 05:57 AM
Parent: #15
الاخ الفاضلابي
تحياتي
رايك شنو في الاعتقال للمجرم البشير
خلي ناس اكل السمك
|
Post: #17
Title: نعم احب السي فود وعازمك يوم سقوط البشير
Author: Mannan
Date: 02-06-2009, 07:27 AM
Parent: #1
الأخ الفاضلابى
Quote: انا اول مرة اشوف زول مسحوق اكلاته المفضلة Sea Food
|
الsea food احسن من الفضلات...
الحلفاويين بياكلو السمك فى الوجبات التلاتة ياخوى والخرطوم كلها بتاكل سمك وادى حلفا... يبقى اكل ال Sea Food حرام؟ مش احسن من اكل الفالوزج ومن طيبات ما رزقناهم... يا اخى شوف ليك صرفة لزولك وما تزعل... نحن محتفلين محتفلين وكوستاوى حيرشك بصور الحفلة وفيها سي فود كمان عشانك...
نورالدين منان
|
Post: #18
Title: Re: نعم احب السي فود وعازمك يوم سقوط البشير
Author: احمد سردوب
Date: 02-07-2009, 11:52 AM
Parent: #17
.
|
Post: #19
Title: Re: نعم احب السي فود وعازمك يوم سقوط البشير
Author: Mannan
Date: 02-09-2009, 00:29 AM
Parent: #18
أخى احمد سردوب
سلام
الجماعة خلاص روحم مرقت... والعد التنازلى خلاص بدا وكلهاا-2-3-4-5 والبشير راح...
ويسدل التاريخ ستارا على أسوأ فترة فى تاريخ السودان حديثه وقديمه... ويتطلع جيل التضحيات لسودان مشرق جميل خال من بيوت الأشباح ومن الجهاد ضد ابناء الوطن الواحد وأعراس الشهيد وزاد المجاهدوفضل الزاد ولغة القرون الوسطى ... لا مكان للهوس والتسلط على رقاب الناس ايها الكيزان... فقط لا تنسوا ان السودان للجميع وليس لكم وحدكم..
لنختفل اخى احمد من الآن ولنملأ الساحات فرحا وضجيجا فالحب هو السودان والسودان هو الحب ولا يبقى سوى وجه الوطن الرحيم..
نورالدين منان
|
Post: #20
Title: Re: نعم احب السي فود وعازمك يوم سقوط البشير
Author: Mohamed Elgadi
Date: 02-09-2009, 03:38 AM
Parent: #19
Thanks Ya Mannan...
The arrogant statement from the NCP and its likes continued to commit suicide for their political parties by sending these irresponsible threat of violence...
However, at the end of the day, as Jon Prendergast said, they will not go down with the sinking ship... they will surrender their 'boss' to the ICC
Congrats... and let's celiberate...
mohamed elgadi
|
Post: #21
Title: Re: نعم احب السي فود وعازمك يوم سقوط البشير
Author: Mannan
Date: 02-09-2009, 06:58 AM
Parent: #20
صديقنا الجميل ابراهيم إدريس
إريترى من الدويم
يا أخى مشتاقين جدا وزعلانين جدا منك..
ما ممكن تلبد فى جبال الروكى المدة دى كلها... أدينا طلة... طبعا لازم نشوفك يوم العرس الكبير... عرس السودان خلال الاسبوع القادم...
التحية للاسرة ولكل اسمرينو...
منان
|
Post: #22
Title: Re: نعم احب السي فود وعازمك يوم سقوط البشير
Author: Mannan
Date: 02-09-2009, 07:07 AM
Parent: #21
صديقنا العتيد
صديقنا الدى يقبع فى بلاد الثلج والجليد
الفنان الجميل الباقر موسى
اقتربت الساعة... تك... تك... ومع كل تكة تزداد ضربات قلوب كيزان الدنيا
نقترب من اللحظة الفاصلة
نحيى كل من صنع هدا المشهد ورسمه بعرقه وجهده ومعاناته واغترابه واحتراقه
والمجد لشعب السودان صانع المعجزات الدى يبدع فى قهر الطغاة...
اوكامبو لم يأت من فراغ فقد مهدت له عبقرية الشعب السودانى ان ينصب الشرك للطاغية البشير...
المجد للسودان
والمجد للشعب الأبى
ومعا نحو السودان الجديد
سودان قرنق وإساغة وأدروب وكوكو والشول والسرة ومحمد احمد..
نورالدين منان
|
Post: #23
Title: Re: نعم احب السي فود وعازمك يوم سقوط البشير
Author: Mannan
Date: 02-09-2009, 07:17 AM
Parent: #22
الصديق والمناضل الصلب دكتور محمد القاضى
بعد قليل سنسمع الدوى والإنهيار الكبير للمشروع الإحتضارى وزوال "ثورة الإبتزاز الوطنى" وتنطوى صفحة من أحلك صفحات تاريخ السودان الحديث... لم تدهب جهودكم العظيمة سدى فكل ما عمله المنفيون يتساقط الآن رطبا جنيا...
نقترب من اللحظة الفاصلة.. لحظة الإنتقال الى السودان الجديد.. سودان الديمقراطية وحقوق الإنسان وكما اشرت الى كلام صديقنا جون برندرقاست فانهم لن يغامروا بالغرق مع السفينة وسيتنازلون عن صلفهم لعلمهم بأنهم لن يستطيعوا إحراق الشعب السودان وان ثمن دلك كبير وباهظ ويمكن ان يقضى عليهم الى الأبد.. عليهم الإنصياع لسلطة القانون ... قانون الشعب.. وحقوق الإنسان والديمقراطية فقد انتهى وقت التسلط والهوس وإلغاء الآخر...
نورالدين منان
|
|