كتب السيد/ هشام هباني انتم اراذل ..حقراء.. جبناء.. تافهون! فالنفرض الانقاذ كعبة انتو عملتو شنو طيلة الـ 20 سنة واللي هي عمر الانقاذ لم نر منكم اي تغيير سواء في المفاهيم او الممارسة او السلوك احزبنا السياسية فاشلة وهي تتحمل مسئولية مجئ الانقاذ واستلامها للسلطة.... قبل ذلك من السبب في مجئ الانقاذ للسلطة في السودان الم نرجع البيئه الداخلية وتردي الاوضاع في السودان ادابان مجي الانقاذ لممارسة الاحزاب السياسية السودانية انزالك لدورها الفاشل ماذا قدمت لناهذه الاحزاب .... واقولها ليك عديييييييييل انتو ما احسن من الانقاذ في ممارسة السلطة والسياسة في السودان لانو بفشلكم تسببتم في مجئ الانقاذ وبالتالي ناس الانقاذ ديل ما واقعين من السماء هم جزء من واقعنا وبالتالي جزء من فشلنا العشناه والعايشنو والان انت تستمر في نفس فشلكم واليك اسلوب نضالك هذا.... هل اسلوب الشتائم والسب والقذف يوصل الى نتيجة ايجابية غير انها تشكل المزيد من السقوط في نظر الاخرين... فياسيدي الفاضل اذا لديك اسلوب او طريقة غير هذه فأأتنا بها والا فالصمت أبلغ...
كدى يا ميادة استهدى بالله واقرى كلام عمك ده كويس انا معاك في كلامك ده وهنا لو ركزت بنبذ وبشلت في ناسي وبقول انو كمان ناس الانقاذ ديل احسن منهم وعشان كده الانقاذ قعدت عشرين سنة.. لا اله الا الله العجلة شنو يا بتي!
Post: #3 Title: Re: ياهشام هباني إنتو شنو طيب لو ناس الانقاذ ( اراذل ..حقراء.. جبناء.. تافهون)!!!!!!!!!!!!!!!! Author: هضيبي علي سعيد Date: 02-01-2009, 04:39 PM Parent: #2
Quote: لا اله الا الله
برافووو عليك والله يا ميادة خليتي عمك اهدي انفاسوا و يوحد الواحد
دحين اسمك ده نيك نيم تيمنا بالهضيبي الاخوانى المصرى الشهير ام ان اباك من سماك هذا الاسم الاخواني الشهير في مصر المجاورة وفي الحالتين انت ضايع!؟
Post: #10 Title: Re: ياهشام هباني إنتو شنو طيب لو ناس الانقاذ ( اراذل ..حقراء.. جبناء.. تافهون)!!!!!!!!!!!!!!!! Author: هضيبي علي سعيد Date: 02-01-2009, 05:42 PM Parent: #8
لا يا عمنا دة ما نيك نيم دة اسمي
ولي الشرف بان احمل هذا الاسم ....
أما الضياع حسب فهمك فكلي ثقة بانه خاطي وعكس الحاصل ......... وماشاء الله عليك نشهد لك بباع طويل في الكذب و التلفيق و ربما يجوز لنا أن نصف التوهان بين اللجان الشعبية بليبيا ... و التبجح و الصخب بالنضال الزائف من على صهوة التكاسي في طرقات نيويورك ولو وين انتا .... ضياع ...
كدى يا ميادة استهدى بالله واقرى كلام عمك ده كويس انا معاك في كلامك ده وهنا لو ركزت بنبذ وبشلت في ناسي وبقول انو كمان ناس الانقاذ ديل احسن منهم وعشان كده الانقاذ قعدت عشرين سنة.. لا اله الا الله العجلة شنو يا بتي!
للأسف اسلوب تجريم الاخر دا ما بجيب نتيجة ايجابية غير انو يخصم من رصيدك/م الادائي... وحقيقي استفذاني اسلوب طرحك للقضايا والمواضيع تعرف لو حتى عندك/م حق في مواقفكم دي لكنكم تنفروا الناس منكم باسلوبكم المنفر دا... ليه ما تكون بالتي هي أحسن... وليه خلافاتنا مع الاخر طوااااالي بنلجأ لأسلوب إقصاء الاخر عن طريق القاء الالفاظ والشائم والسب ( المؤمن ليس بسباب ولا لعان ولا طعان ) .....
*** تخريمة شكرا على طريقة ردك حقيقي توقعت تمشيا مع اسلوبك في المنبر هنا ومنابر اخر انك حتكيل لي مجموعة من الشتائم والالفاظ زي ما بترد هنافي ردودك للاخرين فياااااا عمنا الفاضل انت مسئول اما الله سبحانه وتعالى عن كل كلمة ترد على لسانك فاجعل لسانك رطبا بذكر الله وليس ...... فأنت ماشاء الله بهذا القدر من القراء والمتداخلين في جميع بوستاتك ياريت تستغلها في الخير ونشر الخير بدل اسلوب الشتائم والسباب واللعان ... وفي الاخر التغيير في الفهم والسلوك والممارسة يجب ان يبدا منا نحن بعد ذلك شكل ممارستنا وتناولنا للقضايا حيختلف طبعا للاحسن عندما يكون تغييرنا للجوانا للاحسن ولك كامل الاحترام والتقدير
Post: #5 Title: Re: ياهشام هباني إنتو شنو طيب لو ناس الانقاذ ( اراذل ..حقراء.. جبناء.. تافهون)!!!!!!!!!!!!!!!! Author: عبدالوهاب علي الحاج Date: 02-01-2009, 04:55 PM Parent: #4
Quote: شكرا على طريقة ردك حقيقي توقعت تمشيا مع اسلوبك في المنبر هنا ومنابر اخر انك حتكيل لي مجموعة من الشتائم والالفاظ زي ما بترد هنافي ردودك للاخرين
قد يغفر الله لعمك هباني زلات لسانه رغم ان الله يجوز ذلك للمظلوم بقوله تعالى: {لاَّ يُحِبُّ اللَّهُ الْجَهْرَ بِالسُّوَءِ مِنَ الْقَوْلِ إِلاَّ مَن ظُلِمَ وَكَانَ اللَّهُ سَمِيعاً عَلِيماً} [سورة النساء: آية 148] اي استثنى المظلوم من ذلك وعمك هباني واحد من ملايين المظاليم في الوطن ولذلك حاز رخصة ربانية ولكنه لم يعذب ولم ينهب ولم يعتقل ولم يشرد احدا ولم يقتل احدا اي لم يقص احدا من الحياة مثلما فعل اهل نظامك المجرمين من تدافعين عنهم وكانهم ينسون قول الله تعالي وهو يجرم قاتل النفس البشرية كانما ارتكب ابادة جماعية ويقول في ذلك تعالى :من قتل نفساً بغير نفسٍ أو فساد في الأرض فكأنما قتل الناس جميعاً ومن أحياها فكأنما أحيا الناس جميعاً"..المائدة 32 ارايت يا ينيتي ميادة مهما كان عمك هباني فظا غليظا ولكن الله سيسامحه لانه مظلوم ولكن اهلك لا يسامحهم الله ابدا لانهم قتلة ومجرمون ولو كان لديك ادنى اسلام وانت قانونية تعرفين الحقوق والمظالم قطعا لن ترضين ان تكونى مدافعة عن قتلة ومجرمين ولصوص. لك محبتي واحترامي ( الله يهديك)!
لي شرف الحوار معك على خلفية انك قانونية اي على وعي بقضايا المظالم والحقوق وبالتاكيد دارس القانون ترمومتر ( الحقانية) مرتفع دوما لديه بحكم الوعي القانوني ولذلك اكثر الناس مؤهلا ان يكون ذا صدقية فهل تقبلين محاورتي على هذا النحو ام لا! مودتي واحتراماتي
هل تستطيع القانونية الانسة ميادة كمال من منطلق وعيها واخلاقها وتدينها ان تكتب مقالا وضحا حول المظالم والمفاسد في السودان وان تطال بالنقدرئيس النظام والمتنفذين فيه من رموز الاجرام والفساد وان تطالب بانصاف كل مظاليم السودان!؟
وما راي الانسة ميادة كمال كامراة سودانية بصراحة حول هذا الشريط والذي اعتبره اكبر اهانة للمراة السودانية من قبل راس الدولة حسبما روت الامر زوجته.. ولا ادرى كيف يود المؤتمر الوطني الحاكم كوتة ال25% للمرأة اي يريد ان تناصره المراة السودانية في الانتخابات القادمة وهذا الشريط يعكس عقلية رجال المؤتمر الوطني في اعلى مستوياتهم واحطها في مسلك رئيس الجمهورية مع زوجته.. هل راضية الانسة ميادة كمال عن مسلك رئيس الجمهورية تجاه زوجته وبهذه الطريقة المهينة!
اريد منك اجابات صريحة وشجاعة حول تساؤلاتي المشروعة كلها حتى اتحرى من صدقيتك وشجاعتك طالما تدافعين عن الحق وهذا النظام المجرم ان كنت بالفعل تريدين حوارا مع عمك هشام هباني لاجل الحق والحقيقة( والساكت عن الحق شيطان اخرس) ولم يقل بهذا الحديث المسكين ( عقيد الخيل) بل قال به نبينا محمد (ص) ان كنتم تتبعون دينه وسنته!
لقد افترعتى هذا الخيط باسمي وانا قابل جدا نقدك لاسلوبي الذي لا زلت اعتبره استثنائيا في زمن استثنائي هو زمن الغيبوبة وبالتاكيد اذا لم تجاوبي على اسئلتي بكل صراحة وانت صاحبة الخيط قطعا ستفقدين مصداقيتك واعتبرك من ضحايا هذه الغيبوبة وان شهاداتك وتدينك واخلاقك على قول معالى امير المؤمنين البشير (بليها واشربي مويتها)!
Post: #31 Title: Re: ياهشام هباني إنتو شنو طيب لو ناس الانقاذ ( اراذل ..حقراء.. جبناء.. تافهون)!!!!!!!!!!!!!!!! Author: mayada kamal Date: 02-02-2009, 09:01 AM Parent: #13
إنت ياعم هشام هباني لسسسسسسسسسع مع الفيديو دا شايفاك شايله وحايم بيه في البوستات كم بوست نزلته بخصوص الموضوع دا صراحة اسلوبك رخيص... ولن تنال به شئ....
انت أكبر من ان تُنصح...وأنا لا أنصح من دون مقابل ( Advice )!!
اسلوبكم لا يجذبنى كمتصحف أو كعضو فى هذا المنبر
بدليل عدم تداخلى معك او مشاركتى فى بوستاتك!!
وبوستاتك تلاتة فى اليوم + رابع عند اللزوم ( سلفا ) وكدة
تذهب كأنها لم تكن!!!
لو كنت من معارضى الداخل بنفس الأسلوب لاحترمنا رأيك
أما ضربك من بعيد.... فيذكرنى بالضابض الأحول فى الميدان ( قائد كتيبة القصف العشوائى)
كن بخير،،،
Post: #17 Title: Re: ياهشام هباني إنتو شنو طيب لو ناس الانقاذ ( اراذل ..حقراء.. جبناء.. تافهون)!!!!!!!!!!!!!!!! Author: عبدالوهاب علي الحاج Date: 02-01-2009, 06:50 PM Parent: #15
Quote: وما راي الانسة ميادة كمال كامراة سودانية بصراحة حول هذا الشريط والذي اعتبره اكبر اهانة للمراة السودانية من قبل راس الدولة حسبما روت الامر زوجته.. ولا ادرى كيف يود المؤتمر الوطني الحاكم كوتة ال25% للمرأة اي يريد ان تناصره المراة السودانية في الانتخابات القادمة وهذا الشريط يعكس عقلية رجال المؤتمر الوطني في اعلى مستوياتهم واحطها في مسلك رئيس الجمهورية مع زوجته.. هل راضية الانسة ميادة كمال عن مسلك رئيس الجمهورية تجاه زوجته وبهذه الطريقة المهينة!
احييك واحيي فيك وضوحك في الراي ولا باس ان تاتي قولة الحق من الداخل او الخارج فهى قولة الحق والسؤال هل هي كلمة تحمل الحقيقة ام لا؟ فان كان بالفعل الامر بالداخل عاديا والبلاد مامونة لا يكمم اهلها ولا تصادر صحفها ولا يعذب مناضلوها لقلنا ان الحكام عادلون اتقياء ووجب بقاؤنا بالداخل ولكنك تعلم والعالم يعلم اننا شعب يعيش داخل وخارج الوطن تحت المظالم وهل انت يا سيدى حسن مكاوي من المدافعين عن عصبةالانقاذ ام من معارضيها ام من الفئة الثالثة التي نلت منها بمقالي الذي اتت به الابنة ميادة لانى اريد ان انقاشك بالاسلوب الذي تراه امثل واصح وانسب لك ان اردت محاورتي؟
Quote: وما راي الانسة ميادة كمال كامراة سودانية بصراحة حول هذا الشريط والذي اعتبره اكبر اهانة للمراة السودانية من قبل راس الدولة حسبما روت الامر زوجته.. ولا ادرى كيف يود المؤتمر الوطني الحاكم كوتة ال25% للمرأة اي يريد ان تناصره المراة السودانية في الانتخابات القادمة وهذا الشريط يعكس عقلية رجال المؤتمر الوطني في اعلى مستوياتهم واحطها في مسلك رئيس الجمهورية مع زوجته.. هل راضية الانسة ميادة كمال عن مسلك رئيس الجمهورية تجاه زوجته وبهذه الطريقة المهينة!
هبانى هذا الشريط أعتبرة وسام عزة للمرأة السودانية بت القبايل!!
أما الإنحطاط فأجدة فى الفبركة و إضافة اغانى بصورة دنيئة
السيدة فاطمة خالد اخت سودانية محترمة بت عزة وقبايل لكن نحن نبحث هنا في مسلك امير المؤمنين بعلها الذي بشعت به باعترافاتها امام الاعلام بحرقة تعبر عن مظلمة واضحة في حقها وهو امر مهين لاي امراة في العالم ان يعاملها زوجها بهذه البشاعة والتي ليست من الدين في شيء.
( غايتو كوتةال25% بتاعة المراة راحت على المؤتمر الوطني بسبب خرمجة رئيسه السفاح البشير!)
Post: #28 Title: Re: ياهشام هباني إنتو شنو طيب لو ناس الانقاذ ( اراذل ..حقراء.. جبناء.. تافهون)!!!!!!!!!!!!!!!! Author: mayada kamal Date: 02-02-2009, 06:02 AM Parent: #11
صباحكم زين
Quote: الابنة ميادة
لي شرف الحوار معك على خلفية انك قانونية اي على وعي بقضايا المظالم والحقوق وبالتاكيد دارس القانون ترمومتر ( الحقانية) مرتفع دوما لديه بحكم الوعي القانوني ولذلك اكثر الناس مؤهلا ان يكون ذا صدقية فهل تقبلين محاورتي على هذا النحو ام لا! مودتي واحتراماتي
Quote: مثلما فعل اهل نظامك المجرمين من تدافعين عنهم
دي كمان واحدة من اساليبك الطائشة والفاشلة بالطبع التصنيف العشوائي والعمل بفهم من ليس معنا فهو ضدنا.... اسع انا متين الانقاذ دي بقت (اهل نظامك).... هل اعلنتها يوما اني من ضمن كوادر الانقاذ ولو بالفعل انا كذلك .... مافي شئ بيخليني انكر او اخبئ... لانو القول والفعل عندي من منطلق قناعاتي ومبادئ التي اؤمن بها... فلو كوزة ولا جبهجية ولا جن احمر زاتو مافي شئ بخليني انكر ..
Quote: من تدافعين عنهم
انا لا ادافع عن احد ولا الانقاذ في حوجة لمرافعة شخص مثلي وفي النهاية ما جاء مني تجاهك هو يمثل رايي الشخص انا ... والمنطق الانا شايفاه ... وبالتالي ربما يكون صحيح او خطأ
Quote: ارايت يا ينيتي ميادة مهما كان عمك هباني فظا غليظا ولكن الله سيسامحه لانه مظلوم ولكن اهلك لا يسامحهم الله ابدا لانهم قتلة ومجرمون
لا يا استاذ هباني المسالة ما تحسبها كدا يعني انت تظلم وتسب وتشتم وتخت في راسك انو ربنا حيغفر ليك عشان انت شايف نفسك انك مظلوم.. يا عمنا انت بشر ... والله سبحانه وتعالى يقول من يعمل مثقال ذرة خيرا يره ومن يعمل مثقال ذرة شرا يره... يعني المسالة ما مفتوحة اي زول يظلم ويقول ربنا حيغفر لي عشان انا مظلوم... ومن جانب اخر المانع شنو انو يكون نفس قناعتك الانت مقتنع بيها دي (انو ربنا حيغفر ليك عشان انت مظلوم) انا حتتطبق على الانقاذيين يوم القيامة....
Quote: وانت قانونية تعرفين الحقوق والمظالم قطعا لن ترضين ان تكونى مدافعة عن قتلة ومجرمين ولصوص.
عيييييييييييييييييك قانونية شنو يا عمي انا ميادة كمال ما عندي علاقة بالقانون نهائي جبت المعلومة دي من وين بلييييز كلف نفسك لحدي البروفايل بتاعي وتعال عدل كلامك دا ثمح...
**** تخريمة انا مواعيد شغلي انتهت بوستي دا بجيه الصباح... بس ما يروح في حق الله(خور بكري ابو بكر) ومافي زول يجي يخرمج فوقوا يطير لي البوست بسببه..
الابنة ميادة وطالما( الشينة منكورة) ارفدينا بخيط يؤكد عدم انتمائك لهذه العصابة حتى نصدقك القول ونعتذر لك بعد ان تجاوبي على اسئلتي والتي لا تحتاج لانسان قانوني بل تحتاج انسانا يحمل ضميرا واخلاقا وميزانا عادلا في داخله.
ان اي امراة سودانية محترمة تحترم وتعتز بنفسهاودينها وخاصة اللائي شاهدن هذا الشريط المسيء اليهن والى كل نساء الدنيا بهذه الشهادة العلانية من زوجة رئيس دولتنا والتي اهانها اشد الاهانات عليكن رفض التصويت للمؤتمر الوطني السوداني والذي هذا هو ديدن اهله وقادته في تعاملهم غير الشريف مع المراة السودانية وهم يبشروننا بهذه الثقافة المنحطة المهينة لادمية وكرامة المراة السودانية ولا عذر لمن انذر! وهذا الشريط العجيب يوضح الحضيض الذي اوصلنا اليه المشروع الخرائي العظيم!
Quote: لكن نحن نبحث هنا في مسلك امير المؤمنين بعلها الذي بشعت به باعترافاتها امام الاعلام بحرقة تعبر عن مظلمة واضحة في حقها وهو امر مهين لاي امراة في العالم ان يعاملها زوجها بهذه البشاعة والتي ليست من الدين في شيء.
يا هشام.. يا حبيبى
عمر البشير ماهو بأمير المؤمنين!!!
وان كان...فقد غارت ام المؤمنين وكسرت الإناء عندها!!!
بالطبع ( الشينة منكورة) والابنة ميادة تتذاكى كثيرا ولكنها كتاب مفتوح لمن يقراها واللبيب ما بين السطور يفهم وجهتها. وحجتها عجيبة في ان الاحزاب فاشلة وظالمة وهذافي حد ذاته يبرر لديها ظلم الانقاذيين لنا باعتبارهم اتوا للسلطة من هذا النفاج اي ساوت بين الطرفين الغاصب والمغصوب منه في الظلم من غير ان يكون لديها رايا عادلا في تحميل الاخيرين وهم الغاصبون اي وحدهم بالقوة في السلطة يمارسون اليوم مطلق التصرف في الدولة بينما الاحزاب وبما فيهم ذات ذات الغاصبين (الجبهة)في سياق الديموقراطية المؤودة لا يمكن لحزب فيها ان نحمله مسئولية استباحة الوطن لان الحكومة كانت تمثل تقريبا جميع احزاب السودان وكانت الجبهة صاحبة المرتبة الثالثة في ذات الديموقراطية..في ظل اليات مراقبة ومتابعة ومحاسبة تامنع حدوث هذا الفساد والمظالم فكيف نبرا العصبة الحالية من اجهاض الديموقراطية في زمن الاحزاب وهي جزء منهاو تبرا اليوم من حكمها الواحد الاحد في سياق شمولية مقيتة؟ فالابنة ميادة لا تدرى ان القوة الوطنية تقاتل حول كيفية ان يحكم السودان وليس من يحكم السودان اي اننا نقاتل لاسترجاع الديموقراطية على انقاض الشمولية الراهنة وفي ذات الوقت نؤمن بحق خصومنا في الحكم الديموقراطي كحزب مؤمن بالتداول السلمي للسلطة اذا ارادوا ذلك بعد ان نحاسبهم على كل الارواح التي اذهقوها بغير حق وعلى كل الخراب الذي حاق بالوطن بسببهم.
Quote: عليكن رفض التصويت للمؤتمر الوطني السوداني والذي هذا هو ديدن اهله وقادته في تعاملهم غير الشريف مع المراة السودانية وهم يبشروننا بهذه الثقافة المنحطة المهينة لادمية وكرامة المراة السودانية ولا عذر لمن انذر!
طيب ماتقول كدة من الأول!!!
Post: #32 Title: Re: ياهشام هباني إنتو شنو طيب لو ناس الانقاذ ( اراذل ..حقراء.. جبناء.. تافهون)!!!!!!!!!!!!!!!! Author: mayada kamal Date: 02-02-2009, 10:10 AM Parent: #26
Post: #35 Title: Re: ياهشام هباني إنتو شنو طيب لو ناس الانقاذ ( اراذل ..حقراء.. جبناء.. تافهون)!!!!!!!!!!!!!!!! Author: El hadi A.bashir Date: 02-02-2009, 03:18 PM Parent: #33
Sister Mayadh
The way you communicate with Hisham, I can taste the mentality of ,DOMINANCE, and dictotarial trends.
If you disagree with any any one, that doesn't give u the green pass to be a public adviser to him
I hope you will give a quick shot,to your responses In many instances I agree or disagree, with the pathe of Hisham,BUT never felt one day to give him free adivise
If Hisham, insult or inferiorate or utter any phrase of taboo towards you,here u have an ultimate right to advise or use any tools at your disposal to defend your self.
But untill now Ididn't observe any something upnormal
بعد التحية العطرة أود أن أنتهز هذه الفرصة لأ قول رأي بكل وضوح وصراحة:
- الإنقاذ جاءت في المقام الأول نتيجة لتردي الأوضاع السياسية والأمنية في البلاد خلال الفترة من 85 إلى 89. السطو المنزلي كان مصيبة كبيرة جداً في العاصمة المثلثة والنهب المسلح كان كارثة في الأقاليم خاصة دارفور. بل كان أكبر خطر يخشاه الناس هو تسلل كثير من المتمردين الجنوبين إلى العاصمة وتقدم قواتهم حتى أصبحت على مشارف كوستي. وقد كانوا ينتظرون اللحظة الحاسمة للإنقضاض على الخرطوم وكانوا على علم تام بضعف القوات المسلحة وإفتقارها للسلاح والعتاد وإنعدام الروح المعنوية.
حكومة الصادق كانت في البداية مؤتلفة مع الإتحاديين ثم أخلتف الحزبان لأنهما لم يستطيعا تغليب مصالح الوطن على مصالحهم الحزبية الضيقة. الشيوعيون كانوا أيضاً يخططون لإنقلاب عسكري لإستيائهم وسخطهم مما وصلت إليه الأوضاع من تردي وصراع لا نهاية له من أجل السلطة. الشيوعيون لهم خبرة كبيرة في الإنقلابات العسكرية والإستيلاء على السلطة بالقوة وهم كانوا المدبرين لإنقلاب جعفر نميري ولكنه حينما تسلم السلطة وأحس بخطرهم تخلص منهم وخطب ود الأمريكان.
في هذه الأجواء والإرهاصات بأن الشيوعيون يدبرون لإ نقلاب آخر وإقتناعهم بأن الصادق كالزوج المخدوع آخر من يعلم قرر الإسلاميون الإستيلاء على السلطة لدرء الخطر الماثل .. فالشيوعيون لا أمان لهم والأحزاب لا فائدة منها ولا أمل في إصلاح حالها.
الأحزاب لم تقم بأي مجهود لحماية المواطن وممتلكاته وأهمها الديمقراطية (إذا عرف السبب بطل العجب).
الأخ هشام هباني يعرف كل هذه الحقائق لأنه من الدويم وهي (فركة كعب) من الخرطوم .
