Post: #1
Title: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: محمد عمر الفكي
Date: 02-01-2009, 09:39 AM
Parent: #0
خط رجعة
الهكر حائم اليومين ديل يعني لو الحال اتصلح وغيرنا راينا بنرميها فوق الهكر.
بالامس وانا المريخابي شاهدت مهزلة من مهازل الزمن والزمان ابطالها مجموعة من الدلاقين ترتدي شعار ولولا غفلة من الزمان لما حلموا مجرد حلم بغسيله ناهيك عن تمثيله.
مجموعة من الروانديين الشباب تلعب كرة قدم تجبرك على تشجيعهم والاعجاب بنقلهم للكرة ودقتهم في تسليمها تخزينها وتوزيعها في مقابل مجموعة من الميتانين فكانوا "كالذي يتخبطه الشيطان من المس"
حارس مرمي لو دري عنه جمال حسن سعيد لما كلف نفسه عناء تجسيد شخصية شعيرية واكاد اقسم انه لو دردقوا ليه ود السني يخش فيه قون.
موسى الزومة منذ انضمامه للمريخ لم اراه في يوم واحد يرسل باصا صحيحا يستلمه زميله وكمان مع دا جايب له ريدة مع المدرجات والله الكورة حقته عشان تخش قون الا يلعبها مع اللعبة البلعبوها الانجليز والاستراليين ديك (ما عارف اسمها" لكن القون حقها عصايتين اطول من نخل الشمالية وبغداد).
فيصل العجب وطمبل ما بنلومهم لانه عامل السن مهم ويجب مراعاته زي ما غنى ترباس.
ايداهور جرى وحوامة في الميدان كانه دافن ليه حاجة في النجيلة وبفتش عنها.
راجي : علاقته بالكورة كعلاقة زميلتنا العزيزة تراجي بها.
وارغو : انسب لعبة يمارسها هي كرة القدم الامريكية حيث انه بارع جدا في المدافرة والجري بس عليه يزيد وزنه شوية لانه لو واحد من العنقالة ديلك لكزه والله الا يلقطوه حتة حتة.
مجاهد: هو كان لاعب؟
سفاري: احسن السئيين.
بلة جابر: يحلنا منك الحلا بلة
كلتشي: لو نافع الهلال ماكان فرط فيه.
والله العظيم سؤال جادي جدا جدا: قلق امس كان لاعب؟
نصيحة لكل من يقرأ هذا البوست ، لا تشجع الاندية التالية الا اذا كان عامل ريجيم لانهم بيسدوا نفسك من العشاء وفطور اليوم التاني ، المريخ السوداني، النصر السعودي والزمالك المصري.
لنا عودة لبقية الابطال
|
Post: #2
Title: Re: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: محمد عبد الماجد الصايم
Date: 02-01-2009, 09:50 AM
Parent: #1
تعرف يا ود الفكي ..
أمس أنا شفقت عليكم والله
لكن ما مشكلة
العترة بتصلح المشية يا عمكـ
فوز المريخ بالأمس غير مقنع أبدا، ولا يشفع له بمواصلة المشوار.
لم أجد سبب مقنع للخندقة واللعب الدفاعي للمريخ وأغلب تسجيلاته
الأخيرة في الهجوم والوسط الهجومي، طيب جايبنهم ليه؟
ملاحظة:
خط السير لأغلب المشجعين الأنا بعرفهم:
الهلال السوداني ـ الهلال السعودي ـ الأهلي المصري ـ تشيلسي الإنجليزي ـ ريال مدريد الإسباني
المريخ السوداني ـ النصر السعودي ـ الزمالك المصري ـ ليفربول الإنجليزي ـ برشلونة الإسباني
إلا ما ندر!
بالنسبة للهكر يا عمكـ .. بيتخيل لي هو زاتو شفقان عليكم
|
Post: #3
Title: Re: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: محمد عمر الفكي
Date: 02-01-2009, 10:53 AM
Parent: #2
والله يا ود الصائم فرجت عني شوية الهي يفرج عنك ويخنق هلالك.
كدي شوية كده اخلص الفي يدي دا واجي راجع للدلاقين
|
Post: #4
Title: Re: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: محمود بكر
Date: 02-01-2009, 11:58 AM
Parent: #3
الفاضل/ ود الفكي
Quote: نصيحة لكل من يقرأ هذا البوست ، لا تشجع الاندية التالية الا اذا كان عامل ريجيم لانهم بيسدوا نفسك من العشاء وفطور اليوم التاني
، المريخ السوداني، النصر السعودي والزمالك المصري. |
انا معاك في الفوق ده
رغم تحذيرك ود الصائم دخل و(اتلقف)
اما تمبس فهو (موردابي زعلان)
محمد عمران صالح مريخي صميم عكس والده
|
Post: #5
Title: Re: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: محمد عمر الفكي
Date: 02-01-2009, 12:44 PM
Parent: #4
الاخ محمود
ود الصائم دا لو بنيت ليه جدار عازل بيجي ناطي.
اما عمران فالبركة في محمد وفي ابوه ذاته.
امس اقرفونا وغايتوا الواحد قاعد مع الاولاد ختفوا الريموت بعد نهاية المباراة لحقوا ليهم كم لقطة في توم وجيري فرقت علينا شوبة.
تحياتي ليك
|
Post: #6
Title: Re: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: عمران حسن صالح
Date: 02-02-2009, 06:57 PM
Parent: #5
| Quote: لاتقربوا هذا البوست !!!!!!!! |
بس نساعدكـ ونقول فوق لامن تجي تكمل نضميكـ ..
.
.
أخيراً إنضم ود الفكي إلى (كوكبة ) المريخاب العاقلين ..
عقبال طلحة وصاحبه ...
|
Post: #7
Title: Re: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: العوض المسلمي
Date: 03-25-2009, 11:09 AM
اخي محمد عمر سلام
واصل يا اخوي فقد فتحت موضوعا يستحق النقاش ,,,
|
Post: #8
Title: Re: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: محمد عبد الماجد الصايم
Date: 03-25-2009, 11:29 AM
Parent: #7
أهو خنق نفسو براوو!
|
Post: #9
Title: Re: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: tmbis
Date: 03-25-2009, 11:46 AM
Parent: #8
يا ود الفكي ..
إنت البوست دا زاتو كتبتو متين .. ؟ والله العظيم ما شفتو
لكن كويس الجماعة قاعدين .. ضمدو ليك جراحك وريحوك معنويا الله يخليهم الرشاشات ديل .. الواحد لو عايز رش بيرجموهو .. عايز طبطبه بيواسوهو ..
| Quote: (ما عارف اسمها" لكن القون حقها عصايتين اطول من نخل الشمالية وبغداد). |
..
غايتو اشكرك على التفاصيل الحميمة دي .. والتحليل المنطقي ..
لكن حسع دي لو المدرب المسكين طلحة شاف البوست دا .. احتمال كبير يفتح فيك بلاغ ..
وليد الشفت مقدور عليهو .. بياخد بكيتو وبيملص فنلتو وبكون قاعد هنا دا .. أخونا علي بشير بخش ليهو في شريط بتاع فاليوم وكرتونة بتاعت بنج .. وبيعمل غيابك طال ..
غايتو يا ود الفكي .. عفيناك المرة دي .. لكن المرة الجاية ما بنخليك ..
|
Post: #10
Title: Re: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: أيمن الطيب
Date: 03-25-2009, 11:52 AM
Parent: #8
يا محمد عمر سلامات يا رجل,,,,
ياخ إنتو تمشو تتفرجو فى المهازل والفطايس وتجو تبكو لينا هنا ليه!!!!!
شوف ليك كورة زى الناس وما مهم منو يغلب بعد داك المهم تكون فى لعبة حلوة
وكورة نضيفة وجمهور جميل!!!!
أى إنسان عاقل حقو يفكر سبعين مرة قبل ما يمشى لوجع القلب بكرعينو!!
الكورة السودانية دى أكثر الناس شرطو فاتورتا زمااااان وبجوا مارين
فيها مرور الكرام!!!
لأنهم ببساطة مجموعة رواكيب عفا عليها الزمن والمحترفين الجايبنهم كان
فيهم خير ما كان رماهم الطير!!!وما بستحقو تضيع معاهم دقيقة والأسباب معروفة,,,
وارغو دا مثلا الأهلى المصرى فتشو لقا كيسو فاضى وما منّو رجاإنتو منتظرينو يعمل شنو!!!!
والملايين التى دفعت فيهو ليست سوى أموال مهدرة كحال البقية منها!!!والعوض على صاحب العوض,,
مودتى يا رجل,,,
|
Post: #11
Title: Re: اسماعيل عباس، تمبس‘ عمران صالح، ود السني وود الصائم لاتقربوا هذا البوست
Author: ismeil abbas
Date: 03-25-2009, 05:14 PM
Parent: #10
Quote: يا ود الفكي ..
إنت البوست دا زاتو كتبتو متين .. ؟ والله العظيم ما شفتو |
مرينا قلنا نسلم بس وندى التحية وكيف حال الوليدات.............................مودتى..إسماعيل محمد احمد عباس...
|
|