مشاهدي قناة هارموني الأعزاء لكم المحبة .. نحن نتقبل النقد البناء .. يوجد ( رحابة صدر ) !!

من دواعي سروري أن تكون قناة هارموني الحبيبة الي القلب جدا محط انظار وإهتمام كل السودانيين بمختلف مشأربهم وإختلافهم الأيدلوجي وتعددهم الثقافي .. وأن تثير برامجها ردود الافعال والإنتقادات الواسعة إيجاباً أو سلباً !!
ففي قناة هارموني تعلمنا من أستاذنا المبدع معتصم الجعيلي أن نتقبل النقد برحابة صدر وسعة أفق وصبر كبير ..وأن نسعى للتطوير يوماً بعد يوم دون أن نصاب بالإحباط أو اليأس ودون أن نموت برصاص الكلمات الحارقة.. ودون أن تشوه ملامح شاشتنا بالمياه النارية !

شكراً جميلاً لكل من كتب نقداً بمعاول البناء لا .. الهدم للقناة أو لي شخصياً أو لأي مذيعة أو مذيع من زملائي الأعزاء في قناة هارموني المحترمة ..
شكراً جزيلاً لكل من أراد لنا التقدم عبر كلمة نقد موضوعية ومفيدة تضعنا دوماً على جادة الطريق التلفزيوني والعمل الإعلامي الطويل والشاق جداَ !!

شكراً حميماً لكل من يهاتفوننا وكل من يراسلوننا وكل من يتمنون لهارموني ومقدمي برامجها خيراَ وتقدما ويقدمون لنا نصحاً لوجه الله مخلصين له المحبة ومتدثرين بوشاح الصدق في القول والاخلاص في المشاهدة بعين الحياد والموضوعية !!


و

شكراً لكل من أغلظ لنا القول وإختار من المفردات أقساها ( صعاليق )مثالا .. فكل ما لا يقتلنا يقوينا .. وحقيقة نحن نستفيد من كل ملاحظاتكم ومداخلاتكم وكلماتكم بلطفها وحدتها وستكون بالتأكيد في عين الإعتبار دوما ..


وكونوا دوما بألف خير مشاهدي قناة هارموني الأعزاء

ولكم من مالك القناة ورئيس مجلس إدارتها معتصم الجعيلي وكل فريق هارموني كامل التقدير والإحترام ..

شكرا ندوية علي هذه الكلمات الرقيقة مثلك


مزيد من التطوير مزيد من الجهد مزيدة من الخبرة

وبداية الغيث قطرة ثم ينهمر

المحترم خليل


شكرا لحضورك الطيب

و

Quote: مزيد من التطوير مزيد من الجهد مزيدة من الخبرة وبداية الغيث قطرة ثم ينهمر

وهارموني ستكون غيثاً من الجمال المنهمر على مشاهديها الأعزاء دوما إن شاء الله رب العالمين ..

0

محمد الأمين محمد

مرحب بمرورك

كن بخير

اختنا نادية
جماعة قبيل ديل ما نقاد ديل حساد
والله لقائك مع الارباب يعتبر من اميز الحوارات الشاهدتها فى القنوات السودانية قريبا الناس ديل حاسدين صلاح ادريس بس رجل اعمال و رياضى و صحفى و ملحن وطلع فيلسوف كمان و الحلقة ضربة معلم لقناة هارمونى
ديل كانوا راجينك تطلع الارباب زول امى و ما بعرف اتكلم لكن عفيت منك يا صلاح ادريس

حبيب الكل

سلامات أخوي

Quote: جماعة قبيل ديل ما نقاد ديل حساد

هم مشاهدين لهم منا التقدير ونتقبل منهم كل كلمة نقد موضوعي نستفيد منها خيرا .. للجميع الإحترام

Quote: والله لقائك مع الارباب يعتبر من اميز الحوارات الشاهدتها فى القنوات السودانية قريبا الناس ديل حاسدين صلاح ادريس بس رجل اعمال و رياضى و صحفى و ملحن وطلع فيلسوف كمان و الحلقة ضربة معلم لقناة هارمونى

هارموني تعمل من أجل مشاهدييها الأعزاء ونتمنى ان نقدم كل ماينال رضائهم باذن الله .. وشكرا للثناء العاطر لقناة هارموني وشخصي الضعيف ..

Quote: ديل كانوا راجينك تطلع الارباب زول امى و ما بعرف اتكلم لكن عفيت منك يا صلاح ادريس

حاولنا أن نسلط الضوء على كافة إهتمامات الرجل وحاولنا أن نسأل عن الكثير من الأسئلة التي تدور في أذهان الناس عن صلاح إدريس المتعدد المجالات بشكل لايأخذ طابع المحاكمة ولا المجاملة وراضية جدا عن أدائي والحمد لله رب العالمين .. وفي ذات الوقت يهمني الأخذ بملاحظات المشاهدين وتقويمهم ونقدهم الموضوعي والبناء .. وصلاح إدريس لم يقبل الجلوس الينا متهماً بل ضيفاً في سهرة أردنا لها أن تكون عميقة وخفيفة في ذات الوقت .. والله من وراء القصد ( وجه كويس مابطال ) !!

يا استاذ ليس من الحق ان تقذف حد وتتهمة بالامية وانت لا تدري ماذا كتب وماذا قال
مع احترامي للمذيعة المحترمة بس كانت قيادتها للحوار وع القامة الاستاذ صلاح ادريس دون المستوى بل كانت ضعيفة لابح الحدود وهذا راينا
نقولة بكل حرية وشفافية وذلك لمصلحتها المهنية حتى تطور نفسها اكثر, لقد ادارت الاستاذة لقاءت من قبل واشهرها مع الموسيقار محمد وردي
وكان لقاء ممتاز بس اخفقت مع صلاح ادريس ود الارباب فمن هنا كان النقد

الرجاء التكرم بالرد وبدون استخدام كلمات مثل حساد , حاقديم وغيرها نريد نقدً بناً

الاخت نادية .. ..
اذا كان النقد من بعض الزملاء قويا فلا باس فهم يريدون كل
الخير والذين اتوا في منتصف البرنامج وسارعوا لنقد غير بناء
فلا تلتفتي لهم لانهم ارادوا النقد للنقد لا للاصلاح .. وحقيقة
البرنامج كان في غاية الموضوعية والروعة واذا كان الضيف
لايريد ان يقول كلاما يرضي كل الناس فهذا ليس عيبا علي طاقم
القناة وعلي رأسهم الفنان المبدع معتصم الجعيلي الذي لايخطيء
طريق التفوق والنجاح فقد سار في هذا الطريق من زمان ..
التحية لكل من ساهم في هذا البرنامج وكل برامج هارموني ..

الاخت الفاضلة : نادية مختار

مساءك سعيد

أولا شكرا لاريحيتك في تقبلك للنقد وهذا هو ديدن العظماء.

ثانيا: أرد أن أختصر وأعبر لك عن رأيي في الحلقة كألاتي:

سبق وأن قلت لك أنك تدخلين في تحدي خطر وأنت في مقتبل عملك كمقدمة برنامج وأسعدني تقبلك التحدي وأنت تتسلحين بكل ما لديك من موهبة وخبرة اعلامية سابقة...ولكن


شخصية مثل صلاح إدريس لا يكفيها التسلح بالموهبة والخبرة...فالرجل لديه بحار عميقة وغويطة كما يقول اهلنا المصريون

حاولت انت في الابحار بها بكل ما أوتيت من عزم...ولكن نفس الرجل دائما أقوي من المرأة ودي حقيقة فسيولوجية وليس تعبير تشفي..

كان من الافضل حسب رايي المتواضع أن تقسمي اللقاء الي عدة حلقات حتي تتمكني من أستعادة أنفاسك كلما إزددت تعمقا في اللقاء


لانك كنت تسبحين في عدة اتجاهات....

يعني بالبسيط كان ممكن تخصصي لكل جانب من جوانب الرجل حلقة...يعني يوم للرياضة...ويوم للمال...وأيام للتلحين والموسيقي لان الرجل

بارع فيها كما يبدو...وبكدا ممكن تدي لنفسك فرصة للرجوع او للتراجع...وممكن تشاوري صديق او اصدقاء كل في مجاله ..غير الاخوة

المطربين الاعزاء الذين كانو في اللقاء ويستمعون فقط او

يتفرجون عليك ويزيدون الطين بلة بدلا من الوقوف معك او الوقوف علي جانب الحياد علي الاقل....


صلاح ادريس وأن كسب الجولة كما يبدو في رأي البعض لكنك كسبت الكثير لمستقبلك المهني وهذا هو الاهم


كل الود لك ولكل طاقم القناة خاصة الاخ معتصم الذي سعدت بمهاتفته سابقا....ويكفي انكم ارجعتمونا لنشاهد القنوات السودانية مرة اخري

تحياتي

أخوك: د. ياسر عبدالقادر

د. ياسر

سلامات

Quote: كل الود لك ولكل طاقم القناة خاصة الاخ معتصم الذي سعدت بمهاتفته سابقا....ويكفي انكم ارجعتمونا لنشاهد القنوات السودانية مرة اخري

وعليك الله دي هينة ؟!! عقبال باقي الشعب الهارب من مشاهدة القنوات السودانية يارب ( وش مبسوط)

عاشت هارموني .. عاش معتصم الجعيلي ( وش مبسوط برضو ) !

الاستاذة نادية

الف مرحب بيك وانتي تسعين الى تطوير العمل في هذه القناة وذلك بفتح مثل هذا البوست والذي من شأنه ان يقدم فيه الحادبين على تطوير العمل التلفزيوني وهذه القناة المحببة ان يقدمو فيه ما يرونه مناسبا وبموضوعية وبعيدا عن المهاترات والحديث الذي لايقدم ..

شكرا وهذا بمثابة تقدير لنا في ان نساهم ولو بتعليق من شأنه ان يرسخ معاني العمل التلفزيوني ..

شكرا ليك وشكرا للاخ الجعيلي ولنا عودة

بهاء ياشقيقي الغالي

Quote: واذا كان الضيف لايريد ان يقول كلاما يرضي كل الناس فهذا ليس عيبا علي طاقم القناة وعلي رأسهم الفنان المبدع معتصم الجعيلي الذي لايخطيء طريق التفوق والنجاح فقد سار في هذا الطريق من زمان .. التحية لكل من ساهم في هذا البرنامج وكل برامج هارموني

والتحية ليك بهاء الدين وللفنان معتصم الجعيلي الف تحية وللأرباب والمريخاب كذلك ( وش لذيذ) !

علاء الدين حيمورة ود عم حيمورة الغالي

سلامات وحبابك الف


تسلم من كل شر يارب

الاخت نادية
السلام
اصلا صلاح إدريس في رائي المتواضع ما محتاج لقاء تعريفي
لانو معرف نفسو بي نفسو براهو من خلال إنتشارو الواسع في كل ركن من أركان المجتمع السوداني
ربنا يحفظ ويبارك عبدو الأرباب
ثم :

Quote: من دواعي سروري أن تكون قناة هارموني الحبيبة الي القلب جدا محط انظار وإهتمام كل السودانيين بمختلف مشأربهم وإختلافهم الأيدلوجي وتعددهم الثقافي

غايتو إلا تكوني ما حاسباني من الشعب السوداني .

الأخ المحترم طلحة عبد الله

سلامات ومرحب بيك


قلت :

Quote: اصلا صلاح إدريس في رائي المتواضع ما محتاج لقاء تعريفي لانو معرف نفسو بي نفسو براهو من خلال إنتشارو الواسع في كل ركن من أركان المجتمع السوداني ربنا يحفظ ويبارك عبدو الأرباب

ثم بعدها بدقائق كتبت في مكان غير هذا

Quote: الاخ عبد الغفار السلام لم اشاهد اللقاء لكني أعرف أن الارباب صلاح إدريس رجل مراوغ بدرجة ممتاز بيد أنه يحتاج لصحافي تتوفر لديه صفات المكر والدهاء والخبث لينتزع منه الاعتراف او المعلومات المأمولة . هل بالامكان عرض اللقاء هنا ..؟؟

وعلى كل حال أعترف لك بكامل إرادتي فأنا رغم أنني صحافية لكن لا تتوفر فيني ( صفات) ( المكر والدهاء والخبث ) ويمكن أن أقول (للأسف ) يعني !!

ثم أن ( عبدو الأرباب) حي يرزق والحمد لله ويمكن محاورته من صحافي تتوفر فيه المواصفات السابقة الذكر وربنا يحفظ ويبارك عبدو الأرباب كما تقول .. سمح ؟

Quote: غايتو إلا تكوني ما حاسباني من الشعب السوداني .

لا طبعا مامن حقي ما أحسبك سوداني وانت سوداني صميم .. لكن عفوا ممكن أعدل ( كل) لـ : الغالبية العظمي ( يوجد إستطلاعات رأي ) !!

كن بألف خير ومرحب بيك كتير ونتمنى كسبك مشاهدا لقناة هارموني على الأقل لأن اللقاء الذي طلبت من الأخ عبد الغفار إنزاله موجود فقط وحصرياً في قناة هارمـــــــــــوني .. سمح ؟!

التحية لنادية

Quote: أنني صحافية لكن لا تتوفر فيني ( صفات) ( المكر والدهاء والخبث ) ويمكن أن أقول (للأسف ) يعني !!

ما دام الاسف يا بت الناس .. ما عيب كونو ما تتوفر فيك الصفات دي كصحافية .

Quote: ( عبدو الأرباب) حي يرزق والحمد لله ويمكن محاورته من صحافي تتوفر فيه المواصفات السابقة

ما عارف كيف جزمت انو (يمكن محاورته) من الصحافي المقصود دا لكن اتمني أنو فعلا يقعد لحوار من النوعية دي .

عفوا ما فهمت المقصود من الجمع بين كلامي في بوستيك وكلامي في بوست الاخ عبد الغفار شنو ..؟
ممكن مزيد من الإيضاح لو أمكن ..؟؟

التحية لطلحة وحبابك

Quote: ما عارف كيف جزمت انو (يمكن محاورته) من الصحافي المقصود دا لكن اتمني أنو فعلا يقعد لحوار من النوعية دي .

عاين

موش إنت قلت :

Quote: بيد أنه يحتاج لصحافي تتوفر لديه صفات المكر والدهاء والخبث لينتزع منه الاعتراف او المعلومات المأمولة .

يعني كلامك ده إنو في صحافيين تتوفر فيهم الصفات المطلوبة الذكرتها انت بعاليه لمحاورة صلاح إدريس فأنا بقول ليك الرجل حي يرزق والحمد لله وإن شاء الله الفشلت فيه أنا ( من وجهة نظرك) ينجح فيه صحافي يتميز بالصفات المذكورة ( خبث ، مكر ، دهاء) .. ببساطة كده سمح ؟


أما

Quote: عفوا ما فهمت المقصود من الجمع بين كلامي في بوستيك وكلامي في بوست الاخ عبد الغفار شنو ..؟ ممكن مزيد من الإيضاح لو أمكن ..؟؟

فلأنك قلت :

Quote: غايتو إلا تكوني ما حاسباني من الشعب السوداني .

أي إنك لا تشاهد هارموني .. لدرجة أن تطلب مني ما أحسبك مع الشعب السوداني الأنا قلت إنو ( كل) يشاهد هارموني !!

فكانت دهشتي من أن تطلب مشاهدة حوار الأرباب من هارمـــــــوني بانزاله في النت بيد أنك لا تشاهد القناة على شاشتها ولا شنو ؟

صححني إن فهمت حديثك بغير ماقصدته أنت سمح ؟

عارفه يا نادية ، الحاجة البقدرا فيكي جداً وبتمنى ربنا يقسم
لي منهاهي إيجابيتك وعصاميتك ورغبتك دايماً في إنك تحققي ذاتك
حسب طريقتك ، ودي حاجة أندر من أسنان الدجاج في عصرنا هذا.
إنتي إنسانة عندك مشروع وأهداف ، غض النظر عن رضا الناس
لغاية حسه عن تجربتك أو إختلافهم عليكي زي في الموضوع الأخير .

انا ما حضرت الحلقة ولا شفت ليكي حاجة تلفزيونية لكن بعرف
إنو الحاجات دي ما ساهلة وزي ما إتقال ليكي يمكن تكوني
محتاجة لشوية تمرين على بعض الحاجات والتكنيك ، بس الأهم
من ده كلو إنك إبتديتي ، ودي الحاجة البيكون آلاف المنظرين
العظام ما عملوها : البداية ..
انا وبشكل شخصي ، بتمنى ليكي التوفيق ، وبتمنى إنك كل مره
تعملي فيها حاجة تكسبي خبرة وقيم معرفية وقبول .

بفتكر كمان يا نادية إنو بقدر ما النقد ممكن يكون مهم ،
إلا إنو الإنسان مرات بيحتاج ما يشغل نفسو بكلام الناس بقدر
ما بيحتاج للتركيز في الحاجة البيعملا ، والإستعداد ليها
وخدمتا .

أشوفك بخير


طلال

كدا يابتنا نادية خليك من حكاية الجمع بين كلامين دا لانو واضح أنو ماقدرنا نوصل لي بعض المقصود..
لكن :
متين قلت ليك انت فشلت او نجحت في الحوار ..؟؟
أصلا أنا ما شاهدت اللقاء فكيف أفتي فيهو سلبا او إيجابا
قلت أنو الارباب صلاح ادريس رجل مراوغ ويحتاج لصحافي تتوفر فيهو صفات معينة لمراوغتو ولم أقل أن نادية تتوفر أو لا تتوفر فيها هذه الصفات عشان كدا نجحت أو فشلت .

وبعدين يا نادية لما طلبت عرض اللقاء هنا بفهم انو أصلو الحلقة اتبثت وانتهت علي القناة بدليل انو اللقاء محور حديث في البوست
اللهم إلا اذا كان اللقاء دا يعاد بثه يوميا ..

حباب طلحة

Quote: وبعدين يا نادية لما طلبت عرض اللقاء هنا بفهم انو أصلو الحلقة اتبثت وانتهت علي القناة

وإتعادت الليلة الصباح .. وعلى كل حال حصل خير وفي وأحد من الـ ( ستة ) بوستات الإتفتحت عن سهرة صلاح إدريس في هارموني نزلت أجزاء من السهرة سمح ؟

طيب ياأستاذ طلحة ( كنت عايزة أقول ياولدنا بس ماعارفة ينفع ولا لا ) !!

Quote: متين قلت ليك انت فشلت او نجحت في الحوار ..؟؟ أصلا أنا ما شاهدت اللقاء فكيف أفتي فيهو سلبا او إيجابا قلت أنو الارباب صلاح ادريس رجل مراوغ ويحتاج لصحافي تتوفر فيهو صفات معينة لمراوغتو ولم أقل أن نادية تتوفر أو لا تتوفر فيها هذه الصفات عشان كدا نجحت أو فشلت

طيب عليييييييك الله كان من الأول قلت ياجماعة نزلوا لينا اللقاء نشوفه وبعدين نحكم إذا كانت ( بتنا الصحافية ) دي قدرت على الأرباب ( المراوغ ) ده ولا لا موش كان بكون حلو ؟!

شخصياً كنت بس عايزة أدلك على بوست فيهو تسجيل السهرة لكن إنت ماسألتني غايتو !


تسلم وكن بألف خير

غايتو يا نادية رغم انك قلت :

Quote: يوجد ( رحابة صدر )

لكن الواضح انو الصدر ضاق شوية بدليل

Quote: طيب عليييييييك الله كان من الأول قلت ياجماعة نزلوا لينا اللقاء نشوفه وبعدين نحكم إذا كانت ( بتنا الصحافية ) دي قدرت على الأرباب ( المراوغ ) ده ولا لا موش كان بكون حلو ؟!

ياخي اصلا انا ما دخلت البوست بفهم أحكم عليك ان كنت ناجحة واللا فاشلة ..
في بوستيك دا قلت :
ان الأرباب ما محتاج تعريف لأنو متوفر في كل ركن من اركان المجتمع ..الخ ..دون الاشارة من قريب أو بعيد لانو اللقاء كان ناجح ام لا ..
وفي البوست التاني قلت : الارباب رجل مراوغ ... الخ... وبرضو ما لمحت حتى مجرد تلميح لنجاح او فشل اللقاء ..
الظاهر عليك متحسسة شوية يا استاذة نادية ..

حباب طلحة

Quote: الظاهر عليك متحسسة شوية يا استاذة نادية ..

أبدا والله وزي ماقلت ليك توجد ( رحابة صدر ) بالكوم لكن بالجد مداخلتك ماكانت ولا زالت مامفهومة لي بشكل وأضح وعشان كده بكل رحابة صدر قلت ليك صححني ان كنت فهمتك بغير ماتقصد موش حصل ياطلحة ؟

يلا ياولدنا حصل خير وبتلقى السهرة في بوست فاتحو بهاء عيسى سمح؟

Quote: يلا ياولدنا حصل خير وبتلقى السهرة في بوست فاتحو بهاء عيسى سمح؟

الله يسهل عليك يا أستاذة نادية

أستاذ طلحة حبابك

Quote: الله يسهل عليك يا أستاذة نادية

دعاء طيب منك وربنا يجعله من نصيبي يارب

تسلم كتير وكن بألف خير وعافية

(*)

للأسف يا(نادية) نحن لا نمتلك تقاليد (التعدد) في أنماط (العمل الأعلامي)
وهي (أحادية) محبطة , و(بيزك) فرض لسنوات , ..
(الميديا) صارت لا تخضع (لمعايير) تلفذيون (أمدرمان) القديم ..
وهنا نحتاج إلى فك الإرتباط بين (تقاليد) تلفذيون السودان التي تشبع
منها (الإعلامي) و(المشاهد) وحتى (ضيوف الحلقات) أنفسهم ..
شاهدت الحلقة وللأسف لم أشاهدها كاملة ..
وما أود قوله تحديداً هو أن (إستاندر) المشاهد والذي يتحول هنا عبر
قنوات (التواصل) المباشر , (الإنترنت) التي تحوله هنا إلى ناقد دون وسائط
(أي وسائط الإتصال ال تقليدية) ..
هو (إستاندر) فرض عليها لسنوات (عبر جهاز يتيم يدار ببيروقراطية موظفي
الدولة وتغلب على إعلامييه صفة الموظف لا المبدع), لذلك يقيم الناس (العمل الإعلامي)
حسب هذا (الموروث) بإعتباره (معياراً النجاح والفشل) ..!!
(*)
مايجب أن يفطن إليه (الإعلامي) السوداني أن أمامه طريق طويل وتحدي شاق
حتى يستطيع أن يواكب على مستويين مختلفين :
المستوى الأول:
عليه أن يعلم أنه مطالب بتلبس شخصية (مقدم البرامج) التي أرساها (تلفازنا الأعور)
لسنوات وهي أن المحاور يجب أن يكون (نصف قارئ نشرة الأخبار) من حيث (الأداء)
والظهور بمظهر تكسوه (جدية ) ويضع أمامه محاور (حفظها) كابراً عن كابر ..
(وهو أمر تجاوزته أغلب أجهزة الإعلام التي ولجت حقيقة عصر إعلام الواقع) ..
وليس (الإعلام الذي يتشارك ومؤسسات التعليم الوظائف والأهداف والغايات والقواعد التي
لايجب الخروج عنها) ..
وبلغة أكثر بساطة :
يجب أن يعي (الإعلامي) قبل المشاهد أن هنالك نقلة نوعية في الشكل البرامجي وهي نقلة
تطورت بصورة متطردة لسنوات حتى (أصبحت مدرسة تسيدت الساحة منذ نهاية تسعينيات القرن الماضي)
وهي (مدرسة إعلام الواقع التني أفرزت أنماط وأشكال جديدة من البرامج أنزوى أمامها الشكل
القديم الذي لا نزال نجده في إعلامنا السوداني دون غيره لأننا نخاف المغامرة
ولانمتلك المقدرة على التغيير )
هذه المدرسة كان آخر منتجاتها (برامج التوك شو) ..
والتي عبرت إلى العالم العربي عبر (بوابة الإعلام اللبناني) ..
والذي تلقفها من الإعلام الغربي دون حرج , ..
خاصة بعد تشجيع جسور من( أعلام) ومثقفين لبنانيين من أصحاب الصوت العالي
ك(سعيد عقل) والذي شجع على الخروج عن اللغة (الميتة) إلى (اللغة الحية ) أو (اللغة المحكية
الدارجة) وهو أمر كان مسهجناً في بادئ الأمر ولكنه الآن تم فرضه ولم يعد شاذاً
بعد أن أجبر المشاهد (بالتواتر) على تقبله (وهذه إحدى مقدرات الإعلام التأثير على الرأي العام)..

(*)

على الإعلامي السوداني أن يحاول الخروج من (الشكل) الذي فرض عليه لسنوات
دون خوف , وعليه مواكبة المتغيرات والأنماط الجديدة وأحدها شكل وكيفية التقديم
وعليه فرضها على المشاهد (من خلال طرق جاذبة) ..
وهو طريق طويل ..
لكنه يحتاج إلى (تحرك مدروس) و(سياسة برامجية) و(قنوات منظمة) تعي إداراتها
أن (المشاهد) يربى ويهدهد ويلاطف كالأطفال حتى يفطم ..

الخلاصة يا(نادية) :

بناءً على الدقائق المعدودة التي أكرمني زماني بمشاهدتها
فأنا أثني أولاً على خروجك عن (قالب المذيع التقليدي) وهو أمر تستحقين عليه
الثناء ..
ولكنك لم توفقي في (إدارة) الحوار وتسييره وصولاً للنقاط التي تبدأين بإثارتها
وتتركين ضيفك لسحب البساط من تحت أقدامك وتسييره كيفما أراد هو ..
وهذه تعزى (لقلة الخبرة)
وهو لايعيبك فأمامك الطريق طويل ..
ولمحاولة تلطيف الجو مع المحاور مخافة أن يخرج عن طوره
وهذه تفقد (الحوار) سخونته وتظهرك بمظهر (الذي يمارس نوعاً من فن العلاقات العامة
لحساب الضيف) ..
وهذه تعود لأن (أسلوب العمل بالقنوات السودانية المختلفة) فرض على الإعلامي
السوداني تقيداً بخطة (هشة) أساسها المحاور المتعددة دون (سيناريو معد بدقة)
(وهذا عيب الإنتاج والإعداد)

(*)
يجب على (نادية مختار) أن تعمل على خلق شخصية إعلامية (تخصها وحدها)
دون التأرجح بين (الشكل التقليدي ) المقبول لدى المشاهد السوداني
وهو أسهل الطرق لكنه لا يصنع إعلامي (مميز)

أو العمل على كسر (أنماط) التقليد وهو أمر ربما يضعها على (مقصلة) النقد اللازع
لفترات طويلة حتى تستطيع فرض هذا (النمط الخاص) ..
وهو طريق يحتاج إلى صبر ومثابرة ومران ..
وربنا ينجح مسعاك وأأسف على الإطالة ..

أستاذ كمال الزين

وطلال عفيفي شقيقي

سلامات

مداخلاتكم ثرة شديد وكاملة الدسم وبيحتاج الرد عليها لكباية شاي بلبن ( مقنن ) ولقيمات من خالتي عشة فعشان كده برجع ليها بعدين الصباح مع إنو الصباح دخل خلاص بس فضل الشمس تطلع لكن انا ( هجم ) علي النوم شددددديد سمح؟

يلا فليصبح كل شعب السودان بألف خير

ولي باكر كان الله حيانا والموت خلانا ..!

يا قريبتي سريناقمي...

بعد ان حاورت وردي ما كان تحاوري
زول بعدو!
الناس زهجانة من صلاح ادريس ومن حقها
لأنه قتل الحوار بالأنا وتضخيم الذات
والهروب الى الخلفّ!

فلا تثريب عليك سوى عدم توفيقك
في اختيار من تحاورينه...

خلي السقف عالي، وبعدين نحن كلامنا
كلام ناس غير متخصصين لا في النقد
ولا الإعلام لذلك اعفي لينا حتى ندرس
اصول النقد البناء وليس تبخيس
الناس اشياءهم...

وسلااام كتير

عبد الاله زمراوي سلامات

Quote: بعد ان حاورت وردي ما كان تحاوري زول بعدو!

ههههه

دي ريدة لوردي شديدة منك وتحيز وأاااضح

هههه

Quote: الناس زهجانة من صلاح ادريس ومن حقها لأنه قتل الحوار بالأنا وتضخيم الذات والهروب الى الخلفّ!

أنا عارفة إنو في ناس كتيرة زهجانة من صلاح إدريس جات ( تتفشى) فيني لأنو حتى لما شال عنبة من عنب بيتهم أكلها الناس شاكلونا أنا والمخرج !!

هههههههه

والله نحنا في هارموني سعداء جدا بالحراك العملتو السهرة دي والضجة سلبا وايجابا وبرضو بنتقبل النقد الهادف وللمشاهدين كل احترامنا والله ..

تسلم يارب

الاخ كمال الزين .. ..
عذرا لردي علي حديثك قبل صاحبة البوست فهذا التحليل الذي
اتيت به هنا هو مجمل الحديث الذي تطرقنا له منذ بداية هذا
الحوار وحتي الان .. وتحليلك قوي ومنطقي وهو المطلوب بالتحديد
اي الاعلام التقليدي الذي مللنا منه منذ عشرات الاعوام حتي
اصبح الخروج من هذا النمط التقليدي كالكفر او الارتداد؟
وكما قلت الخروج من النمط القديم وتقديم اسلوب جديد بل
اساليب تخص مقدم البرنامج او الكاتب الصحفي هو جديد علي
الجمهور هو المطلوب وفرض هذا الواقع الجديد يتطلب صبر قوي
وانتظار ونقد لاذع كما حدث للاخت نادية حتي حينما كانت تضحك
طالبوها ان تكون جامدة كالصخرة امام ضيفها بل ان تحمل العصي
حتي تستنطق ضيفها ولاتتركه يتحدث بحريته .. وفي حالة صلاح
ادريس معروف انه لن يجيب علي سؤال من اين لك هذا الا بمراوغة
دبلوماسية يمارسها منذ ظهوره علي ساحة رجال الاعمال في
السودان ولن يجبره احد ان يقول انه تحصل علي ثروته بطريقة
ما وهي حرية شخصية تخصه .. شكرا اخي كمال

هارمونــــــــــــــــــي

الأخت نادية
لك أجر الإجتهاد ومحاولة إثراء الساحة الثقافية
كما أن ليس بالضرورة أن تنال الأعمال والبرامج رضا كل المشاهدين ولكن حتماً هناك من يتابع بإعجاب ما تقديمه عبر شاشة هارموني

وفقك الله.،

Quote: يوجد ( رحابة صدر ) !!

إسمها (توجد) رحابة صدر
فرحابة الصدر مؤنث

الأخ المحترم محمد فرح

بكل رحابة الصدر شكرا لمرورك وتصحيحك


كن بخير

الأخ المحترم إسماعيل وراق

Quote: لك أجر الإجتهاد ومحاولة إثراء الساحة الثقافية كما أن ليس بالضرورة أن تنال الأعمال والبرامج رضا كل المشاهدين ولكن حتماً هناك من يتابع بإعجاب ما تقديمه عبر شاشة هارموني وفقك الله.،

شكرا جميلا لكلماتك الطيبات وجعلني الله عند حسن الظن بي دوما ووفقني لما يرضي المشاهدين في هارموني العزيزة .

عزيزتي ناديه سلام

نحن عندما ننتقد هارموني فذلك لحبنا لها وليس تقليل من شانها او دعوة لتجريحها ,,,

وعندما نشيد بهارموني كقناة او كطاقم او اشاده بك كمذيعه او صحافيه فذلك من حقكم علينا ان نشيد بما تنجزون من عمل

اقل ما يقال فيه انه بذل فيه جهد كبير ,,,

وفي الفتره الاخيره لم نري هارموني الا في تطور مستمر وواضح للعيان ,,,,

وشخص معتصم الجعيلي باريحيته وبساطته في التعامل يجعلك جزء من منظومة هارموني وانت تجلس بين اسرتك ,,,,

التحية لمعتصم واسرة هارموني ’,,,,

والي الامام نحو اعلام يسلط الجو علي ما يهمنا كشعب يحب الجمال ويعشق الكلمة ,,,,

عوض المسلمي سلامات

Quote: وشخص معتصم الجعيلي باريحيته وبساطته في التعامل يجعلك جزء من منظومة هارموني وانت تجلس بين اسرتك ,,,,

معتصم الجعيلي ؟؟

والله لو لم يكن معتصم الجعيلي أخي وشقيقي وصديقي الجميل لتمنيت أن يكون !

معتصم رجل إجتمعت فيه صفات البساطة والعظمة والمحنة والكرم والنخوة والشهامة والإبداع والثقة بالنفس والتواضع والصدق والبراءة والوضوح ووووو

ووالله ده ما ( كسير تلج) لرئيسي في العمل ولا صديقي وشقيقي الغالي بقدر ماهو قولة الحق في رجل عرفت قدره وفخورة بمعرفتي به وبأسرته التي حق له ولنا ان نباهي بها عين الشمس .. زوجة وأبناء في غاية التهذيب والأدب حفظهم الله وحفظ لنا معتصم الجعيلي العزيز يارب ..

قول آآآآآمين

Quote: (*) للأسف يا(نادية) نحن لا نمتلك تقاليد (التعدد) في أنماط (العمل الأعلامي) وهي (أحادية) محبطة , و(بيزك) فرض لسنوات , .. (الميديا) صارت لا تخضع (لمعايير) تلفذيون (أمدرمان) القديم .. وهنا نحتاج إلى فك الإرتباط بين (تقاليد) تلفذيون السودان التي تشبع منها (الإعلامي) و(المشاهد) وحتى (ضيوف الحلقات) أنفسهم .. شاهدت الحلقة وللأسف لم أشاهدها كاملة .. وما أود قوله تحديداً هو أن (إستاندر) المشاهد والذي يتحول هنا عبر قنوات (التواصل) المباشر , (الإنترنت) التي تحوله هنا إلى ناقد دون وسائط (أي وسائط الإتصال ال تقليدية) .. هو (إستاندر) فرض عليها لسنوات (عبر جهاز يتيم يدار ببيروقراطية موظفي الدولة وتغلب على إعلامييه صفة الموظف لا المبدع), لذلك يقيم الناس (العمل الإعلامي) حسب هذا (الموروث) بإعتباره (معياراً النجاح والفشل) ..!! (*) مايجب أن يفطن إليه (الإعلامي) السوداني أن أمامه طريق طويل وتحدي شاق حتى يستطيع أن يواكب على مستويين مختلفين : المستوى الأول: عليه أن يعلم أنه مطالب بتلبس شخصية (مقدم البرامج) التي أرساها (تلفازنا الأعور) لسنوات وهي أن المحاور يجب أن يكون (نصف قارئ نشرة الأخبار) من حيث (الأداء) والظهور بمظهر تكسوه (جدية ) ويضع أمامه محاور (حفظها) كابراً عن كابر .. (وهو أمر تجاوزته أغلب أجهزة الإعلام التي ولجت حقيقة عصر إعلام الواقع) .. وليس (الإعلام الذي يتشارك ومؤسسات التعليم الوظائف والأهداف والغايات والقواعد التي لايجب الخروج عنها) .. وبلغة أكثر بساطة : يجب أن يعي (الإعلامي) قبل المشاهد أن هنالك نقلة نوعية في الشكل البرامجي وهي نقلة تطورت بصورة متطردة لسنوات حتى (أصبحت مدرسة تسيدت الساحة منذ نهاية تسعينيات القرن الماضي) وهي (مدرسة إعلام الواقع التني أفرزت أنماط وأشكال جديدة من البرامج أنزوى أمامها الشكل القديم الذي لا نزال نجده في إعلامنا السوداني دون غيره لأننا نخاف المغامرة ولانمتلك المقدرة على التغيير ) هذه المدرسة كان آخر منتجاتها (برامج التوك شو) .. والتي عبرت إلى العالم العربي عبر (بوابة الإعلام اللبناني) .. والذي تلقفها من الإعلام الغربي دون حرج , .. خاصة بعد تشجيع جسور من( أعلام) ومثقفين لبنانيين من أصحاب الصوت العالي ك(سعيد عقل) والذي شجع على الخروج عن اللغة (الميتة) إلى (اللغة الحية ) أو (اللغة المحكية الدارجة) وهو أمر كان مسهجناً في بادئ الأمر ولكنه الآن تم فرضه ولم يعد شاذاً بعد أن أجبر المشاهد (بالتواتر) على تقبله (وهذه إحدى مقدرات الإعلام التأثير على الرأي العام).. (*) على الإعلامي السوداني أن يحاول الخروج من (الشكل) الذي فرض عليه لسنوات دون خوف , وعليه مواكبة المتغيرات والأنماط الجديدة وأحدها شكل وكيفية التقديم وعليه فرضها على المشاهد (من خلال طرق جاذبة) .. وهو طريق طويل .. لكنه يحتاج إلى (تحرك مدروس) و(سياسة برامجية) و(قنوات منظمة) تعي إداراتها أن (المشاهد) يربى ويهدهد ويلاطف كالأطفال حتى يفطم .. الخلاصة يا(نادية) : بناءً على الدقائق المعدودة التي أكرمني زماني بمشاهدتها فأنا أثني أولاً على خروجك عن (قالب المذيع التقليدي) وهو أمر تستحقين عليه الثناء .. ولكنك لم توفقي في (إدارة) الحوار وتسييره وصولاً للنقاط التي تبدأين بإثارتها وتتركين ضيفك لسحب البساط من تحت أقدامك وتسييره كيفما أراد هو .. وهذه تعزى (لقلة الخبرة) وهو لايعيبك فأمامك الطريق طويل .. ولمحاولة تلطيف الجو مع المحاور مخافة أن يخرج عن طوره وهذه تفقد (الحوار) سخونته وتظهرك بمظهر (الذي يمارس نوعاً من فن العلاقات العامة لحساب الضيف) .. وهذه تعود لأن (أسلوب العمل بالقنوات السودانية المختلفة) فرض على الإعلامي السوداني تقيداً بخطة (هشة) أساسها المحاور المتعددة دون (سيناريو معد بدقة) (وهذا عيب الإنتاج والإعداد) (*) يجب على (نادية مختار) أن تعمل على خلق شخصية إعلامية (تخصها وحدها) دون التأرجح بين (الشكل التقليدي ) المقبول لدى المشاهد السوداني وهو أسهل الطرق لكنه لا يصنع إعلامي (مميز) أو العمل على كسر (أنماط) التقليد وهو أمر ربما يضعها على (مقصلة) النقد اللازع لفترات طويلة حتى تستطيع فرض هذا (النمط الخاص) .. وهو طريق يحتاج إلى صبر ومثابرة ومران .. وربنا ينجح مسعاك وأأسف على الإطالة ..

ما خليت لينا شبئ نكتبه ...

كلام في محله 100%

التحايا و التهاني لقناة هارموني و للفنان معتصم الجعيلي
نموذج جيد لناة معتمدة علي ذاتها و امينة مع جمهورها
الي الامام


طارق ابوعبيدة

Quote: التحايا و التهاني لقناة هارموني و للفنان معتصم الجعيلي نموذج جيد لقناة معتمدة علي ذاتها و امينة مع جمهورها الي الامام طارق ابوعبيدة

شكرا جميلا طارق وهارموني منكم وليكم وبيكم دوما ..

عثمان دغيس

سلامات

Quote: ما خليت لينا شبئ نكتبه ... كلام في محله 100%

موش كلام مهم ومفيد بالله


تسلم ويسلم كمال الزين يارب

عبد العزيز سلامات


هــــــــــــارموني قناة كل السودانيين

هذا هو شعارها الجديد


وتسلم يارب

أستاذ كمال ليك مليون ألف تحية


عايزة أخد مداخلتك دي وأحدة وأحدة لأنها دسمة ومليااااااانة ومهمة ومفيدة شديد خلاص سمح ؟

Quote: للأسف يا(نادية) نحن لا نمتلك تقاليد (التعدد) في أنماط (العمل الأعلامي) وهي (أحادية) محبطة , و(بيزك) فرض لسنوات , .. (الميديا) صارت لا تخضع (لمعايير) تلفذيون (أمدرمان) القديم .. وهنا نحتاج إلى فك الإرتباط بين (تقاليد) تلفذيون السودان التي تشبع منها (الإعلامي) و(المشاهد) وحتى (ضيوف الحلقات) أنفسهم ..

كلامك سليم مائة في المائة وببساطة فكرة هارموني هي الخروج عن المألوف والتقليدي بشكل يدهش المشاهد ويحترمو ويفرحو .. ولأنو فكرة التغيير في حد ذاتها ماشئ ممكن يتقبلو الجمهور من أول مرة فالأستاذ معتصم ليهو سنتين الآن وهو ماضي في طريق كسر جمود القوالب الواحدة والتقليدية الاعلامية ونجح وماشي من نجاح لنجاح بحمد الله .

يا أستاذ كمال

Quote: شاهدت الحلقة وللأسف لم أشاهدها كاملة .. وما أود قوله تحديداً هو أن (إستاندر) المشاهد والذي يتحول هنا عبر قنوات (التواصل) المباشر , (الإنترنت) التي تحوله هنا إلى ناقد دون وسائط (أي وسائط الإتصال ال تقليدية) .. هو (إستاندر) فرض عليها لسنوات (عبر جهاز يتيم يدار ببيروقراطية موظفي الدولة وتغلب على إعلامييه صفة الموظف لا المبدع), لذلك يقيم الناس (العمل الإعلامي) حسب هذا (الموروث) بإعتباره (معياراً النجاح والفشل) ..!!

وفي هارموني حتى العمل الإداري مافيهو بيروقراطية نحمد الله ناهيك عن العمل التلفزيوني والإبداعي !!

أستاذ كمال

Quote: مايجب أن يفطن إليه (الإعلامي) السوداني أن أمامه طريق طويل وتحدي شاق حتى يستطيع أن يواكب على مستويين مختلفين : المستوى الأول: عليه أن يعلم أنه مطالب بتلبس شخصية (مقدم البرامج) التي أرساها (تلفازنا الأعور) لسنوات وهي أن المحاور يجب أن يكون (نصف قارئ نشرة الأخبار) من حيث (الأداء) والظهور بمظهر تكسوه (جدية ) ويضع أمامه محاور (حفظها) كابراً عن كابر .. (وهو أمر تجاوزته أغلب أجهزة الإعلام التي ولجت حقيقة عصر إعلام الواقع) .. وليس (الإعلام الذي يتشارك ومؤسسات التعليم الوظائف والأهداف والغايات والقواعد التي لايجب الخروج عنها) .. وبلغة أكثر بساطة : يجب أن يعي (الإعلامي) قبل المشاهد أن هنالك نقلة نوعية في الشكل البرامجي وهي نقلة تطورت بصورة متطردة لسنوات حتى (أصبحت مدرسة تسيدت الساحة منذ نهاية تسعينيات القرن الماضي) وهي (مدرسة إعلام الواقع التني أفرزت أنماط وأشكال جديدة من البرامج أنزوى أمامها الشكل القديم الذي لا نزال نجده في إعلامنا السوداني دون غيره لأننا نخاف المغامرة ولانمتلك المقدرة على التغيير ) هذه المدرسة كان آخر منتجاتها (برامج التوك شو) .. والتي عبرت إلى العالم العربي عبر (بوابة الإعلام اللبناني) .. والذي تلقفها من الإعلام الغربي دون حرج , .. خاصة بعد تشجيع جسور من( أعلام) ومثقفين لبنانيين من أصحاب الصوت العالي ك(سعيد عقل) والذي شجع على الخروج عن اللغة (الميتة) إلى (اللغة الحية ) أو (اللغة المحكية الدارجة) وهو أمر كان مسهجناً في بادئ الأمر ولكنه الآن تم فرضه ولم يعد شاذاً بعد أن أجبر المشاهد (بالتواتر) على تقبله (وهذه إحدى مقدرات الإعلام التأثير على الرأي العام)..

دي محاضرة قيمة عن نفسي حأستفيد منها كامل الاستفادة والله وموضوع ( اللغة الميتة ) دي نبهني ليها الاستاذ معتصم من أول عمل لي في هارموني من خلال سهرة ( قضايا صحفية) وقال لي يانادية أبعدي لي من اللغة المعقرة والمعقدة وماترهقي نفسك وكوني نادية والحمد لله بي كده فعلا لقيت روحي في هارموني وبتمنى ربنا يوفقني أقدم فيها مايرضيني ويرضي كل جمهور هارموني يارب ..

لكن تفتكر محتاجين سنوات كتيرة عشان بعض الناس يفهموا فكرة هارموني شنو ياأستاذ كمال ؟

طلال عفيفي أخوي العزيز


سلام من الله يغشاك ويحفظك يارب محل ماتكون إن شاء الله

كلامك يبعث على الراحة ويدي الزول إحساس انو بيعمل في حاجة كويسة ياطلال

وأنا فعلا في حياتي دي كلها بحاول اعمل في حاجات سمحة للناس وللبلد ولأهلي وأصحابي وبتي ولروحي كمان

الناس ياطلال زي ماقال أستاذ كمال الزين بعضهم بيكون لاذع لو جيت تغير ليهو حاجة اتعود عليها ليهو سنوات طويلة ونحنا في هارموني حاولنا نكون لينا حاجاتنا برانا المابتشبه حاجات غيرنا وفي نفس الوقت تعجب الناس وتحترم عقولهم وتدهشهم وتفرحهم كمان ..

ماكل البتقال بهملو وأطنشو أنا ياطلال لأنو في نقد بناء وجميل ومفيد شديد خلاص .. لكن كمان الكلام البحس إنو ماموضوعي ومابفيدني في تقويم نفسي وتطويرها بسيبو في محلو وأمشي منو وخلاص !

ماتقلق على أختك ياطلال الحياة دي مدرسة ويااااااما بتعلم ولازم منها نتعلم ولا شنو ياشقيقي وصديقي الغالي ؟ ( وجه مبسوط بيك)

شكرا لرحابة الصدر

ما يحذبنا للقناة هو الانتماء

برامج جميلة منوعة خفيفة (غير مملة )


ولكن ...........

الملل في الصورة

فهي غير مظبوطة مرات كتييييييييير (اوفرover)
و مرات اكتر مضلمة ( زي شريط عرس تعبان)

يرجي الاهتمام بالانتاج و مرعاة كل تفصيلة في العمل
كل شئ لازم يكون في اكمل وجه حتي (البروبس)

والديكور و الاضاءة عوامل مؤثرة

مثلا : حلقة المدعو صلاح ادريس كلها ظلال و اضاءة( اقوي من اللازم او اقل من اللازم)


و لنا عودة

Quote: إسمها (توجد) رحابة صدر فرحابة الصدر مؤنث

??? ??? ???

نادية العزيزة

تحياتي

عارفة يا نادية
هارموني دي قناة الغبش
والمهمشين
والقرى

هارموني دي ختت السودان في الطريق الصحيح في البث الفضائي

سودان واحد موحد بجيمع سحناته ولهجاته

من الدينكا حتى المحس

ومن الزغاوة حتى البجا

سودان بلدنا

ويكفي هارموني انها تقدم اعمال سودانية اصيلة

ولا تقوم بعرض تراث وتقاليد الغير واغاني الغير وافلام الغير وغنا الغير

نحن مع هارموني

لانه هارموني من يوم ما ظهرت

اعلنت استقلال السودان الاعلامي

خبرة سودانية وانتاج سوداني وبرامج سودانية

نحن بحب هارموني
زي ماهارموني بتحبنا

جمال السنوسي سلام

Quote: نحن مع هارموني لانه هارموني من يوم ما ظهرت اعلنت استقلال السودان الاعلامي خبرة سودانية وانتاج سوداني وبرامج سودانية نحن بحب هارموني زي ماهارموني بتحبنا

وهـــــــــــارموني حقت كل السودانيين

شكرا جميلا جمال وكن بألف خير

ألأخت/نادية............السلام عليكم ورحمة الله

Quote: وكونوا دوما بألف خير مشاهدي قناة هارموني الأعزاء

وتكونى انت ومن معك من المخرجين والمصورين والمنتجين وكل طاقم قناة هارمونى بألف خير...

هل هناك مؤشر يوضح قراءت لعدد المشاهدين للقناة؟؟؟؟السؤال ده محيرنى وعايز اعرف كيف تقيس القنوات قوتها وإنتشارها وتوسعها..

يوم حلقتك دى معظم الناس كانو افاتحين هارمونى..وهذا مكسب....

أنا ساعتين ونص من روعة اللقاء ماحولت..وللا يمكن عشان أنا هلالابى..لا بس كنت رائعة بالجد...........

مودتى......إسماعيل محمد احمد عباس...

الأخت/ نادية

أنا من المتابعين جدا والحريصين على مشاهدة قناة هارموني
لم يسعفني الوقت في حضور الحقة التي إستضفتين فيها الأستاذ/ صلاح إدريس في وقتها
ولكن كتب لي أن أشاهد الحلقة المعادة يوم الخميس الماضي .
في البداية أتمنى لك التوفيق ولقناة هارموني كذلك ولكن ثمة بعض من الأسئلة أتمنى أن
تجد الإجابة منك ؟

- هل كنت تقدمين صلاح إدريس في تلك الحلقة كفنان أم شاعر ؟ أم كصحفي أو رجل أعمال أم أنه
رئيس لفريق الهلال ؟؟
حالما يصلني ردك ، دعيني أقول لك بأن مجمل الحلقة لا بأس بها ولكن كانت تفتقر لشخصية
صلاح إدريس التي كانت معنية؟ بمعنى آخر كنا نود أن يكون ضيفك صلاح إدريس رئيس فريق الهلال
لأننا كنا في شوق ليعطيناالصورة المتكاملة لفريق الهلال ومشاريعه وتسجيلاته ، أما أنك قد
إستضفتيه في شخصية صلاح إدريس الشاعر والملحن فقد كان ينقص هذه الحلقة الكثير والكثير .
أما ما لم يعجبني في تلك الحلقة هو : أن فنان بقامة حمد الريح كان يجلسا كالضيف لم يشارك
في الحوار وإنما أسمعنا فقط ألحان صلاحإدريس وما ينطبق على الفنان حمد الريح ينطبق أيضا
على الفنان الشاب سيف الجامعة الذي شارك ولكن بقسط قليل .. على العموم لي مداخلة أخرى معك بعد
أن أتلقى منك الرد ..

مع تحياتي ومودتي لك

الحديث عن الجعيلي ونجاح هارموني يستحق ان تفتح له المجلدات ,,

اما النقاش بلا هدف فمكانه غير هنا بالتاكيد ,,,,

ساعود ,,,

Dear Nadia
I think it was a good show and indeed you will listen a different opinions on this show. And all the criticism u have heard can mainly be related to the doubts and the uncertainty around the subject characters source of money.
Keep going and God P U and Harmony.
Reg
Hisham Kamal

هشام كمال

تحية طيبة جدا

شكرا لكلماتك الطيبات والداعمات وبالفعل لابد من تقبل كافة وجهات النظر بشتى إختلافاتها والأخذ بالمفيد منها وذلك لإيماني الراسخ بأن البعض يريدون لهارموني ومقدمي برامجها التطور والتقدم في عوالم الفضاء المرئي وهي تخطو نحو ذلك بثبات والحمد لله ..


كن بألف خير

عندما يكون برنامج ما ...أقل من توقعات بعض المشاهدين ,هل يعنى ذلك وصمه بالفشل ...
وهل الأخفاق اذا جازت تسميته فى ارضاء تطلعات المشاهد مسؤلية المقدم فقط ؟
أى برنامج تلفزيونى هو عبارة عن عمل مشترك بين الطاقم ابتداء من الفكرة والأعداد الى المونتاج....
هل فكر احدنا بعملية المونتاج التى ولربما أخفت كثير من ملامح الحلقة المعنية...
من حق الجميع طبعا ابداء اراءهم كمشاهدين ...وربما وجودك هنا بيننا ومعزتك الكبيرة هى التى دفعت البعض الى الغضب ...وتساؤل بسيط لم لم يهتم أحدنا بالمذيع فلان أو فلان واخفاقه فى تقديم برنامج ما...ولا أشك فى ذكاءك يا عزيزتى نادية فى قراءة ما يحدث...ومتأكدة أن رحابة صدرك ليس ادعاء وانما حقيقة ملموسة ...

وزى ما بقولوا لى قدام ...يا بت
وشيلى البنفعك ..وتغاضى عن سواه...

محبتى

بالله عليكي يا نادية ما في حد قالك عن الموضوع ده ابدأ..
الى نادية عثمان .. وقناة هارموني ..والجالية المقيمة في مصر !!!

ولياب

سلامات أخوي

والله البوست ده قريتو الآن وملاحظاتك حاتكون محل إعتبار هارموني باذن الله والأستاذ الجعيلي متابع جيد لكل مايكتب عن قناته سلباً وإيجاباً سمح؟

الرقيقة العزيزة روز مين

Quote: ومتأكدة أن رحابة صدرك ليس ادعاء وانما حقيقة ملموسة ... وزى ما بقولوا لى قدام ...يا بت وشيلى البنفعك ..وتغاضى عن سواه... محبتى

تسلمي كتير ياجميلة الدواخل ويشهد الله على أن رحابة الصدر عندي ليست إدعاء وعلى الرغم من أن حديث البعض مؤذ نفسياً إلا ان رب العباد يخفف على عباده من بعض نار عباده ببرد وسلام جمع من عباده والحمد لله !

كوني بالقرب فلوجودك طعم الفرحة ياروز مين

Quote: الحديث عن الجعيلي ونجاح هارموني يستحق ان تفتح له المجلدات ,, اما النقاش بلا هدف فمكانه غير هنا بالتاكيد ,,,,

شكرا لك الصديق المسلمي وأنت تستميت دفاعاً وتتحدث بكل الحب عن قناة هارموني وصديقك معتصم الجعيلي خاصة بعدما جلست اليه وعرفت أي رجل هو ذلك الجعيلي الجميل الروح والقلب والصافي الضمير والنية .

وكن بألف خير

عمر عبد الخالق سلام

شكرا لكلماتك الطيبات وستكون ملاحظاتك وإنتقاداتك قيد


المتابعة من القائمين على أمر هارموني باذن الله تعالى

قبيييييييييييييييييييييييييييييييييييييييييل شنو قلنا
الموضوع ما ظهرر بس السمعة ولا طول العمر
تعالي ياندوية اسالك من ناس كانوا اعلام وكانت وسائل الاعلام تلهث خلفهم
تعرفي معاوية ياسين
اسماعيل طة
مابغلبهم الشغل في اي قناة اي كلام

بوستي انعام حمورة حزفتوا بس كلامي في محلوا

لكم تمنينا مشاركتكم متعة اللقاء..ومن ثم
التعليق عليه..فمن راى ليس كمن سمع.
هل هناك طريقة..لمشاهدة القناة..بكندا
او الشمال الامريكى عموما.
ولك فائق التقدير الاستاذة
نادية
وهل لنا متابعة جزء من الحلقة
من قام بتسجيل الحلقة فليمدنا ..برابط
لها..للمشاهدة..مع الشكر والتقدير

Quote: متين قلت ليك انت فشلت او نجحت في الحوار ..؟؟ أصلا أنا ما شاهدت اللقاء فكيف أفتي فيهو سلبا او إيجابا

يا طلحة اخوي ما تشوف وارقو بتاعكم دا
مالك ومال صلاح ادريس...

هسي كان المحاورينو دا عديلو جمال الوالي
كان انعدلت انت زاتك في تعليقاتك دي..


الارباب دا عامل ليكم حسكنيتة في الحلق يا طلحة
بي كيفو يرقيكم من الكونفدرالية
وعلي كيفو يخليكم وصيف

ما سمعت بي اغنيته اللحنها :

علي كيفك تفوت؟

لك التحية يا بت العم إن الفكرة في حد ذاتها اعني فكرة استضافة صلاح ادريس الرجل المثير للجدل تحسب لقناة هارموني حوارك مع الرجل كان ممتازا ولم يكن متاحا لك أن تعملي اكثر مما عملت لان شخصية الرجل واعني الضيف شخصية متضخمة بلأنا والتعامل بفوقية واضحة مع وسائل الإعلام ويحسب أن كتاباته الفطيرة في بعض الصحف ورئاسته لنادي الهلال وفلوسه كل هذا يعطيه الحق في ممارسة هذه الفوقية وتضخيم الذات كان المطلوب منك أن تضعي هذه الشخصة بكل ملابساتها امام الجمهور وقد نجحت في ذلك وكثيرون عرفوا صلاح ادريس على المستوى الشخصي وكيف يفكر من خلال هذا اللقاء وذلك بفضل اسئلتك وخاصة عندما سالتيه عن ماذا فعلت للبسطاء فقد اصبح يلف ويدور دون ان يجيب عن السؤال لك التحية مرة اخرى وإلى الامام

الاخت الغالية نادية
سلام وقواسيب من المودة والاحترام
اعجبنى جداً حوارك مع الارباب ولكنك لم تصرى على سؤالك له ماذا قدم للفقراء والبايتين القوا ؟؟؟ رغم ان الراجل إبن عمى وربطتنا به صلة نسب ! لماذا اقتنعت او هو اقنعك ان ما يقوم به الآن فى شأن الرياضة يعدل ذلك كله.
كنت شجاعة جداً فى ذلك اللقاء ولكن صدقينى لقد إنسل الأرباب من بين يديك كما تسل الشعرة من العجين!!!! ولا أدرى لماذا؟؟؟.

لك أطنان من المودة والاحترام

من الأستاذ معتصم الجعيلي رئيس مجلس إدارة قناة هارموني ومن شخصي الضعيف كل التجلة والتقدير لكل من مر ومن سيمر من هنا مسطراً كلماته بمداد النقد الهادف والبناء والمفيد لهارموني ولمقدمي برامجها فهـــــارموني منكم وبكم ..


وراجعة للمداخلات كلها وللمزيد من النقاش الثر والمفيد والموضوعي سمح؟

الاخت نادية لك التحية والمودة
وشكرا على الحلقة الذكية التى قدمتيها مع صلاح ادريس واعتقد ان الهدف من الحلقة هي تعريف الناس بطريقة تفكير صلاح ادريس وقد حصل
انا الان قد عرفته على حقيقته فهو شخص سطحي وساذج ومدعي وذكرني بالاخوة المصريين في تصوير انفسهم بانهم اذكياء مثل محاولته تعديل سؤالك لتلميع نفسه بانه يلحن لشعراء مصطفى سيد احمد (اي تلحين هذا )والان تأكدت من صحة مقولة وردي بان صلاح لايعرف التلحين فهو فعلا يستخدم الحان غيره (قدلمح بنفسه لذلك بطريقة استباقية في اغنية لصلاح واغنية لسيف)الحان حمد الريح والحان وردي وغيرهم يعني ما في جديد في التلحين وفشل في ادارة فريق الكورة ومهادنة مع شداد وفوق ذلك كله عدم تسجيل ولو موقف من الوقوف بجانب المستضعفين (اي ذكاء هذا )
اما حمد وسيف فكانا مسخ مشوه وتجسيد للارزقية والطبالةارجو الايظلما نفسيهما والتاريخ لايرحم والتالتة واقعة ياسيف
اما انت يا نادية فكنتي لبقة وتعلمين انه ليس في الامكان ابدع مما كان(اعتقد ان الرجل قام بتسهيلات كبيرة لاخراج الحلقة عشان يقول لينا انه مثقف وذكي وطيب ومتعدد المواهب )
تستاهلين 10 على 10 في اخراج ما عند الرجل وتركتي للمشاهد بفطنته ان يصل لحقيقة الرجلوقد كان
التحية للجعيلي - بدرالدين قباني- الابيض -

Quote: وراجعة للمداخلات كلها وللمزيد من النقاش الثر والمفيد والموضوعي سمح؟

سمح!!!

Quote: نحن نتقبل النقد البناء

تحياتي نادية ..

هذا هو المطلوب ..
النقد البناء الذي يصب في مصلحة العمل أيً كان نوعه ..
وبما أن هارموني قناة فرضت نفسها في خارطة الاعلام السوداني ووجدت الإشادة من قطاعات كبيرة في مجتمعه داخل وخارج السودان لذلك تجدين الناس يقيمونها ويهتمون لما يقدم فيها وأمنيتهم أن يروا جميع الأعمال التي تقدم فيها بصورة أجمل في ظل فقر القناة القومية لذلك يأتي التقييم والذي أتمنى أن يصب في مصلحة القناة ..

تحياتي لاسرة هارموني جميعاً ..

جزء من الحلقة للذين لم يتابعوها .. ..

العزيزه ناديه
كنت عاوز أقول بعض الملاحظات :
الضيف حاول إدارة الحوار فى كثير من أوقات الحلقة ـ طبعا ده ما معناه ضعف منك أو فى الإعداد لكن تنازلتى كثيرا
فى أكثر من سؤال من الوصول الى اجابة واضحة وطبعا الأخ والصديق/ صلاح إدريس(وله منى التحايا) له من الخبره
فى ذلك
مهندس الصوت أخفق كثيرا فى ضبط ( صوتك تحديدأ ) كان يظهر عاليا فى كل مداخلاتك تقريبا مما عرضك لأن تكونى
فى موضع غريب ( يعنى صوتك كان فارق شديد )
منظر الكرسى الفاضى كان شئ غير جميل ؟؟؟
وضع طبق الفواكه فى منطقه واحده شئ مش جميل ولديكم أكثر من ضيف وفى أكثر من موقع مع ملاحظة أن الأخ/ صلاح
كان بيتناول منها فى أكثر من مره ؟؟؟؟
محاولة إستضافة صلاح إدريس ( رجل أعمال وملحن وفنان ورئيس الهلال ووو ..الخ ) أكسبت السهره
حجم كبير كان ينتظره المشاهد ــ وكانت المحصلة أقل من ذلك لذلك وقعت فى تقييم بعد العرض أقرب للضعيف !!

لك التقدير وأحى من خلال هذه المداخله كل أسرة هارمونى

بالتوفيق يانادية ...
كونى فقط بخير

الأخت/ نادية

أنا من المتابعين جدا والحريصين على مشاهدة قناة هارموني
لم يسعفني الوقت في حضور الحقة التي إستضفتين فيها الأستاذ/ صلاح إدريس في وقتها
ولكن كتب لي أن أشاهد الحلقة المعادة يوم الخميس الماضي .
في البداية أتمنى لك التوفيق ولقناة هارموني كذلك ولكن ثمة بعض من الأسئلة أتمنى أن
تجد الإجابة منك ؟

- هل كنت تقدمين صلاح إدريس في تلك الحلقة كفنان أم شاعر ؟ أم كصحفي أو رجل أعمال أم أنه
رئيس لفريق الهلال ؟؟
حالما يصلني ردك ، دعيني أقول لك بأن مجمل الحلقة لا بأس بها ولكن كانت تفتقر لشخصية
صلاح إدريس التي كانت معنية؟ بمعنى آخر كنا نود أن يكون ضيفك صلاح إدريس رئيس فريق الهلال
لأننا كنا في شوق ليعطيناالصورة المتكاملة لفريق الهلال ومشاريعه وتسجيلاته ، أما أنك قد
إستضفتيه في شخصية صلاح إدريس الشاعر والملحن فقد كان ينقص هذه الحلقة الكثير والكثير .
أما ما لم يعجبني في تلك الحلقة هو : أن فنان بقامة حمد الريح كان يجلسا كالضيف لم يشارك
في الحوار وإنما أسمعنا فقط ألحان صلاحإدريس وما ينطبق على الفنان حمد الريح ينطبق أيضا
على الفنان الشاب سيف الجامعة الذي شارك ولكن بقسط قليل .. على العموم لي مداخلة أخرى معك بعد
أن أتلقى منك الرد ..

مع تحياتي ومودتي لك

العزيزة نادية


ده مداخلتي كماهي في بوست الزميل ضحية إبراهيم

Quote: Quote: هارمونى لنقل عنها قناة مجتهدة ...لكنها وقعت في اخطاء التلفزيون القومي ..ومعظم القنوات اللاحقة ... فطريقة البرنامج الساخن المطعم بالغناء دي حاجة سمجة ...فإما ان يكون البرنامج حواري ساخن يشد المشاهد من بدايته وحتى نهايته بدون غناء وبدون رتوش أخرى ، او يكون برنامج ترفيه مع ضيف مميز وفيه غناء..ألخ مسك العصاية من النص ده البشوه المشاريع المبشرة ...فاللحلقة دي كانت مبشرة ...ولكن... Quote: وناديه عثمان ونادية ما عايزين نظلمها ...لكن وكلنا نحتاج النصح ..عليها ان لا تقع في فخ المجاملات .. فهي مثلا تجرأت وسألت صلاح إدريس أسئلة صعبة / مثلا من أين لك هذا ؟ـ والصعوبة تكمن ليس في طرح السؤال إنما في الدليل ـ ومع ذلك هو ما قاليها دليليك شنو؟ وده دليل على ضعف موقفو..غايتو فرصة وضيعتيها ...وعموما يا ندو دي اراء ساكت وممكن نكون ماشيفين الحاجات من جوة زيك ..إمكن . Quote: وصلاح ادريس إنطباعي عنو ما كان حلو إطلاقا ..."قطيم " ، وبحاول إسخف الأسئلة ...وإجاباتو طويلة و دائرية ..وما نجح أدي صورة مقبولة عنو . ضحية مساءك سعيد .

بضيف ليها ياندو خلي سقف طموحاتك عالي ..عايني هناك لأوبرا وينفري وباربرا والترز ..أتذكري أنو قناة هارموني

فضائية بشاهدوها الكثيرين في ظل فضاء مفتوح الخيارات فيهو متعددة ...بقول ليك كدة ليه؟ عشان ما تقيسي نفسك

بتجارب ناس "محلك سر " ، ولو دايرة نصيحتي سيبك هسة من سيرة النجاح والفشل ليك او لي هارموني ..إجتهدي وإتعثري

مالو؟ وقومي تاني وأعملي العليك ...ونحن بندعمك ونحبك وبنقيف وراك ..

حاجة أخيرة إضافية :



ماتستعجلي تصنفي الناس

معاي وضدي

عارفة يا أستاذة نادية
شركتنا واحدة من الشركات المُعلِنة على قناة هارموني ، و الشركات بالذات لا تُجامل في مسألة قروشة الماشة للإعلان ، يعني لو مافي نسبة مشاهدة مضمونة للقناة المعنية ما بنعلِن فيها.
و نحن بنعلِن في هارومني




ــــــــــــــــــــــــــــــــــــــــــــــــــ
التعديل في كلمة المُعلِنة

العزيزة / نادية

صراحة قناة هارموني دخلت قلوب الناس بسرعة البرق ،،
ولكن أخشى أن تخرج منها بأسرع مما دخلت وذلك للآتي:

أختيار الشخصيات للتحاور معها ما فيه كلام ولكن طابع الحوار نفسه
لابد أن يكون جاد خاصة فيما يتعلق بالشخصيات محل الجدل المثير والحائر في ألاروقة المختلفة
(ثقافية ،،،رياضية ،،،اجتماعية،،،سياسية ،،رجال المال والاعمال) الحوار الجاد
بلطافته النسبية لايؤثر على البرنامج المعد (سهرة أو مقابلة)
فلابد أن يكون ضيف اللقاء جاد ومتزن في إجاباته وهذا يتوقف على اختياركم
حتى لاتفقد القناة نكهة السامبا

سأعود

ياسر الامير

سلامات

Quote: فلابد أن يكون ضيف اللقاء جاد ومتزن في إجاباته وهذا يتوقف على اختياركم حتى لاتفقد القناة نكهة السامبا

صراحة الحتة دي مافهمتها .. يعني نحنا بنستضيف الضيف عشان نحاوره بشخصيتو أيا كانت لو جادة جدا ومتجهمة أو دمو خفيف وساخر وأكيد من مامن حقنا نفرض على الضيف طريقة الكلام لأنها بترجع ليهو ولشخصيتو هو وأي كلام منو بتحسب ليهو وليس للقناة لأنو ضيف كبير ومسئول وعارف بيقول في شنو .. صاح ؟


تسلم يارب

ياندوية

صباحك سعيد

اول مرة اسمعك صوتك في اللقاء

اول مرة اشاهد صلاح ادريس في لقاء

ملاحظة بسيطة بس

صلاح ادريس كان بيحرك يده كثيرا في حركة لتسريح شعره مش دور المخرج في الحته دي ينبهو .

السهرة كان معمول ليها دعاية اكتر من اللازم

الحصيلة شنو الطلعنا بيها من السهرة هذا هو السؤال المهم هل تعتقدي ان هذا البرامج قام بفك شفرة الاستاذ صلاح ادريس
شخصيا الحاجة العرفتها انو الزول ده بيلحن وبيكتب شعر وبيغني وبتاع كوره وعندو قروش البرامج ما اضاف لي شئ جديد او مثير .
شخصيا انا بعتبر سؤال جبت القروش دي من وين مكانه المحكمة وليس برامج تلفزيوني وسؤال بعتبروا سؤال بايخ يعني حتى لو سالتي حرامي بينط الحيطه قلتي ليهو جبت القروش دي من وين ما ح يقول ليك سرقتها
عشان كده ما ح تقلاقي اجابة لمثل هذه الاسئلة.
نتمنى لك ولقناة هارموني ولصلاح ادريس التوفيق

تحياتي

زاتوووو

الاستاذ نادية
عبركم نرسل التحايا للاستاذالكبير/ معتصم الجعيل
والاستاذه/انتصار
والاستاذ/ معاذ
والمصور القدير/ حسام
وكل اسرة هارمني

صالح احمد عبده
رئيس جمعية التراث والثقافة السودانية

[

إزيك يا زولة

نحن يا نادية كشعب كما ترين ! أي زول عندو ستين حاجة في راسو .
السهرة ما حضرتها ما هرباً من البرنامج بل هرباً من التلفزيون (ذات نفسو) يانادية !
قاطعتو لي فترة وهسي بسمع سماع بي القنوات دي !
عرفت إنك بتقدمي برنامج ! دة كلام كويس ببقي يا نادية إهتمي بالناس البسيطين

ناس صلاح ادريس و الوالي والحاجات ديل كلهم ما ناقصهم حوار ديل البلد بقت بلدهم
عديل ! يا نادية عندهم الصحف والمجلات والقنوات والاندية والمنابر وأي حاجة
في ناس تانين يا نادية مفروض الاعلام يتوجه نحوهم ! ناس بسيطين
حلمهم رغيفة وكرامة وسلامة ! ناس حقيقيين . ناس (مجرورة وتجر) تكدح (بالاجر ومرة بلا أجر)

عجبني برنامج في رمضان كان بقدمو الاستاذ الطيب عبد الماجد
تصدقي بالصدفة حضرت حلقة من الحلقات بتاعتو وبقيت مداوم عليه لحدي ما
رمضان خلص ومن ديك وعيك !


وصيتي يا نادية خلي من موهبتك رسالة سوقيها وبراكي بتصلي !
سودانيز دي ما تحبطك خليها تقويك بقدر الممكن شيلي منها الممكن ينفعك
والما بنفع معاك خليهو قبلو !
وأتمني ليكي مستقبل كويس في رسالتك يا نادية


سلمت نادية

Quote: من دواعي سروري أن تكون قناة هارموني الحبيبة الي القلب جدا محط انظار وإهتمام كل السودانيين بمختلف مشأربهم وإختلافهم الأيدلوجي وتعددهم الثقافي ..

جينا ياأستاذة نادية.. وبس عايز اقول أول حاجة كلمة (الأيدولوجي) دي عجبتني شديد والله.. يا مثقفة انتي..
بالنسبة للسهرة.. طبعا شاهدت جزء كبير منها.. وفي الأخير نعست وما قدرت أكمل للآخر..
بس زي ما قلت ليك ونبهت قبل بث الحلقة.. انو اللون الأسود في الخلفية في كل سهرات هارموني مزعج جدا..
يعني التسجيل كان في حديقة.. وبالليل.. والإضاءة ما كانت كافية.. والعربات في (القراش) أو (الجراج) أو (الباركنج) كانت كتيرة وشكلها ما حلو في السهرة..
نجي للموضوع الأساسي.. وهو الحوار مع صلاح ادريس.. بصراحة الحوار مع الراجل ده محتاج أكتر من حلقة..
يعني الهلال براهو عايز حلقة كاملة.. والتلحين والميول الفنية عايزة حلقة كاملة.. وصلاح الاستثماري أو رجل الأعمال برضو دي عايزة حلقة..
الراجل طلع خطير ومراوغ ومهاجم من الطراز الأول.. وحول مجري الحديث والأسئلة كما يريد هو.. والإجابات ما كانت مباشرة.. أو ليست كما تريد السائلة.. وده كلام كل الناس هنا..
ماعندنا شك في مقدراتك.. بس صلاح ده عايز ليهو زول سخن شوية.. زول يقدر يخليهو ينفعل..
برضو عندك أجر الاجتهاد في الجلوس مع رجل بهذه المقدرات والامكانات.. ومواجهتو باتهامات مطروحة ومتداولة في الشارع العام..
والله لو قلتي خير وعملتي لنا سهرة كمان مع (جمال الوالي).. تكوني فعلاً نجمة..
وبالتوفيق..

أستاذ كمال علي الزين

Quote: يجب على (نادية مختار) أن تعمل على خلق شخصية إعلامية (تخصها وحدها) دون التأرجح بين (الشكل التقليدي ) المقبول لدى المشاهد السوداني وهو أسهل الطرق لكنه لا يصنع إعلامي (مميز) أو العمل على كسر (أنماط) التقليد وهو أمر ربما يضعها على (مقصلة) النقد اللازع لفترات طويلة حتى تستطيع فرض هذا (النمط الخاص) .. وهو طريق يحتاج إلى صبر ومثابرة ومران .. وربنا ينجح مسعاك وأأسف على الإطالة ..

وده بالضبط البعمل فيهو أنا ولحدي الان الحمد لله مافي زول قال نادية بتشبه فلانة أو بتحاكي علانة لاني بالجد عايزة أكون نفسي وأخلق لنفسي الشخصية الإعلامية الخاص بي براي وزي ماقلت فرض الشخصية الغير تقليدية حاتضعني على مقصلة النقد اللازع لحدي ما الناس تتعود على حاجات هارموني ومذيعات هارموني البشبهوا هارموني ومابقلدوا الآخرين وعن نفسي راضية بتقبل النقد ده وباخد منو الهادف والبناء والبقويني زي ماعلمني استاذي معتصم الجعيلي وزي ماإنت وكل الاعزاء هنا في البوست ده وناس بيتنا واصحابي وزملائي في القناة والجريدة وأهلي بشجعوني عشان اكون روحي وأخلق لروحي وأحافظ على شخصية مميزة وده البتمنى ربنا يقدرني عليهو ويوفقني فيهو يارب العالمين .
وشكرا لكل حرف مفيد وضع في هذه المساحة من أجل هارموني حبيبة الملايين ولكم الحب والتقدير ونواصل سمح ؟

العزيزة نادية

مودة وتقدير

ولو كنا فى بلاد لا يصلها البث نسبة لعدم توافق التردد الفضائي مع مجال مكال الإستقبال!!

وهل فى الإمكان توسيع رقعة المشاهدة ورفعها علي النايل سات (فيرتكال) أو على العربساد ضمن الباقات التي تصل شمال غرب أوربا؟؟

وهنا فقط سنسعد بالمشاهدة والمتابعة ورعة برامج هارمنى ..

كل الأمنيات

عبدالعزيز خطاب

Quote: ولكن نفس الرجل دائما أقوي من المرأة

الأخ ياسر عبد القادر.. ليست جندرة للموضوع،
لكن يا ريت تشرح لينا عبارتك أعلاه..

(حسب علمي نادية كانت تحاور الرجل..
بالكلمة..
دي كمان فيها مرة وراجل؟)

_______

كمال علي الزين..

أتفق معك في كثير مما ذهبت اليه..
لكن أعتقد أنك أهملت جزئية مهمة.. وهي أن الصحافة الإعلامية تعتمد كثيرا
على كفاءة الصحافي الإعلامي.. وطاقم البرنامج ككل..
الكراسي .. الإضاءة..المايكرفون.. ووسائل التقنية الحديثة لا يصنعوا برنامجا..
المقدرات الفكرية هي ما نفتقده وبشدة..
الحوار الذي يحترم ذكاء المشاهد ولا يقتل خلايا مخه.. يتطلّب خبرة..
وسنوات عديدة من القراءة والإطلاع..

________

روزمين..

Quote: هل فكر احدنا بعملية المونتاج التى ولربما أخفت كثير من ملامح الحلقة المعنية...

أختلف معك هنا..
المشاهد يتلقّى العمل بشكله النهائي.. ويقيّمه على هذا الأساس..
ووظيفة طاقم البرنامج مراجعة المنتج النهائي.. وتصحيح أي أخطاء قبل بث البرنامج..
مقدّم البرنامج له مسؤولية كبرى.. وفي العالم المتحضّر هو الشخص الذي يحدّد مسار الحوار
بل وينفخ الروح في البرنامج..
ولا يتم تلقينه الأسئلة من غرفة الكنترول (كما يفعل تلفزيون السودان مثلا مع مذيعه المعجزة ناجي)..

________

نادية..

ما شفت الحلقة للأسف.. لكن برجع أشوف اللقطة أعلاه..
أشكرك على رحابة الصدر وطولة البال ..

خضر ياصديقي الجميل

بالنسبة للكلام أدناه عايزة بس أقول ليك حاااااااااااااضر سمح؟

Quote: وصيتي يا نادية خلي من موهبتك رسالة سوقيها وبراكي بتصلي ! سودانيز دي ما تحبطك خليها تقويك بقدر الممكن شيلي منها الممكن ينفعك والما بنفع معاك خليهو قبلو ! وأتمني ليكي مستقبل كويس في رسالتك يا نادية

صالح عبده سلامات


إنتو عندكم تعامل مع هارموني في أغاني الرطانة موش كده ؟

الزول ذااااتو


اها اول مرة تسمع صوتي لقيتني كيف ؟

يعني صوتي سمح ممكن أغني ؟ ( وش ميت من الضحك)


اها إنت بتقول إنك عارف إنو صلاح بيغني وبيقول شعر وملحن لكن أول مرة تشوفه على الشاشة وأول مرة تسمع غناهو دي بي أضانك يبقى دي برضو محمدة لهارموني .. وعلى كل حال حاولنا ولنا أجر المحاولة أن نكشف لكم وجوه سمعتوا بيها وماشفتوها شوف العين من خلال هارموني ومن الله التوفيق وليكم فائق الإحترام .

داليا ياصديقتي الغالية


كلامك بملاني فرح وأمل وتفاؤل وإحساس بي إنو الدنيا لسة بخير وفي ناس كتار بتمنوا لبعضهم السمح والخير والله وتسلمي يارب

ومداخلتك دي على العين والرأس وبختها هنا واذاكر فيها كل مرة واحفظها صم وأعمل بيها باذن الله طالما الدنيا فيها انتي والزيك ببقى طعم النجاح حلو ومختلف جدا وطعم الإخفاق ذاتو مامر علقم لانو في الاعزاء البخلوا الزول ماييأس ويحبط ويموت زيك والأعزاء في هذا البوست

Quote: ياندو خلي سقف طموحاتك عالي ..عايني هناك لأوبرا وينفري وباربرا والترز ..أتذكري أنو قناة هارموني فضائية بشاهدوها الكثيرين في ظل فضاء مفتوح الخيارات فيهو متعددة ...بقول ليك كدة ليه؟ عشان ما تقيسي نفسك بتجارب ناس "محلك سر " ، ولو دايرة نصيحتي سيبك هسة من سيرة النجاح والفشل ليك او لي هارموني ..إجتهدي وإتعثري مالو؟ وقومي تاني وأعملي العليك ...ونحن بندعمك ونحبك وبنقيف وراك ..

الحبيبة الأديبة والشاعرة الرقيقة

نــــــــاهد بشير الطيب

تسلمي من كل شر يارب

وشكراً جميلاً لمرورك الأنيق والطيب مثلك وكإسم (جدك) العزيز ..

صابر الحواتي

تسلم يارب

وشكرا لملاحظاتك وبالنسبة للعنب فهو عنب الأرباب وماشايفة من حقنا نقول ليهو ماتأكل منو ولا شنو ( وجه باسم )


أما حكاية صوتي فارق دي فوالله مافهمتها .. موش ( فارق) دي بتتقال للبغنوا ولا في الكلام برضو ؟


تسلم وكن بألف خير

الصديق العزيز معتصم دفع الله ( العريس)


سلامات

وفعلا نحن نحتاج لمثل هذا الطرح البناء

Quote: هذا هو المطلوب .. النقد البناء الذي يصب في مصلحة العمل أيً كان نوعه .. وبما أن هارموني قناة فرضت نفسها في خارطة الاعلام السوداني ووجدت الإشادة من قطاعات كبيرة في مجتمعه داخل وخارج السودان لذلك تجدين الناس يقيمونها ويهتمون لما يقدم فيها وأمنيتهم أن يروا جميع الأعمال التي تقدم فيها بصورة أجمل في ظل فقر القناة القومية لذلك يأتي التقييم والذي أتمنى أن يصب في مصلحة القناة .. تحياتي لاسرة هارموني جميعاً ..

بدر قباني ( ود الأبيض ) الف سلامة

وطبعا الأبيض دي عشق الأستاذ معتصم الجعيلي ومدينة أروع أيام حياتو ..

شكرا للمداخلة الثرة ورأيك محل إحترامنا وتشجعيك للعبة الحلوة حلو شديد وشكرا تاني للثناء العطر ويارب نكون عند حسن ظن المشاهدين دوما

Quote: تستاهلين 10 على 10 في اخراج ما عند الرجل وتركتي للمشاهد بفطنته ان يصل لحقيقة الرجلوقد كان التحية للجعيلي -

ومن الجعيلي ليك الف سلام

الأخ المحترم علي أحمد النعيم


شكراً لوصفك حواري مع الأرباب بـ ( الشجاع) وصدقني الحوار أبرز في نهاية الأمر شخصية صلاح إدريس كما هي والرجل لم ينسل مابين يدي وإنما ذلك ما أراد ان يقوله وقد حاولت إستنطاقه كما رأيت ولكن ليس في مقدوري أن أنتزع منه الغجابات كما أريدها أنا ويريدها المشاهد غصباً عنه !

والبركة في الإجابات القالها وبرضو عرفتو عنو حاجة حتى لو كانت المراوغة !

الأخ المحترم

علي سيد همد

شكرا جميلاً على هذه الشهادة الطيبة وأتمنى أن تقدم هارموني دوما كل ماينال رضاءكم يارب

Quote: لك التحية يا بت العم إن الفكرة في حد ذاتها اعني فكرة استضافة صلاح ادريس الرجل المثير للجدل تحسب لقناة هارموني حوارك مع الرجل كان ممتازا ولم يكن متاحا لك أن تعملي اكثر مما عملت لان شخصية الرجل واعني الضيف شخصية متضخمة بلأنا والتعامل بفوقية واضحة مع وسائل الإعلام ويحسب أن كتاباته الفطيرة في بعض الصحف ورئاسته لنادي الهلال وفلوسه كل هذا يعطيه الحق في ممارسة هذه الفوقية وتضخيم الذات كان المطلوب منك أن تضعي هذه الشخصة بكل ملابساتها امام الجمهور وقد نجحت في ذلك وكثيرون عرفوا صلاح ادريس على المستوى الشخصي وكيف يفكر من خلال هذا اللقاء وذلك بفضل اسئلتك وخاصة عندما سالتيه عن ماذا فعلت للبسطاء فقد اصبح يلف ويدور دون ان يجيب عن السؤال لك التحية مرة اخرى وإلى الامام

نزار حسين

كيفك ياولدنا عساك وأولادك بألف خير يازول ياراقي


طبعا البتجيني من المريخاب حبايبنا بسبب سهرة ود الأرباب دي كلها بقبلها بصدر رحـــــب وليهم مليون تحية ( وجه باسم )

عبد المنعم سيد أحمد

تسلم يارب

وإن شاء الله تكون شفت السهرة في اللقطات الجابها بهاء عيسى هنا

وتسلم يارب

محمد الأمين محمد

بالمناسبة أستاذ إسماعيل طه أستاذي وهو سعيد بعملي في قناة بلدي السودانية هارموني كمثل سعادتي بها وأعرف إن هارموني ستعلمني وتضيف لي الكثير والمفيد جدا باذن الله

الاخت نادية عثمان

لك التحية وللاخ معتصم الجعيلي وكل طاقم هارموني

حقيقة هارموني بحثت عن المبدعين وعرفت المشاهد بهم بعد ان كان لايعرفهم احد ومزجت تجربتهم الغنائية او المسرحية او الشعرية مزجتها بنكهة المتلقي / المشاهد وصححت مسار كثير من هولاء المبدعين الجدد وهذه ميزة
تحمد لهارموني لان هولاء المبدعين كانوا لايجدون منفذا لتري اعمالهم النور اوفعالية ثقافية تحتوي ابداعهم
فبرزوا من خلال هارموني انظروا للكم الهائل من الفنانين اليوم ستري انك شاهدتهم اول مرة في هارموني
كان هولاء المبدعين محبوسين في مراكز الشباب او ظهور في احد الحفلات وهذه ليست بالبيئة المناسبة لتوجيه مسارهم

شكرا نادية عثمان
نتمني ان تسيروا كما عهدناكم
وكل كبوة ستصحح المسار
ولي قدام

النذير بيرو سلامات

Quote: حقيقة هارموني بحثت عن المبدعين وعرفت المشاهد بهم بعد ان كان لايعرفهم احد ومزجت تجربتهم الغنائية او المسرحية او الشعرية مزجتها بنكهة المتلقي / المشاهد وصححت مسار كثير من هولاء المبدعين الجدد وهذه ميزة تحمد لهارموني لان هولاء المبدعين كانوا لايجدون منفذا لتري اعمالهم النور اوفعالية ثقافية تحتوي ابداعهم فبرزوا من خلال هارموني انظروا للكم الهائل من الفنانين اليوم ستري انك شاهدتهم اول مرة في هارموني كان هولاء المبدعين محبوسين في مراكز الشباب او ظهور في احد الحفلات وهذه ليست بالبيئة المناسبة لتوجيه مسارهم

شكراً جميلاً لكلمة الحق هذه فهنالك الكثير جدا من الشباب المبدعين لولا هارموني لما عرفهم ولا سمع بهم أحد !!


هارمــــــــــــــــوني نافذة للإبداع والجمال والدهشة .

الاستاذة نادية والله هي بالفعل شجاعة تحسب لك بان تناقشي هذا الموضوع هنا

الحق والحق يقال حلقة صلاح ادريس ود الارباب لم توفقى فيها بصورة مرضية والحوار والاسئلة كانت تفتقر للاعداد الجيد

ربما تكونى قد حاولتى ان تجعليها حلقة مميزة بس لم توفقي ويمكن تكونى انت بس العارفة الاسباب

حلقة الموسيقار وردي كانت اكثر من رائعة والجيد في الموضوع الواحد يعرف اخطاة وين ويقوم بتصحيحها

مع امنياتي لك بالتوفيق

شكرا جميلا يابهاء

وإن شاء الله يوم شكرك مايجي ياشقيقي الجميل القلب والروح

إسماعيل محمد أحمد عباس ياشقيقي الجميل سلامات

Quote: هل هناك مؤشر يوضح قراءت لعدد المشاهدين للقناة؟؟؟؟السؤال ده محيرنى وعايز اعرف كيف تقيس القنوات قوتها وإنتشارها وتوسعها.. يوم حلقتك دى معظم الناس كانو افاتحين هارمونى..وهذا مكسب.... أنا ساعتين ونص من روعة اللقاء ماحولت..وللا يمكن عشان أنا هلالابى..لا بس كنت رائعة بالجد...........

نعم هارموني هي الأعلى مشاهدة هكذا عرفنا من مسئول في النايل سات حيث إن لديهم خاصية لمعرفة ذلك والحمد لله


والحمد لله ان قناة هارموني جذبت وتجذب كل هذا الكم الكبير من المشاهدين الأعزاء في كل يوم بما تقدمه من برامج هادفة وجميلة ونحن نسعي للمزيد من أجل المشاهد الكريم فقط نريد دعواتكم لنا بالتوفيق من رب العالمين سمح ؟

سيف الدين علي محمد الفاضل


سلامات

Quote: هل كنت تقدمين صلاح إدريس في تلك الحلقة كفنان أم شاعر ؟ أم كصحفي أو رجل أعمال أم أنه رئيس لفريق الهلال ؟

في بداية الحلقة قلت ان ضيف سهرتنا هو عدة شخصيات في شخص فهو ملحن وررجل اعمال وصحافي ورياضي وقد حاولنا في السهرة ان نلقي بالضوء على كل ملمح من جوانب الشخصية بقدر المستطاع وبقدر مايسمح به زمن السهرة التي إمتدت للساعتين ونصف الساعة !

اممممممممممم
كيفك اختى نادية
يوجد رحابة صدر دى نادرة عشان كدة انا خشيت
بنظن ان كل شئ بنعملوا هو عين الصواب

طالما انك فتحتى الباب دى ممكن ندلى برائى كمشاهد سودانى

بس عندى مشكلة

ما بشاهد القنوان السودانية

بس لو فى خطوات زى دى ممكن نقعد نشاهد القنوات السودانية

بس تانى عندى مشكلة

رحابة الصدر دى منك (كنادية عثمان) ام كممثلة لقناة هارمونى

وهل المقترحات سيعمل بها ام تبتسمون وبعض سخرية

الى حين اجاباتك ساشاهد القناة

مودتى

الاخت/ ناديه
تحياتي
اللقاء الأخير مع صلاح ادريس من الناحية الفنية والاعلامية
كان ناجح
وما قصرت يديك العافيه
لكن المشكلة انواستضافة صلاح ادريس كفنان
وملحن فهذه اشكالية
الرجل بضاعته في هذا المجال مزجاة ومدعومه
ولهذا فسوف تكون هناك ملاحظات حول حجم الضيف وما لديه وما يقدمه للمشاهد
واصلي ونحن نتابع بكل الاحاسيس

ممكن طلب لو سمحتى ببث اغنية عزاز علينا بصوت هالة دهب
المسجلة بقناة هارمونى
انت عارفة عناب يا دوب بتتعلم الكلام مبسوطة جدا" من الاغنية دى
كل ما يجيبوها بتجى جاريه ... هالمونى ... هالمونى ..

عندى ملاحظة بسيطة يا نادية بخصوص الصوت فى الاغانى او الكليبات
ما زال يوجد فرق بين الصورة والصوت ، لمست ذلك فى الكليبات الاخيرة كمثال
* يا جارة لامين الشاذلى كليب فى غاية الروعة
* ببكى واصيح لاحمد البناء كليب جميل مزج القديم بالجديد

ثم
تكرار واعادة التمثيليات السودانية اكثر من 5 مرت تقريبا" حتى
حفظناها عن ظهر قلب

ودمتى

ألأخت/نادية عثمان..........

Quote: نعم هارموني هي الأعلى مشاهدة هكذا عرفنا من مسئول في النايل سات حيث إن لديهم خاصية لمعرفة ذلك والحمد لله

شكرآ لآجتهادك فى الحصول على ألأجابة..وما بتقصرى يابنت الكرم والجود.
حقيقة..قناة هارمونى جاءت إسم على مسمى....منسجمة ومتناسقة كمقطوعة موسيقية المايسترو معتصم الجعيلى والعازفين طاقمها المميز نسأل الله لكم التوفيق.مودتى..........إسماعيل محمد احمد عباس.

الى من فاتهم مشاهدة سهرة صلاح إدريس ويرغبون في مشاهدتها أحيطكم علماً بأنه سيتم إعادة البث في السادسة مساء اليوم بتوقيت السودان وعلى مشاهدي هارموني في بقية العالم مراعاة فروق الوقت سمح؟

ندو

امبارح شفت اللقاء بتاع شرحبيل واسرته

اداء جيد وكذلك لقاء وردي مهنية عالية

لكن انتي مع صلاح ادريس وقعتي مع مستر انا دها


بعدين اصحابي في الدوحة قالو لي ليه نادية عثمان بتقول كلمة (يا)


عندما يعقب الضيف

اللقاء كان ضعيف ولو اعيد مائة مرة

هذا بوست بمنتدى اخر في نفس الموضوع

Elsheikh Mohd Aboidris


سلامات

نحترم رأيك ولو ان اللقاء ضعيف من وجهة نظرك فللناس وجهات نظرهم فمنهم من يرى مثلما ترى ومنهم من يرى عكسك تماما وللجميع إحترامنا وهارمـــــــــوني تتقبل النقد ( الهادف) بصدر رحـــــــــــب جدا .

أبو إدريس
من كلامك أنا إفتكرتة إنو زول آخر الكاتب موضوع في منتدى آخر ..
تابعتة الرابط لقيتك ياكا إنتة ذاااااااااااااتك
و لقيت شيء عجيب
أستاذنا يوسف الموصلي الموسيقار خاتي ليك سبورة و قاعد يدرِّس فيك كيفية الكتابة و رص الحروف و الإملاء
ياخي أعرِف أكتِب بعدين النقد ملحوق
و ما تستعجل العافية درجات و مشوار الألف ميل يبدأ بخطوة
ثمِح

الاخت المبدعه ناديه عثمان

لك الود لقلبك الديمقراطى الذي
يقبل الرأي وعكسه

لكن يموت مبدعي بلادي
في اصقاع العالم
ولا يأتي اعلامي لينقل ابداعاتهم
بلقاءات تمتد بطول وعمق روعتهم



الحقوا بقيتهم فالعقد يتناقص كل يوم
ومكانهم ياخذه اشباه وانصاف المثقفين
وادعياء كل شيء
ولا يجيدون شيء
ولك اطنان
محبة
شربناها
من مساكن شعبيه

الاخت المبدعه ناديه عثمان

لك الود لقلبك الديمقراطى الذي
يقبل الرأي وعكسه

لكن يموت مبدعي بلادي
في اصقاع العالم
ولا يأتي اعلامي لينقل ابداعاتهم
بلقاءات تمتد بطول وعمق روعتهم



الحقوا بقيتهم فالعقد يتناقص كل يوم
ومكانهم ياخذه اشباه وانصاف المثقفين
وادعياء كل شيء
ولا يجيدون شيء
ولك اطنان
محبة
شربناها
من مساكن شعبيه

Quote: أبو إدريس من كلامك أنا إفتكرتة إنو زول آخر الكاتب موضوع في منتدى آخر .. تابعتة الرابط لقيتك ياكا إنتة ذاااااااااااااتك و لقيت شيء عجيب أستاذنا يوسف الموصلي الموسيقار خاتي ليك سبورة و قاعد يدرِّس فيك كيفية الكتابة و رص الحروف و الإملاء ياخي أعرِف أكتِب بعدين النقد ملحوق و ما تستعجل العافية درجات و مشوار الألف ميل يبدأ بخطوة ثمِح

الاخ علاء انت خارج من الموضوع ليه اترك الموصلي قال شنو انت الان راجع كتابتك تجد فيها الاخطاء الاملائية والنحوية ولا انا ولا الموصلى اساتذة لغة عربية بس كلنا نغلط في الكتابة
الموضوع هنا لقاء صلاح ادريس بهارموني ادلى بدلوك فى صلب الموضوع وخليك من التلفت يميناً ويساراً

خليل

سلامات

Quote: امبارح شفت اللقاء بتاع شرحبيل واسرته اداء جيد وكذلك لقاء وردي مهنية عالية

طيب الحمد لله رب العالمين ويارب أكون عند حسن الظن بي دوما


لكن ناس الدوحة قالوا ( يكفينا شر قلنا وقالوا يارب) أنا قلت ( يا) .. منو ؟!

الى الأمام يا نادية


و


كوني بخير

(فلابد أن يكون ضيف اللقاء جاد ومتزن في إجاباته وهذا يتوقف على اختياركم
حتى لاتفقد القناة نكهة السامبا)


الاخت/ نادية، العبارة واضحة وضوح الشمس ، من واقع خبرتكم في المجال ومعرفتكم بأدق تفاصيل الحوارات بتكونوا اكتسبتم معرفة بالشخصية المراد حوارها ، فأنا لا أقصد صلاح ادريس بعينه وانما (العترة بتصلح المشية )وتعملوا ألف حساب حتى لا تنتقدوا من المشاهد فتحبطوا وقديما قالوا (الفي البر عوام ) ومزيدا من النجاح

الاخت المبدعة نادية

الابداع في كافة المجالات كما رحيق الزهر الجذاب .

ومشكلة الابداع والمبدعين في وطننا الغالي هي في عدم وجود السبل والقنوات الكافية لاظهار هذا الابداع وهؤلاء المبدعين.

وبرامجكم في قناة هارموني اري انها محاولة مقدرة لاظهار هذا الاظهار.

تكمن المشكلة ايضا في ايجاد الوقت الكافي للمتابعة، خاصة من المتواجدين خارج الوطن امثالي.


هل نطمح في تعريفنا عبر هذا البوست باوقات اذاعة هذه البرامج؟؟ قولي نعم ..( سمح؟؟)


من ملاحظاتي ان بعض المداخلات السالبة يكون مصدرها الراي السالب المسبق في بعض ضيوف البرنامج وليس في البرنامج ككل ، وعزاؤكم في قلتها وفي رحابة صدركم في الرد.


شكرا ليك كتير ..... والي الامام دوما.

أستاذة نادية..
لم تردي على مداخلتي بخصوص (اللوكيشن)!! وأشياء أخرى..

ناديه شكرا لك علي روحك العالية والنقد ليس عيبا
ولكن العيب ان يخييم الصمت علي عمل ما
كل الود

الاخت نادية سلام و الله سلام ..... بالماسبة دي طريقة ولدي, ابن الـ 3 سنوات, عبدالرحمن خلها معلقة في لساني .... الله يحفظه و يصلحه و يديه الصحة و العافية ... و يديك الصحة و العافية


ما عندي اي تعليق عن الحلقة لاني ما حضرتها .... و حتى لو حضرتها ماظنيت عندي امكانية النقد المتخصص البناء لاني ما عندي ادوات الاختصاص في هذا المجال .... و من راي كل الناس البتسوي فيه هنا ليس بالنقد لكن ابداء اراء مشاهدين فقط .... و هي تساعد في ما يسموه هنا بالـ rating او تقيم القناة بعدد المشاهدين و ليس بنوعية و مضمون البرنامج البتقدمها... و عادة التقيم ده بستخدم في اشياء مثل اقناع المعلن بان اعلانه يصل لاكبر عدد او العدد الاكبر و بحدد اذا كان البرنامج يقدم في البرايم تايم او في الزمن البكون فيه عدد المشاهدين كبير ....

استغرب لما يجي الواحد يبدي رايه كانه رايه هو الاوحد و الاصح و هو مجرد مشاهد لا يملك اي ادوات النقد العلمي المؤسس و ليس من اصحاب الاختصاص ... و المؤلم مافي تهذب و احترام عند ابداء الراي ..... امثال هؤلاء مفروض ما تديهم اي اعتبار و ان كانوا مشاهدين للقناة لانهم خصم للقناة و من رصيد القناة ... و منهم الزميل محمد الامين محمد ....


استفسار يا نادية و معتصم الجعيلي ..... هل يمكن مشاهدة القناة في استراليا مع العلم ان نايل سات و عرب سات ما موجودين هنا ... و اذا لا يمكن هل بالامكان بث القناة ايضاة في اقمار متوجه لاستراليا او مدها يصل استراليا ... لاننا صراحة نفتقر للبديل السوداني .... الوحيدة الموجودة هي الفضائية السودانية و حالها معروف للجميع .......

سلام

شكراً جميلاً لكل الأعزاء الذين مروا من هنا وحأرد عليكم كلكم باذن الله بس أعذروني مشغولة شديد الايام دي بجهز في شغل لهارموني قبل السفر وربنا ييسر الامور .. ومحتاجة دعواتكم الطيبات سمح ؟

ونحن بك حفيين .. يا نادية ..
يا حفية بنا ..
حفينا بالمزيد من إشراقاتك ..