ودالباوقة ،بشير احمد،فدوى الشريف ، محمد فرح ،ناذر محمد الخليفة.ناصر احمد ،علاء الدين يوسف

طيلة الفترة التى ظللنا نكتب فيها عن حقوق اهلنا فى هذا المنبر انتم تدافعون عن هذا النظام الجائر الذى قتل واغرق وشرد اهلنا المتأثرين بالسدود فى المناصير وامرى وكجبار وفى كل شبرد من الوطن الحبيب .
اود ان اقول لكم انتم كنتم لاتحترفون بوجود مواطن فى المناصير القديمة وامرى القديمة إذآ لماذا زار رئيسكم هؤلاء المشردين الذين غمرهم زعيمكم اسامه عبدالله.
الذى حدث اعتراف بالقضية التى كنتم تعلمونها تمامآ ولكن تدافعون عن الظلمة ...

السؤال بعد اعتراف رئيسكم بظلم اهلنا هل ستدافعون ايضآ عن الظلم ؟؟؟؟

الأخ عز الدين جعفر

تحية طيبة

حتى لا يكون الكلام مرمي على عواهنه

أرجو أن تسطر اقتباسات لكل من الوارد اسمهم في بوست الموسوم هذا يوضّح ويبرهن صدق إدّعاءاتك (اسمها إدّعاءات لعدم دعمها بدلائل وشواهد)

ملحوظة حول كلمة "رئيسكم" و"زعيمكم"

أولاً الرئيس عمر البشير رئيس كل سوداني معارض أم مناصر شاء من شاء وأبى من أبى ولكن تبقى حقيقة يجب التعامل معها ومع المؤسسات التي يراسها البشير

فصفة رئيسكم هذه لا تباع ولا تشترى لإقصاء مختلف معه ببساطة لأنّه رئيسك أيضاً يعني أنت ومن تخاطب في هذا الأمر سيان

فلن تستطيع اخراج نفسك من رئاسة البشير لك بمجرّد كلمات مثل هذه

أمّا زعيمكم فتحتاج منك لتوضيح فيما زعامته ولمن وكيف دخل من سطرت اساميهم تحت لواء زعامته

حاول أن تكون منصفاً مع نفسك أولاً أخي عز الدين جعفر ولتعلم أنّ الكثير من الفرّاء هنا قد ملّوا التهريج والتهم الجزاف وصارت هناك محاكم ومساءلات قانونية
فليتحرّى كل منّا ما يكتب وليعي مسؤولية الكلمة ومدلولاتها وعواقبها

تحياتي كمال

الاخ/عزالدين جعفر

تحياتي؛؛؛؛

بما انني من القائمة الواردة في صدر العنوان اقول:

ياخي منو القال ليك المناصير ماعندهم قضية؟

انا اعتراضي علي طريقتك التي تطرح بها المشكلة ؛

وهل هيئة السدود اعترضت علي الخيار المحلي؟

وانت شابك الناس ؛الحكومة غشتنا وماعارف شنو

الرئيس كلامو واضح :انصاف كل من لديه مظلمة ؛وماقال للناس امشوا محل اسامة قال بوديهم ليها

العايز يقعد في الخيار المحلي يقعد ؛والعايز يمشي أمري الجديدة يمشي.


نفس الكلام كان بيقول فيهو اسامة عبدالله ؛

مشكلتك ياعزالدين ياخوي عايز تسمع باضان واحدة


________

بجييك تاني.

تعرف يا عز (بكسر العين ما فتحها)
أكتر حاجة بكجنة إنو أجي ألقى زول لافح إسمي و عامل بيهو بوست
لكن عزائي إنك وضعتني مع مجموعة من أحبائي

و نجيك واحدة واحدة:

Quote: طيلة الفترة التى ظللنا نكتب فيها عن حقوق اهلنا فى هذا المنبر انتم تدافعون عن هذا النظام الجائر الذى قتل واغرق وشرد اهلنا المتأثرين بالسدود فى المناصير وامرى وكجبار وفى كل شبرد من الوطن الحبيب .

هِنا عايز توصِّل شنو؟
إنو أنا كوز ؟ ما حأنفي ليك لأنو المسألة لا تحتاج لنفي ، و أهلك يا أخوي هُم أهلي و لييييييييييييي هسي نحنا بنغني مع عيسى برّوي :
من أعز ديار أنا منصوري موقد نار أنا
إن دخلت الدار أنا لاقوني بالترحاب أنا

جيتو إنتو يا أشباه المناضلين عايزين تعملوا ليكم قضية و مُشكِلة و تهميش
شوف يا زول
أنا شايقي و من مروي و عارِف الفيكم و الفينا كويس لأنو لما كنت بجي بالقطر قبال الباصات المكيفة الما عرفناها إلا من سنة كنا بنجي بأبوحمد و منها بالكاسنجر و عارفين الحال عندكم و عندنا واااااااااااااااحد و ما تقدر تقول غير كدة ولو قلتة بجيك بالصور.
و الصابكم صابنا ، و خلاص هجّروكم و عوضوكم و أدوكم مدينة أنا مشيت فيها و زرتها أكتر من مرة.
نحن بسبب السد عملوا كبري الصداقة في واطاتنا و قلتة الكلام دة أكتر من مرة ، لا لقينا الواطة لا أدونا تعويض لا سكيناهو مش لأنو ما محتاجين لأنو مافي زول ما محتاج لكن نظرنا لأهمية الكبري و الخير الحيجينا بعدو أولها منطقتنا بقت عمار بعد خرابة و قحط و قحل ، ثانياً بقينا لا بنطون لا سهر شان نقطع البحر ، و كمان جات في تميراتنا البقن ما بيشيلن بسبب السد و ما بينجض المحصول و بدينا نغير لي موالح.
الخير للجميع و دي نظرتنا حتى لو جات في واطاتنا

Quote: اود ان اقول لكم انتم كنتم لاتحترفون بوجود مواطن فى المناصير القديمة وامرى القديمة إذآ لماذا زار رئيسكم هؤلاء المشردين الذين غمرهم زعيمكم اسامه عبدالله.

جيب لي كوت في إعترافاية واحدة لي

Quote: الذى حدث اعتراف بالقضية التى كنتم تعلمونها تمامآ ولكن تدافعون عن الظلمة ...

الظُلمة معشعِشة ليك في فاخورتك دي
إنت يا أخوي ما شُفتة الهايسات الحايمة في الخرطوم دي ؟
نصها حقت المناصير

Quote: السؤال بعد اعتراف رئيسكم بظلم اهلنا هل ستدافعون ايضآ عن الظلم ؟؟؟؟

طالما في تنمية يبقى العليكم مجرد ضريبة للوطن
لو السد ما جاب كهرباء و بقى ما فيهو فايدة زي ما كنتو بتألِّفوا و تقولوا نقول ظلم غير كدة ضريبة دفعنا مثلها و نحن راضون.


تخريمة:

مش إنت الجبتة مرة بوست فيهو ولد و بت بيلعبوا في الموية و قلتة ألحقووووووووووووووووووهم عايزين يغرقوا؟
ياخ إنتة مفروض تعم لسلسلة روايات و حتنجح لأنو خيالج جانِح جانِح شديد


بجيك صادي

عز

الجن بتداوى

بس كعبة الإندراوه

يا عزنا (بكسر العين)

فُتّة وين ياخ؟
تعال كمِّل دُرّابك دة

الأخوان ودالباوقة ،بشير احمد،فدوى الشريف ، محمد فرح ،ناذر محمد الخليفة.ناصر احمد ،علاء الدين يوسف
انا حاولت الفت انتباهكم فقط انو فى اعتراف بحقوق المتأثرين وهذا ما كانت ترفضه ادارة سد مروى .
نحن لسنا ضد السد ونعلم تمامآ اخ علاء الدين اهلنا فى كل الشمال ايضآ يطيلهم تأثير السد ولكن فقط نتمنى ان تحل كافة المشاكل التى ننادى من اجلها ..

شكرآ اخ فرانكى كثيرآ على التوضيح
البشير رئيس كل سودانى

قبل ايام ياعز انت عملت بوست بتشكر فيهو الرئيس البشير بخصوص الموضوع نفسو

لما لاموك عليهو مناصري قضية كجبار بديت تضع الحجج وده مافيهو عيب

لكن العيب بوستك ده

اخ حيدر شكرآ لحضورك هنا
هذا البوست انا قصدت اشكر فيه كل الذين يردون على بوستاتى فى الفترة الماضية واقول لهم هذا اعتراف بالقضية التى كننا نتكلم فيها مرارآ وتكرارآ بدليل انو السيد الرئيس اعترف بها ...

نحن ثبتنا بأن السيد الرئيس اقر بظلم المتأثرين وهذ يثبت فشل مشاريع اعادة التوطين بأمرى الجديدة والمكابراب واصبح لا خيار الا الخيار المحلى ،لذانطالب الرئيس بمحاسبة كل الذين تسببوا فى ضياع اموال الشعب السودانى فى مشاريع التوطين التى تمت بدون دراسة وتحت تصرف فردى من اسامة عبدالله ، ونطالب بدراسة جدوى اقتصادية وليست دراسة جدوى فنية لسد كجبار وسد دال وسد الشريك.
ونطالب ايضآ الرئبس بالتحقيق مع الذين ارتكبوا جرائم قتل فى كل من امرى وكجبار وكل مناطق السودان .

اخ علاء الدين بعد كل الكلام دا لسة انت مصر هجرونا وسكنونا؟؟؟

غايتو يا عز.. اهلنا المناصير ديل لو لمو فيك الا يمرقنك ( كريعاتك ) ديل لانو ببساطة شديدة
ما قدمته الحكومة لهم من سكن مؤثث وكهرباء وماء وعدد من الافدنة في المدن التي اقامتها لهم في امري والمكابراب وغيرها لا ينكر هذا الا متكبر متجبر او جاهل .


حاولتو اللعب على الطريقة الدارفورية ولكن جعلكم الله نسيا منسيا ...

فرانكلي

محمد فرح

علاء الدين يوسف

ناصر محمد خليل

امجد البصيري

............... الخ

استقبال منقطع النظير للرئيس البشير بالمناصير ...

تراجي مصطفى

محمد سليمان

بقال

و الذيل الجديد / إبراهيم سليمان

...................كُخخخخخخخخخخخخخ

Quote: اخ علاء الدين بعد كل الكلام دا لسة انت مصر هجرونا وسكنونا؟؟؟

السيد العز (المرة دي نوِّن العين براك)

إنت يا زول ملحوس؟

الأخ ودالباوقة ربنا يتقبل
زيارة الرئيس للمناصير القديمة تثبت لنا فشل المشاريع التى شيدتها ادارة السد بدون دراسة جدوى بأمرى الجديدة والمكابراب واصبح لا خيار الا الخيار المحلى ، نطالب بمحاسبة كل الذين اهدروا اموال هذا الشعب الكادح فى مشاريع تمت بآراء فردية وبدون دراسة ...
ثانيآ الآن اخ ودالباوقة الحشد الكبير القلتو ماكلهم قاعدين فى الخيار المحلى ودا اعتراف بأنوا الذين هاجروا للمكابراب لايتعدوا ال5% من المناصير .
ثانيآ اهلنا بدارفور من الذى ينكر قضيتهم ؟؟؟