Post: #1 Title: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 09:01 AM
Post: #2 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 09:03 AM Parent: #1
اشكــــــالكم مرتاحين يا ناس قطــــــــــــــــــــر
بس ان شاء الله ما اكون كـــــــــــــوز الزول ده!
Post: #30 Title: Re: ده رئيس الجالية في قطـــــــر يا ناس قطر؟! Author: هشام هباني Date: 02-05-2009, 09:58 AM Parent: #2
.
Post: #3 Title: Re: ده رئيس الجالية في قطـــــــر يا ناس قطر؟! Author: عبدالكريم الامين احمد Date: 01-30-2009, 09:04 AM Parent: #1
سلام ياعمدة لا ده ما رئيس الجالية في قطر اعتقد بانه عبدالرحيم الدابي ابان وجوده سفيرا هنا في الدوحة
رئيس الجالية في دورتها المنتهية هو الاستاذ القانوني عبدالمنعم ابوتفة
Post: #4 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 09:11 AM Parent: #3
كيكي العزيز
سلامات
بس الزول الوجيه ده عتر لي وانا جني فتيش صور
والزول ده شكلو كده سفير من سفرانا الكبارمن زمن الديموقراطية ما دام امير البلاد المفدى اداهو الوسام ده...يبدو زول محترم جدا والله دايما برفعوا ريسينا فوق سفراناديل الله يخليهم لينا ويخلي السودان!
Post: #5 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 09:22 AM Parent: #4
اكون المسيكين شالوهو من زمان للصالح العام بعد النيشان ده غايتو بلد بت هرمة ما عندها اي احترام للكفاءات.
Post: #6 Title: Re: ده رئيس الجالية في قطـــــــر يا ناس قطر؟! Author: SHIBKA Date: 01-30-2009, 09:57 AM Parent: #5
ياهشام دا عبد محمد احمد مصطفى الدابي كان سفيرا للسودان في قطر قبل السفير السابق والحالي (يعني جو اتنين بعده) واظنه حاليا والي في دارفور ما عارفة اذا كان ما زال ولي مشي حتة تانية
رئيس جاليتنا المحترم عبد المنعم ابو تفة زي ما قال كيكي
Post: #13 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 03:04 PM Parent: #6
شبكا
ما بصدق اوعى تقول لي ده الزول الماسك هسع ملف دارفور! طيب كيفن اكون الاغتصاب في دارفور اشاعة اكان الزول القدامي ده الماسك ملف دارفور..!
Post: #7 Title: Re: ده رئيس الجالية في قطـــــــر يا ناس قطر؟! Author: عزام حسن فرح Date: 01-30-2009, 10:14 AM Parent: #5
ود هباني ...
الزول ده الفريق أول / مُحمد أحمد الدابي ... ولهُ عِده مناصِب ... قَبُل ما يِهِل و يَرِد قطر أكان مُدير الإستخبارات العسكرِية (1990م) وبعدين مسكو ملف دارفور لامَن المَوضوع حق دارفور أكان <شَكَلَه> بين رَوايعِيه ومُزارعية دخلا الدابي ما مرق مِنا عِلا لامَن النار أكلت طرفا ... بعد ده البشير قال حقو الظُلم نَوزعو علشان العدل وكِده يعني ... قام جابو سفير في قطر ... نجضنا نجاض وحاتك إتْ ... صات الجالية ومدارِسها صُواطت العدو ... ومرق بِكرت حمر (أوعك تسعلني الكرِت فوق شنو) أها رجع لِلجبانا الهايصة - السودان الشقيق - ومسكو تاااااني ملف دارفور ولهسِع وأكان ما عدمُم نَفاخ النار ما بِتزح مِن فِجتو ... أنا عارِف بِرجِعو لينا الدَوحة تاني وبنجِضني نجاضة اللحم في الصاج ... عِلا يا خوي التنقطِع مِحِل رِقَيقة ... إحنا عُمرنا ده داخرِنو لِشنو ... الزول بِموت بيهُم وبِغيرُم ... الزول بِموت بِالمراريا فوق عنقريبو هيل القِد
إنتو وين اللواء سيد الحسيني ... وين الفريق (د) الطَيِب سيخه ... غايتو يا غرب السودان مِحنِك مِحن ... بِسسسم الله الرحمن الرحيم
Post: #8 Title: Re: ده رئيس الجالية في قطـــــــر يا ناس قطر؟! Author: فيصل عثمان الحسن Date: 01-30-2009, 11:23 AM Parent: #7
( ومرق بِكرت حمر (أوعك تسعلني الكرِت فوق شنو) )
أمك ده مازول هبانى زاتوو .
Post: #9 Title: Re: ده رئيس الجالية في قطـــــــر يا ناس قطر؟! Author: كمال سالم Date: 01-30-2009, 11:59 AM Parent: #8
مالك علينا ياهشام عائز تهجمنا ؟ رئسنا يبرأ ويستبرأ !! صاحب الصوره أحد المطلوبين فى اللسته الشهيره . نطالبك بإعتذار سريع وفورى ,, ولا بنلحقك محمد ناصرD
Quote: :D
Post: #10 Title: Re: ده رئيس الجالية في قطـــــــر يا ناس قطر؟! Author: nazar hussien Date: 01-30-2009, 01:34 PM Parent: #9
ودهباني بكون المعلومات دي جايب قيرا وقعيقيرا مما بحت الصورة دي
بعد شوية حا يشتغل ليكم بي الحجر الدراش...ويخرب ليكم العيش علي العصيدة...تاني الا تسووه علوقة...
Post: #14 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 03:33 PM Parent: #9
كمال صاحبي الكلس
كيفنك انا اعتذر عشان شنو وانا قلت حاجة خلى عزام اعتذر صاحب الاخبار!
كدي تحت تحت النسعلك يا صاحبي سعال في التنك وات زول تب ما بتخاف معارض حديد..هسع اذا صدق عزام انو الزول ده اخد كرت احمر من قطر بعد النيشان ده وهسع الزول ده ماسك ملف دارفور زي ما قال عزام وشبكا طيب ونحن عارفين هناك مبادرة قطرية لحل قضية دارفور وحتعقد في الدوحة.... فهل يا ترى ستسمح الدوحةبدخول هذا المطرود بلاحمر من اراضيهاعلى زعم اخينا عزام لحضور المؤتمر باعتباره مستشار الرئيس في ملف دارفور والماسك بامور الملف وبالضرورة بحكم المهام لا بد اكون من الحاضرين لهذا اللقاء التاريخي الهام.. وشنو مصداقية الدوحة ولمن تعرف انو زول ماخد كرت احمر من عندها وهو الماسك الليلة ملف دارفور هل بترى انو الدوحة ستنصح حكومة الخرطوم بابعاد هذا الزول المشبوه.. وهل اذا اعترض خليل وجماعتو واشترطوا على القطريين انو عشان المبادرة تمشي صاح لي قدام لا بد من حكومة الخرطوم ابعاد هذا الزول المشبوه من هذا الملف..هل يمكن ان تستجيب الدوحة لطلب خليل! وبعدين تحت تحت
عليكم الله الكرت الاحمر ده فوق شنو...اكون يا الله شيعي مناصر لايران او اكون انتقد سياسات قطر تجاه اسرائيل ولا شنو!؟
Post: #27 Title: Re: ده رئيس الجالية في قطـــــــر يا ناس قطر؟! Author: عثمان دغيس Date: 02-01-2009, 10:56 AM Parent: #14
Quote: عليكم الله الكرت الاحمر ده فوق شنو...اكون يا الله شيعي مناصر لايران او اكون انتقد سياسات قطر تجاه اسرائيل ولا شنو!؟
يا رييييييييييييييييييييييييييت ....!
Post: #12 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 03:00 PM Parent: #8
فيصل الكلس
انا عارفك والله لو كنت في قطر كنت زمان جبت خبرو عارفك زولا ضكران وان شاء الله ود القريش قريبي اكون جا من سد مروى اورينا عن انجازات سفيرنا ده انا عارفو قريبي ود القريش ضلامي وحقاني وما بخاف الا الله كلمة الحق دى والله اصلو ما بدسها وكمان جعليا مر!
Post: #11 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 02:47 PM Parent: #7
عزام الكلس
هلا هلا
علي بالحرام طلعت ارجل زول في قطر دي كلها قطع شك جعليا مر...واهلي الجعليين لا بعرفوا اتروا لا بفروا قلت لى منجضكم نجاض قبورة وناس قطر لابدين ما في زول بقول الحق الله اديك العافية وفيك الخير فتوا لينا الزول المنجضكم ومخلي هارون دياب اتضاير من كورة لكورة وود القريش من خروف لخروف وابو ساندرة لابد بنضاراتو العجيبة دي سادى دي بطينة ودي بعجينة... اها عزام الجعلي المر معقولة الزول سفيرنا القيافة ده طلع فشنك ومعقولة ادوهو كرت احمر ومال سعادة الامير مديهو النيشان فوق شنو. تب ما بصدق! والله اكان تورينا الحاصل شنو والا تبقى زول اشاعات مغرض ومن سكت عن الحق شيتان اخرس!
Post: #15 Title: Re: ده رئيس الجالية في قطـــــــر يا ناس قطر؟! Author: هشام حسن Date: 01-30-2009, 03:59 PM Parent: #11
الحبيب هشام هباني.. تحياتي
Quote: اكون المسيكين شالوهو من زمان للصالح العام بعد النيشان ده غايتو بلد بت هرمة ما عندها اي احترام للكفاءات..
عايز اسألك انت عرفتو كيف كفاءه؟
Quote: ما بصدق اوعى تقول لي ده الزول الماسك هسع ملف دارفور! طيب كيفن اكون الاغتصاب في دارفور اشاعة اكان الزول القدامي ده الماسك ملف دارفور..!
؟؟؟
Post: #16 Title: Re: ده رئيس الجالية في قطـــــــر يا ناس قطر؟! Author: عزام حسن فرح Date: 01-30-2009, 04:35 PM Parent: #11
ود هباني شكيتك على الله أكان دايِر تَودِر بِت إبراهيم وجِنياتا ... بتدور المديدا ماني سيدا ... شوقي للكاد فوقا وبِكيدا ... ما تقولي كرِر مِن تاني عيدا ... ما بعيدا ... عِلا مظلوم مِتل الناس العديدا ... إتو فِجتكُم يا زولاً بعيدا ... ونِحنا أقرب مِن بُكرة ونديدا ... أصلو تعبان الفازِع نجيدا ... والله مُرتاح العامِل بليدا.
أنا مِن أهلك السكود المحس ... أبوي مِن (عبري) وأُمي مِن (صُـلِـبْ) عجم × عجم الجعلِيين ناس كويسين وكده ... نزلناهُم صعيدنا بعد الصُلُح (البقط) في زمن سَيدنا عُثمان بِن عفان ... علموناالإسلام كتر خيرُم وبارك الله فيهُم ... ناس طَيبين والله ... دخلو الناس مِن قريب سور الصين لا حد البحر المَيت ومِن مصر لا حد المُحيط ... الخلِق ديل (دول) جت دخلو الإسلام رجالا ساااي بِالسيف ... عِلا نحناالإسلام دخل بِلادنا بِإتِفاقِية دحين ده ما كرم كبير مِن الله علينا ... نان كدي بنريدكُم يا أولاد جعل ماف بيناتنا حسس ولا دسس ... الكلام ده يا سيدي اللآمنتا ليك قبل 1374 سنة زمن بعيد خلاص ... ربُنا أكرمنا ... أيوه والله كرم كبير بِالحيل ... في التبادي رسل لينا سَيِدنا موسى علَيهِ السلام آمنا بِيهو تب ... وجا بِقفاهو سَيدِنا عيسى علَيهِ السلام آمنا بيهو كذلكا ... وختم بِجِدكُم سيدي وسيدي الناس
Post: #20 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 09:27 PM Parent: #16
غايتو يا عزام
انخذلت فيك خذلة كبيرة طلعت جعلى تايوان ساكت الله اقد عمارك!
الله اجيب قريبي الضلامي ود القريش وصاحبي الضلامي هجو ديل جعليين اصلي بلادو لا بتضايرو ولا بتلبدوا ناس بطان عديل والدم برشك والاعور بقولولو اعور والسجمان بقولوا لو سجمان والدابي بقولولو نمس!
Post: #17 Title: Re: ده رئيس الجالية في قطـــــــر يا ناس قطر؟! Author: dardiri satti Date: 01-30-2009, 04:51 PM Parent: #11
Quote: واهلي الجعليين لا بعرفوا اتروا لا بفروا
كضـــــــــــــــــــاب !!
وزولكم دا يطلع شنو؟؟
خلوه يبقى راجل ويجيب سيرة حلايب.
غزة قال غزة.
تحياتي
Post: #18 Title: Re: ده رئيس الجالية في قطـــــــر يا ناس قطر؟! Author: Hassan Makkawi Date: 01-30-2009, 07:13 PM Parent: #17
ود هباني شكيتك على الله أكان دايِر تَودِر بِت إبراهيم وجِنياتا..بتدور المديدا؟؟؟ ماني سيدا !!! شوقي للكاد فوقا وبِكيدا ما تقولي كرِر مِن تاني عيدا ما بعيدا ... عِلا مظلوم مِتل الناس العديدا إتو فِجتكُم يا زولاً بعيدا ونِحنا أقرب مِن بُكرة ونديدا أصلو تعبان الفازِع نجيدا والله مُرتاح العامِل بليدا.
-----------------------------
شغل نضيف
Post: #19 Title: Re: ده رئيس الجالية في قطـــــــر يا ناس قطر؟! Author: elameen Date: 01-30-2009, 08:31 PM Parent: #18
هشام هباني كيف حالك يا اخوي وحمدلله على السلامة... يا اخوي انت الزول ده ما نزلت فيه زمان غنية اقصد بوسط .. تذكر بوسط (الـخدمة المهلبية.....) مالك الليلة بقيت ضهبان ولى ده الهكر ... تاني عندما تنزل ليك بوسط لازم تكون ملم بالصورة وكده..
ولك خالص ودي
الامين
Post: #21 Title: Re: ده رئيس الجالية في قطـــــــر يا ناس قطر؟! Author: Zakaria Joseph Date: 01-30-2009, 09:37 PM Parent: #19
ياعمدة تذكر بوست بتاعتك داك- تزكر- السفير الكان بيلعب مع عاملة منزل اسوية لمن وليداته كانوا فى مدرسة, اها- لمن الجلقم ظاااتو يمشى الى المكتب بعد رجوع الوليدات من المدرسة, واحد من اولاده الكبار يشيل البنت و يلعب معها تحت السرير. وين البوست دى يا ود.
Post: #22 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 09:48 PM Parent: #21
ابدا داك سفيرنا في واحدة من الدول الخليجية ما اظن قطر وكانت فضيحتو مجلجلة وابعد بقرار رئاسي من الخارجية... لكن الزول الفي الصورة ده زول محترم ولو ما محترم معقولةامير قطربجلالة قدرو بديهو وسام والبشير بديهو كل ملف دارفور! انتو المضهبين ساكت!
زولي داك زول نكتة وانتيكة جدا بتاع (كرعوووت وام الدسديس والرمة وحراسة وسك سك)! الفي الصورة ده زول محترم جدا.
Post: #23 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-30-2009, 09:55 PM Parent: #22
وبعدين ده زول ما دام قلتو عليه كان رئيس الاستخبارات العسكرية السودانية معناهو ضابط عظيم ومنضبط جدا ما معقولة اكون رمة بتاع حاجات هايفة زي دي فزولي داك في دولة تانية غير قطر وبعدين مو عسكري قالوا مدني وجبهجي مجرم جدا اسمو قد يكون زي اسم الزول ده لكن ما الزول المحترم ده يااااخ ده زول شايل نوط الجدارة القطري الاول من سمو الامير المفدى.
Post: #24 Title: Re: ده رئيس الجالية في قطـــــــر يا ناس قطر؟! Author: كمال سالم Date: 01-31-2009, 05:17 AM Parent: #23
قصدى ياهبانى تعتذر لرئيس جاليتنا الاستاذ عبد المنعم أبوتفه أحد أبناء دارفور الاماجد , بعد التهمه التى ألصقتها به , فخمت !
Post: #25 Title: Re: ده رئيس الجالية في قطـــــــر يا ناس قطر؟! Author: شمس الدين ساتى Date: 01-31-2009, 06:39 AM Parent: #24
تخيلوا معي
هذا الرجل رفع عصاته في وجهي داخل السفارة
لأني إحتجيت علي سوء المعاملة
Post: #26 Title: Re: ده رئيس الجالية في قطـــــــر يا ناس قطر؟! Author: هشام هباني Date: 01-31-2009, 01:38 PM Parent: #25
لا اله الا الله وبعدين حصل شنو بعد ما رفع ليك العصا في وجهك سعادة السفير ده عملت شنو يا شمس الدين ساتي وبالتاكيد الموقف ده قدام ناس!
يااااخ خذلتوني في الراجل القيافة ده بعد ما توسمت فيه خيرا بالمناسبة انو السفير بتاع البتاع العمل البتاع طلع ياسبحان الله نفس اسم الزول ده بس لكن ماهو بل داك مدنى وكان في الفترة الديموقراطية وتم فصله بقرار من رئاسة مجلس الدولة بعد ان بلغهم الامر من السلطات القطرية فهذا الرجل القيافة الفي الصورة يا عزام مشكلتو عرفت انو هاجم قطر وعلاقاتها باسرائيل ايام حرب العراق الاولى وعشان كده القطريين ادوهو الكرت الاحمر والله ورسوله والسفارة الفلبينية اعلم!
Post: #28 Title: Re: ده رئيس الجالية في قطـــــــر يا ناس قطر؟! Author: مرتضى الكجم Date: 02-01-2009, 11:26 AM Parent: #26
Quote: (أوعك تسعلني الكرِت فوق شنو)
Quote: فهذا الرجل القيافة الفي الصورة يا عزام مشكلتو عرفت انو هاجم قطر وعلاقاتها باسرائيل ايام حرب العراق الاولى وعشان كده القطريين ادوهو الكرت الاحمر والله ورسوله والسفارة الفلبينية اعلم!
حيرتونا يا جماعة
يعنى نغنى ولا شنو
Quote: فى الحالتين انا ضايع
Post: #29 Title: Re: ده رئيس الجالية في قطـــــــر يا ناس قطر؟! Author: هشام هباني Date: 02-05-2009, 00:26 AM Parent: #1
.
Post: #31 Title: Re: ده رئيس الجالية في قطـــــــر يا ناس قطر؟! Author: عبده عوض Date: 02-05-2009, 06:40 PM Parent: #29
يا هشام هباني .. سلام .. - ما تلف وتدّور ساي .. زولك أكان ما عارفو النوريك ليهو .. ياهو ذاتو الفي بالك !! - دا لا سفير ولا بشبه السفراء في شئ .. سلوكو وعمايلو بيشيروا إلى أنه زول ساي !! يعني ما بيستحق أن يتولى ملف صينية حركة المرور .. - أهان الدبلوماسية والجالية السودانية بالدوحة بعمل وسلوك مشين وفاضح سلوكياًً .. معلوماتي تفيد أنه إرتكب جريمة أخلاقية ( مع خادمة آسيوية ) بالمنزل المخصص للسفير والملحق بالسفارة ، وتدخلت سفارة الخادمة في الموضوع مطالبة بحق رعيتها المعتدى عليها .. وبقدرة قادر تم تحويل التهمة وتوجيهها إلى إبنه والذي تم إبعاده بعدها ( على ما أعتقد ) ، وذلك لعلاقته المميزه مع أجهزة حساسة بالدولة التي يعمل بها ، وبعدها حصل على الكرت الأحمر وغادر غير مأسوف عليه . - إنشاءالله ما أكون غلطلت في حق الزول دا .. وصححوني لو في كلام غير دا ، وكان زول كويس .. لأنو دا البعرفو أنا حتى الآن . - أها بردت ليك بطنك يا هباني !!! وزولك دا كان في قطر .. ما ( هبــاني !! ) خالص خالص !!!
Post: #32 Title: Re: ده رئيس الجالية في قطـــــــر يا ناس قطر؟! Author: هشام هباني Date: 02-05-2009, 09:43 PM Parent: #31
يا هشام هباني .. سلام .. - ما تلف وتدّور ساي .. زولك أكان ما عارفو النوريك ليهو .. ياهو ذاتو الفي بالك !! - دا لا سفير ولا بشبه السفراء في شئ .. سلوكو وعمايلو بيشيروا إلى أنه زول ساي !! يعني ما بيستحق أن يتولى ملف صينية حركة المرور .. - أهان الدبلوماسية والجالية السودانية بالدوحة بعمل وسلوك مشين وفاضح سلوكياًً .. معلوماتي تفيد أنه إرتكب جريمة أخلاقية ( مع خادمة آسيوية ) بالمنزل المخصص للسفير والملحق بالسفارة ، وتدخلت سفارة الخادمة في الموضوع مطالبة بحق رعيتها المعتدى عليها .. وبقدرة قادر تم تحويل التهمة وتوجيهها إلى إبنه والذي تم إبعاده بعدها ( على ما أعتقد ) ، وذلك لعلاقته المميزه مع أجهزة حساسة بالدولة التي يعمل بها ، وبعدها حصل على الكرت الأحمر وغادر غير مأسوف عليه . - إنشاءالله ما أكون غلطلت في حق الزول دا .. وصححوني لو في كلام غير دا ، وكان زول كويس .. لأنو دا البعرفو أنا حتى الآن . - أها بردت ليك بطنك يا هباني !!! وزولك دا كان في قطر .. ما ( هبــاني !! ) خالص خالص !!!
يا عبده عوض يازول اظنك قاصد زول تاني...لانو الرواية دي سمعتها عن سفير في الديموقراطية وليس في هذه الحقبة....بعدين الزول ده شكلو محترم ولو ما محترم مما ممكن الرئيس اكلفوا بملف دارفور غايتو لو ياهووالله عيب كبير وربنا اكضب الشينة...الله اجيب قريبى الجعلى ود القريش ما بخاف وزول نصيحة او صاحبى الجعلى القاطع تب هجو الاقرع!
Post: #33 Title: Re: ده رئيس الجالية في قطـــــــر يا ناس قطر؟! Author: معتز القريش Date: 02-05-2009, 11:01 PM Parent: #32
Quote: فيصل الكلس
انا عارفك والله لو كنت في قطر كنت زمان جبت خبرو عارفك زولا ضكران وان شاء الله ود القريش قريبي اكون جا من سد مروى اورينا عن انجازات سفيرنا ده انا عارفو قريبي ود القريش ضلامي وحقاني وما بخاف الا الله كلمة الحق دى والله اصلو ما بدسها وكمان جعليا مر!
ود الناظر قريبي انا جيت من مروي لكن وحات شيخي ما بقول ليك حاجة يا زول مالك داير تودرنا نحنا يادوب اغتربنا
مالو السفير الدابي كويييييس ولا كان عندهم خدّامة
Post: #34 Title: Re: ده رئيس الجالية في قطـــــــر يا ناس قطر؟! Author: Zakaria Joseph Date: 02-06-2009, 09:19 PM Parent: #33
يا هشام, انت بتلف و تدور سااااكت ذى ما قاله احد الإخوة, يا زول شنو الحكاية يا اخوى? حايكون صاحبك دى من البحر الابيض و لا شنو? فكو يا عم و ريحنا!!!!
Post: #35 Title: Re: ده رئيس الجالية في قطـــــــر يا ناس قطر؟! Author: هشام هباني Date: 02-06-2009, 09:23 PM Parent: #33
هلا هلا قريبي الجعلى الضلامي اللابخاف ولا بتر قرب افك ( الاتو) فيك الخير وحات الرجالة في الشريط ديل اكان تقول الحق وانت زول موحد والله في!
