مطلوب فنى بخبرة (عمل إضافى مؤقت) - مقيمى الدوحـة فقـط.

عنده فكرة جيدة عن الكهرباء ومصطلحاتها، والتوصيلات الكهربائيـة، وتركيب أجهزة، وما يتطلبه من حفريات ودفن كوابل
ونقل أجهـزة بوزن حوالى 60 كيلوجرام.
العمل سـوف يستمر لأسبوعين، صباحـا (أو حسب جدول المتقدم فى وظيفته الحالية)، والمقابل مجزى.
سيكون إنترفيو ومن يثق فى كفاءته الرجاء الإتصال بالرقـم:
6728469

وبالله التوفيق

السلام عليكم
انت يا أبو الريش قصدك فني هبتلي ساكت
أم فني سيرتفايت من كهروماء وبعدين
وضح لينا اكتر عن وزن 60 كجم دي
وعن انو المقابل مجزي دي

سلام يا صلاح ومرحب بيك،

شكـرا والمطلوب خبرة عمليـة.. الشهـادات ما مطلوبـة، وما حنعاين ليها. والمهارات سـوف تظهـر فى الإنترفيـو.
يعنى المتقدم يجى بدون أى ورقـة سـوى البطاقـة.. بس يكون متأكد أنو فى إنترفيو حقيقى
عن كل ما يتعلق بالكهرباء مثل أنواع الأسلاك والعوازل والتعرف على أجهـزة القياس، والقدرة
على إستعمالها.. (ما نظرى). بمعنى أخـر، كهربجى بخبرة عملية.
لو فى مهندس بشهادات وداير يشتغل كهربجى أوفرتايم ما عندنا مانع، بس يورينا ثمرة الخبرة فى الإنترفيو
وليس الشهادات لأن الوظيفـة مؤقتة بإسبوعين بالكتير.
المقصـود من 60 كيلو أنو فى أجهـزة ومعدات تحتاج تنقل من مكان لمكان، ولكن أتقل جهاز ما يزيد وزنو
على 60 كيلو.. والمسافـة من المخزن للسيارة لموقع التركيب.. هـذا المقصـود يا عزيزى.

أرجو ان أكون أجبت على تسـاؤلاتك.

الكِضِب مو سمِح ... الكهربا تب ما خابِرا عِلا العِتالة أكان خِتَتَني بِتِتبشتن ساي ...
يا خوي ما ينفع زول كشا مشا بِنِص خِبرة في الكهربا + مُخضرم عِتالة مِتلي ...
يعني نفرين يتقاسمو البمرُق مِنك ... أسمع الشغلة دي فيها فطور وكده ...

تقديم للفائدة

بجد لفتة بارعة جداً منك أخي أبوريش وتستحق الإشادة

نسأل الله أن يسخر لكم سوداني يخدم مصلحتكم على خير وجه وينتفع بالأجر

كمال