مطلوب صعاليك ..نعم مطلوب صعاليك ..اتصلو بنا..!!

آخر الليل
أسحاق أحمد فضل الله
مطلوب صعاليك ..نعم مطلوب صعاليك
نحن
وكان الزمان يومئذ رديئاً وكأنه أيام غزة الأن ..وكان هناك وراق أسمه إبن الخاضبة ..والوراق رجل ينسخ الكتب ويبيعها
وإبن الخاطبة كان محاط بحكام يومئذ كأنهم أبو مازن الأن ..وكأنهم فلان الاخر ..وكان حزيناً حزيناً
وابن الخاطبة -يقص كيف انه نام-ويرى كأن القيامة قد قامت وقائل يقول (أين ابن الخاطبة وانني جئت الجنة ..فلما
دخلتها استلقيت علي قفاي ووضعت رجلاً فوق رجل وقلت استرحت من نسخ الكتب ..ثم استيقظت والقلم في يدي والمحابر امامى
ونحن نرى ان القيامة قامت واننا استرحنا من مضغ اخبار هذه الايام ..واننا نرفض دخول الجنة قبل ان ننظر في السيدة ليفني في
جهنم ..وحولها فلان وفلان ..واطفال غزة يطلون عليهم من جنات الله ..ونحن نضحك ونرقص ونطلب عقد جلسة لمجلس الآمن
(بس علشان نشوف هناك حيقولوا شنو ؟)
ثم نستيقظ واذا التلفزيون امامنا يحدث عن مذابح غزة
والاوراق امامنا
(2)
مطلوب صعاليك
وفي الاوراق كنا ننظر الي كل شي ثم نكتب (مطلوب صعاليك)ومن يطلب الصعاليك هو دين الله الكريم ذاته
ودين الله يعرف ان بعض الظروف تجعل الدولة بكماء صماء مهما كانت ..وانه لا يصلح يومئذ إلا صعاليك يجودون
الصعلكة ..والفقه
فاتفاق الحديبية الذ ي ينص علي أنه (من جاء محمداً من قريش رد اليهم ومن جاء قريشاً من محمد لم يرد )كان اتفاقاً
لم يفضه إلا صعلوك (ضكر) لما افلت من وثاقه في مكة وجاء الي المدينة ولحقوه اضطر النبي صلي الله عليه وسلم
(حسب اتفاق ابوجا)
ان يرده معهم - لكن الرجل ينفلت ..ويقطع الطريق علي قوافل قريش ويلحق به اخرون مثله و...
بعد شهر جاءت قريش تقبل اقدام النبي ليلغي تلك الفقرة من الاتفاق
ولما اهدر النبي صلي الله عليه وسلم دم فلان وفلان وعبد الله بن جحش - جاء عبد الله حتى وقف علي النبي
صلي الله عليه وسلم يطلب الامان ..والنبي صامت ..فلما طال الامر اطلق النبي له الامان قم قال للناس حوله
(انما سكت انتظاراً أن يقوم احدكم اليه فيقتله )
الصعلوك الذي لاينتظر الدولة كان مطلوباً يومئذ والنبي/ الذي حين يحدث انما يحدص الزمان كله حتي القيامة / انما
كان يقول للناس هناك والأن ..أن الصعلوك والحزام الناسف الذي لا ينتظر احداً هو في بعض الاحيان عمود الدولة كلها
ولو ان الحزام الناسف ذهب غرباً يوماً واحداً ..ولو ان مسدساً صغيراً دخل زقاقاً في امدرمان ..ولو ان الفوضي حاصرت
الدولة ذاتها (حتى تضطر الي ان تصبح دولة أو تذهب )ولو أن ..ولو أن ..لصلح الامر
مطلوب صعاليك ..واتصلو بنا
(3)
خصوصاً ان صعاليك الدنيا يتجولون الان في الخرطوم وحديث غريب عن شركة اجنبية غربية ..يكفي
شركة اسمهاP A E هي الأن من يدخل في بطن اليوناميد هناك ويدخل في جوف السفارة الامريكية في الخرطوم ويعلن
حرباً صليبية جديدة
والدولة حين تطرد هذه الشركة طرداً مباشراً قبل شهور تذهب ثم تعود الاسبوع الماضي وهي تعلن
(لن يستطيع احدا أن يطردنا)
واقرأ (يستطيع ) هذه عشرين مرة ؟
والبشير يتحدثعن (قلة ادب) هناك (وقلة الادب) ..هي بطبعها شئ لا يرده إلا (عدم ادب)كامل
هنا ورجال يتخطون الدولة ذاتها والغريب أنه كل احد ..وحتي السوداني يشعر أن السوداني (هين)
لكن اشهر ثورة في افريقيا كانت هي التى يقودها نيلسون مانديلا في جنوب افريقيا
وحين يتكلم السفير الذي يقع مكتبه الأن في اقصي شمال وزارة الخارجية سوف يتبين للناس أن السيد مانديلا
كان يتعلم الثورة في الخرطوم وحين يتحدث نافع ينكشف أن افورقي تعلم القتال ..من الخرطوم
وحين يتحدث اللواء الهادى بشرى سوف يتبين أن ديبي تعلم القتال في الخرطوم
وحين يتكلم سيد الخطيب أو أخرون يتبين أن بن لادن ذهب بثورته خطوتين منطلقاً من الخرطوم
وحين يتدث (فلان) سوف يتبين أن حماس تعلمت الثورة المسلحة من الخرطوم و..في نفس
الوقت تظل الخرطوم هي (رأس اليتيم )الذي يتعلم فيهكل احد ولا احد يستطيع ان يعد علي
اصابعه عدواناً قامت به الخرطوم علي جيرانها ..لكن تشاد وبعد استقلالهابعام واحد تحشد جيوشها
وتغزو الخرطوم والحار دلو يقول يومئذ
" معذرة ياشعر
فهذا زمان يحقرفيهالفكر يهان
زمن الاشباه وخصيانالسلطان
زمن للكاذب والتافه الاجوف ولتمبلباي"
وتمبل باي الذي كان (يعمل) في الخرطوم ويصبح أول رئيس لتشاد يبدأ عهده ضد الخرطوم
وديبي حتى امس
وفشل
وحين يفشل كل احد في أن يجعل الخرطوم (الهينة) تركع تنطلق قلة الادب الجديدة بالاسلوبالجديد الان
وحين تجد بعض السفارات ان (السفاهة) لها ثمن غال تتبنى تلك السفارات بعض المنظمات السفيهة
ومنها شي اسمه P A E
والشركة هذه التى تقودها غلفاء صلقم نحدث عنها
ويوم وصفنا المرأة هذه بانها غلفاء قلنا ان الوصف هذا لا (سباب) فيه
فلمرأة تلك عي بالتأكيد ضد الختان ..ام لعلها مختونة؟
والكلام يصل إلي هناك
ومطلوب صعاليك
واتصلو بنا

ـــــــــــــــــ
صحيفة الوفاق
العدد 3751
الاحد 18 ياناير 2009م

ــــــــــ
تعديل في كلمة وراق فقد كتبتها رواق.

ود نابري
افتكرتو طلبك
وكنت عاوز اقول ليك انزل الخور
لكن لما لقيت اللغم ده
لقيت صعاليق الخور شيوخ عديل كده
لولين ولولية

Quote: ود نابري افتكرتو طلبك وكنت عاوز اقول ليك انزل الخور لكن لما لقيت اللغم ده لقيت صعاليق الخور شيوخ عديل كده لولين ولولية

يا حيدر ياخوى
وحياتك الراجل ده قدر ما حولته اصنف
نوع تفكيرو ده شنو غلبني رسمي وشعبي
غايتوالناس ديل افلسو كلو كلو
كان دولة الصحابة حقتهم دى دايرة صعاليك
يجبوهمليهم من وين ذاتو ؟
يا الاخو الزول ده قال دولة الرسول خدموها
الصعاليك رسمى وشعبي برضو
واظنو كده عندو مشكلة مع المرأة والا شنو ؟

Quote: سلامات سفيان وأحوالك .. انهم المتشددون وليت تشددهم يأتي بعلم وخصوصاً في الدين الإسلامي فهم أكثر الجهلة بعلوم السيرة والتاريخ ومنهم هذا الرجل الذي دائماً ما يكتب بلغة المراحيض وتباً لها من لغة .. رضي الله عن عبدالله بن جحش بن رياب بن يعمر الأسدي أول من عقدت له راية في الإسلام وكان أصبر الناس على الجوع والعطش وثالث ثلاثة إستشارهم الرسول الكريم في أسارى بدر مع أبوبكر وعمر رضي الله عنهما .. ورضي الله عن عبدالله بن جحش اخر في الإسلام كان ضريراً وحسب الضعيف من الحديث نزلت أية فضيلة المجاهدين عن القاعدين فيه مع ابن أم مكتوم .. والصحيح في ذلك الذي اهدر الرسول الكريم (ص) دمه كان هو عبدالله بن أبي السرح وجاء بإجارة عثمان بين عفان رضي الله عنه أخيه من الرضاع وتلك هي اللحظة التي سكت فيها الرسول وبعد أن منحه الأمان ساله الصحابة الذين كانوا يجالسونه لماذا صمت وقال (انما سكت انتظاراً أن يقوم احدكم اليه فيقتله ) وقالوا له لماذا لم توميء حتى نفهم ذلك ؟فرد الرسول (ص) : ما كان لنبي أن تكون له خائنة الأعين.

مجاهد اشواق شديده ياخ
يا سيدي ده سقوط حتي في دراسة السيرة زي ما قلته انت
وفي الامام الطبري الرجل المقصود هو عبد الله بن أبي السرح
وهو الذي ادخل الدين الاسلامى للسودان وكان عامل عمر بن العاص
علي جيوشه واسم بن جحش هو لصحابيين جليلين انت ذكرتهم .

اها الموضوع ده ببساطة قلة ادب وصعلكة ضاله طريقه وما موظقة
واظنو الراجل ده مشكلتو عويصة لانو متحرك في (تربل) قلة ادب
وصعلكة وغلفة .

كن بخير ومحمد يغريك السلام.

Quote: ولما اهدر النبي صلي الله عليه وسلم دم فلان وفلان وعبد الله بن جحش - جاء عبد الله حتى وقف علي النبي صلي الله عليه وسلم يطلب الامان ..والنبي صامت ..فلما طال الامر اطلق النبي له الامان قم قال للناس حوله (انما سكت انتظاراً أن يقوم احدكم اليه فيقتله )

سلامات سفيان وأحوالك ..

انهم المتشددون وليت تشددهم يأتي بعلم وخصوصاً في الدين الإسلامي فهم أكثر الجهلة بعلوم السيرة والتاريخ ومنهم هذا الرجل الذي دائماً ما يكتب بلغة المراحيض وتباً لها من لغة ..
رضي الله عن عبدالله بن جحش بن رياب بن يعمر الأسدي أول من عقدت له راية في الإسلام وكان أصبر الناس على الجوع والعطش وثالث ثلاثة إستشارهم الرسول الكريم في أسارى بدر مع أبوبكر وعمر رضي الله عنهما ..
ورضي الله عن عبدالله بن جحش اخر في الإسلام كان ضريراً وحسب الضعيف من الحديث نزلت أية فضيلة المجاهدين عن القاعدين فيه مع ابن أم مكتوم ..

والصحيح في ذلك الذي اهدر الرسول الكريم (ص) دمه كان هو عبدالله بن أبي السرح وجاء بإجارة عثمان بين عفان رضي الله عنه أخيه من الرضاع وتلك هي اللحظة التي سكت فيها الرسول وبعد أن منحه الأمان ساله الصحابة الذين كانوا يجالسونه لماذا صمت وقال (انما سكت انتظاراً أن يقوم احدكم اليه فيقتله ) وقالوا له لماذا لم توميء حتى نفهم ذلك ؟فرد الرسول (ص) : ما كان لنبي أن تكون له خائنة الأعين.

وودي لك وسلامي لمحمد ..

والصعاليك ديل من النوع الجديد ولا القديم.. الأوريجنال أبو فنيلة هلنكة...

Quote: والصعاليك ديل من النوع الجديد ولا القديم.. الأوريجنال أبو فنيلة هلنكة...

المسافر يا اخوى
اظنهم ديل صعاليك اخر الليل

سفيان
تحياتي
قيل حضر فضل الله احمد اسحق مجلس كيزاني ٍ فتذاكروا قيام الليل فقيل له : يا اسحق أتقوم الليل ؟ فقال : نعم ،قالوا ماتصنع ؟ قال : أبول ثم أرجع فأنام !!



هسه عليك الله يا نابري ما لقيت غير الشين القبيح ده

Quote: هسه عليك الله يا نابري ما لقيت غير الشين القبيح ده

يا ود العبيد ياخ ما تبالغ معاي وتسألني اسئلة تعسفية ياخ
القي ليك وين احسن منو اذا كان رئيسها ذاتو شابكنا ود الكلب
وجزمة وكديس ؟

بطل حقارتك دي ياخ ما بلقي ليك .

إقرأ المقال مرةً أخرى

بتمعن

فإسحق يكتب للأذكياء فقط

Quote: وفي الاوراق كنا ننظر الي كل شي ثم نكتب (مطلوب صعاليك)ومن يطلب الصعاليك هو دين الله الكريم ذاته ودين الله يعرف ان بعض الظروف تجعل الدولة بكماء صماء مهما كانت ..وانه لا يصلح يومئذ إلا صعاليك يجودون الصعلكة ..والفقه

لو كان يراجع ما يكتبه لما كتب سطرا ابدا ,,,

استغرب فيه يكتب بلسان من ؟؟؟؟

Quote: لو كان يراجع ما يكتبه لما كتب سطرا ابدا ,,, استغرب فيه يكتب بلسان من ؟؟؟؟

اوووووووووووووو حاج العوض المسلمي
الف مرحب زارتنا المحبة ياخ
وحياتك انا وزينب الشفيع بنقطع فيك قطيعة
قطع شك بتدخلك الجنة ام سقط
بالمرة كده قلته ليها عايز ارسل معاك استقالتي
من بورداب الخرطوم للرئيس القديم انعام ومعاها
رسالة شجب وادانة لي عوض المسلمي لاني ما رشحتو
ههههههههههههههههههههه

يا حاج العوض اسحاق دهاظنو بيكتب بحقد وبس
ده غلب الجمل والجمالي

ارقد عافية والبلد دى بيخربوها الزى ديل

ياسلام يا سفيان ,,,

والقلوب بيناتها شواهد فقد عرفت من حبيبنا حمور اي نوع من الناس انت ,,

وسعيد بان نتعارف قبل ان نلتقي ,, وبالتاكيد سنلتقي هنا او هناك ,,,,

ونعع كتابات اسحق احمد فضل الله خربت بيوت واساءت لاسر عريقه ,,,

لا ادري كيف تكون حالته عندما يكتب ,,,

ايكون انجذاب صوفي ؟؟؟؟؟؟؟؟

تحياتي ليك وزينب ولجميع من معك ,,,

Quote: إقرأ المقال مرةً أخرى بتمعن فإسحق يكتب للأذكياء فقط

اول حاجة مرحب مرحب بيك يا محمد ياخ
(بتكون نسيت تسلم انا متاكد من كده)

واقراهوبي مهلة وتعال بعد تفهم
بس اعمل حسابك المقال ده (لوكان ممكن يتسمى مقال)
مفخخ شديد

وهل يحسب نفسه من الاذكياء ؟
!!!

أخي سفيان نهارك سعيد

الصعلوك لغة هو من لا يملك مالاً - الصعاليك هم غير المتمولين. ربما يقصد الكاتب هذا المعنى.



والله أعلم

Quote: ولو ان الحزام الناسف ذهب غرباً يوماً واحداً ..ولو ان مسدساً صغيراً دخل زقاقاً في امدرمان ..ولو ان الفوضي حاصرت الدولة ذاتها (حتى تضطر الي ان تصبح دولة أو تذهب )ولو أن ..ولو أن ..لصلح الامر

...
صعلوك بجد...
هل مر المقال علي ازكياء الرقابه يا سفيان...
كتابة مليئه بالتوريه ...ضد.. وضد ..وضد ...

Quote: ... صعلوك بجد... هل مر المقال علي ازكياء الرقابه يا سفيان... كتابة مليئه بالتوريه ...ضد.. وضد ..وضد ...

محب يا حبيب
رقابة شنو يا صاحبي ده قطع شك كبير المراقبين ذاتم


طبعاً يا محب متابعك شديد خصوصاً
مع الصديق أسامة ابارو
ومستمتع وما عايز اتداخل معاكم
كن بخير دوماً.

Quote: أخي سفيان نهارك سعيد الصعلوك لغة هو من لا يملك مالاً - الصعاليك هم غير المتمولين. ربما يقصد الكاتب هذا المعنى. والله أعلم

والله يا محمد يا اخوي ما قصرته تب معاي
بس الراجل ده اتكلم عن صعلوك محدد وسماهو باسم وقال زمن الرسول وقال عمل عصابه
وقطع ونهب قوافل قريش وفلسف لي فقه الصعلكة رسمى وقال انها ضرورة اباحها الدين .

Quote: وهل يحسب نفسه من الاذكياء ؟ !!!

الاخ بشير
سلامات يا عزيزى
والله اذا كان سؤالك ده عن اسحاق احمد فضل الله
فكتابتو دى وبعض كتاباتو التانية محيرة جدا
وما مفهومة ومرات كتيرة بتوديهو للمحاكمات
واظنو كان عندو قضية اشانة سمعة قبل فترة
كده واتحكم فيها لانو بيبهت الناس ساي
المصيبة هسي بيتكلم عن صعلكة الصحابة وفي
عهد الرسول الكريم .
اما اذا سؤالك ده لي محمد فرح فاكيد محمد
عندو الخبر اليقين عن نفسو .
اما لو لي أنا فانا أتمني اكون ذكى
وأن يرفع الحجاب غن كثير مما حجبي عنيّ .

اشكرك علي المرور
يا عزيزى وفي بوست والله لسه
مستنى اجاباتك فيهو .
كن بخير

مطلوب صعاليك ..!!


بالمناسبة الحديث الذي ساقه اسحق مفهوم .. لكن


الصعاليك - بتعبير اسحق- عندما قالوا ذلك كممت افواههم باعتبارهم اصحاب مصلحة !!


وانهم يعملون للمؤامرة !!


مرات اسحق يكتب خارج (الزفه) . لان النقد الذاتي فى حسابات هؤلاء مؤامرة .

والمؤامرة الان يكرس لها اسحق!

Quote: مطلوب صعاليك ..!! بالمناسبة الحديث الذي ساقه اسحق مفهوم .. لكن الصعاليك - بتعبير اسحق- عندما قالوا ذلك كممت افواههم باعتبارهم اصحاب مصلحة !! وانهم يعملون للمؤامرة !! مرات اسحق يكتب خارج (الزفه) . لان النقد الذاتي فى حسابات هؤلاء مؤامرة . والمؤامرة الان يكرس لها اسحق!

سلامات يا مصعب شديد ياخ
والله يا صاحبي انا قلته كلامو مفهوم جو قالو لي عايز ليهو زول ذكى
لكن كتر خيرك اكدته لي انى لسه ذكى لانى فهمتو زيك كده بس الما مفهوم
بالنسبة لي هو انو عصر النبي كان محتاج لي صعاليك ؟ وانو صعلكتهم دي
ضرورة من الدين بمكان ؟ وهل النبي الكريم ده جاء عشان يكمل مكارم الاخلاق
بالاستعانة بالصعاليك ؟ والا الحاصل شنو ياخ ؟

ودعوة اسحاق بتشبه نفسيتو ياخ ؟
الحقنى باجابات لو عندك ياخ ينوبك ثواب .
هسي نكتر السؤالات يطلعونا مراحيم وغلطانين يا مصعب !

ارقد عافية

Quote: والله يا محمد يا اخوي ما قصرته تب معاي بس الراجل ده اتكلم عن صعلوك محدد وسماهو باسم وقال زمن الرسول وقال عمل عصابه وقطع ونهب قوافل قريش وفلسف لي فقه الصعلكة رسمى وقال انها ضرورة اباحها الدين ...

استخدام مطية الدين...
اقولها بخجل من الرب...
ويحي ذلك الرجل من الرب لو فكرتي عنه صح...
سفيان لقد اتتني فكره....
هل اجرم الاستاذ محمود لو سلمنا جدلا
انه اجرم كجرم هذا الشخص ضد المعتقدات
الدينيه...
الامر يستحق بوستا وليس لدي كتف ياسفيان...

Quote: استخدام مطية الدين... اقولها بخجل من الرب... ويحي ذلك الرجل من الرب لو فكرتي عنه صح... سفيان لقد اتتني فكره.... هل اجرم الاستاذ محمود لو سلمنا جدلا انه اجرم كجرم هذا الشخص ضد المعتقدات الدينيه... الامر يستحق بوستا وليس لدي كتف ياسفيان...

غير كده يامحب انو قرايتو للسيرة غلط وبهت ناس ساي

واذا عقدنا مقارنة يا صديقي بين الاستاذ محمود والاخرين
فسوف تكون خاطئ اذا عقدتها مع مثل هذا الرجل (اسحاق)
واظن انها يجب أن تعقد مع الاقطاب الكبار أبن عربي والامام
النفري .
ولا تسنحق مقارنة بين الاستاذ وهذا فهون علي كتفك يا صديقي
ويجب أن تريحه حتي تحمل فيه ما يفيد الناس ما اذا اردت عقدها
فيجب أن تكون تحت مسمي :- دين هولاء هو الذي قتل الشهيد .

دم بخير وسلامى لجميع من بطرفك .

قال بعض الحكماء يعرف الاحمق بست خصال

الغضب من غير شئ

والكلام من غير منفعة

و الثقة بكل احد

وافشاء السر

يتكلم بما يخطر بقلبه و يتوهم انه اعقل الناس





___________

اللهم لا اعتراض علي حكمك

الصديق سفيان
متابع شديد .. ولا تعليق وزى ما قال أخوى عدلان

Quote: اللهم لا اعتراض علي حكمك

Quote: إقرأ المقال مرةً أخرى بتمعن فإسحق يكتب للأذكياء فقط

ده اكبر دليل على انك ما فاهم المقال عشان كده خلي سفيان يورينا الحاصل شنووانته اخد ليك رست خليك مع الجنائية الدولية
الا بالحق انتو موقعين على روما 1998
وخلي لينا اسحق نفهموا

Quote: وحين يتكلم سيد الخطيب أو أخرون يتبين أن بن لادن ذهب بثورته خطوتين منطلقاً من الخرطوم وحين يتدث (فلان) سوف يتبين أن حماس تعلمت الثورة المسلحة من الخرطوم و..

فقط للذكرى والتاريخ والمانجو والبطيخ.
سلام يغشاك يا سفيان نابرى
ده افلاس على وزن التاجر
لما يفلس بفتش دفاتره.

Quote: Quote: إقرأ المقال مرةً أخرى بتمعن فإسحق يكتب للأذكياء فقط ده اكبر دليل على انك ما فاهم المقال عشان كده خلي سفيان يورينا الحاصل شنووانته اخد ليك رست خليك مع الجنائية الدولية الا بالحق انتو موقعين على روما 1998 وخلي لينا اسحق نفهموا

يا عمار ياخ روما شنو اليعرفه ليك محمد اخوي ده
ده بيعرف اكتر منها ياخ بطل حقاره
انا حارسو يجي يفهمني هنا كلام اسحاق ده
وهو وعدني يقراهو ويجي تاني
والمؤمن اذا وعد اوفئ
ومحمد ده حسب كلامو هنا مؤمن تب
وحيوفي .

محمد اقرأ المقال بي مهلتك وتعال فهم اخوك عوجة
مافي وعمار ده انساهو تب .

Quote: Quote: وحين يتكلم سيد الخطيب أو أخرون يتبين أن بن لادن ذهب بثورته خطوتين منطلقاً من الخرطوم وحين يتدث (فلان) سوف يتبين أن حماس تعلمت الثورة المسلحة من الخرطوم و.. فقط للذكرى والتاريخ والمانجو والبطيخ. سلام يغشاك يا سفيان نابرى ده افلاس على وزن التاجر لما يفلس بفتش دفاتره.

نزار صاحبي
والله زي ما قلته
زمااااان قلنا ليهم تجار الحركة الاسلاموية
قالو لا لا مشروع حضاري وشنو شنو
هسي المصيبة أنو ناس الحركة الاسلاموية
الصحي صحي اثرو وغنو واتفكفكو من ديل
وقعدو في السجون بيحاولو يعملو (لياقات)
للماتش الجاي هههههههه شفته المصيبة هههههه
ومسك الساحة توجير جديد اسمو البشير ومصيبتو
أنو الرئيس صدق الحبيس وهسي الحبيس حبيس
والرئيس قطع شك ح يروح فطيس

يا نزار قول معاي :-
رئيس .. حبيس .. فطيس

ــــــــــــ
بالمناسبة اظن تلفوني شغال .

Quote: الصديق سفيان متابع شديد .. ولا تعليق وزى ما قال أخوى عدلان Quote: اللهم لا اعتراض علي حكمك

رافت ميلاد
يا حبيب الشوق كتير ياخ

نتابع شنو والا نخلي شنو يا رافت
ياخ الناس ديل افلسو تب
ووحياتك خجلونا رسمى
هم قايلن ما بنخجل والا شنو ؟
يا رأفت يا اخوي هسي لما يجو
ناس العالم يسمعو زي عمر البشير
ده يزبد ويغلي ونبذ با الشكل الفارغ
الماكويس وما محترم ده بيقولو شنو ؟
بيقولو ده رئيس الكيزان براهم والا بيقولو
رئيس السودان ؟
اها شفته المِحنه دي !!
دي المصيبة البتخلي الزول يعضي ايدو ياخ .
ارقد عافية وما تتابع بدون ما تجهز حبوب السكري
والضغط ربنا يديك الصحة والعافية .

Quote: قال بعض الحكماء يعرف الاحمق بست خصال الغضب من غير شئ والكلام من غير منفعة و الثقة بكل احد وافشاء السر يتكلم بما يخطر بقلبه و يتوهم انه اعقل الناس ___________ اللهم لا اعتراض علي حكمك

المصيبة يا ابراهيم ودعدلان
انو حتى الراجل ده لم يتحمق
ويغضب بيرمى وسخو ساي
وكلامو ده الغلط فيها كتير
وحالياً الكلام ده بتحليل نفسي
فيهو امراض وامراض صعبة خلاص

يا جماعة عليكم الله تشوفو الزول ده كاتب شنو!!!!
وعليكم الله توروني رأيكم لاني جد في حيرة من امر
هذا الرجل وهذه النفس !
http://alintibaha.sd/index.php?option=com_content&task=...&id=10&Itemid=156[/B]

Quote: ويوم وصفنا المرأة هذه بانها غلفاء قلنا ان الوصف هذا لا (سباب) فيه فالمرأة تلك هى بالتأكيد ضد الختان ..ام لعلها مختونة؟ والكلام يصل إلي هناك ومطلوب صعاليك واتصلو بنا

هذا هو التلميذ
كيف يكون"الاستاذ"
و لا ده عادى !!!!
و زعلانيين لمن يجوا ناس يقولوا عاوزين الاستعمار تانى ..............
المسألة .. ليس من أين أتى هؤلاء ..
لكن ..
السؤال ... الان أصبح
هل يمكن أن ينصلح الحال .. يوما ..

Quote: هذا هو التلميذ كيف يكون"الاستاذ" و لا ده عادى !!!! و زعلانيين لمن يجوا ناس يقولوا عاوزين الاستعمار تانى .............. المسألة .. ليس من أين أتى هؤلاء .. لكن .. السؤال ... الان أصبح هل يمكن أن ينصلح الحال .. يوما ..

المصيبة يا اسعد اخوى
هم ما زعلانين هم بيختو
الزول في مستشفي المجانين
عديل كده !

ولسه سؤالي قايم ممكن زول يفيدني
في التعرف علي نفسية المخلوق ده ؟

Quote: ولسه سؤالي قايم ممكن زول يفيدني في التعرف علي نفسية المخلوق ده ؟

سفيان نابرى
تحيات طيبات
فى محاولة ... للاجابة و الفهم لمثل هذه ال "الاشياء" .. نحيلك الى السطور الاتية ، لعل و عسى نقهم بيها دوافع كاتب الكلمات اعلاه ..

Quote: لقد عرفت منظمة الصحة العالمية الإضطرابات الشخصية بالتالي: «اضطراب الشخصية، هو نمط من السلوك المتأصل السيء التكيف، والذي ينتبه إليه عادة في مرحلة المراهقة أو قبلها. ويستمر هذا السلوك في معظم فترة حياة الرشد، وإن كان في الغالب أن يصبح أقل ظهوراً في مرحلة وسط العمر، أو السن المتقدمة. وتكون الشخصية غير طبيعية، إما في انسجام وتوازن مكوناتها الأساسية، أو في شدة بعض هذه المكونات، أو في اضطراب كامل عناصر الشخصية، ويعاني بسبب هذا الاضطراب، إما صاحب هذه الشخصية، أو الذين من حوله، ولذلك تكون هناك آثار سلبية لهذه الشخصية المضطربة على الفرد، أو على المجتمع من حولها».

Quote: Quote: ولسه سؤالي قايم ممكن زول يفيدني في التعرف علي نفسية المخلوق ده ؟ سفيان نابرى تحيات طيبات فى محاولة ... للاجابة و الفهم لمثل هذه ال "الاشياء" .. نحيلك الى السطور الاتية ، لعل و عسى نقهم بيها دوافع كاتب الكلمات اعلاه .. Quote: لقد عرفت منظمة الصحة العالمية الإضطرابات الشخصية بالتالي: «اضطراب الشخصية، هو نمط من السلوك المتأصل السيء التكيف، والذي ينتبه إليه عادة في مرحلة المراهقة أو قبلها. ويستمر هذا السلوك في معظم فترة حياة الرشد، وإن كان في الغالب أن يصبح أقل ظهوراً في مرحلة وسط العمر، أو السن المتقدمة. وتكون الشخصية غير طبيعية، إما في انسجام وتوازن مكوناتها الأساسية، أو في شدة بعض هذه المكونات، أو في اضطراب كامل عناصر الشخصية، ويعاني بسبب هذا الاضطراب، إما صاحب هذه الشخصية، أو الذين من حوله، ولذلك تكون هناك آثار سلبية لهذه الشخصية المضطربة على الفرد، أو على المجتمع من حولها».

تحياتى يا ابوالسعود

يعنى يا صاحبي أنت ذاتك

Quote: لعل و عسى

غايتوما قصرته بي كلام ناس منظمة الصحة العالمية
لكن لسه فرقت (الشي ده) اكبر من كلامهم ده .

عارف يا اسعد يا اخوى اخونا محمد فرح قال لي
انت ما فهمته فحوى حديث الراجل ده ووعدنى انو
يقرأهو ويجي يفهمني ووحياتك لسه حارسو !
اها رأيك شنو ؟

نابرى
مساء الخير
بمناسبة قلة الادب المذكورة مرار فى كتابات اسحق اعلاه .. دى

Quote: غلفاء صلقم

تكون شنو ..
و اتحدى ان يكون مثل ما كتبه ,, يكون مر على الصحافة السودانية ....يوما !!
و أخشى أن ياتى يوما .. يتقدم احدهم لاصدار صجيفة باسم " الصلقم" الاخبارية ..
ممكن !!

الاخ سفيان

هذا المقال كتب في اطار الدعوة للعنف ضد مؤيدي الجنائيـة

ويحمل في طياته تشريعاً فقهياً لإثارة المتطرفين بقصـد احداث الفوضى التي صرح بها بعض المسئولين



أحمد الشايقي

Quote: هذا المقال كتب في اطار الدعوة للعنف ضد مؤيدي الجنائيـة ويحمل في طياته تشريعاً فقهياً لإثارة المتطرفين بقصـد احداث الفوضى التي صرح بها بعض المسئولين

احمد صاحبي كيفك
والله يا احمد كلامك ده اصلو ما اوقعو ليك واطة
بس يا بوحميد اللغة اللغة والفظ سعد ياخ
وسؤالي مش في المقصود شنو سؤالي الزول ده
هل هو أنسان سوي وطيب ونصيح ؟!

ممكن تشوف الرابط الفوق ده كلو كلام لليل حق الزول ده
احتمال يساعد في فهم النفسية .


كن بخير

Quote: بمناسبة قلة الادب المذكورة مرار فى كتابات اسحق اعلاه .. دى Quote: غلفاء صلقم تكون شنو .. و اتحدى ان يكون مثل ما كتبه ,, يكون مر على الصحافة السودانية ....يوما !! و أخشى أن ياتى يوما .. يتقدم احدهم لاصدار صجيفة باسم " الصلقم" الاخبارية .. ممكن !!

شنو يا اسعد يا اخوى قصتك ؟؟؟

ياخ انا يا عبد المعين ناديتك تعِيني تجي انت ذاتك عايز البيعِينك !!!

هههههه ياخي اها مصيبتنا دي البيحلها لينا منو ؟

سيحفظ التاريخ لهذا الاسحاق ونفاخه مشيهم بالفتنة ودعواتهم الصريحة للتقاتل والتذابح !!

Quote: سيحفظ التاريخ لهذا الاسحاق ونفاخه مشيهم بالفتنة ودعواتهم الصريحة للتقاتل والتذابح !!

مؤيد الشريف مراحب بيك طول الوكت يا صاحبي

وكلامك صح جداً
بس بتمني المرة دي نشوف حقوقنا برانا ونحفظو ونستردو قبل ما نوديهو التاريخ أو يمشي براهو
من السيد اسحاق والسادة الاخرين الذين أجرمو في حق الناس .


طبعاً عارفك حتتفق معاي في الكلام ده أو أني عارف انو كلامك في نفس الوقت بس دي تذكرة
لانو جد بعد كل هذه التجارب يجب أن نخرج من الأزمة .
وعشان عايزن نخرج منها لابد أن نعرف بنية نفسية هذا الرجل .


تحياتي لك .

سلامات سفيان
دعوة سمجة ولكنها غير مستغربة من أمثال هؤلاء!
فهل تراه نضب معينهم من الصعاليك الذين اذاقوا الشعب الويل وساموه العذاب في بيوت الأشباح ومعسكرات الدفاع الشعبي وفي أدغال الجنوب وقرى دارفور؟!!
بعدين الموضوع دا خطة كبيرة لم يأت بها سحق فضل الله وحده ، بل أتت من رأس الأفعى .. فقد كتب الصحفي علاء الدين بشير:

Quote: اما الرسالة الاخرى و التى بدت ايضا غريبة من مدير جهاز الامن و المخابرات فهى قوله (كنا اسلاميين متطرفين ، وصرنا معتدلين نؤمن بالسلام و الحياة للجميع ، و لكننا اذا دعت الضرورة فلا محالة سنعود لما كنا عليه ، و ما ايسر ذلك علينا) ، فغير الاعتراف الصريح بما مضى ، لكن وجه الغرابة الاكبر بنظر كثير من المراقبين يكمن فى التلويح بالعودة الى التطرف مجددا رغم ان حديث قوش تضمن استحسانا للاعتدال و الايمان بالسلام ، بل ان حديثا سابقا لمدير المخابرات لصحيفة (الاحداث) فى اكتوبر 2007 و لاحقا بمنزل الصحفى عمر الكاهن فى يناير الماضى ذكر فيه ان الجهاز يتبنى منهجا اصلاحيا مع المتطرفين دينيا يقوم على الحوار الفكرى و العمل الثقافى بواسطة العلماء و المفكرين ، وهو ما يتقاطع تماما مع التلميح الذى اورده بالعودة الى التطرف حيث ان البداهة تقول انه لا يمكن لشخص ان يعود الى ما اقتنع بانه خطأ تعافى منه وطفق يصلح منه الاخرين ، بل ان مدير المخابرات نفسه كان قد اشار فى حديثه (للاحداث) الى ثمار ذلك الاعتدال وهو التعاون المخابراتى مع الغرب فى الحرب على الارهاب بأنه جنب البلاد مخاطر محدقة .

عمر

معذرة على كتابة المداخلة الأخيرة من حساب الأخ عبدالله عثمان فقد طلب مني تغيير صورة البروفايل ونسيت النقر على زر الخروج بعد التعديل
عمر

عزيزي عمر عبد الله حبابك وحباب عبد الله عثمان ذاتو
بالله شفت ادب الراجل ده كيف ؟

كدي شوف كمان ده :-
اخر الليل
اسحق احمد فضل الله
مطلوب صعاليك »9«
يسمونه المطبخ.
والمطبخ هو ركام المذكرات والوثائق أمام الكاتب حين يجلس للكتابة..
وركام مطبخنا نقدمه كما هو .. مركوماً.
1
ومذكرة سرية جداً عن اجتماع سري جداً لبعض الجهات.. والمذكرة تقول.
الموضوع.. مقترحات الميجور (فلان)..
وبعض سطور المذكرة تقول.
الضابط المذكور عليه زيادة المنصرفات للنوير الذين يعملون ضد قيادتهم .. و .. و..
واستغلال صلة (فلان) هذا بالجنرال (بيتر)..
ثم سطر يقول (.. وعلينا انتهازالفرصة .. وتوصيات اجتماع »ياي« ديسمبر 2003م لبعثرتهم)..
والميجور (فلان) عليه الوصول الى اسرارهم بما انه قريب منهم . وقد كانوا في الخرطوم ولا يخفون عنه شيئاً..
2
والاجتماع الآخر وثيقته تقول بعض سطورها .
الموضوع: لقاء حول قوانين ياي التسعة والثلاثين.
(وقوانين ياي هذه لا سرية فيها فقد كان احد أهم وزراء الحركة يصرخ بها في الميدان العام الحاشد يعلن للجمهور وضع تسع وثلاثين فقرة في القانون لإبعاد النوير عن كل شئ)..
وبعض الوثيقة يقول (لقد جاء وقتنا بصفتنا من قاتل لواحد وعشرين سنة ضد العرب والمليشيات خصوصاً مليشيات ماتيب ورياك مشار و.. و).
ثم توصيات بانه (لا مال يصل الى باولينو).
ثم (التنفيذ يكون وفق اقوال ».......« والاشارة لشخصية ضخمة)..
وبعد الاشارة الى مدير الشرطة استيفن بوي تمضي الوثيقة لتتحدث عن ضرورة طرد (بعضهم) خارج مدينة جوبا .. واستهداف مشار .. وماتيب وقاديت ياكا.
ثم تذهب الوثيقة لتشجيع شراء المعلومات من كل احد عن قبيلته .. وتطبيق مقررات اجتماع ياي كذلك مثلما قال... (ثم الاشارة الى اسم ضخم)..
وتختلف الوثيقة هنا عن الاخريات بأنها تحمل تاريخ الختم السري (6 ديسمبر 2006م) وتحمل ختم (شرطة جنوب السودان) وأسماء .. ضخاماً.
3
لما كنا نقرأ هذه كان السيد برنابا بنيامين وزير التعاون بالحركة الشعبية في القاهرة يحدث الصحف عن (وجود فرق عسكرية ايرانية في السودان) والاشارة الى ايران لها معناها..
فالسيد بنيامين انما يحدث امريكا من فوق اكتاف الصحافة .. وامريكا التي تجعلها كلمة ايران ..
تشهر قرونها..
والسيد بنيامين سوف يهبط مطار الخرطوم هنيئاً مريئاً دون ان يسأله احد .. بل يعبر من الغرفة الرئاسية .. وممنوع تفتيش امتعته .. فنحن نطبق نيفاشا..
وفي الايام ذاتها كانت الحركة الشعبية تهاجم ملكال وتفعل بها ما تفعل والهدف الرئيسي هو (الا يشعر الناس بالمنجزات الحقيقية التي يقودها الوالي هناك والذي ينتمى للمؤتمر الوطني).
بينما الحركة في الشمال تفعل ما شاءت ..
ونحن نلتزم بنيفاشا..
في الايام ذاتها وبعد ملكال بيوم كانت قوات الحركة تطرد كل ممثلي الوطني في ود دكونة وغيرها .. بينما الحركة الشعبية (تتضرع) في شوارع الخرطوم لأننا ملتزمون بنيفاشا..
بعدها بيوم .. وحين يذهب اللواء (تانق) ويكشف كل شئ عما تدبره الحركة الشعبية داخل الخرطوم في مؤتمر صحفي .. تسارع أجهزة الأمن بمنع النشر لأننا .. ملتزمون بنيفاشا.
وفي الليلة ذاتها كانت الحركة الشعبية تطل من شاشة الجزيرة تصب على الوطني قيئاً غزيراً.. وتتهمه بكل شئ.
ونحن نسكت .. فنحن ملتزمون بنيفاشا..
وهذا انتاج يوم واحد في الاسبوع الماضي .. ومثله ألف يوم.
4
قبلها كانت الحركة الشعبية في يوم الهجوم على ام درمان تمنع الدولة من اعلان الطوارئ لأن نيفاشا تمنع الاعلان هذا الا بموافقة الرئيس ونائبه معاً.
ونسكت .. فنحن ملتزمون بنيفاشا.
ومكتب في شارع 53 يدير كل شئ عملاً استخبارياً الى درجة التجنيد وتوزيع السلاح .. والخرطوم تصبح اول عاصمة في الدنيا يدير العدو العمل ضدها من جوفها . ونحن نسكت فنحن ملتزمون بنيفاشا..
والحركة - ونيفاشا تمنع التجنيد - تقيم جيشها كله بعد نيفاشا.
ونحن ملتزمون بنيفاشا فالرد .. حرام..
وخمسون دبابة ترقد الآن في جلهاك .. ونحن ملتزمون بنيفاشا..
واسلحة (ممنوعة دولياً) ترقد الآن هناك - في مكان ما - ونحن ملتزمون بنيفاشا..
ويا ايها الصعاليك..
يا ايها الصعاليك..
قلنا ان الحركة الشعبية تختبرنا .. وانها كلما خرقت لنا ثوباً وسكتنا وخرقت جلداً وسكتنا وخرقت عيناً وسكتنا .. عندها تخرق قلوبنا..
ونحن نسكت لأننا ملتزمون بنيفاشا..
ومكتب في الخرطوم يحمل 12 مليون دولار للجنوب .. والاجتماع يصل الى حد الاشتباك والملايين ليست ذاهبة لشراء الزهور والورد .. ونحن نسكت فنحن ملتزمون بنيفاشا..
والحركة تعلن مساندة اوكامبو ضد البشير وضد السودان .. ونحن نسكت فنحن.. ملتزمون بنيفاشا..
5
ونقف هنا لاستراحة.
وفي الاستراحة يحدثنا أحدهم عن المرأة تلك التي تزني وتحبل .. ثم تزني وتحبل .. ثم .. ثم..
وأمها حين تصرخ بها قائلة.
: يا هذه.. ما دمت قد ابتُليت بالفسوق فلماذا لا تعزلين حتى لا تحبلي..
قالت المرأة في دهشة:
لأنني يا أمي لا استحل العزل... العزل حرام.
فقهنا عن نيفاشا يشبه فقه المرأة هذه.
أيها الصعاليك.. عووووووووووووك.
http://alintibaha.sd/index.php?option=com_content&task=...ory&id=10&Itemid=156

يا عمر ياخ ده راجل مبالغة رسمى
والله دي نفسية تحير الطبيب ذاتو
لحدى هسي ما لقيت زول ورانى مالو؟
ومحمد فرح الوعدنى لسه ما جانى !
عندك تفسيرات يا حبيب؟!