هل تم إنعقاد مؤتمر الحزب الشيوعى قبل إفتتاحه بأسبوع ؟؟؟

Post: #1
Title: هل تم إنعقاد مؤتمر الحزب الشيوعى قبل إفتتاحه بأسبوع ؟؟؟
Author: رأفت ميلاد
Date: 01-28-2009, 11:02 AM

تناقش أمامى أمس موضوع دقيق لم أشارك فيه ولكنى فوجئت .. أو قد أكون فجعت ..

سمعت بأن المؤتمر الشيوعى قد تم إنعقاده منذ أسبوع مضى .. وما كان إفتتاحه سوى فقاعة إعلامية .. وبالإتفاقة مع "الشعب" الشيوعى .. رسالة هلامية الى محكمة العدل الدولية .. عن ديمقراطية .. أو شيئ من هذا القبيل ..

هناك أسئلة كثيرة حيرى ..
منذ إعلانات الحزب الأخيرة التى تنصب فى عدم مباركة توقيف البشير "المهمة" .. والبعث لكثير من الأسماء التى إندثرت .. !!!

الحضور الإعلامى للصادق المهدى .. ومولانا المرغنى .. !!

هناك الكثير .. عدو الأمس القريب .. حبيب اليوم .....

هل فعلآ بلغنا الديمقراطية ؟؟؟

أم ما هى أجندة اللعبة الجديدة ؟؟

Post: #2
Title: Re: هل تم إنعقاد مؤتمر الحزب الشيوعى قبل إفتتاحه بأسبوع ؟؟؟
Author: رأفت ميلاد
Date: 01-28-2009, 11:03 AM
Parent: #1

كلنا سمعنا وسمعنا وسمعنا ..
وأصبح كل ما "سمعنا" محير .. ونبحث عن الخبر اليقين ..

بصراحة جلوس الصادق المهدى فى صالة المؤتر .. مثل الصورة المركبة "بالفتو شوب" كأن الزمن لم يكن الزمن .. ووجود أبو هاشم جسم غريب .. من الفضاء الخارجى وأفلام الرعب ..

هل إقتربت "الكيكة" من السواء .. التى تم طبخها ليس على نار هادئة ولكن على رماد "الويكاب"

السؤال الصريح .. هل تم إنعقاد المؤتمر قبل إفتتاحه بأسبوع ؟؟؟

Post: #3
Title: الاجابة على رأفت ميلاد
Author: Amjed
Date: 01-28-2009, 11:29 AM
Parent: #1

لا

Post: #4
Title: Re: الاجابة على رأفت ميلاد
Author: رأفت ميلاد
Date: 01-28-2009, 11:33 AM
Parent: #3

لا
أمجد شكرآ على "لا" الواثقة .. هل من الممكن تدعيمها بكلمتين توضيحية؟

قال صاحبنا .. يعرف البعض ذهبوا للمؤتمر وعادوا قبل الإفتتاح !!!

Post: #5
Title: سلام يا رافت
Author: esam gabralla
Date: 01-28-2009, 11:42 AM
Parent: #1

سلام يا رافت
تعرف الحزب الشيوعى و باقي حركتنا السياسية الرمدانة دى فيها كثير يجب ان ينتقد ... بس ما بالطريقة المدورة الان قبل و بعد انعقاد مؤتمر الحزب الشيوعى ... و ما كنت اتمنى ان ارى لك قلم فيها ... يا رافت صاحبك كضاااااااب و شيلك القفة ده اذا اصلا في حاجة تستحق الرد ... واصلا حلاوة الاشاعة لما ما تطلع عبر مصدرها الاصلى لكن يفكوها لى زول عنده مصداقية و مقدر زى رافت

بعدين شوف منو الناقزين يبخسو بكل ما لديهم من المؤتمر ده؟ وكلك فهم

غلطة الشاطر

Post: #8
Title: Re: سلام يا رافت
Author: Elham abdelkhalig
Date: 01-28-2009, 11:49 AM
Parent: #5

Quote: سمعت بأن المؤتمر الشيوعى قد تم إنعقاده منذ أسبوع مضى .. وما كان إفتتاحه سوى فقاعة إعلامية .. وبالإتفاقة مع "الشعب" الشيوعى .. رسالة هلامية الى محكمة العدل الدولية .. عن ديمقراطية .. أو شيئ من هذا القبيل ..

الكلام دة صاح لكن ما من اسبوع ..

اخي رافت ...ليس العتب عليك انما علي من نقل هذا ...اذ انه ليس من المنطقي ان تناقش قضايا اربعين عاما في اربعة ايام .... اعتقد ان الاشاعة مفادها الجلسات التحضيرية ومؤتمرات الفروع الانعقدت قبل هذا التاريخ بكثير.

لك كل التقدير

Post: #11
Title: Re: سلام يا رافت
Author: رأفت ميلاد
Date: 01-28-2009, 12:36 PM
Parent: #8

Quote: تعرف الحزب الشيوعى و باقي حركتنا السياسية الرمدانة دى فيها كثير يجب ان ينتقد ... بس ما بالطريقة المدورة الان قبل و بعد انعقاد مؤتمر الحزب الشيوعى ...
كيفك يا عصام
أنا بصراحة متابع المدور كله .. وبينى بينك مغتاظ من تصريحات نقد المبهمة .. وزاد بيان الحزب للتوضيح الطين بله .. بيان غلافه إستنكار ومحتواه إدانة .. كان كمن فسر الماء كالماء .. وبيان نفد خرج فردى الإطار حزبى التبنى .. يعنى رؤية رنادية فى وقت الوضوح .. ياخى الترابى بتاع التمكين الما بخجل .. كبيرهم الذى علمهم السحر .. إختار الأسود والأبيض .. فى الزمن الصاح ..[/B
Quote: ] و ما كنت اتمنى ان ارى لك قلم فيها ... يا رافت صاحبك كضاااااااب و شيلك القفة ده اذا اصلا في حاجة تستحق الرد ... واصلا حلاوة الاشاعة لما ما تطلع عبر مصدرها الاصلى لكن يفكوها لى زول عنده مصداقية و مقدر زى رافت
أولآ ماكنت طرف من الحديث .. والحديث ماهو سر ولا بيانات لكوادر متخفية .. الحديث أمبارح فى بيت ناس عماد عويس ونحن فى العزاء .. وما تقول لى ما كلام صيوانات .. أنا سمعت حديث لم أشترك فيه .. أطلب التوضيح عشان نعرف نحن فى إشاعة ولا غير إشاعة .. والكلام .. وما أكذب عليك .. داعبنى .. خاصة الحضور الإعلامى وسط خيلاء الصادق .. و"حضور" أبو هاشم .. وثلة الأمن التى تلبس ثياب الملاك .. وتقول مصداقية يا عصام ..
Quote: بعدين شوف منو الناقزين يبخسو بكل ما لديهم من المؤتمر ده؟ وكلك فهم

غلطة الشاطر
مافضل فيها شطارة .. وبقينا نفتش فى الموازنات زينا زى الناس .. والله يستر [QUOTE

Post: #12
Title: Re: سلام يا رافت
Author: رأفت ميلاد
Date: 01-28-2009, 12:42 PM
Parent: #8

]اخي رافت ...ليس العتب عليك انما علي من نقل هذا ...اذ انه ليس من المنطقي ان تناقش قضايا اربعين عاما في اربعة ايام .... اعتقد ان الاشاعة مفادها الجلسات التحضيرية ومؤتمرات الفروع الانعقدت قبل هذا التاريخ بكثير

برضو بنسأل يا إلهام .. وياريت الحزب يتخطى الأربعين سنة .. ويظل معنا فقط فى الحاضر ومشكلة البلد لا غير

يا إلهام أنا ديمقراطى حتى النخاع .. لكن المرحلة تحتاج الحسم وليس اللون الضبابى .. ده شغل أحزاب الضبابية .. أقصد الطائفية ..

هل من الممكن موازنات الصادق المهدى تكون قدوة ؟؟

تحياتى يا إلهام عبد الخالق

Post: #6
Title: Re
Author: Amjed
Date: 01-28-2009, 11:44 AM
Parent: #1

يا رأفت اخبر صاحبك انه اما مدعي
او ان من يعرفهم لم يحضرو المؤتمر
فما هي الا تخرصات من صحف جهاز الامن (الرائد و اخر لحظة )

Post: #14
Title: Re: Re
Author: رأفت ميلاد
Date: 01-28-2009, 12:50 PM
Parent: #6

Quote: يا رأفت اخبر صاحبك انه اما مدعي
او ان من يعرفهم لم يحضرو المؤتمر
فما هي الا تخرصات من صحف جهاز الامن (الرائد و اخر لحظة )
جهاز الأمن كان حضور يا كرفس .. وجزء من "القعدة"

Post: #7
Title: هل تم إنعقاد مؤتمر الحزب الشيوعى قبل إفتتاحه بأسبوع ؟؟؟
Author: معاوية كرفس
Date: 01-28-2009, 11:46 AM
Parent: #1

.

Quote: هل تم إنعقاد مؤتمر الحزب الشيوعى قبل إفتتاحه بأسبوع ؟؟؟

لا لو بتصدقني يا رأفت ميلاد

Post: #9
Title: Re: هل تم إنعقاد مؤتمر الحزب الشيوعى قبل إفتتاحه بأسبوع ؟؟؟
Author: khaleel
Date: 01-28-2009, 11:55 AM
Parent: #7

رافت

تم عقد الموتمر قبل عشرة يوم وليس اسبوع

اسمع كلامي وما بكشف مصادري

Post: #17
Title: Re: هل تم إنعقاد مؤتمر الحزب الشيوعى قبل إفتتاحه بأسبوع ؟؟؟
Author: رأفت ميلاد
Date: 01-28-2009, 01:05 PM
Parent: #9

Quote: تم عقد الموتمر قبل عشرة يوم وليس اسبوع

اسمع كلامي وما بكشف مصادري
سلام يا خلى

هات الدليل .. أو أعتذر "زى ما بقول صحبى"

يا خليل .. الرؤية معتمة والواضح ما فاضح ونحن أحوج .. على أعتاب إنتخابات .. أيضآ نحلم أن نثق بها .. ومحكمة دولية .. الأمن شغال إعتقالات .. والديمقراطية معلنة عن مثراعيها .. والدليل مؤتر الشيوعيين زاتم فى قاعة الصداقة .. زى الإشترى مارسيدس وركب ليها مكنة هاى لوكس ..

إذا كنت تعنى ما تقول .. أرجو توضيحه

Post: #13
Title: Re: هل تم إنعقاد مؤتمر الحزب الشيوعى قبل إفتتاحه بأسبوع ؟؟؟
Author: رأفت ميلاد
Date: 01-28-2009, 12:48 PM
Parent: #7

Quote: لا لو بتصدقني يا رأفت ميلاد
كيفك يا كرفس ومشتاقين
معليش يا كرفس .. ما قصة بصدقك أو بكذبك ..

إجهاض سؤالى ده بموضوعية ومصداقية .. من دواعى سرورى .. بكون برصو فى أمل ..

مش كفاية تساقط الواحد تلو الآخر فى فخ المؤتمر الوطنى .. يتم سلخه ورميه للكلاب الضالة ..

الوجعة شديدة يا كرفس

Post: #10
Title: المؤتمر
Author: بخاري عثمان الامين
Date: 01-28-2009, 12:15 PM
Parent: #1

مؤتمر يعني شنو ؟؟؟
تمت مناقشات واسعة لاوراق المؤتمر
وبعدها تمت جلسات لاجازة المقترحات
وتم اعلان النتائج في المؤتمر الصحفي
واذاع الحزب قيادته بالاسم
بعد دا كلو اتعمل قبل ولا بعد دا بفيد
شنو ... ما يهم استاذ رأفت ان المؤتمر
قد انجز

Post: #15
Title: Re: المؤتمر
Author: Elham abdelkhalig
Date: 01-28-2009, 12:51 PM
Parent: #10

Quote: ]اخي رافت ...ليس العتب عليك انما علي من نقل هذا ...اذ انه ليس من المنطقي ان تناقش قضايا اربعين عاما في اربعة ايام .... اعتقد ان الاشاعة مفادها الجلسات التحضيرية ومؤتمرات الفروع الانعقدت قبل هذا التاريخ بكثير

اخي رافت ارجو ان تكون قد فهمت ماعنيه اعلاه وهو ..تلخيص لما كتبه الزميل بخاري ...
اي الجهات التي روجت لهذا وكعادة صحف الانقاذ واو اجهزته ..تدس معلومة نصف صحيحة وسط كم من الكذب الهائل ..

Post: #16
Title: Re: المؤتمر
Author: رأفت ميلاد
Date: 01-28-2009, 12:55 PM
Parent: #10

مرحب بخارى عثمان
Quote: مؤتمر يعني شنو ؟؟؟
تمت مناقشات واسعة لاوراق المؤتمر
وبعدها تمت جلسات لاجازة المقترحات
وتم اعلان النتائج في المؤتمر الصحفي
واذاع الحزب قيادته بالاسم
بعد دا كلو اتعمل قبل ولا بعد دا بفيد
شنو ... ما يهم استاذ رأفت ان المؤتمر
قد انجز
عداك العيب يا بخارى

يعنى جلسة المؤتمر ما كانت إفتتاحية؟

والفرقعة الإعلامية .. مش برضو إعلان لديمقراطية الدولة ..؟!

Post: #19
Title: Re: المؤتمر
Author: بخاري عثمان الامين
Date: 01-28-2009, 01:29 PM
Parent: #16

استاذ رأفت في الجلسة الافتتاحية
تم اذاعة تنويه ان جلسات المؤتمر
ستعقد في ايام الاحد ، الاثين والثلاثاء
ولان الحزب لايملك مالاً ستتم هذه الجلسات
في دور الحزب علي ان يتم اعلان النتائج
يوم الثلاثاء في مؤتمر صحفي وقد كان فهي
جلسة افتتاحية وليست ختامية

Post: #20
Title: Re: المؤتمر
Author: رأفت ميلاد
Date: 01-28-2009, 02:01 PM
Parent: #19

Quote: استاذ رأفت في الجلسة الافتتاحية
تم اذاعة تنويه ان جلسات المؤتمر
ستعقد في ايام الاحد ، الاثين والثلاثاء
ولان الحزب لايملك مالاً ستتم هذه الجلسات
في دور الحزب علي ان يتم اعلان النتائج
يوم الثلاثاء في مؤتمر صحفي وقد كان فهي
جلسة افتتاحية وليست ختامية
كدى مربع واحد يا بخارى .. اللغو بيقصد الجلسة الإفتتاحية فقط "فقاعة" إعلامية لمصلحة الإنقاذ .. والمؤتمر كان قد تمت فعالياته .. يعنى كلامك الأول كان أقرب من التأكيد

Post: #18
Title: ما فهمتك والله
Author: معاوية كرفس
Date: 01-28-2009, 01:26 PM
Parent: #1

.

العزيز/ رأفت

Quote: كيفك يا كرفس ومشتاقين
معليش يا كرفس .. ما قصة بصدقك أو بكذبك ..

إجهاض سؤالى ده بموضوعية ومصداقية .. من دواعى سرورى .. بكون برصو فى أمل ..

مش كفاية تساقط الواحد تلو الآخر فى فخ المؤتمر الوطنى .. يتم سلخه ورميه للكلاب الضالة ..

الوجعة شديدة يا كرفس

تصدق يا رأفت ما فهمت إنت قاصد شنو بالكلام دا

حاول أشرح لو تكرمت

لك الود

Post: #21
Title: Re: ما فهمتك والله
Author: رأفت ميلاد
Date: 01-28-2009, 02:08 PM
Parent: #18

سلام تانى يا كرفس
Quote: تصدق يا رأفت ما فهمت إنت قاصد شنو بالكلام دا
مافى مقاصد يا كرفس .. كلامك كان:
Quote: لا لو بتصدقني يا رأفت ميلاد
بقصد ليك داير أصدقك .. لكن ردك يكون مدعم للفائدة الكاملة .. يعنى تفاصيل مؤكدة أو منطقية

أما باقى الحديث كسرة كدى .. وقاصد بيه .. ياسر عرمان .. وعصام مرغنى .. وكل كوادر الحزب الإتحادى والشيوعى العملت داخل أروقة المؤمر .. بالواضح كدة ..

يا ريت أكون وضحت نفسى

Post: #22
Title: Re: هل تم إنعقاد مؤتمر الحزب الشيوعى قبل إفتتاحه بأسبوع ؟؟؟
Author: سيف الدين مصطفى كرار
Date: 01-28-2009, 04:23 PM
Parent: #1

هاهاهاهاهاهاهاهاها

الصادق المهدى والميرغنى مدرستين مختلفتين عن بعض.

ومختلفتين ايضا مع الحزب الشيوعى فى شى ما

لكن قيام اى حزب فى دولة ما يجب علية مراعات العمل لمصلحة الدولة والبلد

يعنى الكل يتفق فى مصلحة البلاد,وهذا هو اهم سبب لقيام او وجود تكتلات حزبية فى اى بلد.

وهذا هو السبب المباشر الذى دفعهم (السيد الصادق المهدى والميرغنى)لحضور اجتماع الحزب الشيوعى

اعتقد ذلك.

Post: #23
Title: Re: هل تم إنعقاد مؤتمر الحزب الشيوعى قبل إفتتاحه بأسبوع ؟؟؟
Author: رأفت ميلاد
Date: 01-28-2009, 05:06 PM
Parent: #22

Quote: Elham abdelkhalig

حاولت عدة مرات المداخلة مع إلهام عبد الخالق .. ما يظهر فى المداخة يختلف مع ما كتبت .. بل أيضآ المارجن فى مداخلتى ردآ عليها أعرض من الردود الأخرى .. حاولت مداخلة جديدة عليها .. لمشاهدتها قبل الرد ظهرت بلاوى ..

فى حاجة .. ولا دخلنى الوسواس

وإلهام دى موجودة ولا إسم وهمى؟؟

Post: #24
Title: Re: هل تم إنعقاد مؤتمر الحزب الشيوعى قبل إفتتاحه بأسبوع ؟؟؟
Author: Muhib
Date: 01-28-2009, 05:14 PM
Parent: #23

حاولت ارسال مسينجر ولكن.....
لقد عدت و يدك معي ..معزره علي التعليق خارج الموضوع...
لازلت اتلمس الطريق هنا...
لك وحشه سيدي