جابر جبر لمتين يلازمك فى حياتك نحس الشجن

جابر جبر انحس زول فى الدنيا , نحسو يعادى
ضاق الحال بجابر فقرر انو يسافر الصين يشتغل هناك مع صاحبو موفق ,اول ما وصل الصين لقى صاحبو رجع السودان . صاحبنا جابر راسو ضرب ولقى نفسو فى الصين بلا ماوى ولا قروش ولا بعرف لغة صينينة . وهو فى ضربة راسو دى ربك جاب ليهو صينى بتكلم عربى , حكى للصينى والصينى قال ليهو خلاص انا بشغلك معاى مقابل تاكل وتسكن فى المقابر . وافق جابر على العرض ده وبدا شغل ونهاية اليوم يمشى محل سكنو فى المقابر . بدا جابر فى تعلم اللغة الصينينة من خلال قراءة شواهد القبور وبدا يقرا الاسماء والعمر لكل ميت , وبدا يقرا تشو لو العمر ستة شهور , دوينغ جو العمر اربعة شهور ,تشينغ فو العمر سنة . اتحير جابر ودورها فى راسو وطوالى مشى للصينى المشغلو وقال ليهو انت الناس هنا بموتو صغار شديد ضحك الصينى وقال ليهو يعنى عشان لقيت الاعمار مكتوبة فى الشواهد دى .هنا ياجابر العر بنقيسو باللحظات السعيدة القضاها الانسان فى حياتو ما بالسنوات العاشها . ضحك جابر لمن بكى وقال للصينى كان كده انا لمن اموت جيبو ليكم لافتة كبيرة واكتبوا عليها هذا قبر المرحوم جابر جبر من بطن امو للقبر

********
جابر جبر استخدم البطن ككناية حيث اطلق الكل واراد الجزء

]جابر جبر الى السعودية
قرر جابر الهجرة الى السعودسة وبعد ما كمل الاجراءات كلم ابوه بمواعيد السفر ,عمك جبر قال ليهو ياولدى انا ما متفائل ليك لانو انت كل شى بتتنحس عليك لكن الله يوفقك . يوم السفر من الساعة اربعه صباح غادر جابر وابوه للمطار رغم انو مواعيد الطيارة الساعة 10صباح لكن عمك جابر كام خايف ومتحسب لاى حاجة . اقلعت الطيارة ونام جار وهو يحلم بالمستقبل لكن صحى على صوت المضيفة وهى تعلن عن ربط الاحزمة للهبوط فى مطار الخرطوم سال الجنبو وقال ليهو خرطو م شنو نحن ماشين الرياض فاجابه بانو لمن الطيارة وصلت قريب الرياض اكتشف الكابتن انو الاطار الامامى يحتاج الى تغيير وطلبو منه العودة للخرطوم لانهم جهزو المطار للحالة دى خاف جابر ومشى للكابتن وطلب منه اعطاءه فرصة لتغيير الاطر فى الجو لانه لو رجع الخرطوم لازم يكون فى عارض راجيهو ,فسمح له الكابتن بذلك , وبعد جهد جهيد استطتاع ابدال الاطار والقى الاطار المستبدل وكانت فى هذه الاثناء الطائرة تحلق فى سماء الخرطوم رجع جابر الى داخل الطائرة وسط تصفيق الركاب وواصل نومو . هبطت الطائرة فى الرياض ومشى جابر الى منزل زميله وبعد السلام اخبره زميله بوفاة والده جبر قبل ساعة ورجع جابر للسودان فى نفس الطائرة واول ما وصل منزلهم سال والدته وقال ليها شنو ياامى ابوى ده مالو ما كان شديد الحصل شنو قاجابت والدته قائلة والله ياجابر ابوك بعد ما رجع من المطار وصلك طلع عنقريبو فى الضل ونام وبعد شوية سمعنا صوت حاجة وقت من السماء لقينها لستك طسارة وقع فيهو ومات فى الحال
*******
بكى جابر وقعد يولول ويقول ياخوانا فى نحس اكتر من كده

جابر والامم المتحدة
قرا جابر اعلان فى احدى الصحف عن قيام برنامج تدريبى باحدى المنظمات التابعة للامم المتحدة والاستمارات تملا وتقدم لمكتب الشئون الانسانية وفترة التقديم اسبوع , ذهب جار للاستفسار فاخروه ان التقديم يبدا الثامنة صباحا وينتهى فى التاسعة ويتم فى اليوم استلام عشرين استمارة . قرر جابر ان يحضر غدا صباحا وكان يسكن فى جبل اولياء لكن فى هذا اليوم ذهب مع صديقه الى الكلاكلة .
استيقظ جابر قبل الاذان الاول ولبس ملابسه وتوكل لى الله وادى الفريضة واتجه صوب الشئون الانسانية عند وصوله كانت الساعة تمام السادسة والنصف , وقف اما م مكتب استلام الاستمارات وانتظر زهاء الساعتين حتى حضور الموظف المسؤل وعند حضور الموظف وقبل ان يطلب جابر استمارة قال له الموظف ناسف لقد اكتفت المتظمة بالعدد الذى قدم امس وانته التقديم نتمنى ليك حظ اوفر