Post: #1
Title: [B]بروفبسور فرح حسن ادم في مركزية الشيوعي[/B]
Author: Badreldin Ahmed Musa
Date: 01-28-2009, 08:35 AM
انا فرحان
رصانة العلم و التواضع
القومة ليك يا دكتور
وينك يا انعام سعد؟ تعالي افرحي معاي
وكما اهنئ صدبقنا و زميلنا محي الدين الجلاد
Quote: / محمد إبراهيم نقد
2/ صديق يوسف
3/ يوسف حسين
4/ تاج السر عثمان ( بابو)
5/ تعبان فورلي
6/ صالح محمود صالح
7/ نعمات كوكو
8/ عبد القادر الرفاعي
9/ محمد عبد القادر هلال
10/ سيد أحمد الخطيب
11/ النعمة النعيم
12/ منّ الله عبد الوهاب
13/ فرح حسن آدم
14/ جوزيف موديستو
15/ التجاني الطيب بابكر
16/ نور الصادق العوض
17/ صدقي كبلو
18/ ولسون كير
19/ علي الكنين
20/ آمال جبر الله
21/ بثينة الخرساني
22/ الحارث التوم
23/ الشفيع خضر
24/ سليمان حامد
25/ علي خليفة
26/ محمد مختار الخطيب
27/ نعمات مالك
28/ محمد سليمان محمد
29/ ميرغني عطا المنان
30/ حاتم قطان
31/ عبد الجليل عثمان
32/ بشري عبد الكريم
33/ التوم النتيفة
34/ حسن العبيد
35/ سعاد إبراهيم أحمد
36/ عبد الحميد علي
37/ هنادي فضل
38/ محي الدين الجلاد
39/ إسماعيل سليمان
40/ أسامة حسن
41/ عبد الجليل الشيخ |
|
Post: #2
Title: Re: [B]بروفبسور فرح حسن ادم في مركزية الشيوعي[/B]
Author: Badreldin Ahmed Musa
Date: 01-28-2009, 08:56 AM
Parent: #1
بروفبسور فرح حسن ادم
هو العميد الاسبق لكلية الزراعة بجامعة الخرطوم
و استاذ كرسي السياسات الزراعية
انتخبه اساتذة الكلية للعمادة و احدث تغيرات جوهرية في الكلية
اقصته الانقاذ من العمادة
|
Post: #3
Title: بروفبسور فرح حسن ادم في مركزية الشيوعي
Author: SAIF MUstafa
Date: 01-28-2009, 07:02 PM
Parent: #1
بدر الدين
كيفك
ياسلام ياخى
برفسور فرح من أعظم مفكرى الأقتصاد فى السودان... وأعتقد إن ماكتبه خصوصا الورقة اللى قدمها فى المؤتمر ألأقتصادى بعد الأنتفاضة تضع الأساس لحل مشاكل التنمية فى السودان..
زمان ورغم إعجابى بى كتاباته وطريقة إدارته للكلية كنت بعتبر إنو مرات مرن أكتر من اللازم خصوصا فى مواجهة الصلف من الأخرين.....ولكن بعد جينا البلد دى وتابعنا السجال النظرى بخصوص العولمة الأقتصادية وقع لى تمامأ أنو ألأقتصاد اللبرالى عندو مليون وجه والعاقل يميز...
أسمع...هو عليك الله الزمن دا كلو برفسور فرح وصالح محمود ما أعضاء مركزية ؟ طيب اللجنة المركزية دى أصلو كان فيها منو ؟
التهانى موصولة لأستاذنا برفسور فرح وصالح محمود ولمحى الدين الجلاد....
ولك الود
سيف
|
Post: #4
Title: Re: بروفبسور فرح حسن ادم في مركزية الشيوعي
Author: Inaam Saad
Date: 01-28-2009, 10:37 PM
Parent: #3
سلامات يا بدر
كيفك والأسرة الكريمة
رأيت هذا البوست قبل قليل
نعم يا بدر نفرح وأي فرح!
"نفرح فرح... ونحلم حلم" كما قال محجوب شريف
فرحت حتى بكيت يوم السبت وأنا أتابع بالتلفون من القاعة
مبروك لأستاذي بروفسر فرح حسن آدم
Quote: رصانة العلم و التواضع
القومة ليك يا دكتور |
وألف مبروك لنا العقول العظيمة التي احتوتها القيادة الجديدة
وتحية لمحي الدين الجلاد
سلامات يا سيف يا تعيس..وين اراضيك
|
Post: #5
Title: Re: بروفبسور فرح حسن ادم في مركزية الشيوعي
Author: Badreldin Ahmed Musa
Date: 01-28-2009, 11:29 PM
Parent: #4
سيف مصطفى
سلام
انا طبعا اخر زول يكون عارف منو في اللجنة المركزية. لسبب لا اعرفه، ليس لي اي فضول في معرفة تفاصيل بتلك الدقة.
اتذكر قصتي مع اخونا و صديقنا الحسين الياس في الكلية ابان الانتخابات بعد الانتفاضة: بعد ان عرف فوز دكتور عزالدين علي عامر جاء الى غرفتي بعد الساعة الثانية صباحا في الداخلية و معه مجموعة من طلاب المؤتمر ليهنؤنني بفوزه، كنت نائم، فصاح حسين مبروك عزالدين علي عامر فاز، لدهشته رددت عليه: عزالدين دا منو؟ و كنت فعلا لا اعرف من هو عزالدين علي عامر، طبعا نحن جيل مايو لم نكن نعرف.
غالبا يا سيف تكون لبروفيسور فرح حسن ادم علاقة باللجنة المركزية السابقة، على الاقل في اللجنة الاقتصادية.
|
Post: #6
Title: Re: بروفبسور فرح حسن ادم في مركزية الشيوعي
Author: Badreldin Ahmed Musa
Date: 01-28-2009, 11:38 PM
Parent: #5
انعام
سلام
انا لسع محاربك لكن فرحتي بدكتور فرح حسن ادم خلتني اندهك!
الاسرة الكريمة بتسلم عليك،
خاصة، حبوبة، مرات من غير مناسبة تقول لي، بابا وين خالتو انعام؟
طبعا احسن ما تعرفي ردي!!!!!
بالمثل نحي اسرتك الكريمة،
ولو عندك طريقة، يوم تعالوا لينا
|
Post: #7
Title: عزالدين دا منو؟
Author: esam gabralla
Date: 01-28-2009, 11:43 PM
Parent: #1
| Quote: رددت عليه: عزالدين دا منو؟ |
شرطت عينا ياخى
وين كيكي يضايرك شوية
البروف يستاهل علم و شخصية ... لو ما البلد سجمانة زيو مفروض يكون بخطط ليها .... غايتو ... صاحبنا الجلاد عملها ... عندنا واسطة بعد ده
|
Post: #8
Title: Re: عزالدين دا منو؟
Author: Badreldin Ahmed Musa
Date: 01-28-2009, 11:58 PM
Parent: #7
عصام جبرالله
سلامات ياخ
مش بالله،
عيبة الشوم!
لكن صاحبك كيكي دا اليومين ديل ما بضاريني، ياخ قريبي دا مديني ثلاثة ثمبس داون!!!
يا عصام،
ما تاكلنا حنك، انت بقيت و اسطتك قوية خالص
دكتورة امال و الجلاد
تاني نتضارى بي حواك
عقبال ليك في السادس
|
Post: #9
Title: Re: عزالدين دا منو؟
Author: Inaam Saad
Date: 01-29-2009, 01:34 AM
Parent: #8
سلام تاني يا بدر
وفيها الخير والله حبوبة
وتحياتي الكثيرة لهاوللحلوين الصغار
وإنشاء الله قريباً تلقونا قدام الباب
|
Post: #10
Title: Re: عزالدين دا منو؟
Author: Hisham Osman
Date: 01-29-2009, 06:16 AM
Parent: #9
بدرالدين
تحياتي
تعرف انا كمان فرحت جدا, رغم اني لاقيت بروف فرح فقط لمدة ساعتين
في اواخر التسعينات, كناطلاب طب بنحضر لقافلة صحية, وكان في صراعات
مع جمعيات كيزانية تحاول الهيمنة علي عمل رابطة كلية الطب, وجانا
استدعا من مكتب الامن في بحري جنب موقف شندي , وبينما نحن منتظرين
في الاستقبال, دخل بعض الامنجية وفي معيتهم رجل بسيط في مظهره ,بدا
اقرب الي فئة العمال منه الي الافندية, وكان بالاستقبال لحظة دخوله عدد
كبير من ضباط الامن كان معظمهم من الزراعيين الذين استوعبهم سيئ الذكر
نافع في جهاز الامن وماان راي البروف حتي صاح فيهم متهكما:
(كلكم بي جاي, انتو انحنا قريناكم جاسوسية?), بعد ذلك عرفت منه كان
عميد كلية الزراعة لفترة طويلة, وانو الامنجية ديل كلهم من طلابه
|
Post: #11
Title: Re: عزالدين دا منو؟
Author: Badreldin Ahmed Musa
Date: 01-29-2009, 06:27 AM
Parent: #9
|
Post: #12
Title: Re: عزالدين دا منو؟
Author: Badreldin Ahmed Musa
Date: 01-29-2009, 06:27 AM
Parent: #9
انعام
سلام
وإنشاء الله قريباً تلقونا قدام الباب
انت عارفة وعدك دا، زي مواعيد واحد صاحبنا زمان
بعد ما اتخرجنا، مشيت مكتب الطلبة لفترة صغيرة، وكان على توصيل معلومات ووثائق ليه عشان يكتب تقرير.
قال لي، قابلني جمب نادي الاساتذة الساعة تلاتة، واذا ما لقيتني، تعال امكن تلقاني في ابوجنزير الساعة خمسة و اذا ما لقيتني تعال لي في البيت الساعة تمانية ونص.
اتخيلي، مشيت نادي الاساتذة و ابو جنزير و بيتهم، و ما لقيته، وجدته تارك لي مذكرة انه حايرجع الساعة عشرة، اذت قدرت انتظره!!!!
لم انتظره، وفي اول ت اجتماع بعد ذلك، طلبت تخفيضي، للتفرق للدراسة.
النهاية السعيدة: الزول داك بقي حق، ان شاء الله يضوي ليهم
دحين يا انعام اننا نلقاك على الباب دي عايمة شديد!!!
تلفونا5307599452
اذا نسيتي
|
Post: #13
Title: Re: عزالدين دا منو؟
Author: Badreldin Ahmed Musa
Date: 01-29-2009, 06:47 AM
Parent: #12
هشام عثمان
سلامات
انت عارف تواضع دكتور فرح رفعه درجات ودرجات في نفوسنا كطلاب.
مرة مشبنا انا و زمبل- حسن عطية- عشان نطلب منه يتبرع لينا، بعد ما ادانا الفيها النصيب، قال لينا:
انتو ولدي دا مالكم مأخرين طلبه عشان ينضم للجبهة الديمقراطية؟
اخبرناه اننا ما عارفين، لكن حنشوف!
اتخيل، دا لو زول تاني، كان جاب ولده بالتعيين و من فوق.
|
Post: #14
Title: للبروف
Author: Salwa Seyam
Date: 01-29-2009, 07:29 AM
Parent: #1
| Quote: النهاية السعيدة: الزول داك بقي حق، ان شاء الله يضوي ليهم |
بدرالدين ... قول النصيحة انت عايز تقول ان شاء الله يشرهم زي ..
just kidding
..
..
..
التحية للبروف ومبروك للحزب بيه ..
سلام يا انعام وسيف والجميع ..
|
Post: #15
Title: [B]بروفبسور فرح حسن ادم في مركزية الشيوعي[/B]
Author: SAIF MUstafa
Date: 01-29-2009, 05:34 PM
Parent: #1
بدر
كيفك
قلنا نكرم زوارالبوست دا بى حاجة من طرف البروف.
الوصلة التحت دى فيها دراسة حديثة البروف أحد مؤلفيها.... وكل الناس العايزين يفهموا أسباب الحاصل فى دارفور وتحليلها حقوا يقروا الورقة دى مرات ومرات ..خصوصا أشباه المناضلين من بقايا الدبابين.....
وزى ماقلت فوق يابدر الداير يحل مشاكل التنمية فى السودان لاغنى له عن كتابات البروف حتى مايسمى بالأمم المتحدة صاحبة الدراسة الفى الوصلة..
http://www.sd.undp.org/publications/rrbc/Share%20The%20...t%20The%20Nation.pdf
مع أحترامى لهذا العظيم وأمنياتى أن يعرفه كل السودان كما عرفه أهل مجاله...بالمناسبة أيام أنتخابه لأدارة كلية الزراعة الجماعة المحسوبين على الكيزان تحت تحت صوتوا ليه .....
لك الود
سيف
|
Post: #17
Title: Re: [B]بروفبسور فرح حسن ادم في مركزية الشيوعي[/B]
Author: Badreldin Ahmed Musa
Date: 01-29-2009, 06:39 PM
Parent: #15
سلوى صيام
سلام
| Quote: بدرالدين ... قول النصيحة انت عايز تقول ان شاء الله يشرهم زي .. |
ايوة يا سلوى، شالوا البودا.
--------------
البودا لمن لا يعرف، نبات طفيلي، يربط نفسه بالنبات و يمتص رحيق الحياة منه. له زهرة بنفسجية جميلة جدا تعجب الناظرين، لكن ضررها عظيم و يصعب القضاء عليها.
|
Post: #18
Title: Re: [B]بروفبسور فرح حسن ادم في مركزية الشيوعي[/B]
Author: Ameer Farouq
Date: 01-29-2009, 07:26 PM
Parent: #17
إزيكم يا حلوين
التحية والتجلة لهؤلاء الصامدين..
القابضين
على جمر
قضيتنا.. و
أوجاع هذا الوطن المكلوم
أحييهم وهم
لا يألون
جهداً.. في سبيل خلاصنا
أقف لهم إجلالاً وإكباراً
وأهنيكم جميعاً بهم..
و
أهنيهم بكم
دمتم ودام الحزب الشيوعي السوداني
أبداً قوياً ومتصدراً قضايانا
سيف التعيس.. هل ما زلت تمارس التعاسة من خلال (تحت تحت) القلتها في تعليقك التاني ولا شنو.. لك الحب والأيام النواضر..
مدد.. يا ود جبرالله..
وشكراً بدر..
و...
السودان
جميل
رغم
كل
أحبكم
|
Post: #19
Title: Re: [B]بروفبسور فرح حسن ادم في مركزية الشيوعي[/B]
Author: Badreldin Ahmed Musa
Date: 01-30-2009, 04:37 AM
Parent: #18
امير فاروق
ابها الصديق، سلام
با امير،
سيف فارق التعاسة من ما خلى الزراعة، سبف اصبح احد محامي امريكا!
التحايا ليك و الاسرة
اخبار ناس الرفاعي و يوسف سعيد و باشريك شنو؟؟؟
|
Post: #20
Title: Re: [B]بروفبسور فرح حسن ادم في مركزية الشيوعي[/B]
Author: SAIF MUstafa
Date: 01-30-2009, 08:19 AM
Parent: #19
أمير فاروق
ياخى وين أنت ...
أنا السنين دى كلها أسأل عنك زى الضهبان...
أتمنى ليك ولأسرتك كل الخير..وأمانة فى رقبتك سلم على عماد وحنان... ويا حليل أيامكم يا صديق..
أنعام وسلوى
شكرأ على التحايا....
ولكم جميعا أجمل التهانى.
سيف
|
Post: #21
Title: Re: [B]بروفبسور فرح حسن ادم في مركزية الشيوعي[/B]
Author: Ibrahim_Elhag
Date: 01-30-2009, 08:39 PM
Parent: #20
اجمل ما في البوست دا أنو بجمع أحلي ناس الواحد عرفهم في الايام الخوالي وما زال عبق تلك الذكريات جوه الجوف:
لكم مني جميعا حب وحنين كثير :
بدر وامير و انعام وعصام وسيف وسلوي.
والتحيه عبركم لنجاح المؤتمر الخامس ونتمني ان يعود الحزب اكثر تفاعلا وتاثيرا علي قضايانا المعقده.
بالمناسبه انتو الجلاد دا شلكه مركزيه من زمن سكرتاريه الجبهه وخلفة ايديه البي وراء ديك، مش كدا.
له التحيه وزول ممكن يحدث تغيير في طريقة العمل لتجربته الطويله.
ابراهيم
|
Post: #22
Title: Re: [B]بروفبسور فرح حسن ادم في مركزية الشيوعي[/B]
Author: Inaam Saad
Date: 01-30-2009, 09:07 PM
Parent: #21
سلامات يا ابراهيم
| Quote: بالمناسبه انتو الجلاد دا شلكه مركزيه من زمن سكرتاريه الجبهه وخلفة ايديه البي وراء ديك، مش كدا. |
يا هو محي الدين الزمان داك زاتو
والشكر لطلال عفيفي على هذه الصورة
|
Post: #23
Title: Re: [B]بروفبسور فرح حسن ادم في مركزية الشيوعي[/B]
Author: Badreldin Ahmed Musa
Date: 01-30-2009, 09:26 PM
Parent: #22
ابراهيم الحاج
سلام
ياخ و الله انت اطعم و احسن زول
شنو من التلفون داك و ما سمعنا منك؟؟
ايوة يا ابراهيم، نتمنى ان الحزب يحتل موقعه الطبيعي في السياسة السودانية. البشارة، انو ناس الجلاد في القيادة الان، اتوقع اعلى درجات الانضباط.
[email protected]
|
Post: #24
Title: Re: [B]بروفبسور فرح حسن ادم في مركزية الشيوعي[/B]
Author: Badreldin Ahmed Musa
Date: 01-30-2009, 09:34 PM
Parent: #23
انعام
سلام
انت عارفة، شفت صورة الجلاد في بوست طلال و قلت لي نفسي: ياخ انا لسع فيني النور مجرور!
ممكن براحة الواحد يقول لمحي الدين، عمي الجلاد!!!
انتو اخبار ابراهيم فتح الرحمن شنو؟
|
Post: #25
Title: Re: [B]بروفبسور فرح حسن ادم في مركزية الشيوعي[/B]
Author: طلال عفيفي
Date: 01-31-2009, 04:50 AM
Parent: #24
الأعزاء بدر الدين وإنعام
وبقية الأصدقاء ..
ديل صورتين تاني للعزيز محيي الدين
|
Post: #26
Title: Re: [B]بروفبسور فرح حسن ادم في مركزية الشيوعي[/B]
Author: Ahmed Elyas
Date: 01-31-2009, 05:19 AM
Parent: #25
مبروك لأستاذي بروفسر فرح حسن آدم
والتحية لبدر وسيف وانعام
دوما رائعة ارض بلادي
|
Post: #27
Title: Re: [B]بروفبسور فرح حسن ادم في مركزية الشيوعي[/B]
Author: Badreldin Ahmed Musa
Date: 01-31-2009, 07:11 AM
Parent: #26
طلال عفيفي
الفنان المرهف
سلام
شكرا ليك يا ملك
صورة الجلاد لا تقدر بثمن.
ما عندك صورة لدكتور فرح حسن ادم كمان؟ :D :D
انا طماع مش كدة؟ :D
|
Post: #28
Title: Re: [B]بروفبسور فرح حسن ادم في مركزية الشيوعي[/B]
Author: Badreldin Ahmed Musa
Date: 01-31-2009, 07:19 AM
Parent: #27
أحمد الياس
سلامات ياخ
مش بالله انه البروف يكون قايد الرسن مفرح
نبارك ليك السمح،
مبروك المولود او المولودة الجديدة، ليه ما وريتنا ياخ؟ عرفت من البروفايل هسع دي!
|
Post: #30
Title: Re: [B]بروفبسور فرح حسن ادم في مركزية الشيوعي[/B]
Author: هاشم الحسن
Date: 01-31-2009, 07:01 PM
Parent: #29
سلام يا شباب
و تحية إلى جبهة (ش ش)
كيفتوني قلت أبشِر معاكم و لو بالتنقير على الماوس
و حرّم يا إنعام ما تقولي حاجة!
و الله مبروك يا بدر و الرفاق و الرفيقات
وشكرا يا سيف على رابط الدراسة.
بالمناسبة، محمد سليمان المنتخب إلى اللجنة دا هو زاتو الكتب (حروب الموارد و الهوية)؟؟؟ يا ريت و الله!
و مبروك.... بسطتونا تب!
|
Post: #31
Title: Re: [B]بروفبسور فرح حسن ادم في مركزية الشيوعي[/B]
Author: Inaam Saad
Date: 02-02-2009, 01:32 AM
Parent: #30
أبشر بالخير يا هاشم اخوي
وفرحتك لي فرحنا محرية فيك
عشت يا صاحب
وعن "السودان حروب الموارد والهوية"
مؤلف الكتاب هو الباحث الدكتور محمد سليمان محمد الأستاذ السابق بجامعتي الخرطوم وجوبا، وحالياً يدير (Institute For Africa Alternatives)، وهو أحد أهم مراكز دراسات النزاعات في أفريقيا وأساليب فضها اما عضو اللجنة المركزية حسب علمي هو المهندس محمد سليمان وهو داخل الوطن لكن كما تعلم كلاهما من نفس الحلم "بوطن خيّر ديمقراطي" تعدد الهوية فيه نعمة ما نغمةوثروة ماوقود للحروب
قول يا لطيف
|
|