Post: #1
Title: ياهكوري يا اخوي كدة تعال بيجاي
Author: فدوى الشريف
Date: 01-28-2009, 07:28 AM
Parent: #0
ممكن تجاوبني؟..
عارف.. كم واحد سوداني من أهلك قاعد في بلد بعيدة وبقرا اخبار السودان من الموقع دا؟
عارف.. كم واحد سوداني من أهلك بتواصل مع اصحابو من الموقع دا؟
عارف.. كم واحد اتعرف على شريكة حياتو هنا؟
عارف..كم واحد محتاج عملية جراحية ولمو ليهو قروش في الموقع دا
عارف..كم واحد متواصل مع عمل الخير من الموقع دا
عارف..الموقع دا بقى مشهور ليه؟
عارف..كم زول بكره الموقع دا؟
بتحترم عمك؟ بتحترم خالك؟ بتحترم اختك؟ بتحترم أخوك الكبير؟ بتحترم أخوك الصغير؟ بتحترم صاحبك؟
يعني الناس دي كلها ما عندها موضوع؟
ياخي فيهم استاذ الجامعة البدرسك وفيهم الدكتور البعالجك وفيهم الصحفي البنقل ليك الخبر وفيهم وفيهم
وفيهم عمك وفيهم خالك وفيهم اختك وفيهم اخوك الكبير وفيهم اخوك الصغير وفيهم صاحبك
يعني الحكاية ما بكري ، بكري دا فاعل خير ما اكتر
الموقع دا حق الناس الفوق ديل
اختك فدوى
|
Post: #2
Title: Re: ياهكوري يا اخوي كدة تعال بيجاي
Author: A.Razek Althalib
Date: 01-28-2009, 07:37 AM
فدوى بت الشريف
تحية طيبة..
إنتي صدقتي حكاية الهكر دي ولا شنو..؟
أكسبي زمنك ـ الزبد يذهب جفاء يا غالية..
في زول بيحاور ليهو خيال مآتا..
قال هكوري قال..
|
Post: #3
Title: Re: ياهكوري يا اخوي كدة تعال بيجاي
Author: فدوى الشريف
Date: 01-28-2009, 07:42 AM
Parent: #2
عبدالرازق كيفك يا اخوي
كنت مصدقة
لكن هسي عندي كلام تاني
تابع معاي
|
Post: #4
Title: 5
Author: Deng
Date: 01-28-2009, 08:35 AM
يا فدوى.
الهاكر ده مش تبعكم?
ولا القصة بقت علي وعلى أعدائي?
دينق
|
|