Post: #1
Title: تبارك , إت هايج كدا مالك!
Author: Marouf Sanad
Date: 01-28-2009, 00:53 AM
Parent: #0
تبارك
يا صاحبي
إت هايج كدا مالك!
|
Post: #2
Title: Re: تبارك , إت هايج كدا مالك!
Author: Marouf Sanad
Date: 01-28-2009, 00:54 AM
Parent: #1
بارك الله في رجل بارك وتبارك وتخارج
|
Post: #3
Title: Re: تبارك , إت هايج كدا مالك!
Author: mutwakil toum
Date: 01-28-2009, 01:12 AM
بارك الله في رجل بارك وتبارك وتخارج
يا معروف أعمل معروف . بارِكا..
تبارك لو ما برك فيها مااا ببقى..
مهم..
|
Post: #4
Title: Re: تبارك , إت هايج كدا مالك!
Author: عبدالعزيز حسن على
Date: 01-28-2009, 01:34 AM
Parent: #3
يا معروف
تذكرت( بالمناسبة هذه الايام لاحظت انني اكثر من استخدام تذكرت يظهر ان الكبر دخل ما علينا) المهم تذكرت قصة الصحفي الذى ارسل لتغطية الحرب الاهلية في لبنان ومجرد ان وضع امتعته فى الفندق سمع اصوات مدفعية ثقيلة وتبادل النيران فاسرع الى بهو الفندق مذعوراً ليجد رفاقه الذين سبقوه الى بيروت فى حالة استرخاء بعضهم يلعب الورق والاخر يحتسى ما بوجب حد الجلد
فصاح فيهم الحاصل شنو في ضرب نار
فتبرع احداهم بالاجابة يا صاح هذا هو الوضع الطبيعى هنا، نحن نخاف عندما يتوقف اطلاق النار
فدحين يا معروف يااخوي الهياج حالة طبيعية لدفعتي تبارك
استغربت من بعض الاصدقاء عندما اعتقدوا ان تبارك غير مبسوط بانعقاد المؤتمر الخامس وطالبوه بالفرحة معهم
من قال لهم ان تبارك زعلان !
الحقيقة هو فرحان اكثر منهم لكنه فنان وحساس ومختلف
وهو مثل ابوذر يهيج وحده ويفرح بطريقته وفي النهاية هو تبارك الذى بيده الجك
المهم
|
Post: #5
Title: Re: تبارك , إت هايج كدا مالك!
Author: Marouf Sanad
Date: 01-28-2009, 01:35 AM
Parent: #3
| Quote: تبارك لو ما برك فيها مااا ببقى.. |
يا متوكل,
توكل وتوكأ عصاك وارجى الراجياك
ليته برك, فالبركة (بتسكين الراء), سكون
اما الهياج, فهو حراك وعراك
|
Post: #6
Title: Re: تبارك , إت هايج كدا مالك!
Author: Marouf Sanad
Date: 01-28-2009, 01:55 AM
Parent: #5
| Quote: من قال لهم ان تبارك زعلان ! |
يا عبدالعزيز
تصدق وتآمن,,
انا كان عندي حبة شك ان تبارك ما زعلان
ولكنو رايحا ليهو حاجة!
ولعل هذا ما جعلني أصف حالته بالهيجة وليس الزعل
|
Post: #7
Title: Re: تبارك , إت هايج كدا مالك!
Author: تبارك شيخ الدين جبريل
Date: 01-28-2009, 01:59 AM
Parent: #6
| Quote: بارك الله في رجل بارك وتبارك وتخارج |
تهنئة للحزب وبكرى .....
.. المهم ...
|
Post: #8
Title: Re: تبارك , إت هايج كدا مالك!
Author: Marouf Sanad
Date: 01-28-2009, 04:35 AM
Parent: #7
تبارك
ياخي بوستيك الاخير دا كويس
كنت تقول كدا من الاول
| Quote: ويقول "التسمية" ما بتغيّر حاجة (مشيراً إلى تسمية الحزب الشيوعى) |
والاقتباس الجبتو في بوستك دا, وكما سمعته ايضا من خطاب الاستاذ نقد, كان سمحت لينا نهيج معاك شوية-بعد التهاني- لكن فعلا ما لافق لسببين في نظري
اولا لأن التسمية فعلا بتغير حاجة في حالة الحزب الشيوعي السوداني بالتحديد
لأن القصة ما اسم يافطة ساكت ذي لمن تقول الوطني أو القومي أو السوداني, وانما, أي الشيوعي, مسما له دلالاته واستحقاقاته.
ثانيا: حزب مثل الحزب الشيوعى الاصلا مارق للتغيير ما حقو يقول الناس ديل ما بغيرو مفاهيمهم, عشان كدا حقو ما نتعب رقبتنا ساكت!
وبرضو ما تهيج يا ترابك :)
|
Post: #9
Title: Re: تبارك , إت هايج كدا مالك!
Author: تبارك شيخ الدين جبريل
Date: 01-29-2009, 05:31 AM
Parent: #8
دا نقد لى موقف محمد ابراهيم نقد يا معروف؟
Quote: اولا لأن التسمية فعلا بتغير حاجة في حالة الحزب الشيوعي السوداني بالتحديد لأن القصة ما اسم يافطة ساكت ذي لمن تقول الوطني أو القومي أو السوداني, وانما, أي الشيوعي, مسما له دلالاته واستحقاقاته.
ثانيا: حزب مثل الحزب الشيوعى الاصلا مارق للتغيير ما حقو يقول الناس ديل ما بغيرو مفاهيمهم, عشان كدا حقو ما نتعب رقبتنا ساكت! |
ولاّ نقد لى انا؟ حقيقى ما فهمتك!
لأنو الشيوعيين ديل كان عندهم نقاشات شفافة (هم بقولوا "مفتوحة" وهى "مقفولة") حول مسألة الإسم ... وانا ما كنت طرف فيها ... النقاشات الفى المنبر هنا وقفت فى حد إنى "تصفوى يسارى" حسب تصنيفى الشخصى (بما أن تصنيف الحزب بتاع "اليمين التصفوى" ما بنطبق على)
. المهم ...
|
|