لحن الفصــول ...

إتاوقى الروح المعاك ..
أبعد مكان أتشرفى ..
حتى الحواس ماتخلى شى
أيه تلقى غيرك فى البعيد
متوسده الوجدان براك ..
متوهِّطه القلب الوفى
قلبى المودّر فيك معاك ..
إتقريفى ..
أقلِّيهُ بن واتكيفى ..
يلا اطربى .. يلا احتفى
شدِّى العصب .. غنِّى اعزفى
لحن الفصول الأربعه جوايا فى
دوبى الشتا .. نمى الربيع
فى الدم خريفك خرِّفى
راقصى المطر واتشبَّلى ..
وإن دُرتى صيفك صيِّفى
واضارفى لا تسرحى ..
أبعاد ملامحك فى البعيد
تضارا منى وتختفى ..
من لون دمايا وشهقتى ..
من بين مسامى وبشرتى ..
إختارى طقسك واصطفى
إتمّعنى الريد المعاى ..
تلقيه ظاهر وما خفى ..
يوماتى بتقال فى غناى ..
عايش عليهُ ومكتفى ..
إن دُرتى ترحلى يا مناي ..
جوه العيون .. أو فى دماى
أحسن معاكى تستفى ..
غيرك براك ما عندى شى ..
قلبى ومعاك ..
لى أى غايه توظِّفى .

أخشي..

.
.
.



أبعاد ملامحك ..

فى البعيد ..

تضارا منى وتختفى ..




أخاف..

لحن الفصول الأربعه ..

كيف عصفك وعزفك اليوم..

وصاحبنا صاحب (عرس الزين)..

الطيب صالح ..

عليه شآبيب الرحمة هناااك..

في ملكوت الله..


يا لحزني