Post: #1
Title: وكالة كانون للسفر والسياحه
Author: Teeta
Date: 01-22-2009, 07:14 AM
لقد يسر لنا ربنا امر الحج هذا العام انا واخواتى بدور وسميه واخوى الفاتح وزوجتو تقبل الله حجنا وجعله حجا مبرورا وسعيا مشكورا امين
وما اود ذكره اليوم هو ما قامت به وكالة كانون للسفر والسياحه والله بالغوا عديل وانجزوا ما وعدوا وعملوابكل ما اوتوا من قوه وامكانيات لراحة الحجيج فى كل المرافق والمواقع خاصه فى منى التى كثيرا ما تفلت فيها الاداره من ايدى المديرين لتدخل السلطات السعودبه فى كثير من الامور
ومن هنا اصالة عن نفسى نيابة عن اخوانى واخواتى اتقدم باسمى ايات الشكر للقائمين على الامر واولهم اسامه
اسامه
ربيع
ناجى
البراء
اميرنا باشرى
الدكتور المرافق للبعثه دكتور بهاء
الشيخ المرافق الذى شرح للحجيج الكثير من امور دينهم
العقيد فتح الرحمن
ولاانسى عثمان الذى قدم لنا ما لذ وطاب فى مدينة المصطفى عليه السلام
ومن السودان الاخوان الذين اكملوا لنا الاجراءات
علقم وسلمان
والعتبى لمن فاتنى ذكر اسمه
عموما لكم جميعا وكالة كانون الشكر والتقدير ان شاء الله فى ميزان حسناتكم
والى ان نلقاكم الحجه الجايه لان شعارنا لايديل لكانون الا كانون شكرا ليكم
بنات السنارى
|
Post: #2
Title: Re: وكالة كانون للسفر والسياحه
Author: Alshafea Ibrahim
Date: 01-22-2009, 07:19 AM
Parent: #1
الأخت الصديقة مولانا الرشيدة :
حجا مبرورا وذنبا معفورا .. تقبل الله منكم جميعا..
سلامي وتحياتي لكم .
أخوكم
الشفيع
السعودية
|
Post: #3
Title: Re: وكالة كانون للسفر والسياحه
Author: ود الخليفه
Date: 01-22-2009, 11:01 AM
Parent: #1
تقبل الله
صالح الاعمال
الناس دي كلها تشتكي من الحج والجرايد تكتب وتنبذ ازهري التجاني
انتو الوكاله العامله ليها اعلان دي حججتكم في دبي؟
|
Post: #4
Title: Re: وكالة كانون للسفر والسياحه
Author: khalid fahmi
Date: 01-22-2009, 11:29 AM
Parent: #1
من لا يشكر الناس لا يشكر الله ..
حجاً مبروراً .. يا حاجة ..
|
Post: #5
Title: Re: وكالة كانون للسفر والسياحه
Author: عبدالناصر معتصم
Date: 01-22-2009, 12:26 PM
Parent: #1
الحاجة تيتا
حجاً مبروراً و سعياً مشكوراً و زنباً مغفوراً و رزقاً موفوراً....
تقبل الله حجك....
تحياتى.....
|
Post: #6
Title: Re: وكالة كانون للسفر والسياحه
Author: willeim andrea
Date: 01-22-2009, 12:35 PM
Parent: #1
الحاجه تيتا... الحجه مقبوله انشاء الله والذنب مغفور باذن الكريم.....
ياخي ذكرتيني اول حجه.... تحول القروش وتستلمه كاش من البنك التجاري في الخرطوم تديهم 150 جنيه يدوك 1500 ريال ( الجنيه بعشره ريال)
شفتي كيف يا حاجه تيته... الذ حاجه كان التعب والمشي بالكرعين بين المشاعر شايلين اللحافات وصفيحة الزواده بتاعت قريبي .... صدقيني متعه ما بعدها متعه وربنا يتقبل الطاعات ......
طبعا داك كان زمن الشباب... ولحدة دي الوقت الواحد ما بتطلع للحج الفاخر......
ربنا يتقبل من الجميع ..... امين يا سميع يا مجيب
|
Post: #7
Title: Re: وكالة كانون للسفر والسياحه
Author: bamseka
Date: 01-22-2009, 04:44 PM
Parent: #6
الاخت الفاضلة / أم الاء / ربنا يقبل إنشاء الله
تحياتي لكل أفراد الأسرة الكريمة .. والاء ( السفير )
|
Post: #8
Title: Re: وكالة كانون للسفر والسياحه
Author: jini
Date: 01-22-2009, 05:39 PM
Parent: #1
| Quote: والعتبى لمن فاتنى ذكر اسمه |
جنى!
يخسى عليك يا مولانا!
غايتو بدر السنارى الله لا جاب يوم شكرو!
انتوا ناس تملو العين لمن تدفق
جنى
|
Post: #9
Title: Re: وكالة كانون للسفر والسياحه
Author: abdalla BABIKER
Date: 01-22-2009, 05:58 PM
Parent: #1
الاخت العزيزة تيتا
حجا مبروكا
والله المنبر مفتقدك جد
سلامي لجميع افراد الاسسرة
|
Post: #10
Title: Re: وكالة كانون للسفر والسياحه
Author: Teeta
Date: 01-22-2009, 06:16 PM
Parent: #1
الاخ الشفيع تسلم كيف الاخبار وكيف صحة الوالد وعقبالك السنه الجايه يا رب
ود الخليفه سلام تتصور الوكاله دى رهيبه وناسها منتهى الصدق والوفاء وما بعمل ليها اعلان لكن بذكر فى حقائق ملموسه لكل حاج سافر عن طريقها
اولا سكنوا الحجاج فى فنادق قريبه من الحرم سواء فى المدينه المنوره او فى مكه المكرمه
وفى منى وعرفات خيمهم مميزه وقريبه من الجمرات بعد الوجبات والفواكه والحاجه البارده بانتظام والاهم من ده كلو البصات المخصصه ليهم ما بتفارق الحجاج يعنى من اول يوم انت عرفت نمرة بصك ورقم مقعدك وما فى زول بيركب فى محلك والسكن باختيار الحاج غرفه منفرده ولا جوز ولا لو اسره بتكونوا براكم ومرتاحيييييييين
خالد فهمى شكرا ليك وعقبال نبارك ليك حجتك
عبد الناصر شكرا على المرور وعقبالك وتسلم
وليم اندريه سلام يعنى عاوز تكبر روحك ولا شنو الحج البتوصفو ده كانوا بيحكوا بيه حبوباتنا لدرجة المويه كانوا بيشيلوها معاهم عقبالك السنه الجايه
بامسيكا يا سيدها وين انت تحياتى لك بكثره الجماعه كلهم ساءلين عليك
جنى العزيز جدا كيفك وكيف حبايبى الصغار وامهم العزيزه اخجلتونا بكرمكم الفياض تحياتى لكم جميعا خاصه الوالده العزيزه ياخ فكوها علينا لانو البلد بدونها شيييييييينه
شكرا لكم كلكم اعزائى
ام الاء
|
Post: #11
Title: Re: وكالة كانون للسفر والسياحه
Author: Teeta
Date: 01-22-2009, 06:19 PM
Parent: #1
عبدالله بابكر
شكرا ما تفقد عزيز الحمد لله شفناكم بخير
اخبارك شنو
ام الاء
|
|