السنيــــــــــــــــــــن

يؤرخ السودانيون السنين بالاحداث العامه والخاصه فالخاصه يؤرخ لها

بي سنه حجه فلان او عرس فلان او موت فلان

اما الاحداث العامه فقد لاقت حظها من التوثيق والحفظ في الذاكره الجمعيه

مثلا سنه سته فالمعروف ا نها سنه 1306 هجريه حيث اصاب السودان قحط بعد انشغال الخليفه
عبد الله بالحروب والفتن والجهاديه واهملوا الزراعه كما ضن المطر
فاطلق عليها الناس سنه الجوع والجبه اشاره للقحط والمرقوعه اي جبه الانصار

فيكم زول بعرف سنه الضلمه الاولانيه؟

سلامات

Quote: فيكم زول بعرف سنه الضلمه الاولانيه؟

غايتو أنا أهلي من امدرمان وبريد حكى الحبوبات ده. أها آدي قعدة لمن نشوف حكاية الضلمة الأولانية دي متين.



أنا بعرف الضلمة التانية، لمن قطعت الكهربا من نيويورك قاموا عملوا ليها فيلم!!

إيمان

في العام 1951 حدث كسوف كلي للشمس في السودان
واظلمت الارض حتي انقضي الكسوف فواصلت الشمس ما انقطع من حديث اقصد ما انقطع من ضؤ حتي غابت مساءا كالمعتاد

فاطلق الناس عليها سنه الضلمه الاولانيه اشاره لان هناك ضلاما ثانيا هو ضلام الليل الواحد دا








ايمان بت منو انتي في امدرمان؟

طبعا لازم سمعتو بي سنه البحر قام

مواليد العام 1946 يمتنعون!

الناس دي كلها قرت سنه تامنه؟

انا البراي حصلت المتوسط؟؟؟؟

اها طيب سنه ام رطل كيف؟؟

العام الذي بدا فيه استخدام الرطل الانجليزي

في التجاره السودانيه







الله لا يريحك يا الهكر

هو العام 1871

العام 1914 عرف باسمين اولهما سنه الدقيق لانه حصل جدب حتي ان الانجليز استوردوا الدقيق من احدي مستعمراتهم

وهي الهند

اما الاسم الثاني فهو سنه الدقنوس والدقنوس هو الراس الاقرع او الصلعه وشبه العام بالدقنوس لعدم نجاح الزراعه

والله اعلم

بعض الاحداث يكون تاثيرها محدودا فلا يعرف الا في نطاق

القريه او الفريق مثلا سنه رفاعه -بالتشديد- من رفعتهم السنه فهي سنه رفاعه

المكان احدي قري كردفان منتصف السبعينات هذه السنه كانت خير وبشر علي الناس

ورفعتهم من فقرهم فكانت رفاعه فتزوج كل اعزب في القريه

طيب سنه ام لحم؟؟

في العام 1858 اصيب الناس بجدب حتي اكلوا قد العناقريب* من عدم الاكل وشح اللحم




*قد العنقريب سيور من الجلد يوسر بها

??

سنة البشير دي ياتو سنة ؟
ومفروض يكون في سنة الطيارة
(الطايرة الوقعت في الحاج يوسف يوم الكتاحة التي اعتمت الرؤية)

ود الخليفة
تحياتى
وانا افتح البوست امتدت يدى الى السماعة وكنت امنى نفسى بالاستماع لاغنية السنين
لكن وجدت معلومة جديدة رائعة بروعة اغنية السنين
شكرا لهذه المعلومة
اللهم زدنا علما

شكرا ليك يا عبد الغفار
واسف اذا خيبت ظن ذوقك الجميل

سنه البشير دي اختلفو فيها الرواه

منهم من يقول انها سنه انقلابه علي الصادق

والراجح انها سنه انقلابه علي الترابي والله اعلم

اما سنه الطياره فاسقطت من التقويم الا ما يلحق بها من التعريف

سنه طياره الزبير
سنه طياره ابراهيم شمس الدين
سنه طياره جون قرنق
طياره الحاج يوسف
طياره بورسودان
وما زال البحث جاريا
واقترح ان يلغي التقويم الطياري لعدم جدواه لا السنين دي كلها كم سنه
اذا كان بتقع في السنه الواحده عده طيارات
والله اعلم

بوست يستاهل الجلوس والاستمتاع به الى النهاية

سنه الشبعه؟

هو العام 1988 فقد كان العام مشهودا بامطاره وسيوله

وجاء بعد ان مس الناس جدب في منتصف الثمانينات

فشبعت الارض والناس وسميت بسنه الشبعه

سنة الديش عندك خبرا؟

بوست جميل

اظنها من سنين الاربعينات في الحرب العالميه الثانيه

ارجو الافاده

ود الخليفة لالا ماظنيتا بعيدة كدي

غايتو سنة 79 اليوم داك دي ونحنا في سنه ساته

سألونا عن سنة الميلاد عشان موضوع التسنين لأمتحان الشهادة الابتدائية

واحد قال مولود سنة الديش والفصل قررررررررر

لكن لي هسي ماعرفتها سنة كم

العام1883م او1296هجريه عرف هذا العام باسمين
سنه الجدري لانه اصيب الناس بالجدري

او سنه البعوضه لانه نزل مطر شديد حتي كثر البعوض فسميت سنه البعوضه

نجي للتاريخ الاسلامي

واشهر عام هو عام الفيل حيث ولد الرسول ص في العام الذي غزا فيه ابرهه ملك الحبشه

الكعبه المشرفه بالفيل فارسل لهم تعالي طيرا ابابيل
وهو العام 572م

عام الرمادة عام مجاعه

بدأت هذه المجاعة من أواخر عام 17هـ إلى أول سنة 18هـ، واستمرت لمدة تسعة أشهر

اما الاسم فانه اما لاسوداد الأرض من قلة المطر حتى عاد لونها شبيهاً بالرماد او
أوكانت الريح تسفي تراباً كالرماد او
أولأن ألوان الناس أضحت مثل الرماد

عام الحزن وهو العام العاشر من البعثه
توفي فيه ابوطالب عم الرسول ص وزوجته خديحه
وفيه اسري بالرسول

عام الوفود وهو العام العاشر او التاسع من الهجره

بعد فتح مكه وغزوه تبوك بدات وفود العرب تاتي للرسول وهي حوالي 60 وفد

عام الجماعه

هو العام 41 هجريه او 661م وهو العام الذي تنازل فيه الحسن بن علي عن الخلافه

لمعاويه بن ابي سفيان حقنا لدماء المسلمين
ثبت في البخاري

قال الرسول ص « إن ابني هذا سيد وسيصلح الله به بين فئتين عظيمتين من المسلمين »

قبل التهكير سالني احدهم عن
سنه دو
للناس المابعرفو كوتشينه وبستعملو تعبير سنه دو
اقل كرت في الكوشتينه هو الدو (الاتنين) وعلي حسب وصيه عبدالله خليل انو 25 دو ما تمو نزول
فاقل كرت هو الدو فجري التقويم لاقل سنه او اقدم سنه سنه دو

البحر حفروهو سنه كم؟

طبعا دي اشاره للقدم

او انه حضر زمن طوفان سيدنا نوح والله اعلم

سنه الكوره
في احدي قري شرق النيل وبعد عام المجاعه قل الزواج

ولم يجد الناس بدا من ان يخففوا تكاليف الزواج
فتزوجوا زواج الكوره
والكور هو الجماعه فصيح مستعمل في الدارجيه

نحن الما انجمع لي فارغه كور لمتنا
تعلو علي مقاليد السماك همتنا
لم يبق في الحي عازب الا وتزوج
المهر واحد جنيه
العام 1985

فوق

.

<font face="Tahoma" size="5" color=red>سنه اوكامبو!!</font>

يا كافي البلاء عاماتك دي مافيها عام الحب؟؟؟









ـــــــــــــ
طبعا زمااااااان كان في بس هسه إنقرض

دا كل عام وانت الحب


تحديدا ده سنه كم ما وقفت عليه

up

ود الخلفية سلامات

ياخي الزول دا من زمن حفرو البحر
اها دي متين؟

ازيك يا دكتوره
طبعا البحر مازي كنانه والرهد بحفروهم!

لكن الظاهر انو اشاره للقدم من زمن فيضان سيدنا نوح والله اعلم

سنه النجمه ام ضيل ؟؟؟

النجمه ام ضيل مقصود بيها ام ذنب فاحيلت الذال ال ضاد كما هو شائع عند السودانيين

مذنب هالي الذي يري من الارض كل 76 سنه تقريبا واخر مره زار الارض في العام 1986

سنه كتله المتمه

ولا سنه كتله ودنوباوي