رافقني سنين عددا يومض بلا كلل يرن بلا ملل معاي في المكتب وقرب القلب دخل معاي الجامع والاماكن المقدسة وارتاد معاي المواخير وزاملني في الطوابير مساهمآ كافضل رفيق في تبديد لحظات الملل
نقل لي افراح واتراح
وقصر مسافات الغياب بيني و الاحباب
نهار كل جمعة اسمع به صوت أمي وهي تغني لي ومرات ما بلقاها لأنها خارج الشبكة مرة هي ومرة تلفونها
جاب لي رسايل الريد ونقل لي أشواق ومعابثات رفاق نقل لي شهقات وضحكات وبه تسربت دمعات الى اذني وانحدرت الى قلبي
المابعزيني في موبايلي في امو ما بعزي
مؤقتا يمكنكم الوصول لي عبر موبايل سولارا بالرقم 0912454648
Quote: لم ينس وهو في طريق الخروج ان ينتعل حذائي السبورت البلو العاجب بنات الخرطوم
لا حولا بس ما تكون نفس الجيتنا بيها ؟ غالبا دى عينى لأنى متذكراها كويس ..... تحياتى لك وكفارة التلفون كمان رغم انى ما متذكراه زى الجزمة
وشكرا ليك كثير على المفاجأة الجميلة التى أشتركتم فى صنعها أنت وأجمل الناس بت حيمورة وتيسير النورانى وتحياتى لأسرتك الكريمة التى أتمنى أن أتعرف عليها عن قرب فى أقرب فرصة.....رغم أنى أكاد أعرفهم فردا فردا لسردك الحنين عنهم
Post: #37 Title: Re: فقدي الليلة Author: كمال علي الزين Date: 01-22-2009, 01:19 PM Parent: #2
Quote: سرق موبايلي وموبايل دينا
موبايلك يحرق أنا مزعلني موبايل (دينا) الشالو انشاء الله يدو بي التقطعا ..
الخال ابو ساندر والله سرقة الموبايل دى بايخة جدا اتزكر قبل سنوات مضت تعرضت لسرقة موبايلى من العربية فقمت بالاتصال به ورد الحرامى بكل وقاحة فقلت له الموبايل دا حقى فقال بكل سفور (كااااان حقك هسع حقى)وبعد مفواضات قام بوضع الشريحة فى مكان ودلنى عليها جزاه الله خير برضو على رد الشريحة ولك خالص التعازى
Post: #11 Title: Re: فقدي الليلة Author: كمال سالم Date: 01-21-2009, 10:04 PM Parent: #10
إنســل كفاك ,, أبقى مارق ,, قبل ماتجينا راجع أم فكو ,,
ابو ساندرا صباحاتك خير احسن انت سرقه منك وانت نايم اما انا تصدق انسرقت مرتين الاولى الاء كانت فى العربيه وشايله موبايلها بتعمل فى رساله جاك واحد تف خطفو من يدها والله موبايل لنج موديلو لسع ما وصل السودان وبعد شهرين كنت واقفه قدام كلية الطب جامعة الخرطوم شايفه نفرين ماشين على جانى واحد بالشباك بتاع الدركسون وقال لى ممكن توصلينى قدام قلت ليه انا ما ماشه قدام فجآه اسمع ليك ناس بيكوركوا ارمى الشنطه يا كلب اتاريهو الفالح شال الشنطه من الباب التانى من العربيه وجرى وكان فيهاموبايل وحاجات تانيه ولليوم لا حس لاخبر ربنا يعوضنا تحياتى لك وللاسره الكريمه ام الاء
أبو ساندرا كفارة، والحال من بعضه، لكن يبدو إنها موضة، موضة سرقة موبايلات المغتربين في الإجازة، رغمأن موبايلاتنامتخلفة جداً بالنسبة لموبايلات الناس هناك معليش،
تحياتي
Post: #25 Title: Re: فقدي الليلة Author: Emad Abdulla Date: 01-22-2009, 08:37 AM Parent: #22
Quote: لم ينس وهو في طريق الخروج ان ينتعل حذائي السبورت البلو العاجب بنات الخرطوم
الظاهر بنات الخرطوم ما لقو فيك حاجة بتعجب غير حذائك السبورت البلو ... حذائك ده اصلو فلقو بيهو رئيس؟ يا صاحب يا عمدة وصية في الذمة, قول للكبير ده لو قابلتو اتضاير شوية يا "عجل" .. شرطت عينا بالسكاليب و فقدى الليلة .... مال لو سرقو منك نصية و كيس تمباك تعمل شنو؟ غايتو شيوعيين اخر زمن .... شيوعيين زمان لو جاهم حرامى بخلوهو يشيل العاوزو و يدوهو حق المواصلات و الفطور كمان ... تضامن طبقي و اممى
يا كبير خلى الكلام الميت و فقدى و قلدت و حضنت ... دايرين الكلام النجيض الفي اللحم الحى .... محل بيوجع جد
Post: #33 Title: Re: فقدي الليلة Author: salah elamin Date: 01-22-2009, 10:50 AM Parent: #31
لا حول ولا قوة إلا بالله فى شنو يا مهمش؟ عشان موبايل عامل بيت بكا وقاعد تجعر(وش مبسوط شديد) بعدين تعال هنا ... الحرامى ده ما شغلو ... يضوق حاجات الدوحة دى كيف يعنى؟ ما إلا كده! (وش زول إتدشى)
شول اشوانق دينق ________________ الله يعوضك يا عمك
تعرف يا ابوساندرا ذكرتنى بمسرحية للمرحوم الفاضل سعيد الفيهو الأغنية: الليلة صدمة على شديدة فقدت تلاجتى الجديدة ...تن تن تن تن فقدت تلاجتى الجدية الكنت زى عينى بريدها ... إلخ
شول اشوانق _____________________ بالله ده رجعة ليك والمؤتمر قرررررب (ههههههههههه)
والله يا أبو ساندرا لي زمن ما دخلت المنبر ، الليلة لقيتك مسروق . انبسطت خالص ، وعجبتني ليك عشان أنت زاتك جاي الخرطوم زي الحرامي ، لا جبت خبر لا أتر .. خلاص نسيت ودقاسم ؟ إن شاء الله يسرقوك إنت ذاتك ..
Post: #43 Title: Re: فقدي الليلة Author: على محمد على بشير Date: 01-22-2009, 02:46 PM Parent: #42
كفاره ..
وربنا يعوض عليك ..
Post: #44 Title: Re: فقدي الليلة Author: عصام علي أحمد Date: 01-22-2009, 04:24 PM Parent: #1
ابو ساندرا ... اولا دي اشانة سمعة للسيد الحرامي ... والتعويض ببوست اعتذار للحرامي ... ثانياً موش شركائنا في الحكومة المؤتمر الوطني عرضوا عليكم دفع فلوس المؤتمر الخامس ممكن تمشي تطلب يدوك حقك (موبايل ) وكم دولار ... ونصية عصام جبرالله اكتر من كدة الا تكون داير تبقى مؤتمر وطني ...
Post: #48 Title: Re: فقدي الليلة Author: معتصم محمد صالح Date: 01-22-2009, 05:30 PM Parent: #47
Quote: أبو ساندرا كفارة، والحال من بعضه، لكن يبدو إنها موضة،
الإسبوع الماضى، نط حرامى حوش بيتنا فى الثورة الحارة الأولى... دخوله كان من فوق الحائط و الذى يعلوه شبك سلك شائك،،، السيناريو إسطورة.... أكاد أن أجزم بانها المرة الأولى منذ أكثر من 30 عام....
لطش 2 موبايل ( ترك الشرائح خارج الحوش) ظريف مش!!! ركز على لطش الخفيف و الثمين جداً الحاجات إستولى عليها قدر كف يد واحدة (لكنها ثروة)
ربنا يعوض الحاجة و الأشقاء و يعوضكم يا أبوساندرا
الموبايل بتعوض و أرقام التلفونات، نقدر نقول مقدور عليها...
لكن تظل الظاهرة!!! منو البعالجها؟؟ و يبقى السؤال: ليه الموبايلات ؟؟
------- يارفيق ما تكون مؤامرة ذات علاقة بالمهرجان و المؤتمر ؟؟؟