Post: #1
Title: يا جماعة اوباما امبارح رقص ؟
Author: عمر الفاروق
Date: 01-21-2009, 02:40 PM
يا كافي البلا خطاب لا فيهو زول يكووورك بعد كل كلمتين لي اوباما لا فيهو تمااااما تمااااما يا اوباااما ...برنجي برنجي ..رئيسنا زنجي ..أنحنا وراااك يا باااراااك ..أنحن وراااك يا باااراك ..
خطاب ما غنت فيهو بيونسي كر عليك يا سودان امريكا جاياك بي البمبان ...
خطاب ما سمعنا فيهو إستيف ووندر شنان بي الاورغن يهتف :
غزة يا غزة ويييينا غزة.. واددددي السدر هزة وييييينا غزة ..
خطاب يا كافي البلا لا فيهو زول عرقان لا فيهو براميل موية لا فيهو بتاع الساوند لا فيهو زول ماسك ليهو جغلومية مايك في يد ويد ظاهرة فيها ساعة سيكو فايف حدها الكوع ...
خطاب لا فيهو عساكر بيلزو في الناس ومتشابكين بيث اليدين عاملين صفوف ويضربو الناس بي العكاكيز ...
خطاب ولااااا شجرة نييمة وااحدة حايمة فيهو ده خطاب شنو ؟
خطاب ولا ريييالة واااحدة ولا زبد من الخشم ينزل منها من الناس البتقدم الرئيس اريتو ما خطاب ..
خطاب ما يتبرع فيهو الرئيس لي قرية داكوتا بي كراكتين وداية و100 شوال فحم ده ماااا خطاب ..
خطاب ما فيهو يافطة مكتوب فيها ابناء جون كروز يقفون معك في خندق واحد يا اوباما ده ماااا خطاب ..
خطاب ما فيهو ولاااااااااااااااااا رقصة ؟؟؟؟؟؟؟ معقولة بس؟
بررررري ياااا يمة من خطاباتكم يا الامريكيين... قبلكم
|
Post: #2
Title: Re: يا جماعة اوباما امبارح رقص ؟
Author: فيصل نوبي
Date: 01-21-2009, 02:53 PM
Parent: #1
سرقناهو منكـ هنا
_
و أضيف معاكـ ويتني تغني
ايران يا ايران عارفانا شعب جبان
|
Post: #3
Title: Re: يا جماعة اوباما امبارح رقص ؟
Author: عمر الفاروق
Date: 01-21-2009, 03:05 PM
Parent: #1
والله يا نوبي لو ما حيادك ده الواحد كان جا سجل عندك ..لكن انتي حااايااااد وبتحب الحياد زي عيونك خصوصا لو الطرف التاني بت ..
امشي كده يا محاااااااايد ..
:D
تخريمة :
ياخ والله ليك وحشة ..من يوم قلت لي برجع ليك في المسنجر سنة طفشطاشر وتاني ما شوفتك ..
|
Post: #4
Title: Re: يا جماعة اوباما امبارح رقص ؟
Author: Rawia
Date: 01-21-2009, 03:15 PM
Parent: #3
Quote:
والله يا نوبي لو ما حيادك ده الواحد كان جا سجل عندك ..لكن انتي حااايااااد وبتحب الحياد زي عيونك خصوصا لو الطرف التاني بت ..
امشي كده يا محاااااااايد .. |
الوشوش مافي ياعمر
|
Post: #5
Title: Re: يا جماعة اوباما امبارح رقص ؟
Author: عمر الفاروق
Date: 01-21-2009, 03:19 PM
Parent: #1
رايوة :
سجمي مشت وين ؟
اووووعا تقولي شالا الهكر
|
Post: #6
Title: Re: يا جماعة اوباما امبارح رقص ؟
Author: Rawia
Date: 01-21-2009, 03:51 PM
Parent: #5
والله من يوم نضفوا البورد الوشوش راحت
بس عاوزة أنتهز فرصة بوستيك دا ونطلب ليا باص وورد من نوبي
____________
نوبي القطاعة كان مارجعت لي باصوردي
تبت خلاس
|
Post: #7
Title: Re: يا جماعة اوباما امبارح رقص ؟
Author: Shamael Elnoor
Date: 01-21-2009, 03:55 PM
Parent: #6
الفاروق
والله اضحكتني حد الاغماء
بوست يايمه مافيهو ولا وش؟؟
برى يايمه من بوستات الفاروق
ماقادرة اقيف من الضحك الله يجازيكـ
|
Post: #8
Title: Re: يا جماعة اوباما امبارح رقص ؟
Author: محمد عبد الماجد الصايم
Date: 01-21-2009, 03:56 PM
Parent: #6
نوبي ..
رجع ليها باسويردها ياخ!
معقولة لكن!
الواحد يمشي في الشارع بدون باسوويرد
|
Post: #9
Title: Re: يا جماعة اوباما امبارح رقص ؟
Author: محمد عبد الماجد الصايم
Date: 01-21-2009, 04:05 PM
Parent: #1
تشكيلة من الوشوش
 دا فوق البيعة
|
Post: #10
Title: Re: يا جماعة اوباما امبارح رقص ؟
Author: abdelhadi ibrahim
Date: 01-21-2009, 04:15 PM
Parent: #9
أهههه اههههه
أيوة خلينا النفك مغصتنا دي
ياخي لي زمن ما ضحكت كدة
مبروك لي باراك
|
Post: #11
Title: Re: يا جماعة اوباما امبارح رقص ؟
Author: ismeil abbas
Date: 01-21-2009, 04:20 PM
Parent: #1
عمر الفاروق..يازول يا كويس جدآ...
خليهو رقيص أوباما راقص فوق عديلو..والله كان ادو عكاز كان عرض ليهم كمان........
Quote: تشكيلة من الوشوش
دا فوق البيعة |
ماقلتو وشوش مافى ود الصايم دى مخزنه....
تحياتى للجميع
إسماعيل محمد احمد عباس....
|
Post: #12
Title: Re: يا جماعة اوباما امبارح رقص ؟
Author: عزاز شامي
Date: 01-21-2009, 04:53 PM
Parent: #1
منو قال ليك ما رقص؟
|
Post: #13
Title: Re: يا جماعة اوباما امبارح رقص ؟
Author: Elawad
Date: 01-21-2009, 05:38 PM
Parent: #1
الأخ عمر
تحياتي
برنامج المساء بالأمس تضمن طواف أوباما و زوجته على عشر حفلات و الرقص و الحديث فيها. الناس ديل عارفين وين يرقصوا و وين يتكلموا و لما يتكلموا يقولوا شنو. عشان كدا لما أوباما كان بتكلم أمبارح في ناس كانت بتبكي و نحن جماعتنا لما يتكلموا إلا كان نبكي من المغصة.
|
Post: #14
Title: Re: يا جماعة اوباما امبارح رقص ؟
Author: دينا خالد
Date: 01-22-2009, 01:29 AM
Parent: #13
center>
center>
وانت بتسمع بى وين فاتح لى علوية بطاطير ومنى حواجب ؟
يعنى ماسامعو وهو بقول مافى فرق بين اوباما وحاج اوباما ؟
ماسمعتو وهو بيقول لما واقف فى البتاعة الفووق ديك اها الزارعنا غير الله
ال يجى يقلعنا ؟ ولا ما سامع الناس ديل كلهم وهو ماشى بى كرعينو للبيت الشبه ابيض
بهتفو سير سير يا ال ما بشير ؟ وهو بعانق فى بوش وبقول لى اها البيت الابيض دا بلوو واشرب
مويتو ؟ ولا ما شفتو بيرمق بى تحت ميشلين لى نسوان شهداء الجيش الامريكى فى العراق ؟
ياخ دا كوبى بيست !!
الرقيص دا اوباما بشحدو كمان ؟
ـــــــــــــــــ
لكن شفتنى نوامة كيف ؟؟ ( جيب وش يليق)
|
Post: #15
Title: Re: يا جماعة اوباما امبارح رقص ؟
Author: تبارك شيخ الدين جبريل
Date: 01-22-2009, 02:12 AM
Parent: #14
صورة الرقصة من الحفلة العملتا ولاية إلينوى (الولاية الجا منها) وهى واحدة من ثمانية عشر حفلة خاصة ذهب إليها أوباما ليلة التنصيب ...
يعنى رقيص جد ...
المهم ...
|
Post: #16
Title: Re: يا جماعة اوباما امبارح رقص ؟
Author: MAHJOOP ALI
Date: 01-22-2009, 02:33 AM
Parent: #15
الفاروق اخوي
الصوفية بيقولوا فلان قطع البحر بالفروة(المصلاية)
اها الامريكان رقصوا الموية...
مابرقصوا اوباما؟
|
Post: #17
Title: Re: يا جماعة اوباما امبارح رقص ؟
Author: عمر الفاروق
Date: 01-22-2009, 02:00 PM
Parent: #1
غايتو يا شمايل بقتي ما بتضحكي الا بعد ما اطمنتي اني طلعت معرس وما زعيم العزابة يا قولك ..
تراهم العزابة ديل مخيفين قدر ده ؟؟؟
ظهرتيها عاااااااااااااااااااااملة لكن ..
|
Post: #18
Title: Re: يا جماعة اوباما امبارح رقص ؟
Author: عمر الفاروق
Date: 01-22-2009, 02:02 PM
Parent: #17
ود الصايم :
اوباما بيسلم عليك وبيقول ليك ملليييني واااحدة واااحدة ..
|
Post: #19
Title: Re: يا جماعة اوباما امبارح رقص ؟
Author: عمر الفاروق
Date: 01-22-2009, 02:10 PM
Parent: #1
| Quote: عمر الفاروق..يازول يا كويس جدآ... |
ياخ ماف اكوووس من كده يا سمعة ؟
كدي فتش بي جاي بي جاي بتلقا والله بتلقا ...
عاش من شافك ياخ ..
تخريمة :
ياخ الكاليندر بتاعت الطيار دي ما معاها مفكرة واقلام ؟
|
Post: #20
Title: Re: يا جماعة اوباما امبارح رقص ؟
Author: عمر الفاروق
Date: 01-22-2009, 02:23 PM
Parent: #1
عزاز ال شامي :
| Quote: منو قال ليك ما رقص؟ |
اريتو رقيص السرووور يا يمة ..عزاز الصورة دي كانت في نادي الضباط مش؟ يوم عرسو وناس سودانيز ساوند مشغلين ليهو اغنية سيلين ديون وين اي نييد يو اي جست كلوز ماي ااايز (ما تضغطي علي في الكتابة بي الانجليزي سمح خيتي ؟)..
بس وين الدخاخين والاشبينات ولا ضير في بعض من الحبشيات في الزفة للرقيص ..
تخريمة :
عزاز ياخ اسالي لي ناس السفارة ديل قولي ليهم ناس اوباما رسلوا باصات للموظفات والطلاب يوم المسيرة ولا الناس جات براها ؟
|
Post: #21
Title: Re: يا جماعة اوباما امبارح رقص ؟
Author: عمر الفاروق
Date: 01-22-2009, 02:53 PM
Parent: #1
دينا خالد :
ياخ انتي من زمن ناس بطاطير وحواجب ..اسة في واحدة اسمها أماني فرن مبااااالغة ..
بعدين اوباما في خطابه لي شهداء برج التجارة شوووف عيني سلم كل اسرة جركانتين زيت عافية وشوال سكر وبعض من دقيق ..
اسر شهداء العراق طلعوا فطيس لانها حرب قبلية ...
انتي ما سمعتي الخطاب كويس اظنك ..
افتحي صفحة 48 ...
تخريمة :
ماف كهف قريب ؟
|
Post: #22
Title: Re: يا جماعة اوباما امبارح رقص ؟
Author: نجوان
Date: 01-22-2009, 03:30 PM
Parent: #21
|
Post: #23
Title: Re: يا جماعة اوباما امبارح رقص ؟
Author: نادية عثمان
Date: 01-22-2009, 05:12 PM
Parent: #22
خليك من رقيص أوباما .. أنا بس مانفسي في حاجة إلا أشوفك ( أبو) !!
قالوا الأمومة والـ ( أبوبة) دي أعظم حاجات في الدنيا .. ورينا إحساسك بـ ( الأبوبة ) كيف سمح ؟! ( وش هناي هناي كده ) !
|
Post: #24
Title: Re: يا جماعة اوباما امبارح رقص ؟
Author: وليد محمد المبارك
Date: 01-22-2009, 05:22 PM
Parent: #23
بالله
يعني المره حامل
عشان كده فايق ورايق وفاضي لي اوباما ورقيصه
|
Post: #25
Title: Re: يا جماعة اوباما امبارح رقص ؟
Author: عمر الفاروق
Date: 01-22-2009, 06:55 PM
Parent: #1
العوض حبيبي( ولا داك العجب هو)..:
طيب ياخ ما يعمل الاتنين في صحن واحد يتكلم ويرقص ويضرب عصفورين بي حجر ..
تبارك (ياخ اسمك ده بيديني الخلوة واللوح كده):
| Quote: وهى واحدة من ثمانية عشر حفلة خاصة ذهب إليها أوباما ليلة التنصيب ... |
الزول ده معناها لافي سااااي بس..
زكرني ياسر عرفات الله يرحمو كان عزمتو سماية يجيك ..
|
Post: #26
Title: Re: يا جماعة اوباما امبارح رقص ؟
Author: عمر الفاروق
Date: 01-22-2009, 07:08 PM
Parent: #1
نادية بت عثمان :
| Quote: ورينا إحساسك بـ ( الأبوبة ) كيف |
مناسب...
تخريمة :
غايتو ما عافي منك كان ما عملتي معاي حلقة تسميها احساسك بي الابوبة ..
وابو يا اببببو كلللللللل البنات حبببو ..
|
Post: #27
Title: Re: يا جماعة اوباما امبارح رقص ؟
Author: عمر الفاروق
Date: 01-22-2009, 07:31 PM
Parent: #1
ود المبارك وليد :
يا زول لسة بتغيير تلفونك كل اسبوعين ولا اتصلحت ؟
تلفوني فيييييي محلو غايتو ...لكن شكلها ماشة معاك طحنية يا معفن ..شوفنا معاك ياخ
|
Post: #28
Title: Re: يا جماعة اوباما امبارح رقص ؟
Author: nazar hussien
Date: 01-22-2009, 08:15 PM
Parent: #27
Quote: الزول ده معناها لافي سااااي بس..
زكرني ياسر عرفات الله يرحمو كان عزمتو سماية يجيك .. |
هههههههههههههههههههههههههههههه...
دي ذاكرة زول ما نصيح
|
Post: #29
Title: Re: يا جماعة اوباما امبارح رقص ؟
Author: علاء الدين يوسف علي محمد
Date: 01-22-2009, 08:41 PM
Parent: #28
إنت جاي هنا عاملة غنا و رقيص و قبال أيام عجوز بني قريظة نازلة فيك شووووووووووووت
و نحن واقفين و سادين و قلنا الراجل (الضكران) نسِد ليهو في غيابو لحدي ما يجيها تأبط شراً
أتاريك حايم في الديسكوهات و بارتيات جبرونا مع ناس منو كدة فرن ما عارف
حسبي الله و نعم الوكيل فيكم يا رجالة المنبر
زمن الرجالة فات يا عويس (عويس بتاع مسلالسلات الصعيد)
ناذر
و من بعده عمر
الفاااااااااااااااااااااااااتحة
|
Post: #30
Title: Re: يا جماعة اوباما امبارح رقص ؟
Author: عمر الفاروق
Date: 01-22-2009, 09:07 PM
Parent: #29
علاء الدين الزير (كناية عن الترطييبة وكده):
المنبر ده فيهو عجوزات بالله ؟؟؟
ياخ حرااام عليك المنبر ده كلللو زهرات وزهرات توتي بعد (كما يقول السعوديون)..
اسة لخبطتني بي كلمة عجوزة دي وقدر ما نحت راسي ما عرفت لي زولة عجوزة في المنبر ده ..
علاء الدين اخوي المنبر ده فيها عجوزة وااااحدة وما اظن تكون قاصدا ياخ دي زولة طيييبة ومسكييينة الغنماية تاكل عشاها ..
تخريمة :
نعيد ايام رودا مردة يا حبوب؟
|
Post: #31
Title: Re: يا جماعة اوباما امبارح رقص ؟
Author: علاء الدين يوسف علي محمد
Date: 01-22-2009, 09:13 PM
Parent: #30
نكرتو حطب يا فردة؟
إنت شكلك خفتة جد من آخر مكالمة شكلو هجمتك المصطلحات
زير على وزن وزير و كدة :)
Quote: تخريمة :
نعيد ايام رودا مردة يا حبوب؟ |
شكلها كدة يا حبيبنا
شايف العربيد النزِق قام ليهو شوك و بقى يلفلف جنبي
عايز ألف و ألف و ألف و ألف و أديهو ليك كففففففففففففففففففففففففف
لمن يتحير ذاتو
لابد ليهو
عكازك قريب؟
|
Post: #32
Title: Re: يا جماعة اوباما امبارح رقص ؟
Author: دينا خالد
Date: 02-05-2009, 10:08 PM
Parent: #31
عممممممممر ؟؟
| Quote: اسر شهداء العراق طلعوا فطيس لانها حرب قبلية ... |
انت ياود دخلت الكورسات المقفولة دى ولا شنو ؟؟
هى حرب قبلية يعنى شنو ؟؟
|
|