طول عمرنا بنعرف أهلنا بينزلوا البلد لي حش التمر،،، لكن أول مره ألقى لي زول نازل لي حش البرسيم؟؟؟؟؟ بس المنجة الشايله الباشمهندس محمد مامان تجنن عديل ،،، حليل منجة القرير النجيضة في أمها...
Quote: : فيلم يوتيوب
الفلم ده صوروا مستر يوتيوب ولا شنو؟؟؟ ياخ ما تقول من تصويرك وإنتاجك وإخراجك ياخ وأحفظ الحقوق لأهلها،،، باكر يجي واحد ويدعيهو زي الكثيرين ما أدعوا الفارس الجحجاح وودروا الراحل ود الحسين شمار في مرقه...
جهد جميل وجبار نأمل أن نرى أجزاء أخرى من أفلام تلك الرحلة القابعة في أضابير الأشرطة والسيديهيات....
Post: #4 Title: Re: حش البرسيم : فيلم يوتيوب Author: فيصل محمد خليل Date: 01-21-2009, 10:48 PM Parent: #3
سلام
كدا موش اريح و اسرع
Post: #5 Title: Re: حش البرسيم : فيلم يوتيوب Author: Al-Shaygi Date: 01-22-2009, 01:02 AM Parent: #4
فيصل محمدخليل
Quote: سلام
كدا موش اريح و اسرع
فيصل كيفك والله لا أسهل ولا أسرع... للفارق زولك بيحش ليه نجيله وزلنا بيحش برسيم. معذور يا فيصل من الخرطوم لأروبا.... لا حشيت ولا قفذت ولا يمكن حتى شقيت ليك جرف ولا شفت ساقية ولا وقفت ليك فوق جرف....
Post: #6 Title: Re: حش البرسيم : فيلم يوتيوب Author: maman Date: 01-22-2009, 08:19 AM Parent: #1
الأخ فيصل
لك التحية على مشاركتك بهذا الفيلم وأهو عرفنا إنو في تقنية بسيطة وساهلة لحش البرسيموغيره من الحشائش التي تستخدم كعلف للبهائم.
الأخ الشايقي
يعني إنت ضد أي تكنولوجيا تبسط العمليات الانتاجية؟
Post: #7 Title: Re: حش البرسيم : فيلم يوتيوب Author: ابو جهينة Date: 01-22-2009, 08:28 AM Parent: #6
الزول الفخيم مامان
سلام
برسيم الزول دة ممورق بمزاج ما شاء الله * ممورق : يعني فيه ماروق ...
الشايقي ... الزول القاعد يحش البرسيم دة ما زولا جاي لحش محصوله ..دة زول بلد. ناسنا ال بينزلوا لحش التمر بيكونوا زي السواح ... و بيأجروا الناس ال بيحشوا البلح. و أصحاب التمر من عرس لعرس ... و من ضل نخلة لضل نيمة ... بعد داك يشحنوا شوالاتم و عليك يا السوق العربي.
أبو جهينة ياخ الزول البحش زول بلد لكن أنا قاصد مامان سنة ألفين زي ما ظاهر في الفلم نزل من الرياض بي عربيته الكركعوبة وتر تر تر تر تر تر لغاية القرير لاحق موسم حش البرسيم... بس تعرف المجاية الكانت في يد محمد مامان تحيل عديييييييييل....
Post: #8 Title: Re: حش البرسيم : فيلم يوتيوب Author: بكري الخير Date: 01-22-2009, 10:10 AM Parent: #1
مامان
جهد مقدر
لكن الزول البيحش في البرسيم دا ما زول سوق دا زول شكلو بيحش فيهو لي بهايمو براهو
في ناس كلفاحين شديد في حش البرسيم يعني الواحد ممكن يحش ليهو اكتر من نص فدان في اليوم ديل الناس البيودو البرسيم السوق يبيعوهو (القشاشة) يعني الناس الببيعو القش
