Post: #1
Title: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: محمد عادل
Date: 01-20-2009, 05:41 PM
Parent: #0
اعلن الان طوى صفحة البوست الذى كتبته حول نبراس تعالى ورينا ابداعاتك فى مصر
بعد الاتصال الهاتفى من الاستاذ هشام شيخ الدين وازلنا كل اللبس ونقاط الخلاف اما اذى نقل لى حديث من نبراس فله منى حديث اخر
|
Post: #2
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: على محمد على بشير
Date: 01-20-2009, 05:46 PM
Parent: #1
والله مستواك بقى زى احمد عادل الشهير بى ( رونى )
قرقرقرقرقرقرقر
|
Post: #5
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: نادية عثمان
Date: 01-20-2009, 05:53 PM
Parent: #2
| Quote: اما اذى نقل لى حديث من نبراس فله منى حديث اخر |
محمد اخوي العزيز
يعني البوست القبيل ماكان ( زهجة) وعدم موضوع زي ماقلت .. لكن كان ردة فعل غاضبة بسبب ( قوالة) قالها ليك زول عن د. نبراس !!
محمد إنت شاب طيب وقلبك أبيض أنا بعرفك كويس لكن عليك الله وحياة الخوة البينا تاني ماتسمع ليك ( قوالة) في زول وتجي تفتح بيها بوست وتندم عليهو لما تعرف الحقيقة سمح ياأخوي محمد عادل ؟
|
Post: #3
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: haroon diyab
Date: 01-20-2009, 05:52 PM
Parent: #1
محمد عادل
سلام
والباب البجيب الريح سدو واستريح....!!!
|
Post: #4
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: كمال علي الزين
Date: 01-20-2009, 05:52 PM
Parent: #1
(*)
يعني أسي كده بقت مبدعة ..؟
ولا كيف ..؟
يا(محمد ياخوي) إتصال هشام ده
بستحق منك إعتذار بصورة أوضح
وماغريب على أخلاق آل شيخ الدين ..
(يعني كان أي زول جاب ليك قوالة من زول
حا تفتح بوست تشتمو) ؟؟؟
بعدين مازمان قلنا بطلوا قعاد القهاوي
والونسة عن البورد ده ..
ياخوي برضو كتر خيرك ..
لأنك أول مرة أشوفك تأذي زول ..
وأتمنى إنك ترجع زي زمان ..
(فاكهة المنبر وأشتره الظريف بلا منازع) ..(الوش أبى يشتغل)
محبتي ..
________________________________________
أزيل البوستات والمداخلات المؤذية ديك وأبدا صفحة جديدة
_____________________________
الله يقطعك ياخ عاديتني ماقادر أكتب كلمة صاح
وحياتي كلها بقت تعديلات ..
|
Post: #6
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: كمال علي الزين
Date: 01-20-2009, 06:05 PM
Parent: #4
(*)
السيناريو القادم:
أتوقع أن يفتح الحبيب (محمد عادل) بوست يهاجم فيهو الزول
الجاب ليهو القوالة ..
وبعدين الزول يضرب ليهو ويوريهو الزول الجاب ليهو القوالة
فطوالي حايعتذر ..
ويفتح بوست تاني للزول الجاب القوالة للزول الجاب ليهو القوالة
وهكذا ..
حتى نخلص إلى تحويل ناس القهوة كلهم هنا ..
|
Post: #7
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: عاطف عبدون
Date: 01-20-2009, 06:35 PM
انا لو في محل سيدك مبارك
كنت اعتقتك لوجه الحق
وإتبريت من صبيانيتك دي
|
Post: #8
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: تبارك شيخ الدين جبريل
Date: 01-20-2009, 11:37 PM
Parent: #7
Quote: أتوقع أن يفتح الحبيب (محمد عادل) بوست يهاجم فيهو الزول
الجاب ليهو القوالة ..
وبعدين الزول يضرب ليهو ويوريهو الزول الجاب ليهو القوالة
فطوالي حايعتذر ..
ويفتح بوست تاني للزول الجاب القوالة للزول الجاب ليهو القوالة
وهكذا ..
حتى نخلص إلى تحويل ناس القهوة كلهم هنا .. |
وانا كنت حأمشى ليو ... يعنى كان حيكون فى بوست بتاع نعى فى النص ما عندو أى مبرر :D
بالله يا محمد عادل ياخى انت زول كبير ... ما تتصرف من الأول بى حكمة شوية ....
.. المهم ....
|
Post: #9
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: محمد الجزولي
Date: 01-21-2009, 01:22 AM
Parent: #8
تبارك ..
سلام ياصاحب .. وليك وحشه ..
تعرف ياحبوب جنس الكلام (الناعم وممسح) الزي ده صدقني
هو البخلي الناس (العجينة) الزي ديل يتمادوا ويقلوا أدبهم
ويجيبوا سيرة الناس على هواهم وزي مادايرين .. والواحد فيهم يقوم
من النوم (زهجان) وماعندو موضوع .. ولا بطنو واجعاهو من اكل (الأفوال المصرية)! الرخيصة
في الأماكن المعفنة، ويقوم يكتب هنا اي (دوراب)!! على شوية (خرا)!
مع زيادة من موية (البلاعات) ، والبغيظك !! .. الواحد بعد مارسالتو تصل ويستفز
الخلق بجنس ردود (كردود حماده) في البوست المعني .. يقوم يجيك بأسف ومعليش
وانا بعد ماتكلمت في التلفون مع منو كده اتقدم بكامل اسفي ..... وشنو كده ماعارف
من جنس (المياعة وخرخرة الطفوليه الجبانة) .. ونحن علينا ان نجي نقول اقول من شاكلة
(والله كبرت في نظرنا .... وياها المحرية فيك ..... وبرضو من شاكلة كلامك ده ياتبارك) !!!!
يأخي خلاص (وي قيت سِك) من جنس ده .. والجاي ..
ومافي اي شئ ...
مهم
|
Post: #10
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: Omayma Alfargony
Date: 01-21-2009, 03:33 AM
Parent: #9
المعني صاحب البوست
اتمني أن تكون تعني ماتقول,,,
ومابس مجرد زهجة تاني تخرجك عن طورك تجي تجرح بيها خلق الله بدوافع شخصية,,,
التقريع في شخص انسان بهذا الشكل عمل مخزئ جدا وغلط كبير ويخلو من مروءة,,,
د.نبراس من أعز صديقاتي
أعتز بها جدا واذا كان انت فعلا معرفتك بها من أيام الجامعة أكيد ماكان مفروض يحصل منك كده اطلاقا,,,
كفاية انسانيتها,,,
وكون انك ماعاجباك كتابتها ده راي قدمه في نقد أدبي ومضوعي يا تحتفظ بيه لنفسك,,,
نبراس في نظري ونظر كثيرين
كتابة ومبدعة ذات مصداقية ليست هي أو احد غيرها محتاج أن يثبتها لذوي عقول متربصة في هوس,,,
نعرفها جيدا ونعرف اسرته الاصيلة وابداعهم وعطاهم المستمر,,,
أعتقد أنك مدين لنبراس واسرتها بأعتذار .
|
Post: #11
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: إيمان أحمد
Date: 01-21-2009, 03:45 AM
Parent: #10
.
د نبراس كده احكى لينا عن دراستك فى مصر وعن ابداعاتك فيها
يا عزيزتي أميمة الفرجوني
الأخ محمد عادل مطالب بالاعتذار لكل من قرأ كلماته المسيئة في حق نبراس.
يامحمد انت شاب في مقتبل عمرك، فليتك تراجع أسلوبك وطريقتك، ربما كان فيهما شيئا خاطئا عليك تغييره!!
كان ممكن نفتش ليك عن عذر ونقول "صغير" في السن، لكن كان بهذا المنبر من هم أصغر منك سنا بكثير، فكتاباتك تدل على إنك خريج جامعي. هؤلاء (مثل الكاتب الموهوب حسام هلالي) لم يجرحوا أحد يوما، ولم يسيئوا لشخص ولم يتربصوا بإحدى الأخوات بالمنبر يوما.
يا أخي أهلنا بيربونا لغاية عمر معين، بعدين الباقي علينا نحن، ونصبح مسئولين عن تصرفاتنا.
أكرر استيائي البالغ مما وصلت إليه أنت في خطابك المرفق أعلاه.
إيمان
|
Post: #12
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: حمور زيادة
Date: 01-21-2009, 04:23 AM
Parent: #11
| Quote: اعلن طؤى صفحة بوست نبراس نهائيا بعد الاتصال الرقيق من هشام شيخ الدين |
Quote: اعلن الان طوى صفحة البوست الذى كتبته حول نبراس تعالى ورينا ابداعاتك فى مصر
بعد الاتصال الهاتفى من الاستاذ هشام شيخ الدين وازلنا كل اللبس ونقاط الخلاف اما اذى نقل لى حديث من نبراس فله منى حديث اخر |
دقيقة دقيقة يا زول مالك داير تلخبتنا ؟
انا هسه جايي من بوستك التاني الداير تعمل ليو طؤي ده
ما فهمت شي
انت متين شاكلت نبراس ؟
البوست داك كان عن حاجة مهمة شديد
اتهام لنبراس انو كتابتا الفي المنبر دي ما حقتا و انها بتمشي مدبولي تجيب ليها كتابين و تجي تعمل فيها نجيب محفوظ
اها ابوها عمل شنو يعني ؟
ضرب حلف ليك بسيدي الحسن انو الكتابة دي حقتا ؟
يا ظريف انت اتهمت نبراس انو الكتابة الهنا دي ما حقتا
يضرب ليك هشام شيخ الدين
يضرب ليك تبارك
تضربك ركشه
ده ما بيغير الاتهام
يعني عشان كنته ما عندك موضوع قمت اتهمتها انو البتكتبو ده ما حقها؟
اها يعني لو كانت قافله معاك كان قلت عنها شنو ؟
لا لا يا حبيب
عندك مشكلة مع نبراس استنادا على قواله من زول ده موضوع بيتحل بتلفون من ابوها .. ما خصانا
لكن انا يخصني كزول بعرف نبراس و بفخر بالمعرفة دي و بمشي الارشيف اقرا ليها يهمني اعرف نبراس طلعت حرامية كتابة وله لأ
فبالله واصل لينا هنا و ما تعمل طؤي للصفحة
سمح ؟
اها قلت نبراس بتجيب كتابين من مدبولي و تجي تعمل فيها نجيب محفوظ و انت شاكي انو دي ما كتابتا ..
واصل نحن متابعين معاك
|
Post: #13
Title: Re: اعلن طؤى صفحة بوست نبراس نهائيا بعد الاتصال الرقيق من هشام شيخ الدين
Author: mutwakil toum
Date: 01-21-2009, 04:50 AM
Parent: #12
الوادي المقدس طوى
وبركاتو
إذا ماذا
محمد عادل بدل المرمطة دي كان تقول ليهم أنا بمدح فيها..
هو منو البِعرِف أردو؟
|
|