Post: #1
Title: أسماء فى حياتنا ، الإعلامى إسماعيل طه نموذجاً مشرفاً
Author: يازولyazoalيازول
Date: 01-20-2009, 11:28 AM
Parent: #0
حقيقة لقد أدهشنا عُمر الجزلى وهو يستضيف الإعلامى الجميل إسماعيل طه فى برنامجه التوثيقى اللطيف أسماء فى حياتنا ، وصرنا ننتظر حلقاته فى شوق وفرح لنشاهد ونستمع إلى ذلك الفتى الجميل وهو يحدثنا بسرد سودانى سلس ومنمق عن تجاربه الغضة بين الخرطوم ومناطق الشايقية والخليج وبريطانيا ، وما أجمل عفوية السودانى فى شخص وروح ونفس الجميل إسماعيل طه ، والله إن إسماعيل طه هو النموذج الحقيقى للسودانى الأصيل النبيل الذى يفترض القيم ويحسب حساب العزة والكرامة ويعيش مع (الجن الأحمر) دون وجف ولا رجف ، متمسكاً فى كل خطواته بعقائده وإيمانياته والثوابت التى تربى عليها ، وهو ما يدرس الآن على شاكلة العلوم الإنسانية ، ينشأ ناشىء الفتيان منا بما كان عوده أبوه وأجداده الذين لا نستطيع أن نوصفهم إلا بأصحاب الحبيب المصطفى يحملون قيم الرجولة والشهامة والكرم ونجدة الملهوف وتوقير الجار قبل العطف على الحبيب ، إسماعيل طه هو العفوية تمشى على الأرض ، ولكنها سبحان الله عفوية محفوفة بالكثير من العناية الإلهية فكأنما أعطى إسماعيل طه بقدر نياته النبيلة وصفائه الذى يلهب القلوب.
والله إن رحم السودان يزخر بكل ما هو جميل
كتر خيرك يا جُزلى
يتبع/ ..........................................
:)
|
Post: #2
Title: Re: أسماء فى حياتنا ، الإعلامى إسماعيل طه نموذجاً مشرفاً
Author: محمد عادل
Date: 01-20-2009, 11:31 AM
Parent: #1
بس اسماعيل طه مايكون شغال فى جالية مكه
ومايكون عندو علاقه ب الزول بتاع ال6 الف ريال
|
Post: #4
Title: Re: أسماء فى حياتنا ، الإعلامى إسماعيل طه نموذجاً مشرفاً
Author: كمال علي الزين
Date: 01-20-2009, 03:37 PM
Parent: #2
(*)
محمد عادل .. لو تكرمت تتفضل إنتا ومداخلتك بره ..
لأنو كالعادة حا تلحقك (لنا مهدي) وتتعامل معاك كزول
فاقد الأهلية .. وبعدها تضطر تعتذر ..
أخدا من قاصرا وإتخارج إنتا وكلامك الفارغ ده ..
لأنو هشام ده زول محترم وما تجنى على زول هنا ..
بجيك تاني وتالت ..
أنا زاتي تخيل الليلة زيك ماعندي موضوع ..
|
Post: #3
Title: Re: أسماء فى حياتنا ، الإعلامى إسماعيل طه نموذجاً مشرفاً
Author: Deng
Date: 01-20-2009, 03:24 PM
Parent: #1
يا ساتر.
|
Post: #5
Title: Re: أسماء فى حياتنا ، الإعلامى إسماعيل طه نموذجاً مشرفاً
Author: Mohamed Yassin Khalifa
Date: 01-21-2009, 07:34 AM
Parent: #3
هشام يا زول يا راقي... يا فنان يا أصيل
أصيل بكلامك ده عن إستاذنا الأديب الصحفي الأصيل إسماعين طه...
كان طلبت منك ترسل لي الشرايط دي لو عندك بكون طلبتا كتيييير منك
ولكن ده طلب كبير ممن كان مقامه عندنا كبير...
يا أخوي يمكن أولاد الزمن ده ما بعرفوا إسماعين ده!
بس بقول ليهم: الأصيل من يومه أصيل... وإسماعيل طه سوداني من يومه ولي يومه
قدامي صورة تجمعنا بالشريف الزين ومضوي الترابي والسماني الوسيلة ودكتور اللمين وأستاذنا إسماعين
معلقة قدامي والله كل يوم بشوف فيها إسماعين طه "سرحـــــــان" بهموم بلده كان في غربة ضبابية لندنية أو في الحجاز ولا جووه الخرطوم....ذي ده ما في زيه
والله صدق القال: الما بعرفك بجهلك!
|
Post: #6
Title: Re: أسماء فى حياتنا ، الإعلامى إسماعيل طه نموذجاً مشرفاً
Author: جعفر محي الدين
Date: 01-21-2009, 07:41 AM
كنت استمعت قبل سنين ليست بالقليلة لقاء مع الأستاذ إسماعيل طه أظنه في البي بي سي نفسها حيث كان يعمل
فعلا قصة نضال وكفاح وحب للعمل وإتقان للمهام الموكلة إليه
كثيرة هي تجارب السودانيين المجتهدين والمخلصين لوطنهم وعملهم
نتمنى أن تسعفنا ظروفنا لحضور باقي الحلقات
|
Post: #7
Title: Re: أسماء فى حياتنا ، الإعلامى إسماعيل طه نموذجاً مشرفاً
Author: دورنقاس
Date: 01-21-2009, 11:37 AM
Parent: #6
أخي هشام
لايختلف إثنان في أن الاستاذ إسماعيل طه
إعلامي قدير ومتميز ... وسوداني بره وسوداني جوه
وفي حضرة جـمالو يطيب الجلوس
|
|