غازي سليمان يقسم بالطلاق بعدم تسليم البشير وانه سيموت ويقاوم معه!!

Quote: فيما أقسم القيادي البارز بالحركة الشعبية غازي سليمان عضو المجلس الوطني بالطلاق بعدم تسليم الرئيس البشير حتى إذا جاءت المحكمة الجنائية الدولية منطقة (حوش بانقا) وأعلن تضامنه مع الانقاذ وعزا ذلك لشجاعة المشير عمر البشير وعبقرية د. جون قرنق بتوقيعهما لاتفاقية السلام الشامل التي انتهجت الطريق الصحيح لانتشال البلاد لمرحلة بناء الوطن، ووصف مزاعم الجنائية الدولية بأنها تحاول أن تعطل البلاد من مسيرة التنمية التي شهدها في مجال الاقتصاد بنحو اكثر من (8% نقطة) في المحيط الاقليمي ونحو اكثر من (6% نقطة) في المحيط الدولي، وقال إن التطور الاقتصادي في البلاد انجاز للمشير البشير، وسخر من الذين اسماهم الطابور الخامس الذين يريدون توقيف الرئيس البشير ومحاكمته بقوله : (التراب في خشمه) وقال ان الغرب استخدم مع البلاد الحصار الاقتصادي وغيره عندما فشلوا في ذلك حاولوا تخريب اتفاقية نيفاشا ولم يستطيعوا فعل شئ في النهاية أحالوا قضية دارفور عبر مجلس الأمن للمحكمة الجنائية الدولية، وقطع الطريق بأن قضية دارفور لا يمكن حلها إلا عبر الحوار الدارفوري الدارفوري، وقال إنهم كلهم في خندق واحد مع الرئيس البشير، وأكد أن موقف الحركة الشعبية ضد توقيف الرئيس البشير لما يمثل التوقيف من خطر على اتفاقية السلام الشامل، وقال انه (سيموت ويقوم) مع الرئيس.

ليس بمستغرب ان يصدر هذا الحديث الجريء من الاستاذ غازي سليمان . رجل شجاع بمعنى الكلمة كما انه وطني غيور في زمن تنكر فيه اصحاب الهوى والمصالح للوطن وحاولوا بشتى الطرق التامر عليه وتعطيل مشاريع التنميه فيه ..

التحية للاستاذ غازي وهو يوجه صفعة موجعة لكل من تسول له نفسه بالتعدي على رمز سيادتنا وعزنا وقوتنا
المشير البشير ونحن نعلن من هنا وقفتنا مع المشير البشير ضد كل من يحاول النيل منه . وسنموت وسنقوم
معه الى ما لا نهاية ...

غايتو غازي دة بشبيه البشير في تصرفاتو
وكمان بشوت ضفاري ساكت
وحلاف بالطلاق كيف بس غايتو الخالق الناطق

راجل ود رجال
و نحن معاهم

لا عجب في حديث هذا المهرج السياسي
الذي يتسلق على حائط الحركة الشعبية, ولقد عرفنا الحركة الشعبية و رجالها و فكرها!! و عجبت لهذا المندس في صفوفها !؟ ان كانت قناعتك تتسق على هوى البشير ف سير في دربه و ارحل الى المؤتمر الوطني ! لكنه يعي دوره جيداً في صفوف الحركة الشبعية! حافظ الدور .


نحث الحركة الشعبية على تصحيح هذا الارجوز قبل ان يتاح له المزيد .

Quote: ولقد عرفنا الحركة الشعبية و رجالها و فكرها

قرقرقرقرقرقر!!!!!!!!!!!!!!!

على تاج الدين على

كلامو سليم 100% وكلام رجال.


بس المناتلين ديل ماح يقبلوا بالكلام ده لانو معناهو ياكلوا زلط.

مع إني كنت بحترموا وأقدروا جداً ولازلت ..
لكن
بعد الكلام القالو دة سقط من نظري ..

الزول دا شايت علي وين؟؟؟

غازي سليمان ليست له مواقف محدده ومصلحي من الطراز الاول ..

شخص بمواصفات غازي ليس جدير بالاحترام وهو دائم التنفيذ لاجندة الجبهه الخفيه ( عميل مزدوج ) فقسم غازي بالطلاق كقسم السفيه..

حليل غازي

ولو نسيت بذكرك لمن كنت بتجيب سيرة قرنق

وكانوا ناس البشير بقتحموا مكتبك الصغيروني (ويبشتنوك) والمعاك بي البمبان الاسرائيلي الصنع

ويكون دفار الكش واقف بي تحت

يجو يخموك وساطع وتوبي مدوت ونازك وبقية الشرفا

ومنها كنت بتمشي السجن زيك زي اي شريف

وتجي ام سلمي بتك بتحنس في امن البشير عشان تزور ابوها مريض السكري

ويطردوها

لانو ابوها في نظرهم عميل للعميل قرنق

واليوم يقي قرنق عبقري والبشير شجاع كدا زي بعض؟

جد زعلان ليك يا غازي

يا سبحان الله طابور خامس مره واحده

يا من تتلون كالحرباء

ليس لك مواقف ثابته غير الهتاف

منتهك حقوق الانسان اصبح اليوم شجاع

الله يرحمك يادكتور قرنق


والسلام

Quote: وسنموت وسنقوم معه الى ما لا نهاية ...

يا ود الباوقة

سنموت عرفناها

سنقوم بعاتي ولا كيف!

Quote: يا ود الباوقة سنموت عرفناها سنقوم بعاتي ولا كيف

!

يعني يا معروف يا اخوي الكلام دا كلو خليتو ومسكت في الكلمة دي
طيب انا غلطان والصحيح سنقاوم ..

كمان اقول ليك علي بالطلاق غازي دا ارجل راجل ....
بعدين الحركة الشعبية مالا مش شريك اساسي في الحكم ..

والله جنس محن عليكم يا معارضة ...

موقف معقول من مدمن بلغ ارزل العمر

خلاص دي عفيناك منها يا ود الباوقة

لكن

Quote: وسنقوم معه الى ما لا نهاية

طيب الى ما لا نهاية كيف؟

انت ما مؤمن ولا شنو!

ونحن نعلن من هنا وقفتنا مع المشير

Wad Al Bawgaa\

Would you explain the above mentioned Pharase
You said"WE" what did you mean.?

I think Omer Al basheer committed serious crimes aginst his "PEOPLE" in DARUR
sooner or later he is going to face this charges

al mohem2

Quote: كمان اقول ليك علي بالطلاق غازي دا ارجل راجل

غازي سليمان خليهو يا ود الباوقة.. غازي صلاح الدين كيف؟؟

كلامو سليم 100% وكلام رجال.

غازي سليمان رجل يستحق كل الإحترام والتقدير
وهو رجل يضع مصلحة وطنه فوق كل شيء ويعرف ماينفعنا ومايضرنا
لو أراد الرجل المناصب والأبهه والمال لم يكن هناك مايوقفه ومن يصفونه الآن بالعماله هم العملاء أنفسهم

Quote: غازي سليمان رجل يستحق كل الإحترام والتقدير

Quote: غازي سليمان رجل يستحق كل الإحترام والتقدير وهو رجل يضع مصلحة وطنه فوق كل شيء ويعرف ماينفعنا ومايضرنا لو أراد الرجل المناصب والأبهه والمال لم يكن هناك مايوقفه ومن يصفونه الآن بالعماله هم العملاء أنفسه

سلام...يا محمد فرح....انت تنفخ فى جسد بلا روح..لو قيض الله لهذه البلاد ان يسوس امرها من
شاكلة هولاء المناضلين فلنقم ماتما وعويلا عليها ...نحن فعلا نحتاج لدفن موتانا ممن يعيشون فينا
ويتعيشون منا فيمددون اقامتهم من غير وجه حق ضدا على التاريخ ومنطق التطور ..هولاء الموتى
الارازل يفتون فى كل شئ ويربضون فى كل شئ ...فى السياسة وفى الايديولوجيا وفى وصفات السلطة
وفى المفاهيم وفى كل شى ...ان الرد على تحديات المرحلة ..ياسيد فرح...لا يحتاج صياغة سريعة
لبرنامج عمل مقدار عدم حاجته لانتفاخ اوداجنا بالشعارات ....ان الذى نحتاجه فى هذه المعركة
يرتفع عن مستوى البرنامج السياسى الى برنامج نهضوى ينتهض به مجتمع يراد له ان ينهار عمرانه
المدنى بدعوات التخذيل والانكسار والخيانة ..وتستعيد به الدولة عقلها الذى فقدته بثقتها
فى اهل الكيد والمؤامرات!!!
على تاج الدين على

والله غازي ده يمكن يكون أكتر رجل اعتقلتوا الإنقاذ

وأكتر رجل عانى الأمرين منها

لكنه رجل يفرق بين المصالح الشخصية.. وقضايا الوطن

التحية له

وموقفه هذا هو موقف الكثيرين

نحييه

ده الكلام
وله بلاش
التحية لغازى سليمان وامثاله
وكلنا ذلك الرجل

Quote: غازي سليمان يقسم بالطلاق بعدم تسليم البشير وانه سيموت ويقاوم معه!!

خلاص خلى الحلف بي أمو ؟
ما كان كل ما يريد أن يغلظ
في القسم بقول :
( وحات أمي فلانة بت فلان )





غايتو جنس إنتهازية ..!!