Post: #1
Title: عاينـــــي ..
Author: tmbis
Date: 01-19-2009, 09:26 AM
Parent: #0
أنا طول عمري قاعد احترمك ..
لكن لو عايزه لف ودوران .. مافيش مشكلة بلف وادور معاك ..
رايك شنـو..؟
أنا ما فارقه معاي كتير ..
عندك استعداد .؟؟
|
Post: #2
Title: Re: عاينـــــي ..
Author: nazar hussien
Date: 01-19-2009, 09:29 AM
Parent: #1
ما عندها استعداد يا تمبس...
هذا علي لساني وان كنت لا اعرفها
|
Post: #16
Title: Re: عاينـــــي ..
Author: فيصل نوبي
Date: 01-19-2009, 10:31 AM
Parent: #2
__
_
فكها ياخ فكها 
|
Post: #3
Title: Re: عاينـــــي ..
Author: baha eassa
Date: 01-19-2009, 09:30 AM
Parent: #1
تمبس .. سلامات .. مالك داخل بسرعة 120؟
حمدا لله علي السلامة وخليك متواجد في المنبر .. .. تحياتي
|
Post: #4
Title: Re: عاينـــــي ..
Author: انعام عبد الحفيظ
Date: 01-19-2009, 09:33 AM
Parent: #1
عايني ولا أقري ؟؟؟
ـــــــــ
تمبس إزيك ياخ ووين برنامج إسترجاع الملفات ياخ
|
Post: #5
Title: Re: عاينـــــي ..
Author: بشير أحمد
Date: 01-19-2009, 09:35 AM
Parent: #1
الاخ/علاءالدين
تحياتي؛؛؛
الحاصل شنو؟
|
Post: #6
Title: Re: عاينـــــي ..
Author: esam gabralla
Date: 01-19-2009, 09:37 AM
Parent: #1
المرحوم "شكال" اصلا و لا مقرطة معاهو ساكت
اسمع ما تعمل توريات و حركات عندك معاى كلام قولو عديل (لماذا تثر الغبار؟) وش فقرى و مقددا
بعدين لو محاربنا في المنبر ... الايميل دخلو شنو؟ و لا المقاطعة شاملة
1 - دى حبيبتك البتنهزر فيها دى؟ حباك قرد ماكل قبانيت
2 - وين برنامج الطباعة و "خلى العيش حرام" كان انت نسيت انا ..
3- قوم لف
|
Post: #7
Title: Re: عاينـــــي ..
Author: معتصم الطاهر
Date: 01-19-2009, 09:41 AM
Parent: #1
تمبس
عاين ياخ
انت زول لطيف
ولكنك عذابي و ميئوس تتخطى المرحلة دى لى قدام أو مستقبلا..
و أصحابك كلهم جابو أولاد ..
أها رغم لطافتك محتاج دروس للتعامل مع الجنس اللطيف ..
تلطف بهن ..
أسع زى عزاز شامي دى يشاكلوها كيف ؟؟
ترشّها بالريحة
ولا تجدعها بالزهور
ولا تهجوها بقصيدة غزل ؟؟
|
Post: #10
Title: Re: عاينـــــي ..
Author: abuguta
Date: 01-19-2009, 09:57 AM
Parent: #7
عاينى
لو الزمن
جابنى ليك
تانى
راجع مستحيل,,,,,
تاوقى
برقيبتك الممشوقة
ب طاقة الهوى,,,,
تاكى
باب قليبك
الضلفتين
مفتوح
لغيرى,,,,
عاينى
وتانى عاينى
لو عيونى بتعاين
فيك,,
ريدك
سافر
من فوادى
زمان
وذكراك
ما ليها
ركين فاضى
دنقرى
وعاينى لرجليك
ساكة سكتى
الماملوحة ليك
امسحى
اسمى
من مخيلتك
بس.....خلاص
ابقوتة نجر اخضر
|
Post: #21
Title: Re: عاينـــــي ..
Author: فيصل نوبي
Date: 01-19-2009, 11:10 AM
Parent: #7
__
|
Post: #8
Title: Re: عاينـــــي ..
Author: mayada kamal
Date: 01-19-2009, 09:47 AM
Parent: #1
أأأأأأأأأأأأأأي
مالك في شنو يااااااااااااخ!!!!!!!!!!!
****تخريمة
تامبا إزيك
|
Post: #9
Title: Re: عاينـــــي ..
Author: ismeil abbas
Date: 01-19-2009, 09:52 AM
Parent: #1
عاينى
ممكن ترجعى لى كل الحروف النظمتها فى ريدك شعر
والشوق وعد النجوم ولوعة الحب والسهر
عاينى..
وفكرى
وأطردى الوسواس من قلبك يا روعتى ويا مهدى المنتظر
عاينى.........وكان عاينتى وللا ماعاينتى إنت فى دنيايا حاجة وكل حاجة...
غدا أخونا عمران مفعولو بدآ يظهر....................
تمبس حبيبنا...لك خالص الود..إسماعيل محمد احمد عباس....
|
Post: #11
Title: Re: عاينـــــي ..
Author: انور التكينة
Date: 01-19-2009, 10:02 AM
Parent: #9
تمبس
يا جديد فى درب الهوى
انت ما عارف
طبيعتهن اللف و الدوران
اخدت كورس فى اللف و الدوران ؟؟
لو الاجابة بالنفى ..سجم حشمك
خليك ماسك ابانص يا فردة
اوعى ترخى ....
|
Post: #12
Title: Re: عاينـــــي ..
Author: Hassan Makkawi
Date: 01-19-2009, 10:13 AM
Parent: #11
Quote: أنا طول عمري قاعد احترمك ..
|
ضيعت عمرك يا تمبس؟؟
|
Post: #13
Title: Re: عاينـــــي ..
Author: معتصم دفع الله
Date: 01-19-2009, 10:17 AM
Parent: #1
عايني ..
وشيلي قليبي عندك ..
ما أصلو أنا ليكِ ومنك ..
وكان تعب إحساس الكلام ..
تلقيهو برضو بادي منك ..
|
Post: #14
Title: Re: عاينـــــي ..
Author: خدر
Date: 01-19-2009, 10:30 AM
Parent: #13
اخطاء تمبس و اصابت البت العاوزها تمبس تعاين 
ذكرتني زمان كنا بنحوم وكت المسلسل مع حبيباتنا ,
طبعا كنا 2-2 لكن في شكل قطيع ( lool )
عندي صاحبي كان ماشي و حبيبتو جنبو
فجأة سمعنا صاحبنا بقول (انتي عويره ولا شنو!! )
و بعدها مباشرة سمعنا طاخ طراخ
اتلفتنا لقينا الحبيبة مكومة في الواطة
__
اتضح لاحقاَ في المستشفي ان العاشق كان قد عاجلها بدفره تحت دعاوي المداعبة
فما تدفر البنات ياخ (lool )
|
Post: #15
Title: Re: عاينـــــي ..
Author: معتصم الطاهر
Date: 01-19-2009, 10:30 AM
Parent: #1
شفت دروس العصر الفوق دى
ضيعت " صبرك الشوية "
وشكلتك المنتظرة ..
|
Post: #19
Title: Re: عاينـــــي ..
Author: نادية عثمان
Date: 01-19-2009, 10:54 AM
Parent: #15
تمبس ؟
شنو يعني ؟
قلت عايني ؟
ياخ أها
عاينت ليك
وشفت
طيبة الدنيا
كلها
في عينيك
و
عاينت
في
ضؤ بسمتك
ووهج وشيك
ومعاك مشيت
جوة الوريد
وناديت عليك
ومن مساحات المحنة
المني ليك
بمشي
و
أجيك !
لقيتني كيف ؟ ( وش فرحان بتمبس) !
بالمناسبة النص الفوق ده غتكتب هسي ولحنو تمتام خلاص وبكرة حاتسمعوا في البوست ده وبعدين الإذاعة قصرنا معاك ؟
يلا هو مالو ؟! ( وش كيف كيف كده ) !
|
Post: #22
Title: Re: عاينـــــي ..
Author: tmbis
Date: 01-19-2009, 11:14 AM
Parent: #15
والله لأول مرة الواحد يحس أنو جادي في مكان ناس ما جاده .. .. معقولة أنا أكون زول جادي للدرجة دي ...؟
يا جماعة ياخ افهموني ..
أنا ليه ما قاعد اللقى لي زول يفهمني ..
خــدر قال لي دقيت بت الناس .. مع أنو والله والحقيقة تتقال .. اصالة عني نفسي وكدا ما حصل دقيت لي زوله كدا بي شحمها ولحمها دايما مدقوق على راسي .. قلنا ليكم بقدس الحياة الزوجية وبهوى السباحة وركوب الخيل .. برضوو ما صدقتوني ..
مع انو في نوعية كدا والله تدقها من غير غبينة .. بعدما تدقها توديها الجيش وفي نوعية كدا حقو الواحد يسكت ساكت ..
عصام جبر الله عايزني اخسر فوقو خلي العيش حرام وكم ميقا بايت على الشبكة العالمية .. علشان جاب لي سي دي لي ابوداؤد عايز يمسكني بيهو ...
من مداخلة عصام وخـدر يتضح جلياً انو العام الفين وتسعة سيأتي على بالمزيد من النقط . نقط ..
أيوب عثمان نهار .. شبكني ليك حبيبتك خوفتك .. وشنو ما عارف ..
أبو قوته كتب لي معلقة قايلني فضل فيني قلب ..
معتصم الطاهــر .. حسع الجماعة اصحابي ديل استفادو شنـو..؟ النجيض فوقم الصباح يبردو ليهو قلبو بي كباية شاي .. ويجي بالليل يلقى العدة مكومة بي باقي ملاح خدرتـه .. يشيل الليل كلو غسيل ويشيلو هموم .. ..
ميادة كمال .. كان كررتيها تاني يحلك الحله .. بله وما قدر يحلني
حتى إنت ذاتك يا موووووو ..
اسمعين عباس والله إنت طيب من يومك .. وبتعرف تبرد قلب الواحد .. بتشبه لي كيني روجرز كدا
يا بهاء والله المشي من هنا دا تاني حلم الجعان .. البمشينا من هنا بيطلع قدامنـا..
دكتور بشير .. يا زول أخوك اتحقر عديل كدا كلم الأخوان بي هناك ..
انعام عبدالحفيظ .. بريـه قالو عندك انفلونزا .. بعدين يا انعام كلما اتذكر انو مفترض ارسل ليك السوفت وير دا .. اتذكر ابتزاز عصام جبر الله لي .. واقوم اعدل من الفكرة واتراجع .. احسمي لي موضوع الابتزازات بتاع اليومين ديل ..
ملحوظة:
يا جماعة عليكم الله افهموني شوية ..
خليكم جادين
|
Post: #17
Title: Re: عاينـــــي ..
Author: تيسير عووضة
Date: 01-19-2009, 10:47 AM
Parent: #1
ما بعاين ..
وبعدين مية مرة قلت ليك مشاكلنا في البيت ما تنقلا المنبر
خلي الكلام الكتير وقوم غسل العدة الراجياك دي ..
|
Post: #18
Title: Re: عاينـــــي ..
Author: Hala Hassan
Date: 01-19-2009, 10:49 AM
Parent: #1
تمبس،
مالك على البنية،،،
دايرين نحجز،
لكن خايفين من جنس دة:
__
| Quote: اتضح لاحقاَ في المستشفي ان العاشق كان قد عاجلها بدفره تحت دعاوي المداعبة |
طبعا و الحجاز بكون هو الغلطان،،،،
|
Post: #20
Title: Re: عاينـــــي ..
Author: محمد عبد الماجد الصايم
Date: 01-19-2009, 10:59 AM
Parent: #1
وأفرض يعني؟
|
Post: #24
Title: Re: عاينـــــي ..
Author: باسط المكي
Date: 01-19-2009, 11:50 AM
Parent: #20
تمبس
تحياتي ..
اتمنيت الاقيك ..وحصل
اليوم اتابع
حضور ك الجميل ياجميل الخاطر
وخفيف الظل ...
حضور ومتابعة ...
الله يديك العافية
|
Post: #27
Title: Re: عاينـــــي ..
Author: tmbis
Date: 01-19-2009, 12:09 PM
Parent: #20
يا نزار ... المسكلة انها ما ح تقول حاجة .. وبعدين المسالة تقع في راسك إنت .. بترضى ؟
نوبي .. .. إنت ذاتك أنا خاتيها ليك وخوة فرتق بعد كدا .. أنتظر البوست الجاي عن ماجستيرك من (1 إلى 1000) .. أوعه الانفلونزا تكون تاني رجعت ليك ..؟
يا انور التكينة .. بالمناسبة إنت قلبك قوي ساكت تكتب ليك كلام زي دا .. كان جو لفو معاك هنا دا حسع دي بتعرف حاجة .. اهلا ومرحب بيك اضافة حقيقية .. لف لي وأنا بدور ليك ..
حسن مكاوي .. أنا من ضيع في الاحلام عمــره ..
نـادية عثمان .. والله حظك سمح إنو الواحد طلع قاعد ساكت وما بيعرف يقول حتى كلام سمح .. الواحد من ما تابع ناس محمد الصايم ومن لف لفهم بقى دفش .. .. لكن ح نعمل اعادة صياغة ونشوف مكامن الخلل وكدا .. عن اذنك اتحسس  ي
الأخ تيسير .. ما قلت ليك الصباح ختى قروش الصابون جمب الحلة الكبيرة العملت ليك فوقه المحشي امبارح ..
يا باشمهندس هاله .. النوعية دي ما بيحجزو منها .. ياخ دي بمسكوها هي في الأول ..
كاروشة .. مش شغلك أو نحو ذلك .. ..
|
Post: #23
Title: Re: عاينـــــي ..
Author: esam gabralla
Date: 01-19-2009, 11:46 AM
Parent: #1
| Quote: كان قد عاجلها بدفره تحت دعاوي المداعبة |
يا اخينا هو تمبس ده لو بدفر كان كويس
ده
بشلت
| Quote: علشان جاب لي سي دي لي ابوداؤد عايز يمسكني بيهو |
دى ما اسمها يمسكنى بيهو
دى اسمها كسرة عين .... يا قرموط
قوم لف تانى
|
Post: #25
Title: Re: عاينـــــي ..
Author: Mohamed E. Seliaman
Date: 01-19-2009, 11:54 AM
Parent: #23
|
Post: #26
Title: Re: عاينـــــي ..
Author: osman righeem
Date: 01-19-2009, 11:57 AM
Parent: #1
اخونا علاء
سلام
عاين انت متأكد
انها حذفت
|
Post: #28
Title: Re: عاينـــــي ..
Author: معتصم محمد صالح
Date: 01-19-2009, 12:16 PM
Parent: #26
وين الصور ؟؟؟
|
Post: #29
Title: Re: عاينـــــي ..
Author: عمران حسن صالح
Date: 01-19-2009, 12:18 PM
Parent: #26
| Quote: غدا أخونا عمران مفعولو بدآ يظهر.................... |
| Quote: اسمعين عباس والله إنت طيب من يومك .. وبتعرف تبرد قلب الواحد .. بتشبه لي كيني روجرز كدا |
إنت حركاتكـ دي ما تجي تسويها لينا نحن ديل مالكـ...
قال تبرد قلب الواحد ...
قلبكـ يروح في ( .....) .... قول آمين ..
بعدين تعال هنا وين البطاقة القلنا ليكـ حوله بي جوالكـ المخستكـ داكـ ..
قال تبرد قلب الواحد ..
ما جيت ضربت وأخدت ليكـ تكيه وراسكـ لفه من التحلية والذي منو !!!
قال تبرد قلب الواحد .. وانت يا اسماعيل زول طيب .
الطوبة التخبطكـ في حلاقتكـ الشينة دي ..
.
.
ما في زول يجي يعمل فيها (حجَاز) ......!!!!
|
Post: #30
Title: Re: عاينـــــي ..
Author: بكري الخير
Date: 01-19-2009, 12:26 PM
Parent: #1
امكن ما بتسمع يا تمبس؟؟؟
|
Post: #36
Title: Re: عاينـــــي ..
Author: tmbis
Date: 01-28-2009, 09:23 AM
Parent: #30
بـــاسط المكي .. ما غريب علي الأسم .. ياربي إنت زاتك البتطابق عليهو الاسم ..؟ على كل كان إنت سيد الأسم أو الجريف واللوبيا .. اشكرك شديد جدا .. والله يا باسط ما كنت فاكر انو في ناس بتفتش علي زاتوو ..
عصام جبر الله .. طبعا إنت شغال لي اغتيال شخصية
.. ياخ الله يهديك وتبقى زول كويس .. زي طارق ابوعبيدة كدا .. وبالمرة اتصلح معانا شويتين .. أنا أخوك الصغير يا (معفن) .. ..
محمد الحسن سليمان .. ارجو أن تكون بلغت العافية .. الباقي كلوو (ممحوووق) ..
الرجل الطيب .. عثمان رقيم .. (آهـ ونص).. .. المشكلة انها بعدما تعمل الحركة دي اريته تقعد تنتظر .. بتشيل المفك والزردية بتاعته وتتخارج .. اقول ليك حاجة؟؟ إنت الظاهر لي عندك واحدة تانية (حذافة) .. بمعنى أنها (أحذف) من زولتي دي .. يللا بلاي يا أبو عفان .. ارقد ليها (بالخيرة) .. وبياضك علينا ... ..
نيستــا .. إنت عجيب وغريب .. ..
عمران حسن صالح .. عاين .. ياخ إنت ما تضايق .. .. بعدين إنت ياخ كان زول حساس .. نحن ما حساسين .. خلي اخلاقك رياضية .. .. البسمعك تتكلم عن الغداء التقول (ضبحت) لينــا .. الجمعة الجاية كدي اشوفك (تحلي) معانا عند ناس عمر .. غايتو المرة الفاتت لو ما عمر مسكني كان .. البقالة الجمبك دي مشينا اشترينا منها زبادي المراعي .. وطحنية حلواني اخوان .. .. (غايتو أم محمد الله يخليها لينـا) ..
ايوة بفصل:
لانو عارفك ح تقول ليها تعالي اقري تمبس قال شنــو.. فيما يتعلق بالغداء ..
بكري الخيــر .. والله كلامي دا فايت اضانه بي هناك .. الزولة دي من النوع الغتيت جدا .. حذفانه زاتو ما زي حذفان (الزولات) .. تحذف وتكسر في اضانة قشة ..
|
Post: #52
Title: Re: عاينـــــي ..
Author: باسط المكي
Date: 02-10-2009, 02:59 PM
Parent: #36
| Quote: بـــاسط المكي .. ما غريب علي الأسم .. ياربي إنت زاتك البتطابق عليهو الاسم ..؟ على كل كان إنت سيد الأسم أو الجريف واللوبيا .. اشكرك شديد جدا .. والله يا باسط ما كنت فاكر انو في ناس بتفتش علي زاتوو .. |
تمبس انت سمح ياخي
ويا جمال حضورك الصريح
كن بخير
|
Post: #31
Title: Re: عاينـــــي ..
Author: Safia Mohamed
Date: 01-19-2009, 12:27 PM
Parent: #1
انا غايتو اتخيل اتخيل لي
فهمتك
مش انت قاصد..................
انك..........
وانها........
..........
البقية في العدد القادم
|
Post: #32
Title: Re: عاينـــــي ..
Author: nazar hussien
Date: 01-19-2009, 12:34 PM
Parent: #31
Quote:
يا نزار ... المسكلة انها ما ح تقول حاجة .. وبعدين المسالة تقع في راسك إنت .. بترضى ؟
|
ذلك يعتمد علي نوع المسألة يا تمبس
|
Post: #39
Title: Re: عاينـــــي ..
Author: tmbis
Date: 01-28-2009, 01:12 PM
Parent: #32
يا صفية .. ما مية مرة قالوليك بعدما تتعشي بي (صير) ما تشربي لبــن .. .. الهضربة دي ما بتغباني دي هضربت ( صير ترنتي ) ..
نزار حسين .. يا بن عمي المسالة مستفحلة والله ، نعتمد ليك نصها ونرمي نصها البحــر .. والباقي اكيد بنتمو غلاط .. لكن كان حصلت زرزرة ما تجيب سيرتي .. والله انكرك زي الما حصلت حاجة ..
اوووو زياد جلبـاب ياخ .... والله يا ابو الزوز ضغطت علي لكن .. تعرف لما ما يكون عندي موضوع .. اصلو بمبركم دا ما بجي ليهو .. قاليك أنا صاحب قضية ياخ .. .. ياخ والله مش تشابه عليك البقر بس .. أنت عندك بهايم في ضهر بيتكم عديل كدا .. ياخ المشكلة وما فيها انو الزولة دي حقاره .. وأنا لي فترة طويلة ما شغال بيها كتير وقاعد امرر ليها .. تجي ياخ حسع تشبكني الجلابية ضيقة يا زياد .. ياخ انظر للنصف الممتلي من الكوووب والعالم اصبح قرية صغيرة .. .. إلخ من الاكلشيهات .. اليومية.. طبعا كلما افكر لي في جلابية تجي ناطي لي من وين ما عارف .. أنا عندي فكرة اعمل جلابية بي اكمام قصيرة وجيوب بي سوستة .. بتنفع معاك الحركة دي والا يفتح الله ..؟ نفعت معاك وحيات اولادي ارسل ليك نسختك هناك وتلبسه في العطلات والمناسبات الرسمية علشان تكون عبرة لمن يعتبر
|
Post: #33
Title: Re: عاينـــــي ..
Author: زياد جعفر عبدالله
Date: 01-19-2009, 12:35 PM
Parent: #1
ترزينا تمبس
وييييينك يا مان مختفي
ولا أنا البقيت ما بخش بنبركم دا
..أنا الوحيد الفاهمك صاح يا مان...
كعادتك...اليومين ديل شكلك ما عندك موضوع و داير تعمل من الحبة قبة
أنتا قاصد واحد كدا ردا عليك في واحد من البوستات...
صاح ولا تشابه علي البقر
كان أنا صاح...قرررط على كدا وخلي البوست كدا لذيذ يا حبة
و كان ما صاح..برضو قررط على كدا
|
Post: #34
Title: Re: عاينـــــي ..
Author: Abdulrahman Eldaw
Date: 01-19-2009, 07:57 PM
Parent: #1
Quote: أنا طول عمري قاعد احترمك ..
لكن لو عايزه لف ودوران .. مافيش مشكلة بلف وادور معاك ..
رايك شنـو..؟
أنا ما فارقه معاي كتير ..
عندك استعداد .؟؟ |
تمبس..مشتاغون
دا كلو عشان سحب الصور؟؟؟؟
|
Post: #35
Title: Re: عاينـــــي ..
Author: سارة علي
Date: 01-19-2009, 08:05 PM
Parent: #1
لكن جنس اللهلها دي ما بتنفع معاي وود الصائم...
بعد ما تفتوا لينا بعد داك انشاء الله تقعد تعاينوا لي بعض العمر كلووووو...
بس برد بطنا...
|
Post: #37
Title: Re: عاينـــــي ..
Author: داليا حافظ
Date: 01-28-2009, 10:23 AM
Parent: #35
أبيييييييت
عيونك بالكحل إنشاءالله ( كحل حجر ..قالو والله اعلم من السنة ).
|
Post: #38
Title: Re: عاينـــــي ..
Author: اسامة الكاشف
Date: 01-28-2009, 10:29 AM
Parent: #35
غايتو ياتمبس
جهجهت المعلقة والجلي
اقتراح: الاستعانة بصديق (ود الصايم مثلا يعني مثلا)
|
Post: #40
Title: Re: عاينـــــي ..
Author: saber alhawatti
Date: 01-28-2009, 01:41 PM
Parent: #38
يا تمبس
انت زول ظريف و فنان ....
يا أخى قول عاينت !!! يعنى حتشوف شنــو ؟؟؟؟
ما تزعل قلت كونوا جاديين !!!
كدى نزل لينا الأغنيه دى خلينا نطرب
ونفرح فى الزمن الباقى !!
والمحتسب بدل الضائع !!!
|
Post: #41
Title: Re: عاينـــــي ..
Author: بت قضيم
Date: 02-02-2009, 07:44 AM
Parent: #40
أمانة ما وقع راجل
|
Post: #42
Title: Re: عاينـــــي ..
Author: حمد اسماعيل
Date: 02-02-2009, 09:33 AM
Parent: #41
0
0
يا علاء
100 مره قالو ليك أبلع الحبه
أصلك ما بتسمع الكلام و الروح العدائيه دى
حتكون ملازماك طوالى . ولو مابتتبلع الحبه أقسمه على اتنين
وأبلع النص الكبير أول وأبلع النص الصغير بعد ما تتأكد الاول اتبلع
ولو النصين طلعو قدر بعض اتصرف براك .
بس طول بالك
بجيك راجع دقايق أتاوق شعيب دا اشوف الناس خفو شويه .
.
|
Post: #43
Title: Re: عاينـــــي ..
Author: walid taha
Date: 02-10-2009, 06:44 AM
Parent: #1
تمبس حقو تخليها (شوفــي) كده بتكون معبرة أكتر
فى (شوفـــي) العين بتكون أكثر (حماراً) ..شبه قانية
نسيت أقول ليك
صباح الخير،، :)
|
Post: #44
Title: Re: عاينـــــي ..
Author: Amira Elsheikh
Date: 02-10-2009, 06:56 AM
Parent: #43
Quote: رايك شنـو..؟
أنا ما فارقه معاي كتير ..
|
انا فارقة معاى ياتمبس..
لانى بحترمك شدييييد وانت عارف كدا كويس...
فعليك الله بطل Aggression...
والله ياتمبس القاك بالدرب العديل الا تشوف براك..
|
Post: #45
Title: Re: عاينـــــي ..
Author: حمزاوي
Date: 02-10-2009, 07:27 AM
Parent: #44
أبييت
|
Post: #46
Title: Re: عاينـــــي ..
Author: mutasim Hameed
Date: 02-10-2009, 07:41 AM
Parent: #1
نعل ما في عوجه ..
ونعل ما قعوجك شيء ..
|
Post: #47
Title: Re: عاينـــــي ..
Author: محمد سنى دفع الله
Date: 02-10-2009, 08:00 AM
Parent: #46
غايتو ناس
ما جادة
ومتلقفة
تمبس
يتكلم مع باعوضه
|
Post: #48
Title: Re: عاينـــــي ..
Author: Abureesh
Date: 02-10-2009, 08:07 AM
Parent: #47
تمبس يتخطى مرحلة الإحترام والمجاملـة، ويدخل مرحلة اللف والدوران.. مبروك!! و لازم تدينا خبر قبل شهـر.
|
Post: #49
Title: Re: عاينـــــي ..
Author: walid taha
Date: 02-10-2009, 09:07 AM
Parent: #47
محمد السني إزيك
Quote: تمبس
يتكلم مع باعوضه |
معقول يا السني ياخ تمبس ده أصلو مصاص دماء
خليها يا السني ... :
مروحة بتكون أحلى :)
|
Post: #50
Title: Re: عاينـــــي ..
Author: ALZOLZATOO
Date: 02-10-2009, 09:30 AM
Parent: #49
ياخدر
والله قطعت مصاريني بالضحك من الحب ماقتل
اها مرة كمان صاحبك ماشي مع الجكس بتاعتو طبعا بنتحاوم بي المناطق الاقل الغير مزدحمة بالسكان
اها جينا ماشين جنب بيت مكسر قلت ليها نقيف هنا شوية قالت لي لا لا البيت ده مسكون ( ساكنو شيطان يعني ) قلت ليها ده كضب ساااكت اها في اللحظة دي نسمع ليك صوت نهيق حمار من جوه الخرابة
من الموقف داك علاقتنا انتهت وكان سببها حماااار لووول يكه
كل الناس اتنين اتنين وخدر اتكلم بي لغتين
ياتامبا
ماتقول عايني قول راعي لي انت زول عذابي لسع ماعندك حقوق الامر بقدر مامحتاج للحنية والرقاد واطه
كامل تضامنا معاك في محنتك
زاتووووو
|
Post: #51
Title: Re: عاينـــــي ..
Author: tmbis
Date: 02-10-2009, 09:58 AM
Parent: #50
وحيات اولادي في واحدين أخوانا هنا شكلهم ضابحين ليهم الكديسة كل يوم وعاملنها ليهم ( كديسة بالفرن ) شريطة أنهم يطبخوها بي نفسهم حسب المقادير . وبعداك يغسلو العدة قبلما تنشف .. ههههههه
طبعا لقيتوني (كاشوال) وبقدر اقول ليها اي حاجة لحدت الآن .. علشان كدا دا وقع ليكم البوست دا في عبكم مش كدا ..؟؟
.. عادي جدا اخدو راحتكم .. والما بقدر يعبر عن شعورو .. ممكن يخت لينا نقطة .. بنعمل ليهو ( لجنة تقصي حقائق ) وننظر في أمرو
ملحوظة:
الفكرة بتاعت الكديسة بالفرن دي جاتني طبعا بعد اقتراحات بعض الزملاء البقولو ليك قول كدا وما تقول كدا ..
إنتو يقولو ليكم هناك .. تجو تقولو لي هنــا.. ما تقولوها محل ما بقولوها ليكم دا ..
|
Post: #53
Title: Re: عاينـــــي ..
Author: Mayada
Date: 02-10-2009, 03:22 PM
Parent: #51
تمبس انت فكو منك الحظر متى؟؟؟؟؟
ست البنيـــــــــــــــات
|
Post: #54
Title: Re: عاينـــــي ..
Author: حيدر حسن ميرغني
Date: 02-10-2009, 03:41 PM
Parent: #53
قوات الإحتياطي جاهزة يافردة
إمدادات برية وجوية
بس قول عوك
|
Post: #55
Title: Re: عاينـــــي ..
Author: آدم صيام
Date: 02-10-2009, 04:35 PM
Parent: #54
.
|
Post: #56
Title: Re: عاينـــــي ..
Author: ASHRAF MUSTAFA
Date: 02-10-2009, 05:06 PM
Parent: #55
يا تمبس ما ترحم البنية
|
Post: #57
Title: Re: عاينـــــي ..
Author: محمد عبد الماجد الصايم
Date: 03-25-2009, 03:36 PM
Parent: #56
.
|
Post: #58
Title: Re: عاينـــــي ..
Author: عمران حسن صالح
Date: 03-25-2009, 04:09 PM
Parent: #57
|
Post: #59
Title: Re: عاينـــــي ..
Author: عمر صديق
Date: 03-25-2009, 05:33 PM
Parent: #58
عاينوا
|
Post: #60
Title: Re: عاينـــــي ..
Author: محمد عبد الماجد الصايم
Date: 03-25-2009, 05:55 PM
Parent: #59
.
|
Post: #61
Title: Re: عاينـــــي ..
Author: humida
Date: 03-25-2009, 06:00 PM
Parent: #56
.
|
Post: #62
Title: Re: عاينـــــي ..
Author: Hatim Yousif
Date: 03-25-2009, 07:31 PM
Parent: #61
*
|
Post: #63
Title: Re: عاينـــــي ..
Author: عمر صديق
Date: 03-25-2009, 07:42 PM
Parent: #62
| Quote: ياخ انظر للنصف الممتلي من الكوووب والعالم اصبح قرية صغيرة |
|
|