Post: #1 Title: أعرف إسم الاغنية !!! أغانى معالمها مخفيةٌ !!!! Author: جمال سعيد Date: 01-18-2009, 01:16 PM
الاعضاء الكرام المهتمين بالغناء والموسيقى.... هذه مساحة سوف احاول من خلالها اخفاء معالم بعض الاغانى والمطلوب معرفة اسم العمل او النموزج المقدم مع اضافة اى معلومة عن العمل متى ماتوفرت...
العمل لفنان واستاذ من جيل الرواد فى الغناء السودانى... له كثير من الاعمال الوطنية والعاطفية... كثير من اغنانية تعالج مشاكل وقضايا.... له طريقة اداء مميز ويتفرد به.... الالحان للراحل علاءالدين حمزة....
تصفح البوست والاستماع الى المقطع من 3 كمبيوترات مختلفة اكدت لى بان كمبيوتر خدر لسع بيصارع من اجل البقاء... بالله ياشباب افتونا؟؟ سوف اقوم بتحميل المقطع هنا وبوصلة تحميل على الكمبيوتر الشخصى..
خدر حنكك بيش انا كان اجيب ليك النمازج فى البيت ما بخليك..
يا جمال حرام عليك ياخي خلي الحسادة دي والله الاغنيه دي تقولها لي عركي زاتو اسه يكون نساها خليك مننا نحن البورداب انشاء الله ما يقع في ايدك طالب تضع ليهو امتحان (لووول)
شيبكة سلامات وتحيات مرور لطيف منك... ممكن تحمل النموزج من المرفق الموضوع فوق وتستمع له من جهازك.. لكن عادل عثمان جضم النموزج الاول... بالله خليك قريب ومنتظرك فى النموزج الثانى...
الود والاحترام والتقدير
جمال سعيد
Post: #14 Title: Re: أعرف إسم الاغنية !!! أغانى معالمها مخفيةٌ !!!! Author: Adil Osman Date: 01-20-2009, 10:56 AM Parent: #1
الاخ جمال سعيد فكرة جميلة. تعرف التقطت كلمتين تلاتة من الاغنية المخفية ومشيت قوقلت. مافى فائدة. ثم خطر فى بالى ان اذهب الى موقع الاذاعة السودانية. الى المكتبة الصوتية. لقيت مجموعة من اغانى ابو عركى. عرفت اغلبهم. ما عدا اغنية اسمها (فراق) وواحدة تانية. سمعت (فراق) لقيتها هى الاغنية المخفية. لا اعلم من شاعرها.بحثت فى قوقل برضه. نصف اجابة بمساعدات خارجية. ههههه
تعرف يا عادل دا واحد من اهداف البوست دا التفتيش والتنقيب وحتما فى الجوله دى بتعرف وتسمع الكتير خارج نطاق البوست.... بس لكن نجحت واتوفقت فى معرفة اسم الاغنية... دا فعلا اسم الاغنية وانظر اسم الشاعر فى الاسفل... ومنتظرك فى النموزج الثانى...
همت سلامات ومشتاقين وان شاء الله البركة فيكم... خطيييييييير دايرين نعرف الاسم العلمى للاغنية يعنى الاسم المسجلة بيه فى الاذاعة؟؟ اسم الشاعر؟؟ والملحن؟؟....
الاغنية هي اغنية في الليلة ديك للفنان زيدان ابراهيم متعه الله بالصحة والعافية اعتقد ان الاغنية من كلمات الشاعر مرتضي عبدالرحيم صباحي ان لم تخني الذاكرة وهو والد الفنان معتز صباحي الالحان لعمر الشاعر
استاذ طارق سلامات وتحيات نعم شاعر الاغنية هو الشاعر بابكر الطاهر ايضا قد اتحف الغناء السودانى برائعة محمود على الحاج مالك مجافى الناس عايش براك فى غربة او كما تم تسجيلها رسميا فى الاذاعة تحت الاسم الناس بالناس
طيب فضل لينا شنو؟؟؟ عرفنا الفنان هو زيدان ابراهيم الشاعر هو بابكر الطاهر الملحن هو عمر الشاعر اسم الاغنية التى اشتهرت به " فى الليلة ديك " الاسم التى تم تسجيل الاغنية به فى الاذاعة شنو؟؟
الاصدقاء متابعي البوست في اتصال قبل قليل مع الصديق حمال سعيد علمت انو الباسوورد بتاعتو ما شغالة لذا و هذا بمثابة إعلان و إشهار للجميع اي مداخلات بأسم حمال سعيد دون تـكيد مني .. هي من فعل الهاكرز او من تمثل به بيني و بين جمال كلمة سر تفيد رجوع باسوورده فانتظروا مني تأكيد حتي يتواصل البوست اللطيف و نستمتع جميعا بإبداعات جمال
اها ياخدر الما هكر جمال لسة قاعد مع الهكر ولي هو الهكر القاعد مع جمال تحيروا الزول انتو والهكر
بالمناسبة في ردك لمحمد عادل في الاخطاء الاملائية مش قلت ليهو اضغط على ايقونة شاهد قبل نشره دي انا من كتبت في منتديات ما حصل يوم واحد ضغطت عليها لكن بعد كلامك خفت منك قلت يبقوا علي اتنين خدر وازهري اخير لي النضغط هو الضغط بقروش ولي شنو؟
Post: #36 Title: Re: رد Author: ضياء الدين ميرغني Date: 01-30-2009, 04:52 PM Parent: #35
جمال سعيد يجازى محنك الفكرة المجنونة دى جبتها من وين؟ ودى المقيم ضياء
Post: #38 Title: Re: رد Author: جمال سعيد Date: 02-04-2009, 11:36 PM Parent: #36
ضياء الدين سلامات وتحيات الافكار كتيرة بس خليك قريب ومتابع
جمال سعيد
Post: #39 Title: Re: رد Author: جمال سعيد Date: 02-04-2009, 11:45 PM Parent: #38
Post: #40 Title: Re: رد Author: abdulhalim altilib Date: 02-05-2009, 08:11 AM Parent: #39
أخي جمال ، تحياتي ،
فكرة جميلة ورائعة ومنعشة للذاكرة الفنية والذائقة الاستماعية عندنا نحنا (العنقالة) ومؤكد هي قوية لأحبابنا من أهل الفن زي طارق ميرغني وخدر . عليك الله كتر منها، بس يا ريت لو جبت لينا أغنيات حديثة نوعاً ما مش تجيب لينا من الأرشيف .. لأنو أغنيات (من الأمس ) دي لو وضعتها من غير كود أو ترميز برضو معظمنا لن يتعرف عليها .
تسلم إنت وتسلم مكتبتك الغنائية ويسلم كيبوردك ويسلم بوستك من كل هكر.
تخريمة :
Quote: التعليق الفوق ده حقي البت دي بتنسي تسجيل خروج طوالي البيت بقي انترنت كافي بس
العزيز / خدر مشتاقين .. لك ولها .
البت (بارعة) دي طالما عاودها الحنين للكتابة خليها تسرح مع الكيبورد بدل ما تدخل المطبخ وتهريك مراسيل .
مودتي لكم ،
( ليمو )
Post: #41 Title: Re: رد Author: خدر Date: 02-05-2009, 08:35 AM Parent: #40
سلامات يا ليمو و الشوق بحر
الاغنية هي
ياساعة يا ساعة عمر السنوات خاصمتك فيها صمت الدقات
__ ماشاء الله والله هكر حريف خاتي صورة جمال و جايب غنوة صعبة
ياخدر سلامات هل هي عمر السنوات أم (عشرة) سنوات. بعدين ياالفنان خدر وياجمال الفنان في واحد اسمه طارق اللبوعبيده هل هو ود الفنان ابوعبيده حسن ولا الاسم مقلبن. لانه طارق ده بغني ليه كلام زي (شافعا والدنو دابو شايل السكين بقطع في ضرع امو البرضع) وكلام عجيب غريب ودراب.دحين طارق ده وقف الغناء وكمان وقف الاتصال بالناس ولاككيف ياجمال وخدر؟
Post: #45 Title: Re: رد Author: جمال سعيد Date: 02-06-2009, 12:23 PM Parent: #42
عبدالوهاب سلامات
Quote: طارق ده وقف الغناء وكمان وقف الاتصال بالناس ولاككيف ياجمال وخدر؟
الاجابة على السؤال محولة الى طارق...
Post: #44 Title: Re: رد Author: جمال سعيد Date: 02-06-2009, 12:20 PM Parent: #41
Quote: الاغنية هي
ياساعة يا ساعة عمر السنوات خاصمتك فيها صمت الدقات
خدر صاحبى سلامات كتلتها عددددديل كدا... هى فعلا اغنية يا ساعة
Quote: ياساعة يا ساعة عمر السنوات خاصمتك فيها صمت الدقات
بس هى عشرة سنوات...
فضل لينا شنو: اسم الفنان؟ اسم الشاعر؟ اسم الملحن؟
Post: #43 Title: Re: رد Author: جمال سعيد Date: 02-06-2009, 12:13 PM Parent: #40
عبدالحليم سلامات وشرفتنا والله...
Quote: بس يا ريت لو جبت لينا أغنيات حديثة نوعاً ما مش تجيب لينا من الأرشيف .. .
جدا ان شاء النموزج الرابع من جيل الشباب ومنتظرك هنا ان شاء الله..
Post: #46 Title: Re: رد Author: جمال سعيد Date: 02-06-2009, 08:03 PM Parent: #43
****************************** عشرتنا يا ساعة عشرة سنوات قاسمتك فيها همس الدقات ******************************
الليلة صباحك منظوم اهات اخرتى دقائق ميعادى فات سهرتى عيونى وبقيتى تخونى ناسك يا ساعة
****************************** عشرتنا يا ساعة عشرة سنوات قاسمتك فيها همس الدقات ******************************
وزمان يا ساعة بينا الاعياد بينا الحنية وصدق الميعاد دورتى وروحتى بقليب رياد كم ضعنا وحاتك فى حساب دقاتك يا اصدق ساعة
****************************** عشرتنا يا ساعة عشرة سنوات قاسمتك فيها همس الدقات ******************************
المرة الجاية كان زيدتى دقيقة حاتكونى زعلنا دايراه حقيقة كان قلتى نسامحك وين تلقى طريقة خليك معانا عصفور فى حديقة ما احنا قرايب خلينا حبايب عايشين يا ساعة
****************************** عشرتنا يا ساعة عشرة سنوات قاسمتك فيها همس الدقات ******************************
Post: #47 Title: Re: رد Author: جمال سعيد Date: 02-06-2009, 10:04 PM Parent: #46
نموزج الاغنية الثالثة للفنان: على ابراهيم اللحو..
تبقى اسم الشاعر والملحن وفى انتظار المداخلات
الود والاحترام جمال سعيد
Post: #48 Title: Re: رد Author: جمال سعيد Date: 03-14-2009, 09:34 AM Parent: #47
الاحباء ناسف للانقطاع لكن سوف نعود الى هذا البوست حينما يعود الاستقرار التغنى للمنتدى.
كل الود والاحترام والتقدير
جمال سعيد
Post: #49 Title: Re: رد Author: haroon diyab Date: 03-14-2009, 10:25 AM Parent: #48
أ. جمال سلامات
وبوست خفيف لطيف بس يااخوي كدي وريني قاعد تحمل الاغاني كيفن......؟ يااخي غناء الحقيبة الجميل ده كلوا راح شمار في ورقة.....!!! وبكري عامل لينا اضان الحامل.....!!! وسوقنا بااااااااااار عدييييييل .....!!! الرسول فوقك اكان ماوريتني الاغاني دي احمله كيفن....؟
Post: #50 Title: Re: رد Author: جمال سعيد Date: 03-14-2009, 03:46 PM Parent: #49
هارون الاحمر ...
سلامات وتحيات لو انا فهمت سؤالك بصورة سليمة انك عايز تضيف فى البوست حقك بقادى وصلة تحميل المرفق على الجهاز. انا عندى اشتراك فى موقع ال 4Shared وبحمل كل الملفات المحتاج الشباب يحملوها بصورة منفصلة على اجهزتهم بهناك وبضع اللنك مثل هذه تحميل النموزج الثالث من هنا
