Post: #2
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: jini
Date: 01-17-2009, 05:40 PM
Parent: #1
Quote: عشان تعمل بيزنس لازم يكون أشقاؤك يكونوا:
واحد قاضى استئناف والتانى محامى والتالت عقيد شرطة والصغير فاقد تربوى رباط عديل!
جنى
|
أو أشقاء المدام!
ودا سلاح ذو حدين!
يعنى لو اتقلب السحر على الساحر!
يمشوك على العجين ما تلخبطوش!
جنى
|
Post: #3
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: Faisal Habiballa
Date: 01-17-2009, 05:48 PM
Parent: #1
القرد لو ما مسك الفرع التانى فى يدو ما بفك الفرع الأولانى!
عشان حيدق الدلجة زى جنى!
أجاركم الله!
جنى الداقى الدلجة
قرد مربي سوق
معليش المره الجاية انا متاكد حتمسك اوي اوي
اعتبرها احد الدروس التي نتعلم منها الكثير
بس أن شاء الله ما تكون اتظللطة
|
Post: #4
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: jini
Date: 01-17-2009, 05:54 PM
Parent: #3
| Quote: بس أن شاء الله ما تكون اتظللطة |
عوجة ما فى لكن المضرة حاصلة والعيار اللى ما يصيب يدوش!
البحر بياخد عوامو!
جانى بواسطة واحد انا بعرفوا من سنة1990!
لكن تانى توبة موش انصارى سنة لو بقى صحابى جليل حيلقى جنى شيتا القرد صاحب طرزان!
جنى
|
Post: #5
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: تبارك شيخ الدين جبريل
Date: 01-17-2009, 06:24 PM
Parent: #3
والستة حاويات الفى الساحات؟ رجعت ولاّ دفعا؟
أهم حاجة فى الموضوع كانت نقطة الدفع مقابل الوثائق ... من زمن نميرى وأغلب مراسلى بنك السودان وقفوا خطابات الإعتماد لأنو بنك السودان لمن يفتح خطاب استيراد .. بتبقى عندو مشكلة تحصيل لأنو فاتحو على الهوا ... لغاية ما انحسر المستوردين المعتمدين بواسطة بنك السودان .. وابتكر انظمة زى توفير العملة الصعبة من الموارد الخاصة وحاجات غريبة كدة ...
المصدّرين العندهم علاقات كانوا بفكّوا خطاب الإعتماد الأجنبى قبّال يصدّروا ... ويشيلوا القروش يطلعوا بيها "شوبينق" .... لو المستورد الأجنبى احتجّ على التأخير مثلاً ولغى المعاملة ... بنك السودان يضطرّ يغطى خطاب الإعتماد للبنك الأجنبى ويمشى يسك الراجل بتاع "الشوبينق" ...
حمدالله على سلامتك انت ... بنك السودان لى هسة ما اتنفس الصعداء ...
... المهم ...
|
Post: #6
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: jini
Date: 01-17-2009, 06:33 PM
Parent: #5
| Quote: والستة حاويات الفى الساحات؟ رجعت ولاّ دفعا؟ |
دفعها ودفع ابو امها ورجع الحاويات !
غسلها وتمرها كمان يا تبارك الذى بيده الابريق!
رحم الله مربى الاجيال الوالد شيخ الدين جبريل!
يا تبارك فتش تسجيلات الاذاعة لقد تحدث دكتور جلال الدقير عن معلمه الفطحل حديثا شجيا يدمع العين ويسعد القلب
جنى
|
Post: #7
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: fadlabi
Date: 01-17-2009, 06:56 PM
Parent: #1
حمد الله على السلامة يا جني
حق الحلال ما بروح (دايما)
|
Post: #8
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: تبارك شيخ الدين جبريل
Date: 01-18-2009, 00:21 AM
Parent: #7
جنّى ...
| Quote: رحم الله مربى الاجيال الوالد شيخ الدين جبريل! |
تقبّل الله منا ومنكم صالح الدعوات ...
الدكتور جلال الدقير معدنه ممتاز، رغم مروره بقوس قزح السياسة السودانية ... وطبيعى أن يأتى حديثه عن الوالد (رغم اننى لم أسمعه) شجيا طريفاً وتالداً ...
كثيراً ما تراودنى فكرة الكتابة عن الوالد - رحمه الله - ولكن أعود وأقول لنفسى أن ذلك سيبدو نرجسياً أكثر من اللازم، خصوصاً أن انطباعاتى عنه هى دائماً انطباعات "إبن" وليست محايدة وموضوعية.
فأتذكّر أن هنالك من هم أكثر أهليةً منى للكتابة عن الأستاذ شيخ الدين جبريل .. منهم على سبيل المثال .. سيادة الإمام الصادق المهدى .. دكتور ياجى .. الأستاذ التيجانى الطيب .. آخرون كثر من من تتلمذ على يديه أو عاصره وزامله فى مجالات عدة ...
أشكرك على اللفتة يا سيد حيدر
|
Post: #9
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: jini
Date: 01-18-2009, 06:52 AM
Parent: #8
Quote: كثيراً ما تراودنى فكرة الكتابة عن الوالد - رحمه الله - ولكن أعود وأقول لنفسى أن ذلك سيبدو نرجسياً أكثر من اللازم، خصوصاً أن انطباعاتى عنه هى دائماً انطباعات "إبن" وليست محايدة وموضوعية.
|
ولن نقبل بغير ذلك اذا لم تكتبوا وانتم اللصيقين بالوالد عليه رحمة الله فمن يكتب! هذا اكبر موقع سودانى توثيقى مقروء!
حق اصيل للأجيل القادمة والحاضرة ان تتعرف على قامات سامقة اسهمت فى بث المعرفة والثقافة وانارة الطريق!
جنى
|
Post: #10
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: AnwarKing
Date: 01-18-2009, 10:15 PM
Parent: #9
| Quote: لكن تانى توبة موش انصارى سنة لو بقى صحابى جليل حيلقى جنى شيتا القرد صاحب طرزان! |
ياخي حمد لله ألف على السلامة...
بركة الجمعتا يا حبيب...والله فرحتا ليك...
معاك أكرر المطالبة لتبارك بالكتابة عن الوالد عليه رحمة الله...قبل ما نشكرك يا تبارك!
|
Post: #11
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: smart_ana2001
Date: 01-18-2009, 10:27 PM
Parent: #10
سلامات يا جنى...
الحمد لله على السلامة و مال الحلال حمرو ما بيروح..
| Quote: لكن تانى توبة موش انصارى سنة لو بقى... |
شنو يا جنى يا اخى شايلو تقيل مع انصار السنة؟؟؟؟ فيهم ناس كويسيين و الله.
انت احسن تعمل حسابك من كل الناس و (حرص و لا تخون)
|
Post: #12
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: جعفر محي الدين
Date: 01-19-2009, 08:12 AM
Parent: #11
حمد لله على السلامة
والتجارب المريرة كثيرة ربنا يحفظنا ويحفظكم والجميع من كل شر يا رب
|
Post: #13
Title: Re: ودفع أنصارى السنة الجزية (الفدية) عن يد وهو صاغر وتنفس جنى الصعداء!
Author: إيمان أحمد
Date: 01-19-2009, 07:19 PM
Parent: #9
جني
سلامات وكفارة
Quote: دفعها ودفع ابو امها ورجع الحاويات !
غسلها وتمرها كمان يا تبارك الذى بيده الابريق! |
معليش متأخرة، لكن جات سوا عشان نقول حمدالله على السلامة.
والله ده المضحك المبكي.. ضحكت لمن مصاريني وجعوني.
أها وبيرنارد مادوف حصل عليه شنو في النهاية؟
http://www.thenewamerican.com/economy/commentary-mainmenu-43/609
خلي بالك دي الأزمة الاقتصادية دي بدت من السودان لكن الناس ماعارفاها ساكت.
يازول بركة الجمعت
إيمان
|
|