غايتو إتلومتا لوم يا محمد إي سليمان!!!

إتخيل أنا لمن شجبت و أدنت قبل كم يوم قايلاك وصفت *زميلة بأنها (حيوان يُعتَقَد أنه بليد)...لن أسمي الحيوان لأنني لا أستطع لاعتبارات إنسانية..ثم علمت بما **قلته لها اليوم فقط..والحقيقة يعني إنتا بقيت طايح في خلق الله بصورة ما جميلة يابوي..خفف العيار شوية و أعدل نظارتك و استهدى بالله
-----------------------
هوامش:
*الحيتداخلو ما يذكرو إسم الزميلة ما عايزين نعمل ريسايكلنق لآلام البشر
**الحيتداخلو ما يذكرو ما قاله بحقها أخوي محمد إي سليمان حتى لانعمل ريسايكلنق لآلام البشر
ملحوظة: أي زول داير يستغل البوست عشان يصفّي حسابات مع محمد إي سليمان &خسمتو بالنبي ما يعمل كدي.
هامش:
&خسمتوبالنبي..يعني ما بي الله..بمعنى لو داير يصفيها على خفيف ممكن بس ما يضغط أخوي محمددة شديد.
خاص محمد إي سليمان:
لا تقول لي جيبي كوت
لا تقول لي جيبي نص
لا تقول لي جيبي مراجع
لا تقول لي جيبي مصادر
مش لا سمح الله لأي سبب بس عشان برنامجي ما بسمح :ماشةأتغدى..وبعدين ماشةاتصور بحكم كوني بقيت مهمة اليوم وكدة-كية لسفيان نابرى- ولازم يكون عندي صور مجيهة للإعلام:D:D:D..وبعدها ماشة أنوم لأنوالوليد قالب يومي..وبعدها الله كريم
------------------------
عنقدت هذا البوست رغم كراهيتي للعنفدة بس يعني عشان ما نكتر من ظلم بعضنا البعض..وعشان العشم في محمدإي سليمان..
ملحوظة أخيرة:أفضل الفصحى البسيطة، لكن لو جوبهت بفصحى مكلكعة بمشي حالي!

Quote: لا تقول لي جيبي كوت لا تقول لي جيبي نص لا تقول لي جيبي مراجع لا تقول لي جيبي مصادر

نبية أنت
ونحن لا نعلم
تفتحين باسمي بوستا يوجه لوما لي على بياض
للمتاجرة والابتزاز
الحساب حساب وبالكوت و بالتأريخ

إن كان هناك أمر محدد تنكرينه
فاطالبك ببيانه هنا موثقا
فإذا اتضح لي ما يستحق لومك هذا فسأعتذر


هذه رسالة إليك وإلى كل من سيكتب كلاما عائما عاما
لا ملامح له

Quote: نبية أنت ونحن لا نعلم

لنا مهدي

سوال

انت ليه مافي امراة نبية

أتوقع أن يمضي هذا البوست كالعادة دون
أن تورد اقتباسات أو روابط
تقوم على أساسها قضية محددة واضحة المعالم

محمد إي سليمان أنا ما نبية

طيب وضحي مقتضى هذا البوست
أرجو أن تأتي بالاقتباس
حينها سأعتذر

Quote: : Quote: نبية أنت ونحن لا نعلم لنا مهدي سوال انت ليه مافي امراة نبية

عشان ربنا عارف و داير يجنّب النساء محنة أن يتم التعريض بهن عند أول خلاف في وجهات النظر يا خليل!

طبعا كالمعتاد يا محمد إي لازم تتلولو و تتزاوغ

إنت عارف و الله عارف

و مافي داعي لنكران المعارف

الفاضلابى سلام




لغة حوار

الاخت لنا

هى ليســت تصفية حســابات كما ابتدرتى فى مسـتهل موضوعك , ولكن الم يخب ظنك؟

هذا الشــخص يود أن يكون "كدونكيشوت" , يريد أن يحارب طواحين الهواء.

أرجو أن تدعى له "بالنصر" فى حربه تلك.

دومى بخير

الاخت لنا

القضية ليســت تصفية حســابات كما ابتدرتى فى صدر موضوعك, ولكن: ألم يخب ظنك ؟

هذا الشخص يود أن يكون "كدونكيشــوت" يريد أن يحارب طواحين الهواء.

أرجو ان تدعى له بالنصر فى حربه تلك.

دومى بخير

لنو ؟

يازولة ماعملتي الشغل ليه مارسلتو ليك ياخ ؟!

ورئيس التحرير ده واقف لينا ولا عايزاني اترفد كمان ؟!

كان اترفدت بترسلي عقد عمل ياصديقة ؟


قبلي لي جبين وخد الوليد إبننا العسل سمح؟


بالنسبة للوشوش توزيعهم كالآتي لأنهم ماشاغلين عندي ( وش نص ابتسامة ، وش كامل الدهشة ، وش محتار ، وش فيهو شامة ، وش خالي علامة ، وش كيف كيف ) !!

يا جماعة عن إذنكم ليدز فيرست

Quote: لنو ؟ يازولة ماعملتي الشغل ليه مارسلتو ليك ياخ ؟! ورئيس التحرير ده واقف لينا ولا عايزاني اترفد كمان ؟! كان اترفدت بترسلي عقد عمل ياصديقة ؟

شغل؟بتسمي أسئلة نكير الرسلتيها دي شغل؟؟دي ما دايرة ليها أسبوع زي تأخيري عنك دة دي دايرة ليها شهر
لقيتك خطرة ياخي(وش بااااااااااسم)
(وش رابط وشو )
ندوية الغالية الحبيبة حااااااااضر ليكي علي أنكرب اليوم و أجيب بنعم أو لا (وين الوشوش قتي لي برضو ما شغالة عندك؟؟)

Quote: قبلي لي جبين وخد الوليد إبننا العسل سمح؟

بستو ليكي يا حبيبة و بسلم على ماما نادية و بقول ليها براحة على ماما لنا و خففي عيار الأسئلة شوية

Quote: بالنسبة للوشوش توزيعهم كالآتي لأنهم ماشاغلين عندي ( وش نص ابتسامة ، وش كامل الدهشة ، وش محتار ، وش فيهو شامة ، وش خالي علامة ، وش كيف كيف ) !!

وش متدمدم بس!!!!!

لنو ياحبيبة

Quote: وش متدمدم بس!!!!!

بطلي الجرسة وإنكربي يا أميرة ( وش منتظر ) !

عايني :

قلتي لي هو مالو ؟! ( وش ماناقش حاجة ) !!!