Post: #1 Title: إلى صوت مصطفى سيد أحمد وأصوات تحف به( مرثية لأصوات) Author: عز الدين عثمان Date: 01-17-2009, 09:02 AM Parent: #0
هل نحب ال و ا ط ة لى هذا الجنون لنهديها حبيبا سافرا فى الحب وهل طار ليل أغانينا عرج بيهو الرسول لى سدرة المعنى يفتش عن سما فى الجب واذا قام النبى من حلمو نقّر فى العصب أوتار نشوف فى خيول تجر فجر انعتاق وعلى اتجاه الروح تخب او كأنو النيل قنع من آخرو باين فى الطلاق وعناق هدير شلال على حلق المغنى يكب واذا ما عاكست لغتو الحبيبة ينحنى الليل لى مواعيد الحبيب فى غنوة تطفى العتمة فى شاشة المشاوير حمى فى راس البلد بتصب واذا رسل بريد اشواقو طابعة أصبعين فى صوت تجى الريح دايخة من آخر مطامير فى الخفوت أو نايحة، فى سكر يهب جرس البيوت لى شفعا فى القلب ****************************
وفى نفس المطار الهاجرت منو العصافير جانا عصفور فى كفن شفت البنات يا يابا عن بكرة دموعن غسلنك وجن وهل كان للعصافير من سكن فى ا ل و ا ط ة كسار الجبور العسكرى طنطن كما شفت الولاد عن بُكرة أحلامن رجوك وسيجوك من ظن وزى ما كنت تحرس فينا ما فضل من النخلة الأخيرة ومن وطن حرسوك من لص الجنازة، من الحداد الرسمى، والتلفاز ومن راقب ولا هماهو موتك جانا آخر الليل يقول انو الدفن **************************** وزى ما النيل شريد غصبا عن الخلا والرفيق الفقرى ما بيرمى ريشة مويتو قبال يرسم الدلتا وتقوم الدنيا تقعد فى حشا وقف غناوينا على قلب العدو سكين وقولنا الحر على رجلين نشيد ومشا وزى ما النجمة إيد غرقانة رغم الموج تأشر فى المدى طربانة علق صوتو والعود ريشتو تضرب فى الصدى ومضى
Post: #2 Title: Re: إلى صوت مصطفى سيد أحمد وأصوات تحف به( مرثية لأصوات) Author: فيصل محمد خليل Date: 01-17-2009, 09:17 AM Parent: #1
ازيك ياود حلتنا
رائع
محمد ابراهيم نقد
Post: #3 Title: Re: إلى صوت مصطفى سيد أحمد وأصوات تحف به( مرثية لأصوات) Author: عز الدين عثمان Date: 01-17-2009, 12:09 PM Parent: #2
أهلا ياود حلتكم
المؤتمر ما بوديك السودان؟
Post: #4 Title: Re: إلى صوت مصطفى سيد أحمد وأصوات تحف به( مرثية لأصوات) Author: بله محمد الفاضل Date: 01-17-2009, 01:16 PM Parent: #1
من اتجاهٍ مُغاير اشتغلتُ -ولا زلت- خلال اليومين الماضيين على مفردة الصوت
وبعنوان عام: الصوت والدوران
ضمنت له نصين هما
1/ الصوتُ ... أو بوقُ الضميرِ
2/ دورانُ الماءِ بالحِجرِ
ومن الغريب أن النص أهدي إليك عز الدين عثمان وإلى صاحبنا المشوطن عماد عبد الله
ومن ثم إلى متسيب يتسكع بالخيال
ولا أدري متى أفرغ منه وهل سيكون هنا أم في الأدراج كالعادة
عموماً عبور محبة لك وللحبيب السامق أبداً مصطفى
وللصوت في مطلق أحواله
Post: #5 Title: Re: إلى صوت مصطفى سيد أحمد وأصوات تحف به( مرثية لأصوات) Author: ابراهيم محمد موسي Date: 01-17-2009, 02:28 PM Parent: #4
ولي قدام فنان رائع انسان
Post: #7 Title: Re: إلى صوت مصطفى سيد أحمد وأصوات تحف به( مرثية لأصوات) Author: عز الدين عثمان Date: 01-17-2009, 03:09 PM Parent: #5
شكرا على المرور يا ود حلتنا
Post: #6 Title: Re: إلى صوت مصطفى سيد أحمد وأصوات تحف به( مرثية لأصوات) Author: عز الدين عثمان Date: 01-17-2009, 03:07 PM Parent: #4
اهلا يابلة
فى انتظارك
وعماد برضو
Post: #8 Title: Re: إلى صوت مصطفى سيد أحمد وأصوات تحف به( مرثية لأصوات) Author: خضر حسين خليل Date: 01-17-2009, 03:30 PM Parent: #1
Quote: هل نحب ال و ا ط ة لى هذا الجنون
وأكتر وأكتر يا عزالدين سؤالك كبير والمدخل ليهو بحتاج ألف باب وباب !
البركة فينا وفيكم ياعزو فقد كبير قسم البلد نصين هو مصطفي ولا عجب !
تسلم وياريت تجدع لي رقم كونكا ياخ
Post: #9 Title: Re: إلى صوت مصطفى سيد أحمد وأصوات تحف به( مرثية لأصوات) Author: عز الدين عثمان Date: 01-18-2009, 10:13 AM
أهلا بمرورك يا خضر
رقم عاصم:00249912160663
Post: #10 Title: Re: إلى صوت مصطفى سيد أحمد وأصوات تحف به( مرثية لأصوات) Author: بابكر التوم Date: 01-18-2009, 10:57 AM Parent: #9
Quote: وزى ما النيل شريد غصبا عن الخلا والرفيق الفقرى ما بيرمى ريشة مويتو قبال يرسم الدلتا وتقوم الدنيا تقعد فى حشا وقف غناوينا على قلب العدو سكين وقولنا الحر على رجلين نشيد ومشا وزى ما النجمة إيد غرقانة رغم الموج تأشر فى المدى طربانة علق صوتو والعود ريشتو تضرب فى الصدى ومضى
كفى
وبعمق شديد،،،
لما هذا الهياج ؟
ازيك ياعزو
Post: #12 Title: Re: إلى صوت مصطفى سيد أحمد وأصوات تحف به( مرثية لأصوات) Author: الفاتح خليل الفكي Date: 01-18-2009, 11:36 AM Parent: #10
