Post: #1
Title: هل تكون { رقصةالفكى هاشم } هى الفاصل الأخير ..؟
Author: طه كروم
Date: 01-15-2009, 07:34 PM
كما شاهدنا جميعا الرئيس وهو يتكلم{ ساكت كما قال}..فى لقاء الفكى هاشم أمس ..شاهدناه
وهو يرقص بإحساس الفاصل الأخير للحفلة.. دون إعتبار أو دبلوماسية تناسب الحدث الداخلى
أو الأحداث الخارجية فى الظرف الراهن..وإن كنا نتمنى أن نسمع صوت أحد مواطنى المنطقة
حتى من داخل المؤتمر الوطنى ليحدثنا عن..
مشروع الشعب الزراعى الذى إسترده مواطنى المنطقة منذ بداية المصادرة فى مايو إعاشة
لهم فتحول فى زمن الإنقاذ لأرض بور جفت ترعه وتم قطع بساتين المانجو فيه.. وتم
تشريد مزارعيه تحت وطأة الديون,,
ليحدثنا عن المدارس التى هجرها الأطفال بعد أن دفعت بهم الحاجة للعمل ..وعن المركز ا
الصحى الوحيد الذى يخدم الفكى هاشم والمناطق حولها بفترة صباحية واحدة ورسوم باهظة
.. عن الطفلة التى فقدتها أسرتها وهى تسعفها ذات مساء بعد لسعة عقرب ففاضت روحها،
فبل أن تصل للمستشفى ببحرى ..
إن الفكى هاشم التى قدمت فى السابق الزعيم الراحل عبد الماجد أبو حسبو ،والمناضل
محمد يوسف أبو حريرة لن تكون بوابتهم لشمال بحرى مهما رصدوا لها من أموال..
وإنشاء الله تكون الفاصل الأخير ..
|
Post: #2
Title: Re: هل تكون { رقصةالفكى هاشم } هى الفاصل الأخير ..؟
Author: ahmed haneen
Date: 01-17-2009, 06:40 AM
Parent: #1
يا كروم
وانت الصادق
الفاصل ما قبل الأخير
|
Post: #3
Title: Re: هل تكون { رقصةالفكى هاشم } هى الفاصل الأخير ..؟
Author: Hisham Ibrahim
Date: 01-17-2009, 07:08 AM
Parent: #2
الفاصل الأخير !!!
غايتو بعدين يوم الحساب - شفت صورة بروفايلك دي يا حنين براها عاوزا ليها 10سنوات ضوئية حساب بس اليوم داك
دي مسؤولية الحاكم (الراعي) ولي أمر المسلمين كما يسميها أهلنا في الله (الوطني)
مش كانت في بيعه ؟ أها دا داخل جوة حساب البيعه
والبنت الضربتها العقرب وماتت دي برضو كومها براهو !!
أها البشير دا مهما رقص من رقصات باقية حاتكون أكتر من الرقصها ؟؟
بعدها انشاء الله في الموت بأي وسيلة وبأي آلة !
وطبعاً - البموت دا قيامتو ربطت من اليوم الأول تحت التراب !!
غايتو انا حقي وعائلتي ماعافيهو !
هشام
|
Post: #4
Title: Re: هل تكون { رقصةالفكى هاشم } هى الفاصل الأخير ..؟
Author: جعفر محي الدين
Date: 01-17-2009, 07:35 AM
Parent: #3
سلامات د. طه كروم
تصور كنت بأسمع في الخطاب قلت أتصل عليك وأقولك ألحق البشير في الفكي هاشم
غايتو يموصوها ويشربوها الخواجات ديل ما حيقدر يترجموها
نتمنى من سويداء الفؤاد أن تكون هذا الرقصة هي الأخيرة من مسلسل الرئيس الراقص والبتكلم ساكت
ياخي شكلكم في الفكي هاشم عزمتوه قهوة كاربة عشان كده قاعد يتكلم سمبلة ساكت
أجمل شيء عجبني هو عدم انشغال ناس الفكي هاشم بالرئيس وكلامه بل كانوا كأنهم واقفين في موقف منتظرين المواصلات
|
Post: #5
Title: Re: هل تكون { رقصةالفكى هاشم } هى الفاصل الأخير ..؟
Author: السيد المسلمي
Date: 01-17-2009, 03:00 PM
Parent: #4
السلام عليكم يادكتور
المستمع لخطاب السيد الرئس في الفكي هاشم يلخص في الاتي:
1/ كان البشير محبطا وظهر ذلك في نبرات صوته وملامح وجهه
2/اشار البشير الي اول خظاب القاهو في نفس المنطقه حين كانت الانقاذ بين تكون او لاتكون
وربط هو نفسه بخطابه الاخير في اشاره واضحه لتشابه الظروف
3/هناك مساومه تجري مع البشير لتفادي القرارات المتوقعه
وذلك ماقاله البشير: لوسلمت احمد هرون بنخليك:
4/ اصرار الرئس علي موقفه واستعداده لاي تبعيات
لذلك نجده ركز في خطابه علي الهاب الحماس والتزكير بأنه رئس علي رجال
5/الواضح أن هناك تياران داخل الموتمر الوطني
وذلك ماظهر في وجوه المتحدثين قبل البشير
وأعتقد أن هذا هو ماجعل الرئس يظهر غير مركز وشارد الذهن تماما
الحقيقه الاخيره اعتقد أن خطاب لفكي هاشم الاخير كان محبط تماما وينبي بمستقبل غير جميل
ادعو الله أن يحفظ البلاد
آمين آمين
|
Post: #7
Title: Re: هل تكون { رقصةالفكى هاشم } هى الفاصل الأخير ..؟
Author: طه كروم
Date: 01-17-2009, 06:46 PM
Parent: #3
الصـــور التى ترسم خطوطها عمق الجراح موجودة على ملامح كل السودانيين
وقد حملها حنين وأمثالهم مجبرين فى مشارق الأرض ومغاربها ..
نحن فى إنتظار الفاصل الأخير ...شكرا هشام
|
Post: #6
Title: Re: هل تكون { رقصةالفكى هاشم } هى الفاصل الأخير ..؟
Author: طه كروم
Date: 01-17-2009, 06:41 PM
Parent: #2
تكون حقيقى ليلة
ســــــــــاهرة ... شكرا حنين
|
Post: #8
Title: Re: هل تكون { رقصةالفكى هاشم } هى الفاصل الأخير ..؟
Author: احمد سردوب
Date: 01-17-2009, 06:59 PM
Parent: #6
الزميل دكتور طه كروم
تحايا بالكوم
الخواجات بعاملو السجين بانسانية ممكن يجيبو ليهو قيقم او شريط عشان يرقص في لاهاي
المسلسل دة بقي مكسيكي عديل عشرين حلقة والخاين لسة ما اتقبض ولا اتكتل
|
Post: #9
Title: Re: هل تكون { رقصةالفكى هاشم } هى الفاصل الأخير ..؟
Author: خالد عنان عمر
Date: 01-17-2009, 10:01 PM
Parent: #1
دكتور طه ودكروم
تحياتى لك بلا حدود
ونقول معك ان الفكى هاشم
كانت وما زالت وستظل عصية
على هؤلاء
انا اعرف تلك المنطقة جيدا
واعرف رجالها الاشاوس
الذين لا يبيعون مواقفا
ولا يحيدون عن ثوابتهم الموروثة
هذه المنطقة مقفولة ولا امل لهؤلاء فيها
فليذهبوا للرقص او البكاء
فى مكان اخر
|
Post: #10
Title: Re: هل تكون { رقصةالفكى هاشم } هى الفاصل الأخير ..؟
Author: احمد سردوب
Date: 01-17-2009, 11:56 PM
Parent: #9
الزميل خالد عمر سلامات
ايه رايك في الحجم دة لصورة بروفايلك
|
|