نصيحة محارب قديم بالبورد لكل البرالمه

اهلن بيكم يا عضوية 2008/2009
مع السلام لكل العضوية
عندما يبدأ موسم تفويج بكرى ابوبكرى للاعضاء الجدد يزدهر البورد تألقا بالعديد من البوستات الجديدة والتى يعول عليها اصحابها كثيرا فى نقش حروفهم فى قائمة البورداب وللاسف تجد الاجحاف والتقشف بنسبة80% من كامل العضوية. وشكرا ل 20% التى تؤازر او ترحب او تجامل .
هنا يكون مربط الفرس بعض الاعضاء الجدد يختارون الوقوف واخرون ينعلون اليوم الذى دخلوا فيه البورد وهنلك الكثير من الاحباطات التى تحدث واقول بكل صراحة الجميع يتحملون هذا الوز الا القليل
وتلعب الشللية دورا مقدرا فى تثبيت اقدام العضو الجديد بدعمه حتى لو كتب كلام الطير فى الباقير
ودونكم العضوية النسوية الجديدة تجد حظها فى المداخلات ويفلح البعض فى صناعة عناوين لها بالبوستات وهذا واقع لا ينكره الا مكابر فمتى حمل كاتب البوست الجينات الانوثيه حتما سيجد حظه ولو علقت الصورة لكثر المتداخلون وبين يوما واخر تجد صاحبة البوست رقم فى المنبر طبعا حديثى هذا لا يعنى التخفيف بالدور الجندرى فى المنبر فلهن كل احترام وما قصدته ضرب مثل يعين العضو الجديد
وهاكم هذه النصائح فى النقاط الاتيه:
1- ماهو الدافع من حملك للعضوية
2- يجب ان تكون لديك فكرة تؤطر لعضويتك
3- انسى ما كان سبب فى امتلاك جواز العضوية وابدأ بكلياتك فى تسجيل اسمك بين الاعضاء
4- ان كنت تكتب من اجل تكون فهذه هى المعضلة
5-اكتب ما تشاء ولا تنتظر المداخلات حتى لو زيل بوستك بفرد واح
6-ان كنت مغرم بالنجوميه فلا بد من الصبر على كثير من الردود
7- هنالك مداخلات تتلذ بوضع العضوية الجديده فى صالة الانتظار والمتفرجين فلا تكترس لهم
8- قد تكتب موضوع لا تملك فيه الكثير من الحقائق فعليك الاستفاده من التصويب عبر المداخلات
9- المنبر العام لك ولغيرك اكتب واكتب فهنالك الكثير من القراء ينتظرونك على احرى من الجمر
10-اختار اسلوب اظهار الحقيقة لشخصيتك عبر الحروف ولا تجامل وتتداهن لنقل ابعد عن كثير التلج
11-اعلم بالبورد العديد من الشلليةوهم قوم تعودا على كتابة المداخلات مجاملة لا اكثر
اكتفى بتك النصائح وهى على سبيل المثال لا الحصر وانهى موضوعى بأم النصائح والتى تقول


اكتب بأدب المنتديات ولا تفكر فى المداخلات ولا تلتفت الى ارقام القراء فالمنبر العام لك فيه مثل الجميع
تحياتى

والله يابلدى ياحبوب ماقصرت.....تب الله يديك العافية..

Quote: ان كنت مغرم بالنجوميه فلا بد من الصبر على كثير من الردود

ناكف بعض الناس ..سوف تعرفهم لاحقآ....يمسكوك يجضموك ويجيبوا سيرتك فى كل بوست..وتطلع فى الكفر بس بطريقة معكوسة أو نقل ليست بطريقة يابلدى ياحبوب الصبر..

نصايح غالية........................إسماعيل محمد احمد عباس...

بلدي يا حبوب

اسما علي مسمي

شكرا علي النصائح الغاليه وخطة الطريق

لابد من صنعاء وان طال السفر............

عاطر التحايا..............

حبيبنا
دا اختزال سنين تجى تفكوا فى بوست واحد كان مفروض تديهم جرعة جرعة

الاخ اسماعيل

Quote: ناكف بعض الناس ..سوف تعرفهم لاحقآ....يمسكوك يجضموك ويجيبوا سيرتك فى كل بوست..وتطلع فى الكفر بس بطريقة معكوسة أو نقل ليست بطريقة يابلدى ياحبوب الصبر

اكيد ده خبرة قارىء للمنبر ومحارب قديم من القراء وتانى بقول اهلن بالانضمام الى حوش بكرى
تحياتى

الاخ الكباشى

Quote: لابد من صنعاء وان طال السفر............

والسفر فى حوش بكرى يتطلب الصبر والاحتمال واكرر قولى اكتب ولا تنتظر المداخلات ففكرتك قد تعطى الامل لمحروم او علم ينتفع به لطالب او .......... وهم اكيد من القراء
ودونك المنبر واراك تحمل لوازم السفر فامنياتى لك بالهبوط فى صنعاء وانت قد اوصلت مااردته
تحياتى

الاخ 7abib_alkul

ده زمن العولمة علشان الغنى بقى كلب والخطوبة عقد عديل وهنالك الكثير قلنا نتعولم
تحياتى

بلدي ياحبوب
تحياتي
ياك بلدي حبوب ..المعلوم لدي ولا واحد تاني
الف شكر علي هذه النصيحة الغالية ..
ومقدرة .جدا
مشكور ياجميل الخاطر..
بلدي حبوب ..
اتلاقينا كذا مرة يخيلي
بعد غياب وسكون الاقيك .
كن بخير وعافية