شكراباشمهندس بكرى لقبولى بالمنبر وكل الشكر لاخوانى اللذين وقفوا معى .صديقى الفنان هيبة ..و عمدة المزكاتية بكندا حمد اسماعيل الشكر للشاعر عبد المنم سيد احمد الاخ الفنان بشير اسماعيل و الاخ ناصر الاحيمر والاخ عثمان لكم منى كل الشكر والود المقيم
Quote: شكراباشمهندس بكرى لقبولى بالمنبر وكل الشكر لاخوانى اللذين وقفوا معى .صديقى الفنان هيبة ..و عمدة المزكاتية بكندا حمد اسماعيل الشكر للشاعر عبد المنم سيد احمد الاخ الفنان بشير اسماعيل و الاخ ناصر الاحيمر والاخ عثمان لكم منى كل الشكر والود المقيم
مليــــــــــون وفوقها دشليون مرحب بيك في الحوش (دشليون دي ماني عارف عددها بس كنا قاعد نقولها صغار قبل ما نعرف المليون كم طوبه!!!!)
أبقى رقيق وما تعمل زحمة الحوش ضيق ومليان عجاجة ودخان سجاير ودخان حفر ،،، ممكن تلبس كمامة ولا عمه كله ما بيحميك من رياح الشمال الباردة،،، معليش الترحيب بيك جاء من تحت البطانية والدنيا برد
كدي أول شي مد يدك على حرف القراصة الحاره بالملاح الأخدر العلي يمينك دي وقول بسم الله..
العزيز الكباشى البكرى شكرا اخى ... يشرفنى اقدم ليكم عمل مشترك مع المبدع هيبة لرائعة الاستاذ وردى....نور العين ويازول دة تسجيل فى للبيت..يعنى اورغن فقط إن شاء الله تعالى. سوف تسمع منا اعمال خاصة كتيــــرة
Post: #21 Title: Re: شكرا لاخوانى الاجلاء ..لقبولى بينكم Author: سيف الدين حسن العوض Date: 01-15-2009, 06:27 AM Parent: #19
مرحباً بك بيننا الاخ/ ياسر محمود محمد مصطفى اهلا وسهلا بك ويامليون مرحبا
شكرا اخى نزار... على الترحيب ....الحار ويازول ابشر بالخير اخوك ساعى قديم للياماها يعنى من سنة 1981 ميلادية طبعا ...تقدر تقول منذ بقايا العصر الذهبى لفرق الجاز فى السودان ....ياحليل تلك الايام
راسلنى ف الايميل وورينى ما تحتاجة لدى كل ماهو خاص بالياماها 3000 و9000 برو طبعا الفورمات واحد للايقاعات انما ذاكرة الاصوات محددة لكل ارورغ على حدا
اخى الحبيــــب والخفيف الظل ...اسامة خلف الله منبركم منــــــور بى ناسو والف شكر على الترحيب الحار يا ترى لسة فاكر وعدك بزيارتنا فى الصيف ؛؛؛؛ كم مر صيف ...وراح خريف ولسة منتظرين .. بنسال عنك امير دوما
اولا مرحب بأخونا ياسر,, ثانيا ; والله من شدة المريخ مامعشعش فى النافوخ ,, قريت اسمك ياسر وارغو,, نامن قلت ياربى ده متين ادوه الجنسية? ياخ وكت طلعت بتاع وتر ان شاء الله تكون بتاع كفر وكمبيوترمان كمان عشان تتحفنا بالروائع,, تخريمة تعرف اللى بيجيب ليك الكتاحة فى البورد ده منو?
Post: #57 Title: Re: شكرا لاخوانى الاجلاء ..لقبولى بينكم Author: عبد المنعم سيد احمد Date: 01-22-2009, 04:04 PM Parent: #56
الاستاذ الفنان ياسر مرحبتين حبابك..فانت صاحب الدار ونحن هاهنا الضيوف.. فوجودك بيننا اضافة نوعية..واضافة وتر لانغامنا المنبرية..فالموسيقى غذاء للروح. وانت بابداعاتك تعطر امسياتنا بكل هذا الجمال.وتسمو ارواحنا..فكل نغمة جناح نحلق به..فى سماوات الابداع. وفى انتظار مزيد من الابداع.. ويا سعادتنا( كتورنتاب)..بزميل جديد ومبدع..ليكمل هذا العقد النضيد يامرحبا
الاستاذ ....الشاعر الرقيق .عبد المنعم سيد احمد شكرا اخى على الترحيب الانيق .. لى الشرف ان اكون معكم انتم .يا اصحاب النفوس الطيبه ...الجميله شكرا على كل ما فعلت..... . بنا ظمأ شديد لسماع اشعارك فهل اسمعتنا بعض ما عندك.....
لك الـــــــــــود المقيم
Post: #59 Title: Re: شكرا لاخوانى الاجلاء ..لقبولى بينكم Author: عبد المنعم سيد احمد Date: 01-22-2009, 11:20 PM Parent: #58
الرائع ياسر عبرك نهدى الفنان المبدع السمرى هذه الاغنية اشجان احببتك ياذات الصوت الرنان حبك علمنى ان اللون الاسمر لون النيل الماثل فى الوجدان احببتك اكثر حين سبحت بروحى مثل الطيف الناعس فى الاجفان يا انقى من ياقوت العمر مسافر فى دنيا الاحلام كم كنت اناجيك صباحا ومساء فتسامى حبك بالشريان ورسمتك فى قلبى ازهى من لوحة مغزولة بالاشجان هفهف شعرك مثل الليل انسدل جدائل نخل وسنان وعيون القمر الضاحك تلهمنا فيضىء الحرف الولهان يا اجمل من انجم بالدنيا بل من نور الاكوان والصبح المشرق ذاك الذهبى الالوان يتماهى اصفى من لون التبر
اهديك جدائله بعناقيد الرمان وعميقا هذى الوردة تهدينا انفاس العطر الريان ياذات الصوت الرنان اللون الاسمر لون النيل الماثل فى الوجدان