ادخل سجل صوت شكر لحبيب قساى بكرى ابوبكر

بعد طول غياب عن المنبر بسبب العمل عدت و وجدت امامى مشكلة فى دخول المنبر (الباب كان معصلج) ولكن الرئيس الهمام سرعان ما تدخل لحل الأشكال(يعنى كبه حبة زيت فى الكالون) والحمد لله واخيرا تمكنت من الدخول ولم اجد افضل من (كسير تلج للرئيس)ابتدر به دخولى المنبر وهى كلمة حق يجب ان تقال فى حق هذا الرجل الذى صمد لتسعة اعوام فى مواجهة كثير من الظروف التى كادت ان تعصف بى الموقع الا ان هذا الرجل كان يستقطع من وقته و وقت ابناءه(ربنا احفظهم )لأجل الموقع الذى نفتخر بعضويته
فلك الشكر يا باشمهندس

الريس بكرى يستحق كل الشكر والتقدير ومن تكسير التلج الكتير
انا برضو كنت غائب بسبب عوامل اخرى
واليوم رجعت للبيت الكبير
قمت عملت بوست خاص بالعودة
لكن دقائق لحق أمات طه
الظاهر الراجل (أنا) غلط

تشكر ياريس بكرى
وتشكر ياحبيب الكل ياكسار


*التعديل لوضع الغين مكان العين

الرائع ابوعبيدة
البركة فى العودة
وشكرا للمداخلة
والمشكلة فى بخشوا اتاوقوا وامشوا وما عارفين الرئيس شايفهم بى هناك

فوق

اهلن بشيوخ المنبر
بس كثير التلج ده ما معانا
عودة حميدا وانتظار مشاركات عديدة
تحياتى

بلدى يا حبوب
شوقنا زى ماسورة محلوجة والله
انشاءالله الدنيا ماشة معاك
لك خالص احترامى

..
.
شكراً يا بكرى .
ما قصرت مع الحبيب ..
لينا منو سنين والبركة فى قندهار ..

____________

مفترض الدخول يكون بالاقدمية
بالمناسبة :
بكرى جنسو شنو ؟؟

الرائع تبلدينا
البركة فى شوفتك و سماع صوتك
وبعدين قصة الاقدمية دى عملوها كان ناس عوض المسلمى مسكوا الاباريق للغسيل بس
المسلمى لك الشكر والتقدير

كسبر التلج يا حبيب الكل ما غريب عليك بعدين انت كسرت لمنو يعنى ؟؟؟ دا بكرى ياخ

حبيب غاتيها لييييييييييك برضو
؟؟؟؟؟؟
؟؟؟؟؟؟

حبيبنا فيصل مشتاقين عديل كدا اخبارك شنوا والولد بامسيكا ادونى كولات فى موبايلى القديم زاته وبالعدم مسكولات

يا حبيبنا عملت ليك مس كول قبل فترة بس انت عملت تقيل ورافع القزاز

اسمع لقيت شنوووووووو يعنى ؟؟؟؟


وتانى برضو تحياتى ليك وليك وحشه والله

ارفع النظارة وقعت...

وهى كلمة حق يجب ان تقال فى حق هذا الرجل الذى صمد لتسعة اعوام فى مواجهة كثير من الظروف التى كادت ان تعصف بى الموقع الا ان هذا الرجل كان يستقطع من وقته و وقت ابناءه(ربنا احفظهم )لأجل الموقع الذى نفتخر بعضويته
فلك الشكر يا باشمهندس

حبيب الكل

عودا حميدا

عوداً حميدا.

الأخ بشير
تسلم يا زوق وانشاء الله ما ننقطع منكم تانى

الرائع ابوجهينة
اشكرك على المداخلة و حقيقة بكرى رجل يستحق التقدير منا جميعا
ولك حبى وتقديرى

ياحبيبنا
اول حاجة عودا حميدا وعرفت من اين تؤكل الكتف

تاني حاجة انت كنت غاطس وين

تالت حاجة فيصل ده برضو كان غاطس وحاتك مرة قال لي جاي المدينة ولمن اجي بضرب ليك وحاتك من ديل وعيك لا ضرب ولا عرفنا عنو حاجة

رابع حاجة عملوا استاذ لغة عربية في المنبر بيراجع الاخطا اعمل حسابك مايلم فيك

خامس حاجة اخبارك شنو ولي العهد شرف ولا لسع

سادس حاجة تحياتي لي كل الناس الحلوين

تحياتي

زاتوووو
____________________
زاتو من الزيت وليس من الذات يابتاع الاخطا انت

الزوووول زاتوووو
مشتاقين لمن الشوق زاتو قال لى دا شنو
الحمد لله ولدنا مصطفى احتفلنا بعيد ميلاده الثانى الشهر الماضى
رسل لى رقم الجوال فى الايميل

الزول زاتوووووووووو اها دي صورة ولي العهد عشان تقطع لسانك الطويل دا
حبيبنا فيصل وين كولاتك لي؟