|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: ارادة القمرا البتقدر براها تضوي الظلام (سوقني معاك ياحميد) (Re: طارق الأمين)
|
سوقني معاك ياحمام- النصري
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
فقارى ولكن غنايا
غنايا بهذا الغمام
| |
 
|
|
|
|
|
|
|
|
Re: ارادة القمرا البتقدر براها تضوي الظلام (سوقني معاك ياحميد) (Re: طارق الأمين)
|
بهذا النيل كم تغايا
وتيرابا النرميهو قام
... ...
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام
درب من دم ماب يودي
حرِب سُبّه .. حرب حرام
| |
|
|
|
|
|
|
|
|
|
Re: ارادة القمرا البتقدر براها تضوي الظلام (سوقني معاك ياحميد) (Re: طارق الأمين)
|
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام
إذا الإنسان ما لو قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
أخويا وطراوة الخوة إبتسام
... ...
تعالوا نحانن بعضنا
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
| |
|
|
|
|
|
|
|
|
|
Re: ارادة القمرا البتقدر براها تضوي الظلام (سوقني معاك ياحميد) (Re: طارق الأمين)
|
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
| |
|
|
|
|
|
|
|
|
|
Re: ارادة القمرا البتقدر براها تضوي الظلام (سوقني معاك ياحميد) (Re: محمد كابيلا)
|
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة ما
| |
|
|
|
|
|
|
|
|
|
Re: ارادة القمرا البتقدر براها تضوي الظلام (سوقني معاك ياحميد) (Re: طارق الأمين)
|
Quote: تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام |
| |
|
|
|
|
|
|
|
|
|
Re: ارادة القمرا البتقدر براها تضوي الظلام (سوقني معاك ياحميد) (Re: Yasier Elsayed)
|
حميد ثروة قومية يجب تعهدها
( هل تذكر حينما كنا يفع ، ايام رابطة فكر الثقافية ؟ )
حينما شرفنا الأستاذ حميد في حفل الإعلان عن الرابطة
والأستاذ هاشم صديق والأستاذ فضيلي جماع
تحياتي لذلك الزمان وأهلي الديامة
أخوك
صلاح مدني )
ياحليلك ياصلاح يالذيذ
ولمن كنا صبيه
كان الاسماء دي كلها عمالقه
ونجوم في ساحه الشعر
لكن تواضعهم ما منعهم انو يشاركونا نحن الصبيه ديك
فرحتنا بي ميلاد رابطه ثقافيه
وهم مالاقونا ولا بعرفونا ولا عاوزين مننا جزاء ولا شكر
عشان كده هم جمال متجدد حتي اللحظه
تحياتي ومحبتي
والحمد لله فكيت لي الشفره وعرفت دا منو البكتب بالاسم اللذيذ دا
ديامي
ديامي وهاك سلامي تسلم
| |
|
|
|
|
|
|
|
|
|
Re: ارادة القمرا البتقدر براها تضوي الظلام (سوقني معاك ياحميد) (Re: طارق الأمين)
|
Quote: لمن كنا صبيه
كان الاسماء دي كلها عمالقه |
يعملق راسك الكبير ده
انت عامل فيها صغير ولا شنو ؟
أنا من الله خلقنى شفتك عملاق 
| Quote: دا راي صاحبي مش انا |
صاحبك خمجان ساكت ..
الترتيب الصحيح ..
حميد
ثم حميد
ثم حميد مشترك
مع كامل احترامى للجميع
سمعته يا طارق لمن قال :
فى الزول الخرب لى بيتو .. غالطنى المطر هديتو
لاوانى الفراغ لاويتو .. كان أقوى الفراغ مالآى
شهدت البرق مضيتو .. نشًن قوس قزح تالآى
اندرقت باللآشىء.. وبالمافى انحويت فى قفاى
وقعت وراى .. رفعنى يقين.. ووقف فوق راى
بأنه الحال مغير زيييييييييين.. مغير كان قصر كان طال
وانه الأرض للكادحين ومفتاح الحياه العمال
وأسمع ده طال عمرك مع العافيه :
جات داخله زى مرقة غضب من جوف حليم فى زمن صعب
رمت السلام زى ردخه رب .. زى شنطه من كتف المسافر بى تعب
....
وقالت تصدقوا يا ولادى.
بقيت ابيت الليل أفكر فى التميرات القدر فوق راسها ما خمت سبيط،
غلبها الجروره الفوق ضهرنا تنزلها
..............
زى نيتها البيضاء الشعر وزى موج بحر كان الجبين ؟
دى السره بت عوض الكريم .. مره من قديم
ما فيها علقنة الرجال وما فيها دلقنة الحريم
.. (السره بت عوض الكريم)
أسمع تانى ، الله يرضى عليك :
انا ماشى راجع لى بيوت تفتح لى قبال ما أدق
لا مالك الجابك شنو ولا حتى عل الداعى خير
لبيوت بجيهن أى يوم ان جيتها ليل .. ان جيت دغش .. طوالى الز الباب وأخش.
..(الرجعه للبيت القديم)
فى مرثية مصطفى قال :
(والحديث ليوسف .. الرمز العربى)
عود عينيك فى الضلمه تشوف .. أحفر بى ايديك عتبات للجب
طمن فى الجوف صنات الخوف ، يا ألزم فيك درابة الصبر
أنا دربى عليك ،فى اسراع فى اسراع قلعت اشميق الشوق ملتاع
أفتل وانتل فضل فد باع والحبل يتم ، كمل الاشميق
الى أن يقول :
هبش واتحسس باقدامك كل الاجحار
الحفر الجب زول قدامك ما قبيلة فار
ولابد أكيد ساعة تما .. لابد مرق من درب ما
الى روح مصطفى الغالى :
يا شدو عصفورنا البسيط .. كل الخلوق اتوكتك
لو ما بتبيت فوق السبيط .. طول مسافة ركتك
ما سمط مطراً غتيت .. لا ريح لديح يوم سكتك
عذراً اذا حال الوطن بالجاتو ذات ليل بكتك
سايقين بأيادينا الزمان .. ماسكين خيوطه الفكتك
.. (مصابيح السماء التامنه طشيش)
هوووووووووووووى يا طارق الزول ده مر
ده المر أبو سنون
.................
طارق ازيك .. كيفك والخرطوم وكل الحلوين فى بلادى ..
لسه تقوموا وتقعوا براكم؟
لسه بتعملوا من الفسيخ شربات؟
شفت تسجيلات العيد القبل الفات ، جميله فعلاً .. لكن العيد ده ما وصلتنى حاجه
الناس فى الخرطوم بقت بخيله ولا مشغوله ما عارف .. رسلوا لينا يا اخوانا وليكم فينا أجر الانتشاء
عندى بوست عن الكليب بتاع (يابا النيل ) حا أرسل ليك اللنك بتاعه انشاءالله
تحياتى عبرك لى شكسبير وامام وكل الناس البتعافر بى غادى وابت المرقه.
خالص ودى
| |
|
|
|
|
|
|
| |
كمال علي الزين
محمد كابيلا
الطيب عثمان يوسف
Rihab Khalifa
زهير الزناتي
naeem ali
Yasier Elsayed
معاذ حسن
جمال السنوسي
فيس بوك
تويتر
انستقرام
يوتيوب
بنتيريست