الأسلحة الكيميائية وحقيقة استخدامها في السودان في منتدى ميديكس للحوار
|
|
 الفوارق العمرية في الزواج ...................... المصلحة سيدة الموقف برضا الطرفين!!
|
في مرة من المرات وبينما انا فى احد العيادات ،،وتعلمون حلاوة الانتظار في العيادات،،
لفتت انتباهي ، موظفة متقدمة فى العمر، قامت باجراءات الحجز وجلست فى الانتظار ، وبعد حوالى نصف ساعة ، اتى الى العيادة شاب ، وشاب شديد كمان ، القى التحية وجلس جوارها
استغربت لطريقة الحوار الذى دار بينهما ،، جاني احساس انو موظف معاها فى القسم وهى مديرته (طيب لكن علاقته شنو بعياداتها) ، او سواقها ، او ........
وفي عز اندهاشي ، اشارت لى السكرتيرة بان هذا الشاب هو زوجها، وماقصرت عندما اطلعتني على تواريخ الميلاد على بطاقات التأمين،،
الزوجة 1957
الزوج 1977
ـــــــ
العيادة: جيوب انفية
|
|
 
|
|
|
|
|
|
|
 Re: الفوارق العمرية في الزواج ...................... المصلحة سيدة الموقف برضا الطرفين!! (Re: Shamael Elnoor)
|
| Quote: لما تبقى تشبه هاني شاكر ، يحلها 1000 حلال |
..   .. .. والله يا شمايل أنـا علشان (طعامتك) دي قمت قدمت لا سمح الله دي ..
لكن بي صراحة ..
اكيد فيك جينات ..(ملكة نحــل) ..
بعدين تعالي هنا دا ,.,؟!
منو القال ليك الخبرة في حالة الزوج اكبر .. ؟
الخبرة هي الخبرة .. اكبر منك بي يوم أخبر منك بي سنـة ..
لكن مسالة الشنا شايفك ,. عملتي منها اسكيــب ..
إنت عايزه تلغيني يعني عشـــان شين ..؟
أن مصر جدا على مسالة الشنـا دي ..
هل الشنـا مسالة القروش ممكن تغطي عليها ..؟ زي مسالة العمــر ..؟
يعني مثلا انا حسع بي شناتي دي .. وإنت بي شناتك دي لوووو فرضنا مثلا دخلنا في موضوع شراكة واقتسام سلطة ..
تفتكري ممكن نقدر نفتح لينا مصنع..؟
والله المسالة بتاعت الشنـا دي عاملة لي زلزال ..
والزلزال الأكتر لما الشنا تجي من الجانبي الفيميل
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: tmbis)
|
والله ياتمبس الغريبة رديت ليك فى ردي على الفاضل عبد اللطيف لكن لامانع من الرد ثانية ، عشان انت عزيز
Quote: اما مسالة الشنا البيقولها تمبس دي
الوضع غير ، فمسالة الشنا دى الزوجة اصلا تدرى تماما ان هذا الرجل شين وهى تراه بام اعينها وهى التى اختارته عن قناعة،، يعنى ما ح تحصل مفاجآت لقدام ، اللهم الا يكون مرتدي قناع
|
ــــــــــ
بعدين مسالة شراكة بينا دى ، انا من هسه بوصفها بانها شراكة غير زكية
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: Shamael Elnoor)
|
شمائل سلام
قبل الدخول في الموضوع ,,,
| Quote: ،،وتعلمون حلاوة الانتظار في العيادات،، |
غير الزهج وكترة اللفيت مافيها ايي حلاوه ,,,
شدة حمار الحلبه الفي المثل ولا غيرها ,,,وشديد دي نسبيه صح ؟
| Quote: وفي عز اندهاشي ، اشارت لى السكرتيرة بان هذا الشاب هو زوجها، |
لكن فضولك عينه ياشمائل ,,,,
وللموضوع برجع
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: محمد كابيلا)
|
كابيلا
تحياتي وشكر ع المرور
اوريكـ القاضي؟؟
اولاً رضا الطرفين دا فى وقت الاتفاق فقط،،وسرعان ماتتحول الاحوال الى ما لايحمد،،
طيب ناخد الحالة الاولى: الزوج أكبر من الزوجة بـ 20 سنة ،، ودى ظاهرة استشرت مؤخرا
هنا عادة مايكون الزوج ذو وضع مالي يحسد عليه ، من الممكن ان تعيش الزوجة فى ذات الوضع التى تحلم به -ماديا- لكن على مستوى الحياة الزوجية الخاصة، لا يمكننا ان نقول هناك رضا باى حال من الاحوال سواء كان فى الوقت الحالي-السنين الاولى للزواج- او الوقت اللاحق
فتكون الزوجة فى قمة شبابها والزوج خلاص قرب يأشر
ــــــــــ
لو أشر طبعا هنا ممكن تتزوج بشاب ، وهنا تتحول المصلحة بدل ماتكون هى مستفيدة تبقى مفيدة
ولا شنو؟؟؟؟
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: Shamael Elnoor)
|
الاستاذة Shamael Elnoor
تحياتي لك
اتذكرت كاريكاتير زمان في مجلة ويك اند .. مرتين قاعدات يقطعن في زوجين قاعدين في طاولة قريبة منهن .. واحدة بتقول للتانية فلان وفلانة ديل متزوجين وسعداء .. هو متزوج وهي سعيدة
على كل حال نتمنى انو الاتنين يكونو سعداء بهذا الزواج .. وأعتقد ان الزواج اصلا حتى لو خلا من المصالح المادية فأنه مصلحة متبادلة .. يعني تغلبيه بالحب يغلبك بالمال .. اما حكاية السن فزي ما قال
Quote: إلى هذا الحد تركتها ... و هي تعيش الآن منغنغة مع طفل يؤنس شيخوخة أبيه .. لأن أولاده الكبار كل واحد في بلد ...
و هي مونسة روحها بالأصفر الرنان .. إلى الآن ... و لا ندري ما سيفعله الزمان |
ولن اقول ما دام القاضي .. لكن الفوارق في السن لا تمنع التعايش .. نحن ننجب اطفالا اصغر منا باجيال والمطلوب منا ان نتفاهم ونتعايش .. وكما اشار احد المتداخلين ماذا عن الفوارق الاخرى : الشناة مثلا .. لانو حتى لو تساويا في العمر والوضع المادي والوسامة .. فتظل هناك فوارق سيكو-فيسيولوجية تفرض علينا تعاملا خاصا مع بعضنا البعض .. وتفاهما اعمق من مجرد علاقة تحكمها روابط سوسيو-اكونومية ..
هذه الفوارق هي التي تخلق المشاكل بين الزوجين .. والزوجان العاقلان هما اللذان يحولان هذه الفوارق لمصلحتهما ..
فتاة تزوجت من رجل يكبرها بثلاثين عاما مثلا .. هل الحياة معه جحيم لا يطاق?? هل تعتبر قد قتلت نفسها .. ام هي تستطيع ان تعيش حياتها وتملأها اطفالا وسعادة??
المؤسف ان مثل هذه الزيجات تتم بدافع المصلحة المادية فقط .. ولكن هناك بعض الحالات التي تمت بدافع التفاهم ونجحت
تحياتي وودي
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: elfadl abdellatif)
|
الفاضل عبد اللطيف
في رايى وحسب ماهو واقع ، ان الفارق العمري والفارق التعليمي -مستوى التعليم- يختلفان عن بقية الفوارق باعتبار ان النتائج تقع لاحقا بمعنى انو مابيكون في بعد نظر للمسألة، وكما اسلفت ان الحياة الزوجية هى المتاثرة وذلك باعتبار ان الزوجة مازالت فى ريعان شبابها بينما زوجها اصبح كهل ،، وكذلك اذا كانت الزوجة تكبر الزوج - نادرة الحدوث- بعكس الحالة الاولى فهنا ايضا الزوج بيكون في ريعان شبابه بينما هى اصبحت تتوكأ
ثم ان المصلحة لها مدتها وتنتهى او ربما لا يستطيع الطرف -صاحب المصلحة- من تحقيق مصلحته ويكتشف انها مجرد وعود قبل الزواج ، وهنا الامثلة كثر
اما مسالة الشنا البيقولها تمبس دي
الوضع غير ، فمسالة الشنا دى الزوجة اصلا تدرى تماما ان هذا الرجل شين وهى تراه بام اعينها وهى التى اختارته عن قناعة،، يعنى ما ح تحصل مفاجآت لقدام ، اللهم الا يكون مرتدي قناع
تظل المصلحة سيدة الموقف
| |
|
|
|
|
|
|
|
|
 Re: الفوارق العمرية في الزواج ...................... المصلحة سيدة الموقف برضا الطرفين!! (Re: Shamael Elnoor)
|
إزاي الكلام دة يا شوشو ؟
يعني حلال على بلابله الدوح , حرام عل الطير من كل جنس ؟
عارفة أنا عندي زميلة اتزوجت وعمرها 30 سنة بزوج في الخمسين وآخر حب وسعادة وعايشين في تبات
ونبات ومخلفين صبيان وبنات , يعني فيها أيه لو حصل العكس ؟ 
طالما هو مقتنع وهي كذلك ؟ يعني عايزاها تقعد عانس لمن تموت ولا شنو يا ست الحبايب ؟ وبعدين
الرسول صلعم لما اتزوج السيدة عائشة في زمن بعيد جدا من هذا الزمن الأغبر ما قامت الدنيا ولا
قعدت مش كدة ؟ 
محبتي ...
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: Shamael Elnoor)
|
نهارك سعيد يا شمائل النور ،
بالمناسبة إسمك جميل ياشابة بدرجة مُمتاز ، شمائل النور ، ينفع عنوان لكتاب شعر ، أو يشبه فيمايشبه عناوين الكُتب التبشيرية المسيحية ، لطائف الرحمة ، دروب النجاة ، شمائل النور ، وكده 
أحكي ليك القصة القصيرة دي ، علها تنزل عليك برداً وسلامة ..
كُنا طلبة في الجامعة ، وكان عندنا صديق محترم من أنبل وأصدق وأوسم وأظرف الناس ، عائش وحيد مع أمه بعدما ابوه انفصل عنها وهجرو طفل ، سابو لامو تربيهو وتقريهو يحدي مادخل كُلية الهندسة ، في الكلية ولدنا ده كان بيحب ليه بت من كُليتنابتقرا جيولجيا ، علاقة عُمرها تلاتة سنين والجامعة كُلها بتحلف بي رأسها ، محبوبين وعلاقتهم حلوة و نموذج مُشجع لكل الشباب...
بإختصار أخونا خلص البكالريوس ودخل في معمة الخدمة الإلزامية أخدت منو سنتين وفي فترة إنتظار وظيفة سنة تاني ، وبتنا ماقدرت تتنظر بدأت تتململ ، وفاجاته بانو أنا جاني عريس بعرف ناس بيتنا وهو زول كويس ، أي هو أكبر مني بكتير ، لكن حيقدر يصرف علي ويحقق لي حاجات كتيرة ، غنى وكان عائش في السعودية وأسه عندو شركة كبيرة في الخرطوم ، فانا أسفة .
أتخيلي ياشمائل ، الدُنيا دي عاملة كيف ؟ الراجل العريس ابو ستين سنة طلع هو نفسو ابو صاحبنا الهجرهم من عشرين سنة !!
الحياة دي بائخة يا بتنا بائخة .
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: Shamael Elnoor)
|
شمايل سلامات كتيرة،،
دقيقة بس أرد على تمبس كدة:
| Quote: لو انا لاسمح الله كنت بشبه هاني شاكــر .. |
ليه هانى شاكر بالتحديد؟؟؟
دة نظام حقد شديد لكن،
الراجل دة أكبر من أمى،
و الوشيش تقول قزاز،،،،
طبعا ما شاء الله،،،
تصدق ما كنت فاكرة الشباب برضو بغيرو منو زينا كدة،،
أها يا شمايل،
بخصوص موضوعك دة،
Quote: الزوجة 1957
الزوج 1977 |
جانى أيميل كدة،
غايتو ما قدرت أعاين ليه كويس،
بحاول أفتشو ليكى،،
لكن نرجو التنبيه،،
لا يسمح بمشاهدة العرض لأقل من 38.....
| |
|
|
|
|
|
|
|
|
 Re: الفوارق العمرية في الزواج ...................... المصلحة سيدة الموقف برضا الطرفين!! (Re: Hala Hassan)
|
| Quote: دقيقة بس أرد على تمبس كدة: |
..> ..
Quote: ليه هانى شاكر بالتحديد؟؟؟
دة نظام حقد شديد لكن،
الراجل دة أكبر من أمى،
و الوشيش تقول قزاز،،،،
طبعا ما شاء الله،،،
تصدق ما كنت فاكرة الشباب برضو بغيرو منو زينا كدة،، |
.. بلاي يا هاله هاني دا عامل رعب للجكس .؟
طبعا ضربنا مثل بي هاني .. لانو تحت تحت كدا .. حبيبتي القديمة قالت لي قاعد تشبه هاني شاكـر .. طبعا نظام نفسيات ليها علاقة بي نظريتك الفوقانية دي .. . والمؤمن صديق طبعا .. | Quote: لما تبقى تشبه هاني شاكر ، يحلها 1000 حلال |
بس بتقدري تقنعي لي شمايل دي ؟؟
| |
|
|
|
|
|
|
|
|
 Re: الفوارق العمرية في الزواج ...................... المصلحة سيدة الموقف برضا الطرفين!! (Re: tmbis)
|
ست البوست سلام،
تمبس،
وين ..عاملين نظام بوستات إنتقائية كدة؟؟
دة نظام الخطة بتاعة السنة الجديدة، و لا شنو؟؟؟
..| Quote: بلاي يا هاله هاني دا عامل رعب للجكس .؟ |
يا زول، ما رعب شديييد،
لكن تعرف،
الكون دة فيه ظواهر كدة محيرة جدا،
ومنها الراجل دة،،
تكون دى علامات التقى و الصلاح، يا ربى؟؟؟؟؟؟
| Quote: طبعا ضربنا مثل بي هاني .. لانو تحت تحت كدا .. حبيبتي القديمة قالت لي قاعد تشبه هاني شاكـر .. طبعا نظام نفسيات ليها علاقة بي نظريتك الفوقانية دي ... والمؤمن صديق طبعا .. |
طبعا... طبعا
و نعم الإيمان،،،
لكن تحت تحت كدة،
لو النفسيات دى لسه مستمرة،
تكون هى الخسرانة،،
أما...إذا.....
ما ألتش حاجة........
Quote: Quote: لما تبقى تشبه هاني شاكر ، يحلها 1000 حلال
بس بتقدري تقنعي لي شمايل دي ؟؟ |
يا شمايل ياخى،
مادام الزول و الناس المعاه مقتنعين،
بطلوا حركات الحسادة دى،،،
___________________________________________
ما قلتو لى أجيب الإيميل ولا لا؟؟؟؟
الموضوع بسيط يا جماعة،،،
لكن لو فى ناس جاتهم نفسيات جد جد،
أنا ما مسئولة ....
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: Ibrahim Algrefwi)
|
الأستاذة / شمايل النور
السلام عليكم ورحمة الله وبركاته
أستاذتي في اعتقادي الخاص أن موضوع الزواج من امرأة تكبر الرجل عمراً أنا أعتبره شئ عادي جداً ولا يدعو إلى هذه الدهشة والاستغراب وليس هو بالجديد حتى يتطلب فتح بوست وهي سُنة قديمة جداً بدأها رسولنا الكريم صلى الله عليه وسلم عندما تزوج السيدة خديجة وهو في سن الـ 25 وهي في سن الـ 40 يعني فرق 15 سنة وأنا شخصياً أعرف عدد كبير من الأشخاص تزوجوا نساء يكبرنهم في العمر والمسألة ليس لها علاقة بالناحية المادية فهي في الغالب قناعات الشخص نفسه ممكن يتزوجها وهي لا تملك المال وتحتاجه لكي ينفق عليها .
الكلام الفوق دا كلوا في الإطار العام لهذه الفكرة .
أما في الإطار الخاص الذي هو موضوع البوست تلك السيدة التي إلتقيتيها في العيادة فهي كما ذكرت ينطبق عليها نفس الكلام سالف الذكر ولكن لماذا الاستغراب لطريقة حوارهم هل فيه شئ مخل بالأداب حتى تستغربي .
| Quote: في مرة من المرات وبينما انا فى احد العيادات ،،وتعلمون حلاوة الانتظار في العيادات،، |
والله يا شمايل حياتي كلها ما لقيت زول قال العيادة فيها حلاوة انتظار إلا إنتِ يعني يا شمايل كيف يحلو الانتظار في وسط رائحة الأدوية والمعمل ومنظر المرضى وخاصةً إذا كان هنالك مرضى من النوع المقرف والذين لهم حالات خطرة والمرضى كبار السن الماشين بالعربات المتحركة وبرضو في حلاوة انتظار .
ههههههههه قلتي لي شديد يعني الحاجة دي محظوظة ولا عزلتو عزل . . . . جنس غيرة لكن . . . . ( بمزح معاك ما تزعلي )
Quote: وفي عز اندهاشي ، اشارت لى السكرتيرة بان هذا الشاب هو زوجها، وماقصرت عندما اطلعتني على تواريخ الميلاد على بطاقات التأمين،،
الزوجة 1957
الزوج 1977
|
يعنى كنتِ مندهشة لغاية ما الإندهاش وصل أوج عظمته وعزه هههههههه
وبعدين السكرتيرة أنا لو كنت الدكتور أو مدير العيادة حا أطردها من الشغل لأنها بطلع أسرار المرضى والمراجعين الخاصين بالعيادة ..
تورايخ الميلاد 1977 – 1957 = 20 يعنى يا شمايل الفرق 20 سنة مو كتير
يعني الحاجة عمرها 52
والشاب 32
والله هسي تلقيهم أخر دلع وقنج وحب وهاك يا كلمات معسولة وإنت لو تابعتيهم لحدي ما يخرجوا من العيادة حا تلقيه جايب ليها ورد بمناسبة سلامتها من الجيوب الأنفية
Quote: العيادة: جيوب أنفية
|
ههههههههههههه اختلاط الأنفاس ممكن يعمل جيوب أنفية
| Quote: حينها سوف نسأل الزوج إن كان حافظاً لأغنية ظلموني |
بس أنتِ إتاكدتي هو مظلوم
Quote: عطوفة
سؤال مباشر ،
انت ممكن تفعليها؟؟؟ |
سؤال محرج جداً وليس له أي مدلول طالما الموضوع عام وينبغي أن يكون النقاش فيه عام حتى تعم الفائدة فلماذا السؤال المباشر والخاص فلنفرض أن عواطف جاوبت بنعم أو لا فماذا نستفيد نحن القراء من إجابة عواطف .
وبعدين يا أستاذة الأسئلة المباشرة في المواضيع العامة على حسب مفهومي اسمها الاستطلاعات العامة للجمهور أنتِ مفروض تعملي استطلاع للشارع العام ومن ضمنهم عواطف ومن الجنسين حتى لا تقعي في الحرج في مثل هذه الأسئلة وهذا ليس دفاعاً عن عواطف ولكن رداً على كتاباتك .
أها أتمنى أن تكوني فهمتيني صح ونحن في النهاية أخوان في الله نتبادل النصيحة ونخدم بعضنا وفي رعاية الله وفتكم بالعافية .
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: حسن مضوي)
|
حسن مضوي
شكرا
اولا: حلاوة الانتظار دى انا اردت بها العكس تماما وقصدت الملل القاتل (يعنى انا بتتريق)،،التوضيح يشمل ايضا الرد على العوض المسلمي
ثانيا:
| Quote: أما في الإطار الخاص الذي هو موضوع البوست تلك السيدة التي إلتقيتيها في العيادة فهي كما ذكرت ينطبق عليها نفس الكلام سالف الذكر ولكن لماذا الاستغراب لطريقة حوارهم هل فيه شئ مخل بالأداب حتى تستغربي |
الجاب خلل الآداب شنو؟؟ارجو ان تراجع ، لكن لاباس ان اوضح لك سبب الاستغراب مرة تانية
انا كتبت ان طريقة الحوار توحى لك بانها مديرتو فى العمل أو سواقها الخاص ،، اظنك بعد كدا فهمت قصدي
أما عواطف
اذا جاوبت بنعم او لا انا ممكن استفيد ، وانا ماشايفة في احراج ،، ولوفى احراج خليها تقول هي،، ثم انو الموضوع قابل لكل الاراء مع احترام كل الاراء
ياريت ترجع
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: Shamael Elnoor)
|
الاستاذة عواطف
تحياتي
افتقدنا بوستاتك لكن اهو لقيناك في اللفة .. وبالامس لم استطع الرد لانو المنبر مهكر بواسطة اصحابه ..
وساحاول هنا ان اعقب عليك وعلى الاستاذة شمائل في آن
لقد اصبت الموضوع في ام رأسه ... فالمثال الذي ذكرته له امتدادات اخرى تجيب على جميع التساؤلات
فبالاضافة الى السيدة عائشة التي تصغره .. هناك مثال اخر لامرأة تكبر نفس الرجل بفارق كبير .. وقد ادى نفس الرجل واجبه نحو الزوجتين على اكمل وجه .. وزوجات اخر .. ثم ان هناك الطرف الاخر للمعادلة .. الزوجة نفسها التي تزوجت رجلا يكبرها (عائشة) او يصغرها (خديجة)
انا اؤمن بان سر الائتلاف في الحياة هو الاختلاف .. فكما في الميغناطيس في البشر .. ولهذا جعل الله الاختلافات والفوارق بين البشر .. وهذا جزء من كلام كثير ليس هذا مجاله .. ولكن دعينا ننظر الى المثال الانموذج الذي لدينا .. فالقاسم المشترك هو رجل مدرسة وأمة .. ونحن لا نستطيع التمثل به في كل افعالنا ولكن مجرد محاولتنا ترفعنا درجات .. فلننظر داخل هذين البيتين السعيدين ونرى كيف تذاب الفوارق العمرية
لا شئ يمنع مصاحبة المسن للشاب ولا الغني للفقير ولا المتعلم للجاهل .. بل هي مطلوبة وتأتي بنتائج باهرة اذا توفرت لها فرص النجاح
ولتوفر فرص النجاح يجب على الانسان فهم ذلك النوع الاخر الذي يجب عليه ان يعايشه .. فهما عاما للنوع وفهما خاصا لذلك الفرد من النوع الذي هو نصفه الاخر .. تماما كما ان عليه لتربية ابنائه ان يتعرف على عالم الاطفال وان يتعلم تقنيات التعامل معهم .. المسألة عندي بهذه البساطة
ودمتن
| |
|
|
|
|
|
|
|
|
 Re: الفوارق العمرية في الزواج ...................... المصلحة سيدة الموقف برضا الطرفين!! (Re: elfadl abdellatif)
|
أخي الحبيب الفاضل ..
سلام من الله يغشاك أينما حللت ..
وشكرا على مداخلتك الطيبة والتي وجهتها لي شخصيا , ولا أقول قولي هذا رياء أو تملقا لأنني والحق يقال
منذ أن تعرفت عليك في هذا المنبر لم أعهد فيكم سوى القول الحكيم والرأي السديد , كما لم أركم في
أي وقت من الأوقات ,وقد ألقيتم الكلام على عواهنه بل يأتي ردكم وبين طياته الكثير من الواقعية
والموضوعيةالتي لا تجرح شخصا , ولا تؤلم أحدا ما يجعلني أسعد بمداخلتكم أيما سعادة وأستفيد من أرائكم
إيما ستفادة .. حفظكم الله ورعاكم .. وشكرا لكم ..
ملحوظة هناك بوست آخر بعنوان مطلوب زوجة بمواصفات خاصة أتمنى أن أسمع رأيكممع الشكر ..
| |
|
|
|
|
|
|
|
|
|
Re: الفوارق العمرية في الزواج ...................... المصلحة سيدة الموقف برضا الطرفين!! (Re: Shamael Elnoor)
|
| Quote: بعدين ملاحظة العريس في الصور بطنو طامة طامة،زى المجبور |
والله يا استاذة مافي اي شئ جابرو وهو اقدم على الخطوة وهو في كامل قواه العقلية .. وزي ما قال ليك المصلحة سيدة الموقف .. لكن كمان ما ننسى انو المصلحة ممكن تكون عاطفية وليس مادية .. يعني هو محتاج لحنان الام وهي عندها عقدة امومة .. ويعيشو في تبات ونبات وممكن يخلفوا كمان لانو اخر حاجة في الارقام القياسية امرأة في الهند عمرها 70 سبعين سنة انجبت بعد عمليات تخصيب
| |
|
|
|
|
|
|
| |
tmbis
GeerTor Tong
محمد الامين محمد
عبدالناصر معتصم
العوض المسلمي
ابو جهينة
معاذ حسن
جمال الباقر
محمد كابيلا
elfadl abdellatif
عواطف ادريس اسماعيل
Safia Mohamed
Ibrahim Algrefwi
azhary taha
محمد عثمان محمد طه
willeim andrea
فيس بوك
تويتر
انستقرام
يوتيوب
بنتيريست