مشتاقة لأمدرمان.............

مشتاقة لأمدرمان.............


01-13-2009, 05:33 AM


  » http://sudaneseonline.com/cgi-bin/sdb/2bb.cgi?seq=msg&board=190&msg=1231821194&rn=6

Post: #1
Title: مشتاقة لأمدرمان.............
Author: حنين للبلد
Date: 01-13-2009, 05:33 AM
Parent: #0

مشتاقة لأمدرمان




شدييييييييييييييييييييييييييييييييييييييييييييييييييييييييييييييييييييييييييييييييييييييييييييييييد...لمن مخنوقة.
Post: #2
Title: Re: مشتاقة لأمدرمان.............
Author: khaleel
Date: 01-13-2009, 05:36 AM
Parent: #1

حنو

امدرمان ذاتها مشتاقة ليك
Post: #3
Title: Re: مشتاقة لأمدرمان.............
Author: حنين للبلد
Date: 01-13-2009, 05:38 AM
Parent: #2

والله ياخليل ...اسه اقعد ابكي ليك...
شعور الشوق للوطن والاهل نص الليل......شعور عجيب...
يااخي حمد الله على السلامة....خليت السودان كيف؟؟؟

لسه الوجوه اللافحاها الشمس البتشبه كلنا....

خليل....
مخنوقة
Post: #4
Title: Re: مشتاقة لأمدرمان.............
Author: Yassir Tayfour
Date: 01-13-2009, 05:41 AM
Parent: #3

غايتو جنس دلع بنات!
___
ما جيتي قبل شهرين من هناك؟؟ والمسكينة المعاك دي تقول شنو؟؟
Post: #10
Title: Re: مشتاقة لأمدرمان.............
Author: حنين للبلد
Date: 01-13-2009, 05:53 AM
Parent: #4

Quote: غايتو جنس دلع بنات!
___
ما جيتي قبل شهرين من هناك؟؟ والمسكينة المعاك دي تقول شنو؟؟


ياسر دلع شنو...

يااخي جيت منها شعر 8 يعني قريب لي 6 شعور اضيف ليهم 7 سنة...وبجي زيارة اسبوعين تلاته بسووا شنو...بسووووووا شنو...

المسكينة ديك بكرة حتفرش ...



ياسر والله غالبني...مشتاقة لي لمة اهل في حوش ابوي...احي استغفر الله
Post: #5
Title: Re: مشتاقة لأمدرمان.............
Author: Amira Elsheikh
Date: 01-13-2009, 05:45 AM
Parent: #3

حنين.....

حتى لو رجعتى اسي ولفيتها شارع شارع وزقاق زقاق برضو

حتحسي انك مشتاقة ليها...

شكلو كدا عمرنا كلو حنكون شايلين الاشواق دى ياحنين...
Post: #6
Title: Re: مشتاقة لأمدرمان.............
Author: Yassir Tayfour
Date: 01-13-2009, 05:50 AM
Parent: #5

وشوفو دي كمان؟
لسه غبار السودان نفّضتو..
___
نحنا لينا الله، بس..
Post: #9
Title: Re: مشتاقة لأمدرمان.............
Author: Amira Elsheikh
Date: 01-13-2009, 05:52 AM

Quote: وشوفو دي كمان؟


خلى شوفى انا...

قالو لى فى طريقك للتطبيع..

التطبيع التطبيع..

مشتاقين يامشاغب..
Post: #18
Title: Re: مشتاقة لأمدرمان.............
Author: Yassir Tayfour
Date: 01-13-2009, 06:07 AM
Parent: #9

الأميرة كيف وجدتين الأهل!
__
شوووغ شديد والله..
Post: #8
Title: Re: مشتاقة لأمدرمان.............
Author: osman righeem
Date: 01-13-2009, 05:52 AM
Parent: #5

Quote: حتى لو رجعتى اسي ولفيتها شارع شارع وزقاق زقاق برضو


طبعا بعد اللحوم القندهارية
عشان الكلوسترول و الغاود


بت الشيح سلامات



كلنا مخنوقين لما تفك الخنقه شويه
بسرعة نتخنق تاني
ادمنا الاختناق
Post: #16
Title: Re: مشتاقة لأمدرمان.............
Author: Amira Elsheikh
Date: 01-13-2009, 06:01 AM
Parent: #8

Quote: كلنا مخنوقين لما تفك الخنقه شويه
بسرعة نتخنق تاني
ادمنا الاختناق


رغيم كيفك???

انت كنت هناك ولا بتهيآ لى ساى??

لانو يوم بيت ناس العوض جات سيرة انك كنت موجود ولا انا ملخبـطة??

دا قدر ماسمح اننا نكون عايشين على الاشواق والوطن يبقى عبارة

عن زكريات..

رغيم سلامى يقشاك وين ماقبلت
Post: #21
Title: Re: مشتاقة لأمدرمان.............
Author: osman righeem
Date: 01-13-2009, 06:24 AM
Parent: #16

Quote: لانو يوم بيت ناس العوض جات سيرة انك كنت موجود ولا انا ملخبـطة??


نعم
بس نسبة لارتباط سابق طلعت قبل جيتكم بي دقائق

تتعوض

لك التحية و الاحترام
Post: #20
Title: Re: مشتاقة لأمدرمان.............
Author: حنين للبلد
Date: 01-13-2009, 06:14 AM
Parent: #8

Quote: كلنا مخنوقين لما تفك الخنقه شويه
بسرعة نتخنق تاني
ادمنا الاختناق


مازي.......


مافي زول بلحقني انا....
Post: #12
Title: Re: مشتاقة لأمدرمان.............
Author: حنين للبلد
Date: 01-13-2009, 05:58 AM
Parent: #5

اميرة



مشتاقة اشم ريحة امي.....حنييييييييييييييييييييييينة..




مشتاقة ليكم كلكم.......
Post: #7
Title: Re: مشتاقة لأمدرمان.............
Author: سفيان بشير نابرى
Date: 01-13-2009, 05:51 AM
Parent: #1


الحقوها بي
نبي الغناء السوداني



الحقوها ياخ بي :-
متين ازور أم در واعوده

بصوت النبي داؤود
Post: #11
Title: Re: مشتاقة لأمدرمان.............
Author: Amira Elsheikh
Date: 01-13-2009, 05:56 AM
Parent: #7

سفياااااان....

سيرتك مالية اللمات ياصاحب ومكانك.........

كل ماتجى السبعة وزمتها سيرتك...

وديدى..كابو..قرمبوز...النشادر..يسن وكل ال....مفتقدنك
Post: #13
Title: Re: مشتاقة لأمدرمان.............
Author: Yassir Tayfour
Date: 01-13-2009, 06:00 AM
Parent: #11

غايتو الغربة خلوها لأهلنا المحس، يعرفوا ليها كويس..
____
حمودي ليهو عشرة سنين من السعوديّة القريبة دي ما رجع..
Post: #15
Title: Re: مشتاقة لأمدرمان.............
Author: حنين للبلد
Date: 01-13-2009, 06:01 AM
Parent: #7

Quote: الحقوها بي
نبي الغناء السوداني



الحقوها ياخ بي :-
متين ازور أم در واعوده

بصوت النبي داؤود




سفيان





فكرك بتلحق




ماظنيت......

اسوي شنو ياسفيان......؟؟؟
Post: #14
Title: Re: مشتاقة لأمدرمان.............
Author: خضر حسين خليل
Date: 01-13-2009, 06:00 AM
Parent: #1

أنا زاتي مشتاقين ياخ

وينك انت زاتك
أمدرمان ملحوق ياخ
Post: #17
Title: Re: مشتاقة لأمدرمان.............
Author: حنين للبلد
Date: 01-13-2009, 06:06 AM
Parent: #14

Quote: أنا زاتي مشتاقين ياخ

وينك انت زاتك
أمدرمان ملحوق ياخ





امدر كيف تتلحق؟؟؟؟



بعيييييييييييييييييييييييييييييده ياخضر...




حليل امدر وحليل ناسها....ووناسها
Post: #19
Title: Re: مشتاقة لأمدرمان.............
Author: خضر حسين خليل
Date: 01-13-2009, 06:11 AM
Parent: #17



أمدر ما بعيدة ولا حاجة
هي أقرب اليك من حبل الوريد
أمدر جواكي
يا حنين !! هسي كتابتك دي
ما ياها جزء من حميمية ناس
أمدر


لكن انتي وين ؟
Post: #22
Title: Re: مشتاقة لأمدرمان.............
Author: osman righeem
Date: 01-13-2009, 06:38 AM
Parent: #1




اها قصرت معاك

قولي لع
Post: #23
Title: Re: مشتاقة لأمدرمان.............
Author: خضر حسين خليل
Date: 01-13-2009, 06:53 AM
Parent: #22



إتخيل يا ياسر
الصداع راح !!

اسمعني ما تتحير شديد!
Post: #24
Title: Re: مشتاقة لأمدرمان.............
Author: خضر حسين خليل
Date: 01-13-2009, 06:53 AM
Parent: #22



إتخيل يا ياسر
الصداع راح !!

اسمعني ما تتحير شديد!
Post: #38
Title: Re: مشتاقة لأمدرمان.............
Author: ABUHUSSEIN
Date: 01-13-2009, 07:56 PM
Parent: #22

عثمان سلام


لم تنزل ليك أغنية زي دي المفروض و من الزوق و من اللباقة و من الكرم إنك تنزل معاها كود التنزيل

و إلا تكون زول غتيت ساكت

جمال الأغنية و الأداء و كمان تسجيل نضييف شديد



حنين ربنا إرد غربتك و إبل شوقك من أم درمان
Post: #42
Title: Re: مشتاقة لأمدرمان.............
Author: حنين للبلد
Date: 01-13-2009, 08:44 PM
Parent: #22

الللللللللللللللللللللله يارغيم


عوقتني شديييييييييد

انا يادوب سمعت الاغنية لانه كمبيوتري بتاع امس سماعاته ماشغالة..


انا اسه الدموع شووووووووووووووووووووووووووووووووووووووووووو


رحم الله ملك الاغنية هاشم ميرغني...
ورحمنا الله...
والله فعلت الأفاعيل يارغيم ....فعلت الاغنية الافاعيل بي..
Post: #25
Title: Re: مشتاقة لأمدرمان.............
Author: سفيان بشير نابرى
Date: 01-13-2009, 07:07 AM
Parent: #1


وحاة الله لــــــــــــــــــع

لــــــــــع لا قصرته معاها لا معاي
لا معاك لا معانا
يا رغيم

اظنو ده صوت عادل مسلم

ياخ ده فنان فنن جد
Post: #26
Title: Re: مشتاقة لأمدرمان.............
Author: Dalal Ezzaldin
Date: 01-13-2009, 08:09 AM
Parent: #1

على كدا نحنا في نعمه كبيره وما حاسين ..



ياحنون والله حننتيني لمن فكرت اجيب الكميرا واصور ليك الشوارع
وصفي بس انتي مشتاقه لياتو حته اصورها ليك
ربنا يبل شوقك ياحبيبه ..




اميره حمدلله على السلامه .. شكلك رجعتي
كل سنه وانتي طيبه ويحقق الاماني
Post: #27
Title: Re: مشتاقة لأمدرمان.............
Author: willeim andrea
Date: 01-13-2009, 09:42 AM
Parent: #1

حنين للبلد... ياسلام عليك .... قلتي حنين لامدرمان... ممكن اشاركك الحنين..... تعرفي مره كده اشتد بي الحنين ورحته فتحت بوست باسم احواش وميادين امدرمان ... الحنين كان مركب من الحنين الزمان والمكان ... شفتي جنس بهدلت الغربه... ربنا يرجعنا جميعا لاهلنا ومن نحب تامين سالمين... معزتي
Post: #28
Title: Re: مشتاقة لأمدرمان.............
Author: willeim andrea
Date: 01-13-2009, 10:26 AM
Parent: #1

احواش وميادين واحياء امـــــــــــدرمان زمان



كدي اخدوا ليكم لفه في البوست ده يمكن يبل الشوق وياريت اضافه!!
Post: #29
Title: Re: مشتاقة لأمدرمان.............
Author: خدر
Date: 01-13-2009, 11:13 AM
Parent: #28

شفتو القديس ده صوتو رويان كيف ؟





ربنا يرحمكـ يا هاشم ميرغني







_
حنين بطلي الجرسة
Post: #30
Title: Re: مشتاقة لأمدرمان.............
Author: كمال علي الزين
Date: 01-13-2009, 11:35 AM
Parent: #29

(*)

أمدرمان ...
هل مازالت شوارعها تعبق برائحة جبنة الضهرية ؟؟؟؟؟؟
ويحترم الصغير كبيرها و يغار فتاها على جارته ؟؟؟؟
هل مازال أهلها يتزوجون بعد حب ؟؟
ويموتون بعد أن يملأوون الدنيا ويشغلون الناس ؟؟
هل نساؤها مازلن يعلمن النساء كيف للمرأة أن تكون كما تريد أن تكون ,

لا كما أريد لها أن تكون ،؟؟؟؟
هل مازال مريخها أحمر وهلالها أزرق وشاعرها مجيد؟؟؟؟؟؟ .


يا(حنين)

نقطتك دي الليلة قاتلة
بالله نقطي بعيد عن سيرة (أمدرمان)دي
برانا عاوزين لينا سبب..
Post: #52
Title: Re: مشتاقة لأمدرمان.............
Author: حنين للبلد
Date: 01-13-2009, 09:09 PM
Parent: #30

Quote: يا(حنين)

نقطتك دي الليلة قاتلة
بالله نقطي بعيد عن سيرة (أمدرمان)دي
برانا عاوزين لينا سبب..


كمال الزين


جاياك بي مهلة...مش نقطة...السيل جرف وصل ابكدوك.
Post: #31
Title: Re: مشتاقة لأمدرمان.............
Author: امادو
Date: 01-13-2009, 11:52 AM
Parent: #29
Post: #32
Title: Re: مشتاقة لأمدرمان.............
Author: امادو
Date: 01-13-2009, 11:53 AM
Parent: #31
Post: #33
Title: Re: مشتاقة لأمدرمان.............
Author: امادو
Date: 01-13-2009, 11:54 AM
Parent: #32
Post: #34
Title: Re: مشتاقة لأمدرمان.............
Author: ابراهيم محمد الحسن
Date: 01-13-2009, 12:13 PM
Parent: #33

أمدرمان لذيذة خلاص ،،،،
دي إهداء خاص ،،
لناس أمدرمان ..
Post: #75
Title: Re: مشتاقة لأمدرمان.............
Author: حنين للبلد
Date: 01-13-2009, 10:54 PM
Parent: #34

Quote: أمدرمان لذيذة خلاص ،،،،
دي إهداء خاص ،،
لناس أمدرمان ..



شكرا ابراهيم



امدرمان دي حلوة خلاص...
Post: #54
Title: Re: مشتاقة لأمدرمان.............
Author: حنين للبلد
Date: 01-13-2009, 09:12 PM
Parent: #32

أمادو





بالغت في صورة البروفايل....مبالغة
ده اكيد دكان في امدرمان
Post: #43
Title: Re: مشتاقة لأمدرمان.............
Author: حنين للبلد
Date: 01-13-2009, 08:46 PM
Parent: #29

Quote: حنين بطلي الجرسة


وريني انت ياخدر


اسوي شنو.....والجرسة اريتها كان بتخفف علي...كان اتجرست من زمان..
لكن حمى الإدكار تعاودني من امس,,,اشتدت واشتد الحنين,,,

اشم هواك بس يا أمدر.....
Post: #35
Title: Re: مشتاقة لأمدرمان.............
Author: حنين للبلد
Date: 01-13-2009, 06:51 PM
Parent: #1

حباب اهلي



جاياكم كلكم...
Post: #36
Title: Re: مشتاقة لأمدرمان.............
Author: عمر الفاروق
Date: 01-13-2009, 07:20 PM
Parent: #1

اكتر ما يغيظ سكان الخرطوم حب اهالي امدرمان لامدرمان ..
والله انتو يا ناس امدرمان فاكنها في روحكم سااااي!!!! عبارة يرددها الكثيرون ..
عن نفسي ما قطعت الكبري ده الا للجامعة ولولا الظروف لدرست بجامعة القران الكريم او الاسلامية ولو كنت حنفولي لاخترت التقانة حينها..
امدرمان وما ادراك ما الاحياء الشعبية ..
الموردة وما ادراك ما العباسية ..
الخور وما ادراك ما الفيضان ..
شارع التلفزيون وما ادراك ما المسرح القومي..
السوق الشعبي وما ادراك ما استاد الهلال..
قصر الشباب وما ادراك ما الفنون ..
بانت وما ادراك ما شارع الفيل..
بيت المال وماادراك ما ودرو .
استوب مكي وما ادراك ما شارع البوستة ..
باسطة الطيب سيد مكي وما ادراك ما فاخر الكوتش..
ابروف وما ادراك ما القلعة ..
مدرسة التوفيقية وما ادراك ما الاقباط ..
حي المسالمة وما ادراك ما الغزلان ..
حي العرب وما ادراك ما سوق امدرمان ..
الأزقة نفسها ...خططها مسطول ..وتكمن الروعة في السطلة ..
بيوت الطين .الباب الخشبي ...شجرة اللالوب ..
اصوات تتعالى في الشوارع بين سلامات علوية لي محاسن ومرسال فاطنة لي شافع السرة وضحكات عم عبد الله ..
دار الرياضة وما ادراك ما تسالي عم علي...
الدايات وما ادراك ما مدرسة امدرمان الثانوية بنات ..(اها خلو ده كلللو واقيفو في دي سمح ؟)
امدرمان ...
امدرمان الانثى التي اعشق ..
Post: #37
Title: Re: مشتاقة لأمدرمان.............
Author: Kostawi
Date: 01-13-2009, 07:45 PM
Parent: #36

Quote: امدرمان الانثى التي اعشق

أنثى في عينك
متخلف زيك أدوه فيزا لأم درمان كيف ما عارف!!!

خليناها ليكم.


عمر الفاروق كيفك يا خردة?

مشتاقين والله عامل صلعتك دي.
Post: #76
Title: Re: مشتاقة لأمدرمان.............
Author: حنين للبلد
Date: 01-13-2009, 10:59 PM
Parent: #36

Quote: امدرمان الانثى التي اعشق ..


عمر الفاروق

الغريبة بالجد زمان كنت لمن اعبر امدرمان امشي لي الخرطوم بتخنق...اسه عرفت الخنقة الجد جد
طافت الروح وهومت في كل ركن في امدرمان ذكرته في مداخلتك.
بالله انت ود امدرمان....
Post: #39
Title: Re: مشتاقة لأمدرمان.............
Author: محمد عبد الماجد الصايم
Date: 01-13-2009, 08:28 PM
Parent: #1

Quote: حمودي ليهو عشرة سنين من السعوديّة القريبة دي ما رجع..




بطل سلبطة يا عمكـ
زيد ليهم 3 بس


حنين
خليكـ من أم درمان!
نحن ما مشتاقين ليكـ ياخ!
Post: #55
Title: Re: مشتاقة لأمدرمان.............
Author: حنين للبلد
Date: 01-13-2009, 09:14 PM
Parent: #39

Quote: حنين
خليكـ من أم درمان!
نحن ما مشتاقين ليكـ ياخ!


بالأكتر ياود الصايم
Post: #40
Title: Re: مشتاقة لأمدرمان.............
Author: سفيان بشير نابرى
Date: 01-13-2009, 08:34 PM
Parent: #1


ده كلام خدر
"شفتو القديس ده صوتو رويان كيف ؟





ربنا يرحمكـ يا هاشم ميرغني "

ياناس سريع نادوا لينا خدر ده

ياخدر ده القديس هاشم
والا عادل مسلم ياخ
جد اتلخبتو عليّ ؟
Post: #41
Title: Re: مشتاقة لأمدرمان.............
Author: ABUHUSSEIN
Date: 01-13-2009, 08:39 PM
Parent: #40

Quote: ياخدر ده القديس هاشم
والا عادل مسلم ياخ
جد اتلخبتو عليّ ؟


سفيان سلام

دا هاشم ميرغني الله إرحموا و إغفر ليه

أسأل المشوكشين و المكتولين ... ناس سنة دو بعرفوهو كويس


تحياتي
Post: #44
Title: Re: مشتاقة لأمدرمان.............
Author: Balla Musa
Date: 01-13-2009, 08:51 PM
Parent: #41

Quote: مشتاقة لأمدرمان



وبعدين?*








_________________________________________
*قلنانسبق ملاسى
Post: #48
Title: Re: مشتاقة لأمدرمان.............
Author: حنين للبلد
Date: 01-13-2009, 08:59 PM
Parent: #44

Quote: *قلنانسبق ملاسى


والله يابله اصلا ماناقصة......





لكن لو بقى ملاسي من امدرمان حبابه عشرة...هو زاته بي مساختو دي حنشتاق لي













ضحكتني وطلعتني من الانا فيه الله يباركك.
Post: #61
Title: Re: مشتاقة لأمدرمان.............
Author: Balla Musa
Date: 01-13-2009, 09:28 PM
Parent: #48

والله ياحنين

لقيت مداخلة منك بى هناك قررررربت أعمل فيها محمدE سليمان
لكن لقيت موضوع البوست مابستحمل.
Post: #63
Title: Re: مشتاقة لأمدرمان.............
Author: حنين للبلد
Date: 01-13-2009, 09:51 PM
Parent: #61

Quote: والله ياحنين

لقيت مداخلة منك بى هناك قررررربت أعمل فيها محمدE سليمان
لكن لقيت موضوع البوست مابستحمل.



بي وين يابلة....ساعدنا باللنكات الله يرضيك ويعافيك...
قلت لي E

محمد معانا ماتغشانا
Post: #53
Title: Re: مشتاقة لأمدرمان.............
Author: حنين للبلد
Date: 01-13-2009, 09:11 PM
Parent: #41

Quote: أسأل المشوكشين و المكتولين ... ناس سنة دو بعرفوهو كويس


ابوحسين ماكان تختصر رحمة للباندوث وتقول أسالونا انحنا اهل العلم...
Post: #62
Title: Re: مشتاقة لأمدرمان.............
Author: ABUHUSSEIN
Date: 01-13-2009, 09:46 PM
Parent: #53

حنين الفاقده حنان أم درمان

Quote: ابوحسين ماكان تختصر رحمة للباندوث وتقول أسالونا انحنا اهل العلم


كان ما متنا شقينا المقابر ..
هاشم ميرغني علم بارز صوت و أداء و كلمات و ألحان و الثنائية مع عزمي أحمد خليل
فنان لو غنى في الحفلة مافي داعي للكراسي و بعد الحفلة الواطة كلها مناديل
و غنى أسائل عنك آذارا رياحيناً و أزهارا
كل أغانيه جميلة و ألحانو جميلة
و غنى حان الزفاف

و الله الما مشوكشين إتمنو الشاكوش علشان إبكوا مع هاشم ميرغني

له الرحمه و المغفرة

تحياتي
Post: #45
Title: Re: مشتاقة لأمدرمان.............
Author: حنين للبلد
Date: 01-13-2009, 08:55 PM
Parent: #40

Quote: ده كلام خدر
"شفتو القديس ده صوتو رويان كيف ؟





ربنا يرحمكـ يا هاشم ميرغني "

ياناس سريع نادوا لينا خدر ده

ياخدر ده القديس هاشم
والا عادل مسلم ياخ
جد اتلخبتو عليّ ؟


سفيان

الله يغفر ليك...صوت هاشم ميرغني الله يرحمه بتلخبطوا في..
زعلتني على الزعل البي.....كلمني امدرمان كيف يانابري...امدرمان كيفنها,,,,
عليك الله رغيم ده مش بالغ فينا,,
Post: #46
Title: Re: مشتاقة لأمدرمان.............
Author: osman righeem
Date: 01-13-2009, 08:56 PM
Parent: #40

Quote: جد اتلخبتو عليّ ؟


الراحل المقيم هاشم ميرغني
الف رحمه ونور تغشاه في الملكوت
Post: #49
Title: Re: مشتاقة لأمدرمان.............
Author: حنين للبلد
Date: 01-13-2009, 09:00 PM
Parent: #46

والله يغفر ليك انت يارغيم من السويته فينا,,,,,
Post: #60
Title: Re: مشتاقة لأمدرمان.............
Author: osman righeem
Date: 01-13-2009, 09:27 PM
Parent: #49

قالو الجعره
بعد العبره
بتخفف

قلنا دا ياهو بالنقدر
نساعد فيهو


كان الحكاية هدأت
ممكن نشيل أم در

في أغنية حديثه
بتلف أم درمان موقف موقف
ومحطه محطه من الحره 414
الي مطار الصالحه
ومن كلماتها
( الثوره الثوره
اهي ييا
ورا ورا الصفقه يا)

لكن تبقي أم درمان التي
في الذاكره
وكلنا له أم درمانه

وعلي راي عمتي
الغنا السمح صابون صقر( بالفتح كلها)القلوب
Post: #47
Title: Re: مشتاقة لأمدرمان.............
Author: سفيان بشير نابرى
Date: 01-13-2009, 08:59 PM
Parent: #1

((سفيان سلام

دا هاشم ميرغني الله إرحموا و إغفر ليه))

ابو حسين سلامات وشكراً للمعلومة
وفعلاً الصوت بقي لي شبيه لاداء
عادل مسلم وعادل فنان جميل
بس القديس قديس .

((أسأل المشوكشين و المكتولين ... ناس سنة دو بعرفوهو كويس))


طيب سلم لي علي حسين ياخ
محبتي
Post: #50
Title: Re: مشتاقة لأمدرمان.............
Author: تماضر الخنساء حمزه
Date: 01-13-2009, 09:04 PM
Parent: #1

Quote: شعر 8 يعني قريب لي 6 شعور اضيف ليهم 7 سنة


والله طوّلتي ديل كده كم مشاط؟؟

حنين..والله البلد كلها واحشاني،
Post: #51
Title: Re: مشتاقة لأمدرمان.............
Author: حنين للبلد
Date: 01-13-2009, 09:07 PM
Parent: #50

Quote: والله طوّلتي ديل كده كم مشاط؟؟

حنين..والله البلد كلها واحشاني،


خلي ياتماضر خلي سااااكت الفيني يلخبط كيان خلي العين والهاء...

على حس المشاط....نفسي في مشطة"السودان قفل" لي وراء...مشطة في بانت..وقدلة في امدرمان...




حافي حالق....
Post: #57
Title: Re: مشتاقة لأمدرمان.............
Author: Ali Sirelkhatim
Date: 01-13-2009, 09:22 PM
Parent: #51

تعرفى يا حنين فى موضوع الهجرة اهلى الدناقلة قالو المشكلة كلها فى التلاتين سنة الاولى بس

لك ودى المقيم يا احنّ حنين:
Post: #70
Title: Re: مشتاقة لأمدرمان.............
Author: حنين للبلد
Date: 01-13-2009, 10:07 PM
Parent: #57

Quote: تعرفى يا حنين فى موضوع الهجرة اهلى الدناقلة قالو المشكلة كلها فى التلاتين سنة الاولى بس

لك ودى المقيم يا احنّ حنين:



ضحكتني والله يا السر,,,,,,الله يفرق همك يارب

تحياتي للأسرة.
Post: #56
Title: Re: مشتاقة لأمدرمان.............
Author: محمد البشرى الخضر
Date: 01-13-2009, 09:16 PM
Parent: #1

أمدرمان أمدرمان امدرمان
كرهتونا




واحد من سكان الخرطوم المغيوظين من فكة ناس امدرمان في روحهم
Post: #71
Title: Re: مشتاقة لأمدرمان.............
Author: حنين للبلد
Date: 01-13-2009, 10:09 PM
Parent: #56

Quote: أمدرمان أمدرمان امدرمان
كرهتونا




واحد من سكان الخرطوم المغيوظين من فكة ناس امدرمان في روحهم


ود البشرى...تتخيل اتخيلتك من امدرمان..
لكن مامشكلة بعد ده بتك حتسكن امدرمان
Post: #58
Title: Re: مشتاقة لأمدرمان.............
Author: Halema2
Date: 01-13-2009, 09:25 PM
Parent: #1

حنين وكلكم
ازيكم

تتخيلى يا حنين انا قاعده فى امستردام البارده وابومهند الغتيت دا حسى دى قاعد فى امدرمان الدافئه ديك , مشى وخلانى فى البرد دا وقال شنو ضرب لى حسه قال لى انقرى نحن حسه قاعدين ويين. قلت ليهو ويين قال فى المورده بياكلوا فى سمككككككككككككككككككككك. طوالى قفلت الخط.
اخخخخخخخخ انا من امدر وناس امدر

ربنا يرد غربتنا البلا فايده دى

تحياتى

حليمه العيانه
Post: #64
Title: Re: مشتاقة لأمدرمان.............
Author: حنين للبلد
Date: 01-13-2009, 09:55 PM
Parent: #58

Quote: حليمه العيانه


كر وسلامتك وكفارة ياحليمة من العيا,,,

والله ياحليمه انا البي ماعارفة شنو...بالجد لي تلاته يوم حاسة اني بحتضر من الشوق..
اخر زيارة لي ماقدرت اقعد كتير وضربتني ملاريا مسخت علي الاجازة كلها...وناس انعام وبورداب الخرطوم اظنهم هم الوصلوني للحالة دي...

تاني انتي بس ابومهند ده في طرفه...
Post: #65
Title: Re: مشتاقة لأمدرمان.............
Author: Balla Musa
Date: 01-13-2009, 09:57 PM
Parent: #64

هنا ياحنين:

Re: الرجاء المساعدة فى ايجاد وظيفة
Post: #69
Title: Re: مشتاقة لأمدرمان.............
Author: حنين للبلد
Date: 01-13-2009, 10:05 PM
Parent: #65

مالها مداخلتي يابلة عيبها لي

قاتل الله التواضع، على قول محمد اي سليمان انحنا في اللغة دي بروفات لكن تقول شنو
بالمناسبة انا في الاصل مابركز بدمج الدارجي مع الفصحى...لكن لو ركزت والله ياجزولكم





تصدق طرحه للبحث عن وظيفة وقفني واحترمته شديد,,,اخير من يقعد يلعن في الظروف.
Post: #72
Title: Re: مشتاقة لأمدرمان.............
Author: Balla Musa
Date: 01-13-2009, 10:13 PM
Parent: #69

حنين

عليك دبنك شوية شوق معاك لشندى

أنا باقى شوال الشوق عندى كمل وآخر حتحات ضرضرتو قبل سنة.
Post: #74
Title: Re: مشتاقة لأمدرمان.............
Author: حنين للبلد
Date: 01-13-2009, 10:47 PM
Parent: #72

Quote: حنين

عليك دبنك شوية شوق معاك لشندى

أنا باقى شوال الشوق عندى كمل وآخر حتحات ضرضرتو قبل سنة.


بلة

شوقنا لي شندي واهلها...
معهد التربية شندي

الخور، حلة تحت ....وحلة فوق

وحلة قريش....
ومهرجانات وكرنفالات
وفي كل خطوة بنلقى شهيد...وكتييييييييييييييييير

شندي قضيت فيها طفولة جميلة



لكن امدرمان.....مااااااااااااااافي زيها مافي...
Post: #59
Title: Re: مشتاقة لأمدرمان.............
Author: عبدالله كع
Date: 01-13-2009, 09:26 PM
Parent: #1

حنين.. بت الشيخ جابت ليك من الاخر..
Quote: شكلو كدا عمرنا كلو حنكون شايلين الاشواق دى ياحنين...


*****

سلام واشواق كتيرات .. والله العظيم
حنين ... و(السبعاويه) بت الشيخ
Post: #78
Title: Re: مشتاقة لأمدرمان.............
Author: حنين للبلد
Date: 01-13-2009, 11:04 PM
Parent: #59

Quote: (عدل بواسطة عبدالله كع on 13-01-2009, 08:47 م)
(عدل بواسطة عبدالله كع on 13-01-2009, 09:02 م)




كع....ركز معانا بالله
Post: #66
Title: Re: مشتاقة لأمدرمان.............
Author: محمد عثمان
Date: 01-13-2009, 10:00 PM
Parent: #1

خلاص تعالى نتبادل...

حنين..

سلااام

غايتو البلد دى فيها سر عجيب
تقعد فيها تزهج..تمرق منها يوم واحد
تشتاق لبها..

ان شاء الله تعودوا سالمين و تامين...

يديك العاافية...
Post: #77
Title: Re: مشتاقة لأمدرمان.............
Author: حنين للبلد
Date: 01-13-2009, 11:03 PM
Parent: #66

Quote: خلاص تعالى نتبادل...

حنين..

سلااام

غايتو البلد دى فيها سر عجيب
تقعد فيها تزهج..تمرق منها يوم واحد
تشتاق لبها..

ان شاء الله تعودوا سالمين و تامين...

يديك العاافية...



يامحمد

دايراها بي زهجتها وبي سخانتها وبي ترابها البعفر وبي كل شيء

دايرة اقالدها.....مشتاقة ليك أمدر...
Post: #67
Title: Re: مشتاقة لأمدرمان.............
Author: ABUHUSSEIN
Date: 01-13-2009, 10:02 PM
Parent: #1

Quote: ابوحسين ماكان تختصر رحمة للباندوث وتقول أسالونا انحنا اهل العلم...


حنين نسيت أسألك أنحنا دي راجعة ليكم إنتو حنين و لا راجعة لينا نحن أبو حسين ؟؟؟؟

مجرد ســؤال بس
Post: #68
Title: Re: مشتاقة لأمدرمان.............
Author: حنين للبلد
Date: 01-13-2009, 10:03 PM
Parent: #67

Quote: لا راجعة لينا نحن أبو حسين
Post: #73
Title: Re: مشتاقة لأمدرمان.............
Author: ناهد بشير الطيب
Date: 01-13-2009, 10:20 PM
Parent: #1

حنون الطالعة من نجمة الصباح.....
مشتاقين يعلم الله لصاحبة الظفر والجلد
امدرمان دى



وليك بالكتييييييير ياحبيبة
Post: #79
Title: Re: مشتاقة لأمدرمان.............
Author: Balla Musa
Date: 01-13-2009, 11:06 PM
Parent: #73

Quote: معهد التربية شندي


تعرفى ياحنين

كان عندنا أستاذ فى معهد التربية الإبتدائية من أمدرمان

متعجرف جنس عجرفة

أدى تلميذ كف ورسل التانى يجيب ليهو صابونةعشان يغسل يدو..

شفتى السوتا أمدرمان فينا?
Post: #81
Title: Re: مشتاقة لأمدرمان.............
Author: حنين للبلد
Date: 01-13-2009, 11:13 PM
Parent: #79

ووووووووووووووب

اوعا ده يكون........


Post: #84
Title: Re: مشتاقة لأمدرمان.............
Author: حنين للبلد
Date: 01-13-2009, 11:18 PM
Parent: #81

الأستاذ ده


زي البعرفوا يا بلة,,,,,,
Post: #83
Title: Re: مشتاقة لأمدرمان.............
Author: حنين للبلد
Date: 01-13-2009, 11:16 PM
Parent: #73

ناهد بشير الطيب
لمن أقرا اسمك في مداخلة لي بحس بالإرتياح والطمأنينة انت زولة حلوة شديد.
Post: #80
Title: Re: مشتاقة لأمدرمان.............
Author: yasir tamtam
Date: 01-13-2009, 11:09 PM
Parent: #1

سلامات بطعم الحنين والامل
لم تكذب أمدرمان على أبناءها
عندما قالت بلسان حالها000

أناأمدرمان
أنا الواحة ورى البسقى والعطشان
بروقى تضوى لواحة
وتهدى السارى والضهبان

لذاك تجدنانهيم عشقا اليها

لك الود
Post: #82
Title: Re: مشتاقة لأمدرمان.............
Author: حنين للبلد
Date: 01-13-2009, 11:16 PM
Parent: #1

ياسر

لامدرمان نكهة مميزة خاصة بيها "لو ماجا زول ناطي قال لي كيف يعني نكهة للمدن" امدرمان دي بالذات ياياسر احلف انه عندها نكهة وتميز.
تحياتي ليك، ولي امدرمان ، والاذاعة ، والتلفزيون.
ليكم كلكم بلا فرز.
يحليلكم.
Post: #85
Title: Re: مشتاقة لأمدرمان.............
Author: ناهد بشير الطيب
Date: 01-13-2009, 11:31 PM
Parent: #1

Quote: لمن أقرا اسمك في مداخلة لي بحس بالإرتياح والطمأنينة انت زولة حلوة شديد.


وانا كمان والله ياحنين ..بالاكتر و و و
(لا ما حااقول اكتر من كده بيسحرونا ناس اميمة وحمودى ديل)
Post: #86
Title: Re: مشتاقة لأمدرمان.............
Author: خالد العبيد
Date: 01-13-2009, 11:37 PM
Parent: #1

سلام يا حنين
ومشتاقين
اقول حاجة غريبة
انا من مواليد الخرطوم المقرن
ماعديت كبري امدرمان الا لمن دخلت الجامعة !!
يعني زول خرطوم وبس
وفي النهاية اتزوجت من امدرمان !
اهل امدرمان يحبون امدرمانهم حب ما بتوصف
بالله اسمعي خلاص فارقت امدرمان بصوت محمد ميرغني وعود
عشان الليلة تبكي ما تسكتي !
Post: #87
Title: Re: مشتاقة لأمدرمان.............
Author: حنين للبلد
Date: 01-13-2009, 11:46 PM
Parent: #86

Quote: سلام يا حنين
ومشتاقين
اقول حاجة غريبة
انا من مواليد الخرطوم المقرن
ماعديت كبري امدرمان الا لمن دخلت الجامعة !!
يعني زول خرطوم وبس
وفي النهاية اتزوجت من امدرمان !
اهل امدرمان يحبون امدرمانهم حب ما بتوصف
بالله اسمعي خلاص فارقت امدرمان بصوت محمد ميرغني وعود
عشان الليلة تبكي ما تسكتي !


ابو النسب

بالجد.....مالك عليا ما انت عارف نقطة الضعف الفيا
Post: #88
Title: Re: مشتاقة لأمدرمان.............
Author: حنين للبلد
Date: 01-14-2009, 00:35 AM
Parent: #1

ابداك من وين يا امدر

وكيف النهايات...

الثورات ..وكل حلة بتشبه اختها...تلقى في الميدان نفس الجامع جنبه المدرسة وحتى "الجزر" نفسه...حتى الناس بتتشابه...ناس امدرمان رغم انه اتسكنت من مختلف مناطق السودان لكن اي زول يجيها ياخد شبه منها...ياهم زات الملامح والصفات.
الثورات وانت طالع بشارع الوادي ولا النص بيتلاقوا جنب مقابر احمد شرفي...مامريت جنبها الا وشلت الفاتحة لكل الاحبة المدفونين فيها...كم احتوت رفات اهل واحباب...اشتقت اشيل الفاتحة على ارواحهم الطاهرة...ونجي جنب ودنباوي والشهداء ....واللللللللله اشتقت لي موقف المواصلات...
والشارع الضيق البوصل الشهداء بسوق امدرمان.
والسوق ....وكل شيء بي تمانية الف اي شيء بي تمانية الف ...ستات الفول والتسالي وصوت البياعين كل يدوزن بي نغمة جالبة...وسوق العناقريب..والسلخانة، وسوق الجلود...
غلبني
Post: #89
Title: Re: مشتاقة لأمدرمان.............
Author: حنين للبلد
Date: 01-14-2009, 00:59 AM
Parent: #1

مشتاقة ليك ابوي...

شكرا الفنان عصام عبدالحفيظ
Post: #90
Title: Re: مشتاقة لأمدرمان.............
Author: حنين للبلد
Date: 01-14-2009, 01:05 AM
Parent: #1

لامدرمان...عظمتها...





حليل أمدر
Post: #91
Title: Re: مشتاقة لأمدرمان.............
Author: حنين للبلد
Date: 01-14-2009, 01:07 AM
Parent: #1

اسه حمور زيادة ده يقولوا لي شنو؟؟؟؟؟؟؟؟؟؟؟؟؟؟؟
Post: #92
Title: Re: مشتاقة لأمدرمان.............
Author: علاء الدين حيموره
Date: 01-14-2009, 01:16 AM
Parent: #91

حنين اختي الحنينة ..

الله يرد الغربة الكضابة ...

رسالة منك لناس 8 سنوات اغتراب نتواصلة ( ما 8 شهور )....





الله يرجعنا بس
Post: #94
Title: Re: مشتاقة لأمدرمان.............
Author: حنين للبلد
Date: 01-14-2009, 01:18 AM
Parent: #92

Quote: حنين اختي الحنينة ..

الله يرد الغربة الكضابة ...

رسالة منك لناس 8 سنوات اغتراب نتواصلة ( ما 8 شهور )....





الله يرجعنا بس



علاء الدين حيمورة





الله يلم الشمل...امدرمان خرطوم المهم نشم هواء السودان


وبرضه لامدرمان معزة....

مشتاااااااااااااااااااااااااااااااااقة يا امدرمان...
Post: #93
Title: Re: مشتاقة لأمدرمان.............
Author: سارة علي
Date: 01-14-2009, 01:16 AM
Parent: #1

Quote: واحد من سكان الخرطوم المغيوظين من فكة ناس امدرمان في روحهم


نديك لجوء؟؟؟؟
Post: #95
Title: Re: مشتاقة لأمدرمان.............
Author: سارة علي
Date: 01-14-2009, 01:20 AM
Parent: #1

امدرمان ....
هلال..
مريخ..
موردة...





ود العم ختيت هلال اول عشان نوريك انحنا حنان كيف....
Post: #96
Title: Re: مشتاقة لأمدرمان.............
Author: حنين للبلد
Date: 01-14-2009, 01:25 AM
Parent: #1

الساعة في امدرمان....اتنين ونص صباحا

هواء امدرمان....هواء الشتاء

يلفحك بهدوء ....
يارب اكتب لي....قدلة في امدرمان.
Post: #97
Title: Re: مشتاقة لأمدرمان.............
Author: سارة علي
Date: 01-14-2009, 01:46 AM
Parent: #1

يا حنين لقيتك....
ما عارفة اقول ليك لقيتك شنو؟؟؟


امدرمان دي مش بتمشي ليها مرتين في السنة؟؟؟


انا وابو تفة اخوي دة نقول شنو؟؟؟
Post: #98
Title: Re: مشتاقة لأمدرمان.............
Author: حنين للبلد
Date: 01-14-2009, 02:07 AM
Parent: #1

Quote: امدرمان دي مش بتمشي ليها مرتين في السنة؟؟؟


المرة دي حتكون تلاته....
Post: #101
Title: Re: مشتاقة لأمدرمان.............
Author: سلمى الشيخ سلامة
Date: 01-14-2009, 02:56 AM
Parent: #98

حكاية من امدرمان
على ايامنا كان فى شارع الاربعين ثمة بوتيك اشتهر باسم صاحبه (صلاح ريفولى )لم اجد له اثرا قط ، ولا حتى لصاحبه اين ذهب وبوتيكه ؟ توارت ملامح كنت اعرفها فى المنطقة المجاورة لبيتنا فى العباسية شارع الاربعين ـ دكان عم جعفر ـ لم يعد له ذلك البريق ، صار مبنى بعدة طوابق لكنه لم يعد ذلك المكان الحميم الذى تشكلت على يديه ذاكرتنا الطفولية ، اختفت معالم دكان بت مسيمس ، ذلكم الدكان الذى كانت تباع فيه الموبيليا ، وباتت العشرات من المحال التجارية تتعب بصرك فى الشارع فى غير ما تناسق او جمال فى شكل العرض ، تجد الاشياء مترادفة فى العراء تصليها نار الشمس ،لا جامع بينها سواء فى اللون او الخامة ، حتى فن العرض لا يشكل وجودا ،ما لسبب سوى ان المعارض لم يكن من شانها الجمال، فقط المادة المعروضة ، فيما الكساد يشل اطرافهاباسماء اقرب للقبح منها للجمال ، طابعها القبلية والجهوية محال تجارية حملت اسم (الشايقى ، او الجعلى ، او ود الفاشر ، او مطعم نيالا ، او كسلاوى ، او ودالمحس) تنتابك رعشة وانت تحدق فى تلك الاسماء وتستحضر بت مسيمس ،او غيرها من الاسماء التى ما ارتبطت سوى بشان عام او مكان عام ، بل انك تجد فى الناحية الاخرى للتسميات ما وفد من خارج الحدود ( الارسنال ) او تجد اسما ارتبط بحدث ما (نيفاشا ،ابو جا ، او روتانا )
اطرف مشهد لمسمى كان لعربة كارو تحمل بصلا مكتوب عليها "ابو رحيق " فلم ادر هل هو البصل ام صاحب الكارو ؟

حنين
دى كتابة لمن كنت فى السودان كتبتها
مش الفنان قال
كنت معاهو هسع ومشتاق ليهو لسه؟
دى بت الشيخ مع امدرمان
بعدين ياحنون ياخ المسنجر برجع لى رسالاتى البوديها
الحاصل ؟
ادينا سلك منتظراك
Post: #107
Title: Re: مشتاقة لأمدرمان.............
Author: حنين للبلد
Date: 01-14-2009, 03:28 AM
Parent: #101

Quote: ادينا سلك منتظراك


والله محتاجة لي السلك ده اكتر منك..بتصل عليك الليلة انشاء الله الرقم العندي يكون صاح..

الموردة وبانت...برجع ليك تاني ليهم يابت الشيخ...يا اصيلة وعميقة...تعرفي انتي زاتك امدرمان براها...
Post: #115
Title: Re: مشتاقة لأمدرمان.............
Author: امادو
Date: 01-14-2009, 09:11 AM
Parent: #107

حنين الله يرد غربتك
انا الان اتمتع بشتاء دافئ في امدرمان , اتسكع في مراتع طفولة مملوؤة بصوت الاقدام وهي تلامس ازقتها الترابية .في حواري ابوروف الضيقة كنا ونحن صغار نعرف الداخلين الى الزقاق ونتبارى في نقرهم من صوت خطواتهم في نهارات امدرمان الساخنة ابان فصل الصيف.
زقاقات الموردة وحلويات المغربي , سوق الموردة , وعمك عطا في ابوروف واجار عجلة منه كان حلم يومنا , ولكن حذاري من التاخر .
بس ياحنين امدرمان اسة هي امدرمان ؟
لانني في اجازة وفاضي بديت املا وقتي احصائيات
من كل عشرة عابرين يلقي عليك ثلاثة فقط التحية.
من كل راكبين هايس الا 14 يلقي 2 السلام وهم يهمون بالصعود
زمان كنا العابر وما بسلم ننظر اليه شذرا فهو اما غريب او ينوي شرا في الحلة والسلام كان كلمة سر المرور
حنين خايف شديد شديد ان نرجع اليها يوما فنعرفها ولا تعرفنا
مدرسة المؤتمر , زنكي الخضار ,................... بدات تزول من زاكرتنا
Post: #116
Title: Re: مشتاقة لأمدرمان.............
Author: حنين للبلد
Date: 01-14-2009, 05:28 PM
Parent: #115

Quote: حنين خايف شديد شديد ان نرجع اليها يوما فنعرفها ولا تعرفنا


امادو

تظل هي امدرمان

لكن كلامك ده حاساه جوووووة لاني فعلا كل مرة ارجع للسودان احس انه الناس اتغيرت، ماعارفة هل العيب فينا ولا فيهم ولا في الزمن، تعرف عشان احافظ على الصورة الجواي قررت انه العيب فينا انحنا البرة ديل، لانه الزمن بمر واحنا دايرين لمن نرجع لي بلدنا نلقى اي شيء زي ماهو وزي ما اختزنته الذاكرة مافي اي شيء اتغير ...لاننا بنحبه كده ودايرينه كدة لاصق في الذاكرة وماثل في الواقع...لكن الحقيقة غير

الحقيقة انه العمر جاري والزمن بيغير بسنواته ودي سنة الحياة التغيير، واكدي كتير جدا من الظروف البمر بيها السودان افرازاته حتنعكس على الناس.



امادو..كلمني عن هواء امدرمان...الهواء لسه مشبع حنين؟؟؟
Post: #99
Title: Re: مشتاقة لأمدرمان.............
Author: سارة علي
Date: 01-14-2009, 02:48 AM
Parent: #1

حليل امدر وحليل ناسا....
Post: #102
Title: Re: مشتاقة لأمدرمان.............
Author: حنين للبلد
Date: 01-14-2009, 02:57 AM
Parent: #99

حليل امدر
Post: #100
Title: Re: مشتاقة لأمدرمان.............
Author: سارة علي
Date: 01-14-2009, 02:55 AM
Parent: #1

وحليل ناسا...
Post: #103
Title: Re: مشتاقة لأمدرمان.............
Author: عبدالله وداعه الامين
Date: 01-14-2009, 03:01 AM
Parent: #100

حنين يا بلد
مالك يا بتي متجرسة؟
ربنا يرد غربتك ويرجعك اهلك سالمة وغانمة

واشوف نعيم دنيتي وسعوده
امتى ارجع لي ام در واعوده

ودي وتحياتي
Post: #105
Title: Re: مشتاقة لأمدرمان.............
Author: حنين للبلد
Date: 01-14-2009, 03:25 AM
Parent: #103

Quote: حنين يا بلد
مالك يا بتي متجرسة؟
ربنا يرد غربتك ويرجعك اهلك سالمة وغانمة


عبدالله
والله الشوق غلب...
Post: #104
Title: Re: مشتاقة لأمدرمان.............
Author: سارة علي
Date: 01-14-2009, 03:14 AM
Parent: #1







عارفة يا حنين...

نفسي اجر الخرطوش التحت الشجر دة...

وبنبر الحديد البي الهناك داك....


وهاك يا رش...

يبقو علي اتنين..
ريحة البحر ..
وريحة الشجر...
اصلو البحر تكلة مني...

يا حليلك يا بيتنا...
ويا امدرمان...
Post: #106
Title: Re: مشتاقة لأمدرمان.............
Author: حنين للبلد
Date: 01-14-2009, 03:26 AM
Parent: #104

صورتك دي قديمة خلاص ياسارة


اسه الخضرة غطت اي منظر...خضرة على امتداد بصرك ..
Post: #108
Title: Re: مشتاقة لأمدرمان.............
Author: حنين للبلد
Date: 01-14-2009, 03:35 AM
Parent: #1

عليكم الله لمن رغيم يجي بي هنا....حلفووووه ينزل لينا الأغنية تاني في الصفحة دي....خلونا نتم جرستنا...
Post: #114
Title: Re: مشتاقة لأمدرمان.............
Author: osman righeem
Date: 01-14-2009, 06:27 AM
Parent: #108




Quote: عليكم الله لمن رغيم يجي بي هنا....حلفووووه ينزل لينا الأغنية تاني في الصفحة دي....خلونا نتم جرستنا...



محل مناسبات اكون؟
Post: #117
Title: Re: مشتاقة لأمدرمان.............
Author: حنين للبلد
Date: 01-14-2009, 07:34 PM
Parent: #114

محل عشم يارغيم

شكرا ليك.
Post: #119
Title: Re: مشتاقة لأمدرمان.............
Author: osman righeem
Date: 01-14-2009, 07:59 PM
Parent: #117

Quote: مجل


عادي مجل مجل


الصفحة التالته
حأجيبها ليك بصوت ابوداؤود
وبالعدم صوتي
Post: #109
Title: Re: مشتاقة لأمدرمان.............
Author: حنين للبلد
Date: 01-14-2009, 03:41 AM
Parent: #1

وفي امدرمان اهلنا وحبايبنا
Post: #110
Title: Re: مشتاقة لأمدرمان.............
Author: سارة علي
Date: 01-14-2009, 04:05 AM
Parent: #1

امي..

الله يسلمك...

هيجتي علي الاشواق يا حنين...
Post: #111
Title: Re: مشتاقة لأمدرمان.............
Author: Balla Musa
Date: 01-14-2009, 05:00 AM
Parent: #110

Quote: الأستاذ ده


زي البعرفوا يا بلة,,,,,,


تصدقى ياحنين

ربنا كان لو وفقنى وبقيت مدرس إبتدائى..

كنت طلبت ينقلونى أمدرمان..

وبالذات حوش ناس عبد الفضيل* وهاك ياكفيت وكل خميس أركب البراق ول الإكسبريس واقضى الويك اند فى شندى.

____________________________
* جزء من إسم الأستاذ.
Post: #112
Title: Re: مشتاقة لأمدرمان.............
Author: حنين للبلد
Date: 01-14-2009, 05:02 AM
Parent: #111

لا يابلة طلع ماياهو

لكن الشوق لي امدرمان...ياهو....
Post: #113
Title: Re: مشتاقة لأمدرمان.............
Author: Balla Musa
Date: 01-14-2009, 05:09 AM
Parent: #112

واحد من عربنا ياحنين قال:

فارقت المسالمة أيام هناى ومروحى
وانا فارقت زولن عندو عقلى وروحى
معاكى سلامة يا امدرمان عليك وانوحى


جا صاحبو قال ليهو إنت عامل زى ناس بورتسودان..

قال ليهو الشاعر قال فى ناس بورتسودان:

بورسودان بلد لكن عربها رذال
يشكروا فى جبيت ماشافو بيت المال

كلك كدا آلمسنوحه حاترجعى للمنبر رونقو وبريقو.
Post: #118
Title: Re: مشتاقة لأمدرمان.............
Author: khaleel
Date: 01-14-2009, 07:49 PM
Parent: #113

يا حنون


الرجعة اتخيل لي بقت اجبارية

بعد الفلسة العالمية دي
Post: #120
Title: Re: مشتاقة لأمدرمان.............
Author: حنين للبلد
Date: 01-14-2009, 08:07 PM
Parent: #118

Quote: يا حنون


الرجعة اتخيل لي بقت اجبارية

بعد الفلسة العالمية دي





لا الحمد لله ياخليل






ضحكتني.
قلت لي...بنيتوا الاولاد
Post: #121
Title: Re: مشتاقة لأمدرمان.............
Author: Kostawi
Date: 01-14-2009, 08:30 PM
Parent: #120
Post: #122
Title: Re: مشتاقة لأمدرمان.............
Author: حنين للبلد
Date: 01-14-2009, 08:34 PM
Parent: #1

كوستاوي


قلت لي جاهز....
زدت النار حطب...
Post: #123
Title: Re: مشتاقة لأمدرمان.............
Author: osman righeem
Date: 01-18-2009, 07:27 PM
Parent: #122

أم درمان

علي

كل لسان
Post: #124
Title: Re: مشتاقة لأمدرمان.............
Author: سارة علي
Date: 01-18-2009, 07:32 PM
Parent: #1

اوثمان...

رسلت ليك مسج في الخاص ...
بجرب بس...
Post: #125
Title: Re: مشتاقة لأمدرمان.............
Author: osman righeem
Date: 01-18-2009, 08:01 PM
Parent: #1

Quote: رسلت ليك مسج في الخاص ...



ذهبت مع الريح




يعميني عمي الرقدو
Post: #126
Title: Re: مشتاقة لأمدرمان.............
Author: WadAker
Date: 01-18-2009, 08:48 PM
Parent: #1

كل الشوق لامدر .... وشوق خاص للفتيحاب/ ابوسعد ...
Post: #132
Title: Re: مشتاقة لأمدرمان.............
Author: حنين للبلد
Date: 01-22-2009, 03:57 PM
Parent: #126

Quote: كل الشوق لامدر .... وشوق خاص للفتيحاب/ ابوسعد ...



ابوعكر...شكرا للمرور، الغريبة الفتيحاب دي رغم اني مشيتها كتير لكن لسه خارطتها ماواقعة لي تختلف قليلا عن بقية امدرمان
Post: #127
Title: Re: مشتاقة لأمدرمان.............
Author: Ahmed Alim
Date: 01-19-2009, 06:46 PM
Parent: #1

سـلام وتـحية لـحنين الـحنينة ولامـدرمان بـلد الامـان.
Post: #130
Title: Re: مشتاقة لأمدرمان.............
Author: حنين للبلد
Date: 01-22-2009, 03:51 PM
Parent: #127

Quote: سـلام وتـحية لـحنين الـحنينة ولامـدرمان بـلد الامـان



احمد عالم بركة الشفناك طيب
Post: #128
Title: Re: مشتاقة لأمدرمان.............
Author: ismeil abbas
Date: 01-19-2009, 07:47 PM
Parent: #1

حنين البلد

لك التحية

لآم درمان عبق خاص .حب خاص.شوق خاص..



مازي.......


مافي زول بلحقني انا....

أنا فايتك كنت فيها قبل إسبوعين ومازال يعاودنى الحنين لآم در وازوره...

كل شىء ليهو دوا إلا الشوق لآم درمان..............مودتى.إسماعيل محمد احمد عباس..
Post: #131
Title: Re: مشتاقة لأمدرمان.............
Author: حنين للبلد
Date: 01-22-2009, 03:52 PM
Parent: #128

Quote: أنا فايتك كنت فيها قبل إسبوعين ومازال يعاودنى الحنين لآم در وازوره...



مابلومك يا اسماعيل...مابلومك
Post: #129
Title: Re: مشتاقة لأمدرمان.............
Author: حنين للبلد
Date: 01-22-2009, 03:47 PM
Parent: #1

شوقي لي امدرمان غلب