Post: #1
Title: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت تحت
Author: hanadi yousif
Date: 01-12-2009, 07:50 PM
Parent: #0
علي عثمان رئيساوقوش نائب الرئيس "معادلة أمريكية "
وعمر البشير ما بين جدة وقطر والقاهرة للاقامة الجبريةالدائمة
كلام جابتو العصفورة
|
Post: #2
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: عبدالكريم الامين احمد
Date: 01-12-2009, 07:52 PM
Parent: #1
هلا ياهنادي
والعصفورة دي بالله قولي ليها
قطر لا
قطر لا
|
Post: #3
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: hanadi yousif
Date: 01-12-2009, 08:00 PM
عبدالكريم الامين
تحياتي وسلامات من مدني لحدي عندكم في قطر
الله يكضب الشينة العصفورة قالت قطر ضمن الخيارات
للاسف العصفورة ما عندها قدرة القدرة عند امريكا
|
Post: #4
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: ابراهيم بقال سراج
Date: 01-12-2009, 08:07 PM
Parent: #3
يا هنادي بت الفضل
وينك انتي ؟؟
بس جينا نسلم عليك
|
Post: #5
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: Adil Ali
Date: 01-12-2009, 08:18 PM
Parent: #4
| Quote: وعمر البشير ما بين جدة وقطر والقاهرة للاقامة الجبريةالدائمة |
بت الفضل كيف حالك...
جدة وقطر والقاهرة ديل ما للإقامة الجبرية، وإنما محطات "ترانزيت" إلى لاهاي....لم يعد هناك ملاذاً آمناً لأي مجرم حرب...شارلس تيلر، الذي اُدين بالتورط في جرائم حرب (شأنه شأن رفيقه عمر البشير) وحكم عليه قبل يومين بـ97 سنة سجناً سبق أن تلقى (ضمانات) وأقام في بلد آخر غير بلده، ليبيريا، لكنه سُلّم في نهاية الأمر للمحكمة وانتهي إلى حيث يجب ان ينتهي.
علي عثمان وقوش سينتهيان إلى نفس المصير، ولو بعد حين.
تحياتي،
|
Post: #6
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: ود محجوب
Date: 01-12-2009, 08:22 PM
Parent: #5
| Quote: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت تحت |
بت الفضل كيف حالك.
اولا ابارك لأخوى ابو الحسين هذه التشكيلة الموفقة
ـــــــــــــــــــــــ
بس يا هنادى قولى للجماعة ديل ما ينسوا ولدنا ود عوض الجاز
|
Post: #7
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: NASERELDIN SALAH
Date: 01-12-2009, 11:50 PM
Parent: #6
سلام هنادي
النكته بتقول
في واحد بيسطل جوه الغرفه و فاتح الشبابيك جات
طيره دخلت من الباب و طلعت من الشباك بسرعه
المسطول عاين كده و قال للطيره
يعني حسي استفدتي شنو ؟؟؟؟؟ظ
قولي لي عصفورتك دي
يعني حنستفيد شنو
|
Post: #8
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: Abureesh
Date: 01-13-2009, 01:42 AM
Parent: #7
سلام يا هنادى،
فى حركـة كبيرة و سريعـة تتم تحت الأرض فى هـذه اللحظـة.
الكلام دا جابو الهدهد.
|
Post: #9
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: Mannan
Date: 01-13-2009, 02:43 AM
Parent: #1
وقال الجن ربرابو تربرابو
ومعناه بلفظ الجن هدا "الطير" كضاب
عمر البشير ... وتابعه قفة.....
نورالدين منان
|
Post: #10
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: BousH
Date: 01-13-2009, 07:37 AM
Parent: #9
سلام ... على صاحبة البوست والمتداخلين
يبدو انوالسيناريو ده مطروح لكن لا يعني كثيرين لا من بعيد او قريب، المطلوب تغيير العقليات وان تصبح السودان دولة مؤسسات وليست تغيير الوجوه ومن ثم نبدأ لعبة كراسي جديدة مع استمرار القتل والتهجير والتعذيب وما الى ذلك.
المتشيخ على عثمان محمد طه هو الرئيسي الفعلي سابقا وحاليا والبشير مجرد ارجوز (الراقص) وواجهة فقط. ومن يتوقع ان المحاسبة سوف يطال البشير فقط فهو واهم ... القائمة طويلة ...
تحياتي
|
Post: #11
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: sami Alzubair
Date: 01-13-2009, 08:11 AM
Parent: #1
بالمناسبة يا هنادي موضوع قرار المحكمة الجنائيةالدولية ده-إذا صدر- ما حيحصل اي تغيير في تركيبة الحكم ما تسمعي الكلام ده البتقال والبتكتب ده ساي..الناس البتتكلمي عنهم ديل ومنو يخلف منو، ديل ناس برنامجهم منسجم مع بعض ومصيرهم واحد ونوع الاشاعات دي ياها البحاولوا معارضيهم انو يبثوها بين المواطنين لغاية ما تصل واحد من الاطراف ويقوم يصدقها فعلا ويتصرف علي اساسها.ويبيع اخوانو عشان تحقيق مصالح بعرفها هو براهو.
عشان كدا اجتماعات العيلفون الاسبوعية الاتعملت دي عشان تبقي زي كشف حساب وجرد اسبوعي وتكليف بي مهام للاسبوع الجاي ولمزيد من التنسيق. يعني حاجة كدي زي مجلس تنسيق او لجنة ازمة او ما شابه ذلك من الحاجات البتتعمل لمعالجة الازمات وفي حالة الحوجة لتنسيق عالي المستوي والكفاء والسرعة في نفس الوقت.
لاحظي لتحركات علي عثمان في الخدمة المدنية ومصطفي عثمان خارج السودان ومندور المهدي بين الاحزاب وكمان جولات نافع والبشير في الولايات والمحليات وما تنسي اعادة الهيكلة الشغال فيها عوض الجاز اليومين ديل. حتلاحظي انو في انتشا روحراك ما عادي.
كل الناس بتتكلم عن الجنائية واصداء صدور القرار والترتيبات الانتقالية وما عارفين انو الترتيبات الانتقالية شغالة اليومين ديل.
أنسي موضوع انو حيكون في اي تغيير تاني يوم من صدور اي قرار من المحكمة، احتمال شوية شغل سياسي وجماهيري لكن في النهاية غير مؤثر في تركيبة الدولة والجهاز التنفيذي.والحكومة حتنتظر تحويل القرار لي مجلس الامن للمصادقة عليه قبل اي تحركات احتمال تتحسب عليها بعدين.
ونرجع تااااااااني لي مجلس الامن انعقد واجل ولمزيد من التشاور وصفقة بي جاي وصفقة بي هنا والمبادرة القطرية ومش عارف اية وفي النهاية صفقة حتحصل ويتم الاتفاق عليها والامريكان يحصلو علي بعض المكاسب الدايرنها فعلا وياخدو وعود بالباقي مستقبلا وينفض السامر والكلام ده كلو في النهاية يطلع بندق في بحر.
بلا جنائية بلا بطاطس بالجبنة
الدنيا مصالح والآخرة اعمال يا زولة
لي قدام
|
Post: #12
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: nazar hussien
Date: 01-13-2009, 08:54 AM
Parent: #11
Quote: بلا جنائية بلا بطاطس بالجبنة
الدنيا مصالح والآخرة اعمال يا زولة
|
ما قلت الا الحاصل يا ود الزبير..
|
Post: #13
Title: Re: علي عثمان رئيسا وقوش نائب للرئيس للحكومة القادمة "معادلة أمريكية "الكلام دأ تحت ت
Author: أبو الحسين
Date: 01-13-2009, 09:16 AM
Parent: #1
كتب د. عمر ود محجوب:
| Quote: اولا ابارك لأخوى ابو الحسين هذه التشكيلة الموفقة |
قريبي د. عمر إنت أبو الحُسين المقصود فوق دا أنا؟؟؟
إن بقى المقصود أنا... تكون بت الفضل في كلامها التحت تحت... لازم ضلع المثلث "عوض الجاز" يسد الضلع التالت...
دعواتي ربنا يجيب العواقب سليمةويجنب السودان الفتن ما ظهر منها وما بطن...
لك وللمرور الكريم قواسيب مودتي...
أبو الحُسين...
|
|