مايقوما....مايقوما (السر عثمان الطيب)

مايقوما ..مايقوما ..
(حكاية شافعي لا أم ...لا أبو)..!
شعر: السر عثمان الطيب


في العاصمة الخرطوم
في لحظة من ذات يوم
والجو هبوب وسموم
كابات غيومو سِموم
إنسان وإنسانة
ما هُن عريس وعروس
شيطان وشيطانه
كان تالِتُن إبليس
عمداً وبي إصرار
لا خوف ولا رهبة
من جُرم أو عاقبة
إشتعلت الرغبة
إنعدمت النخوة
إتبهلت الشهوة
واندلعت النزوة
وإتمادوا في الهفوة
إتمادوا فاتوا الميس وحدّ اللعب بالنار
عيييييك
غابوا في النشوة
وانزرعت البذرة
والبذرة مشؤومة
مايقوما.. مايقوما
وسواري آخر الليل.. اللافي راكبي الخيل
حايمي ومشيها تقيل
اتسمرت وقفت.. حرنت، صهيلا صهيل
لما القلوب وجفت، شقت سكون الليل
صرخة وأنين وأنين
في خور تحت كبري، إتناوشن كلبين
إتهاوشن جم كوم
نهشن طرف طرحة
ما بين صراخ وعويل.. الكوم نزفلو دموم
والعسكري الضكران
فت.. نطّ .. جبد الكوم
واتفرزعن كلبين
كاكيهو شرب الدم
وعينيهو دمعت دم
شال نفسو واتحزم
الطرحة لمّاها
الطفلة ضمّاها
وفي دفتر الأحوال سماها مايقوما..!
من عطفو أداها، مايقوما وداها
لي حي عتيق وعفيف
ومايقوما ضيفة الحي
لكن هي ما كانت، زي أي كائن حي
مقطوعة من شجرة، ثمرا المحرم نيّ
بي طيبة الطيبين، الدار بقت دارا
وارثين مكارم طي، ما مات لهب نارا
الفُقرا، ما فقرا
شان خاطر الأطفال
بيناتن النبقة... واللقمة مقسمومة
***
يا مؤتمر وطني، لو إنت صح وطني
يا مؤتمر شعبي، لو إنت صح شعبي
يا إتحاديين، لو إتحاديين
يا حركة شعبية
بعثِ وشيوعية
يا أمة، يا أمة، كان إنتو صِح صادقين
يا ناس يا حاكومة، يا معارضين، يا هووووي
يا مشتتين جبهات
ومفرقين حركات
ومقسمين جيهات
يا اخوانا بالذمة
اتجيهوا، اتلموا
ما أروع اللمة
ما أجمل الأمة
لمّان تكون، لما
على قلب زول واحد
متماسكي ملمومة
تسمع صراخ طفلة
مسكيني، محرومة
ما نطقت اليابا
ما شافت اليُما
في دفتر الأحوال
سموها مايقوما..
!

الاهداء
لرانيا قاسم
لنعيم
لسمرية
وللذين معهم

في سعيهم من أجل حياة أفضل لأطفال المايقوما

القرضابي
شكرا لحسن ظنك ودعوتك لي بالاسم
مع مجموعه من النجوم السوامق
لولا سودانيز لما حلمت بالارتباط بهم
(بحرف العطف)
الا انك جعلتني في مسؤليه اخلاقيه
وذلك لراءئ المسبق في القصيده
استاذنك في ايراده
بعد ان الجمتني بدعوتك
جزيل تقديري
وشكري

الحبيب نعيم
جهودك مقدرة
وفي ميزان حسناتك باذن الله
وفي انتظار رأيك

القرضابي
الذي يلبس ثيابي

لك المحبة والموده و التقدير


العزيز الصديق القامة
شاعرنا المجدد الحمل لألامنا
ومستودع عواطفناالسر عثمان الطيب

قرأت له هذه القصيدة قبل قتره
ولكنها بكل صدق لم تعجبني
رغم مقصده الانساني والخير
الا إن عملية تثبيت فكرة
البزره الشياطنية تضع اغلال
لا لزوم لها علي القكره

up

Quote: من أجل حياة أفضل لأطفال المايقوما

القرضابى سلاااام

___________

Quote: القرضابي الذي يلبس ثيابي

رجع لى حاجاتووووو

التحية للرغيم
الزعيم


_____

وللزعيم برضو

Quote: رجع لى حاجاتووووو

أبيييييت

الزول ده شايقاني فيهو ابتسامة
وطيبة عيون ووسامة
(على رأي زيدان)


وما حا اتنازل عن الصورة دي الا لما تنزلي صورتك(الخايفة عليها)
حينها يسمح لي عثمان رغيم عشان حاأخت صورتكعلى باب الزمان أكليل...وردة صبية تلمع فوق صدير النيل)
وده على رأي وردي

ALGARADABI

اوعة تنط

خليك قدر كلامك

Quote: وما حا اتنازل عن الصورة دي الا لما تنزلي صورتك(الخايفة عليها)

هاك الصوره

دى على اسم نجمة




وردى بقول الناس القيافة القيافة


__________________

قايلاك مستنى الكونكشن بتاع اسيا ربيع ربى يوصلها بالسلامة

عثمان رغيم يا أنا
لا أجد في القصيدة شيئا مما تراه
وبعدين الزول ده (السر عثمان)ما بجيب الشين
ويكفية ويكفينا يا يمة رسلي لي عفوك ينجيني من جور الزمان

Quote: وانزرعت البذرة والبذرة مشؤومة مايقوما.. مايقوما

قد يكون الشيطان واحد وليس بما صور الشاعر
قد تكون البذرة ثمرة إغتصاب
ليته ما قال مشؤمة
فالشؤم في الفعل وليس النتيجة
ولو ذهب أخانا الشاعر إلى هناك
لما أوردها بمثل ما جائت
فهم ملائكة كما يسميهم نعيم وأجمل


بل كان سيقول:
إنزرعت البذرة
والبذرة مظلومة
مايقوما .. مايقوما
أوأي شي غير وصفها بالشؤم
عاتب وليس بلائم بإفتراض حسن نية أخانا كاتب الكلمات
ونعتبره عدم توفيق في الإختيار

شكراً قرضابي على الكلمات
وفعلاً من ذكرت هم أجمل من قابلت

الاخ طارق
سلام و احترام

Quote: بل كان سيقول: إنزرعت البذرة والبذرة مظلومة مايقوما .. مايقوما

وجهة نظرك مقبولة
وفعلا كانت حاتكون أجمل
على العموم أتمني أن يقرأ أستاذنا السر عثمان الطيب رأيك

ومعليش كنت تستاهل الاهداء مع الرائعين أعلاه
فجهودك أيضا مقدرة في المجال
لك العتبي حتي ترضي
ولك الحب

.
.
المشير الراقص ذهب بنفسه لطلب الغفران من اطفال دار مايقو... توجد صورة جميلة جدا
.
.

تسلم يا القردابي
قصيده مؤثره


--------
لكن جهجهتونا بالصور و عملتو لينا حول في عيونا

رحاب خليفة
قصتك شنو مع العيون
جيتي في 2006 بصورة بروفايل بعينين
وهسة بقت عين واحدة
لو اتحولت(أصيبت بالحول) حا نغني ليك أنا ورغيم:
العيون التي في طرفها حول

تسلمي يا دكتورة

العزيز القرضابي
لست (ناقد)
كما اني احمل (احترام شخصي) للاستاذ السر
من واقع معرفه واحتكاك
الا اني اصاب بحساسيه في التعامل مع المايقومه
البعض يقيم بها علاقه ربويه مع الرب
مقابل علبة حليب يحلم بسبعه من الحور ونهر (حليب)
والبعض ينظر اليها (كمكب خطيئه)
وهو عندهم يقع بالقرب من (مكب النفايات)
قد لايصح توجيه اللوم لمنتوج شخص واح
فهو تحكمه (الزاكره الجمعيه)
وسلوك (القطيع)
لكن يتحتم علينا ان نكون حساسينا
في محاوله لاعادة تشكيل الزاكره الجماعيه
وسابدا (ما حالفني التوفيق) في توضيح وجهة نظري (الشخصيه) في هذا الامر
وهي لا تنقص من قدر الاستاذ الكبير
وانما رغبة في تفتيت مفاهيم

Quote: إنسان وإنسانة ما هُن عريس وعروس شيطان وشيطانه كان تالِتُن إبليس

اطفال (المايقومه) وبما ان القصيده باسمهم
ليسوا جميعهم نتاج خطيئه
(ان احتاج الامر لمذيد من التوضيح تجدني حاضرا)

Quote: غابوا في النشوة وانزرعت البذرة والبذرة مشؤومة مايقوما.. مايقوما

رد (أبوي) طارق وضح الفكره

Quote: لي حي عتيق وعفيف ومايقوما ضيفة الحي

لم تسمح (الزاكره الجمعيه) بجعل المايقومه
من (سكان) حي العفه
فقط (من ضيوفها)
(مكب الخطيئه)
ومكب النفايات
يمكن ان يتواجد في ارقي حي
الا انه (ضيف) الحي
............
القصيده في مجملها جميله
لكن (الرسائل المبطنه) هي التي تبقي
بعد زوال النص
وهي هنا سلبيه

احترامي وتقديري

Quote: لو اتحولت(أصيبت بالحول) حا نغني ليك أنا ورغيم: العيون التي في طرفها حول

اختنا بت الخليفه

تحياتي

طبعا القرضابي
الكورس

صيف العبور ... طارد بعوض ... واشياء أخري