Post: #1
Title: ساخر سبيل : 1 من 3
Author: الفاتح يوسف جبرا
Date: 01-10-2009, 11:20 PM
صجيفة الرأى العام
عدد الأحد الموافق 11 يتاير 2009م
_______________________________________________________________________________________________
لو فزت باللوترى ومفروض تمشى تشتغل فى أمريكا تعمل ايه؟
1- توافق وإنت طائر من الفرح
2- ترفض وتقول (أمريكا قد دنا عذابها)
3- إنتو جيبو ليا اللوترى وبعدين أنا ح أوريكم !
تفتكر الحكومة عملت أيه فى موضوع المحالين للصالح العام ؟
1- عملت لحمة بالفرن
2- عملت حواجبا
3- عملت نائمة
لو جاتك فرصة تجاهد ضد إسرائيل ح تجاهد مع مين؟
1- ح تجاهد مع حماس
2- ح تجاهد مع فتح
3- كدى خليهم لما يتفقوا أول
الحزب الح يفوز فى الإنتخابات الجاية هو :
1- حزب المؤتمر الوطنى
2- حزب المؤتمر الوطنى
3- حزب المؤتمر الوطنى
الحكومة تعمل مع (الحركة الشريكة) من منطلق :
1- شاورها وخالفا
2- خالفها وشاورا
3- خالفها وخالفها
لن ينصلح حال (الكورة السودانية) ما دام القروش البتنصرف عليها :
1- مجهولة المصدر
2- مجهولة المنبع
3- وإنت مالك حاسد وإلا بغران ؟
المبلغ الطائل الذى تلقاهو (رئيس) أحد الأحزاب (الكانت معارضة) كان فى الحقيقة :
1- جبر ضرر
2- جبر كسر
3- كسر جبر
لو كنت (خريج) ولقيت ليك عقد (راعى) بأحدى دول الخليج :
1- العقد وين وحياة أبوك
2- راعى بتاع شنو؟ إنت جنيت
3- ح أمشى بس ما تكلم زول
ايه احتمال انك تكون (وزير) فى يوم من الأيام؟
1- صفر فى المية
2- زيرو فى الميه
3- مفيش أى إحتمال
هل فى أى أمل نعيش فى (نغنغة) بعد ما صرنا دولة بترولية ؟
1- ما ظنيتو
2- يعنى أيه (نغنغة) ؟
3- يعنى أيه (امل)؟
هل ح يجى يوم يبقى (التعليم) يبقى مجانن ؟
1- تعليم العروس ؟
2- تعليم السواقه؟
3- تقصد ياتو تعليم ؟
إنت عارف إنو المعاش (الشهرى) بيساوى (سبعه كيلو لحمة)؟
1- ما عاش اليقول عليهو كده
2- لحمة ضأن؟
3- مش كويس إنو بيدوكم معاش
صدق أن عائدات (المخدرات) تفوق عائدات (البترول) ؟
1- أكيد بدون (لف)
2- قطع (شم) - أقصد قطع شك
3- عائدات شنو؟ هو كمان (عليها) جمارك؟ !
هل تعتقد أن (المظاهرات) و(المسيرات) سوف تحرر فلسطين ؟
1- مليون المية
2- مش بعيد على ربنا
3- ليه لا ... بالرموت
تعتقد لماذا ترفض بعض الجهات الحكومية مراجعة حساباتها بواسطة ديوان المراجع العام :
1- بالله هو فى جهات بترفض؟
2- عملا بالقول المأثور ( خلوها مستورة) !
3- هو كمان فى حد بيحاسب الحكومة !
المعارضة السودانية ينطبق عليها المثل :
1- إتلما التعيس على خايب الرجا
2- إتلما الفطيس على خايب الرجا
3- إتلما الهردبيس على خايب الرجا !
ما هو الدليل فى نظرك على توحد (الجبهه الداخلية) ؟
1- الناس كووولها بتفطر فول
2- الناس كووولها (بتستلف) بعد يوم 5 فى الشهر
3- الناس كووولها بتشجع هلال- مريخ
تتخيل الموظف الذى يبنى عمارة من ستة طوابق هو فى الأصل أيه؟ :
1- كان مغترب وموظف فى وكت واحد
2- أرزاق يا عم ... أرزاق
3- حرامى وإبن ستين الف حرامى
تفتكر لماذا تقطع الكهرباء فى فصبل الشتاء ؟
1- عشان الناس ما محتاجه ليها
2- عشان الجماعه بيستعدو لفصل الصيف
3- أيه الاسئلة البايخة دى؟
تعتقد لماذا توقفت مشاريع (الزواج الجماعى)؟
1- لأنو الناس كووولها عرست
2- لأنو (الحكومة) ما قادرة على (الشيلة)
3- لأنو العزوبية أرحم
هل ممكن يجى يوم ناكل مما نزرع؟
1- مش ح يجى خالص
2- ومش ممكن ليه؟
3- يعنى أيه ناكل ؟
فى رأئك كم تكلف عملية إستئصال الزائدة الدودية بمستشفى حكومى؟
1- حوالى 750 جنيه !
2- الشاش والحقن منهم ولا منى؟
3- بالقديم ولا بالجديد؟
|
Post: #2
Title: Re: ساخر سبيل : 1 من 3
Author: اسعد الريفى
Date: 01-11-2009, 07:56 AM
Parent: #1
اخى الفاتح جبرا
الحمدلله اولا .. الخلانا نشوفك ، على الأقل هنا .ز
ثانيا.. حمدلله على السلامة و حاول "تسد دى بطينة و دى بعجينة" قدر ما تقدر !!
لأنو .. المسألة تجاوزت "خمة النفس" و الواحد بقى خايف من "الذبحة" .. اهو بقينا نبلع الاسبرين عشان الجلطة !!
أما موضوع واحد من تلاتة .. و حسب المطلوب .. نديك رأينا ..
تفتكر الحكومة عملت أيه فى موضوع المحالين للصالح العام ؟
2- عملت حواجبا
الحكومة تعمل مع (الحركة الشريكة) من منطلق :
1- شاورها وخالفا
لن ينصلح حال (الكورة السودانية) ما دام القروش البتنصرف عليها :
3- وإنت مالك حاسد وإلا بغران ؟
هل فى أى أمل نعيش فى (نغنغة) بعد ما صرنا دولة بترولية ؟
3- يعنى أيه (امل)؟
هل ح يجى يوم يبقى (التعليم) يبقى مجانن ؟
3- تقصد ياتو تعليم ؟
إنت عارف إنو المعاش (الشهرى) بيساوى (سبعه كيلو لحمة)؟
2- لحمة ضأن؟
صدق أن عائدات (المخدرات) تفوق عائدات (البترول) ؟
2- قطع (شم) - أقصد قطع شك
هل تعتقد أن (المظاهرات) و(المسيرات) سوف تحرر فلسطين ؟
1- مليون المية
ما هو الدليل فى نظرك على توحد (الجبهه الداخلية) ؟
3- الناس كووولها بتشجع هلال- مريخ
تتخيل الموظف الذى يبنى عمارة من ستة طوابق هو فى الأصل أيه؟ :
2- أرزاق يا عم ... أرزاق
تفتكر لماذا تقطع الكهرباء فى فصبل الشتاء ؟
1- عشان الناس ما محتاجه ليها
فى رأئك كم تكلف عملية إستئصال الزائدة الدودية بمستشفى حكومى؟
3- بالقديم ولا بالجديد؟
|
Post: #3
Title: Re: ساخر سبيل : 1 من 3
Author: ismeil abbas
Date: 01-11-2009, 09:27 AM
Parent: #1
ألأخ/الفاتح....السلام عليكم
كيف حالك اليوم:؟
1.أمس كنت متوعك
2.كابى الزوغة من الردود وعملت رد حماعى.
3.جاتك ضغوطات من جهة ما وتركت الجلوس أمام الكمبيوتر.
Quote: 2- عملا بالقول المأثور ( خلوها مستورة) !
|
لك خالص ودى وتحياتى............إسماعيل محمد احمد عباس.....
|
Post: #4
Title: Re: ساخر سبيل : 1 من 3
Author: الفاتح يوسف جبرا
Date: 01-11-2009, 04:41 PM
Parent: #1
الحبيب أسعد
ردودك أفتكر انها مية المية ... الكلام بس على الزول البصحح !
الحبيب إسماعيل
إنت من زمن ضغوط الجهات الأجنبية؟ ده كان زماااان !
لكما تحياتى وودى
|
Post: #5
Title: Re: ساخر سبيل : 1 من 3
Author: Nasr
Date: 01-11-2009, 05:28 PM
Parent: #1
تفتكر أسئلة الفاتح دي هبشت في اللحم الحي؟
1 لحمة شية؟ والله ما في زي سوق الناقة
2 هو نحن فضل فينا لحم، ما بقينا عظم فوقو جلد
3 يا أخوانا السياسة بتجيب لينا الهوا، بالله شفت المريخ غلبوهو كيف؟؟
|
Post: #6
Title: Re: ساخر سبيل : 1 من 3
Author: Shamael Elnoor
Date: 01-12-2009, 09:58 AM
Parent: #5
استاذنا الكبير المبدع/جبرا
التحايا اطنان
اشجينا اشجينا
خياراتكـ الفوق دي مانفعت معاي ، ممكن تدرج لى الخيار دا
- كل الإجابات أعلاه صحيحة
|
Post: #7
Title: Re: ساخر سبيل : 1 من 3
Author: Osama Mohammed
Date: 01-12-2009, 12:06 PM
Parent: #1
استاذناالفاتح
تحية طيبة .. ونهارك سعيد ..
واحد صاحبي قرأ الاسئلة دي وضحك لمن دمع وبعدين قام قال لي اسألك (دي كاتبها بي كم ورقة؟ أقصد في كم ورقة ) اللهم قد بلغت ... أنا فقط ناقل كلام ..
والله كل ما اقرأ ليك أقول اكتب لكن اسأل نفسي ..أكتب شنو ؟ ما هو كتب الكلام كلو ... ربنا يديك الصحة والعافية و جميع افراد أسرتك ...
احتياطاً كده انا بثني على اجابات الأخت شمائل ..
Quote: خياراتكـ الفوق دي مانفعت معاي ، ممكن تدرج لى الخيار دا
- كل الإجابات أعلاه صحيحة |
مودتي
اسامة
|
Post: #8
Title: Re: ساخر سبيل : 1 من 3
Author: الفاتح يوسف جبرا
Date: 01-12-2009, 07:26 PM
Parent: #1
الأحباء الأعزاء
Nasr ، شمائل ، أسامة
شكرن ليكم كتير على الكلام الطيب ده وربتا يقدرنا نكتب ليكم ... محبتى
|
Post: #9
Title: Re: ساخر سبيل : 1 من 3
Author: عبدالله الامين صالح
Date: 01-12-2009, 07:43 PM
Parent: #8
Quote: ايه احتمال انك تكون (وزير) فى يوم من الأيام؟
1- صفر فى المية
2- زيرو فى الميه
3- مفيش أى إحتمال |
ياريت بو حقظت نشيد ابتاه ما هذا الرصاص المنهمر كان بتكون ساهلة ومية المية
|
Post: #10
Title: Re: ساخر سبيل : 1 من 3
Author: اسعد الريفى
Date: 01-17-2009, 06:34 AM
Parent: #1
شيخ الفاتح
واحد من تلاته ..
وين
اتنين من تلاته !!!!!!
|
|