نحن الطيور ايها الانسان

بذا الجمال خصنا الرحمن

حكي لي زول قريبي يا فيصل إنهم لما جاهم وفد حكومي عالي المستوي
وقفوا صف وقابلوهو بالنشيد دة ً!!


تخيل أيها الانسان !

قريبي زمراوي

مسكاقنا

wad abrag


قريبي خضر حسين

ضحكتني حتى بانت نواجزي

و من هذا الصنف إبتكر مهندسو السيارات ( الوسادة الهوائية ) ..
طيب الطيرة دي بتصطدم جوا ولا برا يا قريبي ؟؟؟

سبحانه جملنا فلا عجب
ان حبنا اهل العقول والادب
انواعنا كثيرة مختلفة
وهى على كثرتها مؤتلفة

يا فيسولى
النشيد دا ما راح من ذهنى رغم مرور عشرات الاعوام
لكن اللغة الفيهو
تخلى الزول ما ينسى
يا حليل بخت الرضا
والمناهج التى تدخل الروح والقلب

تحياتى

قريبي ابوجهينة

اتفرج لحد ما اجيك

نحن الطيور أيها الانسان
بذا الجمال خصنا الرحمن
به يعوم البط وام سيسي
مع الأوز فافهم الحديث

وقالـــوا عــن الطيـــور
ـــــــــــــــــــــــــــــ
عثمان حسين:
كل طائر مرتحل عبر البحر قاصد الإهل حملته أشواقي الدفيقة.
حمد الريح:
والله يا طير الرهو قسماً عزيز ما فيهو لو
وردى:ـ
ردي: يا طير يا طاير من بعيد فوق الغمام
من ربوعي أحمل الشوق يا حمام
مصطفى سيد احمد:
والله نحن مع الطيور الما بتعرف ليها خرطة ولا في ايده جواز سفر.
الكاشف:
انا يا طير مولَّه محزوناً لأني
حبيبك معاك وحبيبي غاب عني
الشفيع:
ليت لي يا عازة جناح أحاكي الطير كنت أقصد حيك ولي رباك اطير
عزَّ وصالك
الجابري:
ملك الطيور أرقص وسط الرياض نشوان خلي الزهور تفتح مختلفة الألوان.
صالح الضيء:
يا طير يا ماشي لي اهلنا بسراع وصل رسايلنا.
والشوق ما تنسى يا طائر لكل من يسألك عنا
وردي:
بالله يا طير قبل ما تشرب تمر على بيت صغير
من بابو من شباكو بيلمع ألف نور
تلقى الحبيبة بتشتغل منديل حرير لحبيب بعيد
أحمد عمر الرباطابي:
زهورك نادية فوق نيله طيوره تغني في نخيله
بواديك رايقة يا حليلة قوماك يله نمشيله
ام در يا ربوع سودانا
حمد الريح:
السواقي النايحة نص الليل حنين الدنيا ممزوج في بكاها
زي طيورا في الغروب محتارة بتفتش جناها

استاذتنا الجميلة سلمى الشيخ سلامة

بعد ما تصلي التراويح

جري الكنبة و اقعدي شوفي

مع احتراماتي

Quote: بعد ما تصلي التراويح

يا فيسولى
هسى التراويح دى يصلوها كيف؟
ولا رمضان لسه مافات منكم ؟

جنس جنك وغباك دا ما سمعت بيهو
هسى اقول ليك شنو ياربى ؟
الله يهديك يا حبيبنا
تتصور اكتشفت انه الزرزور
البنسميهو فى السودان "ود ابرك"
بالله فى البرد دا قاعد فى ايوا الباردة دى ولا خساهو
تقول البرد دا حق ابو اهله
بعدين طيورك الجبتها دى دايرة ليها ضحوية كاملة

يا طير غنى غنى *** انا أغنى معك
لو كان لى جناح *** كنت اطير معك

الله ليك يا وطن ويا منهج ويا شنو كده ماعارف......






ده كلمات منو بالله يا فيصل يا هيستورى



كن بخير


شول اشوانق دينق

كتب شول

Quote: يا طير غنى غنى *** انا أغنى معك لو كان لى جناح *** كنت اطير معك الله ليك يا وطن ويا منهج ويا شنو كده ماعارف......

اووووووه شول اشوانق دينق شكسيآ

نورت يا حمام

ياخي الكلام الفوق دا انت قاطعو من راسك ساكت

والله اقول ليك امشي اذاكر في قوقل و برجع ليك

مع تحياتي

.
.

أستاذنا الحبيب فيصل

الحق عاطف عبدون عامل ليه هسع روم جميلة جداً في البالتالك (قعدة فنية أدبية)

ماتفوتك .

.
.

ابو الزهور باللهي اهدي الصورة دي

لعاعطف عبدون بمناسبة عودته لسودانيزونلاين

سلام يا فيصل .
والله حاجه ما تخلص ......... بوست حالم




ــــــــــــــــــــــ
ما شايف لي جداده ...

انا يا طير انا يا طير بشوفك
انا يا طير محل ما تطير بشوفك

اللي وو دوقي

فيصل يا حبيبنا اسعد الله ايامك

كتب كع

Quote: ما شايف لي جدادة

حقارة كدا

اعزيزى فيصل ...سلامات
اليك هذة المعلومات المنقولة عن بعض الطيور ...مع التحية
عمك

أصغر طائر في العالم: اسمه الطائر الطنان الشبيه بالنحلة أو الدبور وقد تحسبه كذلك لصغر حجمه حيث يبلغ طوله 2.5 سنتيمتراً ووزنه أقل من جرامين , يعيش هذا الطائر في مستنقع للتماسيح في خليج الخنازير بجزيرة كوبا في البحر الكاريبي , له منقار طويل حتى يمكنه أن يمتص رحيق الأزهار غذائه الوحيد , لونه يتدرج ما بين الأخضر والأزرق والرمادي والأسود وأحياناً خطوط حمراء , جناحه يخفق بسرعة 80 مرة في الثانية لذلك فمن غير الممكن رؤية أجنحته وهي تخفق , وهو مثل الطيور الطنانة الأخرى يمكنه أن يمتص رحيق الأزهار وهو واقف في الهواء معتمداً على رفرفة أجنحته السريعة جداً .



الطائر البحري الطائش Booby: يعرف بالعربية بالطائر الأطيش حيث أنه مشهور بالبلاهة والغفلة , يتعرض للانقراض ويتناقص عدده عاماً بعد آخر بسبب عدم تقديره للأمور والحماقة التي يتصف بها , وهو طائر بحري كبير الحجم يشبه الأوز البري , منه نوع يعيش في المناطق البحرية الباردة , ونوع آخر في البحار والمناطق البحرية الحارة ,غذائه الأسماك التي ينقض عليها من ارتفاعات شاهقة ويغوص ورائها لأعماق كبيرة وقد يصطدم بالصخور , ورغم طوله البالغ 84 سنتيمتراً إلا أن عصفور الشرشور الصغير الذي لا يزيد طوله على 13 سنتيمتراً يقف على ذيله ويمتص دمه ومع ذلك ينظر إليه ببلاهة غريبة , يضع بيضه على الصخور في العراء وفور أن يتركها لدقائق يقوم عصفور الشرشور بقذف البيض ناحية الصخور ليتناولها كطعام له , بل أن مجموعة من الشراشير قد تهاجمه وتقاتله بضراوة دون أن يدافع عن نفسه رغم أنه يستطيع أن يفتك بها .

الحمام ذو الجناح الأخضر Greenwing Pigeons: هو نوع نادر مهدد بالانقراض من فصيلة الحمام بسبب زحف المدن واستخدام المبيدات الحشرية وقطع الغابات حيث أنه لا يعيش إلا في الغابات الكثيفة , ينتشر في جنوب آسيا وماليزيا وأندونيسيا وأستراليا , يتميز بمنقاره الأصفر مع خطوط حمراء , ورأسه وردي اللون مع حلقة صفراء ضيقة , وجناحه أخضر اللون وذيله أزرق اللون , وصدره من الريش الفضي الرمادي وأرجله برتقالية , الأمر الذي يجعل الحمامة وكأنها لوحة ملونة بدقة , وتحاول الحكومة الأسترالية المحافظة على هذا النوع بزيادة عدده تحت إشراف العلماء وفي أماكن خاصة ومجهزة .

النسر الأصلع الأمريكي Bald Eagle: يبدو كالأصلع ولكنه ليس كذلك , صدر قانون في أوائل السبعينات بحظر صيده , كما تبذل الجهود للمحافظة عليه وإنشاء الغابات القومية , يعيش في أمريكا الشمالية وكندا قرب السواحل والبحيرات والأنهار حيث يتغذى على الأسماك , اختارته الولايات المتحدة شعاراً قومياً لها عام 1782 , يقيم هذا الطائر عشه دائماً فوق الأشجار العالية جداً , ويبلغ ما بين جناحيه أكثر من مترين .

الطائر الأزرق Blue Bird: طائر منتشر في أمريكا وكندا وأوروبا , تعود الأمريكيون على سماع صوته كل صباح فيما مضى حيث كان يتقدم بألفة إلى حافة النوافذ لالتقاط ما يقدمونه له , إلا أن أعداده بدأت بالتراجع سنة بعد أخرى , والسبب إتلاف الأماكن الطبيعية التي يعيش فيها وحرق الغابات أو إزالتها لإقامة المدن مكانها , وأيضاً استخدام المبيدات الحشرية السامة , في أوائل السبعينات بدأت حملة خاصة في أمريكا لإنقاذه عن طريق حث الأمريكيين على إنشاء أعشاش من الأخشاب بمواصفات معينة وتثبيته في الحدائق المنزلية , أما الحكومة الكندية فقد قامت بإقامة 8000 عش خشبي على امتداد 3200 كيلومتر , وكذلك الحكومة الأمريكية بخلاف المواطنين أنفسهم , ويتميز هذا الطائر بالرقة في الحجم والألفة , وهو يصادق الإنسان الذي يصادفه , كما أنه وفي للغاية لأسرته ولا يدخر وسعاً في راحتها وإطعامها .

حلفا نحنا كلنا طيور مهاجره وانت اول الطيور ربنا يجعل قلوبنا بصفاء

هذة الطيور الجميلة ,,,,,,,, طيورك بالجد جميلة مثل جمال حلفا قبل التهجير

ياطير ياطير حن وارجع لبلدك كفايه سنين غربة





مالقيت لي طيرة ارفقها ليك لانك كملت كل الطيور ,,, مرسل ليك ورده عشان ترك فيها كل

الطيور حقتك

قريبي و ودحلتنا ذالك الحي المتفرد

بدرالدين يعقوب

مسكاقنا

نهديك هذه الصور لطائر متفرد لشخص متفرد

دمتم

الطنـــــان


يعيش طائر «الطنان» في المناطق الاستوائية
وهو طائر ملون صغير الحجم
يمتص غذاءه وهو رحيق الزهور بلسانه الانبوبي الطويل، وأثناء تحليقه بجانب الزهرة بوضعية الثبات في مكانه، ولكي يستطيع تناوله فان الله قد وهبه القدرة على الوقوف في الهواء كما جعله الطائر الوحيد بين كل الطيور الذي يستطيع الطيران للخلف.

.