Post: #1 Title: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: ALZOLZATOO Date: 01-10-2009, 07:11 AM
بالصدفة بس شفت في التلفزيون مساء الخميس بقناة هارموني برامج سفر من الدوحة عن الراحل المقيم الاستاذ مصطفى سيداحمد اها قلت انتظر لي اغنية وفجأة يظهر ليك معتز القريش بكامل اناقته قلت دي دايره قعده بعد شويه طلع نادوس عبد الجليل عبدالحليم وبدر الدين الامير وتاني واحد ماعرفتو بوردابي ولا مابوردابي والمايسترو كان محمد السني مالفت نظري غير البرامج انو التصوير كان في قمة الروعة بعدين الجماعة قاشرين قشرة اظن اكتر من يوم عرسهم قلت اكيد التصوير ده ما في السودان وظني ماخاب لمن البرامج انتهى شايف اللعيبة كلهم اجانب وكمان فيها واحد اسمو هيلكوبتر عديل كده .
قلنا نكسر طلح معتز القريش ماخلا تلجا مامكسر
تحياتي
زاتوووو
Post: #2 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: شهاب الفاتح عثمان Date: 01-10-2009, 07:47 AM Parent: #1
Quote: تحياتي
هؤلاء جمال صوره ومقام , ورجاحه عقل .. تمــــام .
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
Post: #3 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: محمد سنى دفع الله Date: 01-10-2009, 08:58 AM Parent: #2
الزول زاتو التحية والتقدير وغامك سعيد وشكرا لك ان اضفتني الى الجماعة القيافات واسياد الأناقة وده زي ما قلت من زوقك زرقتك زلطفك والظاهر شايل معاك فرار عديل ما مخرز بتاع تلج اها انا الليلة اكسر ليك حجارة الجرانيت واعمل ليك تمثال زي بتاع بيانجي بالعربي بعانخي عزيزي الزول المابوردابي هو عبد المنعم الفكي راجل بتاع كومبويوتر لامن غلط وعامل برنامج لي مصطفى شعال عليهو السنوات دي كلها بعدين الحلقة جات كده ما مقصود البورداب لكن مقصود اخر ناس كانوا قريبين لي مصطفى في السكن والجوار والحوارات المتبادلة وفي ناس لسه كانوا قريبين خالص وهم 3 سهرات بعنوان (( سفر )) المحطة الأولى الدوحة والتانية بقية العقد الفريد ودي فيها ناس عاديين كانوا قريبين بقصد بي ناس عاديين ناس عمالقة في مجالهم ول لهم علاقة بالفنون ولكن يسبرون غورها ولهم نظرة ابداع والتالتة مع الأطفال الكانوا اصدقاء لي مصطفى ودلوقت كبار وكيف بتذكروه ـ وعنوانها ـ كان صديقي اما الأخ هيلكوبتر نحن تعاملنا مع شركة من اكبر الشركات وهي اسمارت قلوبال وهي بتقدم اشهر برنامج على الهوا من الدوحة وهو بقعة ضوء وتنقله للعالم على الهوا وكان لازاما علينا ان نربط الحلقة بصور تعبر عن الدوحة وصورة رمز تعبر عن الحرية وهي رمز ـ الطائر المحلق ـ الصقر ـ الحرية الرويال فوتتج صور متنوعة بتشتريها لتكمل الصورة وكانت الصور المكملة بها لقطات اخذت بطائرة ومن حق المصورين اشهار حقهم الأدبي لمن يحتاج الى نوعية هذه الصور يعرف الى اين يتجه الأن لوعندك صور من الجو في اي مكان تعال وبناخدليك الحلقات لايوجد بها غناء مش لازم اي سهرة يكون فيها غناء نحن نتكلم عن مصطفى الوناس الحكاي ولسه بنوثق وبرضو اصرينا على حكاية تقديم بي صورة تقليدية انها لازم ما تكون في خالص لانو كان ضد التقليدية والسهرة بتقدم نفسها دون مقدم والصقر يحلق في الأفاق حرية بعد ده اتمنى تكون عجيتك مودتي ودام صفانا
Post: #5 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: ALZOLZATOO Date: 01-10-2009, 09:40 AM Parent: #3
الاستاذ محمد سني
شكرا على طلتك البهية هنا وهناك
السهرة شدتني ايما شدة خصوصا الواحد سمع صوت البورداب وتحياتي لي الاخ عبد المنعم الفكي على مجهوده
الجبار. لا اشك في ان طريقة السفر كانت غير تقليدية وكاسرة للروتين الممل مقدم ومغني خصوصا وان الذين قاموا باخراجها من تصوير الى اخره كانوا في قمة الاحترافية واضافة اسم هيلكوبتر دليل على ذلك . الاشياء الفنية التي ذكرتها حقيقة ليس لدي باع كبير فيها لكن كمشاهد ومستمع ارى انها كانت ممتازة.
السهرة عجبتني وانا مابجامل في الحاجات دي يعني برامج ماعجبني مابوجع فيهو عيوني وانا شاكرا للزول الاخترع الريموت كنترول . مش كفاية يازول انتو ضيعتو خميسنا لووول بعدين انت عاجبنا من السبعينات ايام محطة التلفزيون الاهلية على ما اعتقد الزمن داك كان الواحد ماسك البزة وبيرضع وبيتفرج بي مزاج مش قلت ليك البوست ده كسير طلح
شكرا على مرورك
تحياتي
زاتوووو
Post: #6 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: ALZOLZATOO Date: 01-10-2009, 09:43 AM Parent: #2
الاخ دكتور شهاب
تحية واحتراما
انت عارف انو انا كل يوم بيثبت لي انو انا اشنا واحد في البورد ده لووول
مافي شك في كل ما ذكرت
زاتوووو
Post: #4 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: العوض المسلمي Date: 01-10-2009, 09:04 AM Parent: #1
Post: #7 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: ALZOLZATOO Date: 01-10-2009, 09:48 AM Parent: #4
العوض يا اخوي
ماتتكلم عن كسير التلج انت بالذات ومال بوست منى خوجلي ده دعاية انتخابية لووووول يكه
اكيد اعضاء سودانيز اون لاين محل مايختوهم بيملوا العين وبيبدعوا
لامن اجي السودان بس وديني قندهار اوريك الابداع كيف لووووول يكه
تسلم ياحبيب الكل
زاتوووو
Post: #8 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: محمد سنى دفع الله Date: 01-10-2009, 09:53 AM Parent: #4
السهرة من اعدادي واخراجي وبرغم من تيم التصوير الإحترافي لكن مدير التصوير سوداني وهو يوسف سعد يوسف شكرا ليك وواصل مشاهدة الثلاثية سفر وانت بتكسر طلح ده كسير غابات عديييل وش ضاحك
Post: #9 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: بدر الدين الأمير Date: 01-10-2009, 05:54 PM Parent: #8
الزول يازاتو لك اجزل الود والتقدير والوجيهات هي عيونك وياسيدى انه مصطفانا النبع الذى بنهلنا من ريان إبداعاته نعطش .... وباحتراقه نتعطر وبسيرته نؤرخ (للباقيات الصالحات) من نصوص وانغام تُغنى وتقودك لليقين ....
Post: #10 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: ALZOLZATOO Date: 01-11-2009, 06:38 AM Parent: #9
Quote: لك اجزل الود والتقدير والوجيهات هي عيونك وياسيدى انه مصطفانا النبع الذى بنهلنا من ريان إبداعاته نعطش .... وباحتراقه نتعطر وبسيرته نؤرخ (للباقيات الصالحات) من نصوص وانغام تُغنى وتقودك لليقين ........
بدرالدين يا الامير
لازم نديكم حقكم ، حضوركم كان له رونق خاص بالسرد المرتب
ومصطفى طيب الله ثراه يستاهل
زاتوووو
Post: #11 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: معتز القريش Date: 01-11-2009, 07:01 AM Parent: #1
ياود القريش الذ حاجة جابوك كده بعدين كاتبين معتز القريش محاسب وموسيقي، لكن ما اديت الواحد يفكر كتير اها بعد داك عرفت انك كنت هاوي عزف وبقيت محترف وعزفت مع الاستاذ . لكن بالجد كده هندامك خطير خاصة الحمالات دي مابيلبسها الا لاري كنج لايف .
لا ماشاء الله عينا بارده صوت وصورة اها بعد البرامج ده الترخيص بتاعك وصل ياتو حرف انا غايتو كنت واقف في حرف C .
نحنا غايتو بي شناتنا دي لو محمد سني عندو برامج في الراديو ممكن نشارك لانو رقم A بتاعنا مستغل شناتنا دي وكل يوم طالب عشا من بره لووووووول يكه
ارقد عافية
زاتوووو
Post: #13 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: baha eassa Date: 01-11-2009, 01:20 PM Parent: #12
معتز القريش .. متحدثا لقناة هارموني عن الفنان مصطفي سيد احمد
Post: #15 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: ALZOLZATOO Date: 01-12-2009, 07:29 AM Parent: #13
الاخ بهاء عيسى
شكرا لتزويد البوست بالصوت والصورة واديتو نكهة خاصة وكمان اديت الناس العايزة تعمل توثيق فرصة والناس الماشافو الناس الحلوين ديل برضو ماقصرت معاهم لاننسى كمان المكسرات from A to Z برضو ممكن يحتفظو بي صور
طبعا يا الزول انا كنت حردان البوست ده عشان لا فيه صور ولا فيديو عن السهره ( شغل حندكه منك يعنى) لكن بعد الفيديوهات بدت تظهر ، بعد ده بنتكل خالص تحياتى واحترامى لمعد الحلقه وصاحب فكرتها وطالما استاذ السنى قال ما فيها مقدم يبقى تحياتنا لضيوفها العملوا التقديم بنفسهم .
وفى انتظار بقية الفيديوهات ... عشان انا بعمل فى مكتبه توثيقيه
بالجمبه : استاذ السنى ده لو فكيتوهو فى الدرب ده بطلع ليكم روائع أكتر من كده .. بس مسكوه درب الانتاج (أى شركة انتاج) وأقعدوا فراًجه . الراجل راسه مليان ابداع وعينه بصييييره بس يده قصيره اها الطلحه دى كيف .. كسرتها ليك براى
Post: #16 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: ALZOLZATOO Date: 01-12-2009, 07:42 AM Parent: #14
الاخ مزمل التريكي
ليك حق ياخوي تحرد البوست ، انا قاعد مصنقر هنا من 2002م ماحاولت انزل صور ولا اغاني بوستات ناشفة والخط واحد ، زمان كان في واحد بعلمنا كيف نعمل حركات وبدينا فيها بس نسيناها يعني تعمل الكتابة تجي مارة من الجهة اليمين او من فوق الى اسف والعكس . المهم يازول انشاء الله بهاء مايقصر معاك وتحتل معانافي البوست ده
محمد سني رجل ليهو باع طويل وخبرة طويلة في التلفزيون والمسرح لا شك في ذلك ياخي الراجل ده ضحكنا ونحن صغار ودائما ضحكة الصغر مابيكون فيها نفاق برضو حضرت ليهو عمل براهو في المسرح مامتذكر اسمو شنو المهم نتمنى انو يكرس خبرتو دي للاجيال القادمة
لكن والله لقيت كسيرك للطلح ده ينفع للبخور كسير ناعم لوووول يكه
تحياتي
زاتوووو
Post: #17 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: محمد سنى دفع الله Date: 01-12-2009, 07:45 AM Parent: #16
;كسير الطلح والتلج مستمر وماشين على كسير الرجلين جبنا لينا مدافعين رباطين ومعاهم التريكي لاعب اجنبي ياجماعة الكسير بتاعكم ده نثارتو جاتنا هنا جنس نشارة
Post: #18 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: baha eassa Date: 01-12-2009, 02:52 PM Parent: #17
كنت اتمني ان اسجل الحلقة كلها .. ولكن ما لحقت الا الجزء البسيط الفيهو معتز بس .. فالمعذرة
Post: #19 Title: Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس Author: مزمل التريكى Date: 01-13-2009, 02:25 AM Parent: #17
Quote: برضو حضرت ليهو عمل براهو في المسرح مامتذكر اسمو شنو
اسمه حكاية الطاهر ود أحمد ودعثمان (السقا ود السقا) وانت محظوظ بالمناسبه كونك شفت العمل ده... لانو السنى زاااااتو لو قالوا ليه اشتغل العمل ده تانى.. حا يقول ليهم ما داير معاكم نص مرهق ومحتاج حضور مسرحى عالى جدا اضافه للياقه البدنيه والذهنيه
Quote: ياخي الراجل ده ضحكنا ونحن صغار ودائما ضحكة الصغر مابيكون فيها نفاق
شوف صاحبك عايز يعمل فيها أصغر من السنى باص بينى : يا بهاء ما مشكله .. لحدى هنا ما قصرت .. والقريش بسدها وبقدها بس انشاءالله يكون فى زول تانى انتبه للتوثيق وسجل لينا الحلقه دى تحياتى للجميع
