الأسلحة الكيميائية وحقيقة استخدامها في السودان في منتدى ميديكس للحوار
|
|
 محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس
|
بالصدفة بس شفت في التلفزيون مساء الخميس بقناة هارموني
برامج سفر من الدوحة عن الراحل المقيم الاستاذ مصطفى سيداحمد
اها قلت انتظر لي اغنية وفجأة يظهر ليك معتز القريش بكامل اناقته
قلت دي دايره قعده بعد شويه طلع نادوس عبد الجليل عبدالحليم
وبدر الدين الامير وتاني واحد ماعرفتو بوردابي ولا مابوردابي
والمايسترو كان محمد السني
مالفت نظري غير البرامج انو التصوير كان في قمة الروعة بعدين الجماعة قاشرين قشرة
اظن اكتر من يوم عرسهم قلت اكيد التصوير ده ما في السودان وظني ماخاب لمن البرامج
انتهى شايف اللعيبة كلهم اجانب وكمان فيها واحد اسمو هيلكوبتر عديل كده .
قلنا نكسر طلح معتز القريش ماخلا تلجا مامكسر
تحياتي
زاتوووو
|
|
 
|
|
|
|
|
|
|
|
Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس (Re: محمد سنى دفع الله)
|
الاستاذ محمد سني
شكرا على طلتك البهية هنا وهناك
السهرة شدتني ايما شدة خصوصا الواحد سمع صوت البورداب وتحياتي لي الاخ عبد المنعم الفكي على مجهوده
الجبار. لا اشك في ان طريقة السفر كانت غير تقليدية وكاسرة للروتين الممل مقدم ومغني خصوصا وان الذين قاموا باخراجها من تصوير الى اخره كانوا في قمة الاحترافية واضافة اسم هيلكوبتر دليل على ذلك .
الاشياء الفنية التي ذكرتها حقيقة ليس لدي باع كبير فيها لكن كمشاهد ومستمع ارى انها كانت ممتازة.
السهرة عجبتني وانا مابجامل في الحاجات دي يعني برامج ماعجبني مابوجع فيهو عيوني وانا شاكرا للزول الاخترع الريموت كنترول . مش كفاية يازول انتو ضيعتو خميسنا لووول بعدين انت عاجبنا من السبعينات ايام محطة التلفزيون الاهلية على ما اعتقد الزمن داك كان الواحد ماسك البزة وبيرضع وبيتفرج بي مزاج
مش قلت ليك البوست ده كسير طلح
شكرا على مرورك
تحياتي
زاتوووو
| |
|
|
|
|
|
|
|
|
|
Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس (Re: معتز القريش)
|
Quote: وش خجلان وفرحان
بختك يا ود القريش ختوك مع الوجهاء
الله يجبر بخاطرك يا زول |
ياود القريش
الذ حاجة جابوك كده بعدين كاتبين معتز القريش محاسب وموسيقي، لكن ما اديت الواحد يفكر كتير اها بعد داك عرفت انك كنت هاوي عزف وبقيت محترف وعزفت مع الاستاذ .
لكن بالجد كده هندامك خطير خاصة الحمالات دي مابيلبسها الا لاري كنج لايف .
لا ماشاء الله عينا بارده صوت وصورة اها بعد البرامج ده الترخيص بتاعك وصل ياتو حرف انا غايتو كنت واقف في حرف C .
نحنا غايتو بي شناتنا دي لو محمد سني عندو برامج في الراديو ممكن نشارك لانو رقم A بتاعنا مستغل شناتنا دي وكل يوم طالب عشا من بره لووووووول يكه
ارقد عافية
زاتوووو
| |
|
|
|
|
|
|
|
|
|
Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس (Re: ALZOLZATOO)
|
طبعا يا الزول انا كنت حردان البوست ده
عشان لا فيه صور ولا فيديو عن السهره ( شغل حندكه منك يعنى)
لكن بعد الفيديوهات بدت تظهر ، بعد ده بنتكل
خالص تحياتى واحترامى لمعد الحلقه وصاحب فكرتها
وطالما استاذ السنى قال ما فيها مقدم يبقى تحياتنا لضيوفها
العملوا التقديم بنفسهم .
وفى انتظار بقية الفيديوهات ... عشان انا بعمل فى مكتبه توثيقيه
بالجمبه :
استاذ السنى ده لو فكيتوهو فى الدرب ده
بطلع ليكم روائع أكتر من كده ..
بس مسكوه درب الانتاج (أى شركة انتاج) وأقعدوا فراًجه .
الراجل راسه مليان ابداع وعينه بصييييره بس يده قصيره
اها الطلحه دى كيف .. كسرتها ليك براى
| |
|
|
|
|
|
|
|
|
|
Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس (Re: مزمل التريكى)
|
الاخ مزمل التريكي
ليك حق ياخوي تحرد البوست ، انا قاعد مصنقر هنا من 2002م ماحاولت انزل صور ولا اغاني
بوستات ناشفة والخط واحد ، زمان كان في واحد بعلمنا كيف نعمل حركات وبدينا فيها بس نسيناها
يعني تعمل الكتابة تجي مارة من الجهة اليمين او من فوق الى اسف والعكس .
المهم يازول انشاء الله بهاء مايقصر معاك وتحتل معانافي البوست ده
محمد سني رجل ليهو باع طويل وخبرة طويلة في التلفزيون والمسرح لا شك في ذلك ياخي الراجل ده ضحكنا ونحن صغار ودائما ضحكة الصغر مابيكون فيها نفاق
برضو حضرت ليهو عمل براهو في المسرح مامتذكر اسمو شنو
المهم نتمنى انو يكرس خبرتو دي للاجيال القادمة
لكن والله لقيت كسيرك للطلح ده ينفع للبخور كسير ناعم لوووول يكه
تحياتي
زاتوووو
| |
|
|
|
|
|
|
|
|
|
Re: محمد السني ،معتز القريش ، نادوس ، بدر الدين الامير - انتو ماناس وجيهين - بوست كسير طلح بس (Re: محمد سنى دفع الله)
|
| Quote: برضو حضرت ليهو عمل براهو في المسرح مامتذكر اسمو شنو |
اسمه حكاية الطاهر ود أحمد ودعثمان (السقا ود السقا)
وانت محظوظ بالمناسبه كونك شفت العمل ده...
لانو السنى زاااااتو لو قالوا ليه اشتغل العمل ده تانى..
حا يقول ليهم ما داير معاكم
نص مرهق ومحتاج حضور مسرحى عالى جدا اضافه للياقه البدنيه والذهنيه
| Quote: ياخي الراجل ده ضحكنا ونحن صغار ودائما ضحكة الصغر مابيكون فيها نفاق |
شوف صاحبك عايز يعمل فيها أصغر من السنى
باص بينى :
يا بهاء ما مشكله .. لحدى هنا ما قصرت .. والقريش بسدها وبقدها
بس انشاءالله يكون فى زول تانى انتبه للتوثيق وسجل لينا الحلقه دى
تحياتى للجميع
| |
|
|
|
|
|
|
| |
ALZOLZATOO
شهاب الفاتح عثمان
محمد سنى دفع الله
العوض المسلمي
بدر الدين الأمير
معتز القريش
baha eassa
فيس بوك
تويتر
انستقرام
يوتيوب
بنتيريست