الاخت سناء خالد ......مرحب بيك الف وبالامورات الحلوات ماشاء الله تبارك الله
..... قلتي لي فيها لقيمات ..... بالله بدون سكر بدره ... السكر بره لانو زي ما واضح في كرت الدعوه كبار وصغار واكيد في ناس عندها اسبابه للامتناع من السكر ...
لاكين ما شاء الله ريقي جري من منظر اللقيمات ... ويا زوله كان ما جيتي نحن البنجيك بس حضري اللقيمات بس ... وعلينا اللبن المقنن.
في أغلب الظن دي لقمة القاضي...وبدوك ليها مدورة وجاهزة بس للتحمير وكمان معاها عسل ...ومع سماحة شكلها دا...الا انها تتورد خجلا امام لقيمية واحدة من لقيمات بت عصب الله يرحمها...
وليم اندرية ازيك...وعساك طيب.. يا اخوي انا عايز شاي أخضر اضاري بيه تهميشي دا
ودجبريل وجعفر اكب ليكم معاااه ولا تستنو بسبوسة الشبلى اهى وصلت ولياااام انت اخر زول بكب ليك يالجاى تشاركنى بالتلت ولا ربع الشاى شااااينى
Post: #23 Title: Re: حفلة شاي اسفيريه ...... والدعوه عامه كبار وصغار ساده وسيدات متزوجين وعزاب ( عامه ) Author: جعفر محي الدين Date: 01-13-2009, 07:24 AM Parent: #21
شكرا نجمه على الشاي نشربو عندكم في الأفراح إن شاء الله
Post: #24 Title: Re: حفلة شاي اسفيريه ...... والدعوه عامه كبار وصغار ساده وسيدات متزوجين وعزاب ( عامه ) Author: willeim andrea Date: 01-13-2009, 09:26 AM Parent: #21
ود الفحل.... ازيك يا راجل ياخي انت قريب بالحيل يا زول جده غير... مابسئلك خاطب وعندك اطفال... اكيد بي سببك.... بس ما قلته لي انو الجفالي عنده فرع في شارع الكيال..... محبتي واحترامي وزي الحاشرب قهوتك وشايك قريب.
ودالباوقه قال اشتري الكامري ... ياخي كدي شوف ليهو مارسيدس لازم الجخ في جده غير
معرفة الرجال كنز... اعتز بمعرفتك وال اي ميل في البروفايل بدل واحد اتنين...
Quote: اللقيمات كملت وشاي نجمة ما طلع، أظهنا شاداهو في الشمس..
انت ياياسر نمره 4 استنى لمن يجى دورك
ماااف شاااى ولالقيمات قوم من هنا
________________
4 حجزتها انا الله يجازى محنك
Post: #27 Title: Re: حفلة شاي اسفيريه ...... والدعوه عامه كبار وصغار ساده وسيدات متزوجين وعزاب ( عامه ) Author: willeim andrea Date: 01-13-2009, 09:57 AM Parent: #18
نجمه النجمه الرايقه..... ياخي ما قصرتي ابدا .... شاي بكل الامزجه.... فكره تمام لمشروع تمام... انشاء الله في شارع عبيد ختم.... بالنسبه للعده ياستي ده شكله نادر وقيمته عاليه ... علشان كده نشوف موضوع بوليصة تامين وكده,,,, معزتي وتقديري
Post: #26 Title: Re: حفلة شاي اسفيريه ...... والدعوه عامه كبار وصغار ساده وسيدات متزوجين وعزاب ( عامه ) Author: willeim andrea Date: 01-13-2009, 09:53 AM Parent: #17
نذار حسين حبابك الف ........ قلته شاي اخضر.... يازول جاهزين بالطقوس الصينيه حتي! الشاي والطريق حتي الجلوس ارضا !! ... شرفونا تجدوا ما يسركم
معزتي وتقديري
Post: #25 Title: Re: حفلة شاي اسفيريه ...... والدعوه عامه كبار وصغار ساده وسيدات متزوجين وعزاب ( عامه ) Author: willeim andrea Date: 01-13-2009, 09:29 AM Parent: #16
Quote: واشياء أخرى
ناس التلفزيون عندنا... اه عزومتنا بقت متلفزه ود جبريل ازيك ياراجل يا طيب اه منتظرين اشياء اخري دي يمكن تتطلع بسكويت والا حاجه لازوم الشاي الذي منو.
يازول ويليام اندريا زمانو فات وغنايو مات الا شرحبيل لسع فى والشجر الكبار فية الصمغ شكرا على التنبية تم التعديل والحالة موكح تب سوف يصلك منى بريد فى القريب لك المودة وبس.
Post: #29 Title: Re: حفلة شاي اسفيريه ...... والدعوه عامه كبار وصغار ساده وسيدات متزوجين وعزاب ( عامه ) Author: محي الدين جبريل Date: 01-13-2009, 11:01 AM Parent: #28
وليم أندريا يافنان
أها مع شاى نجمة اللذيذ ده سمعنا حاجة ( من بيت الكلاوى كده )
يلا ماعوزين نختار ... نخليها على ذوقك ....
أنا جريت بنبرى
Post: #30 Title: Re: حفلة شاي اسفيريه ...... والدعوه عامه كبار وصغار ساده وسيدات متزوجين وعزاب ( عامه ) Author: willeim andrea Date: 01-13-2009, 11:13 AM Parent: #1
محي الدين اخوي بزنسنس اذ بزنسنس واشنابس اذ اشنابس زي ما بيقولوا الالمان .......... كانت جيت ماشي باي شارع في اي مكان في العالم ولقيت مكتوب شاي بكل الامزجه بدخل طوالي وبقعد في الكاونتر بتاع الكاشير وبطلب شاي اخضر ولي في المحل التلت ونجمه التلت التاني ام التلت التالت انا عارف صاحبه منو معزتي
Post: #31 Title: Re: حفلة شاي اسفيريه ...... والدعوه عامه كبار وصغار ساده وسيدات متزوجين وعزاب ( عامه ) Author: محي الدين جبريل Date: 01-13-2009, 11:25 AM Parent: #30
Quote: ام التلت التالت انا عارف صاحبه منو
أهااا منوووووو
Post: #32 Title: Re: حفلة شاي اسفيريه ...... والدعوه عامه كبار وصغار ساده وسيدات متزوجين وعزاب ( عامه ) Author: willeim andrea Date: 01-13-2009, 11:45 AM Parent: #1
Quote: يانجة كبى من الكفتيرة الفوووووق
الحبيب ابوقوته.... ياخي مرحب بيك مليون ومن هنا تاخدني معاك بالفارهه( ماشاء الله تبارك الله) للربع (بكسر الراء والباقي تمه) .......... وكل الحلال (بفتح الراء واللام والباقي تمه) وما نخلي ترعه والا حواشه ( بالمناسبه الكامري برضو فور ويل درايف ) محبتي واحترامي
ود الشبلي .... يازول ما تقول لي .... بسبوسه تمام تجري الريق... عديل ... قلته لي شنو للفرجه ... سمح بسمع كلامك خوفا من الكلسترول والذي منه ... جد مرحب بيك الف يا فنان
Post: #40 Title: Re: حفلة شاي اسفيريه ...... والدعوه عامه كبار وصغار ساده وسيدات متزوجين وعزاب ( عامه ) Author: willeim andrea Date: 01-14-2009, 11:34 AM Parent: #1
سودانيه 2000 الظريفه ...جد كلك ذوق ..... يا سلام عليك .... لو سمحتي لي من سلطة الفواكهه دي وبالشوكه القط لي كم شريحة كيوي .... ام الشاي الاخصر خليهو علي صيني اصلي وبالطقوس الصينيه ...... مرحب بيك ومين معاك مليون ..... معزتي
نجمه الرايقه .... ريحة قلي البن ما واصلاني انتي جايباهو جاهز..... ياخي والله ما قصرتي تب الله شايك تمام بالقرفه والقرفل والهبهان زي ما بحبو تمام ..... يديك الفي مرادك ويجعل طريقك اخضر من الشاي الاخضر ..... معزتي
عزام وين يارجل ... يا خي مشتاقين عديل ....... بمناسبة الكيك..... ياخي ما كلمتك.... الهكر العجيب وبدون دعوه ... دخل حفلتنا وشال كل ما لذ وطاب وهرب ....... بعد ده الا نعمل حراسه علي حاجاتنا يمكن نعمد ناس الهدف عديل .... بس ما يهمك.... عندناكعك من خبيز حاجه السره من اليحبه قلبك .... اتفضل يالحبيب انت والمعاك.... معزتي
ام الاء ..... تيتا ( كل اسم احلي من التاني وش مبسوط بيكم ) ولايهمك ياستي ... الهكر العجيب ختف الحاجات وهرب بس الناس موجوده اتفضلي يا ستي انتي والمعاك وشكرا علي الكيكه الظريفه يا ذوق .... احترامي وتقديري
وليم ياخى بكتنى و اللة طابونة معنى ولا طابونة عمى باسين سابقا و حاليا فرن عمى عبادى و ريحة الخبيز و القرقوش التحبة لك ولكل الاهل بحى السيد على المرغنى و عبداللة خليل و الشهداء و بوابة ابوالعلا
الاخت العزيزه ... هدي ... ياخي سلامة قلبك.... وعايزين نفرح... ونستمتع بكل الناس الطيبين الحلوين......في حفلتنا الاسفيريه..... والاحياء الذكرتيها بلفها حي حي وزقاق زقاق كلما سنحت لي الفرصه وانا في ربوع امدرمان والحظ وجوه غير الناس البنعرفه والبنعرفه والعيال كبرت..... ياه وتختلط الذكري بالواقع .... ما بين اشراقات الماضي والحاضر واطلال الماضي والحاضر .... تتوه الخطي ويتوه الخاطر ......
واذا تعذر السفر بتحلق بيها في الخيال ما اهو الواحد سرته وروحه مدفونه هناك.....
اقول ليك شي جد سعيد بيك يا اختي يا ذكري الزمن والمكان الجميل .... تقديري واحترامي
الحبيب بدر الدين .... شرحبيل طعم ومذاق خاص..... ولو تعرف الشوق.....الليل الهادي ... يالابس البمبي .... وحاجات كتيره كل واحد احلي من التانيه .... معزتي.....
اما بخصوص صاحب الاسم ياريت تجيب لينا اي حاجه من رحيتو الله يرحمه .... صور او اغاني