Post: #1
Title: عاجل...إنذار نهائي لكلا من.....
Author: اميمة مصطفى سند
Date: 01-07-2009, 10:30 PM
Parent: #0
عزيزاتي
منذ زمن لم أكتب لكن
لأنني ما عدت أقرأ ما تكتبنه
تجولت هنا وهناك علني أجد حرفا
يشبع جوعي ويروي ظمأي..
فاشتد حنيني للإلتجاء اليكن...
|
Post: #2
Title: Re: عاجل...إنذار نهائي لكلا من.....
Author: اميمة مصطفى سند
Date: 01-07-2009, 10:36 PM
أول قطرة
حليمة محمد عبد الرحمن
لأن كلماتك سجينة الأوراق
أعلنت الحداد على نفسها..
لأحرفك..
رائحة عبقة تعطر دنيانا
لذعة سخرية تضحكنا وتبكينا
رجاء أوقظي الشمس من ثباتها
انفضي الرماد الذي يغطي وهج الجمرة
أكسري هدأة الليل وسكونه
عودي
|
Post: #3
Title: Re: عاجل...إنذار نهائي لكلا من.....
Author: اميمة مصطفى سند
Date: 01-07-2009, 10:41 PM
Parent: #2
الوجد القديم..
إشراقتنا الحبيبة
كان وجهك الذي يطالعني كل صباح
دافعي للصمود والمواجهة
صوتك الحنون مشجعي للكتابة
أسألك...
هل تعبت فوانيس الكتابة؟؟
|
Post: #4
Title: Re: عاجل...إنذار نهائي لكلا من.....
Author: اميمة مصطفى سند
Date: 01-07-2009, 10:51 PM
Parent: #3
وتلك السمراء
أغرق كل جمعة في بحر عواطفك
لطالما رسمت بالكلمات أجمل لوحة
هل أصبحت بحار تاهت بوصلته فضل الطريق؟؟
قلوبنا موانيء آمنة
حبها يذيب شتاء جمد عواطفها...
|
Post: #5
Title: Re: عاجل...إنذار نهائي لكلا من.....
Author: اميمة مصطفى سند
Date: 01-07-2009, 10:55 PM
Parent: #4
الفرح الأخضر
سومة
احتضن حروفك
أناجي بها أحبتي
لا أتعب أو أمل من ترديدها
أسمعها تدندن كالأجراس في الأعياد
|
Post: #6
Title: Re: عاجل...إنذار نهائي لكلا من.....
Author: اميمة مصطفى سند
Date: 01-07-2009, 10:59 PM
Parent: #5
روزمين
أنشودة المطر
أما آن لهذه الغيمة المحملة
بعطر الكلام أن تهطل علينا
|
Post: #7
Title: Re: عاجل...إنذار نهائي لكلا من.....
Author: اميمة مصطفى سند
Date: 01-07-2009, 11:07 PM
Parent: #6
shiry الجميلة
أول الحكي..
تكلمي.. تكلمي
تحدثي إلي في بساطة
تحدثي عن كل ما يخطر في بالك من أفكار
تحدثي عما تحبين من أشعار
عادية قد تبدو لك الأشياء
سطحية تبدو لك الأشياء
كل ما يهمني
أنت مع الأشياء
وأنت في الأشياء
نزار قباني
:ــــــــــــــــــــــــــــــــــــــــــــــ
وصيت ليك على صينية كمونية بالباشميل عشان ترجعي
|
Post: #8
Title: Re: عاجل...إنذار نهائي لكلا من.....
Author: اميمة مصطفى سند
Date: 01-07-2009, 11:12 PM
Parent: #7
مهرجان الحروف
سكينة محي الدين فارس
ببابك وضعت رحالي
ظنا مني أن الستار قد أزيح
وأننا سنرتوي من ماء شعرك
وسنغني سويا للحياة
:ـــــــــــــــــــــــــ
أم نون لا أزال أنتظر ابنة الخال ورنة الخلخال
|
Post: #9
Title: Re: عاجل...إنذار نهائي لكلا من.....
Author: اميمة مصطفى سند
Date: 01-07-2009, 11:18 PM
Parent: #8
داليا حافظ
حتة السكرة
اخترت يوم فتحت بابك
للحكايات المسكوت عنها
أنصتنا بانتباه
لكنك غافلتنا وصمت
رجاء
واصلي الحكي
|
Post: #10
Title: Re: عاجل...إنذار نهائي لكلا من.....
Author: اميمة مصطفى سند
Date: 01-07-2009, 11:24 PM
Parent: #9
منى أحمد
أو كما أعرفها منى أبو زيد..
هذي النجوم تعود لي
كان الندى
في المنتدى يسقي حوار البرد
من يدك الشذى والدفء
ينسج حول أعيننا مطارا
مصطفى سند - ملامح من الوجه القديم
:ــــــــــــــــــــــــــــ
طال بعادك عن المنبر وحكاياتك لابد أن يقرأها الجميع
|
Post: #11
Title: Re: عاجل...إنذار نهائي لكلا من.....
Author: نادية عثمان
Date: 01-08-2009, 00:38 AM
Parent: #10
وحمدلله على روعة عودة يراعك الندي أنتِ كذلك يارقيقة الحرف والمشاعر أميمة
وكوني هنا دون إنقطاع لتعود شقيقاتك الجميلات جميعهن تلبية للنداء الطيب سمح؟
|
Post: #12
Title: Re: عاجل...إنذار نهائي لكلا من.....
Author: اميمة مصطفى سند
Date: 01-08-2009, 08:23 AM
Parent: #11
وجه السودان المشرق
نادية..
سعدت عندما قرأت "شهواتك" قبل فترة قريبة
وكنت جاية عليك بمهل لكنك سبقتيني
طالبة منك ما تغيبي مرة تانية
مودتي
|
Post: #13
Title: Re: عاجل...إنذار نهائي لكلا من.....
Author: Ishraga Mustafa
Date: 01-08-2009, 08:52 AM
Parent: #12
Quote: الوجد القديم..
إشراقتنا الحبيبة
كان وجهك الذي يطالعني كل صباح
دافعي للصمود والمواجهة
صوتك الحنون مشجعي للكتابة
أسألك...
هل تعبت فوانيس الكتابة؟؟ |
اميميتنا الجميلة....
الفوانيس كائن حى, يصيبها مايصيبنى
نتعب ولكن لا ننطفىء
متعبة فوانيسى
والبحر
وبينهما التمس ضجيج الطين ان يهدأ فى روحى... ربما!!
|
Post: #14
Title: Re: عاجل...إنذار نهائي لكلا من.....
Author: اميمة مصطفى سند
Date: 01-08-2009, 09:55 AM
Parent: #13
شروق
من حق البحر أن يتعب
لكن تظل الفوانيس تضيء نفوسنا
في انتظار طلتك الجميلة
|
Post: #15
Title: Re: عاجل...إنذار نهائي لكلا من.....
Author: اميمة مصطفى سند
Date: 01-08-2009, 10:00 AM
Parent: #14
سلمى الشيخ سلامة
كلماتك هادئة بسيطة
تحمل جواز مرور للقلب
حنين إليك وإلى قلمك
|
Post: #16
Title: Re: عاجل...إنذار نهائي لكلا من.....
Author: اميمة مصطفى سند
Date: 01-08-2009, 10:06 AM
Parent: #15
غادة عبد العزيز خالد
هدوء يتقاطع مع سكينة
هكذا نشعر ونحن نتابع
كتاباتك وطلتك التلفزيونية
|
Post: #17
Title: Re: عاجل...إنذار نهائي لكلا من.....
Author: عبدالكريم الامين احمد
Date: 01-08-2009, 10:17 AM
Parent: #16
دي بالذات يا اميمة انذريها انذار شديد اللهجة
وخليها تقعد في الترااااب ده ويومي تكتب وتقول
والا ح اجي انا ذااتي انذر معاك
تحياتي وتقديري لكل الاخوات وواصلي الانذارات دي وما تخليهم ابدا
|
Post: #18
Title: Re: عاجل...إنذار نهائي لكلا من.....
Author: اميمة مصطفى سند
Date: 01-08-2009, 10:34 AM
Parent: #17
يلا همتكم معاي يا عبد الكريم
وده بوست للجميع مش نون النسوة فقط
لكني بدأت بيهم لأنهم سكر المنبر
مودتي
|
Post: #19
Title: Re: عاجل...إنذار نهائي لكلا من.....
Author: حليمة محمد عبد الرحمن
Date: 01-08-2009, 10:54 AM
Parent: #18
Quote: لأحرفك..
رائحة عبقة تعطر دنيانا
لذعة سخرية تضحكنا وتبكينا
رجاء أوقظي الشمس من ثباتها
انفضي الرماد الذي يغطي وهج الجمرة
أكسري هدأة الليل وسكونه
عودي |
ده كلو لي انا.. امانة يا الشكر ماك سمح..
اها كوسي البجيبني تاني للمنبر...
ما بترضى الا بمعلقة عدييييل .. مطبوع على جوانبها..
specially Written for COOL Halima
ولا عزاء للحساد.. 
الغالية اميمة.. بدور اسولف معاك.. الا حلل الاسبوع راجياني..
وعربون اخوة (سابقة) اقدم ليك المادة الكتبتها زماااااااااان.. ومغستها مورماني لغاية هسع..
|
Post: #20
Title: Re: عاجل...إنذار نهائي لكلا من.....
Author: حليمة محمد عبد الرحمن
Date: 01-08-2009, 11:14 AM
Parent: #19
إلزامية الطبيخ وأشياء أخرى[
إن من أكثر الأشياء سوءاً عند أخواتنا (إياهن) الخروج في الصباح الباكر قبل المرور على فريزر الثلاجة لإخراج طبيخ آخر النهار..
أو حمل ذلك "الهم اليومي" إلى الجهة المقصودة (إياها).. أما إذا كانت الجهة المقصودة لا يتوفر بها أو بالقرب منها أي بقاله أو مطعم
لبيع الدجاج والأرز، لفك الزنقة.. تبقي دي مشكلة المشاكل..
بعيداً عن هموم الصحافة بمتابعة احدث المستجدات على الساحة المحلية أو الإقليمية أو الدولية، هناك الهم الأول للصحفيات ربات البيوت..
يا ربي الليلة نغديكم شنو؟
يا ربي الليلة تعشيكم شنو
يا ربي الليلة ما تاكلو سندوتشات في الغدا وتريحونا
يا ر بي الأكل دا كان خلوهو الزامي كبسولات بس ما كان احسن؟
يا ربي اناح اجن تاكلو يا شفع النهار ما طال.. وبرضو جيعانين..!!
يا ربي انا اسوي شنو في الافواه المفتوحة دي طوالى.. دايرة تلوك..
يا ربي.....انا ست بيت؟
يا ربي....موظفة؟
ياربي...مثقفة؟
ياتو من دا؟
ولا دا من ياتو؟
واحد؟ ولا ولا واحد؟
انا الوداني ذاتو اعرس شنو؟
يا داب بقيتي تسألى؟
تبدأ الشكوى بالطبيخ وتنتهي بالشعور بالظلم..
لست الشاكية في الجملة الأخيرة...
لكنني لا ابعد عنها كثير
على الأقل شكواها تستهويني..
يا ربي الوداها تتناطا وتقول دايرة تعرس شنو مادام متعلقة بشغلها كدا..؟
ـــــــــــــــــــــــــــــــــــــــــــ
يا اخوانا الزلزال ضرب باكستان؟
وفي انفجارات في لندن؟
وتاتشر في المستشفي.. النجهز لينا مادة عنها..!
والرئيس الفلاني قرب يموت، مؤكد قرب؟ طيب راجين شنو ما نجهز النعي من هسع..!
____________
في اليوم التالي...
يا اخوانا الراجل دا لسع مامات؟
لا والله.. "سوري ليكي"
لا حول.. مستني شنو؟
مستني يومو..!!
طيب دا ما بيخ لينا النعي...
النعي موش قاعد .. ما "تركبيهو " في الصحيفة في الوقت المناسب..
بس كتار ح يكونوا شاركوني الفكرة وجهزوا نعي كارب..
وفاتني السبق..
يا أخوانا تطير عيشتكم حتى في الموت بتدورو تتسابقوا..
الشيئ شنو؟
الشيئ ما ياها اكل العيش..
اول السبق دا بجي عُقُب الحادث؟
____________
بت بخيتة ماتت..
لا حول...
مالكم ؟
بت بخيتة ماتت..
يا ود اسكت,,وطي صوت الرادي
قلت شنو؟
بت بخيتة ماتت..
طيب الوداها شنو؟
وداها وين؟
هَيْ يازولة اتي ماك نصيحة ولا شنو؟
قلنا بت بخيتة بت ام حسين الحبوبتها الطرشاء بت عتمان ماتت..
فهمتي.. ولا نكتبها ونعلقها ليك جنب شاشة التلفزيون..
لا حولااااااااااااااااا... ماتت بتين؟
امس..
دي موش عرسوها الشهر الفات.؟
ما ضاقتو ولا قطعو رحطها..
طيب الكتلها شنو؟ ما الولادة؟
اها جابتو ليكُن شئ آخر..
عرسوها الشهر الفات في رأيك ..كتلتها الولادة هسع؟
انتي بتجمعي متين؟
سؤال وجيه..!
بعدما اخلص الطبيخ..
ــــــــــــــــ
حاشية:
*مالو العلماء ما اجتهدوا وخلوا الاكل دا عبارة عن كبسولات فئة 500ملم..
كبسولة وكوز موية تعادل وجبة.. بدل الطبيخ والقومة والقعدة؟؟؟
ولا عزاء للرجال والامثال..
|
Post: #21
Title: Re: عاجل...إنذار نهائي لكلا من.....
Author: عبداللطيف حسن علي
Date: 01-08-2009, 11:18 AM
Parent: #20
يا اميمة: باب الرجال بي وين؟
|
Post: #22
Title: Re: عاجل...إنذار نهائي لكلا من.....
Author: اميمة مصطفى سند
Date: 01-08-2009, 11:29 AM
Parent: #21
عبد اللطيف
بابنا واحد ما بنفرز
تقديري
|
Post: #23
Title: Re: عاجل...إنذار نهائي لكلا من.....
Author: اميمة مصطفى سند
Date: 01-08-2009, 11:36 AM
Parent: #22
الحبيبات الفي الخرطوم
انعام عبد الحفيظ
انعام حيمورة
بجيكم برواااااقة عشان ألم الماكنتوش
|
Post: #24
Title: Re: عاجل...إنذار نهائي لكلا من.....
Author: اميمة مصطفى سند
Date: 01-08-2009, 11:56 AM
Parent: #23
العزاز
زجاجة العطر المعتقة..
جيت لك أنشد حروف الدفا
جيت لك في شراييني وفا
أقبلت يمك حاملةالضي بسراج
أقبلت ولشوفتك حيل محتاجة
متكسرة الخطوة
وفيني الألم وهاج
أرض قست
وأرض أيبست
وأرض نست
وأرض كثير أتغيرت
ما أدري قست ولا ايبست ولا انست
ما عادت تحب المطر.. ولا الشعر
صالح الشادي
|
Post: #25
Title: Re: عاجل...إنذار نهائي لكلا من.....
Author: اميمة مصطفى سند
Date: 01-08-2009, 12:18 PM
Parent: #24
Omayma Alfargony
ما تبقي لينا زي هلال الشهر
|
Post: #26
Title: Re: عاجل...إنذار نهائي لكلا من.....
Author: سامى عتبانى
Date: 01-09-2009, 07:07 PM
Parent: #25
اميمه ازيك
نحن لينا الله وعيشة السوق
|
Post: #27
Title: Re: عاجل...إنذار نهائي لكلا من.....
Author: اميمة مصطفى سند
Date: 01-10-2009, 09:19 AM
Parent: #26
سامي
وينك؟؟؟؟؟؟؟؟؟
قلت الدور جاي عليكم
بس الشفقة نخليها لمنو؟؟
يلا لو عندك زول رايح من المنبر خش
"راجع الفيس بوك ضروري"
|
Post: #28
Title: Re: عاجل...إنذار نهائي لكلا من.....
Author: داليا حافظ
Date: 01-11-2009, 07:26 AM
Parent: #9
الحبيبة أميمة
كل سنة وانت أحلى
Quote: أنصتنا بانتباه
لكنك غافلتنا وصمت
|
لم اغافلكم ..ولكني غفوت ..تحركني الأشياء يا أميمة ..ولا أملك إلا انت أنتظر الحافز ..
لا تصدقي يا عزيزة أن اللذين يطرقون أبواب الأسرار لا يخافون ..ولو لحين .
لكن تأكدي أن دعوتك بمثابة حافز وأكثر .
محبتي
|
Post: #29
Title: Re: عاجل...إنذار نهائي لكلا من.....
Author: Mohamed E. Seliaman
Date: 01-11-2009, 07:30 AM
Parent: #28
أظنها لكل من.....
|
Post: #30
Title: Re: عاجل...إنذار نهائي لكلا من.....
Author: اميمة مصطفى سند
Date: 01-11-2009, 08:59 AM
Parent: #28
داليا
حسب الوعد
لا نزال في أماكنا
ننتظر حكاياتك
حبي
|
Post: #31
Title: Re: عاجل...إنذار نهائي لكلا من.....
Author: اميمة مصطفى سند
Date: 01-11-2009, 08:40 PM
Parent: #30
بت الشيخ
الاميرة
الخليجين عندهم مثل بيقول: "يا مطول الغيبات جايب الغنايم"
ترجعي لينا بالسلامة
سلمي على ناس بيتكم نفر نفر
|
Post: #32
Title: Re: عاجل...إنذار نهائي لكلا من.....
Author: اميمة مصطفى سند
Date: 01-11-2009, 09:00 PM
Parent: #31
ناهد بشير الطيب
يا أبنة الأدب
نثرت عطرك هنا
قرأنا عذب الكلام
توسدنا سردك ليلا
لنفيق باكرا والشوق
يدفعنا لقراءة المزيد
لكنك بخلت علينا بحضورك
وطلتك الجميلة...
أين أنت يا صديقة؟؟
|
Post: #33
Title: Re: عاجل...إنذار نهائي لكلا من.....
Author: ابوبكر يوسف إبراهيم
Date: 01-13-2009, 07:57 AM
Parent: #32
تحية للحرائر الماسكات بطهر الكلمة .. بعنفوان الحرف .. نبض الحياة .. ترياق وأمل وإسعاد .. رياض الأزاهر الجميلة .. كرنفال الألوان .. وخميلة عبق أريج الأزهار .. القرنفل.. والنرجس .. والفل.. والنسرين .. الخزامى
وكل روائع البسلتين وخمائل الرياض...
أنت الحالمة بكل الـرجال
الحابلة بكل الصبايا
تنامين جوعانة
كي يسـرق العتاة الصناديق
و الأعنـاق
و الأعـراض
تستيقـظيـن حافـية الرأس
كي يشرب الأسياد نخب عـرضك
و تصـمـديـن كي تحفـظين الـوجه
و الـدم الـمراق.
بيني وبينك جدا ر
أسسـنـاه من وهـم الـضـياع
والخبز الدائر بيننا والأغلال
فهبيني ذاتك
أفرمها عجينا
و خدي عظامي
بلليها بالطمي و اللظى
حتى نتكون
ونعيد للجرح طلاوته
و للخبز حلاوته
و للوطن مقامته.
|
Post: #34
Title: Re: عاجل...إنذار نهائي لكلا من.....
Author: عبدالكريم الامين احمد
Date: 01-13-2009, 11:08 AM
Parent: #33
هلا يااميمة
وعندي لستة بتاعة انذارات ضروري اديها في البوست بتاعك لناس كتابييييين لكن داسين روحهم وعاملين فيها رايحين
1-فيصل عباس
2-معصتم الطاهر
3-هاشم الحسن
4-سفيان نابري
5-ريهان الشاذلي
6-في زولة داسة روحها وبتطلع راسها مرات مرات اسمها نووون
7- وازبيلا برضها تستحق انذار نهائي بالكرت الاحمر
وبجيك تاني
|
Post: #35
Title: Re: عاجل...إنذار نهائي لكلا من.....
Author: اميمة مصطفى سند
Date: 01-13-2009, 11:20 AM
Parent: #34
كيكي
معتصم الطاهر عايز بوست مخصوص
كتب لي: أميمة سند
زولة وكاكاو الدم فيك
من رحم أبنوسة ونخلة ..
مين الأداك لقاح من ريق النحلة ..
تابعت معنا حلنا و ترحالنا ..
أخلفنا كثير من مواعيد لقائها
والله كأنها أختك التي شاقها فراقك
تعطيك من الحنين جرعات حتى تكاد تغرق فى عطفها ..
الله عليك وعلى ناسك الحلوين الجبتهم عندي هنا نوروا لي البوست وشرفني حضورهم بالاسم
ياريت يرجعوا للكتابة تاني.. وحقيقي كنت متابعة جيدة لهم قبل أنضمامي للكوكبة الرائعة..
مودتي...
|
Post: #36
Title: Re: عاجل...إنذار نهائي لكلا من.....
Author: اميمة مصطفى سند
Date: 01-13-2009, 11:31 AM
Parent: #33
دكتور أبو بكر
أحاول أن أبني
جدا ر للحب والفرح
أفتح نوافذ للضوء
لعل المسافرين في محطات الوحشة يتوحدوا
لنا عودة..
تقديري وامتناني
|
Post: #37
Title: Re: عاجل...إنذار نهائي لكلا من.....
Author: جعفر محي الدين
Date: 01-13-2009, 12:41 PM
Parent: #36
أها دى التحريض الإيجـــــــابي العايزنو نحن ذاتو
سيكون كافيا لهذا البورد لو أثمر هذا التحريض عن بوست واحد لكل أسم لامع ورد ذكره هاهنا
شكرا جميلا أميمة
|
Post: #38
Title: Re: عاجل...إنذار نهائي لكلا من.....
Author: اميمة مصطفى سند
Date: 01-13-2009, 12:55 PM
Parent: #37
جعفر محي الدين
الشكر الجميل لو عاودوا الكتابة من جديد
والشكر الجميل ليك
امتناني
|
Post: #39
Title: Re: عاجل...إنذار نهائي لكلا من.....
Author: ناهد بشير الطيب
Date: 01-13-2009, 01:12 PM
Quote: ناهد بشير الطيب
يا أبنة الأدب
نثرت عطرك هنا
قرأنا عذب الكلام
توسدنا سردك ليلا
لنفيق باكرا والشوق
يدفعنا لقراءة المزيد
لكنك بخلت علينا بحضورك
وطلتك الجميلة...
أين أنت يا صديقة؟؟ |
شكرا لك وانت تعملين مبضعك وتكتبين وتتفقدين كل من غاب
او غابت عن المنبر...... مساحات ركضك اليهم يااميمة كانت افقية الحضور
وتعلقك بنا... كان تصاعدى الاحلام بحنكة امطار لاتغادر
سحابتها الا بعد الاطمئنان على احكام اغلاق نوافذ العاصفة....فهنيئا لك بهم
وهنيئا لهم بك ....
اتمنى ان تكونى قد اطمأننت على بقية العقد من الغائبات والغائبين وان تكون
قد اصطحبت خفقات اجنحتك ... ابجدية الوصول اليهم ..............
شكرا امو ......
|
|