فضيلى جماع ,, محمد المرتضى ,, أسماء الجنيد ,, أين أنتم أيها الرائعين ,,

وحشتونا ,,

ياناس السلطنه أبحثوا عنهم وأفيدونا ,,

فى الليلة الظلماء يفتقد البدر

فعلا يا ابوكمال
وفيك البركة والله
هذا الثالوث الاتي من ارض عمان غابوا طويلا
وكل واحد فيهم يجسد روعة نكهة خاصة
واتمني ان يكونو بخير وعافية

Quote: فعلا يا ابوكمال وفيك البركة والله هذا الثالوث الاتي من ارض عمان غابوا طويلا وكل واحد فيهم يجسد روعة نكهة خاصة واتمني ان يكونو بخير وعافية

and more

صدقت ياياسر طيفور ,, فقط لو يعودون ,,

مرقتونا من لستة المبدعين .. قلنا امكن لى خير !

وهسه ياكمال تمرقنى من لستة الرائعين ؟
اها كمان الروعة بى قروش ؟ من جيبك ياخى ؟؟














ـــــــــــــــــــــ
استاهل انا ياكمال عشان قبل مدة كدا انت غبت
كلللل يوم الصباح اقول اجى افتح ليك بوست ! لكن
اتضح انو فى زول كاتبنى منو .. ما عرفتو لى منو؟

دينا خالد ,, كل سنه وإنتى طيبه وعام سعيد إنشاء الله ,, إنتى فى زول بيقدر يكتبك ؟؟
يلقى ( العلوق ) وين ,, ( طبعا حأعتبرك حنكوشه وما حتعرفى ( العلوق ) دى .
منو القاليك الروعه مابقروش يادينا ؟ ,, لكن أنا هنا فى البوست ده بالتحديد قصدت
الرائعون فى الارض ,,
أما بالنسبه لك سوف يكون البوست موجها للرائعين فى السماء , فما تستعجلى يأخى ,,








عارفو الزول منو يادينا بس خايفو يقوم يزعل ,, منى ,, ومنك ,, أزززعلو ؟؟

ياكيكى ,, ماقلت ليك المنبر ده فيهو فتله ,,
أتمنى معك أن يكونو بخير ,,

Quote: أما بالنسبه لك سوف يكون البوست موجها للرائعين فى السماء , فما تستعجلى يأخى ,,

بعد خرف إنشاء الله يا دينا

يا كمال اسالو ود شيقوق .... يجيب ليكم الخبر اليقين.


ويا ريت الاجابة تكون من الثالوث قبلا.

Quote: ياناس السلطنه أبحثوا عنهم وأفيدونا

,,

على لسان د. احمد القرشى محمد المرتضى فى طريقه من دبى الى صحار ( 200 كيلو من مسقط ) لحضور احتفالات الجاليه هناك بعيد الاستقلال والسهره مع عوض حمودى

الاستاذ فضيلى مشغول بالامتحانات والبحوث و المراجع فى جامعة نزوى ( تبعد عن مسقط 160 كيلو)

اما الاستاذ اسماء الجنيد فهى ايضا مشغوله فى احتفالات الجاليه بمسقط , والصور حتكون بعد ساعتين فى بوست احتفال الجاليه السودانيه بعيد الاستقلال

وكلهم بخير وعافيه

الاخ حيدر أمين ,, شكرا ليك وشكرا لدكتور أحمد القرشى ,,
والحمدلله كده إطمأنينا عليهم إنهم كويسين , الباقى إنو
يظهروا لينا ويغيروا الطعم واللون بتاع الصفحه الاولى دى ,,


تحياتى ياحيدر ,,

حسن طه ,, مساك زين ,, أكيد صاحبك ود شيقوق بكون عندوالخبر اليقين ,,

محمدالطيب يوسف ,, تحياتى ,,


يأخى حرام عليك ,, فهمك مشى بعيد ,,

ومعك ننادى

عودوا الينا ليكتمل الشروق



الشكر كمال سالم

الاستاذ كمال

كتر خيرك على السؤال يا الحبيب

هذه الكوكبة من اصحاب الاقلام المتميزة توارت عن المنبر لاسباب خاصة بها وقد تواصلنا معهم ووعدوا بالعودة .


لك يا العشاء اطيب المنى

معك أخي كمال نسأل

وننادي بعودتهم وعساهم بخير من نوائب الدنيا ومشاغل الزمن

الشاعر الكبير الدكتور تاج السر الحسن يكتب عن:

رواد السبعينات فضيلى جماع وعالم عباس !!

كلما قرأت لفضيلى جماع أو لعالم عباس الشاعرين السودانيين الناضجين ..أتذكر الصديق الراحل عبد الله حامد الأمين وشيخ الشعراء محمد مهدي المجذوب والصديق الدكتور حسن عباس صبحي- طيب الله ثراه- والصديق النور عثمان أبكر لقد تشكلت منهم اللجنة التي أشرفت على " المسابقة الشعرية" التي أقامتها وزاره الشباب في عام 1976 م حيث كان وزيرها في ذلك الوقت صلاح عبد العال مبروك ووكيلها حسن احد يوسف رجل التربية المعروف ...كان الأستاذ عبد الله حامد الأمين راعى " الندوة الادبيه" يعمل بالوزارة مشرفا على قسم الآداب والفنون أضافه إلى الأعباء الكبيرة الأخرى يباشرها بمكتبه في منزلهم العامر بحي البوسته " بأم درمان".
أعلنت الوزارة " مسابقه للشباب" في الشعر الفصيح وحددت كل الشروط اللازمة بما في ذلك السن وان يكون الشعر باللغة العربية الفصحى وللمتقدم حرية اختيار الشكل الذي يقدم به قصيدته سواء كان ذلك بالنظام التقليدي البيتى أو على نظام شعر التفعيلة الذي حقق الاعتراف به على نطاق الوطن العربي واهم مبدأ اتبعته اللجنة : إعطاء الشاعر مطلق الحرية في اختيار موضوعه وعملت اللجنة بمثابرة واختارت من آلاف المتقدمين للمسابقة عشره شعراء ..كان أولهم الشاعر عالم عباس وهو من دارفور وثانيهم " الصحيح ثالثهم" الشاعر فضيلى جماع وهو من كرد فان ..ذكر الأقاليم هنا في غاية الاهميه لما يضفيه على خارطة الشعر السوداني من مغزى رائع إذا عنى شيئا فإنما يعنى الاكتمال الثقافي على درجه ونطاق الوطن بأسره وقد كان للمعايير الفنية الدقيقة التي اهتدت بها اللجنة ، والبعد عن الطبل والزمر السياسيين والعمل الدءوب المتواصل لعده أسابيع قد أنجب لنا تلك الثمرة المشهودة نؤكد أن ذلك المثال من " المسابقات" وبتلك الحيدة والموضوعية لم يتبع للأسف فيما تلي من عهود.
وعالم عباس فضيلى جماع يمثلان قطاعيين جغرافيين متفردين في دلالاتهما الاثنيه والطبيعية ولاشك أنهما أضافا إبداعات جديدة وصور متميزة لحياه الناس والطبيعة في تلك المناطق وهذا في حد ذاته يعتبر انجازا قوميا على درجه قصوى من الاهميه مثلما حدث في مجال فن الغناء.
كانت المفاجاه سارة عندما التقيت بأحد الأصدقاء يحمل هديه قيمه من الصديق الشاعر فضيلى جماع هي عبارة عن كتابه النقدي " قراءه في الأدب السوداني " تمنيت لو كان عبد الله حامد الأمين وشيخنا المجذوب والدكتور حسن عباس صبحي في الأحياء ليحتفلوا بهذا الانجاز الكبير الذي كان نتاج غرسهم لربع قرن من الزمان لقد أتت تلك الشجرة الطيبة أكلها ليفيد ويغذى هذه المرة كل الأدب السوداني المعاصر بما قدم من نظرات وأراء صائبة ومضيئة في كل الأنواع الادبيه السودانية من شعر وقصه ورواية ما كتب منها بالعربية أو بالانجليزية نتجاوز هنا بعض نقاط الضعف أو ما يمكن أن يخالف فيه الكاتب هنا و هناك من أراء ليتهم لو شهدوا ذلك ...
يقول فضيلى جماع في مقدمه مؤلفه هذا " نحن لم نعلن عن بضاعتنا للناس فحتام نطالبهم بمعرفه تاريخنا وخارطتنا الثقافية .. إننا نعيش في عصر الإعلام حيث يستحيل أن تجد أمه وجهدها طريقها إلى النور إن لم تدفع بها أقلام تلك الامه ووسائل نشرها إلى الآخرين .. ولاينبغى علينا أن نتوقع من الآخرين أن يجهدوا أنفسهم في البحث عن تفاصيلها ومن هنا بدأت فكره هذه المقالات" الكتاب مجموعه مقالات" وهى بذلك أشبعت في نفسي رغبه أكيده في المطالعة وإبداء الراى في الرث والحاضر الثقافي لامتى فأعملت فيه جهدا متواضعا يتفاوت بيه تاريخ النقد وتاريخ الأدب..
لقد وصف الناقد فضيلى جماع جهده بالتواضع ولكننا نعرف تماما تلك الظروف الصعبة التي مر بها الكاتب ومع ذلك قدم مقالاته هذه التي استوعبت الأدب السوداني والنقد في تاريخهما الذي يزيد على نصف قرن كما تناول – من كتبوا بالعربية ومن كتبوا بالانجليزية – لاشك انه جهد كبير.
فالجزء الأول من كتاب" قراءه في الأدب السوداني" يدرس الفترة من الثلاثينات حتى الثمانينات من هذا القرن اى ما يقرب من نصف قرن كما اشرنا كما خلت صفحاته- إلا لماما- من أعمال الطيب صالح ودوره في الرواية السودانية والعربية كهرم لا يمكن تجاوزه..
إن كتاب قراءه في الأدب السوداني كما خطط له فضيلى جماع يتكون من قسمين: صدر القسم الأول فيما اشرنا إليه في الفقرة السابقة أما القسم الثاني الذي هو تحت الإعداد فيتناول كتاب سودانيين كتبوا بالانجليزية أمثال تعبان لوليو نق والفريد تعبان وفرانسيس دينق مجوك وسرناى كوليلجانق وبونا ملوال ومحمد عر بشير وإدريس البنا وحسين مأمون واسحق محمد الخليفة شريف و آخرين..
لاشك أن ترجمه ما ألفه بعض السودانيين بالانجليزية إلى اللغة العربية اكتمال لابد منه وطرح للفكر السوداني يكشف عن أبعاده القومية ويساعد على خلق جو فكرى موحد يتيح تبادل الرأي ويعمق من نتائج الجدل بين مثقفي الامه يذكرنا ذلك بالترجمات من اللغة الفرنسية إلى العربية لأعمال قدمها طه حسين لاشك أن تلك الترجمات قد ساعد في توضيح أبعاد فكر الدكتور طه حسين.
إن الباحث الشاعر فضيلى جماع الذي يجيد لغتين أجنبيتين الانجليزية والروسية قد اتسعت دائرة منهجه لتشمل كل تاريخ الأدب السوداني في اللغات التي كتب بها وفى مراحله التاريخية المختلفة وأنواعه شعرا ونثرا والعوامل التي أدت إلى تطوره في الشكل والمحتوى شمل ذلك القصة والرواية والمسرح والعلوم في تناوله للشخصية السودانية الفذة التجانى الماحي.
أشاد فضيلى بأدباء سودانيين بارزين مثل محمد مهدي المجذوب وجمال محمد احمد وجيلي عبد الرحمن ومحمد الفيتورى وغيرهم.
لاشك أن هذا الكتاب بقسميه الذي صدر والأخر الذي سيصدر قريبا وما سوف يدور حوله من جدل له أو عليه سيكون أضافه علميه جادة لحركه الإبداع والنقد السودانيين ولابد من العودة إليه مره أخرى لبسط الكثير من أرائه الجريئة الناضجة المغتنية بأحدث ما قدمته حركه النقد الحديث ولنحى من صفحه " فكر وإبداع " أولئك الرواد الذين أسهموا في الكشف عن رواد السبعينات عالم عباس فضيلى جماع وعلى رأسهم الأستاذ عبد الله حامد الأمين وشيخ الشعراء محمد مهدي المجذوب ولمثل ذلك فليعمل العاملون..
المصدر:
صحيفة الأيام السودانية
العدد 8020
الثلاثاء 12 أكتوبر 2004

يعني يا محمد الطيب كمال سالم (قَرَض) دينا ولا شنو؟

شكرا أحمد الامين على هذا الدعم التوثيقى لهذا البوست ,,

الشاب الانيق الطيب شيقوق ( طبعا الكلام ده بعد ماشفت الصور ) ,,
أتارى الجماعه حاسدينك ساكت ياالطيب على الوجاهه دى .
يأخى والله الجماعه ديل إفتقدناهم شديد وقلنا إنشاء الله مايكون عندهم
عوجه , لكن الحمدلله إنتو طمأنتونا عليهم , بس قوليهم أصلو الطمام
حاصل فى الملجه دى , لكن ماتقاطعوا ,, عليكم بمص الليمون ومواصلة
الكتابه . تحياتى ياود شيقوق وكل سنه وإنت طيب ,,

شكرا ياهند ,, وأكيد أى واحد جاء إلى هنا بكون الجماعه
ديل وحشوه ,, وبالطبع أنت منهم ,, تحياتى ,,

مولانا حسن

اصبروا انا مترقب تحركات شيخ العرب فضيلي والاستاذ مرتضى اكان ما جوكم بالحسنة بدودرهم ليك عكاز سااااااى

كمال اللذيذ كيفك انت

Quote: الشاب الانيق الطيب شيقوق ( طبعا الكلام ده بعد ماشفت الصور ) ,, أتارى الجماعه حاسدينك ساكت ياالطيب على الوجاهه دى .

مش كدا واحمد الشايقي جاء جاري قال لي فيك دم شوايقة قلت ليهو فعلا امي جدها شايقي

Quote: يأخى والله الجماعه ديل إفتقدناهم شديد وقلنا إنشاء الله مايكون عندهم عوجه , لكن الحمدلله إنتو طمأنتونا عليهم , بس قوليهم أصلو الطمام حاصل فى الملجه دى , لكن ماتقاطعوا ,, عليكم بمص الليمون ومواصلة الكتابه . تحياتى ياود شيقوق وكل سنه وإنت طيب ,,

يا اخي ربنا يخليك وده نبل ووفاء لا يتوفر الا لدى القلة من الاداميين والله يا كمال انت فعلا افتقدت اقلام واخت واخوان يعتز ويتشرف الواحد بصداقاتهم .

فضيلي يا كمال انسان بسيط ومتواضع ولكن عندما يتحدث تتمنى الا يسكت اطلاقا

المرتضى - ده حاجة تانية الكل يعمل الف حساب لدى التعامل معه لا لانهnot approachable (غلبتني بالعربي) بل لانه انسان مرهف الاحاسيس والمشاعر (انسانيا) وذكي ومصمم تصميم الاهي يجعله يتنافر مع اى ايقاع يخرج عن المجرى العادي لطبائع الاشياء . يعني لو في كلمة في المجلس فيها مشاترة بيكون ليك زى وردى مع ايقاع الاوركسترا بتاعو يروح مهتز من اخمص رجليه لشعرو فوق .

اما سوما

الله يخليها ويحفظها وما بكتر الحكي

Quote: Quote: فعلا يا ابوكمال وفيك البركة والله هذا الثالوث الاتي من ارض عمان غابوا طويلا وكل واحد فيهم يجسد روعة نكهة خاصة واتمني ان يكونو بخير وعافية and more

and more tooooooooooooooo





شول اشوانق دينق

أحبابي: كمال سالم، عبدالكريم الأمين ، ياسر طيفور، دينا خالد، محمد الطيب يوسف ، حسن طه، حيدر امين ، هند محمد، الطيب شيقوق، زهير محمد ، احمد الامين احمد ، محمد فضل الله المكي ‘ شول اشوانق دينق.. ليس أحلى وقعا على القلب من أن ينادي أحدهم على رؤوس الأشهاد: (أين يا قوم فلان؟ لعله بخير؟ ) زارتكم العافية وتصحبكم المسرات في حلكم وترحالكم.
انقطاعي عن البورد طيلة الشهور الماضية ليس أنفة ولا تعاليا على أحد. من أنا حتى أمنح نفسي حق إنكار غيري في التعبير عن ذاتهم في أي منبر كان؟ نعم.. كثر الغث في المنبر؛ وأقلنا إنصافا يمكنه أن يدلي بنصف الحقيقة ليقول ما قلت. لكن هذا مبرر لكي نكون كلنا هنا.. نعطي ونأخذ. نتحاور ، نتشاور ، ندور ونلف لكن دون أن نقول للآخر المختلف ما يؤذيه أو ينكر عليه أنه يقول ما يؤمن به. ولعل أجمل ما في حوش المهندس بكري أنه جمع فأوعى.
لا.. لم يبعدني عن مطالعة سودانيز اونلاين إلا شواغل الحياة وزحمتها. شغلت بالتدريس من أول سبتمبر حتى يوم أمس في جامعة بسلطنة عمان الشقيقة. أحمد الله أنني أحب عملي الجديد..لكن يشهدالله أن العمل هنا يأخذ مني وقتي ووقت أسرتي. هذا البوست مثلا لفت نظرى إليه الحبيبة (أم شيراز) من لندن. تقول لي: يسأل عنك بعض قرائك في سودانيز أونلاين. أظنك لم تقرأها منذ فترة! وقتها كانت الجامعة في حمى امتحانات -أجاركم الله من بلواها! اليوم فقط انصرفت إلى تعليقاتكم خفيفة الظل. في طريقى إلى (بلاد تموت من البرد حيتانها) كما جاء على لسان مصطفى سعيد، بطل رائعة روائينا العالمي الأستاذ الطيب صالح. في طريقي صباح غد إلى لندن لقضاء عطلة قصيرة مع الأسرة. ربما يسعفني الوقت للدردشة معكم من هناك. ويا ناس قطر الحلوين..لا أريد أن أسبق الأحداث لأذيع خبرا يخص محبي الكلمة الجميلة تركته لدى الشاب الأنيق كمال سالم الجعفري (وحكاية شاب دي افتكر رفعت المعنويات كتير يا أبوكمال)!!
الباحث والأديب احمد الامين..شكرا على ارشيفك الذي ربطني بمقال الدكتور الشاعر تاج السر الحسن عني وعن توأم شعري عالم عباس .

شيخ العرب ابو شيراز

Quote: في طريقي صباح غد إلى لندن لقضاء عطلة قصيرة مع الأسرة

افو افو يا شيخ العرب بقيت تجي ماشي فينا سايرين ساااااااااى - بطلاق ياهو البيع ذاتو

ربنا يوصلك بالعافية والسلامة وبلغ تحاياي وتحايا جميع ناس مسقط للاخت الزعيمة ام شيراز واولادها الميامين

Quote: افو افو يا شيخ العرب بقيت تجي ماشي فينا سايرين ساااااااااى - بطلاق ياهو البيع ذاتو

لو صبرت لي شوية كنت قلت ليك جاييك إنت وأبو السارة علشان تودوني المطار وأسيب السيارة طرفكم. جاييك من نزوى عشية اليوم يا شيخ العرب ..بس جهز الشاي والحكاوي.

شيخ العرب ود جماع

Quote: لو صبرت لي شوية كنت قلت ليك جاييك إنت وأبو السارة علشان تودوني المطار وأسيب السيارة طرفكم. جاييك من نزوى عشية اليوم يا شيخ العرب ..بس جهز الشاي والحكاوي.

هيييييييييييع ام شراز والله عافي منك دنيا واخرة زولك انا عارفه اكان ماشي فينا حوفة ساى لكن اديتيهو المشهاد انت

ابشري بالخير نعشيهو ليك سمك وندخل ليهو العربية السمحة في المظلة لما يرجع يلقاها نضيفة وباردة ونوديهو المطار سيرة شايلين ليهو الزوادة وما نفكو ليك علا في شباك المغادرة .

بس زولك عيبو مرات يكون قاعد معاك وسارح بعيد مع خيالهو انا فهمتو طاب دى بتكون ساعة نظم القصيد ما بشاغلو فيها .