بيان صحفي من الهيئة الشعبية لتنمية وتطوير ارض النوبة

بسم الله الرحمن الرحيم
الهيئة الشعبية لتنمية وتطوير أرض النوبة
-بيان صحفي –
تجاوزاً للاطر التقليدية المتبعة في الهيئات الشعبية لاحداث نقلة نوعية وواقعية تعتمد على الدراسة والتمحيص للحصول على المعلومات المتعلقة بكافة قضايا أهلنا في أرض النوبة اختارت اللجنة التنفيذية للهيئة مجلساً إستشارياً في المجالات المختلفة من أبنائها تداولت في إجتماعات عديدة كل مايهم أهلنا المقيمين فيها والعمل على تهيئة الظروف الاقتصادية توطئة لعودة الآلاف من أبنائنا في دول المهجر للاستقرار بين ذويهم والاستفادة من خبراتهم وتجاربهم وتسخيرها في الاستثمار الزراعي والصناعي.
كما استعرضت مشاريع السدود المقترح إقامتها في المنطقة وما اعتري طريقها من صعوبات ومشاكل أدت الى تفاقم الامور وتعقيدها وربما يؤدي الى فتوق في النسيج الاجتماعي نتيجة لاختلاف الآراء حولها بسبب نقص في المعلومات والبيانات وقصور في التعامل مع المواطنيين بشفافية مما ادي الى هذا الموقف المأزوم وتصعيد قاد لاستشهاد بعض أبنائنا إزاء هذا الموقف فقد رات الهيئة أن تبدأ في مهامها إنطلاقاً من مسئولياتها نحو أهلها ودراًء لمخاطر قد تحدث ونفقد فيها الكثير وعليه فأن الهيئة تنادي بمنظور وطني يراعي المصالح العليا للمنطقة بلآتي :-
(1) ضرورة تحريك الملف القضائي بمايضمن تحقيق العدالة.
(2) المشاريع التنموية تستحق التضحيات الجسام والتنازلات الكبيرة من أجل المصالح العليا والتنمية هدفها الانسان ولايمكن إحداث تنمية تقوم على ظلم الانسان.
(3) ضرورة الحوار الشجاع بصدق النوايا الطيبة.
(4) الوضع في الاعتبار تجارب السدود السابقة في بلادنا بالتأمين على إيجابياتها ومعالجة السلبيات.
(5) الدعوة الى قيام ورشة تستجلي كل الحقائق والمعلومات ونتائج الدراسات التى اعدت في جميع مراحل المشروع يشارك فيها المختصون في المجالات الهندسية والاقتصادية والزراعية والقانونية ونشطاء في التراث النوبى وإدارة السدود وحكومة الولاية الشمالية وممثلين لمختلف المناطق نحدد من خلالها مستقبل هذا المشروع.
ختاماً لابد من ان نذكر بضرورة التماسك والتعاضد والوحدة لتحقيق الاستقرار والتنمية.
والله ولي التوفيق ،،،
إعلام الهيئة
التاريخ : 7-1-2009م

الاخ عمر تحياتي...

صدق قريت البيان واتخيلت المكتوب فيه قبل افتحه ولقيته زي ما هو...

الهيئة الشعبية دي بتلف وتدور في شنو؟؟؟
ما تجي بالواضح كدة وتريحنا وتريح روحها...
تخت لينا رأي واضح عديل في قضايا السدود دايرنها ولا ما دايرنها...شنو تغليف الكلام والمصالح العليا والقيامة الرابطة البتكلموا عنها دي...ما بعرف مشاريع تنموية وتضحيات جسام وما عارف شنو
شهداء كجبار كتلوهم امس ولا الليلة ما الموضوع ليه اكتر من سنة ونص جاية الهيئة الشعبية تطالب بالمحاكمة...امشو وتعالوا شوف الملف ده قاعد وتعالوا نوروا الناس لو بتقدروا ...اي زول ماشي في الواطة كان نوبي ولا فلبيني بدين القتل وبطالب بالمحاكمة
والمشاريع التنموية تستحق التضحيات الجسام والتنازلات الكبيرة انشاء الله قاصدين بيها السدود...لو قاصدنها قولوا موافقين وبلاها كلام غياب المعلومة لانو كلامكم ده معناه انكم موافقين بالسدود كان في معلومة ولا مافي معلومة.

والحوار الشجاع ده حيكون مع منو وفي شنو يا هيئة يا شعبية؟؟؟



لا للسدود...لا لبيع الارض مهما كانت الاسباب والمصالح العليا...فالمصالح العليا نحن ادري بها مادام قلتو انو التنمية للانسان

تحياتي وودي

Quote: صدق قريت البيان واتخيلت المكتوب فيه قبل افتحه ولقيته زي ما هو... الهيئة الشعبية دي بتلف وتدور في شنو؟؟؟ ما تجي بالواضح كدة وتريحنا وتريح روحها... تخت لينا رأي واضح عديل في قضايا السدود دايرنها ولا ما دايرنها...شنو تغليف الكلام والمصالح العليا والقيامة الرابطة البتكلموا عنها دي...ما بعرف مشاريع تنموية وتضحيات جسام وما عارف شنو شهداء كجبار كتلوهم امس ولا الليلة ما الموضوع ليه اكتر من سنة ونص جاية الهيئة الشعبية تطالب بالمحاكمة...امشو وتعالوا شوف الملف ده قاعد وتعالوا نوروا الناس لو بتقدروا ...اي زول ماشي في الواطة كان نوبي ولا فلبيني بدين القتل وبطالب بالمحاكمة والمشاريع التنموية تستحق التضحيات الجسام والتنازلات الكبيرة انشاء الله قاصدين بيها السدود...لو قاصدنها قولوا موافقين وبلاها كلام غياب المعلومة لانو كلامكم ده معناه انكم موافقين بالسدود كان في معلومة ولا مافي معلومة. والحوار الشجاع ده حيكون مع منو وفي شنو يا هيئة يا شعبية؟؟؟ لا للسدود...لا لبيع الارض مهما كانت الاسباب والمصالح العليا...فالمصالح العليا نحن ادري بها مادام قلتو انو التنمية للانسان تحياتي وودي

والله ياخوي قمربوبا

ما كنت عايزك ترد على الزول دا وترفع البوست دا من اساسو
انهم قوم ربش ويحلمون
تنمية شنو وهيئة شنو الله لا وفقهم مجموعة اللصوص دول
هؤلاء مكاتبهم مفتوحة في عمائر الخرطوم من كام سنة ولا تنمية مرت على النوبة ولا شافوا المنطقة النوبية..
قال زواج جماعي قال
بالله دا من ضمن التنمية الموعودة؟؟؟
المهم بقدر الامكان لا ترفع البوست دا

هيئة شعبية قال .....

دى مش هيئة الاسمو منو.... مهندس بخيت خيرى

ياخى ده كوز اكتر من الكيزان وانسان نفعى لا غير ومعة مجموعة من التائهين و الفارغين

جلست معهم عدة مرات لكى افهم اهدافهم ولكن للاسف لا يعرفوا ماذا يريدون بالضبط من هيئتهم هذة عدا السعى وراء مصالحهم الضيقة

اعرفهم فردا فردا....هؤلاء يا رعاكم الله لا يعرفون غير التمسح بقيادات نافذة فى مؤتمر الجن ده

و الاخ بخيت يذكر الندوة التى اقيمت فى النادى النوبى عام 2006 على ما ا ذكر فى حضرة مجذوب الخليفة الذى اتى فقط للاستهزاء بالنوبيين.

تى الناس من كل حدب لكى يستمعوا عن مستقبلهم فى هذا الوطن المنكوب ولكن طفق المهندس بخيت فى سرد قصة موسى عليه السلام حتى مل الحضور..


لنا عودة

بالله!
ديل الناس الجابوا الناس من الشمالية للعرس الجماعي وزاغوا منهم في النادي النوبي؟؟
كان كدة هم ناس الربّات والحفلات بتوع تكريم النابغين برضو؟
ديل مش كان اسمهم رابطة حلفا السكوت المحس وقالوا دنقلا ما معانا؟؟؟
غيروا اسمهم متين؟؟وما كلموا الناس بالسماية

صدق الناس ديل ما براهم بتكون جاتهم قريشات قالوا يدوروها في بيان صحفي..
.
.
معليش يا زمرواي...نرفع البوست عشان الباقين يخشوا برضو